教育王國
標題: 鄭丹瑞父女：探索名人爸爸的抉擇與女兒的蛻變 [打印本頁]
作者: 小時了了 時間: 19-4-3 15:41 標題: 鄭丹瑞父女：探索名人爸爸的抉擇與女兒的蛻變
本帖最後由 小時了了 於 19-4-3 15:43 編輯
https://www.youtube.com/watch?v=HoT3BbjATlU&feature=youtu.be
阿旦大女影片分享片段, 重點可以睇 34:29 - 50:57 呢十幾分鐘>>> 學霸阿旦大女親身感受, 叮嚀留學學生及家長, 學好中文嘅重要
作者: 小時了了 時間: 19-4-3 15:41
教女有方！鄭丹瑞長女鄭瑤長成高學歷索女 https://www.elle.com.hk/celebrity/feature/All-about-Zaneta-Cheng
鄭家有女初長成！說的是旦哥的大女鄭瑤，金牌司儀鄭丹瑞當年的《那夜我替女兒"R"背脊》唱到街知巷聞，轉眼間原來他的大女鄭瑤（Zaneta）已26歲，在英美兩地學成畢業後，再港轉戰時裝界，不單擔任英文時裝月刊的時裝編輯，是名副其實的高學歷索女，快看看她的威水史吧！
會考11A狀元
鄭瑤笑容甜美，一口鬼妹仔口音的她，成功遺傳了爸爸的精明頭腦，於英國中學會考考獲11A佳績，更精通中、英、德、法文四國語言。她曾在訪問說：「正確來說，我係有九個A*，兩個A，我很失望，因為有兩科拿不到星，我們學校無分一二三名，但我一直都是A grade，從小到大所有科目都是top brand，除咗數學之外。」名副其實是學霸一名。
莎士比亞歷史系碩士畢業
鄭瑤畢業後回港，亭亭玉立，樣貌標緻，卻是個相對較低調的星二代，九四年全家移民加拿大，九八年回流香港的鄭瑤，先後到美國修讀英國文學及政治學，其後轉到英國修畢莎士比亞歷史系碩士，堪稱星二代中的高學歷女神。
學霸氣質遺傳自爸爸
但鄭瑤的學霸氣質其實是遺傳自爸爸，傳理系出身的旦哥鄭丹瑞，素以口才了得、博覽群書稱譽，曾在兩間電視台和兩間電台工作，台前幕後瓣瓣掂，由三個小神仙到商台營運總監，由廣播劇《小男人週記》到電視劇《金牙大狀》等，歌影視播都非常出色，更曾擔任香港演藝學院的導師以及香港無線電視藝員訓練班的校長。
從不買遊戲機
旦哥曾於訪問表示從不給女兒買玩具，兩女由細到大都沒有遊戲機，但書本可以任看任買，養成了鄭瑤今日書不離手的習慣，小時候鄭瑤笑言與爸爸也喜歡看書，但爸爸中文太好，無論如何都贏不到對方，所以自己集中看英文書而迷上英國文學。
進軍時尚界
鄭瑤的銜頭齋聽已經令人驚嘆，先後就讀於美國賓州大學及倫敦大學學院的她，曾於當地潮流雜誌《Tank》任實習生，又於TVB前著名監製葉潔馨的公關公司工作，亦擔任FleishmanHillard財經公關，現時鄭瑤為一本英文時裝月刊時裝的編輯，並開設個人網站，聯同好友創立時尚雜誌，更不時與妹妹鄭玟（Amanda）現身時尚活動和派對，正式進軍時尚界。
自由思想來自爸爸
鄭瑤自言之所以如此與眾不同，皆因有個非常老竇。「爸爸經常說，路係要靠自己打出來，而不是靠人讓條路你行，你日後想行什麼路，就要自己去找。很多人問我，讀文學、政治、歷史日後有什麼出路？我沒有想那麼多，只係因為喜歡，到時自然會找到！」
鄭丹瑞育兒論
的確，鄭丹瑞夫婦的價值觀也與女兒相類似，認為讀的科目和職業路向不同，旦哥讀傳媒，做娛樂圈；太太讀地理，當過老師後入電視台，兩女兒亦一樣：「我認為讀大學只是學生變做大人的一個階段，要學做人，讀甚麼不重要。三、四年裏要學識去做人，學識去看呢個世界。我對她們的要求只有兩樣，第一，要做個好人，第二，係做好一個人。」鄭丹瑞自由育兒論與現在的怪獸家長風氣大相逕庭，亦得到不少網民讚好。
因情傷發現時裝潛能
