教育王國
標題: 小小年紀已經要面對不公平現實 [打印本頁]
作者: samhongkong 時間: 19-4-3 14:03 標題: 小小年紀已經要面對不公平現實
小女初小，就讀沙田熱門小學之一。昨天放學回家後很不高興，問她時便激動地哭，很傷心。
原來上英文堂時，同學按英文能力被分成不同組别而坐，有一位外藉英文教師，偏坦英文較弱的一組同學，每當他們答問題便加分，而小女的組別，答問題卻甚少加分。
我跟女兒說，老師只是想鼓勵較弱的同學，你就當幫幫同學吧。然後女兒說，明明是那一組同學說話大聲，自己一組沒說話，老師卻懲罰女兒那組，要減她們分，而且不是一次了，其他同學也覺得老師很不公平。然後便又大哭起來了。
身為家長，我知道世界上的不公在所難免，但我不希望她少少年紀便要面對社會的灰暗面，但我又怕打電話給學校後，那位老師會從此針對小女。
請問我應該怎樣解決，和怎去開導小女好？我還想女兒對世界持有正面的看法。
作者: vpo0615 時間: 19-4-3 14:11
升咗班仲會有機會由呢個外藉英文教師教嗎?
仲有幾個月就捱完呢一級....
作者: vpo0615 時間: 19-4-3 14:15
當然呢幾個月都要開導女兒.....
有無其他同組同學家長嘅聯絡電話? 睇吓其他同學係咪都有情緒受困, 如果個個同學仔都一樣, 絕對可以搵班主任傾傾.....
作者: lulumelody 時間: 19-4-3 14:16 標題: 回覆樓主:
其實你女囡囡已對英文能力弱的同學有偏見，囡囡講的亦可能偏面，而且，老師幫能力差的亦正常，根本不是不公平。家長應努力令小朋友明白。
作者: Jane1983 時間: 19-4-3 14:24 標題: 回覆樓主:
呢d梗有既，當係社交訓練。唔係針對佢一個，好容易get over。開解吓佢，細路哥好快唔會介懷。
作者: ar_mak 時間: 19-4-3 14:46
提示: 作者被禁止或刪除 內容自動屏蔽
作者: samhongkong 時間: 19-4-3 18:04
本帖最後由 samhongkong 於 19-4-3 18:08 編輯
唔知道升班之後，係咪仲係呢位老師。
有可能真係誤會，所以我會叫女兒同其他同學傾下，睇下其他人點睇，以及跟同學商量解決辦法。
一星期先一堂外藉老師教，我等女兒報告埋下次情況，有需要就同其他家長商量辦法。
作者: yovin 時間: 19-4-3 18:50
samhongkong 發表於 19-4-3 18:04 
唔知道升班之後，係咪仲係呢位老師。
有可能真係誤會，所以我會叫女兒同其他同學傾下，睇下其他人點睇，以 ...
如果熟實:
因能力弱就→被過份偏袒、被老師強化保護，老師不是幫助，而係害緊小朋友。
不過，我一定存疑去多方查證， 唔會聽片面之詞，也會客氣地向老師了解事件， 好似傾計咁 、而唔係質問 、更不是投訴。 了解清楚事實真相，方知下一步方案……
作者: sinam 時間: 19-4-3 18:59 標題: 回覆樓主
如果小朋友太介意成敗輸贏，未必是好事。除了多方求証加以開解，也要多留意小朋友在其他範疇是否也有這種「唔輸得」的情況。
作者: jumphigh 時間: 19-4-3 19:54 標題: 回覆樓主:
提示: 作者被禁止或刪除 內容自動屏蔽
作者: vestzs 時間: 19-4-3 21:00
你要明白公平待遇和平等待遇的分別先
作者: asweetmom 時間: 19-4-3 21:05 標題: 回覆樓主:
不讓孩子認識真實的世界，除非父母可以一輩子圈養/保護。
作者: ABC-DAD 時間: 19-4-3 21:28
如果以一個學習嘅遊戲去睇，無 羞辱或者喝罵學生嘅成分， 我覺得可以先認同小朋友唔開心嘅感受嘅，照顧左佢情緒之後，亦適當要問下有無開心嘅部分，分享下自己細路仔讀書嘅故事，遇到問題自己點面對。
不失為一個學習經歷小小逆境嘅機會，大人睇得開，處之泰然，小朋友自然慢慢可以自處。
作者: fadgare 時間: 19-4-3 21:53 標題: 回覆樓主:
為什麼沒有說話就減分？不明白. 可否打去學校問一下了解情況？
作者: pekovian 時間: 19-4-3 22:56 標題: 回覆樓主
其實都係玩下遊戲啫，教個女睇開d，初小都唔細架啦，係時候學下點處理自己既心態/情緒。
作者: samhongkong 時間: 19-4-4 00:49
回覆 sinam 的帖子
女兒真係有唔輸得和太重視成敗既性格。但看她的情緒，她的激動是出於受到委屈，因為她覺得無理受罰。
作者: samhongkong 時間: 19-4-4 01:11
今日我再問她上學心情如何，她平伏了很多，說已經習慣了，也沒有再找同學商量。
我想是因為今天沒有外籍老師堂，她小息和午休時肯定只顧著跟同學玩了。只好等下次有外藉老師堂，再問清楚情況。
暫時不想直接找學校先，怕因為誤會而另老師覺得我們是麻煩家長。
作者: picamama 時間: 19-4-4 08:24
samhongkong 發表於 19-4-3 14:03
小女初小，就讀沙田熱門小學之一。昨天放學回家後很不高興，問她時便激動地哭，很傷心。
原來上英文堂時， ...
