教育王國

標題: 中一男仔才發現患過度活躍及專注力不足 [打印本頁]

作者: 軒軒2008 時間: 19-4-9 16:43 標題: 中一男仔才發現患過度活躍及專注力不足

上到中學才發覺仔仔患有過度活躍及專注力不足，已經錯過黃金治療期，現階段病情已令佢無法控制自己的情緒，好小事就大發雷霆，加上日日欠功課，曾試過逃學一日，學校老師都有極力幫助佢，但係我驚佢唔知幾時又會犯事，好似一顆定時炸彈隨時會爆。我最擔心繼續下去會被要求轉校，心理醫生都有睇，有食藥，但係效果不是好顯著，令到我與老公都情緒抑鬱。我覺得好灰，對前面要行的路亳無信心，有時想一走了之，慶幸自己冇勇氣⋯⋯⋯

作者: 妹妹頭 時間: 19-4-9 16:53

回覆軒軒2008 的帖子

有冇搵社工幫手?

作者: 軒軒2008 時間: 19-4-9 16:55

回覆妹妹頭的帖子

社工一直都有跟進，但係亳無作用。

作者: 王家爸爸 時間: 19-4-9 18:20

軒軒2008 發表於 19-4-9 16:43
上到中學才發覺仔仔患有過度活躍及專注力不足，已經錯過黃金治療期，現階段病情已令佢無法控制自己的 ...

首先，過度活躍、專注力不足唔會突然發生。過度活躍、專注力不足係腦部自我控制部分既發展較一般人慢，所以其實反而會隨著年齡既增加而會改善。
第二，其實現今藥物治療已經可以好有效去控制過度活躍、專注力不足等問題，所以唔需要太擔心。

作者: IloveJJ 時間: 19-4-9 22:35

提示: 作者被禁止或刪除內容自動屏蔽

作者: GreenMaDad 時間: 19-4-10 07:48

回覆 IloveJJ 的帖子

我都有一樣的疑問，會不會是中學學校不適合他？小學時有什麼特別的人或事令他的"問題"沒有引發出來？

作者: 王家爸爸 時間: 19-4-10 09:17

GreenMaDad 發表於 19-4-10 07:48
回覆 IloveJJ 的帖子

我都有一樣的疑問，會不會是中學學校不適合他？小學時有什麼特別的人或事令他的"問題 ...

有可能，從佢話有睇心理醫生，亦有食藥，但係效果唔顯著，會唔會根本無病？如果根本無病，食精神科藥物，未必係好事（副作用大）。

作者: gigilovesnoopy 時間: 19-4-14 07:26

軒軒2008 發表於 19-4-9 16:43
上到中學才發覺仔仔患有過度活躍及專注力不足，已經錯過黃金治療期，現階段病情已令佢無法控制自己的 ...

我囡老死都係上到中學才發現有ADHD。她難發現原因是，可能小學成績好，後來做韋氏評估，智商貼近130。而且小學時，參加好多運動，田徑、籃球、踢毽子、乒乓球、羽毛球..。所以冇發現亦唔係家長同學校問題。

而且咁大個才發現，其實係要密集訓練，才有效果。而家呢個囡咪讀到中五。

作者: c.chan 時間: 19-4-15 11:06

回覆 gigilovesnoopy 的帖子

請問在哪裡接受訓練? 請提供資料給我, 謝謝!

作者: 軒軒2008 時間: 19-4-15 11:15

回覆 gigilovesnoopy 的帖子

我仔的情況同你囡囡完全一樣，上堂聽課都唔專心，但小學成績一直前三，運動量大，所以忽略了其他問題，上到中學各種問題才顯現出來，現階段我們二夫妻教得好辛苦，可以分享一下你囡囡的訓練方式嗎？

作者: gigilovesnoopy 時間: 19-4-16 22:35

其實係密習式見心理學家，然後學校社工安排小組學習。

作者: imVictormama 時間: 19-5-5 15:06

我妹個仔都係有過度活躍，ADHD有分專注力不足同過度活躍，除左小朋友要睇心理學家外，家長都要去學習點樣教佢地，唔可以逼得太緊。學校支援都好緊要，有啲學校支援得比較好，有啲就冇乜良心。所以家長自己要先清楚知道小朋友嘅需要，先可以同學校傾。

加油呀！

歡迎光臨教育王國 (/)