教育王國
標題: 雅士圖國際幼稚園 - 感恩遇到好學校 [打印本頁]
作者: jellymiugut 時間: 19-4-2 09:02 標題: 雅士圖國際幼稚園 - 感恩遇到好學校
本人係18-19 k2家長
(長文...慎入)
一路都唔係任何討論區玩家，亦唔識用，所以好少睇；但早前由其他家長口中得知，日前有帖文關於不實分享，越睇越唔尋常，表面看來很詳細，實際九成都是不實，有些指控更是過時。作為家長，由開校至今，以對此學校認識，如果唔出來分享一些真實情況實在覺得愧為父母。
記得小朋友一歲未到開始揀校，打算將來小學要出九龍，所以雅士圖是心目中後備學校....話晒都新校....當然唔會咁大信心。認識學校前，我同好多家長一樣，抱著好奇，知多無壞的選校心態黎聽下個免費講座。事實上佢無試過講座收費。亦唔推銷。合好則來不合則去。
講座是同好多小學既簡介會既意義相似，圍繞著理念，模式，課程宗旨等。
聽完，理念的確同我們一樣，但當時諗，講座總是美好的，再觀察下吧。
同時間小朋友有空檔，也就試下佢地既playgroup. 我小朋友係觀察型，由細到大都超痴身，莫講話新環境，基本上老師病左轉代課老師，佢都好難分離（當時係一歲多少少，親子班階段，分離指同佢分開兩個身位都唔得）
但呢一間playgroup,出奇地，佢係好快被老師既遊戲同演譯方式吸引，好輕快就完左1.5小時。
我由第一堂坐佢後面，到左第四五堂坐牆邊，到左第八九堂坐門口邊，我係覺得好驚訝。
所以，我就繼續上佢playgroup.
當時細細b既佢，最終無乜offer, 得英藝，明慧同雅士圖收，但經過一輪面試遊戲完後普遍感覺間間幼稚園好神秘，唯獨是雅士圖有school tour可以比我在上課時參觀上課時情況（班房外輕輕看下），而且面見校監時，已覺得佢睇穿我家小朋友既性格（當然有懷疑點解咁犀利，當個個老師都話咁細睇唔出既時候，ms wu就睇得出我女係well-trained，有主見) 事實上我女的確由六個月大已開始上外面playgroup.
終於，膽粗粗就選定雅士圖。
一路以來，學校由老師，行政，到姨姨，都好好。當然間中係有協調未完善，但每次都見佢地盡力同盡最快速度改善家長所提出既擔憂。而所有既改變，我敢講句係由pn到而家k2都無令我失望，而且每項決定都從小朋友出發點著想。 我唔知生意係咩，公關係咩，我只知我囡每日都好開心，學校每幾天就有小朋友日常上課相，定期有school newsletter預告下期中英普課程內容，每日老師放學都講幾句當天情況。朋友果d幼稚園，一個月一兩張相，幾個月老師才電話講下近況..我真的覺得我好了解學校做緊咩。
去到k1, 人人都叫我轉大b再考其他幼稚園，最後有根德園同聖羅撒offer, 學之園2nd in, 但面試完，見到班老師個面孔，憑感覺真係唔想讀，個個都好似教小學咁嚴肅，面試安排似以前回鄉咁大陣仗（我指style唔岩我小朋友，唔係話佢地唔好）
我仲記得我好坦白咁同ms wu講左, （因為佢份人真係好坦誠，又直接，而且佢每次講座都講話即使家長諗住轉校都歡迎隨時問佢意見，都會好希望小朋友開心，家庭開心）當時佢反應係：叻叻，我既小朋友考到呢幾間我都好開心。 一句負評都無講過，亦無勸過我做任何決定。
最後係因為佢同學校老師們既細心同愛心，我從來未試過咁肯定地原校直升。
K1上eca, 佢每個學期都親自提名學生適合讀邊個班，最後係家長決定報讀與否。而且一些公開試是幼稚園做試場邀請考官到幼稚園考試，如果覺得唔值，要平，我諗太子都大把教學中心。但小朋友咁細，走來走去學野仲要為呀爸呀媽慳少少錢要轉陌生地方考試，我寧願在學校上了。 2-300令蚊，值得。學校亦不厭其煩咁開放個班房比小朋友在內午餐，不厭其煩咁設置午餐枱椅，夠鐘又不厭其煩咁清潔..... 中間老師仲會好好地黎睇下小朋友，家長見親老師又捉住佢地問長問短，我成日都見老師們好遲先食飯，或者掛住做邊做電腦工作邊食飯，仲係滿面笑容，我心諗真係少d愛心耐心都做唔到.....
有d小朋友甚至扭計唔食飯，老師都會聽到有異樣入黎望下，氹下佢，其實老師可以唔理咁多，按章工作，但沒有。
我小朋友是好有主見，強自我中心，要引導佢聽指令比普通小朋友要花多一兩倍精神同時間，k1 都還有時間，畫線畫圈唔喜歡，老師都只是叫我勤力練手指肌，從來無比過壓力我們，（因為我知好多幼稚園教唔掂就叫家長回家練功課，仿佛家長要做埋老師-這是理念問題，ms wu好注重家庭關係，記得佢同班主任都講過，醜人由佢地做—呢句我記到今日）
今年k2好緊要。ms wu見面時亦好坦白咁問我意願，想如何配合小朋友性格選之後方向，佢亦知我家是兒童為本，同時家庭希望去直私小學。現實歸現實，唔少家長的確是天生天養同時想入神校小學，我自問小朋友未夠本事，培養佢內內外外可去到直私是我心裡願望但矛盾係唔想扭曲小朋友性格。
咁自我既小朋友，要佢聽指令是很難，ms wu好認真坦誠地焦急地同我商量（焦急到每晚wtsapp 到凌晨），了解大家方向後隔左幾日又搵我講佢諗到個方法可以試（結果小朋友不知不覺咁越來越聽指令，亦唔會無左本身性格，我好感恩..連教學以外佢地都諗埋。我相信無幾多老師同校監會咁嘔心瀝血地除教完課程外還要諗點樣引導呢d頑童。而家到左小朋友下學期，面臨面試即將開始，當出面人人都話我小朋友學習能力高，記性好，但學習睇環境睇同學看心情，易氣餒（iq勁，無eq是大忌）班主任再有耐性都係激勵小朋友嘗試不放棄精神，而ms wu更體貼地，入班教學不斷試唔同模式（分小組定大組適合佢呢？比題目後要佢一次過做晒得唔得？唔得，咁分幾次比題目，又能否獨立完成呢？當佢自暴自棄唔嘗試時，在佢耳邊鼓勵定係催眠方法引佢試好呢？）ms wu又跟我幾晚wtsapp越了解小朋友平時原來待人處事會有咩特徵，又諗到更好方式再嘗試（縱使未必成功，但佢死心不息地試；佢就靠了解我小朋友日常來諗點樣配合教學，我靠佢反過來話我知我小朋友既一切行為既背後原因，配合如何家教，兩人講下講下，我比以前更了解小朋友想法，而佢更遠大地唔係只著眼現在小朋友有幾高能力，而係想佢預到困難時如何克服自己唔放棄，將來先會成功）出面好多老師，見小朋友達標就唔會再理，ms wu唔係，佢當正小朋友係自己既小朋友咁諗諗諗。
呢幾年我聽過好多次佢多謝我聽佢咁長氣既諗法—-（我真的覺得佢傻的，邊有人咁勞心勞力為自己小朋友諗，我多謝佢都黎唔切，佢仲走來多謝家長？ 個小朋友同佢無血緣的，家長比錢唔係大晒的，無佢地一班咁有使命既教育人員，唔會有一班心靈健康既小朋友，最多只能做贏起點，上小學自生自滅，輸終點既港童）
重申：我只感覺到校監，同三年來既老師既愛心耐性，學校大大小小小既變化都是為小朋友著想，仲要讚既是門口的姐姐，每次我地家長既瑣碎事找佢都處理得好好，電話佢接，放學行政都係佢，一人頂二三人工作，比以前既行政人員還要細心好記性；相反其他學校頂多就是校長企門口歡迎下番學送下放學。門面野唔係我心目中的教育重點🤷🏻♀呢d我唔介意有定無。
反之ms wu是個校監......佢要忙既事太多了，仲堅持每個小朋友親自入班觀察親自比專業意見家長親自出外為小朋友找小學資訊...我真係覺得小朋友在呢個環境學習好放心，遇到呢度既所有人都不容易....