鄭瑤亦曾在訪問中解釋：「小時候是學校的辯論代表隊， 因為辯論題目多數關於政治，所以我就覺得日後一定要讀政治歷史。上大學後，和我第一個男朋友分手，簡直是世界末日！那時候便開始穿很多黑色衫，開始有人讚我穿黑色好看，我又開始看時尚雜誌 ，發覺原來自己喜歡fashion，後來去咗《Tank》做實習，和公關行業接觸多，又想試試從事PR行列，所以現在PR、時裝雙線發展。」
父女檔拍住上
早前在一時裝派對上，鄭丹瑞帶著兩名女兒出席活動。原來大女兒鄭瑤鍾情時裝，甚少出席社交活動的他，也破例跟女兒一起前來。Zaneta早前亦為爸爸自編自導自演的電影《小男人週記三之吾家有喜》客串，父女檔拍住上。
有一法籍男友
說到感情狀況，鄭瑤有位法籍男友Conor在比利時工作，目前兩人為異地戀，除了Conor一年飛來香港一、兩次外，鄭瑤也會飛到巴黎探男友，她亦經常大方上載男友合照，非常恩愛。
小女兒鄭玟出身自考古學
而阿旦小女兒鄭玟22歲修讀偏門的考古學，阿旦曾經撰寫一篇有關讓女兒去讀考古的文章，被網友瘋傳為「潮文」。鄭丹瑞說：「人生而要『搵食』，這個當然。但也有很多種『食相』，有人狼吞虎嚥，甚至食埋隔籬嗰份，結果人吃飽了，卻餓死了靈魂。我寧願我的女兒慢慢咀嚼，先餵飽靈魂。」如今24歲細女鄭玟已完成學業，晉身Slasher行列，兼任瑜伽導師、手倒立導師和兼職製作人。
作者: 小時了了 時間: 19-4-3 15:42
本帖最後由 小時了了 於 19-4-3 15:43 編輯
https://www.sundaykiss.com/173130/magazine/sunday-family/%e5%a5%b3%e5%85%92%e5%ad%b8%e6%88%90%e6%ad%b8%e4%be%86-%e9%84%ad%e4%b8%b9%e7%91%9e-%e8%80%81%e5%a9%86%e7%ae%a1%e6%95%99%e6%9c%89%e6%96%b9/
女兒Zaneta和Amanda已分別25、24歲，從英美大學學成歸來，成績科科A，但兩人皆非讀「賺錢」科目，Zaneta在美國賓夕凡尼亞大學讀政治及英國文學，Amanda的科目更冷門，在英國倫敦大學學院讀考古。年前旦哥一篇女兒去考古的文章，成為教育潮文，久不久就被網民「翻loop」。旦哥夫婦明白人要搵食，但寧願女兒慢慢咀嚼，先餵飽靈魂。鄭太從小就教好女兒道德觀、自立及自學精神，培養她們成為一個有獨立思想，有靈魂的人。
國際學校功課一樣多
90年代初兩女出世不久，旦哥便舉家移民加拿大，1998年回流返港，兩女入讀德瑞國際學校，完成中小學。傳統本地學校出身的鄭太未曾接觸過國際學校，欣賞德瑞的新穎教法，鼓勵女兒多向媽咪分享，「我話你哋喺學校學緊嘅嘢，可能我都未學過，我已經讀完書，不如你哋教番媽咪啦，佢哋講得好開心！」
Zaneta聞言即為國際學校的學生平反，功課量絕不輸本地學校，學生競爭之大更是國際級。「我哋嗰陣都做到半夜兩三點，一樣要考試，我哋唔只同香港學生鬥入香港嘅大學，係同全世界鬥入好嘅美國、英國大學，如果入唔到一間好嘅大學，喺學校會被視為失敗，所以壓力都好大，唔勤力考多啲A點入到。」鄭太指德瑞教到學生自發向上，重紀律，惟中文教簡體字，要從課外書補充繁體字知識。
讀書須尊師重道
無論讀哪一間學校，鄭太對孩子的要求非首重成績，而是尊師重道。「返學一定要尊敬老師，聽老師話、嗌早晨，唔可以有任何不敬態度，呢一點好重要。可能我同以前老師仲有聯繫，個女就睇到原來學生可以同老師關係咁好，將來可以成為朋友，所以佢哋覺得老師係好好，返學好似返屋企咁，教乜嘢都容易接受。」
