教育王國
標題: 張堅庭：為何我會選擇送子女到英國留學? [打印本頁]
作者: crocodylian910 時間: 19-4-18 18:17 標題: 張堅庭：為何我會選擇送子女到英國留學?
https://www.youtube.com/watch?v=OCp2dCXLcCE&t=3s
片入面有d point都幾特別，好似張生叫家長按左層樓嚟供仔女讀書，或者係食少d好野食少包煙嚟慳返d錢供佢地去外國，我明佢出發點係咩，亦都認同出國讀書去小朋友係好，但對我地依d小康之家嘅講真係好困難，要去到按左層樓又唔想...唔知各位家長有咩睇法呢?
作者: Yanamami 時間: 19-4-18 23:33
本帖最後由 Yanamami 於 19-4-18 23:33 編輯
睇餸食飯，量入為出｡ 而家有楼好重要，万－子女不才，年老時就惨了，唔通要瞓街？真係負擔唔起亦無計，呢d叫命裏無时莫强求。或者等仔女入U後自己努力爭取出国exchange, －嘗独立同开眼界滋味。
作者: Jane1983 時間: 19-4-18 23:57
成個片差不多兩個鐘！佢自從做咗駙馬，近年的言論越來越離地，唔知值唔值得花咁耐去聽
栽培仔女係因材施教，係十幾年每日教誨的日積月累。從來唔認同放血式使錢落去，或者全家唔食都要成全你，就係愛。
作者: crocodylian910 時間: 19-4-19 00:31
回覆 Jane1983 的帖子
名人嚟講佢算係無咁離地架啦，不過叫人按樓依part就聽落好離地囉，其他point我都覺得ok
作者: crocodylian910 時間: 19-4-19 00:33
回覆 Yanamami 的帖子
認同層樓好重要，而且如果層樓供斷左，到我地百年歸老至少仔女都仲有個地方住，唯有希望佢地係本地順順利利讀上去啦
作者: nkd 時間: 19-4-19 01:36
量力而為吧。
作者: poonseelai 時間: 19-4-19 07:48 標題: 回覆樓主:
條片咁長無心機睇，賣樓去讀書？有呀，但朋友嗰層係用來收租的，自住就唔好講笑啦
作者: stephaniechen 時間: 19-4-19 10:32
提示: 作者被禁止或刪除 內容自動屏蔽
作者: Jane1983 時間: 19-4-19 11:50
回覆 crocodylian910 的帖子
如果有閒錢，用黎買跑車、換層大d既樓、買個Amc會所玩吓、環遊世界，或者整容換膚全身執過相比，我覺得一定係栽培仔女有價值。
但你話按埋層樓，全家捱窮，送佢出去，旨意佢學成回來，賺錢養番父母。坦白講，除非父母真係教得好好，仔女好感恩父母的付出，否則咁既case，happy ending係好少。
作者: In2c68 時間: 19-4-19 16:03 標題: 回覆樓主:
我反而覺得讀得書果d就ok, 如果一般般果d就要諗諗, 去外國讀唔到大有人在, 但供佢果d$可能佢未來十年都储唔番, 用果d$做門生意好過
作者: Cheeselover 時間: 19-4-19 17:29
真要量力而為，若為放洋留學而令生活方式巨變，何苦？若我女問我，我會說大學畢業後您去哪裡也可以。
我不欲花時間看全片，不知張生有沒有指出放洋有什麼優點？
見識？我不見得我身邊放洋回來的特別見識，口音還是港式，反之要我花時間收拾他們的中文就好不爽。
獨立! 難道在香港就不能獨立，只是父母是否願意放手。
每一個都會說放洋留學有什麼好，但又有沒有分享一些損失(甭說錢)，十足説投資中國個個都賺錢，有沒有說有多少清袋走人！
作者: nkd 時間: 19-4-20 10:18
本帖最後由 nkd 於 19-5-8 11:11 編輯
Jane1983 發表於 19-4-19 11:50 
回覆 crocodylian910 的帖子
如果有閒錢，用黎買跑車、換層大d既樓、買個Amc會所玩吓、環遊世界，或者整容 ...
正正教育開支可以影響一家人的生活、甚至將來退休境況，家長不得不小心衡量學費要放在哪裡，不能輕鬆由國際幼稚園供到外國大學畢業，那麼那個教育階段對子女最重要？小學還是大學？
我不能在他幾歲時會知道他廿年後要做律師、醫生、還是什麼專業留港修讀會更合理，那我還是留著一筆錢，好讓他在高中或之後，有力外闖，見識世界最好的教育。
作者: Jane1983 時間: 19-4-20 11:32
回覆 nkd 的帖子
其實父母好愛佢，教子有義方，家庭溫暖，經濟ok，生活穩定，對小朋友係最緊要。其他嘢，多d當然好，都係錦上添花。
作者: JustAParent 時間: 19-4-20 13:37 標題: 回覆樓主:
如果仔女讀書叻，放棄香港既學位而去英國名校，幾辛苦我都供佢。例如仔女入到去英國G5大學，就知香港既八大有幾多料。如果佢讀唔掂書，想去英國二三流學校拿個學位，父母有就幫佢，要賣屋賣田就咪玩啦。
作者: Cheeselover 時間: 19-4-20 14:03
JustAParent 發表於 19-4-20 13:37
如果仔女讀書叻，放棄香港既學位而去英國名校，幾辛苦我都供佢。例如仔女入到去英國G5大學，就知香港既八大 ...
