教育王國
標題: 學之園 vs 高主教幼 [打印本頁]
作者: Tomatokat 時間: 19-4-1 20:37 標題: 學之園 vs 高主教幼
小朋友現讀學之園pn，有高主教幼offer，應唔應該轉？小朋友讀LH讀得開心，但高幼有小學back up，佢比較慢熱，驚考小全軍覆沒，唔知點選好，大家可比些意見嗎？感謝大家
作者: 鑽石仔 時間: 19-4-1 22:42
Tomatokat 發表於 19-4-1 20:37 
小朋友現讀學之園pn，有高主教幼offer，應唔應該轉？小朋友讀LH讀得開心，但高幼有小學back up，佢比較慢熱 ...
LH
除非你target高主教
作者: wg_ann 時間: 19-4-1 23:49 標題: 回覆樓主:
我也是LH用家，若果心儀高小，當然先入高幼，屬穩陣之選。但若非心儀高小，以小朋友慢熱性格，入高幼後恐怕更難考到其他心儀直私，因升小支援較少。
作者: pekovian 時間: 19-4-2 22:13 標題: 回覆樓主
仔定女？仔的話 & 交通安排到的話會轉。
作者: icebbs 時間: 19-4-2 23:15
Tomatokat 發表於 19-4-1 20:37
小朋友現讀學之園pn，有高主教幼offer，應唔應該轉？小朋友讀LH讀得開心，但高幼有小學back up，佢比較慢熱 ...
本帖最後由 icebbs 於 19-4-2 23:20 編輯
我囡本身都讀開私幼，之後有RCKG 就轉左去讀，真心冇後悔讀左高幼，佢學到既野我相信唔係LH可比到，佢有好多表現自己既機會，學校有大禮堂，我囡之前極度怕羞，到而家係開籠雀咁，佢既德育都做得好好，小囡今年考直私因有高小back up, 唔係考左好多間，但計埋高小有4間offers, 其中一間仲識左幾個LH 生，但反而高小收既學生唔係好多LH。亦都識兩個LH 既小朋友都係得1-2個offers, 所以我一定會㨂高幼，係其中一個offer group 識左個讀KV既，原來我地高幼生既中文比佢地教得仲深，但小朋友都可以handle 到，所以RCKG 絕對係進可攻退可守既龍幼！自己班眼見唔少同學都手持幾個直私offers
作者: icebbs 時間: 19-4-2 23:19 標題: 回覆樓主
本人細既小朋友今年都會升高幼k1
作者: Moon0307 時間: 19-4-3 13:15 標題: 回覆樓主
LH
若升直私
作者: CXW 時間: 19-4-3 13:24
本帖最後由 CXW 於 19-4-3 13:26 編輯
icebbs 發表於 19-4-2 23:15
本帖最後由 icebbs 於 19-4-2 23:20 編輯
我囡本身都讀開私幼，之後有RCKG 就轉左去讀，真心冇後悔讀左 ...
我係LH 用家請問你小朋友有讀過LH 嗎？如何比較到高幼學到嘅野LH 冇呢？
另外，今年高幼考到高小餘下嘅街外位，LH 佔左22個，只不過每年最後選擇讀的人數寥寥可數。
Offer 數量多少亦不是重點，最重要是否心儀。
我明白各人都會支持自己學校，但希望評論要中肯，謝謝！
樓主亦清楚今年LH 數據，不同分校考慮因素亦有不同，祝樓主找到自己應為適合小朋友既路。
作者: Usagicat 時間: 19-4-3 21:47 標題: 回覆樓主
高小小一160 個位，高幼上大概 100 out of 180, 剩下大約60個位街外生爭，收咗LH 22個。如果話LH 唔掂，不如掉返轉數最後有幾多LH 生真正心儀高小 
如果我個係女，RC 真係唔會考慮。因為港島比RC 更好的女龍比比皆是
作者: lcyesther 時間: 19-4-3 23:41
Usagicat 發表於 19-4-3 21:47
高小小一160 個位，高幼上大概 100 out of 180, 剩下大約60個位街外生爭，收咗LH 22個。如果話LH 唔掂，不 ...
