教育王國

標題: 請問有無九龍區好的圍棋興趣班推介? [打印本頁]

作者: McA    時間: 19-4-26 15:27     標題: 請問有無九龍區好的圍棋興趣班推介?

如題
作者: kc64    時間: 19-4-26 15:59

回覆 McA 的帖子

1. 香港兒童棋院2. 香港兒童圍棋學院
3. 楊士海棋院
4. 中國香港棋院
5. 弘德棋院
6. 傳碁
7. YWBADUK (YW 韓國圍棋)
.
.
還有香港圍棋協會, 入門班會好平

好多圍棋學校, google 下就知地址

作者: McA    時間: 19-4-28 13:30

請問邊間學過覺得教得好/有趣呢?小朋友讀緊小一。
作者: kc64    時間: 19-4-28 21:53

回覆 McA 的帖子

初學的話, 都係夾老師, 好難話邊間棋院好啲. 我做家長, 會先揀地點和時間. 興趣班, 無謂周車勞頓. 到見到小朋友真係有興趣學落去, 再揀或轉老師, 都未遲. 我仔由初學到現在, 都轉咗幾間棋院了.
作者: 大雯bb    時間: 19-4-29 00:06

kc64 發表於 19-4-28 21:53
回覆 McA 的帖子

初學的話, 都係夾老師, 好難話邊間棋院好啲. 我做家長, 會先揀地點和時間. 興趣班, 無謂 ...

可否分享下小朋友學圍棋的歷程? 我小朋友剛開始學,暫時有興趣.. 想知如何維持他的興趣.. 謝謝

作者: kc64    時間: 19-4-29 09:42

回覆 大雯bb 的帖子

圍棋可視為一道又一道的死活題,每道死活題,都是一條“解難遊戲”,對喜歡思考的小朋友而言,是充滿樂趣,但對不喜愛思考的來說,就太辛苦了。因此,有興趣便有興趣,沒興趣的,也不必勉強。另外,圍棋的最大樂趣,便是終局勝利,要取得勝利,死活題練習,是不二法門。好的老師,除了課堂上給學生做死活練習,也會要求學生每天在家做練習,這樣進步才會快。
作者: goldpiglet    時間: 19-4-29 15:10

家人在4(觀塘分校)學了兩年,由初小開始

作者: kc64    時間: 19-4-29 16:30

回覆 goldpiglet 的帖子

現在是跟曾Sir上堂嗎?
作者: 大雯bb    時間: 19-4-29 23:00

kc64 發表於 19-4-29 09:42
回覆 大雯bb 的帖子

圍棋可視為一道又一道的死活題,每道死活題,都是一條“解難遊戲”,對喜歡思考的小朋 ...

謝謝解答

作者: RunningPig    時間: 19-4-29 23:01     標題: 回覆樓主:

死活題當然重要,但學到上去,十級或以上,佈局及大局觀亦很重要。

作者: kc64    時間: 19-4-30 00:08

回覆 RunningPig 的帖子

大局觀和佈局, 對小朋友來說, 很難. 他們大多都只著重對殺的樂趣, 要隨著年紀增長, 才會懂得重視. 我仔玩到3段, 都時常被老師責備, 欠大局觀.  
作者: Lu324    時間: 19-4-30 08:45

kc64 發表於 19-4-30 00:08
回覆 RunningPig 的帖子

大局觀和佈局, 對小朋友來說, 很難. 他們大多都只著重對殺的樂趣, 要隨著年紀增長 ...

三段, 叻仔
我個仔學左幾堂, 最享受同人捉
但屋企冇人識


作者: kc64    時間: 19-4-30 12:16

回覆 Lu324 的帖子

可以上網搵對手,如驣訊或弈客,也可以同AI捉,但一定要限住小朋友時間,唔可以沉迷。
作者: 大雯bb    時間: 19-4-30 21:06

kc64 發表於 19-4-30 00:08
回覆 RunningPig 的帖子

大局觀和佈局, 對小朋友來說, 很難. 他們大多都只著重對殺的樂趣, 要隨著年紀增長 ...

3段。 好勁呀。 你仔玩咗幾多年? 會成日出去比賽嗎?