無嘢講，完全同意。
作者: 小雅的媽媽 時間: 19-4-21 00:03
提示: 作者被禁止或刪除 內容自動屏蔽
作者: MrBeast 時間: 19-4-21 07:20
JustAParent 發表於 19-4-20 13:37
如果仔女讀書叻，放棄香港既學位而去英國名校，幾辛苦我都供佢。例如仔女入到去英國G5大學，就知香港既八大 ...
作者: JustAParent 時間: 19-4-21 13:20
MrBeast 發表於 19-4-21 07:20
同意，不過（唔計campus shooting)有得揀會揀美國而不是英，投行、tech 都是美勁d，貴買貴賣 ...
兩睇，睇你讀乜科。
Social science英國唔會差過美國，美國pure science / engineering就好Ｄ。不過侵侵話"所有中國留學生都係賊"，就算仔女拿外國護照，"首先你係中國人"，呢個因素唔可以唔考慮。最近新聞話有不少大陸學生續唔到US Student Visa，如果係自己仔女都幾頭痕。
至於投行，我肯定講，冇prefer美國呢件事，至少我間冇 
但prefer留學生。
作者: MrBeast 時間: 19-4-21 13:33
本帖最後由 MrBeast 於 19-4-21 13:41 編輯
JustAParent 發表於 19-4-21 13:20
兩睇，睇你讀乜科。
Social science英國唔會差過美國，美國pure science / engineering就好Ｄ。不過侵侵 ...
我朋友都是在頭痛緊，千算萬算，算漏侵侵，雖然佢又未必一定連任到，只能說生不逢時
這裡教育區正路都是先講campus recruitment, 美國headcount照常理會比其他地方多，但可能競爭亦相對大。
作者: JustAParent 時間: 19-4-21 13:41
MrBeast 發表於 19-4-21 13:33
我朋友都是在頭痛緊，千算萬算，算漏侵侵，雖然佢又未必一定連任到，只能說生不逢時
這裡教育區正路都是先 ...
本帖最後由 JustAParent 於 19-4-21 13:42 編輯
你唔好俾我睇中，我覺得美國整個政治環境已經轉變。 下屆不論是共和或民主黨人上台，亦必然會針對中國。更甚者如果侵侵連任，我只能祝你朋友好運。所以呢兩年，就算朋友仔女想讀engineering，我都建議undergrad先去英國，到postgraduate再打算。
作者: nintendo 時間: 19-4-23 12:45
JustAParent 發表於 19-4-21 13:20
就算仔女拿外國護照，"首先你係中國人"，呢個因素唔可以唔考慮。
分享下我幾個朋友仔女的情況。
有兩個，一個有英國 (真英國 pp，非 BNO) 一個有加拿大 passport ，現在是是英 / 加的大學生，去美國做 intern 完全冇問題，申請 visa 批，佢地有唔少同學都有去美國工作 ( intern)。
另外有一個，拿台灣 passport ，ivy league 畢業，已經在美國工作幾年，舊年工作簽證唔批。
作者: nintendo 時間: 19-4-23 12:49
JustAParent 發表於 19-4-21 13:41
本帖最後由 JustAParent 於 19-4-21 13:42 編輯
你唔好俾我睇中，我覺得美國整個政治環境已經轉變。 下 ...
美國咁亂咁唔掂，侵侵連任機會都好大。有幾個朋友，冇外國 pp，都打算叫仔女唔好去美國讀。
作者: JustAParent 時間: 19-4-23 12:58
nintendo 發表於 19-4-23 12:49
美國咁亂咁唔掂，侵侵連任機會都好大。有幾個朋友，冇外國 pp，都打算叫仔女唔好去美國讀。
...
我又唔覺得美國有幾唔掂，只係仍需一些時間才能在金融海嘯重傷中復原，情況同大部分西方先進國家一樣。
至於侵侵話全部中國留學生都係賊，係有啲誇張，但係每10個20個中總有一兩個吧
如果我係美國總統，我可能會重手過侵侵。
作者: neighbour931 時間: 19-4-24 23:22
比多個選擇大家, 德國大部份大學是免費的(包括海外生)
作者: MrBeast 時間: 19-4-24 23:23
neighbour931 發表於 19-4-24 23:22
比多個選擇大家, 德國大部份大學是免費的(包括海外生)
作者: neighbour931 時間: 19-4-24 23:31
MrBeast 發表於 19-4-24 23:23
係咪要識德文？
作者: JustAParent 時間: 19-4-24 23:32
MrBeast 發表於 19-4-24 23:23
係咪要識德文？
要C1 Level。
作者: MrBeast 時間: 19-4-24 23:46
本帖最後由 MrBeast 於 19-4-24 23:49 編輯
neighbour931 發表於 19-4-24 23:31
是的, 只要早兩年部署, 在香港歌德輕輕鬆鬆讀兩年(每星期一晚, 一年30堂左右), 一般都可過關, 消費不高. ...