如果我無感受過，或者唔會花心機寫咁多親身經歷來抱不平；某些有心人既惡意中傷誹謗，我們作為父母，如果受恩都唔出來為學校發聲，我如何做小朋友榜樣，如何教小朋友見義勇為，知恩圖報，不生事不惹事但更不怕事。
最後祝各家長有合適選擇, 上到心儀幼稚園
作者: sailormercury 時間: 19-4-2 10:07 標題: 回覆樓主：
本帖最後由 sailormercury 於 19-4-2 10:07 編輯
剛察覺幾日前有人在這裡投訴該校唔好的 post 被刪帖，因為學校出信給EK 還"保留法律權利"。日日見到 EK 都有大大小小的 post 評論各學校好壞，好多都係道聽途說/不盡不實的評論。如果間間學校都惡到出信睇黎好多 post 都 delete 得。 
聽過學校講座，相信學校老闆初心是想做好學校應該是真的。至於學校如何進步（包括manage 家長的期望落差），就要看辦學者的功力和真章了。
作者: jellymiugut 時間: 19-4-2 10:44
本帖最後由 jellymiugut 於 19-4-2 10:47 編輯
回覆 sailormercury 的帖子
是的，正常討論跟本是討論區既原意。
不實討論就是誤導他人。
況且學校未出信前，學校現讀家長正常回覆遭無故被刪文後，賬戶更被凍結，呢點大家要留意背後是什麼原因。
即使sailormercury你一直發表對雅士圖國際幼稚園的質疑，但又不是幼稚園用家，你的帳戶有被刪除嗎？
有人發表對學校不實評論，凍結他人帳戶和刪除其他家長post , 多次把留言置頂明言想希望多些家長看見不實評論，現在學校光明磊落逐一澄清又看不過眼，大家家長真的可以衡量這幾位帳戶的真確性。
亦由此可見，學校對任何意見都是認真對待，如板規呼籲，文責自負。這個就是發言者的「基本責任」, 亦是你所說的真章和初心.
唔認同唔喜歡也可以，但不是誹謗。
作者: sailormercury 時間: 19-4-2 10:57 標題: 回覆樓主：
本帖最後由 sailormercury 於 19-4-2 11:00 編輯
質疑下學校當然唔應該被刪除賬戶啦，討論區的原意就是要讓真理越辯越明。況且之前發投訴 post 那個不是我啊，我同其他留言者只是路過搭嘴，唔好話我 "一直" 質疑學校啦。我好多 post 都留言，唔會只 focus 任何一間學校喇.引起誤會僅此致歉。 
作者: jellymiugut 時間: 19-4-2 11:40
sailormercury 發表於 19-4-2 10:57 
質疑下學校當然唔應該被刪除賬戶啦，討論區的原意就是要讓真理越辯越明。況且之前發投訴 post 那個不是我啊 ...
本帖最後由 jellymiugut 於 19-4-2 11:57 編輯
：）
當然不應被刪除(emoji)(emoji)對
所以當有人首先刪除幼稚園現讀家長用户更令人起疑
非幼稚園用家發差評沒被刪除，現讀生家長反而被滅聲.
多謝 sailormercury你路過。
希望在這裡分享的都是真實經歷，讓家長們找合適自己家庭和寶寶的學校。
作者: lauyin 時間: 19-4-2 14:06
本帖最後由 lauyin 於 19-4-2 14:38 編輯
首先要表明我自己本身不常用baby kingdom,絕不是打手，這次出帖是見到不公正的言論才決定出帖寫寫對雅士圖幼稚園的感受，聲明以下所寫的都是我作為K2家長真實的經歷：
我家孩子自playgroup已在雅士圖幼稚園上課，直到現在K2，在這幾年時間里，我有好深切的感受。創辦人Ms Wu非常關心及喜愛每一位小朋友，不會擺架子。每每看見學校裏的學生，她必定抱以親切的笑容，跟小朋友對談時也會蹲著保持跟小朋友同一水平線對望，喜歡和小朋友一起玩樂、擁抱，這是我平常觀察到的點滴。Ms Wu對小朋友觀察入微，她會入課室觀察小朋友上課情況，也會花時間致電家長，在很多時候都讓我驚嘆，Ms Wu會看到我看不到的地方，自問自己對我家小朋友性格的了解比不上Ms Wu，我家小朋友專注力差，感官系統也差，學校和老師 會幫助家長一起想辦法改善，試問有邊些人會願意花時間和你傾這些問題！無論是性格行為上還是選小一問題上，她都會給於非常詳細的分析及講解。身為用家，我感受到學校和老師 對教育的那份熱城及對學生的那份關愛！此外，學校和老師亦經常檢討，聽取各方面意見，力改不足。
在雅士圖幼稚園3年的時間，感受到的都是老師們滿滿的愛，記得去年我家小朋友身體不適沒上學，期間老師們寫慰問咭、老師更和小朋友們錄製影片幫我家小朋友打氣，讓他知道病了沒上學但依然有老師和同學仔記掛，讓他感受那份溫暖，試問有哪幾間幼稚園可以做得到？
老師們有耐心愛心滿滿，對小朋友的影響深遠，小朋友要感受到那份愛才能學習付出那份愛去關心及幫助身邊人！眼看到的都是一班喜歡上學，在家仍會記掛同學仔及老師的小孩，一間學校好不好，師資非常重要，我選啱學校，亦感恩揾到一所不會只是關愛精英學生，而是關愛每個學生的學校。
作者: helloadrain 時間: 19-4-2 23:59
回覆 jellymiugut 的帖子
認同樓主的說法，我們到親子王國看評論是希望了解學校真實的一面，然後給選擇思考。那些道聽途說和不盡不實的評論足以影響及誤導我們，難聽講一句是誹謗，使閱讀者對這學校卻步。與事實不符的造謠，學校出信是合理一D都唔惡。相反做謠者及一些看似盲從附和者更惡。
作者: KKbaby2018 時間: 19-4-3 03:35 標題: 回覆樓主
樓主你好，我之前發貼都係針對學校行政，以下有三張圖片：1.有家長喺fb評價 2.學校喺fb公布升小一成績 3.學校俾家長嘅email
第2張係原校生，第3張係參加面試班嘅學生（當中包刮左其他幼稚園嘅學生）
你可以參考一下。我都有講過學校嘅老師姨姨都好好，好有愛心嘅～
圖片附件: myimage.jpg (19-4-3 03:35, 460.19 KB) / 下載次數 1
/forum.php?mod=attachment&aid=MjkwOTg5fGQyN2QwYWI0fDE3MTkwMDg4MTN8MA%3D%3D
圖片附件: myimage.jpg (19-4-3 03:35, 541.92 KB) / 下載次數 1
/forum.php?mod=attachment&aid=MjkwOTkzfDNhODJlMjg3fDE3MTkwMDg4MTN8MA%3D%3D