我覺得小孩子有時講出來只是發洩下不滿，不用太大反應，像佢地平時玩都愛投訴別人點點點，自己錯又永遠話人錯。我會講老師想鼓勵英文冇咁好的同學所以咁做，令佢站在英文弱同學的角度想。再觀察先不要咁快驚動老師，除非之後覺得有影響她學習情緒才再聯絡老師。
講真小孩很受大人想法影響，我女上體育課比老師鬧回來也説老師不公平只話佢，不想上課，我告訴她是因為老師覺得佢有天份可以做得好好，但佢卻沒有用心做好，老師緊張佢所以才話佢，這個老師是好老師因為她對自己教學很認真，咁我女之後又喜歡上體育課了。
作者: gracelam 時間: 19-4-4 08:29
samhongkong 發表於 19-4-3 14:03
小女初小，就讀沙田熱門小學之一。昨天放學回家後很不高興，問她時便激動地哭，很傷心。
原來上英文堂時， ...
玩遊戲比賽最終目的係學習, 除學習課程內容, 更可學習團隊合作, 比賽過程可能有"不公平"出現, 呢D亦係人生路上學習的一課。
如果老師冇惡言相向, 無故責罵孩子, 其實小事一樁, 孩子需要長大, 家長亦無需每每為佢地"出頭", 爭取所謂公平。
可能第2日已經忘記件事, 只係父母太著緊當時一刻小孩的感受。
作者: ABC-DAD 時間: 19-4-4 13:39
新環境引出新體驗同有情緒，關顧下自己小朋友也是人之常情，慢慢也就適應到。
作者: bobbob 時間: 19-4-4 14:12
samhongkong 發表於 19-4-3 14:03
小女初小，就讀沙田熱門小學之一。昨天放學回家後很不高興，問她時便激動地哭，很傷心。
原來上英文堂時， ...
作者: akys 時間: 19-4-4 15:59
其實幾有趣，外國人確實係唔同啲。從來老師只會偏心成績好，操行好的同學，今次竟然反過來，貶低成績好，好乖冇出聲嗰班學生，真另類。
作者: picamama 時間: 19-4-4 16:16
akys 發表於 19-4-4 15:59
其實幾有趣，外國人確實係唔同啲。從來老師只會偏心成績好，操行好的同學，今次竟然反過來，貶低成績好，好 ...
係架，在國際學校，D老師一般唔會只「集中」讚賞叻的學生架，唔想佢地覺得自己「太特出」，反而「差」的學生有動力向上佢地會好欣賞。
作者: haihaimom 時間: 19-4-4 17:03
samhongkong 發表於 19-4-3 14:03
小女初小，就讀沙田熱門小學之一。昨天放學回家後很不高興，問她時便激動地哭，很傷心。
原來上英文堂時， ...
我想起這幅圖片
圖片附件: myimage.jpg (19-4-4 17:03, 201.14 KB) / 下載次數 36
/forum.php?mod=attachment&aid=MjkxMTczfDY3ODEwNDdmfDE3NTI4MjU3OTZ8MA%3D%3D
作者: hitommycc 時間: 19-4-4 17:23
picamama 發表於 19-4-4 16:16
係架，在國際學校，D老師一般唔會只「集中」讚賞叻的學生架，唔想佢地覺得自己「太特出」，反而「差」的學 ...