22個係包括所有分校？加埋成470人中有22個？
聽聞LH的調查是家長提供資料而沒有作進一步核實的。 不知可信性有多高。
如果不心儀，應該報也不報，何來offer?
作者: Usagicat 時間: 19-4-4 01:02
lcyesther 發表於 19-4-3 23:41
22個係包括所有分校？加埋成470人中有22個？
聽聞LH的調查是家長提供資料而沒有作進一步核實的。 不知可信 ...
5間分校，5百幾個K3 學生，唔會全部都考RC, 22 個有RC offer, 亦都唔會最後全部都揀RC, 心唔心儀，家長心裡有數。
音小有2百幾個offer, 最後又有幾多個揀？
作者: wg_ann 時間: 19-4-4 06:57
lcyesther 發表於 19-4-3 23:41
22個係包括所有分校？加埋成470人中有22個？
聽聞LH的調查是家長提供資料而沒有作進一步核實的。 不知可信 ...
本帖最後由 wg_ann 於 19-4-4 07:00 編輯
每個家長既考小（或考幼）策略都唔同，有d鍾意大包圍報好多間，真係有offer時先慢慢揀，有d唔心儀或太遠直情連報都唔報，所以不能一概而論。
LH既offer數據係家長提供，所以係未經證實，呢個係事實，但同樣ek網友分享既亦係佢地既見聞，同樣未經證實。大家作為家長自己衡量準確性同全面性，信唔信/信幾多自己考量。
另外，高小係分2條隊考:100位預俾高幼生及其餘位俾外來生，雖然2者同樣要面試，但兩者唔同隊唔係直接競爭，根本不存在直接比較: 唔係LH考到高小位多就代表叻過高幼生，亦唔係高小最終收好少LH生代表LH差過高幼。公道d講，每間學校都有表現好同表現無咁好既學生，無必要比較邊間學生勁d，最重要係學校適合自己。
樓主小朋友係慢熱，如果唔改善，其實即使考高小都較蝕底（因為用面試評核），同埋有ek網友提過高幼預留位入面如果有人唔take，個位會放俾街外生，即係你第一round入唔到果個預留pool, 就連waiting機會都無，呢點樓主要留意/考證。
作者: lcyesther 時間: 19-4-4 08:23
Usagicat 發表於 19-4-4 01:02
5間分校，5百幾個K3 學生，唔會全部都考RC, 22 個有RC offer, 亦都唔會最後全部都揀RC, 心唔心儀，家長心 ...
老實說，如果一間分校除開只有幾個人有offer,真不算特別多，好多北角區的幼稚園也有此數目。
不知閣下是否LH家長，能否反映LH家長心態。作為家長，我考學校前先初步了解學校，覺得也希望自己小朋友入讀才考，並非為了集郵。所以只說心儀的學校之中有排序，但每一間也是想入讀的。最後如果有offer,即使是差不多人人有offer的學校，我也十分感恩學校欣賞自己小朋友，也會十分尊重學校。(也絕不會以取笑輕視的表情對待）
作者: lcyesther 時間: 19-4-4 08:24 標題: 回覆樓主
LH和高幼也是我心儀的學校。很欣賞LH的教材和升小支援。 而高幼中文較強，德育較好。
如果選課程，我選LH.如果選升直私，我選高幼。感恩小朋友下年有LH和高幼offer,我選了高幼，因為身邊的朋友有人讀迎海LH，現在K3,有用心栽培但最後只有不太心儀的私校offer,現在等抽獎。另一朋友讀st.cat,又係只有不太心儀offer,等抽獎。讀高幼有一半以上機會上高小，而港島男龍不多，高幼係穩中求勝之選。
作者: HauMiranda 時間: 19-4-4 09:13
我既是高幼用家, 又是LH用家, 雖然我都有自己的喜好, 但我希望我的經驗分享也可以幫助樓主更認識兩間學校的分別。大女是LH畢業生, 由PN讀到K3. 細仔讀了三年LH, K3時轉讀高幼. 細女沒有讀過LH, K1-K3讀高幼。
我欣賞LH語境強. 大女當年選了英普, 有NET及北方老師做班主任, 上小一普教中, 都好快掌握都得到普通話教學. 另外, LH的自訂教材, 細女即使不是讀LH, 都有用來做課外讀物, 真係愛不惜手. 我也欣賞LH透明度高, 好多小朋友的影片及相片分享, 有很強的家校合作. 不得不讚學校的升小支援, 學校會舉行多場的分享會, 也有小一面試班. 不過, 個人認為LH較商業, 也很注重小朋友的學術表現.