圖片附件: myimage.jpg (19-4-3 03:35, 503.59 KB) / 下載次數 1
/forum.php?mod=attachment&aid=MjkwOTk3fDljOWQwODQxfDE3MTkwMDg4MTN8MA%3D%3D
作者: jellymiugut 時間: 19-4-3 10:42
回覆 KKbaby2018 的帖子
第1 張圖：
首先，這是結業前既playgroup而非幼稚園。而且，我自己亦曾是playgroup 家長，Playgroup 因租金逼遷，但已安排退款。文中家長投訴請假要補堂，請問有何不妥？依家出面好多機構冇補堂，或者完堂之前要補晒，只是你覺得一個月補堂唔夠，這不是行政問題。圖中家長上完半年課程（24堂)，再上48堂只不過說明雅士圖師資好，多長期學生。無論小小雅士圖和幼稚園都有出信通知所有家長，做事光明磊落。
請問你是從那個家長發現沒退款？不如請他們致電學校查詢？如果家長已辦妥退款手續，完全不需要猜測直接及盡快問就可以。學校沒有消失等他來處理。
第2張圖：已經 清楚說明是幼稚園學生升學成績
第3張圖：已經 清楚說明是，小小雅士圖即Playgroup直私面試班升學成績。亦清楚寫明「致小小雅士圖家長」
兩升小成績題目光明磊落
其實你對學校都未清楚，不如直接同學校查詢吧。見你這裡找找圖那裡找找通告，請問你是否幼稚園家長？定是面試班家長？ 還是只從東南西北找些圖和通告來製造謠言的路人？
不論是幼稚園還是面試班家長，看來都幾一知半解。
不如光明正大的跟學校聯絡還有那些你覺得「不合理」「勁差」的事件，讓他們盡快幫幫你？相信你咁嬲一定好委屈，我作為現任家長真係好心想幫你解決真正問題，相信在這裡公審都未必有你想要既結果，因為所有「指控」都已解釋而且你國民只在看，不能出手緩助你。
既然有這麼多「証據」，就一於到學校約個時間商議吧。
其實你的所有「指控」都是一些學校行政上決策，或是面試班家長所面見校監的內容你又知多少？
為什麼你這麼肯定你所說既「勁差行政」是是校監她一人的「安排」？面試資訊請問又係怎樣既資料才覺得最好？
就算你是公司老闆，也不會每天幫員工聽電話和出email比日常客戶（所謂的通告延誤）掛？
管理的不是只得校監一人，咁多對管理眼睛或好老師望住，她可以錯到一個地步而沒有其他人知道和否決？
請選定「人選」再來學校咨詢吧！
對你既用心我越來越好奇。歡迎預約時間大家交流。
作者: jellymiugut 時間: 19-4-3 10:44
jellymiugut 發表於 19-4-3 10:42
回覆 KKbaby2018 的帖子
第1 張圖：
本帖最後由 jellymiugut 於 19-4-3 10:45 編輯
如圖
圖片附件: myimage.jpg (19-4-3 10:45, 549.53 KB) / 下載次數 1
/forum.php?mod=attachment&aid=MjkxMDA5fGMyZGQyNzY2fDE3MTkwMDg4MTN8MA%3D%3D
圖片附件: myimage.jpg (19-4-3 10:45, 934.9 KB) / 下載次數 0
/forum.php?mod=attachment&aid=MjkxMDEzfDVjYTlkYTZlfDE3MTkwMDg4MTN8MA%3D%3D
作者: chrischris1206 時間: 19-4-3 14:13
感覺這個post好有反效果
作者: pp328 時間: 19-4-5 14:06 標題: 回覆樓主
我是雅士園幼稚園現讀K1 的家長 我的小朋友是由 PN 開始讀起 初初選呢間學校諗住只是絆腳石 讀一年就會走 我貪佢位置方便 有net 老師 價錢合理 便揀呢間 但一入去讀左就感覺到吾同哂 我囡是怕羞型 頭返學幾天 校工姐姐已經識我囡個名 應該係話全校老師都識我囡個名 呀妹喊左足成個月 睇返學校的相 黃老師于老師 等等抱住我囡上堂 感覺好warm
我平日多數只睇babykingdom 但好少留言 但今次睇到咁多無讀緊既路人會無理無據地抹黑 不良用意好明顯 我不得不留言一下
作者: pp328 時間: 19-4-5 14:07 標題: 回覆樓主
當年哥哥是讀 Kx 順理成章妹妹K1時都考到哥哥的學校 我問十個朋友大部份人都會選哥哥果間 冇辦法 論名氣哥哥的學校贏曬 經過一年PN 生活 我願意給我的小朋友留下來 我會覺得小朋友不應該只是論名氣幼稚園 仲要睇埋學校怎様培養品格 自理和知識 最後我老公都支持我們的小孩留在雅士圖 一所愛心的學校 希望幼稚園階段女兒能快快樂樂成長 做父母就已經好開心 每個人想法不一樣 需知道世事就算做得再好 都會有好多人因為私慾去傷害人是很多 空穴來風既原因都解釋得清楚 相信路遙知馬力 真金不怕火
作者: pp328 時間: 19-4-5 14:07 標題: 回覆樓主
希望我哋大人為小朋友做個好榜樣，學樓主一句「我們不生事、不惹事，更不怕事，不怕為公義發聲。」
作者: chrischris1206 時間: 19-4-6 19:44
好多人抹黑?我淨係睇到學校發完律師書去forum然後突然好多"家長"跳出黎長篇大論讚學校同Ms.Wu。有所謂"家長"為雅士圖放棄根德園
作者: pp328 時間: 19-4-7 07:51
chrischris1206 發表於 19-4-6 19:44
好多人抹黑?我淨係睇到學校發完律師書去forum然後突然好多"家長"跳出黎長篇大論讚學校同Ms.Wu。有所謂"家長 ...
這位樓主是否對雅士圖有什麼不滿 ？ 你的小朋友是雅士圖學校的學生嗎？ 我都吾係好明白我留言的文章 會比你話所謂‘家長’ 感覺很冇禮貌 好像對雅士圖充滿仇恨 要針對我們的用家 我都不明白你的用意 如果你小朋友不是在這間學校讀書 而又這麼留意這間學校有好多‘家長’ 跳出來留言 如果你的小朋友在這間學校讀緊的話又這麼不滿但又要係度讀？百思不得其解 (emoji)
作者: SWANTSANG 時間: 19-4-7 21:15 標題: 回覆樓主:
我都覺得點解突然吟多人支持此校？
作者: jellymiugut 時間: 19-4-7 21:18
chrischris1206 發表於 19-4-6 19:44
好多人抹黑?我淨係睇到學校發完律師書去forum然後突然好多"家長"跳出黎長篇大論讚學校同Ms.Wu。有所謂"家長 ...