外國老師是這樣，我仔班裡學術最叻的幾個不會多得讚賞，反而數學最差的有一點進步就會被讚到誇張。IS小學無競爭意識，大家happy，無人會在意這些。樓主囡囡心思細膩有競爭心，多寬解就ok，唔係多大件事。
作者: 小曳人 時間: 19-4-4 21:04
本帖最後由 小曳人 於 19-4-4 21:08 編輯
haihaimom 發表於 19-4-4 17:03
我想起這幅圖片
exactly!我都係諗起呢張圖！
樓主，試下同阿女傾下上要幅圖，睇下佢明唔明白呀
我兒學校前任校長曾經响新生家長briefing show 過，我好明白.... 對高嘅孩子，自己唔喜歡右圖...
作者: samhongkong 時間: 19-4-4 22:37
回覆 小曳人 的帖子
今日見女兒心情好，我又同佢傾多Ｄ，原來佢個組真係有人傾計，所以扣分。女兒不開心是因為她覺得老師從來不罰較弱的一組，就算他們有傾計也沒有罰，而她自己沒有傾計，卻因為其他組員而受罰。
我明白老師是想鼓勵較弱的同學，但我真的不知道怎樣去安慰女兒，因為我相信她很乖，而班主任也說她上堂很專心和認真。
我明天就讓她看看上面的圖，試試解釋某些同學需要多些鼓勵和幫助。但是她沒犯錯而受罰，其他人犯錯卻不用受罰，我又怎去解釋好呢？
作者: asweetmom 時間: 19-4-4 22:46
samhongkong 發表於 19-4-4 22:37
回覆 小曳人 的帖子
今日見女兒心情好，我又同佢傾多Ｄ，原來佢個組真係有人傾計，所以扣分。女兒不開心是 ...
你女兒尚沒有團隊概念，她還是一個個體，只想做好自己。要不你普及她一下"連坐"吧？
作者: asweetmom 時間: 19-4-4 22:49
yovin 發表於 19-4-3 18:50
如果熟實:
因能力弱就→被過份偏袒、被老師強化保護，老師不是幫助，而係害緊小朋友。
我同意你，不同意那張公平及平等圖。
作者: asweetmom 時間: 19-4-4 23:20 標題: 回覆樓主:
內地流行一種說法，可憐之人必有可恨之處。
作者: samhongkong 時間: 19-4-4 23:21
回覆 asweetmom 的帖子
請問"普及她一下連坐" 是甚麼意思？
作者: samhongkong 時間: 19-4-4 23:33
本帖最後由 samhongkong 於 19-4-4 23:34 編輯
回覆 asweetmom 的帖子
我完全沒有恨意，也明白老師用意。
但我自己不會用此方針，我覺得應該因材施教。例如我兒子天生認字有困難，讀書不好，我不會強求他跟家姐一樣有好成績，亦不期望老師會特別照顧他。
反而他的數感很好和很有藝術細胞，我會多培養他的藝術創作，將來做他有興奮的工作便滿足了。每人也有長短處，不應該只用成績去衡量所有人。
作者: asweetmom 時間: 19-4-5 00:00
samhongkong 發表於 19-4-4 23:33
回覆 asweetmom 的帖子
我完全沒有恨意，也明白老師用意。
只有父母才可能因材施教，對學校只是不會實現的理想。
作者: yovin 時間: 19-4-5 03:02
samhongkong 發表於 19-4-4 22:37
回覆 小曳人 的帖子
今日見女兒心情好，我又同佢傾多Ｄ，原來佢個組真係有人傾計，所以扣分。女兒不開心是 ...
