教育王國
標題: repeat 定轉校? 求意見 [打印本頁]
作者: Chunyan 時間: 19-5-3 14:01 標題: repeat 定轉校? 求意見
本帖最後由 Chunyan 於 19-5-3 15:23 編輯
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學, 中一讀得不好, 勉強升到中二, 中二更差, 全級尾三, 見家長老師說他行為上沒問題, 算乖, 上課表現算一般, 但真的想不到為何成績這樣差.仔很喜歡這學校, 也很喜歡他的同學和老師. 我就一般。
班主任說很大可能要留班, 我接受留班, 和仔傾了, 留班和轉校他都可接受, 但比較傾向留班, 現校校風是不錯的, 如果可以比多一年時間他,追到都可能不是壞事, 有朋友建議轉一間容易點的學校, 轉校可能會讀得輕鬆和有自信, 我覺得肯讀去那裡都讀到, 不努力去到邊都沒用,
我和仔傾了成績退步的原因:
1.他覺讀書沒趣味; 甚至討厭
2.沒有目標, 不想讀書, 不想升大學
3. 放手太多,我小時跟得很足,中學不願我比我跟, 現在多些補習
4. 不能面對失敗; 壓力大;
5. 打機(他都自願回家後交出手機);
6. 青春期情緒不穩定 (曾經有離家出走, 他是收埋自己的人);
我問過很多人,有不同意見:
1.順其自然, 青春期, 等他自己開竅, 迫都沒用, 就算讀書不成也不算什麼, 不須做想太多
2, 支持留班, 比時間他追下
3. 反對留班, 有朋友說有些Band 1 中為了有好DSE成績, 比壓力成績不好的,迫要留班,但這些留班被看不起,結果都沒有大改善, 只會頹下去
4. 支持轉校, 先建立自信, 上年試過報插班Band2 都不收, 看來要轉都只可以試Band3,
5. 反對轉校, 降低標準就自己不好, 要重新適應, 而且有科目可能改為中文, 重新適應
6. 支持轉校+留班 , 重新開始, 比時間適應
不知如何是好, 求意見, 再考慮
作者: anitawong21 時間: 19-5-3 15:24
Chunyan 發表於 19-5-3 14:01 
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...
Band 2應該唔肯收，有冇考慮過國際學校？或者去外國讀寄宿學校，有D寄宿學校臨瞓之前會收手機
作者: Yanamami 時間: 19-5-3 15:43
本帖最後由 Yanamami 於 19-5-3 15:48 編輯
同仔都傾过成績唔好原因……应該同父母仲算有偈傾？知道原因，但佢明白後果？如果佢唔想讀U, 会唔会对其他乜野有兴趣發展－技之長去維生？起碼要好好地安份守己完成中三去VTC? 佢明白路会难走d? 其實能力上有無问題？係英文教学跟唔上？轉中文会否好d? 佢情願留班定轉校？禁大个仔同佢商量下~其他人支持或反對無意思，佢禁大个要知佢諗法｡唔讀U，唔鍾意讀書，起碼都年年升班到中学畢業有張證書穩妥d, 起碼有33222考警察都好吖……叫佢長痛不如短痛忍多幾年畢業。
作者: 小黃豆B 時間: 19-5-3 18:02
其實會唔會係上中一適應唔到，然後選擇逃避。我留意到你說的第四點，有d小朋友係小學時成績好係學校受人注目，但一上到band 1中學，入面最差個個都一樣係band 1，一下子接受唔到變返平凡甚至成績差既人，又唔知可以點樣做，於是就產生好多籍口俾自己棄權。
作者: Chunyan 時間: 19-5-3 18:21
回覆 anitawong21 的帖子
國際學校沒有考慮過, 外國升學更大改變
作者: Chunyan 時間: 19-5-3 18:30
回覆 Yanamami 的帖子
同父母仲算有偈傾, 仲幾好關係, 同佢解釋後果,佢都明白後果, 但都沒決心改善 ,其實能力應該可以跟得到, 他本身英文算不錯的, 英文教学跟得到, 佢情願留班, 我想比多些其他人意見給他參考, 最後他決定｡
作者: Chunyan 時間: 19-5-3 18:32
回覆 小黃豆B 的帖子
我都有這感覺, 中一適應唔到，然後選擇逃避, 但到現在一下子追不到.