你當然睇唔到, 因為你都係呢幾日先留意我地校既post.
不過好多謝你「有心」地，專登「跳」出來回覆，但就只從「學校」信後開始講起。歡迎多來看學校的家長分享。
無錯，讀左快三年我真係無見過有家長不滿學校或ms wu。如早前各家長提過，有什麼事只要有疑惑，學校都認真處理晒。所以就只有讚而且人人都是真實經歷。
所以我同你一樣，我也唔明點解有人無端抹黑，而且你將學校信在這帖文回覆成「律師信」。解釋了為何你唔會明點解該文會引起現讀家長迴響。
重申，從來無最好的 學校只有最適合的學校，
唔覺得有需要拿其他學校來比較令別的學校無辜牽連。
作者: jellymiugut 時間: 19-4-7 21:19
SWANTSANG 發表於 19-4-7 21:15
我都覺得點解突然吟多人支持此校？
就是因為有段故
作者: chrischris1206 時間: 19-4-7 22:34
回覆 pp328 的帖子
沒有不滿，只是看見最近各"家長"出post令我覺得無報Aristle像是一個正確的選擇。
我留意主要是有朋友受aristle playgroup 結業影響，因為這個事實令我感覺學校行政安排不周。
你就當我無禮貌了，我的用意就是見到突然咁多"家長"長篇大論跳出黎支持Aristle有啲可疑，希望提醒其他版友，畢竟網絡世界無人知誰是誰非，無人知究竟係抺黑定係真實，究竟係「用家支持」定係「學校打手」
作者: chrischris1206 時間: 19-4-7 22:39
jellymiugut 發表於 19-4-7 21:18
你當然睇唔到, 因為你都係呢幾日先留意我地校既post.
不過好多謝你「有心」地，專登「跳」出來回覆，但就 ...
OK, 一封「保留一切法律追究權利」的學校信。
作者: slowtravel 時間: 19-4-8 00:12
chrischris1206 發表於 19-4-7 22:34
回覆 pp328 的帖子
沒有不滿，只是看見最近各"家長"出post令我覺得無報Aristle像是一個正確的選擇。
本帖最後由 slowtravel 於 19-4-8 00:13 編輯
其實我都有朋友之前報咗playgroup因結業而受影響，但佢覺得處理得無問題，亦得到合理嘅安排～不過，你朋友都可能係個別例子，我地亦唔係當時人，好難判斷誰是誰非～
一直都覺得 aristle係好有 heart嘅學校～聽過講座丶參加過活動，我對aristle所有評價都好正面～
如果我係 aristle嘅家長，見到不實評論，出嚟維護學校，其實一啲都唔出奇，唔明白有幾個家長出嚟講嘢會有幾難明～
作者: slowtravel 時間: 19-4-8 00:14
chrischris1206 發表於 19-4-6 19:44
好多人抹黑?我淨係睇到學校發完律師書去forum然後突然好多"家長"跳出黎長篇大論讚學校同Ms.Wu。有所謂"家長 ...
每位家長選擇學校都有自己一把尺，點解揀 aristle棄神校就係學校打手？神校唔一定適合所有小朋友丶神校唔一定教得好所有小朋友，如果選學校只揀名校神校，而忽略小朋友需要，也未免太怪獸吧～
利申:我唔係 aristle家長，因為搬屋關係，忍痛放棄咗就讀嘅機會～
作者: jellymiugut 時間: 19-4-8 01:42
chrischris1206 發表於 19-4-7 22:39
OK, 一封「保留一切法律追究權利」的學校信。
如版規已公開學校信內容，你何不勤力地把所有論點重複強調一下？
你喜歡在中間說起，又隱晦地只針對一方去強調單單這一點。別人給的是尊重，不要自己先丟下它。
結業原因，安排退款手續，退款，都很清楚。
家長所有帖文也都解釋了原意。
你所謂的「家長打手」會有那麼多証明圖片？
反之抹黑者沒有一個合理解釋你不說？
如有打手就不用等人抹黑就從建校開始一早推銷
重複，這些家長不是在推銷，是為了正視早前一篇不實言論的合理反應。
作者: jellymiugut 時間: 19-4-8 01:46
jellymiugut 發表於 19-4-8 01:42
如版規已公開學校信內容，你何不勤力地把所有論點重複強調一下？
你喜歡在中間說起，又隱晦地只針對一方 ...
本帖最後由 jellymiugut 於 19-4-8 02:07 編輯
你有playgroup朋友而他覺得行政不清楚而沒有查證，所以你憑感覺是可理解。
你所指「事實」和「影響」是什麼？
是結業？對，這是事實。
小朋友沒有好老師教？對，是很大影響。
還是沒有抹黑者所提及的「硬推鎖手法的事實」而「影響」了你朋友？
相信playgroup 結業對於真心想辦好教育既人來說絕對是憾事，但是他們危機處理也正正反映出教育者態度和承擔。
希望你將來朋友範圍再廣泛d，讓你對揀學校都清晰d。
至少我們不是憑感覺，而是認真為孩子挑選合適的學校。
希望提醒其他版友，畢竟網絡世界無人知誰是誰非，無人知究竟係抺黑定係真實，究竟係「用家」定係「惡性競爭者打手」？
作者: jellymiugut 時間: 19-4-8 02:11
slowtravel 發表於 19-4-8 00:14
每位家長選擇學校都有自己一把尺，點解揀 aristle棄神校就係學校打手？神校唔一定適合所有小朋友丶神校唔 ...
感動！
作者: chrischris1206 時間: 19-4-8 14:21
slowtravel 發表於 19-4-8 00:14
每位家長選擇學校都有自己一把尺，點解揀 aristle棄神校就係學校打手？神校唔一定適合所有小朋友丶神校唔 ...
作者: chrischris1206 時間: 19-4-8 18:20
jellymiugut 發表於 19-4-8 01:42
如版規已公開學校信內容，你何不勤力地把所有論點重複強調一下？
你喜歡在中間說起，又隱晦地只針對一方 ...
1。我發文的原因是看自Aristle出左信去forum後突然一大班家長走出黎讚學校，我個人懷疑有打手，我可以係啱可以係錯。你喜歡信又好，唔信又好，完全無關係，其他人信唔信大家自然有判斷。同你講的尊重沒有半絲的關係。
2。playgroup 突然結業是事實，今日發生playgroup結業事件會否另其他人聯想幼稚園會隨時結業大家都會有判斷。如照「家長」的回覆，成件事就好像做生意一樣，加租咪結束囉。單單退款或由港島搬去九龍上就是無視問題及無視作為教育者責任的一切借口，我不讚同。
3。信中內容學校都回應某部份事件的確有發生，只不過是版友的角度及立場跟學校不同。我明白作為新校聲譽對成盤生意好重要，學校發信是他們的手法。反正我自己就係覺得會出現反效果。你同意與否我不在乎，因為我只是在討論區發表我的觀點。
4。既然你認為有很多圖片作證明可以令人信納，這就OK 啦，大家會有判斷的。
5。升小成績的確有用其他幼稚園的學生作宣傳，被禁的版友也沒有抺黑。
作者: slowtravel 時間: 19-4-8 20:14
chrischris1206 發表於 19-4-8 14:21
我無話揀aristle棄神校係學校打手。 只不過好少見家長報完KV,interview一大輪有左offer 唔揀一間長歷史又派 ...