有得諗wor 
部處下先當plan c, 首先要學下吐痰 
作者: samsam123321 時間: 19-4-25 00:07
本帖最後由 samsam123321 於 20-4-2 01:47 編輯
......
作者: 忘憂館 時間: 19-4-25 09:48
提示: 作者被禁止或刪除 內容自動屏蔽
作者: cafeva 時間: 19-4-25 10:24
忘憂館 發表於 19-4-25 09:48
我孩子德文已取得C 1 程度，但就是不喜歡去德國讀書
作者: neighbour931 時間: 19-4-25 10:36
cafeva 發表於 19-4-25 10:24
歌德學? HK 無語境難學嗎?
作者: merci2046 時間: 19-4-25 14:26
回覆 忘憂館 的帖子
德國生活對比香港是很悶, 當然, 最吸引的是學費全免
作者: cafeva 時間: 19-4-25 14:30
neighbour931 發表於 19-4-25 10:36
香港學只是考取入學標準, 真正應用還是要到當地實踐才有明顯學習成果
作者: 忘憂館 時間: 19-4-25 15:11
提示: 作者被禁止或刪除 內容自動屏蔽
作者: 忘憂館 時間: 19-4-25 15:12
提示: 作者被禁止或刪除 內容自動屏蔽
作者: samsam123321 時間: 19-4-27 13:06
本帖最後由 samsam123321 於 20-4-2 01:48 編輯
......
作者: Cheeselover 時間: 19-4-27 13:42
samsam123321 發表於 19-4-27 13:06
有錢人玩意
嘻嘻，張導說為何...簡單說就是有錢囉，興趣和成績都不是大問題。
作者: samsam123321 時間: 19-4-28 21:46
本帖最後由 samsam123321 於 19-4-28 21:46 編輯
Cheeselover 發表於 19-4-27 13:42
嘻嘻，張導說為何...簡單說就是有錢囉，興趣和成績都不是大問題。
。。。。。。
作者: chiumingchun 時間: 19-4-29 15:07
個人意見, 賣自住樓俾仔女去外國讀書就真係太離地, 我寧願留層樓俾佢, 好過俾佢出去讀書啦... 讀完返黎有無guarantee掂硬? 無. 係咪見識多咗, 呢個絶對同意. 但係咪一定高薪厚識? 唔一定喎, 大把同學仔出國完返到黎都係十下十下量地量好耐, 亦有好多醒目仔喺香港啲大學畢業後事業發展順利. 用幾百萬出去見識, 有閒錢一定係好事, 但如果只得層樓嗰幾百萬, 咁不如留喺香港讀得幾多得幾多, 放假去多兩轉旅行見識下世界啦. 讀書求知識係唔應該要駛咁多錢, 互聯網世界知識本身係唔值錢, 點樣應用知識先至係重點.
更重要係待人接物, 做事態度.
今時今日在香港, 下一代要可以喺香港生活, 有選擇唔駛搬去大灣區, 一定要有層樓.That's why 啲樓咁貴都咁好賣, 因為做父母既大家好明白... 無辦法.
作者: samsam123321 時間: 19-4-29 20:37
本帖最後由 samsam123321 於 20-4-1 01:40 編輯
del...
作者: Vanadium 時間: 19-4-29 23:53
看來係時候值得統計下讀國際學校，去外國升學，normalize左個家庭社經地位後，再比較本地升學既，係就業、薪金、前途上既分別。
個人小圈子統計，我識平民硬供子女去外國讀書或讀國際學校，無論係外國地或返黎香港，大都只係工作平凡，收入不高不低，感覺同本地畢業生差不多。
當然另識一批去外國或讀國際學校，好快身居要職，頗高收入，但呢批大都來自非常豐厚之家底，家庭本身就係黎自社會上流，或高端專業人士。
有少數係出身基層可以透過外地升學攞到好位置，不過....係畢業自世界數一數二之名大學。
作者: Vanadium 時間: 19-4-29 23:55
張堅庭，已忘了自己都算帶著名氣或靠山，家庭亦大把錢。
其實張先生自己分享都話自己來自飛仔學校，但今日都咁有成就，點解仍只相信去外國先係好? 佢唔係就係一個活生生例子，本地升學都一樣可以成功?
作者: Cheeselover 時間: 19-4-30 07:05
Vanadium 發表於 19-4-29 23:53
看來係時候值得統計下讀國際學校，去外國升學，normalize左個家庭社經地位後，再比較本地升學既，係就業、 ...
說穿，他們本來就是人生勝利組，出外留學有個學位只不過是錦上添花，而且留港考DSE, 父母問＂我有錢，為何要子女辛苦自己？＂，何況，萬一成績不理想，大衆指指點點，不如出港留學。
今時今日，勤工儉學這支歌無得唱，賣樓作學費？不如加按再買第二套實際，正如朋友說＂學位就無嘞，單位就有兩個！＂，可悲。
作者: Cheeselover 時間: 19-4-30 07:35
Vanadium 發表於 19-4-29 23:55
張堅庭，已忘了自己都算帶著名氣或靠山，家庭亦大把錢。
其實張先生自己分享都話自己來自飛仔學校，但今日 ...