本帖最後由 yovin 於 19-4-5 03:03 編輯
你試下解釋。
在群體的社會中， 特別係工作嘅團隊， 如果因為一個人嘅錯， 真係會無辜嘅都會被牽連， 首當其衝就係團隊。對小朋充 要用淺白的比喻，如: 廚師煮嘢食不清潔， 食物中有曱甴。 那麼， 老闆可能會被罰款、 嚴重啲舖頭會執笠/ 封鋪、 連累所有同事 都失業。
有時， 不在團隊的人 也被影響。 用以上例子， 就是吃了不潔食物 入醫院的人。
此事中學到什麼？ 團體中的個人重要性 和影響。
如果囡囡handle到， 你可以反問 如果你係老師 你會點做？
其實，學校就是社會的縮影， 老師可能就是 希望學生們多想想，為什麽？ 不明白的， 可以禮貌地直接問老師 亦可以問家長和長輩。
PS.以上事情，我小時直接問老師而學會的。希望 幫到你。
作者: yovin 時間: 19-4-5 03:28
asweetmom 發表於 19-4-4 22:49
我同意你，不同意那張公平及平等圖。
本帖最後由 yovin 於 19-4-5 14:21 編輯
我都明白 點解你唔同意張圖。 細心去睇一睇就知道呢兩張圖潛藏著 誤導。
上面原圖
因為右邊嗰張圖， 係就係公平待遇， 不過 就好容易 令人錯覺 變成
⇒「公平待遇中 過份不平等待遇」
而左邊嗰張圖，也令人錯覺變成
⇒「平等待遇沒有用」
雖然原圖沒有錯， 但帶有誤導性去負面解釋。
我試下 用下面我畫嗰幅圖(加了基本線) 去解釋 平等待遇VS公平待遇會唔會 感覺好啲 正面啲？
圖片附件: 1554445277560_sign.JPEG (19-4-5 14:21, 86.33 KB) / 下載次數 45
/forum.php?mod=attachment&aid=MjkxMjU1fDNlNWQ4MzgyfDE3NTI4MjU3OTZ8MA%3D%3D
圖片附件: 1554445277566_sign.JPEG (19-4-5 14:21, 150.1 KB) / 下載次數 49
/forum.php?mod=attachment&aid=MjkxMjU5fDRlYjYxZWE3fDE3NTI4MjU3OTZ8MA%3D%3D
作者: Olympian 時間: 19-4-5 10:05
bobbob 發表於 19-4-4 14:12
反而想講下學校安排，按學生能力分組都ok，但點解唔同組別又一齊上課，咁咪無咗個原意？ ...
我都覺得真係好奇怪。
作者: Diversifyedu 時間: 19-4-5 11:24
bobbob 發表於 19-4-4 14:12
反而想講下學校安排，按學生能力分組都ok，但點解唔同組別又一齊上課，咁咪無咗個原意？ ...
我估其一係資源問題，其二可能容易集中關顧較弱一組，其三較弱學生有role model學習
作者: Olympian 時間: 19-4-5 15:39
Diversifyedu 發表於 19-4-5 11:24
我估其一係資源問題，其二可能容易集中關顧較弱一組，其三較弱學生有role model學習
...
只看到兩敗俱傷的局面。
作者: Elenalan 時間: 19-4-5 16:23
bobbob 發表於 19-4-4 14:12
反而想講下學校安排，按學生能力分組都ok，但點解唔同組別又一齊上課，咁咪無咗個原意？ ...
我女學校都係按能力分組，唔同組做唔同程度堂課工作紙，聽呀女講有時老師會安排能力高果組d同學去教其他組嘅同學。我諗老師都係想因材施教同時同學間互相鼓勵。
作者: bobbob 時間: 19-4-5 18:07
Diversifyedu 發表於 19-4-5 11:24
我估其一係資源問題，其二可能容易集中關顧較弱一組，其三較弱學生有role model學習
...
作者: bobbob 時間: 19-4-5 18:12
Elenalan 發表於 19-4-5 16:23
我女學校都係按能力分組，唔同組做唔同程度堂課工作紙，聽呀女講有時老師會安排能力高果組d同學去教其他組 ...
作者: Olympian 時間: 19-4-5 18:15
bobbob 發表於 19-4-5 18:07
分組好處係唔駛遷就不同程度教學，影響學生學習，亦避免弱嘅小朋友失去自信，但咁嘅安排真係睇唔出有乜好處 ...
對。如果要圈出能力弱的一組，就應分開教。
如果要能力弱的一組有role model ，一齊教都無問題，但就唔洗把人家圈出來。弱的被標籤成弱者，強的滋養了優越感。
作者: Elenalan 時間: 19-4-5 18:30
bobbob 發表於 19-4-5 18:12
即係同一班不同程度不同教材，咁老師咪每堂要用多幾倍時間教學？我哋老師唔建議學生教學生，因為有機會教錯 ...
我只係知堂課工作紙分三個程度，至於「學生教學生」係呀女有次同我講，是否常規定係個別活動我唔清楚。但我覺得呢個係學校一向嘅教學方法，亦有成效(現實d以升中派B1%計，加上極少派B3)。我冇詳細了解，但信任學校經驗。
作者: Elenalan 時間: 19-4-5 18:59
bobbob 發表於 19-4-5 18:07
分組好處係唔駛遷就不同程度教學，影響學生學習，亦避免弱嘅小朋友失去自信，但咁嘅安排真係睇唔出有乜好處 ...
「每級同時間上同一科，同程度上同一班」，即係指精英班? 但係某d學生可能只係學習上短暫滯後，可能一個學段已可跟上進度甚至可挑戰更高程度，如果每學段以考試成績再分班，每年咪要分幾次班，班級管理上好難實行，會好混亂，學生經常轉班亦影響社交。
作者: LeeCC 時間: 19-4-5 19:46
其實有些小朋友本身能力較高，習慣了讚許，受老師注意，一旦老師注意力集中在她眼中渣的同學，不是事事讚許自己，心裡覺得委屈了
作者: bobbob 時間: 19-4-5 19:59
Elenalan 發表於 19-4-5 18:59
「每級同時間上同一科，同程度上同一班」，即係指精英班? 但係某d學生可能只係學習上短暫滯後，可能一個學 ...