你話你無話揀aristle棄神校係學校打手～咁之前個post話"有所謂'家長' 為雅士圖放棄根德園" ，係乜嘢意思？有所謂"家長" 呢個 term如果唔係暗示學校打手，似乎更有不尊重之意～
點解interview一大輪一定要揀佢？我唔係針對KV～我意思係，其實家長好多時都可以透過interview去了解該學校係咪適合自己小朋友～就算神校又好丶龍校又好，有啲真係interview完已經唔想揀～你話少見，唔代表無～你話歷史悠久丶派位好，呢啲都唔係適唔適合小朋友去讀嘅考量～而家年代開始變，有啲家長寧願小朋友讀新派或蒙特梭利嘅幼稚園～
作者: chrischris1206 時間: 19-4-9 14:18
本帖最後由 chrischris1206 於 19-4-9 14:28 編輯
slowtravel 發表於 19-4-8 20:14
你話你無話揀aristle棄神校係學校打手～咁之前個post話"有所謂'家長' 為雅士圖放棄根德園" ，係乜嘢意思？ ...
又唔係話你，你有小朋友有KV offer? 你自己小朋友都無讀aristle啦。定係你自己係jellymiugut ?
作者: slowtravel 時間: 19-4-9 17:52
chrischris1206 發表於 19-4-9 14:18
又唔係話你，你有小朋友有KV offer? 你自己小朋友都無讀aristle啦。定係你自己係jellymiugut ? ...
你會唔會錯重點？
係唔係話我 同 識唔識尊重人係兩回事～
我亦無須同你交代我小朋友有無 KV offer~
對！我唔係讀緊 aristle, 所以我都唔會道聽途說去話 aristle唔好～我會去親身感受～對我嚟講，Aristle係 interview完唔會俾我 blacklist嘅學校～當然，就如我所說～每個家長有唔同嘅尺，可以自己去了解學校適唔適合小朋友～並唔係上網見到 XX for sure就去揀～
最後，我係唔係 jellymiugut咁又點？討論呢樣嘢有乜價值~我話我係，你係咪就信？離哂題喇～
作者: pp328 時間: 19-4-9 18:21
冇錯有神校吾讀 呢個真係一個好掙扎的決定 可能因為哥哥已經讀過這間學校 我大致知道學校模式 我亦吾想去特別講這間學校 咪我又比人話我抹黑間學校 我想每間學校都有佢優點同缺點 不會每間學校都完美
好像以上有網民留言 ：從來無最好的 學校只有最適合的 唔覺得有需要拿其他學校來比較令別的學校無辜牽連。
我宜家都好少上bk 哥哥時都成日睇留言 可能是第一個小朋友關係 但哥哥上左小學後已經冇再睇bk 因為我發覺好多不實留言 同埋好多人係度駡交 跟本吾知真假 咁點解我平日都吾上來留言 宜家要留言 就是雅士圖家長都好團結 有家長告訴我最近 bk 有啲對雅士圖不實言論 所以我都忍不住要上來撐自己嘅學校 但估不到多家長撐學校叫 [學校打手 ] 可能網絡世界的留言跟本不需要負責任 網絡欺凌先可怕！
作者: DarlingS 時間: 19-4-9 19:00
chrischris1206 發表於 19-4-8 14:21
我無話揀aristle棄神校係學校打手。 只不過好少見家長報完KV,interview一大輪有左offer 唔揀一間長歷史又派 ...
Aristle 同 KV 兩極化。 唔想小朋友咁辛苦，放棄 KV 有幾難明？ 人人把尺一定同你一樣咩？
作者: jellymiugut 時間: 19-4-9 23:24
chrischris1206 發表於 19-4-8 18:20
真有趣，要我勤力地把論點強調一下。好我就列出我發文的重點供其他版友睇。
1。我發文的原因是看自Aristle ...
你睇過抹黑文未？ 見你既論點的起點是在出信後,但又無細閱信中對方的不實指控，以為你未睇過。但又見你講到對方只是角度和立場，我又覺得你好清楚當中真相與觀點。
矛盾係，如果知道不實抹黑文後，再有心機睇完信的解釋，再談感覺係完全正常。
但基本開初既指控已不實，談何觀點與角度？
學校解釋你又話學校強硬到送官，他人造假你又話是角度問題。
回應你既論點：
1:不尊重是指當你未清楚狀況便拿著學校的澄清和家長的分享去評論，有錯覺就求証, 評論前也要做做功課, 難得見你有心機去質疑, 現在陪你詳細解釋一下吧. 其實唔駛去到有你無我的語氣, 何況你都不是學校家長, 講極唔明都正常既.
其他人信唔信當然有判斷，所以從來無一個家長叫討論區人去偏信自己, 相反閣下就未環觀事件便呼籲自己的錯覺觀點, 這都是可疑......希望你係真心無知 - 不是吵架, 因為本於人人都是求真相然後再討論的精神
（真相指的是, 當有圖有証明，而事情都解釋完，亦歡迎再有不完善亦可隨時再跟學校查詢，奈何不是。這當然由討論區版友自己判斷）
2: Playgroup結業, 加租也不能結束, 學費又想平....我諗無家長唔想免費最好貼錢. 就算是學卷都要納稅, 怎樣都要有運作成本吧? 如果危機處理得好, 學校又無全線倒閉(再說playgroup本來有3個center, prince edward, tst and cwb), 而個別playgroup課堂仍努力維持在太子校舍進行中, 但這被人叫做責任的借口, 比起那些突然去到門口的市民發現商店東主聯絡不明，或早一兩日通知停課，但之前仲催繳⋯這麼真的要版友同用家自己小心求證了，以下是隨手網上找的新聞, 你不讚同這是學校的承擔是你自由.
( http://ubeat.com.cuhk.edu.hk/ubeat_past/030456/56kinder.htm
出生率連年下降，導致不少幼稚園收生不足，經營困難。上學年有十二間幼稚園倒閉，有部分倒閉的幼稚園不但事前沒有通知家長，還要家長預繳下學期書簿費用，收錢後隨即結業，令學生和家長十分徬徨。受影響的家長埋怨教育統籌局監管不善令家長蒙受金錢損失。這些事件並非偶然，若仍然沒有保障措施，將來再有幼稚院倒閉時，家長只能自歎倒霉。)
3: 如上題, 所有[已發生, 沒發生, 親身分享]均解釋了. 生意與否相信所有學校都經歷中, 否則就沒有神校之爭,學卷或私立皆是. 別的學校用什麼手法去經營我不評價. 正如每天電視, 地鐵巴士, 甚至FB的大大小小的推銷廣告也能令人有反效果, 不在乎又何必有這第3點. 不過發表觀點得來又不能提供論點實例, 嗯.. 看完閣下的回覆, 那麼的確我也覺得有點反效果. (感覺是以事實為依歸)
4: That's it.謝謝你。
5: 又再次証明你沒詳細看到"被禁版友" , 也沒看信中內容.