作者: kc64    時間: 19-4-30 22:56

回覆 大雯bb 的帖子

我仔學咗接近三年半了, 過去兩年, 都常參加比賽, 去年開始, 太多課外活動, 圍棋比賽次數減少了
作者: 大雯bb    時間: 19-5-1 06:24

kc64 發表於 19-4-30 22:56
回覆 大雯bb 的帖子

我仔學咗接近三年半了, 過去兩年, 都常參加比賽, 去年開始, 太多課外活動, 圍棋比賽次 ...

三年半就三段
你仔一定超級勁! 好叻呀

作者: eviepa    時間: 19-5-1 13:01

講起圍棋,我而家正正係嚮小棋聖盃高小組圍棋賽做緊裁判。有部分小朋友捉得唔錯。
作者: kc64    時間: 19-5-1 20:00

回覆 eviepa 的帖子

唔明白點解每年校小棋聖盃都要和校際圍棋賽撞期? 有冇高人指點下
作者: cream@@    時間: 19-5-2 01:16

回覆 kc64 的帖子

請問仔仔在那裡學圍棋,謝謝
作者: eviepa    時間: 19-5-2 10:00

kc64 發表於 19-5-1 20:00
回覆 eviepa 的帖子

唔明白點解每年校小棋聖盃都要和校際圍棋賽撞期? 有冇高人指點下 ...
我無兼職圍棋導師十幾年,圍棋界發生乜嘢事唔係好清楚。不過問過一個圍棋界人仕,佢話校際圍棋賽好耐以前無特定日子舉行,但知道中國香港棋院每年都係五月一日舉辦比賽後,香港兒童棋院就確定每年五月一日舉行。
作者: kc64    時間: 19-5-2 11:34

回覆 eviepa 的帖子

有啲"鬥氣"成份喎

作者: kc64    時間: 19-5-2 11:35

回覆 cream@@ 的帖子

楊士海棋院
作者: eviepa    時間: 19-5-2 16:07

kc64 發表於 19-5-2 11:34
回覆 eviepa 的帖子

有啲"鬥氣"成份喎
有可能係商業策略
作者: 小曳人    時間: 19-5-3 10:46

本帖最後由 小曳人 於 19-5-3 11:19 編輯

我仔學咗6年圍棋,以下係我所見嘅

部份棋院會比較容易升級,我地叫水份較高,我仔學棋頭4年跟妙手,係圈子內公認實力較高嘅棋院之一
點先知水份高唔高?如果一間棋院好少叫人報公開賽,只玩自己升級賽,就小心d,我仔可以20級時贏其他棋院嘅10級!

仔現時跟緊韓仔,亦跟過曾sir (弘德),不過老曾怕鬼咗阿仔,我仔實在太麻煩!

建議可試先上試堂,我仔去過中國棋院上陽士海試堂,有心人一check就應該知我仔咩料,但佢地棋院無followup,楊sir亦一句話都無撩過我仔講過野,我仔可能同年長老師唔太夾,所以最終亦無上過中國棋院
另外,個人覺得大棋院導師比較參差,無咁體貼,可能仔跟開細棋院都唔錯,但細仔响中國棋院學其他棋,就好唔掂 (定係細仔唔夠叻...)

我知仲有間細棋院上面無提,就係國際棋院,我同導師傾過計,覺得佢地都唔錯

作者: RunningPig    時間: 19-5-3 12:45     標題: 回覆樓主:

贊成妙手唔錯,但棋院太細,冇咩練習對手。
我地都試過中國棋院,楊士海同另一老師都不是太好。

作者: eviepa    時間: 19-5-4 19:45

回覆 RunningPig 的帖子

楊士海係職業八段,應該仲係全港圍棋最高段數棋手。佢可能唔識揼細路,但教段級學員可能好好。
作者: RunningPig    時間: 19-5-4 19:57     標題: 回覆樓主:

這當然知道,但真係冇聽過其他人話佢教得好

作者: ABC-DAD    時間: 19-5-4 20:28

請高段棋士下幾次指導棋,同上課有少少分別,有無得着,睇下各自有咩要求。
不同個性嘅小朋友,在棋盤上嘅表現,老師好易會知道。
作者: dodotin0505    時間: 19-5-4 22:55

小曳人 發表於 19-5-3 10:46
我仔學咗6年圍棋,以下係我所見嘅

部份棋院會比較容易升級,我地叫水份較高,我仔學棋頭4年跟妙手,係圈子 ...