課餘她們最愛看書，一本Harry Potter兩姊妹輪流看，每人四小時一日看完，沉迷書本的程度猶如細路打機不離手，食飯都要看書，父母要勸她們「食埋飯先睇啦！」鄭太從小帶她們到書局，讓她們自行選擇，培養了她們的閱讀習慣。Zaneta指小時候受到Roald Dahl作品《Matilda》的啟發，書中的女主角5歲已看完兒童圖書館的藏書，6歲開始看成人館藏，「我都想好似佢咁！我開始喺學校圖書館入面由A睇到Z，全部書都睇晒，之後就可以睇成人部。書係有種魔力，有好多選擇，去到邊都睇得，加上以前冇internet，但我依家一樣搭車會睇書，行路都睇到。」
餵飽靈魂比賺錢重要
Zaneta經努力之下，IGCSE摘下11個A升讀美國賓夕凡尼亞大學（University of Pennsylvania），主修政治及英國文學，學習世界不同議題，她最希望了解到自己在世界上的位置。「我想領悟呢個世界發生咩事，我個位置喺邊？我係一個點樣嘅人？讀讀吓我發覺政治講唔到俾我聽，之後我上咗堂莎士比亞，喺一個話劇入面佢講咗一句：人只係海嘅一滴水。我哋喺世界嘅地位係點，我覺得文學仲清楚講到俾我聽，因為文學仲要知道作家寫時嘅政治氣氛，所以我揀埋讀文學，最開心功課係要求每星期睇故事書，有時仲可以揀睇戲，原來戲係可以另一角度欣賞嘅。」
Zaneta之後到英國攻讀莎士比亞歷史系碩士，進一步領悟這位大文豪。為賺錢而讀書，還是為滿足靈魂而讀書，各取所需。旦哥夫婦寧願女兒餵飽靈魂，旦哥曾道出，「人生而要搵食，這個當然。但也有很多種『食相』，有人狼吞虎嚥，甚至食埋隔籬嗰份，結果人吃飽了，卻餓死了靈魂。我寧願我的女兒慢慢咀嚼，先餵飽靈魂。」兩個女都做得到了，細女Amanda亦考入英國倫敦大學學院（University College London），卻揀選最小眾的科目「考古」，一度惹起家長間談論。
考古搵到工
Amanda笑言，當初選科未清楚方向，曾考慮過歷史，但怕將來工作死板坐office，不如「考古」四出挖掘，可以飛來飛去。「讀考古係好玩，但我都知道搵工難好多，讀完睇吓有冇機會用囉，考古訓練到我好organized、好detailed， 可以擺入其他工作度。」Amanda返港後已找到工作，擔任旅遊節目的製作助理，繼續飛來飛去！
2013年旦哥寫了一篇潮文講細女讀考古，當時Amanda讀Year 2，到Year 3文章又被瘋傳，「我有朝起身突然收到幾十個messages，『喂，點解facebook有篇文講你嘅？』我係睇過篇文嘅，有提到難搵工，其實讀邊科都難搵工，就算醫生、律師都好大競爭，仲勁過我想做嘅工啦，不過我可以做嘅工種少啲。」她有考慮過找回考古工作，但香港只有政府有考古，主要坐office工作，好少外出機會，「似做PR多過做考古。」
去以色列考古實習的一段經歷教她最難忘，在打仗中挖掘歷史，「掘咗兩三星期後，以色列打仗好多爆炸聲，成日聽到響鐘聲叫人去安全地方匿埋，凌晨三點都要起身。其實整個經歷都唔太驚，因為啲炸彈唔喺我哋附近落地，又冇見到炸過嘅地方。」
兩姊妹畢業後沒打算留英發展事業，選擇返港回父母身邊，在港工作吸取經驗，再作打算。Zaneta說：「喺英國我同妹妹一齊住，我做過一陣時裝雜誌，但佢哋冇錢繼續留我，而我又好掛住爹哋媽咪，婆婆都90歲喇，所以我想返嚟陪佢哋一陣。」她有位比利時律師男友，但現階段不想在比利時發展，現正在香港一本時尚雜誌任時裝記者。「我覺得文字同著衫都係一種溝通方法。」
旦哥夫婦原以為兩個女鬼妹仔性格，畢業後會在外國落地生根，豈料兩女愛回家，旦哥覺得自己賺咗。「我話過你哋鍾意返嚟又得，喺邊搵到食就最好啦，佢哋諗清楚後都係想返嚟攞經驗先。本來冇期望佢哋返嚟，呢兩年突然返嚟身邊，係好開心。」