他心知自己成就是靠努力也好，靠運氣也好，但不保證這些能遺傳到下一代，計算機會成本後，還是送子女出港留學較安全。
作者: good.MunMun 時間: 19-4-30 08:28
很同意大家的分析。
勿忘張堅庭是某留學中心代言人，那可否視他的發言為廣告?
按樓對香港人來說是極考驗，必須三思。
作者: Vanadium 時間: 19-5-1 00:10
張導演叫人按樓真係一件好危既事，無論去外國洗你100萬又好，200萬又好，即使按樓按出黎，都係要還，係實在咁用左100至200萬，仲要俾息銀行。
反而，若然話大屋換細屋，市區搬去新界，真正套現可能仲實際，之不過換樓又至少洗多幾10萬。
作者: Vanadium 時間: 19-5-1 00:16
本帖最後由 Vanadium 於 19-5-1 00:27 編輯
每次講去外國讀書或讀國際學校，總感覺可能有人仲係用緊幾10年前思維，以為係投資好值，然而，香港現已大把大學大把學位，而當中國成為另一大經濟體，連外國人都有選擇去中國升學。
如果唔係家底厚，或仔女係去外國一級著名大學讀著名科目，無論幾多錢，都係當洗左算罷了，日後仔女夠自己用唔使靠屋企已執到，真係唔好太大期望。
其實現在香港各大學都有exchange program，可以平平地以交換生去第二個國家讀一至兩個學期(即一年)，要體驗外國文化都已頗足夠，若然話學英文.......我認識唔少本地學生英文水平都好近乎native，有心學香港都好多方法，去到外國都唔一定英文好，外國返黎英文幾雞都見過。
作者: Cheeselover 時間: 19-5-2 07:35
Vanadium 發表於 19-5-1 00:16
每次講去外國讀書或讀國際學校，總感覺可能有人仲係用緊幾10年前思維，以為係投資好值，然而，香港現已大把 ...
這是我不選擇IS和放洋留學(大學前)的其中一個原因，即使在香港官津直，學好中文從來也不容易，甭說IS，中文有幾重要我也不用多說，你有一口流脷英文，外國人眼中仍然是中國人，部分外國公司垂青中國學生多少是因為中國市場，我們懂中文是優勢，懂當然不止說，包括讀丶寫和更深了解中國文化。
除非你日後決定遠走他郷，否則活在中國週邊，中文的魔爪總會伸到你身上。
作者: nkd 時間: 19-5-2 12:17
本帖最後由 nkd 於 19-5-8 11:13 編輯
Vanadium 發表於 19-5-1 00:16
每次講去外國讀書或讀國際學校，總感覺可能有人仲係用緊幾10年前思維，以為係投資好值，然而，香港現已大把 ...
想慳錢，讀官津，本地大學。
大學交換生都可以慳返，不排除「外國返黎英文幾雞都見過」。
更加化算係學「外國人都選擇去中國升學」，計落重平過香港讀。
再唔係，自修、遙距都係大學。社會大學最實際。
教人借錢、賣樓去供讀書，有人信就唔好啦。
作者: cf1126 時間: 19-5-2 20:39 標題: 回覆樓主：
本帖最後由 cf1126 於 19-5-2 20:41 編輯
張堅庭女兒女剛在美國Boston畢業，算不算自打嘴巴
https://youtu.be/dVxoeivx40k
作者: Yanamami 時間: 19-5-3 11:14
本帖最後由 Yanamami 於 19-5-3 11:14 編輯
Vanadium 發表於 19-5-1 00:16
每次講去外國讀書或讀國際學校，總感覺可能有人仲係用緊幾10年前思維，以為係投資好值，然而，香港現已大把 ...
好多本地学生英文水平近乎native.....誇張左d啩~
作者: Vanadium 時間: 19-5-3 11:32
本帖最後由 Vanadium 於 19-5-3 11:33 編輯
Yanamami 發表於 19-5-3 11:14
好多本地学生英文水平近乎native.....誇張左d啩~
認識不少名女校學生，聽佢地英文以為外國返黎，但原來一直本土升學，我無點誇張。
當然可能佢地只係極fluent，但相反好多真native，其實只係如香港部分弱學生講廣東話，句字其實係唔清唔楚。
如果講寫，本土訓練果批精英可能寫得靚過絕大部份國際學校或外國返黎果批，好多真native寫野都麻麻，有啲字都成日串錯，莫講grammar 。
作者: Yanamami 時間: 19-5-3 11:51
Vanadium 發表於 19-5-3 11:32
認識不少名女校學生，聽佢地英文以為外國返黎，但原來一直本土升學，我無點誇張。
當然可能佢地只係極flu ...
