教育王國

標題: K2插Think or York? [打印本頁]

作者: kiwi_delicious 時間: 19-4-18 18:40 標題: K2插Think or York?

現讀屋企樓下學券幼稚園K1，星期一三五會到ABC PATHWAYS上英文班(i learn),每次2小時。
唔想呀囡咁辛苦，想K2幫佢轉York or Think，想問問邊一間中英數比較平均？
我唔想佢出去外補，太辛苦。

作者: chriskaan 時間: 19-4-24 15:48

其實 , 首先睇你小學 target 係乜 , THINK 中英數平唔平均我唔清楚 , 我唔係用家 , 但係 YORK k2 學術開始唔算淺 , 英文係教得好好的 , 不過 , 如果一心考直私 , 就算讀 YORK 都一樣要補 , 而且 ABC + 學券幼學費一定比轉 YORK 平

作者: lompus 時間: 19-4-25 12:15

回覆 chriskaan 的帖子

想請問讀YORK要外補什麼﹖

因為都想入YORK﹐想知道多點..

作者: chriskaan 時間: 19-4-25 14:27

本帖最後由 chriskaan 於 19-4-25 14:29 編輯

回覆 lompus 的帖子

我自己8月細B , 黎緊如果 K2 參加 MI 可以唔駛外補英文 , 但自己唔會參加 MI , 家中亦只講廣東話(包括外傭姐姐) , 暫時另外返 abc + 中文 + 興趣班...!!
現時 YORK + ABC , 小朋友英文都好好 , 亦可以講到短句 , 所以屋企只講返廣東話就可以了...!!

作者: lompus 時間: 19-4-25 14:46

chriskaan 發表於 19-4-25 14:27
回覆 lompus 的帖子

我自己8月細B , 黎緊如果 K2 參加 MI 可以唔駛外補英文 , 但自己唔會參加 MI , 家中亦 ...

YORK+ABC, ABC是否ABC PATHWAY?

如果要外補英文﹐是否YORK英文語境唔夠﹖
聽人講YORK中文唔夠要外補﹐你有無幫BB外補中文﹖

作者: chriskaan 時間: 19-4-25 15:37

本帖最後由 chriskaan 於 19-4-25 15:42 編輯

回覆 lompus 的帖子

唔係英文語境唔夠 , 只不過好多家長都希望可以更上一層樓 , 而學校的 NET 的數量好多 , 每日D NET 都會企係學校門口 , 幫手接小朋友落校車 , 老師質素係好高的...!!

玩法1 : 學校 k2 有 MI 上 , 變左全日班 , 因為要學野 , 會無左午睡時間 , 家長可以選擇 2 / 3 / 5 全日 , 好處唔駛帶小朋友周圍去 , 但參加 MI 的小朋友的自理能力要高 , 學校會篩選小朋友 , 所以 , 我個仔未必入到

玩法2 : 家長自己安排外補 , 學校有機會唔收小朋友參加 MI , 只返半日 , 放學坐校車時小朋友已小睡 , 返到屋企唔駛再訓晏覺 , 所以 , 會安排小朋友返 ABC + 興趣班 , 中文黎緊暑假先開始 , 咁樣時間上會靈活D

ABC = ABC PATHWAY

作者: lompus 時間: 19-4-25 16:05

回覆 chriskaan 的帖子

謝謝你詳細的解釋=)

不好意思﹐我什麼都唔識﹐請問什麼是MI?如想要MI﹐那費用大概又是多少﹖

我知道YORKK1開始分國際班同雙語班

請問雙語班的英文語境會差好遠嗎﹖

(唔好意思問咁多問題﹐因為唔識人讀YORK..)

作者: chriskaan 時間: 19-4-25 17:28

回覆 lompus 的帖子

請問什麼是MI?如想要MI﹐那費用大概又是多少﹖

MI = 多元智能班 , 如果對雙職父母黎講係好好 , 因為除左係學校學野 , 小朋友會留係學校做功課同溫習 , 放學返到屋企同小朋友講下故事 , 玩下就一日 , 2日/3200 , 3日/4300 , 5日/5600 , 已包埋 LUNCH

YORK , K1 , 我係讀國際班 , 雙語班只知每日有英文堂 , 但就唔清楚每日時間...!!

歡迎光臨教育王國 (/)