請教點解唔繼續喺妙手學,妙手邊個老師比較好?謝謝

作者: kc64    時間: 19-5-4 23:34

eviepa 發表於 19-5-4 19:45
回覆 RunningPig 的帖子

楊士海係職業八段,應該仲係全港圍棋最高段數棋手。佢可能唔識揼細路,但教段級學 ...
同意, 3段或以上才能明白楊老師的課堂; 另外, 楊老師溫文儒雅, 絶對是好好先生.
作者: ABC-DAD    時間: 19-5-5 00:40

本帖最後由 ABC-DAD 於 19-5-5 01:12 編輯
kc64 發表於 19-5-4 23:34
同意, 3段或以上才能明白楊老師的課堂; 另外, 楊老師溫文儒雅, 絶對是好好先生. ...

如果我無記錯,楊老師曾在(妙手/可能記錯係香港兒童棋院)開過進段班,教得相當好。


作者: 小曳人    時間: 19-5-5 07:33

dodotin0505 發表於 19-5-4 22:55
請教點解唔繼續喺妙手學,妙手邊個老師比較好?謝謝
妙手院長好似得3段,所以段位班係請人教
當初跟跟下韓仔,佢6月走,轉HK冠軍級嘅李,兼職教,但李教咗一年又走,轉個網絡高手,我地唔想一年轉一個老師,而且長期樽頸,說好的升段等咗超過一年.... 所以走,最終搵返韓仔,跟返佢年幾已經升到二段

但其實院長教得好好!我仲介紹緊朋友去妙手學

作者: 小曳人    時間: 19-5-5 07:37

ABC-DAD 發表於 19-5-5 00:40
如果我無記錯,楊老師曾在(妙手/可能記錯係香港兒童棋院)開過進段班,教得相當好。

...
楊士海教中國棋院,網頁有佢個名我仔响馬鞍山上過試堂

作者: 小曳人    時間: 19-5-5 07:41

初學,建議搵d入門班,同步學,妙手為例,會不定時開班
我有朋友就係唔想等妙手開班,去咗中國棋院"插班",結果係唔知發生咩事,唔想去,然後又轉返去妙手院長入門親子班,呢次知做乜,仲玩得好開心
作者: kc64    時間: 19-5-5 09:05

小曳人 發表於 19-5-5 07:37
楊士海教中國棋院,網頁有佢個名我仔响馬鞍山上過試堂
楊老師已離開中國香港棋院。現在是“楊士海棋院”的院長
作者: ABC-DAD    時間: 19-5-5 09:29

小曳人 發表於 19-5-5 07:37
楊士海教中國棋院,網頁有佢個名我仔响馬鞍山上過試堂
楊老師初到香港時在香港兒童棋院教,時為2006或07,忘記了。小兒上他進段班,也下過指導棋。

妙手棋院我兩個小朋都上過課,女童學連院長千金也就幾個人,還不是定時有開班哩。

作者: kc64    時間: 19-5-5 20:17

eviepa 發表於 19-5-4 19:45
回覆 RunningPig 的帖子

楊士海係職業八段,應該仲係全港圍棋最高段數棋手。佢可能唔識揼細路,但教段級學 ...
楊老師高足無數, 其中一個門生是陳乃申(香港冠軍), 另一位謝依旻(旅日職業女棋手)
作者: 大雯bb    時間: 19-5-5 20:59

小曳人 發表於 19-5-3 10:46
我仔學咗6年圍棋,以下係我所見嘅

部份棋院會比較容易升級,我地叫水份較高,我仔學棋頭4年跟妙手,係圈子 ...

中x香x 水份高唔高?  
其實是否應該成日出去其他棋院比賽下 才對小朋友好點?