作者: nkd 時間: 19-5-3 12:24
Vanadium 發表於 19-5-3 11:32
認識不少名女校學生，聽佢地英文以為外國返黎，但原來一直本土升學，我無點誇張。
當然可能佢地只係極flu ...
\\本土訓練果批精英可能寫得靚過絕大部份國際學校或外國返黎果批\\ (註)
好笑。
\\其實只係如香港部分弱學生講廣東話，句字其實係唔清唔楚。\\
即刻見到。
註：原意係，V見過的本土訓練果批精英，可能寫得靚過絕大部份佢見過的國際學校或外國返黎果批
按：有錯請回
作者: Vanadium 時間: 19-5-3 12:46
本帖最後由 Vanadium 於 19-5-3 12:48 編輯
\\其實只係如香港部分弱學生講廣東話，句字其實係唔清唔楚。\\
即刻見到。
無錯啦，我就係想講呢點，native係咪代表好，嚴格我係native中文，但我既中文詞彙及表達可以好屎。
我只係回應緊有人講native呢個問題，讀國際學校好多外國人，佢地莫講學生，部份外藉老師寫啲野都唔係叫靚，如我中文一樣。
讀國際學校或去外國容易有一定程度英文水平，係咪一定會叫好? 我就覺得都係睇返個學生，可能我唔識分啦。
作者: nkd 時間: 19-5-3 12:59
本帖最後由 nkd 於 19-5-8 11:13 編輯
Vanadium 發表於 19-5-3 12:46
無錯啦，我就係想講呢點，native係咪代表好，嚴格我係native中文，但我既中文詞彙及表達可以好屎。
我只 ...
多謝你回應。
作者: 小寶貝兒 時間: 19-5-3 14:18
本地或IS都各有各好, 視乎仔女係適合讀邊一個方向, 好似我女, 讀過本地亦讀緊IB, 好明顯我女係適合讀IB既人, 但當然, 如果話叫我地按左層樓去供佢讀書(無論係香港讀IS定係第時大個去外國讀大學), 一定唔會囉! 教育係重要, 但都要睇餸食飯架麻, 唔通成家住天橋底咩!
作者: Leung2010 時間: 19-5-3 14:49
看了，講得不錯
作者: planetearth 時間: 19-5-3 17:07
nkd 發表於 19-5-3 12:59
多謝你回應。
你示範左，就算大家討論時，有地方自己睇漏野、或者表達麻麻，都可以大大方方。我好怕同d ...
作者: shadeslayer 時間: 19-5-3 19:35
Vanadium 發表於 19-5-3 11:32
認識不少名女校學生，聽佢地英文以為外國返黎，但原來一直本土升學，我無點誇張。
當然可能佢地只係極flu ...
如果講寫，本土訓練果批精英可能寫得靚過絕大部份國際學校或外國返黎果批，好多真native寫野都麻麻，有啲字都成日串錯，莫講grammar 。
Cxxxxxxx
本地精英係例如 英文 5**?
作者: RunningPig 時間: 19-5-3 22:45 標題: 回覆樓主:
大家又何必對張堅庭語無倫次咁認真呢
作者: Vanadium 時間: 19-5-4 00:41
本帖最後由 Vanadium 於 19-5-4 00:54 編輯
shadeslayer 發表於 19-5-3 19:35
本地精英係例如 英文 5**?
我無理過佢地英文考咩試攞咩grade喎。
香港有部份比賽，國際學校學生都有參與，過去由於工作關係，我經常要到呢啲比賽場合。我較深刻印象係科技/商業研究及辯論比賽，各校學生都要係台上present佢地既內容，科學/商業比賽更要交報告。就睇參與既學生表現，台上匯報/辯論，交出黎既報告，就算唔睇內容，純講英文都睇唔到國際學校派出黎果班係明顯好過本地果班，甚至個人黎講，本地果班真係仲行文流暢，無論寫或present。
但有樣野的確重要，本地出得大場面果班，好大機會係學界精英，黎自名校，而國際學校可能只係派啲二三線學生。而我所睇到既，又主要係屬於academic writing或presentation，未必突顯到國際學校學生之優勢。
但果班本地學生就比我感覺到，要學好英文，即使係本地環境，未必唔得，打破我好耐之前既想法，以為英文好一定要去外國。
作者: Vanadium 時間: 19-5-4 00:43
本帖最後由 Vanadium 於 19-5-4 01:10 編輯
比兩個links參考:
Speaking: 港台英文演講比賽
有國際學校學生參與，可以睇下本土學生比較國際學生情況。13:43第二回合更係即場俾題目要即時發揮，更考真英語、急才及表達力。
https://www.youtube.com/watch?v=v6uyvIn_Bi8
Writing: Standard English Writing Competition
Writing可以請槍及搵人修改，參考性可有保留。呢個比賽國際學生參與唔多，但可以睇下本土學生可以做到既writing水平，係咪讀國際學校就求其都做到。
http://www.thestandard.com.hk/special/lswriting2018/result.php
純回應下張導演講以百萬計去外國升學為英文好，我就覺得要好既香港都可以好好，係香港差卻要去外國先好既，通常都好極有限。
作者: shadeslayer 時間: 19-5-4 07:17
Vanadium 發表於 19-5-4 00:41
我無理過佢地英文考咩試攞咩grade喎。
香港有部份比賽，國際學校學生都有參與，過去由於工作關係，我經常 ...