現在一家四口的關係像朋友，話題比以前更闊，女兒亦不再是小女孩，旦哥樂得輕鬆。「夜晚唔使再提佢哋考試溫書，聽日要返學。佢哋已經大個女，有自己工作、生活，但又住埋一齊，呢種感覺係未試過，以前係我take care佢哋，依家等佢哋take care 我，好似今日做完訪問，家姐今晚煮飯俾我食。」
作者: 小時了了 時間: 19-4-3 15:42
本帖最後由 小時了了 於 19-4-16 09:08 編輯
小女兒上大學，揀選了考古這一科。一眾 uncle auntie、契爺契媽都暗地裏問我：「吓！你俾個女讀考古？第時佢出嚟做咩？ 點搵食呀？ 」
如果人原來只是為了「搵食」而生存，小時候逼她學琴學功夫學體操，都是為了將來可以輕鬆「搵食」，那做人豈不是很容易，但也很可悲？
我跟他們開玩笑說：「我未聽過讀完考古，畢業之後會餓死！」「但讀考古係唔會發達㗎噃！」「你睇吓阿邊個個仔讀 Finance 嘅，返嚟香港入啲大行做暑期工，閒閒哋三四萬人工！呢啲科至會發達㗎！」
他們苦口婆心勸我，還未及提出「金錢非萬能，發達無本心」的道理，又收到朋友來電：「有無搞錯！俾個女去以色列考古？你知唔知嗰邊打緊仗？」
我知！女兒在 Facebook 告訴我，每當聽到警報聲，全組同學就要躲入防空洞，「十分刺激！」女兒又告訴我，每天都挖得一面一身泥，日曬雨淋，「十分享受！」實在太危險了，領隊帶他們去了死海避避風頭，無端端多了幾天假期，「十分好玩！」
就憑女兒這三個「十分」的報告，已經再次肯定我讓她揀選考古這一科是做對了。
人生而要搵食，這個當然。但也有很多種「食相」，有人狼吞虎嚥，甚至食埋隔籬嗰份，結果人吃飽了，卻餓死了靈魂。我寧願我的女兒慢慢咀嚼，先餵飽靈魂。
撰文:鄭丹瑞
欄名:依然快樂
2011年10月05日刊於香港經濟日報
依然快樂 (先餵飽女兒靈魂) ------ 鄭丹瑞 https://www.edu-kingdom.com/forum.php?mod=viewthread&tid=3236058&fromuid=1539350
作者: 小時了了 時間: 19-4-3 15:57
本帖最後由 小時了了 於 19-4-4 06:48 編輯
大半年前自己曾計劃過及考慮過小女會唔會去英國讀 Sixth Form, 當見識又好, 當體驗又好, 當補償自己無機會去外國讀中學.
但之後我了解到阿女間學校竭盡所能、不遺餘力咁為咗學生考好 DSE 及升大學, 以及睇完阿旦大女嘅分享後, 阿女應該會係香港考埋 DSE 才再打算海外留學了.
作者: csy_ma 時間: 19-4-3 16:33
小時了了 發表於 19-4-3 15:57 
大半年前自己曾計劃過及考慮過小女會唔會去英國讀 Sixth Form, 當見識又好, 當體驗又好, 當補償自己無機會 ...
作者: Yanamami 時間: 19-4-3 20:27
本帖最後由 Yanamami 於 19-4-3 20:32 編輯
我都係等两个女考完DSE先出国……想留多幾年係身边，唔係唔捨得，係觉得呢个年紀近住我好d. 講－百句有一句入腦都好，我做一千件事佢有一件記得都好｡我亦似阿旦，讀乜我無意见，將來你对你自己既生命負責，自己走自己既路｡依我生女全知女心肝，放左出去就唔会番黎，所以我珍惜住中学仲可以同佢地相处既日子｡大女都係讀埋d唔等洗科，不过我都觉得大学幾年学soft skills都好重要，係真正準備佢地步入社会｡
作者: picamama 時間: 19-4-3 21:36
小時了了 發表於 19-4-3 15:42
https://www.sundaykiss.com/173130/magazine/sunday-family/%e5%a5%b3%e5%85%92%e5%ad%b8%e6%88%90%e6%ad% ...