作者: ABC-DAD    時間: 19-5-6 00:28

小曳人 發表於 19-5-5 07:33
妙手院長好似得3段,所以段位班係請人教
當初跟跟下韓仔,佢6月走,轉HK冠軍級嘅李,兼職教,但李教咗一年 ...
岑院長五段http://www.smartgo.hk/post.htm
作者: ABC-DAD    時間: 19-5-6 00:33

kc64 發表於 19-5-5 20:17
楊老師高足無數, 其中一個門生是陳乃申(香港冠軍), 另一位謝依旻(旅日職業女棋手) ...
楊老師對小學生也很用心指導,只要係專心學棋,同初中生也有講有笑。

作者: 小曳人    時間: 19-5-6 10:33

大雯bb 發表於 19-5-5 20:59
中x香x 水份高唔高?  
其實是否應該成日出去其他棋院比賽下 才對小朋友好點?
...
其實,如果鍾意玩嘅,就一定鍾意比賽,多d見唔同棋手係好事
呢間應該OK

作者: 小曳人    時間: 19-5-6 10:38

ABC-DAD 發表於 19-5-6 00:28
岑院長五段http://www.smartgo.hk/post.htm
thx..咁其實佢教到段位班架喎



作者: dragonbone    時間: 19-5-9 15:54

圍棋老師要看是否“夾“,“夾不到“不一定單方面是老師因素,學習環境可能才是著眼點。大班有大班的好處,可以有不同對手供對弈。小班,或會令有情緒的小朋友少些機率因外力而影響,使學習成效提升。
作者: kc64    時間: 19-5-9 16:33

小曳人 發表於 19-5-6 10:38
thx..咁其實佢教到段位班架喎
業餘5段, 教晋段班還可以, 教1~2段開始勉强
作者: RexPaMa    時間: 19-5-17 12:19

kc64 發表於 19-5-9 16:33
業餘5段, 教晋段班還可以, 教1~2段開始勉强
請問棋院老師的四五段,教1-2段怎樣?
作者: kc64    時間: 19-5-17 23:36

回覆 RexPaMa 的帖子

首先, 大陸為了區分專業(職業)和業餘段立, 定了數目字大寫, 如四段, 五段, 代表專業段位; 阿拉伯數目字, 如4段, 5段, 代表業餘段位.  
如果你是問專業四段或五段, 教業餘2段可以嗎,專業棋手, 一定卓卓有餘. 但如果是業餘4或5段, 教1或2段學生, 棋理上, 可以教的, 不多了, 但實戰經驗, 也許還可以.  我認為, 如果已經有2段實力, 還是找專業棋手教, 才會有較好的進步空間.

香港棋院眾多, 學棋小朋友數目龐大, 但有實力的老師, 其實不足市場需求, 所以某些棋院, 會顧用沒有上段的當老師, 然後以自己棋院的名義, 頒受段位, 以廣招來, 實在誤人子弟. 如果有留意公開賽成績, 小學生戰勝棋院老師, 已經不是大新聞了.




作者: RexPaMa    時間: 19-5-18 11:54

回覆 kc64 的帖子



作者: 大雯bb    時間: 19-5-18 19:48

kc64 發表於 19-5-17 23:36
回覆 RexPaMa 的帖子

首先, 大陸為了區分專業(職業)和業餘段立, 定了數目字大寫, 如四段, 五段, 代表專業 ...



作者: vykee    時間: 19-5-27 22:29     標題: 回覆樓主:

謝謝分享

作者: bbmo403    時間: 19-5-29 13:29

小曳人 發表於 19-5-3 10:46
我仔學咗6年圍棋,以下係我所見嘅

部份棋院會比較容易升級,我地叫水份較高,我仔學棋頭4年跟妙手,係圈子 ...

小曳人你好,想請教下弘德如何?見你話搞吾掂囝囝,是否老師耐性不足?
因正在幫小兒找相關興趣班

作者: 小曳人    時間: 19-5-29 14:28

bbmo403 發表於 19-5-29 13:29
小曳人你好,想請教下弘德如何?見你話搞吾掂囝囝,是否老師耐性不足?
因正在幫小兒找相關興趣班
...
其實我都介紹人去弘德,身邊亦好多小朋友跟緊,其實老師有耐性架,但係我仔係比較跳脫,坐唔定,老曾sir 無動氣,但就係"無佢咁好氣"

激c老師類學生


作者: bbmo403    時間: 19-5-29 20:20

小曳人 發表於 19-5-29 14:28
其實我都介紹人去弘德,身邊亦好多小朋友跟緊,其實老師有耐性架,但係我仔係比較跳脫,坐唔定,老曾sir 無 ...

