教育王國

標題: 每天上學由家中出門到學校門口需時多少？有跨區小朋友嗎 [打印本頁]

作者: tak_tak814 時間: 19-4-6 13:01 標題: 每天上學由家中出門到學校門口需時多少？有跨區小朋友嗎

因為住屋問題，將來需要搬遷，但又唔想小朋友轉校重新適應，又唔想要再考學校，我計算過搬後地鐵車程約25分鐘，但計埋其他行路時間前前後後都要40−45分鐘，比現在多20分鐘左右，有點糾結。

作者: Elenalan 時間: 19-4-6 13:53 標題: 回覆樓主:

全程45min以跨區黎講唔算耐喇，我識一d本區返學但坐校車，因為要遷就校車班次，7am前已經要上車。如果你小朋友返7:45am, 7am出門口可以接受。

作者: Jane1983 時間: 19-4-6 16:35

高小40-45分鐘可以接受呀！

作者: Yanamami 時間: 19-4-6 16:45

还算在可接受範圍以內~

作者: tak_tak814 時間: 19-4-6 17:47

我小朋友學校8點10分打鐘，穩陣計，我諗7點20左右出門都可以。

作者: 1998Ruby1998 時間: 19-4-6 19:01

我覺得可以接受，有同學係深井、元朗、大埔、馬鞍山出油尖旺，亦識有人係荃灣、大埔返將軍澳直資。有心儀學校，跨區辛苦少少都值得，除非你成績不錯可考慮插班。

作者: joblog 時間: 19-4-7 18:49

提示: 作者被禁止或刪除內容自動屏蔽

作者: 1998Ruby1998 時間: 19-4-7 19:48

回覆 joblog 的帖子

認同，我以前搭校車 50 分鐘，但搭 MTR 只需要 30 分鐘。最早上車亦最遲落車。

作者: Zoesk2 時間: 19-4-7 23:00

我女跨區, 由出門口至學校如果搭地鐵加行路大約50分鐘, 兩程巴士大約45分鐘, 的士20分鐘, 校車超過一個鐘

作者: little_yolky 時間: 19-4-8 12:41

tak_tak814 發表於 19-4-6 13:01
因為住屋問題，將來需要搬遷，但又唔想小朋友轉校重新適應，又唔想要再考學校，我計算過搬後地鐵車程約25分 ...

45分鐘絕對係可接受範圍之內。不過, 如果有校車, 最好坐校車, 免除舟車勞頓, 一程過, 又有得坐休息一下。再加上, 港鐵唔可靠, 成日壞車, 校車遲都唔會計遲到, 但港鐵壞車都計入你度。

我就係新界東跨出九龍, 日日6:35要出門口, 因為要行1X分鐘去校巴站, 冬天時天都未光, 真係披星戴月。

不過我都好彩, 因為係尾站上車, 頭站落車的。

作者: little_yolky 時間: 19-4-8 12:44

1998Ruby1998 發表於 19-4-6 19:01
我覺得可以接受，有同學係深井、元朗、大埔、馬鞍山出油尖旺，亦識有人係荃灣、大埔返將軍澳直資。有心儀學 ...

你咪話, 將軍澳直資校車服務好好, 去到我屋企深山度。我就要行落山塔校車。

我哋大埔日日咪有車車出熊貓鞋添, 夠晒遠。

作者: tak_tak814 時間: 19-4-9 01:02

我地無校巴過海所以最直接方便都係地鐵

歡迎光臨教育王國 (/)