原來佢兩個女讀德瑞，很難得，大女學霸竟然不入神科。
作者: like_travel 時間: 19-4-3 22:42
本帖最後由 like_travel 於 19-4-3 22:47 編輯
當屋企有千幾萬散紙閒錢，將來唔洗養家，當然可以揀喜愛的科目讀啦！
隨非想行non jupas入香港大學，如不，考完DSE先去開眼界不妨，以我女為例， 初初去頭一個月，佢真係好唔慣！呢一個月極速長大！視像電話對住我懺悔！話以前唔珍惜父母對佢好嘅日子云云！ 而家學識煮飯，照顧自己，戒甩港女性格 ，暫時嚟講海外升大學仲係好正面！ 思想成熟嘅去海外升學更加 適合！
我個人有啲怪, 希望佢喺嗰邊落地生根, 因為香港而家環境唔好,政治混亂又多人！可惜阿女好鍾意香港，話將來都想返嚟香港發展
作者: GreenMaDad 時間: 19-4-4 10:46
雖然以前睇過新聞話阿旦蝕左600萬好慘，但如果佢兩個女入到德瑞，家庭背景應該差極有限。 張堅庭更加吾好講吧，佢自己都會佢太太（楊受成個女）曾經因為每一小朋友不能自己每人有一間套房而吾開心....
家庭有一定財政能力，大有條件㨂冷門科讀吧。
作者: ilyrd 時間: 19-4-4 11:38
like_travel 發表於 19-4-3 22:42
當屋企有千幾萬散紙閒錢，將來唔洗養家，當然可以揀喜愛的科目讀啦！
隨非想行non jupas入香港大學，如不 ...
作者: MrBeast 時間: 19-4-4 12:51
小時了了 發表於 19-4-3 15:57
大半年前自己曾計劃過及考慮過小女會唔會去英國讀 Sixth Form, 當見識又好, 當體驗又好, 當補償自己無機會 ...
curious what major factors 令你決定dse 後才出國 （vs dse 前）
作者: 小時了了 時間: 19-4-4 13:23
MrBeast 發表於 19-4-4 12:51
thx for sharing, 借花獻佛forward 左去戰場
curious what major factors 令你決定dse 後才出國 （vs dse 前）
1) 影片中, 阿旦學霸大女咬牙切齒、苦口婆心分享佢自己中文唔好, 少咗好多機會. 佢不停勸在座家長及學生, 要學好中文及英文.
2) 阿女間學校高中選修科科目幾乎全港數一數二多科目選 (Category A 、B、C 都可以修讀), 佢間學校真係真心一意為學生好, 盡力幫學生準備DSE 及考大學, 咁好嘅學校, 我想阿女讀到畢業, 唔好嘥咗間咁好學校學習嘛.
3) 考公務員, 中文學歷係必要. 我擔心日後政府有一日只承認 DSE 嘅中文學歷, 唔承認 GCSE 中文, 斷咗阿女將來可能或者考政府工後路. 詳情可以參考以下帖:
認可中文資歷 https://www.edu-kingdom.com/forum.php?mod=viewthread&tid=3642583&fromuid=1539350
作者: MrBeast 時間: 19-4-4 14:00
本帖最後由 MrBeast 於 19-4-4 14:02 編輯
小時了了 發表於 19-4-4 13:23
3 個原因:
1) 影片中, 阿旦學霸大女咬牙切齒、苦口婆心分享佢自己中文唔好, 少咗好多機會. 佢不停勸在座家 ...
agree w 1,3. 另外阿旦和女都提到social aspect, 唔好只顧讀書和中情唐人街，這個越大越難避免，若manage 唔到，倒不如留港仲實際
作者: 樂在其中 時間: 19-4-4 15:52
有閒錢唔洗養家，當然隨心所慾啦
在海外考完A LEVEL Non-jupas 番hk 梗係易d入神科.
作者: Yanamami 時間: 19-4-4 18:11
小時了了 發表於 19-4-4 13:23
3 個原因:
1) 影片中, 阿旦學霸大女咬牙切齒、苦口婆心分享佢自己中文唔好, 少咗好多機會. 佢不停勸在座家 ...