作者: Yanamami 時間: 19-5-3 18:45
Chunyan 發表於 19-5-3 18:32
回覆 小黃豆B 的帖子
我都有這感覺, 中一適應唔到，然後選擇逃避, 但到現在一下子追不到. ...
作者: cf1126 時間: 19-5-3 21:11 標題: 回覆樓主:
試試創知或香島
作者: elbar 時間: 19-5-3 21:36
Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...
或試 銀禧、丘佐榮、蒙民偉、呂郭碧鳳、可立。
作者: 小黃豆B 時間: 19-5-3 22:37
Chunyan 發表於 19-5-3 18:32
回覆 小黃豆B 的帖子
我都有這感覺, 中一適應唔到，然後選擇逃避, 但到現在一下子追不到. ...
上到中學，學術上應該要放手，我成日講笑難道他日讀大學仲要我教你做功課，反而到左青春期，點樣引導佢地自己思考去找出路先最重要。
我兒子今年升中，學期初都問過我當初點解唔揀xx學校俾佢，我問佢點解，佢話個間band低d咁咪容易d考第一，佢以前小學同班差佢一截都可以名列前矛，佢依家間學校d勁人佢連車尾燈都望唔到，我笑話咁佢應該子承父業去我以前間band5(等於現band3c)中學，咁佢日日打機都應該可以考第一，然後我問佢咁樣第一有咩意思? 難得現在有機會見到叻人，應該好好學習人地長處去改進自己。
作者: cf1126 時間: 19-5-3 23:21 標題: 回覆樓主：
本帖最後由 cf1126 於 19-5-3 23:22 編輯
嘗試找駐校社工去疏導他心中的障礙，去除心中負面的情緒，多做些他喜歡的運動可產生愉快積極情緒，引發他的鬥心，希望他能盡力考試，不用留班。
作者: kawaii1128 時間: 19-5-4 22:02
可能是小學本身程度不夠, 而上中學後家長太快放手.
Repeat 不是壞事, 第一要務是讓孩子重拾自信.
孩子不是學壞, 肯和父母好好商量便好.
呢個難關一家人一起面對, 一起努力吧!
共勉之.
作者: losir0227 時間: 19-5-5 05:15
重點是沒有目標。
先和他訂好想要的目標，下一步才能講經過要如何達成。
留班比轉校好，尤其他喜歡學校，也清楚問題並非出在學校。
作者: imVictormama 時間: 19-5-5 15:43
校風好好緊要，尤其中學，再大啲，佢唔肯同父母傾，朋輩影響好緊要。如果學校校風好，佢又中意，就冇謂轉新環境。
同埋要留班某程度反映佢基礎唔好，咁點解唔打好基礎先再升班呢
作者: aminafy 時間: 19-5-6 09:38
其實你個仔肯同你坐低傾，係一件好事。你話佢覺得讀書冇趣味，冇目標，不想升讀大學，既然係咁，可唔可以同佢傾下，有冇一樣野佢特別喜歡? 如果有，讀埋中三就去VTC向該方面發展，變相佢有個目標，覺得讀完中三 (只是讀多一年)佢就會讀一啲自己喜歡嘅嘢，唔會好似無底深潭咁讀到中六。當然，佢今年成績都不能太差。
正如你所說，學校校風不差個仔自己又鍾意，我會建議留班，首要條件係，個仔自己接受。
作者: Chunyan 時間: 19-5-7 07:36
回覆 aminafy 的帖子
謝謝上面大家的建議
作者: 王家爸爸 時間: 19-5-7 09:59
本帖最後由 王家爸爸 於 19-6-10 14:28 編輯
Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...
1.他覺讀書沒趣味；甚至討厭
一般情況係：因為跟唔上，所以覺得讀書無趣味；覺得無趣味，會更差，所以變咗討厭。
解決方法：先跟上，所以留班係一個可行選擇，但係需要注意（1）同校留班既負面影響，（2）留班之後點樣重拾信心。
其他問題都可能同第一個問題有關，所以先睇吓解唔解決到第一個問題。
作者: 王家爸爸 時間: 19-5-7 10:22
Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...