作者: Elenalan 時間: 19-4-5 20:34
bobbob 發表於 19-4-5 19:59
唔係精英班，係每科（主科）分程度上，其實都有唔少學校係咁實行，有啲甚至分成6、7組（全校可能得4、5班） ...
我見識少，請問係咪國際學校? 即係每科都可能同唔同嘅學生一齊上? 學生唔屬於指定一班? 有冇班主任?
咁每次用咩準則分班? 幾耐分一次?
你講嘅教學模式係好好，不過資源問題，我諗一般津校應較難實行。但同IS和直私校相比，津校收生因為沒有面試，學生能力程度差距更大，其實更需要因材施教。
所以，我覺得分程度堂課工作紙，某程度上已經係有考慮學生能力，唔係夾硬要互相遷就。
作者: TAIOU4 時間: 19-4-6 02:08
回覆 Elenalan 的帖子
老老實實
成績好o既學生/家長o既競爭心都好強
在香港高人口社會教學模式一定係玩Last Man Stand
說什麼紳士風度放棄機會
應該不會有上層的家長這樣教子女
不然大學就不用設收生分數標準吧
這種情況如要令女兒開心
與其投訴老師
不如
1. 要她知道自己比較優秀並多幫助弱勢同學從中得到自信心
2. 不要硬講公平不公平，要她從老師角度出發去玩角式扮演
用另一個方法去取得滿足感
世界跟本就唔公平
尼樣o野早D比佢認識到絕不是壞事
作者: samhongkong 時間: 19-4-6 06:54
回覆 TAIOU4 的帖子
教她從老師角度考慮確是好方法！
我覺得可以利用今次事件教女兒團隊精神，照顧弱勢社群，多角度思考等必要技能，謝謝你們的幫助！
作者: bobbob 時間: 19-4-6 11:29
Elenalan 發表於 19-4-5 20:34
我見識少，請問係咪國際學校? 即係每科都可能同唔同嘅學生一齊上? 學生唔屬於指定一班? 有冇班主任?
咁每 ...
作者: asweetmom 時間: 19-4-7 15:51
yovin 發表於 19-4-5 03:28
本帖最後由 yovin 於 19-4-5 14:21 編輯
我都明白 點解你唔同意張圖。 細心去睇一睇就知道呢兩張圖潛藏 ...
你真有心！ 
我想起另一件事，有一次公司活動，有一位同事的女兒一來到就對其他人說不要因為她小就讓她，她也不會讓比她小的小孩子，還說孔融讓梨是專制和虛偽。 
作者: yovin 時間: 19-4-7 18:11
asweetmom 發表於 19-4-7 15:51
你真有心！
我想起另一件事，有一次公司活動，有一位同事的女兒一來到就對其他人說不要因為她 ...
係！我都咁教仔……
如果接受別人相讓， 就代表自己承認比人弱。
但自己真實需要幫助時就要「開聲」， 因為始終十隻手指有長短， 唔會所以都叻曬。
施比受更有福！
平時只需要 主動 相讓「老病 傷殘」嘅人就可以，他們本身都不想如此境況。
其他健康正常人， 就等別人開聲才去「考慮」協助與否。
作者: tingtingword 時間: 19-4-7 20:44 標題: 回覆樓主
勁小事，教小朋友盡咗力就得，世界就係不公平，何需計較
作者: 傻太 時間: 19-4-9 12:58
asweetmom 發表於 19-4-4 22:49
我同意你，不同意那張公平及平等圖。
呢張會否好點？「公平 vs 公義」我一直keep呢張圖去教仔女，有能力嘅人要幫弱小的人，這叫「公義」
圖片附件: myimage.jpg (19-4-9 12:58, 212.13 KB) / 下載次數 51
/forum.php?mod=attachment&aid=MjkxNzIzfGE5ODFjM2RmfDE3NTI4MjU3OTZ8MA%3D%3D
作者: 傻太 時間: 19-4-9 13:17 標題: 回覆樓主
樓主呢件事上，「賞」方面我覺得無問題亦容易和小朋友解釋，但「罰」方面就不太應同，有能力不是錯，也不可被老屈。。。但正如前面有人提過，可能包含了囡囡的偏見
作者: 猴子爸 時間: 19-4-9 14:55
其实所谓“罚”，也只是名义上扣下分而已。
若是我，我会教她如何用英文发问，例如，先举手，“May I know why you...?" "Could you please tell me what I have done wrong?" 一定要有礼貌，但也要懂得如何发表意见，即使是表达不同意，鬼佬最buy.