明白了,感謝感謝


作者: joyanyan    時間: 19-5-29 23:42

小曳人 發表於 19-5-3 10:46
我仔學咗6年圍棋,以下係我所見嘅

部份棋院會比較容易升級,我地叫水份較高,我仔學棋頭4年跟妙手,係圈子 ...

請問妙手只有沙田一個上課地點嗎?

作者: 小曳人    時間: 19-5-30 06:43

joyanyan 發表於 19-5-29 23:42
請問妙手只有沙田一個上課地點嗎?
聽過沙田區唔只一個上課點  (以前第一城+大圍,依家石門+烏溪沙)佢地教嘅學校都好似係响沙田區...

作者: joyanyan    時間: 19-5-30 08:23

小曳人 發表於 19-5-30 06:43
聽過沙田區唔只一個上課點  (以前第一城+大圍,依家石門+烏溪沙)佢地教嘅學校都好似係响沙田區...
...

Ok thanks!

作者: Lu324    時間: 19-6-2 18:18

小朋友在學校學左幾堂圍棋。如果去出面既棋院學,要一對一定小組已經ok?

作者: kc64    時間: 19-6-4 21:35

回覆 Lu324 的帖子

如果是初學, 單對單老師上堂, 不是必要的. 反而, 棋院在課堂後, 能否有空間和時間, 給學員留下來對弈更重要. 上堂學了的手段, 要在對弈上去實踐, 進步才快; 若老師也會留下, 觀看學員對弈和即時提點, 效果更明顯.
作者: 大雯bb    時間: 19-6-4 23:46

kc64 發表於 19-6-4 21:35
回覆 Lu324 的帖子

如果是初學, 單對單老師上堂, 不是必要的. 反而, 棋院在課堂後, 能否有空間和時間, 給 ...

有邊間 可放學後可留下捉?

作者: kc64    時間: 19-6-5 12:29

回覆 大雯bb 的帖子


我仔初學時的某棋院, 初期是有數個課室, 另外有一個大廰, 課堂前後, 都可以找人下棋, 家長也可以留在大廰休息. 後期租約完了, 搬去了另一個地方, 地方少了, 家長不能留在棋院, 也沒有地方讓學生課堂後留下對弈. 之後很多學生, 包括我仔, 都轉了去其他棋院.
以我所知, 弘德, 圍棋學院和楊士海棋院, 課堂後都可以留下找人對弈.
其他棋院就不清楚了, 最好報名前, 親身去拜訪, 看一下現瑒, 除了課室外, 還有沒有對弈大廰, 同時問一下職員, 課堂後, 可否留下對弈.




作者: 小曳人    時間: 19-6-5 17:42

大雯bb 發表於 19-6-4 23:46
有邊間 可放學後可留下捉?
弘德可以,玩足一日都得
作者: 大雯bb    時間: 19-6-7 09:32

kc64 發表於 19-5-17 23:36
回覆 RexPaMa 的帖子

首先, 大陸為了區分專業(職業)和業餘段立, 定了數目字大寫, 如四段, 五段, 代表專業 ...

想請教, 如果同時參加2間棋會。 會有問題嗎?


作者: kc64    時間: 19-6-7 20:16

本帖最後由 kc64 於 19-6-7 20:22 編輯

回覆 大雯bb 的帖子

我個人就唔想小朋友花太多時間在單一的課外活動.
若有原因而去上兩間棋院或不同型式的課堂, 如"小班" vs "大班", 就真係睇小朋友受唔受.
每間棋院的老師, 教學手法各有不同, 要看小朋友能否適應吧. 大班有一個好處, 就是課堂後, 可以有不同類型的同學實戰對弈; 但上大班, 老師唔會太注意個別小朋友反應和進度; 至於小組或單對單, 對較害羞的小朋友來說, 會有壓力, 但如果小朋友有强烈的學習興趣, 小班"長棋"的確會較快.