作者: Charlotte_mom 時間: 19-4-4 18:32
picamama 發表於 19-4-3 21:36
原來佢兩個女讀德瑞，很難得，大女學霸竟然不入神科。
呢方面我都好佩服我老闆
老闆博士級，做商界高層（亞太區阿頭級數），兩個仔女都在英國讀一流boarding school
大仔學霸級，pg 想讀咩就讀咩果種，但偏偏立志讀拉丁文學（明明係歐洲人），又偏偏公開試失手果一科。成家人好睇得開，gap year！返大陸打工，用一年時間想清楚
一年之後阿仔決定入讀美國一流大學商科
到細女，其實父母無俾壓力佢；但細女驚到情緒失控，最後又決定，唔理考成點，咩大學都唔報，gap year再算！
然後細女ib 39分去gap year思考人生。最近拎到一大堆名校offer仲揀緊，但老闆話唔記得咩科，總之騎呢科
作者: picamama 時間: 19-4-4 19:36
Charlotte_mom 發表於 19-4-4 18:32
呢方面我都好佩服我老闆
老闆博士級，做商界高層（亞太區阿頭級數），兩個仔女都在英國讀一流boarding sc ...
本帖最後由 picamama 於 19-5-29 13:40 編輯
作者: Yanamami 時間: 19-4-4 19:54
本帖最後由 Yanamami 於 19-4-4 19:56 編輯
Charlotte_mom 發表於 19-4-4 18:32
呢方面我都好佩服我老闆
老闆博士級，做商界高層（亞太區阿頭級數），兩個仔女都在英國讀一流boarding sc ...
真正以人為本，你老闆唔需要靠仔女既成就黎令自己面上貼金，所以可以好睇得开｡當接受左仔女自有佢地自己既路時就会睇得开｡佢俾左最好既support仔女(唔係講錢，而係精神同心理)，遇上乜事，屋企都係自己既支持｡
作者: picamama 時間: 19-4-4 20:12
小時了了 發表於 19-4-3 15:41
https://www.youtube.com/watch?v=HoT3BbjATlU&feature=youtu.be
阿旦大女影片分享片段, 重點可以睇 34:29 ...
本帖最後由 picamama 於 19-4-5 08:35 編輯
睇左條片，但佢大女D工作機會好似全部都係因為佢英文好才得到的（佢GSIS, 入IVY league, master in Shakespeare study, 英文仲好過西人，仲識德文），如何做到中文又好好英文又咁好, 佢英文如果只是一般好水平（一般local school再出去讀幾年），外國人不會咁容易給她在外國做公關和英文雜誌的編輯吧，果然係學霸要求咁高。
作者: Charlotte_mom 時間: 19-4-4 21:56
Yanamami 發表於 19-4-4 19:54
真正以人為本，你老闆唔需要靠仔女既成就黎令自己面上貼金，所以可以好睇得开｡當接受左仔女自有佢地自己 ...
我老闆忙到抽筋一日48個鐘都唔夠用
但佢又犀利在教到兩個仔女都大方得體（唔係表面上得體，係真正有教養心地好又nice）
佢個女話驚考得唔好，老闆百忙之中去香港嘅ib補習校視察（考慮過停學返香港備考，校園內壓力太大）；睇完之後老闆震驚！話自己讀咁多年書從未見過咁嘅變態密封式大型補習學校！佢話呢d唔係學習，決定唔幫個女報
可能佢作為高管，見過太多高分低能，所以佢對分數睇得好淡
作者: Yanamami 時間: 19-4-4 22:07
Charlotte_mom 發表於 19-4-4 21:56
我老闆忙到抽筋一日48個鐘都唔夠用
但佢又犀利在教到兩個仔女都大方得體（唔係表面上得體，係真正有教養心 ...
作者: MrBeast 時間: 19-4-5 06:29
Charlotte_mom 發表於 19-4-4 18:32
呢方面我都好佩服我老闆
老闆博士級，做商界高層（亞太區阿頭級數），兩個仔女都在英國讀一流boarding sc ...
作者: MrBeast 時間: 19-4-5 06:32
Charlotte_mom 發表於 19-4-4 21:56
我老闆忙到抽筋一日48個鐘都唔夠用
但佢又犀利在教到兩個仔女都大方得體（唔係表面上得體，係真正有教養心 ...
作者: Charlotte_mom 時間: 19-4-5 14:25
MrBeast 發表於 19-4-5 06:32
我們暫時冇的補，但at some pt 我估都要接受現實
其實佢個女本身都攪得掂，但自己俾自己壓力大，同輩間亦追求好高目標個個都想入牛劍，佢見哥哥咁叻都撻Q自己更驚，咪攪到幾乎爆煲
作者: ANChan59 時間: 19-4-5 18:21
Charlotte_mom 發表於 19-4-4 21:56
我老闆忙到抽筋一日48個鐘都唔夠用
但佢又犀利在教到兩個仔女都大方得體（唔係表面上得體，係真正有教養心 ...