做人要勇敢一点，才可以学到更多的东西，也不会把不安情绪郁在心里。
作者: shadeslayer 時間: 19-4-9 16:44
傻太 發表於 19-4-9 12:58
呢張會否好點？「公平 vs 公義」我一直keep呢張圖去教仔女，有能力嘅人要幫弱小的人，這叫「公義」
...
咁跑步比賽係未調節都個個同一時間衝線才叫公義。
公義不是咁簡單。
作者: 健健BB 時間: 19-4-10 08:19
lulumelody 發表於 19-4-3 14:16
其實你女囡囡已對英文能力弱的同學有偏見，囡囡講的亦可能偏面，而且，老師幫能力差的亦正常，根本不是不公 ...
正確！能力較差的同學，只有在學校才會被多一點照顧，真正的社會係一沉百踩！小小年紀，作為老師或大人的係要讓他們學習努力，自强，加以鼓勵！老師做得好好吖！亦可同時教導能力高的同學一種同理心，也同時學習鼓勵他人！細個唔學，大咗就會加入一沉百踩的行列！
作者: judy 時間: 19-4-10 08:59
我以為咩事。年紀小小已將此等小事咁入心，唔係好現象
作者: MNIF 時間: 19-4-10 10:14
提示: 作者被禁止或刪除 內容自動屏蔽
作者: wpc666 時間: 19-4-10 10:16
samhongkong 發表於 19-4-4 00:49
回覆 sinam 的帖子
女兒真係有唔輸得和太重視成敗既性格。但看她的情緒，她的激動是出於受到委屈，因為她 ...
作者: 傻太 時間: 19-4-10 16:20
猴子爸 發表於 19-4-9 14:55
其实所谓“罚”，也只是名义上扣下分而已。
若是我，我会教她如何用英文发问，例如，先举手，“May I know ...
扣分當然只是小事，樓主女女話弱組多咀唔扣分，佢地多咀就扣分，應該條氣不太順
作者: 傻太 時間: 19-4-10 16:27
shadeslayer 發表於 19-4-9 16:44
咁跑步比賽係未調節都個個同一時間衝線才叫公義。
公義不是咁簡單。
自己選擇去參加一場比賽，就要接受果個水平的要求，比賽場上都係講「公平競爭」不是「公義競爭」。。。
我小朋友有參加不同水平的賽事，有的預知會贏幾條街，我也不會叫佢讓人。亦有d預知會輸到趴係度，我只鼓勵佢勇敢迎戰，輸少當贏。
但樓主女女這些課堂上的「比賽」，老師應該另有主旨。
作者: 猴子爸 時間: 19-4-10 17:10
傻太 發表於 19-4-10 16:20
扣分當然只是小事，樓主女女話弱組多咀唔扣分，佢地多咀就扣分，應該條氣不太順
...
父母千万不要为子女出头，否则会做坏姿势，子女也学不到应该要学的东西。
作者: shadeslayer 時間: 19-4-10 19:14
傻太 發表於 19-4-10 16:27
自己選擇去參加一場比賽，就要接受果個水平的要求，比賽場上都係講「公平競爭」不是「公義競爭」。。。
...
我只想帶出，公義是很複雜的事，並不是一張咁嘅卡通圖畫可以表達得清楚。
作者: asweetmom 時間: 19-4-10 23:13
傻太 發表於 19-4-9 12:58
呢張會否好點？「公平 vs 公義」我一直keep呢張圖去教仔女，有能力嘅人要幫弱小的人，這叫「公義」
...
你這張很清楚明白，願景也很美好。
但是如果多伸延思考一下，問題也很多。箱子由誰提供、如何分配箱子、誰有權力分配箱子。。。。。。
作者: shadeslayer 時間: 19-4-11 08:46
asweetmom 發表於 19-4-10 23:13
你這張很清楚明白，願景也很美好。
但是如果多伸延思考一下，問題也很多。箱子由誰提供、如何分配箱子、誰 ...