要比，當然係精英比精英，一般學生比一般學生。
你如果以這樣的根據，便認為：
「如果講寫，本土訓練果批精英可能寫得靚過絕大部份國際學校或外國返黎果批，好多真native寫野都麻麻，有啲字都成日串錯，莫講grammar 。」
是以偏概全。雖然你有説「可能」，「唔一定」，但是給人一個極度錯誤的印象。
作者: shadeslayer 時間: 19-5-4 07:21
Vanadium 發表於 19-5-4 00:43
比兩個links參考:
Speaking: 港台英文演講比賽
係香港差卻要去外國先好既，通常都好極有限。
Cccccc
又係錯誤觀念，無乜根據想下當真的評語。
還有，不少人不選本地，不是為「英文」。
作者: dlam141231 時間: 19-5-4 12:37
朋友夫婦只是一般打工仔, 入息本就有限, 當年賣樓供孩子入讀英國最頂級大學, 本碩連讀留英四年. 孩子畢業後返港工作, 可能因為所修學科在香港屬於冷門, 這幾年來工作並不盡如人意......後來的事就不多說了.
作者: poonseelai 時間: 19-5-4 13:34 標題: 回覆樓主:
如果以畢業後賺多少錢做標準，最佳回報可能係津校經jupas 入医科，一畢業有近6萬
作者: cf1126 時間: 19-5-4 19:40 標題: 回覆樓主:
每個人都有批判性思考，香港填鴨式的教育，沒殺了從小培養多角度思考及解難能力，這影片目的是宣傳廣告，問問題的家長已經找錯對象，賣花難道不會讚花香，每個人都應該懂得量力而為及風險評估，片中提及為孩子教育儲備而戒煙是值得鼓勵，但不一定往英國，留港或往中國都是可行。
作者: Vanadium 時間: 19-5-4 22:11
本帖最後由 Vanadium 於 19-5-4 22:18 編輯
poonseelai 發表於 19-5-4 13:34
如果以畢業後賺多少錢做標準，最佳回報可能係津校經jupas 入医科，一畢業有近6萬
...
又幾多人入到醫科呀，一定得既話，相信係最多人首選呢條路。
唔覺得教育一定係講錢，但若然話出國係見識，我就會反問用辛苦錢出國10年8年，見識到啲咩? 係咪真係一定要出國先見識到? 見識到又如何? 去個旅行都有見識，咁係咪應無限量支持子女不斷去旅行?
個人咁多年睇過咁多事物，都幾有信心講，若然講見識，其實人生最關鍵反而係開首工作果10年，多過讀書果10年，一分好工作，學到既野，見識到既野，比讀書多得多。
總的，有錢絕對值得、亦花得起奢侈，不論有無成就，更唔講學習係咪輕鬆愉快，淨外國學校環境都靚過香港學校多多聲。
但金錢上若只係僅僅夠用，就真建議唔好聽張導演亂講，今日黎講，外國讀書若再回港，大都只係遊過山玩過水再加一個平平淡淡、香港好多平凡人都有既學位，有得玩緊係好，但無理由用身家去旅行。
作者: October. 時間: 19-5-5 14:11
如果讀書能力唔高，又想有不錯的收入，護士工種是對學歷要求最低的專業，DEGREE都不需要，一入職就有3萬頭。
作者: JustAParent 時間: 19-5-5 14:53
October. 發表於 19-5-5 14:11
如果讀書能力唔高，又想有不錯的收入，護士工種是對學歷要求最低的專業，DEGREE都不需要，一入職就有3萬頭 ...
本帖最後由 JustAParent 於 19-5-5 14:55 編輯
讀書能力唔高，又想有不錯的收入 --> 其實應該去做差佬
ps. 今年要求政府加薪百分之七喎
作者: samsam123321 時間: 19-5-5 23:02
Vanadium 發表於 19-5-4 00:43
比兩個links參考:
Speaking: 港台英文演講比賽
作者: samsam123321 時間: 19-5-5 23:04
poonseelai 發表於 19-5-4 13:34
如果以畢業後賺多少錢做標準，最佳回報可能係津校經jupas 入医科，一畢業有近6萬
...
作者: samsam123321 時間: 19-5-5 23:11
shadeslayer 發表於 19-5-3 19:35
如果講寫，本土訓練果批精英可能寫得靚過絕大部份國際學校或外國返黎果批，好多真native寫野都麻麻，有啲 ...
作者: shadeslayer 時間: 19-5-5 23:19
samsam123321 發表於 19-5-5 23:11
我見過好多DSE5*，ilets writing都係6.5, Ue B 都係7.
拿第二語言的學生，比較第一語言的學生，是無乜意思的。
作者: samsam123321 時間: 19-5-5 23:22
本帖最後由 samsam123321 於 19-5-5 23:42 編輯
shadeslayer 發表於 19-5-5 23:19
拿第二語言的學生，比較第一語言的學生，是無乜意思的。
del......