補得一時，補唔到一世！
作者: ANChan59 時間: 19-4-5 18:25
Yanamami 發表於 19-4-4 22:07
識做人同健康係長遠既，你老闆禁叻－定早已睇通睇透｡佢仔女都已有良好教育，就算分数未去到頂級又何妨？因 ...
From my son’s sharing about working relationship in the company, attitude and sense of humour are so important and useful.
作者: Charlotte_mom 時間: 19-4-5 19:39
ANChan59 發表於 19-4-5 18:25
From my son’s sharing about working relationship in the company, attitude and sense of humour are ...
對，我地好多高分低能。老闆成日背後話佢地spoiled child, kindergarten kid （因為我地仔女差唔多年紀所以成日講仔女經）
成日I want I want I want但永遠唔會先考慮自己可以點付出
作者: 宮二 時間: 19-4-6 20:46 標題: 回覆樓主：
本帖最後由 宮二 於 19-4-6 20:59 編輯
讀考古的說「香港只有政府有考古，主要坐office似做PR多過做考古。」 目光未免太狹隘。
我相信若果佢中文和中國歷史了得，（當然是考古級數，識去茶記叫乾炒牛河唔算），機會應比較多，就算唔上大陸，國際拍賣行和大學都會爭住請。
看看拍賣行成交價就知道佣金可以有幾和味，邊個話讀考古唔會發達。
作者: picamama 時間: 19-4-7 10:10
宮二 發表於 19-4-6 20:46
讀考古的說「香港只有政府有考古，主要坐office似做PR多過做考古。」 目光未免太狹隘。
我相信若果佢中文和 ...
考古個D出土文物，通常收歸國有，同博物館工作/研究有關係D，拍賣行個多數是fine arts出身。
作者: csy_ma 時間: 19-4-7 10:42
本帖最後由 csy_ma 於 19-4-7 10:46 編輯
讀本科，同人既興趣傾向、思維訓練有關啲？只要培養到個人自信，就唔愁揾唔到工。而職業既嘢，揾唔揾到啱，可能關條命多啲？識人好過識字，IQ好不如EQ好啦？
呢個世代，本科讀咩真係唔重要，重要係有冇興趣讀，同埋讀唔讀得好。大學果四年係幫學生點培養成為一個獨立自信既自己啫，咁畀佢地揀、畀佢地負責唔係第一步咩？
我囡係今屆DSE，佢A1~A3係同一大學，但科系既選擇就非常唔同。佢爸既角度係，支持佢任何決定一一呢個係當爸一貫既偏寵，所以我囡雖然有時有啲偏，思路未算寬，但人就頗有自信。
有時，覺得幾奇怪，當父母既，一方面話希望子女自信獨立，一方面又不斷以行動向佢地投不信任票：無論升中選校、高中選科、大學選校選系、揀男女朋友、求職……等，咁點令肯聽話既媽寶成長？唔肯聽話既，引子女既精力去如何同父母角力果方面，唔係曳搞？
不過，家庭背景又真係好影響子女成長。據我觀察，父母心裡貧窮（唔係現實上貧窮，呢啲係相對既，睇吓你同咩人比）既，子女選科多半比較現實，家庭較有底蘊的，子女先選如音樂、fine art或其他「搵唔到錢」既冷門
作者: October. 時間: 19-4-7 12:49
一般打工仔家庭係大多數，個人睇法，仔同女會有啲唔同，當初我女大學選科，我哋輕輕建議過揀門專科讀，需要有牌果隻，但係佢唔中意，有自己選擇，結果我們都冇意見。
男仔又唔同，一般社會對男仔期望既角色係養家活兒，選科無可避免多點從現實角度出發，就像樓上charlotte_mom老闆仔既例子，中意拉丁文，可能過程中興趣改變或認知受到咩應響，最後既結果咪又係入讀美國一流大學商科。
作者: nkd 時間: 19-4-8 15:34
csy_ma 發表於 19-4-7 10:42
讀本科，同人既興趣傾向、思維訓練有關啲？只要培養到個人自信，就唔愁揾唔到工。而職業既嘢，揾唔揾到啱， ...