高幼, 的確, 在教材及語境方面較LH遜色, 學校只有一位NET TEACHER (但時常轉), 不是班主任, 也沒有普通話老師做班主任. 雖然語境較弱, 但各方面都好平均, 非常重視中文, 不過選得高幼的, 重點都不是語境, 而是小學的BACKUP, 以及其德育. 論德育, 高幼比LH強很多, 不只禮貌、責任感這些基本的素質, 由於有宗教背景, 小朋友學懂感恩、欣賞. 小朋友很喜歡上學, 老師也很好, 校長很有心辦學, 事事親力親為. 家校合作也不弱, 學校每逢有宗教禮儀, 都會邀請家長一起參與, 我見有不少家長即使火是教友, 也會參與禮儀, 可見家校上下齊心. 升小支援可算是零, 因為高幼只會幫你「考」高小, 例如會安排K2家長參觀高小, 又會辦家長會, 但絕對沒有培訓小朋友考其他直私.
說說我自己的PREFERENCE. 當年細仔讀LH都很開心, 但想回大女考直私時, 當年雖然有LH升小支援, 但茫茫大海考直私, 加上我大女是細B, 考了十間八間, 雖然最後心儀學校收了, 不過過程相當相當痛苦! 所以至細仔K2時我開始惆悵他的升小路. 我全家是天主教徒, 一直都心儀高小 (細仔只有15分, 唔想抽獎, 只能考直私, 當然K1沒有報高幼, 因為我們住新界), 所以嘗試插高幼, 好開心成功插班, 更由新界搬至港島. 細仔考直私比大女輕鬆得多. 只報考四間當熱身, 然後重點培訓他考高小. 最後除了高小, 還有另一間有OFFER的. 不得不提的, 是細女讀高幼的那班同學, 上年考小一, 全班29人, 到最後高小THIRD IN, 基本上OVER 26人都有高小OFFER.
論考直私, 雖然LH是強, 但我相信小朋友的性格及家長對小朋友的裁培都很重要. 我大女當年也有不少LH同學沒有心儀OFFER要抽獎, 細仔也有高幼同學考到名小, 所以絕不能單憑學校去評定小朋友成直私的成績.
我個人的見解, 如果你接受到讀高小的, 應該讀高幼, 始終好大機會入到. 到時重點培訓小朋友考高小, 再進可攻退可守考其他直私, 悉心裁培, 高幼生也可以考到其他名直私的.
如果你著重德育, 也很應該讀高幼.
如果你想有龍小做BACKUP輕輕鬆鬆考小學, 應該選高幼.
如果小朋友是作戰型, 你可以和小朋友長期作戰堅持考十幾間直私, 應該選LH.
如果你著重語境, 要有NET, 那麼就選LH.
作者: suzuki12 時間: 19-4-4 12:27
HauMiranda 發表於 19-4-4 09:13
我既是高幼用家, 又是LH用家, 雖然我都有自己的喜好, 但我希望我的經驗分享也可以幫助樓主更認識兩間學校的 ...