1.順其自然，青春期，等他自己開竅，迫都沒用，就算讀書不成也不算什麼，不須做想太多
我既評論：基本上係鴕鳥政策，忽視問題唔代表問題唔再存在，正視問題先係解決方法。其他人可以逃避，家長無得逃避。
2, 支持留班，比時間他追下
我既評論：留唔留班其實唔係重點，重點係追。問題係點樣令佢留班之後會追。
3. 反對留班，有朋友說有些Band 1 中為了有好DSE成績，比壓力成績不好的，迫要留班，但這些留班被看不起，結果都沒有大改善，只會頹下去
我既評論：同校留班真係有可能有心理上既問題，所以如果同校留班，重點係點解決心理上既問題。另外一個考慮因素係，必須接受現實，小朋友其實已經唔係Band 1 中，可能已經係Band 2 中，甚至更低。
4. 支持轉校，先建立自信，上年試過報插班Band2 都不收，看來要轉都只可以試Band3
我既評論：轉校，先建立自信，表面上係最好既，但係執行上比較有挑戰性。其實轉唔轉校其實唔係重點，留唔留班先係。
5. 反對轉校，降低標準就自己不好，要重新適應，而且有科目可能改為中文，重新適應
我既評論：轉唔轉校其實唔係重點，留唔留班先係。如果小朋友既程度已經係Band 2 中（甚至更低），唔留班只會差距越來越大。
6. 支持轉校+留班，重新開始，比時間適應
我既評論：應該係比較可行既，問題係小朋友既差距已經比較大，有無學校會收？正如你所講，插班 Band2 都唔收，又無理由去更差既。
作者: mch411 時間: 19-5-8 11:41
讀書冇趣味係另有興趣定逃避責任 ?
另有興趣就同佢追夢向興趣發展,
逃避責任就叫佢讀到16歲夠合法年齡去打工比家用
作者: 樹熊MA 時間: 19-5-10 10:56
Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...
作者: joecbobo 時間: 19-5-10 11:58
樹熊MA 發表於 19-5-10 10:56
我想法比較大膽，建議不轉校也不留班，趁暑假搵老師一對一追成績。你阿仔上得B1直資，基礎應該唔太差。雖然 ...
作者: mcl203 時間: 19-5-10 16:45
樹熊MA 發表於 19-5-10 10:56
我想法比較大膽，建議不轉校也不留班，趁暑假搵老師一對一追成績。你阿仔上得B1直資，基礎應該唔太差。雖然 ...
似乎，留班與否並非學生或家長可以決定～～～
作者: chunchunpa 時間: 19-6-9 18:13
本帖最後由 chunchunpa 於 19-6-11 15:53 編輯
elbar 發表於 19-5-3 21:36
或試 銀禧、丘佐榮、蒙民偉、呂郭碧鳳、可立。
人地band2學校都試過唔得, 好難理解" elbar "為何推介人以上中學 ?? 請分享一下.
起碼銀禧、丘佐榮 一定唔會收.
http://dse.bigexam.hk/zh-hk/ssp/school/123
http://dse.bigexam.hk/zh-hk/ssp/school/134
作者: ericby 時間: 19-6-10 10:09
repeat
作者: 王家爸爸 時間: 19-6-10 14:33
樹熊MA 發表於 19-5-10 10:56
我想法比較大膽，建議不轉校也不留班，趁暑假搵老師一對一追成績。你阿仔上得B1直資，基礎應該唔太差。雖然 ...
作者: Band5 時間: 19-6-16 11:51
回覆 Chunyan 的帖子
我覺得只要小學基礎唔差（band1B)，語文唔差，成績跟唔上嘅原因，好大可能係未搵到學習興趣同自信問題，開始時遇到困難，成績比其他同學差，慢慢就開始抗拒，只要解決得到，要短時間追返中一中二兩年成績其實唔會太難。
我嘅建議係要先搵番學習興趣同自信，可以試下訂個好細嘅目標，例如2個月，甚至2個星期，目標要集中，只要求3科（方便將來DSE選科），甚至先以一科做嘗試（成功後先至追其他科），每科只揀選一兩個topic，搵個好嘅補習老師，同佢重新學習（當由零開始），唔好要求佢識做作業同考試卷，只可以要求佢明白了解內容，唔好操練，只可以用同佢傾計形式睇佢明唔明白，例如數學，唔駛佢計答案，只問佢計算方法，歷史就只要佢講得出重點，答得到就俾多啲稱讚，如果佢覺得題目唔難，自己都明白，興趣同自信都可能會返嚟，呢個時候如果佢唔抗拒嘅話，先至可以俾佢試做作業同試卷！一兩個topic得嘅，其他嘅topic應該都會可以，那時候只需要嘅只係時間問題！
我建議趁著今日父親節，同佢傾下，要求佢用2個月或2個星期嘅時間（當然係考完試後）當做父親節禮物，只需要佢下決心去嘗試同肯用心聽補習老師講，完咗之後再檢討，無論任何結果都支持佢！
唔知成功機會有幾高，但作為父母，幾細嘅機會都會想嘗試！
作者: haihaimom 時間: 19-6-16 16:02
回覆 Chunyan 的帖子
主科中英數合格嗎？表現如何？其他科有邊啲表現好啲?