求教：
睇送食飯，應該揀名校次愛科目，還是其他大學心愛科目呢？
作者: csy_ma 時間: 19-4-8 17:50
nkd 發表於 19-4-8 15:34
求教：
睇送食飯，應該揀名校次愛科目，還是其他大學心愛科目呢？
我囡有好友考到，我先聽聞，原來，港大護理系畢業後受歡迎程度，甚至或遜於東華或OU出來的？？
30年前，讀醫毫無疑問揀港大，30年後，中大港人好似叮噹馬頭，各有擁躉？
還是回到基本：什麼是真實而恒久既哩（冇錯，我係抄歌詞）？
教，實在唔敢講，自己個囡都唔聽我之笛，我都不知幾羨慕在此分享的諸位
我只能好似《小王子》中的國咁，叫太陽日出而升、日落而末，順應規律向女兒提建議吧了……
作者: nkd 時間: 19-4-8 18:04
本帖最後由 nkd 於 19-4-8 18:25 編輯
csy_ma 發表於 19-4-8 17:50
其實，咩係名校呢？
我囡有好友考到，我先聽聞，原來，港大護理系畢業後受歡迎程度，甚至或遜於東華或OU出 ...
謝謝你的提點。
我也想，還是選科第一，名不名校第二吧。
作者: Charlotte_mom 時間: 19-4-8 21:17
October. 發表於 19-4-7 12:49
一般打工仔家庭係大多數，個人睇法，仔同女會有啲唔同，當初我女大學選科，我哋輕輕建議過揀門專科讀，需要 ...
都話炒左拉丁文，仲點讀啊。除非入間唔係心儀嘅學校，佢又唔想
作者: Charlotte_mom 時間: 19-4-8 21:19
nkd 發表於 19-4-8 18:04
謝謝你的提點。
我也想，還是選科第一，名不名校第二吧。
兩皮有時係需要平衡
咁本事大把貨當然叻叻豬
但勁校非心儀科目vs非勁校心儀科目，係的確要唸唸的
作者: crocodylian910 時間: 19-4-18 18:11
要去到旦哥嘅層次，完全唔care個女讀d咩做d咩，有幾多香港家長真係可以做到呀
作者: JustAParent 時間: 19-4-18 19:21
crocodylian910 發表於 19-4-18 18:11
要去到旦哥嘅層次，完全唔care個女讀d咩做d咩，有幾多香港家長真係可以做到呀 ...
佢乜野層次？可能講極個女都唔聽佢支笛，啞子吃黃蓮
作者: ABC-DAD 時間: 19-4-19 11:10
睇得出兩個女都好尊重daddy 喎。
作者: ABC-DAD 時間: 19-4-19 11:16
兩位爸爸自己做talk show 、做主持，同有自己小朋友一齊嘅時候，係有唔同嘅表現嘅，尤其張導自己嘅視頻。
作者: ABC-DAD 時間: 19-4-19 11:27
前段25分鐘都好值得去聽下，Zaneta 對英美大學嘅精簡分析係好到肉。
家姐同個妹對多元語言文化嘅體會，好值得去探討下，到底自身語言文化嘅優點同價值，家長係咪可以完全忽視呢？
作者: retriever 時間: 19-4-30 10:37
Charlotte_mom 發表於 19-4-4 18:32
呢方面我都好佩服我老闆
老闆博士級，做商界高層（亞太區阿頭級數），兩個仔女都在英國讀一流boarding sc ...
如無記錯, 周大碌個長孫係讀藝術既, 而家佢攪既商場亦滲入藝術元素....
普通家庭細路, 揀科唔諗就業就勢係假, 仲要托錢去國外讀大學....
留意在線藝人, 就算唔係富豪級, 佢地既名氣可以讓佢賺錢能力超越年齡.
反過來, 普通家庭打工仔父母, 到入伍年齡已經係倒數階段, 仲講物鬼考古!
作者: retriever 時間: 19-4-30 10:44
ABC-DAD 發表於 19-4-19 11:16
兩位爸爸自己做talk show 、做主持，同有自己小朋友一齊嘅時候，係有唔同嘅表現嘅，尤其張導自己嘅視頻。 ...
如無記錯, 旦導跟張導係老友兼沙煲兄弟...
作者: ABC-DAD 時間: 19-4-30 11:18
retriever 發表於 19-4-30 10:44
如無記錯, 旦導跟張導係老友兼沙煲兄弟...
人地對襯家都唔關我事吖。
| 歡迎光臨 教育王國 (/) |
Powered by Discuz! X1.5 |