作者: samsam123321 時間: 19-5-5 23:26
本帖最後由 samsam123321 於 20-4-1 01:36 編輯
del....
作者: shadeslayer 時間: 19-5-5 23:53
samsam123321 發表於 19-5-5 23:26
這個傳說真係要用客觀方法評核一下。正如跟我說鬼佬外國中文系精英寫中文勁過中國本地大學生。有時真係好難 ...
有可能發生咁嘅事。但因為有可能發生，而斷言，或提出，外國人中文不是那麼差，不用到中國學中文，就非常。。。「自我陶醉」了。
作者: samsam123321 時間: 19-5-6 10:41
本帖最後由 samsam123321 於 20-4-1 01:36 編輯
shadeslayer 發表於 19-5-5 23:53
有可能發生咁嘅事。但因為有可能發生，而斷言，或提出，外國人中文不是那麼差，不用到中國學中文，就非常 ...
del....
作者: nkd 時間: 19-5-6 11:15
Vanadium 發表於 19-5-4 22:11
又幾多人入到醫科呀，一定得既話，相信係最多人首選呢條路。
唔覺得教育一定係講錢，但若然話出國係見識 ...
//辛苦錢出國10年8年，見識到啲咩?//
College is what you make of it. 真的，同一間學校同一班同一個老師，同學所得都有不同。就算這樣，為什麼要挑學校、選學制呢？出國為了香港沒有的風氣、教授、實驗室。
你又可以問，這些有什麼重要，值得那麼多錢嗎？
//外國讀書若再回港，大都只係遊過山玩過水再加一個平平淡淡、香港好多平凡人都有既學位//
我好欣賞年輕人外闖，為未來更好的生活奮鬥。肯容納新移民的地方，是充滿朝氣的天地，像大逃亡時期的香港、經濟特區之一的深圳，更不要說當年滿地租界的上海、今天白人為少數的加州。各省狀元來港拿學金讀書，畢業留港做事，香港是損失還是得益？我孩子有力在外國立足，發展只要比香港好，有什麼道理阻止？
不想淪落異鄉，回港發展，是一個平平淡淡的學位，對，別忘了幾年獨立生活，努力求學的決心(窮家子的福氣)，對不同文化的認識和相處，更不要說處處碰釘、備受歧視的苦頭，夜闌人靜的沉思，他鄉故人的喜悅。人生是有趣的經歷，有些東西錢買到的不要吝惜。
遲幾年再說吧，家裡樣樣缺錢。
是的，父母沒有欠孩子。歸根究底是他自己的事，自己想辦法。父母可以做幾多便算幾多，疼他，他知道的。不得已，我寧願省自己，也供讀書；省國際學校，也供留學。遲？可以遲到幾時？上大學夠遲了。
人人選擇不同，彼此互相尊重。我喜歡天真的青年人，更喜歡浪漫的中年人。
作者: nkd 時間: 19-5-6 12:36
本帖最後由 nkd 於 19-5-8 11:14 編輯
回覆 nkd 的帖子
個細路有志向留學係大前提。
作者: ANChan59 時間: 19-5-6 13:45
MrBeast 發表於 19-4-21 13:33
我朋友都是在頭痛緊，千算萬算，算漏侵侵，雖然佢又未必一定連任到，只能說生不逢時
這裡教育區正路都是先 ...
兩條腿走路。
作者: planetearth 時間: 19-5-6 13:54
ANChan59 發表於 19-5-6 13:45
兩條腿走路。
咁耐冇出現,得兩隻字嘅?
作者: MrBeast 時間: 19-5-6 14:07
ANChan59 發表於 19-5-6 13:45
兩條腿走路。
作者: 忘憂館 時間: 19-5-6 16:26
提示: 作者被禁止或刪除 內容自動屏蔽
作者: ANChan59 時間: 19-5-6 17:31
MrBeast 發表於 19-5-6 14:07
u mean 唔留美國？佢都有這plan b , 仲話考慮清華tim
Risk management is your instinct.
Will you consider UK as well.
作者: ANChan59 時間: 19-5-6 17:34
planetearth 發表於 19-5-6 13:54
咁耐冇出現,得兩隻字嘅?
五個字！
貴精不貴多！
個仔都大學畢業接近兩年，開始脫節了，冇乜貢獻！
作者: MrBeast 時間: 19-5-6 17:50
ANChan59 發表於 19-5-6 17:31
Risk management is your instinct.
Will you consider UK as well.
作者: ANChan59 時間: 19-5-6 18:16
MrBeast 發表於 19-5-6 17:50
me yes. my fd no, he thinks its a sunset country
Haha. Sunset country =/= Sunset Education.
For undergraduate programs, in general UK > US. Graduate school May be opposite.
作者: nkd 時間: 19-5-6 18:41
ANChan59 發表於 19-5-6 18:16
Haha. Sunset country =/= Sunset Education.
For undergraduate programs, in general UK > US. Gradua ...
Haha. Yes, for the sake of daddy’s purse.