Hau, 多謝你詳細的分析，你講得好中肯啊！其實考小成功與否，好大好大關鍵係家長培育和小朋友性格/資質。兩間各有利弊，揀選其中一間就要諗定如何填補不足之處，以前入左龍校/名幼就大安旨意就會後悔莫及了。
作者: suzuki12 時間: 19-4-4 12:34
suzuki12 發表於 19-4-4 12:27
Hau, 多謝你詳細的分析，你講得好中肯啊！其實考小成功與否，好大好大關鍵係家長培育和小朋友性格/資質。 ...
不過要補充一下，如入半龍校，真要有心理準備可能小學部會唔收。加上正當身邊同學們大部分都入圍小學部而自己做後備，果下心理打擊都算好大架（高小11月尾就放榜，但其他學校有好多都未出結果，係果段空窗期估計應該好難頂嘅）。
作者: mypekkle 時間: 19-4-5 09:03
HauMiranda 發表於 19-4-4 09:13
我既是高幼用家, 又是LH用家, 雖然我都有自己的喜好, 但我希望我的經驗分享也可以幫助樓主更認識兩間學校的 ...
多謝你很用心的分享！ 你既小朋友看來現在也升上小學，很想了解一下，弟弟上了小學後和姐姐的學術表現是否差不多（雖然在唔同學校）？ 很多家長也認為在幼稚園時要補定底，甚至要超前學習，到上小學後也可以繼續保持成績優勢。
作者: tigerdad 時間: 19-4-9 01:50
CXW 發表於 19-4-3 13:24
我係LH 用家請問你小朋友有讀過LH 嗎？如何比較到高幼學到嘅野LH 冇呢？
另外，今年高幼考到高小餘下嘅街 ...
我識人讀LH, 都係今年考小一，眼見一個一間唔心儀私小學，另一個等大抽獎，再且，某d傳統津小除左注重學術都著重小朋友德育。
作者: tigerdad 時間: 19-4-9 01:52
suzuki12 發表於 19-4-4 12:34
不過要補充一下，如入半龍校，真要有心理準備可能小學部會唔收。加上正當身邊同學們大部分都入圍小學部而 ...
本帖最後由 tigerdad 於 19-4-9 01:53 編輯
其實讀SC KV 既補得仲勁過龍幼小朋友！
身邊親人就係例子
作者: HauMiranda 時間: 19-4-9 22:46
mypekkle 發表於 19-4-5 09:03
多謝你很用心的分享！ 你既小朋友看來現在也升上小學，很想了解一下，弟弟上了小學後和姐姐的學術表現是否 ...
本帖最後由 HauMiranda 於 19-4-9 22:46 編輯
對啊！我的小朋友們都升上小學
但由於女女的小學與仔仔升讀的高小有不同的學術要求（姐姐學校英文教深一年，高小教快半年）
所以都好難比較讀LH的姐姐及讀高幼的仔仔的學術水平
不過幼稚園還幼稚園
上到小學又另一番景象
幼稚園勁補底
也不代表小學可以坐足六年順風車
以我經驗
在幼稚園階段學術補底還屬其次
最重要還是閱讀
小朋友有豐富的詞彙
解題既沒有難度
作文、閲理又能用自己的文筆表達
比補英文文法及數更有長遠的效益
作者: Tomatokat 時間: 19-4-10 13:43
回覆 HauMiranda 的帖子
感謝你詳細的回覆，我小朋友有高幼pm offer, 想請問高幼上高小是否am有優勢？高小不是我最心儀，但聽到朋友分享考小過程的確艱辛，而且有機會全軍覆沒，所以有高小back up又不錯，小朋友是男仔，如果讀高幼可以搬屋。
作者: Tomatokat 時間: 19-4-10 13:45
多謝大家回覆，其實我想轉，但爸爸認為仔仔讀LH讀得好開心，又近屋企，又欣賞學校活動教學，高幼聽說比較傳統，所以一動不如一靜，真係好難決擇...
