教育王國

標題: 雅士圖 Aristle - 家長分享點滴文 [打印本頁]

作者: FibbyIp_FB 時間: 19-4-2 16:13 標題: 雅士圖 Aristle - 家長分享點滴文

我係雅士圖國際學校家長，我有一對孖仔，2個仔都係讀緊k2，由於2個仔不同性格，初初我同爸爸都好頭痛，同埋細孖因爲學習遲緩，所以選擇學校都要搵一間有愛心，小班教學同埋活動教學，好好彩俾我搵到呢間幼稚園

上個星期由家長口知到學校俾人惡意中傷，我係親戚口中聽到對學校好難聽既說話，例如點解要俾大細孖讀呢間學校人地話好細，全校得十幾個人，又話上年派到好既小學得幾個人，你仲要俾佢地讀左3年，點解吾轉校，又問咁你諗住俾妹妹都讀呢間啊？下，妹妹剛剛先2個月會吾會太快諗定，太多太多不實既傳言，想為學校平反下

其實我俾佢地讀既原因係一路一路睇到佢地進步，我對仔係難搞型，特別係細孖，記得佢pn既時候一有野吾合佢心意，就扔眼鏡除鞋撞頭等等，記得個時ms wu同黃老師都覺得佢想人關注佢

到k1細孖同外籍老師要磨合下，李老師就同我講，我就用左一晚時間問細孖，原來細孖話外藉老師講得太快，佢聽吾切，之後我同李老師同埋外籍老師傾，最後外籍老師教細孖如果聽吾明就同佢講again，please!最後外藉老師同細孖做左朋友

K1既時候其實我知道細孖吾識合讀主流學校，會好辛苦，所以同ms wu傾，佢都認同，ms wu幫手搵學校，介紹學校，如果想入去讀要點做要去做義工去觀課，我又想問下有幾多幼稚園又會吾會有校監咁落心落力去做

今年k2，屋企有新成員加入，屋企又有事，大孖要選學校，好在有ms wu幫忙選學校，令我煩小樣，細孖要學習吾專心，Ms lee又教我吾好俾佢睇太刺激既野去睇，等佢可以專心，ms wu又幫佢選教會辦既小學，老師有愛心，會適合佢

◦
大孖性格係相反，佢讀書無問題，係佢係咬字咬得吾好，但ms wu叫佢去朗誦，等佢可以膽大d，同埋咬字清楚，又叫佢讀邏輯數，參加比賽，我自己都估吾到佢可以拎冠軍，其實學校都係自由參加，又吾會逼你，仲要話俾我知我對仔有咩優點有咩缺點而改善

Ms wu係好俾心機去辦呢間學校，每一個學生需要d咩吾需要d咩，ms wu又一年見2次家長，連同老師會面2次，共4次！每次見到ms wu都會同我傾，我真係覺得自己對仔讀到間好學校有老師，我真係好感謝佢地

作者: joblog 時間: 19-4-3 15:01

提示: 作者被禁止或刪除內容自動屏蔽

作者: lauyin 時間: 19-4-5 23:04

老師們真係細心又有愛心，記得有一次，有同學仔係街俾蚊針，第二日返學係咁拗又紅腫，放學後老師即刻匯報俾家長知叫小心處理，我在場聽到第一感覺係—感恩遇到依間學校，我好放心將小朋友交俾老師教育。

作者: FibbyIp_FB 時間: 19-4-5 23:34

本帖最後由 FibbyIp_FB 於 19-4-6 09:52 編輯

回覆 lauyin 的帖子

記得pn大孖俾蚊針完個眼皮又紅又腫成隻雞旦咁佢一番學校就打俾我問我咩事好緊張

歡迎光臨教育王國 (/)