本帖最後由 shadeslayer 於 19-4-11 09:00 編輯
弱小的人便要幫助，也不是必然公義的。
例一：
紐約最近發現其八百幾要考入的 elite school 位，只有八位是黑人，七十幾巴仙亞洲睿的人。亞洲人父母緊張，學生讀書勤力，考試成績好，眾所皆知。黑人要幫忙嗎。
例二：
美國名大學入學有所謂 affirmative action. 亞洲入成績好，爭入名大學輸給成績較差的黑人，公不公義？
例三：
男女小學生發展差異有科學根據，香港平機會判小學生升學男女生一條隊，公義否。
Xxxxx
第三例易D。但延伸的問題不少。
萬千類似問題，不是一個箱子，誰人派，一幅圖咁簡單。
作者: 傻太 時間: 19-4-11 13:19
猴子爸 發表於 19-4-10 17:10
”條氣不太順”，就是因为不顺，就更需要发声，是为自己发声。趁还可以发声时，就学习用什么态度和英文语法 ...
既然樓主囡囡是英文較強的一組，我或老師也不會質疑她的ORAL，更不會擔心她應該講英文的情況下講廣東話？在我黎講，語言係溝通的橋樑，沒有尊卑之分。
作者: 傻太 時間: 19-4-11 13:21
本帖最後由 傻太 於 19-4-11 13:22 編輯
asweetmom 發表於 19-4-10 23:13
你這張很清楚明白，願景也很美好。
但是如果多伸延思考一下，問題也很多。箱子由誰提供、如何分配箱子、誰 ...
我係呢張圖最高果個的話，除非我轉贈個箱會被人罰，會再考慮；否則我應該唔會諗你講果幾點，都會俾個箱最矮睇唔到比賽的那個人。
我大仔份人比較計較，我和佢分享這幅圖時，先只show左邊，佢對一人一箱都覺得好「公平」；我亦有提佢最矮個小朋友有個箱都睇唔到，佢提出其他辦法，起碼都係想最矮果個睇到比賽；最後，俾埋右圖佢睇，如果你俾左個箱佢你仍然睇到比賽，你會俾佢嗎？
上星期和仔買完送回家途中，我雙手拎送，迎面一個七、八歲的小女孩單車倒了，隻腳夾住整唔返直咖車，我仔仲一路行一路打緊機，我有點失望之際，他正好在單車前，單手拎起了架車讓女孩出來，雖然他的眼睛仍是在手機上
作者: 傻太 時間: 19-4-11 13:22
shadeslayer 發表於 19-4-10 19:14
我只想帶出，公義是很複雜的事，並不是一張咁嘅卡通圖畫可以表達得清楚。
...
絕對同意。呢個世界每樣野都好複雜，要解釋一粒米，都可以寫幾千萬字都未完全解釋到。
作者: 傻太 時間: 19-4-11 13:50
shadeslayer 發表於 19-4-11 08:46
本帖最後由 shadeslayer 於 19-4-11 09:00 編輯
弱小的人便要幫助，也不是必然公義的。
例二[size=15.3333px]，這是一個開宗明義的positive discriminationpolicy，講得清清楚楚個目的係為幫助/鼓勵小數族裔，在我來看是「公義」，絕不「公平」。
例三[size=15.3333px]，平機會出的裁決，當然就係「公平」喇
當初男女分開派，我唔知叫唔叫係「公義」，只知係「尊重兩性的差異」- 男仔心智比女仔遲發育之類。
「公平」好容易，「公義」要「那聶」得好十分十分困難。但我相信「公義」可讓整個社會、世界更美好。(註：我指的是每個人心裡的公義)
作者: shadeslayer 時間: 19-4-11 14:13
傻太 發表於 19-4-11 13:22
絕對同意。呢個世界每樣野都好複雜，要解釋一粒米，都可以寫幾千萬字都未完全解釋到。
...
有萬千大學研究或書本講公義，有幾多書本講米？
作者: shadeslayer 時間: 19-4-11 14:22
傻太 發表於 19-4-11 13:50
例一，唔知你想講乜，考試就是一場比賽。我之前已提：比賽場上講既係「公平競爭」不是「公義競爭」。。。相 ...
本帖最後由 shadeslayer 於 19-4-11 14:25 編輯
聰明，勤力讀書，成績好，但爭學位輸給其他人，是公義？。is it just?
最後你說不易拿聶，正是我說的不是那麼簡單一張圖解哂。
作者: ABC-DAD 時間: 19-4-11 14:45
ABC-DAD 發表於 19-4-4 13:39
新環境引出新體驗同有情緒，關顧下自己小朋友也是人之常情，慢慢也就適應到。
...