作者: PTL_L 時間: 19-4-10 14:25
回覆 Tomatokat 的帖子
高幼am或pm,機會率是一樣，冇特別優勢。我諗你係第一個小朋友，對嗎？完全冇經歷過升小時搵學校時的艱難？或許係小朋友到小一時，就算讀學之園都可以考到好好的學校，始終出生率低左，但我自己就一定搵一間半龍校打底，因我阿大冇龍校，考直資衰哂，阿細讀高幼，感恩順利升上高小，亦感恩順利銜接到高小課程。當年，放榜，我完全係置身到外，朋友、家人仲緊張過我，輕鬆之情，難以言喻。
作者: lcyesther 時間: 19-4-10 14:49
Tomatokat 發表於 19-4-10 13:43
回覆 HauMiranda 的帖子
感謝你詳細的回覆，我小朋友有高幼pm offer, 想請問高幼上高小是否am有優勢？高小 ...
如果只當back up 要考慮清楚，因為高小不可以抽奬。
作者: Tomatokat 時間: 19-4-10 15:20
回覆 PTL_L 的帖子
係呀！大仔讀緊pn,仲有個妹跟尾丫，我聽聞過考小的艱難，但又唔捨得現校的語景，快樂學習的活動教學，請問高幼的家長用家，高幼是活動教學嗎？如果像樓上媽媽咁k2/3轉校又有無機會呢？但現在放棄k1 offer,學校會否有紀錄而不取錄你插班？謝謝🙏
作者: HauMiranda 時間: 19-4-10 17:01
Tomatokat 發表於 19-4-10 15:20
回覆 PTL_L 的帖子
係呀！大仔讀緊pn,仲有個妹跟尾丫，我聽聞過考小的艱難，但又唔捨得現校的語景，快樂學 ...
作者: HauMiranda 時間: 19-4-10 17:03
Tomatokat 發表於 19-4-10 15:20
回覆 PTL_L 的帖子
係呀！大仔讀緊pn,仲有個妹跟尾丫，我聽聞過考小的艱難，但又唔捨得現校的語景，快樂學 ...
作者: PTL_L 時間: 19-4-10 17:17
回覆 HauMiranda 的帖子
絕對認同你講法，起香港打正旗號話自己「活動教學」既幼稚園有好多，但真正做到應該唔會多。反而我睇既係後續，你地有放洋既安排嗎？如沒有，不必拘泥於「活動教學與否」因講到底，都係你小朋友要適應教育制度，非制度適應你既小朋友。
剛升上高小，以我所知好多外校生跟唔上高小既課程，紛紛外出惡補，唔係話高幼上高小唔駛補習，但起碼適應上容易好多，我地原班上既同學（11個），有4/5個攞top ten。
作者: Tomatokat 時間: 19-4-10 18:52
回覆 HauMiranda 的帖子
很清楚，謝謝您的回覆，你既是LH又是高幼的用家，我想你明白我活動的意思就是你所說的在LH的學習模式！聽完你的見解，又開始想轉到高幼了，另想請教你小朋友有外補嗎？有補外籍老師加強語景方面嗎？升高小的準則是一次面試決定還是平日課堂/功課等計分呢？
作者: vincenthocs 時間: 19-4-10 20:34
PTL_L 發表於 19-4-10 17:17
回覆 HauMiranda 的帖子
絕對認同你講法，起香港打正旗號話自己「活動教學」既幼稚園有好多，但真正做到應 ...