作者: Jane1983 時間: 19-6-16 17:13
王家爸爸 發表於 19-6-10 14:33
老實講，如果小朋友真係可以做到，就唔會搞成咁，所以趁暑假搵老師一對一追成績，好可能只係一廂情願既諗法 ...
其實係中二呢個位，仲有機會扭轉局面，當然要小朋友有决心，同埋家長要幫佢。
小朋友唔識諗，勉强升班或留班亦係低處浮沉，捱到畢業，早一年遲一年亦無太大分别。
作者: moon88 時間: 19-6-20 16:03
elbar 發表於 19-5-3 21:36
或試 銀禧、丘佐榮、蒙民偉、呂郭碧鳳、可立。
作者: moon88 時間: 19-6-20 16:06
Band5 發表於 19-6-16 11:51
回覆 Chunyan 的帖子
我覺得只要小學基礎唔差（band1B)，語文唔差，成績跟唔上嘅原因，好大可能係未搵到學 ...
作者: Band5 時間: 19-6-21 18:54
moon88 發表於 19-6-20 16:06
你要想想到中三科目更多更加辛苦. 留了中 2, 上到中3又點算?
對大部份學生嚟講，中三會好辛苦，但對於成績本來已差嘅學生，就其實冇乜分別，因為佢嘅目標已好難要兼顧每一科，我建議佢全力放在中四嘅科目去追，其他科唔得嘅就不如放棄，總好過冇科掂！
作者: moon88 時間: 19-6-25 11:57
Band5 發表於 19-6-21 18:54
對大部份學生嚟講，中三會好辛苦，但對於成績本來已差嘅學生，就其實冇乜分別，因為佢嘅目標已好難要兼顧 ...
作者: 洋蔥頭媽咪 時間: 19-6-25 13:41
Chunyan 發表於 19-5-3 14:01
自仔升中了, 我都沒上EK了, 最近好多問題, 求意見.
我仔讀中二,升中時是Band 1中, 升上一間Band 1 直資中學 ...
我都建議 repeat 一年S2. 小學B1成績唔代表中學就一定能應付，要睇小學本身課程是否偏淺，又或是家長是否習慣貼身督促，呢類孩子通常升中後一放手好大機會跟唔上。
既然中學唔錯又肯比小朋友留班，應好好利用留班呢年時間努力去追返，打番好底子，因S3係最多科目嘅一年，若S1-2基本功差S3都幾難讀得好，勉強升只會更大錯敗感，而且S3成績要選科，成績差未必能選心儀科目，影響深遠。
樓主孩子既然仍受教，要多引導佢思考讀書係為自己嘅將來，讓佢明白學歷低將來條路會好難行，唔係讀書材料唔緊要，畢業後可以學門手藝一樣揾倒食，但大前題係要盡力做好本份先，最少科科合格升倒班。
作者: Band5 時間: 19-6-25 23:26
moon88 發表於 19-6-25 11:57
但是平均分會拉底, 也是升不到班.
點至可以升級，間間學校可能唔同，以我所知，好多學校都睇重主科，而且留班只係考最後果幾個，如果力追主科加兩三科，要贏到最後果幾個，機會可能更大，總好過科科兼顧科科唔到岸！
即使升唔到班，既然已先搞掂咗主科同某幾科，到時轉校讀中四可能易啲，如果唔走，留班果年再追剩餘嘅科目，都會容易啲！
| 歡迎光臨 教育王國 (/) |
Powered by Discuz! X1.5 |