作者: 大雯bb    時間: 19-6-7 21:32

kc64 發表於 19-6-7 20:16
回覆 大雯bb 的帖子

我個人就唔想小朋友花太多時間在單一的課外活動.

謝回答。 就是在暑假見有時間, 去見識一下!

作者: kc64    時間: 19-6-7 22:29

回覆 大雯bb 的帖子

暑假又真係不妨去感受下其他其棋院, 夾老師, 真係好重要.
留意八月份, "香港圍棋協會"有比賽, 分級制, 去玩下, 是成長的好體驗.

作者: 大雯bb    時間: 19-6-9 00:07

kc64 發表於 19-6-7 22:29
回覆 大雯bb 的帖子

暑假又真係不妨去感受下其他其棋院, 夾老師, 真係好重要.

好的! 多謝提醒!

作者: kc64    時間: 19-6-11 13:48

回覆 大雯bb 的帖子

今年的回歸盃, 由以往分齡, 改為分級制, 報名截止日為6月17號, 比賽日期是6月23號. 睇下有冇興趣玩.
http://ccad.com.hk/competition/detail/67/

作者: 大雯bb    時間: 19-6-11 21:38

kc64 發表於 19-6-11 13:48
回覆 大雯bb 的帖子

今年的回歸盃, 由以往分齡, 改為分級制, 報名截止日為6月17號, 比賽日期是6月23號. 睇 ...

謝謝呀 我early bird 時已報了!
我等緊8月的親子比賽資料

作者: TataNg    時間: 19-6-11 23:55

kc64 發表於 19-6-11 13:48
回覆 大雯bb 的帖子

今年的回歸盃, 由以往分齡, 改為分級制, 報名截止日為6月17號, 比賽日期是6月23號. 睇 ...

新手一問,請問這個回歸盃比賽,認受性高嗎?

作者: kc64    時間: 19-6-12 00:32

回覆 TataNg 的帖子

大部份棋院, 都會每年攪一至兩個規模較大的公開賽.
例如:

中國香港棋院: 小棋聖盃
圍棋發展中心: 回歸盃
妙手棋院: 勵進盃
香港兒童棋院: 香港兒童棋院盃和香港校際圍棋大賽
......

這些都是參賽人數最多的比賽.

至於應受性, 首推圍協的賽事, 比賽分級和分段, 另設公開組. 圍協是奧委會成員, 圍協公開組比賽頭兩名, 有資格正式代表香港參加世界性賽事. 另外, 就是"香港校際圍棋大賽", 我見過香港教育局局長做頒獎嘉賓.

如果以賽員水準衡量, 弘德盃和楊士海盃公開組的比賽, 水平不下圍協公開組比賽. 此外, 交通銀行每兩年的舉辦的"交心寶寶盃", 水準也很高.

作者: TataNg    時間: 19-6-12 11:38

kc64 發表於 19-6-12 00:32
回覆 TataNg 的帖子

大部份棋院, 都會每年攪一至兩個規模較大的公開賽.

謝謝詳細解答

作者: VvTara    時間: 19-7-14 00:09

本帖最後由 VvTara 於 20-12-2 23:50 編輯

DeL Del
作者: kc64    時間: 19-7-14 00:39

回覆 VvTara 的帖子

YW 老師是朴永云, 前韓國院生, 雖沒上職業, 但有香港業6水平. 我認識一位小六生, 上朴老師課堂, 說他教得很好. 但留意, 課堂以英語講解.
作者: Wonderlady    時間: 19-7-14 13:47

‘琴棋書畫’這間如何?他們天后是總校,荃灣,將軍澳有分校。

作者: kc64    時間: 19-7-14 22:11

回覆 Wonderlady 的帖子

將軍澳是新辦, 情況唔清楚; 荃灣自從大舖搬細舖 , 好多學生無再學, 舊老師都走哂; 天后原來有一位職業棋手老老師都離開咗, 自已開棋院了




歡迎光臨 教育王國 (/) Powered by Discuz! X1.5