作者: PTL_L 時間: 19-4-10 21:01
回覆 vincenthocs 的帖子
小一都有喇
作者: vincenthocs 時間: 19-4-11 10:13
PTL_L 發表於 19-4-10 21:01
回覆 vincenthocs 的帖子
小一都有喇
作者: PTL_L 時間: 19-4-11 12:14
回覆 vincenthocs 的帖子
係呀，都係早啲接觸唔同既題型，問題都唔大，由淺入深
作者: wendyyiu 時間: 19-4-11 13:27
提示: 作者被禁止或刪除 內容自動屏蔽
作者: DengCK 時間: 19-4-11 18:11 標題: 回覆樓主
我自己的選擇：
留LH放棄高主教。利申本人曾放棄受EK追捧的民生offer。
so far都滿意LH， 始終我唔鍾意太傳統的學校。我唔知高幼係咩教學，但就好like LH 教學，訓練出黎既小朋友都係有自信同活潑type。
作者: HauMiranda 時間: 19-4-11 23:54
Tomatokat 發表於 19-4-10 18:52
回覆 HauMiranda 的帖子
很清楚，謝謝您的回覆，你既是LH又是高幼的用家，我想你明白我活動的意思就是你所 ...
放心，高幼絕不傳統，高幼仔仔女女都是活潑型（當然父母也應記一功）
如果要有NET, 高幼的英文當然較LH遜色，因為沒有NET做班主任。我女由k2開始在ABC上英文堂，升小一便停止，so far英文成績都不錯。
至於升高小準則，當初都以為小朋友在高幼的表現也有關係，但以我女那一屆為例，隔離班考高小表現令家長大跌眼鏡，很多平日很標清的小朋友沒有offer(不清楚最後有沒有），反而平日不突出的卻第一回便有offer. 所以家長都認為高小未必會看小朋友在高幼的表現，而純粹看面試表現。（而我那班有位女同學，好明顯平日在高幼很出色，拿學業成績獎的，但據她媽媽說面試很慢熱，最後第三回才收offer)
作者: Tomatokat 時間: 19-4-12 12:03
回覆 HauMiranda 的帖子
咁想請問高小interview係in咩架？高幼係咪同外校生一樣咁in?
作者: HauMiranda 時間: 19-4-12 13:17
Tomatokat 發表於 19-4-12 12:03
回覆 HauMiranda 的帖子
咁想請問高小interview係in咩架？高幼係咪同外校生一樣咁in? ...
高幼生跟外校生一起考
都要經過兩輪面試
但高幼生入入第二輪
但第一輪的分數會計算在內以決定最後能否被取錄
高幼校長會叫高幼生穿校服去高小面試
雖然對面試分數作用不大
但當日女女見到好多高幼生一齊考
個心都定啲
作者: HauMiranda 時間: 19-4-12 13:29
Tomatokat 發表於 19-4-12 12:03
回覆 HauMiranda 的帖子
咁想請問高小interview係in咩架？高幼係咪同外校生一樣咁in? ...
我女前年考
第一輪是小組面試
有拼圖
第二輪是個人面見
先面見小朋友及家長
問家長一些照顧小朋友、對學校理念的看法等問題
然後父母離開由老師單獨面見小朋友
當年女有考數、排卡講故事
作者: HauMiranda 時間: 19-4-12 14:26
HauMiranda 發表於 19-4-12 13:17
高幼生跟外校生一起考
都要經過兩輪面試
但高幼生入入第二輪
Typo: 高幼生必入第二輪
作者: bbjanbb 時間: 19-4-13 16:28
高幼net teacher 口音很古怪，有鄉音的
真心覺得語境幾乎係無
作者: Tomatokat 時間: 19-4-14 17:10
回覆 HauMiranda 的帖子
多謝你既回覆，另一concern是我仔入到下午班，但佢現在通常都要睡午覺，請問你知道下午班容易轉到上午班嗎？是按申請的次序排？
作者: HauMiranda 時間: 19-4-15 13:50
Tomatokat 發表於 19-4-14 17:10
回覆 HauMiranda 的帖子
多謝你既回覆，另一concern是我仔入到下午班，但佢現在通常都要睡午覺，請問你知 ...