(輕輕提一提, 所有升小成績都列明是什麼班(面試班/Aristle K3)的學生. 你不妨弄清楚再幫該版友聲討...其他再多重複質疑的不重提了....... 解釋至此)
再說, 討論歸討論, 唔駛動氣..祝順心。
作者: jellymiugut 時間: 19-4-9 23:27
本帖最後由 jellymiugut 於 19-4-9 23:33 編輯
chrischris1206 發表於 19-4-9 14:18
又唔係話你，你有小朋友有KV offer? 你自己小朋友都無讀aristle啦。定係你自己係jellymiugut ? ...
即是你一心是來[話人], 而非純粹討論....
難道我又說你是抹黑果位人兄?
前言不對後語...別人開始時已說明背景, 別人支持和唔支持也唔代表什麼....
人家講緊的是"尺", 懂嗎?
呢度無人想展開罵戰....現在甚至連路過的都給你挑釁....
既然來者不善, 那麼沒需要繼續了.
到此為止.
作者: chrischris1206 時間: 19-4-10 17:36
slowtravel 發表於 19-4-9 17:52
你會唔會錯重點？
係唔係話我 同 識唔識尊重人係兩回事～
我亦無須同你交代我小朋友有無 KV offer~
作者: chrischris1206 時間: 19-4-10 17:46
pp328 發表於 19-4-9 18:21
冇錯有神校吾讀 呢個真係一個好掙扎的決定 可能因為哥哥已經讀過這間學校 我大致知道學校模式 我亦吾想去特 ...
我都話好少人會放棄KV讀Aristle,無話完全無。既然你是兩邊用家，你也可以分享一下KV現時情況令你第二個小朋友唔讀
作者: pp328 時間: 19-4-10 21:01
chrischris1206 發表於 19-4-10 17:46
我一開始的重點就已經係懷疑樓主係打手，是不是懷疑都是網絡欺凌？你是認識樓主所以有此判斷？
我都話好少 ...
原因其實都很多 不過你吾好又話我學校打手 (emoji) 宜家係你問我第二個小朋友吾讀原因 哥哥當年在學校透明低 如果小朋友吾講在學校的事 你跟本不知道發生什麼事 每年2次見班主任 就只有這2次可以接觸學校 如果小朋友冇問題就吾會收到電話 當然我都吾想收電話 學校冇大旅行 哥哥要到小一時先知道原來學校會有旅行 運動會家長不能參與 大班教學 家長可以參與的地方很少 對於要返工吾得閒家長來說就好好 但妹妹是怕羞型 同哥哥性格不一樣 她需要比較多時間觀察 雅士圖小班教學 學校老師好細心 經常打電話匯報小朋友學校情況 PN K1 已經有幾次 外出outing 擴闊視野 每個月不同主題 扮睇戲 扮shopping 扮打邊爐 整雪糕等 每星期都有相睇 多野玩到不得了 好開心小朋友可以在這個環境下成長真的好幸福 讀書慢慢長 不急於一下子要識幾多張字咭 何況雅士圖學術都不弱 只是教的方法不一様 其實宜家好多人讀神校都要外補 咁如果覺得雅士圖學術吾夠好都可join 學校的課後班 咁咪大家都一様 咁事實學校的名氣和歷史不夠人多 各有所取 有得有失 自行取捨吧!
作者: chrischris1206 時間: 19-4-10 23:58
本帖最後由 chrischris1206 於 19-4-11 00:01 編輯
jellymiugut 發表於 19-4-9 23:24
不好意思, 我沒有趣. 亦沒有要求你勤力-如果你已環觀實情的話. 既然要討論, 又真的要勤力一下..不會白廢你 ...
沒有要求我勤力？你之前的回覆--＞「如版規已公開學校信內容，你何不勤力地把所有論點重複強調一下？」。就當我中文差我理解錯誤。
抺黑文我無法引用，因為已經俾Aristle出信要求討論區删除，我只可以引用信中內容。
https://www.edu-kingdom.com/forum.php?mod=viewthread&tid=3746435&extra=page%3D1
就「指控不實」我有以下觀點：
- 1. Aristle 雅士圖國際幼稚園
勁差！是不是不可以在討論區話學校差？ - 2. ”入學的時候話有consultant..”: 呢個可以係KKbaby自己聽錯或理解錯，亦都可以係學校講錯，我唔知，相信你都唔知，無需要爭辯。
- 3. “連小學面試考啲乜都唔知...”: 呢個係期望落差的問題，亦唔見得係抹黑。
- 4. “升小成績彪炳嘅資料嚟自playgroup學生...”: 這不是事實嗎？校監隨筆都有寫「直資 / 私校小一預備課程」的派位成績，他們23位都是Aristle的學生嗎？這是抺黑嗎？除非你話Aristle 同 little aristle 無關係咁我無嘢好講。
- 5. “學期中裝修...”: 從信中睇，這是KKBaby對學校的誤會...
- 6. “成$400得45分鐘...”: OK. 課程$220-350不等，KKBaby將$350四捨五入左所以就係抺黑？
- 7. “話有一個有聯繫嘅school list...”: 呢個可以係KKbaby自己聽錯或理解錯，亦都可以係學校講錯，我唔知，相信你都唔知，無需要爭辯。
8. "班主任例假可以係閒日...": 既然合約有寫你就當KKBaby抹黑吧.- 9. “好似同班有人流感，淨係通知隔離班...”： 信中都寫左有學生流感，但唔係傳染性所以無通知其他班，這個就是事實，學校覺得唔通知無問題，但都話左會檢討通報機制，KKBaby覺得唔通知有問題，這正正就是角度與立場的差別
綜合以上，KKBaby本身都陳述很多Aristle都確認的事實，不知道你為何認為KKBaby基本開初既指控已不實。但這一封「一切法律追究權利」的學校信（一封official的信，不是現時任何版友的unofficial留言）都足以令討論區删除貼文，令版友們不能理解及討論Aristle的情況。更甚的是會否令其他學校仿效。
我不知道以上乎不乎合你所謂的「做做功課」、「環觀事件」，還是仍令你覺得我無知，無嘢搵嘢嚟吵架。
—
回應你結業問題，我唔知點解你要引用十幾年前的一篇文章帶出出身率下降同結業的問題，我找了幾篇近年的供你參考。
https://hk.on.cc/hk/bkn/cnt/news/20181028/bkn-20181028020027335-1028_00822_001.html
https://www.hk01.com/%E7%A4%BE%E6%9C%83%E6%96%B0%E8%81%9E/189231/%E7%A2%A7%E6%BF%A4%E6%A8%82%E5%9F%BA%E5%B9%BC%E7%A8%9A%E5%9C%92%E7%A7%9F%E7%B4%84%E6%9C%9F%E6%BB%BF%E5%BE%8C%E5%B9%B4%E5%81%9C%E8%BE%A6-120%E5%AD%B8%E7%94%9F%E5%8F%97%E5%BD%B1%E9%9F%BF-%E5%B7%B2%E8%A6%93%E9%81%8E%E6%B8%A1%E6%A0%A1%E8%88%8D
http://www.metrodaily.hk/metro_news/%E5%B9%BC%E7%A8%9A%E5%9C%92%E7%B5%90%E6%A5%AD-%E6%A5%8A%E5%A9%89%E5%84%80%E8%BD%89%E5%90%8Cnasa%E5%90%88%E4%BD%9C%E9%96%8B%E6%96%B0%E6%A0%A1/
有些學校會直接結業不通知家長，有些學校會盡力安排直至現時學生畢業為止。做教育不是開一般店舖，要不是教育局就不會有這麼多監察啦。我作為家長對學校這一方面的要求較高，跟你不一樣可以接受及維護Aristle這一方面的不足。
作者: Siber1234 時間: 19-4-10 23:58
回覆 pp328 的帖子
我平時只看，但不留言。見到激烈既討論也不禁多口留言。 同意呀！我個朋友雖然唔洗上班，但好喜歡KV，覺得學校唔煩佢，平時唔打比佢，聖誕節甲流事件好多，沒上學也好普通、也沒怎樣過問。學校又無親子旅行，完全覺得好爽！我認為每間學校有好或不好，每人所需求也不同，無話絕對好及絕對壞、作為家長是需要選擇合適自己家庭模式及小朋友性格才是對。 現在大家只是幼稚園，神不神校不是終極赢家，我只focus小孩發展多於名氣。 因為發展好，有自己既思考，才有能力考上出名既大學。其實唔啱咪轉校、又不用踩人地學校！我之前去過大大小小學校面試，老師是否真正用心去教育，面試時看得出…… 大大話話做到全校好老師既學校數量不是好多，為了小朋友也不要被名氣蒙蔽
名校有名氣傳統好處、大班教學可以學到如何與其他人相處，制度也完善得很
新校有新派教學好處、小班教學可以得到貼身照顧，為配合小孩需要可及時調整課程
一間學校用活動教學、從經驗中學習，讓小孩曠濶視野總好過背誦。
作者: chrischris1206 時間: 19-4-11 00:31
Siber1234 發表於 19-4-10 23:58
回覆 pp328 的帖子
我平時只看，但不留言。見到激烈既討論也不禁多口留言。 同意呀！我個朋友雖然唔洗上班 ...