作者: nkd 時間: 19-5-6 20:25
本帖最後由 nkd 於 20-6-30 14:34 編輯
MrBeast 發表於 19-5-6 14:07
u mean 唔留美國？佢都有這plan b , 仲話考慮清華tim
美國四年大學，頭兩年要求通識，真係無錯，不論大小學校、公立私立，不論主修為何，幾乎都要求樣樣都學，文理皆通，最遲升大三可以改變主修。鍾意知識的人就如魚得水，英文叻就如虎添翼，例如主攻理科，必修微積分、物理、化學，都是全年課程，此外必修兩科英文、兩科社會科學如經濟/政治、兩科人文如歷史/哲學、一科藝術如音樂/繪畫，有的理科還要同修生物、電腦，全部不能刪減，只有留學生可豁免外語。本科生有此厚遇，夫復何求！
作者: MrBeast 時間: 19-5-6 20:33
nkd 發表於 19-5-6 20:25
侵侵會恐嚇你，習習會監視你。侵侵無得永續。
美國四年大學，頭兩年要求通識，真係無錯，不論大小學校、 ...
作者: nkd 時間: 19-5-6 20:57
本帖最後由 nkd 於 19-5-11 20:43 編輯
MrBeast 發表於 19-5-6 20:33
唔怪得之美國佬咁
越精英的大學越奇怪，他們崇尚Great Books，基本上文科人遊戲，讀原著麼，柏拉圖也算，數學要牛頓，物理讀愛恩斯坦，經濟讀史密斯，全部必修，係自己讀，明天課上圍個小圈同老師同學討論，一堂得幾個學生，無備課必然出醜。
有興趣，找下 St John’s College，兩間分校，蚊型，一間在NM，一間在MD。聽聞唔少畢業生入HYP grad schools。
作者: Vanadium 時間: 19-5-7 00:19
忘憂館 發表於 19-5-6 16:26
好肯定你未看過真正高水平國際學校學生的文筆，看完之後，你就知本地的精英係望塵莫及 ...
我只係想講唔好以為讀國際學校就英文好，講出黎就好，若寫你都要係國際學校既高水平學生先得。若子女只係普通料又無心向學，可能英文連本地較叻果批學生都好唔過。
作者: Vanadium 時間: 19-5-7 00:30
本帖最後由 Vanadium 於 19-5-7 00:33 編輯
nkd 發表於 19-5-6 11:15
人人選擇不同，彼此互相尊重。我喜歡天真的青年人，更喜歡浪漫的中年人。
緊係互相尊重啦，我有錢點洗人地批評就真係有問題。
每個家庭都有自己價值觀，識部份好有錢既人，真係十年都唔帶小朋友去幾次旅行，話旅行係浪費金錢，小朋友想去玩自己大個搵到錢先自己去玩。
亦識部份高級公務員，明明有資助都堅持話要小朋友本地升學，話自己係外國讀完書返黎都唔覺去外國有咩好。
每個人諗法都好自由，但有樣野我睇法係，其實最後選擇如何，對小朋友唔係真係影響咁大，有時好與唔好，可能只係我地誇張左，人生路條條都有佢特別同成功既地方。
張堅庭，飛仔學校長大，讀普通不過既浸會學院，連大學都唔係，今日....幾出名幾好呀。
作者: nkd 時間: 19-5-7 00:47
Vanadium 發表於 19-5-7 00:30
緊係互相尊重啦，我有錢點洗人地批評就真係有問題。
每個家庭都有自己價值觀，識部份好有錢既人，真係十 ...
我明。唔係話讀過咩大學個人就點，讀唔到又點，唔好搞錯，大把人聰明才智同學歷無關。
我只係講，畀我揀我會揀乜嘢，好彩我細路一樣係咁。
作者: shadeslayer 時間: 19-5-7 08:23
Vanadium 發表於 19-5-7 00:19
精英鬥精英，寫英文本地應9成輸，但唔好忘記本地學生亦要高水平中文，中文水平要求比英文更高。
我只係想 ...
其實講呢D無乜意思，因為放諸四海皆準。
Xxxxxx
我只係想講唔好以為讀中文本地學校就中文好，講出黎就好，若寫你都要係中文本地學校既高水平學生先得。若子女只係普通料又無心向學，可能中文連國際較叻果批學生都好唔過。
作者: shadeslayer 時間: 19-5-7 08:29
nkd 發表於 19-5-7 00:47
我明。唔係話讀過咩大學個人就點，讀唔到又點，唔好搞錯，大把人聰明才智同學歷無關。
我只係講，畀我揀 ...
本帖最後由 shadeslayer 於 19-5-7 08:29 編輯
教育歸教育，學知識明道理懂思考。把其他因素例如搵錢能力和教育過分聯繫起來，是不當的。
作者: ABC-DAD 時間: 19-5-7 09:41
唔該唔好話中學生係咩精英啦。
年輕人係應該互相 抵勵學習，競技同比賽係可以互相觀摩 切磋嘅好機會。
| 歡迎光臨 教育王國 (/) |
Powered by Discuz! X1.5 |