作者: 傻太 時間: 19-4-11 18:34
shadeslayer 發表於 19-4-11 14:13
有萬千大學研究或書本講公義，有幾多書本講米？
我get唔到你，你又get唔到我
我從無話過呢幅圖可「完全」解釋到何為公義，但當「我自己」想「簡潔」地解釋這兩個詞語時，我就會唸起呢幅圖
世上簡單如一粒米，要「完全」解釋，可以3千萬字都講唔完
作者: 傻太 時間: 19-4-11 18:42
shadeslayer 發表於 19-4-11 14:22
本帖最後由 shadeslayer 於 19-4-11 14:25 編輯
聰明，勤力讀書，成績好，但爭學位輸給其他人，是公義 ...
無「輸」到，因為大家係不同的賽場上，大家都不是競爭對手這個policy原意係鼓勵、保護少數族裔(尤其弱勢果群)，這個policy原意係為顯公義，才建立另一個獨立的門口which帶著不同的門檻。。。有少少和香港的大學對運動員入學要求和正常學生不同，有點相似
好難「那聶」係因為每個人心裡對公義的界線也不同，尤其有關利益時
作者: shadeslayer 時間: 19-4-11 20:47
傻太 發表於 19-4-11 18:34
我get唔到你，你又get唔到我我從無話過呢幅圖可「完全」解釋到何為公義，但當「我自己」想「簡潔」 ...
「完全」是你講的，我沒有這意思。
作者: Vanadium 時間: 19-4-11 21:28
本帖最後由 Vanadium 於 19-4-11 21:39 編輯
子女報告學校之情況，特別涉及自己之投訴，10居其9係偏面。我這樣說無負面，小朋友只係小朋友，人之常情。
小朋友若事事對公平與否太執著，其實都有機會發展成危機，做家長亦要小心，因世界根本太多不公平，若小朋友太執著，整個成長會累積很多負面情緒。
讓小朋友多方思考，思想豁達，是解決問題最好方法。版友的equality vs justice是其一，如我亦可能簡單一句: 「這件事就算是老師對你不公平，但同時有不少事是上天為你而對其他人不公平，如你有一位很愛錫你的媽媽，但很多小朋友都沒有。」
當然，我也會加多一句:「你的感愛媽媽己聽到，媽媽有機會會找老師了解一下，但這時你要保持包容、豁達的心。」
其實不公平無處不在，小朋友認識也無妨，只要他們清楚，不公平除有時會令他們蝕底，但亦有時會令他們著數，不要鑽牛角尖於蝕底的事情便是了。
作者: shadeslayer 時間: 19-4-11 22:43
傻太 發表於 19-4-11 18:42
無「輸」到，因為大家係不同的賽場上，大家都不是競爭對手這個policy原意係鼓勵、保護少數族裔(尤 ...
一個勤力，成績好，運動叻，全人發展好的亞洲人，入不到某名校，另一個無咁勤力，成績無咁好，運動無咁叻，全人發展無咁好的非洲人卻拿了學位，你認為是公義？你如何解釋比亞洲人聽因為種族關係他入不了學校？
針唔咭到肉唔知痛。有無輸，唔係你講下就係。
作者: 猴子爸 時間: 19-4-12 11:34
傻太 發表於 19-4-11 13:19
為什麼那麼強調「講英語」呢？既然樓主囡囡是英文較強的一組，我或老師也不會質疑她的ORAL，更不 ...
作者: Jane1983 時間: 19-4-12 12:33
shadeslayer 發表於 19-4-11 22:43
一個勤力，成績好，運動叻，全人發展好的亞洲人，入不到某名校，另一個無咁勤力，成績無咁好，運動無咁叻 ...
呢d種族嘢係美國係掂不得。報名牌大學，寫personal statement邊個唔係想爆腦，但有報導話有黑人學生，成篇就係不斷重覆black life matters，結果成功獲哈佛定邊間名校取錄。
作者: shadeslayer 時間: 19-4-12 12:59
Jane1983 發表於 19-4-12 12:33
呢d種族嘢係美國係掂不得。報名牌大學，寫personal statement邊個唔係想爆腦，但有報導話有黑人學生，成篇 ...
本帖最後由 shadeslayer 於 19-4-12 13:02 編輯
其實我明白黑人受欺壓多年，社會要比黑人多些機會。問題係比多幾多才合理，比多幾年才合理。是否要每樣種族平分學位才公義？呢個就是圖片中箱子效果，公義？
香港平機會判一定 affirmative action 敗訢。
作者: Jane1983 時間: 19-4-12 13:54
shadeslayer 發表於 19-4-12 12:59
本帖最後由 shadeslayer 於 19-4-12 13:02 編輯
其實我明白黑人受欺壓多年，社會要比黑人多些機會。問 ...
矯枉必須過正，睇個社會思潮...有排搞。
| 歡迎光臨 教育王國 (/) |
Powered by Discuz! X1.5 |