作者: Siber1234 時間: 19-4-11 01:37
回覆 chrischris1206 的帖子
咁去年點解你又想報道aristle pn, 有什麼吸引你？
其實我未玩這個遊戲之前，都好緊張，聽朋友講一個offer都沒有、勁驚！
之後，我小朋友報10間10間都收，唔覺得什麼問題。英藝，明慧不是咁難入。KV, 聖羅撒可能難、但我身邊好多朋友放棄左，不是不好，只是他們有其他計劃…… 特別大B，好多時好多名幼都收，令我認為都不是看能力，只是看月份。又好像我朋友小孩是1月考KV, 無唱歌及無答老師問題。另一個8月有唱歌及有答問題，他收一月份的小孩。 好像我另一個月friend 考入蘇浙幼稚園、入了去考不喜歡，又入維記，又不喜歡現在又去了解esf. 這些都是大家認為不會放棄這些出名既校，但其實係有呢d人。 所以考幼稚園也不用太緊張，好多時你以為好難入，但做插班不難，隨時打电話有位
重申:我朋友無錢、普通人、無關係、無買債券、都入到了esf, Victoria... 之前我仲唔知聽埋d人話比$50萬排呢條隊、比$200萬果條又快d…… 我個朋友咩都無比過，好多時自己親身經歷會清楚d
離題下: 我當年生BB時，有人介紹左個婦產科醫生比我係好貴，我當時都有上baby kingdom check 過，佢比人話佢見錢開眼咁…… 有負評！但我結果找佢生，我記得佢手勢好到，一、看不見刀傷、佢在我摺地方到开。二、除了第一二日痛外，係唔痛！當然對住老公投訴晒，咋死…… 所以要信自己親身經歷。根本每樣東西有好及不好，選擇適合自己就叫好東西。網絡世界講好既東西、可以參考。抹黑也不能盡信、否則咪錯過自己接受好的事物。到今天我也不明白他為什麼被抹黑、可能我也要為他平凡一下
作者: jellymiugut 時間: 19-4-11 03:56
本帖最後由 jellymiugut 於 19-4-11 10:04 編輯
誰是打手有眼看。（按你批評我背景而說）
你好勤力，勤力抄番指控但唔抄澄清。
環觀都唔明係咩，中文落差係好大。（按你批評我用字而說）
所有澄清都寫晒點解，你又好似好明咁淨係重複指控果幾句....抄埋d學校解釋出黎丫麻，唔抄就知咩原因了，真路過定假打手有眼看，哈哈..
大家有興趣就自己開封信看看，呢d學校家長無掩飾過。
講到自己好公正，純討論，卻批判誰可以討論誰唔可以，但自己在以上提過的學校家長都不是就來做判官（按你批評版友而說，你更似判官），語氣比粗口更難聽。留心睇一開始各家長去分享時，都不會這樣批評別人，這就是尊重。品行由此可見。
你那些points.....我樣樣都知，人人都知，只是你唔知，4捨5入都講得出....無知最是可怕的。
唔陪你玩了，不過這樣可能你又會叫人地去信你看透了世事，你最正確 ;) 因為我唔再回應喇。
已說，若重新要解釋一次就唔會了，拜拜啦。
到 此 為 止.
作者: jellymiugut 時間: 19-4-11 09:42
本帖最後由 jellymiugut 於 19-4-11 09:42 編輯
作者: jellymiugut 時間: 19-4-11 09:46
Siber1234 發表於 19-4-11 01:37
回覆 chrischris1206 的帖子
咁去年點解你又想報道aristle pn, 有什麼吸引你？
作者: chrischris1206 時間: 19-4-11 12:05
Siber1234 發表於 19-4-11 01:37
回覆 chrischris1206 的帖子
咁去年點解你又想報道aristle pn, 有什麼吸引你？
1. 本身不太喜歡又新又商業化的幼稚園
2. 學校歷史短
3. 放左好多勁小學的活動照片係網頁，令我覺得佢要靠呢樣嘢sell家長
4. 學校派位不確定性大
5. 唔buy佢資優教育，因為我小朋友唔係資優
6. 太多小朋友相係Facebook
7. 呢點雖然無咩關係，但係佢地網頁有個advisor揸住杯champagne，觀感上同幼稚園格格不入。
其實好多家長都話要㨂一間合適的，我自問唔知每一間幼稚園係唔係每個老師都有愛心，每一日上堂係教咩，亦唔見得interview 30分鐘可以睇到老師好多嘢，我最多咪見2至3個老師，再睇下校舍，睇下報個陣的行政，通告的文筆等等。反而校長/校監的見面可能會令我有啲掌握。唔係話Aristle唔好，但同佢地相似的幼稚園真係太太太多，歷史長過佢既有，派位好過佢地既有，Aristle沒有一些誘因去蓋過我以上的疑慮。同埋學生叻唔叻都好睇家長，我不反對吹谷，也不反對快樂學習。
作者: Siber1234 時間: 19-4-13 00:32
回覆 chrischris1206 的帖子
你朋友讀過，你無？
其實呢間學校好特別，無讀過佢playgroup 係無人識，佢又唔係靠廣告的，好多時係靠朋友親戚讀過后既口卑，而走去報。
我識好幾個同事有讀佢哋little aristle, 普遍讚多過彈。最多大家話佢貴，但見到小朋友英文好又願意繼續比佢讀。
讀呢間幼稚園既家長大部分中意佢地既教學模式，好少盲摸摸無學校收而是旦報佢哋。所以你之前話諗過報，純粹八卦點解你想報！
其實interview 等既過程都看到老師nice 唔nice, KV 及明慧都見到校長，我聽聞同事話 aristle 2nd interview 見校監成個鐘頭Tim.
作者: helloadrain 時間: 19-4-13 02:20
這帖的題目是感恩遇到好學校，見到在讀這校的家長紛紛表達對學校的感謝是真情表露。說真看不出他們是'打手' ，只感覺是不憤自己兒女所讀的學校被抹黑作回應。我主要是想了解學校才看討論區，偶然看到 '差' 的學校帖子更加有興趣看看，看了都對該校有負面印象，再看下去見當時有該校家長的回應，內容是很實際的反映，感覺又好些，但很快被刪除了，即時都愕然有冇咁快呀。不知是否內容不切合 '差' 的題目所以被刪除。相信只有在雅士圖國際幼稚園的家長才有資格品評，最能反映學校教學狀況，我這種塘邊鶴不敢隨便就此發言。
不過樓主及各雅士圖家長可留意在這裡發言的另一塘邊鶴已說明他不是用家及他是不喜歡這學校，你們也不用跟他再說下去，雞食放光蟲-心知肚明，明眼人都見到他的目的啦，愈描愈比他多作幾篇帖子，洗版。
作者: chrischris1206 時間: 19-4-13 14:37
本帖最後由 chrischris1206 於 19-4-13 14:39 編輯
helloadrain 發表於 19-4-13 02:20
這帖的題目是感恩遇到好學校，見到在讀這校的家長紛紛表達對學校的感謝是真情表露。說真看不出他們是'打手' ...
相信家長正面的回應唔會因為不切合'差'的題目被刪除。這帖都係講感恩遇到好學校，但版主都沒有把那位不喜歡這學校的塘邊鶴的帖刪除，如果版主有認為洗版的清況出現，就讓他們公正的處理吧
作者: helloadrain 時間: 19-4-14 18:53
綜合上面帖子所知, 雅士圖國際幼稚園1. 小班教學。
2. 教師、姨姨都好好，好有愛心。
3. 校監Ms Wu 對學生愛護，了解孩子性格，能給恰當意見予家長。
4. 學校與家長有緊密聯繫。
5. 用資優教育模式教學。
6. 2017/18 升學成績也不差。
平心而論也是好的學校。
作者: sherryc0823 時間: 19-4-21 05:18
本帖最後由 sherryc0823 於 19-4-21 05:23 編輯
是否同行打手，本來無意參與討論，但你們現任的呂燕華校長確實在很久以前已經和同區SH的 曹*樂校董 簽署合約，眼見你們家長這樣團結，相信學校懂得處理。
你們也不需要懷疑這個消息：
1）學校可以親自向呂燕華校長查證這份合約是否屬實
2）或等待9月呂燕華校長是否在一間名叫躍思（柏惠）幼稚園擔任校長 （亦是曹*樂擔任校董）
3）或在余*明或陳*炘擔任校董的學校任職 (接洽的代表)
支持大家，支持用心的辦學團體，同意樓主的話，相信日久見人心
作者: jellymiugut 時間: 19-4-22 00:10
我咁睇，作為家長我自己立場而言，幸好直接照顧我們的小朋友、提供策略和教育意見的都是ms wu及前線老師們.
校長無實質很大影響我地小朋友，而管理層又不只一兩人，其他事情留待學校處理了。
不過我也好奇sherryc0823既身分和得此消息的來源和在這提出的目的。雖然不知你立場不過也不重要。
如果是真，我們遲早也會收到通知，不打緊。否則，亦沒有影響。重要的是寶寶們得到什麼。
作者: joyliana 時間: 19-4-25 16:38
好認同呢個題目, 感恩遇到好學校
呢間學校有幾好, 上面好多家長已經講咗, 包括校監喺interview嘅短短時間內已經講得出我個囝嘅性格特點, 之後一直都會留意每個學生再俾升學同教育意見我哋
學校成日搞好多活動, 好多都係免費, 亦都好認真好俾心機搞, 令到學生同家長都好開心好投入
班主任每次見到佢都係笑容滿面, 而且講嘢好真誠好為小朋友著想, 返咗半年學嚟緊已經有第三次見家長嘅安排, 每次老師同埋校監都俾到好實用同埋好貼心嘅建議, 未必係關升學事, 更多係點樣培養小朋友嘅成長, 過程中無提過/sell過小朋友上ECA, 相反係教我點用一啲環保慳錢但有趣嘅方法去培養小朋友, 知道我囝囝鍾意睇書但數學比較弱, 就提議我試吓借一啲邏輯性比較強嘅書同囝囝睇, 呢啲建議都好有用
真心喜歡呢間學校, 亦見到囝囝每日都好鍾意返學, 放學又會講到老師教嘅嘢, PN班嘅人仔喺新年嗰陣見到我哋貼揮春, 即刻話老師話貼咗揮春喺門上面就唔會有年獸, 真係好驚喜囝囝嘅成長
係咪打手其實真係好易睇, 只係真心替學校同埋學校嘅員工不值
作者: Palpupu 時間: 19-7-3 03:08
我是雅士圖PN學生的家長，因跟丈夫意見分歧，小朋友來年K1要轉校了離開雅士圖了，現在我每天在倒數日子，每天早上給小朋友量體溫時，發現手冊又少了一頁，就快學期尾了，滿滿的不捨。
剛剛的星期六，按常同小朋友做功課，課本到最後一頁，我跟小朋友說：再過幾星期，我們要到第二間學校了，校車沒有了黃叔叔、沒有了姨姨，老師也會換了，好嗎？
小朋友：見唔到老師呀？唔好喎！
一路講時我眼濕濕了，雖然好似好誇張，但這間幼稚園對我們小朋友的關懷，有時還多於我們，小朋友在家時不時跌親撞瘀，有時老師會打電話給我，問問小朋友ok嗎？點整親？有時我打回學校，跟老師傾偈，老師隨口也能說出小朋友那裹那裹又紅了，還能說出由幾時開始，我有時覺得比我還清楚。
教小朋友，有時真的好氣餒，愈叫唔好愈做，做功課偏要不跟，有時氣餒了，打電話回校給老師，除非老師在上ECA不能接電話，不然一談便談上半小時，老師好似一個跟我小朋友好熟的一個朋友，講下小朋友上堂反應，說下可愛事、頑皮事、鬼馬事、還有小朋友出人意表的說話，真的好感謝雅士圖老師，給我們對教導小朋友時的支持鼓勵，又給我們信心堅持做對管教。
題外話，我今日打電話去來年的K1的幼稚園查詢（大校來啊），老師一問一答，沒有解釋，答完那句dead air 等你收線🤷🏻♀️，口吻都大概是：係咁㗎喇、唔會既！
作者: Palpupu 時間: 19-7-3 03:22
回覆 chrischris1206 的帖子
Hater?!
作者: Palpupu 時間: 19-7-3 03:30
回覆 chrischris1206 的帖子
用家的我們，知道刪走的是不實的
學校給我們示範為自己伸張亦教懂小孩子，什麼是是勇敢
鍵盤戰士，回家吧！
| 歡迎光臨 教育王國 (/) |
Powered by Discuz! X1.5 |