我不清楚學校用甚麼準則去排下午轉上午的申請次序
只知當年我女收offer時
都有不少家長手執不少offer而最後放棄高幼
我在註冊時交轉班信
之後便收到通知轉上午
但後來因為仔仔插入k3只有下午班
所以女又轉回下午班
我相信早點寄信機會大啲
作者: QQ_Li 時間: 19-4-19 18:12
PTL_L 發表於 19-4-10 14:25
回覆 Tomatokat 的帖子
高幼am或pm,機會率是一樣，冇特別優勢。我諗你係第一個小朋友，對嗎？完全冇經歷過 ...
考過小學，再有第二個一定會揀龍。我一直不明白為何很多人當入了名幼如 LH 就可入神校。如果細心分析佢嘅升小成绩，400幾個學生，最 top 如拔萃只得10個8個，即係話只有每間分校考第一，二名；其他如陳守仁，cky, 雖然各有廿幾人，也都是最 top 10-20% 嘅學生先有 offer. 其餘80-90% 是大部份人呀。要明白叻嘅20% 學生已經拿了最好嘅80% 學位，除非你立定決心付出百分百努力戰鬥到底進身頭20%，又或是十分喜歡LH 嘅教學，否則高幼才是正確嘅選擇。龍加外補才是王道。
作者: PTL_L 時間: 19-4-19 19:42
回覆 QQ_Li 的帖子
呢啲都係一般私立幼稚園的語言藝術，如果唔係點會咁多家長會選擇俾小朋友入讀冇小學back up既私幼。
私幼自負盈虧，收得一個得一個，剩餘學費的運用方法同津幼唔同，唔駛同教育局交代，直接啲講，係袋哂落自己袋。高幼雖則都係私幼，但因為有成個教區起後面，唔會敢亂黎。一般私幼所有既資源，大家所講既net，語境,佔學費好少部份，請一個net做班主任，一個月大約$25000-$30000，好彩既個net好 stable ，唔好彩，一年換幾次，比比皆是。學生一個月約$4000-$4500，一班30人左右，計一計學校賺幾多落袋，最重要係，用左幾多起學生身上。唔好太天真，起香港既私幼講教學理念，係唔work!
作者: PTL_L 時間: 19-4-19 19:44
回覆 QQ_Li 的帖子
不過通常講實際係冇人鍾意，啲人鍾意講理想
作者: 1162694sd 時間: 19-4-19 20:40
HauMiranda 發表於 19-4-4 09:13
我既是高幼用家, 又是LH用家, 雖然我都有自己的喜好, 但我希望我的經驗分享也可以幫助樓主更認識兩間學校的 ...
好有心這麼詳盡分析，樓主係男仔，揀高幼升小有backup, 小學升中學在灣仔區band1學位充裕，校區好。高幼生好多考到港同，叩入st. Jo，亦都都有spcc同dbs 。我姨娚當年高幼升小，簡簡單單只考3間, dbs, spcc有2面，港同有offer, 最後揀升高小。高幼可能你覺得語竟不比LH好，不過港島嚟邊家長英語水平好高，英文吾係佢地最關心，吾夠嘅可以外補，至於LH, 如果樓主認為讀左佢可以考到比高小更好嘅神校，咁揀LH。另外提一點，姨娚考吾到2間神校只得2面，家姐覺得可能係衰係in家長or冇背景入士，所以樓主都要留意有時考小學時，除左小朋友，有時外來因素輸比其他人都吾定，所以過來人覺得，自己認為搏得過嘅，揀咩幼稚園都愉快學習嘅
作者: QQ_Li 時間: 19-4-19 22:44
PTL_L 發表於 19-4-19 19:44
回覆 QQ_Li 的帖子
不過通常講實際係冇人鍾意，啲人鍾意講理想
人就係諗住自己係頭20%，又無諗過自己係尾嘅20%…
但就港島嚟講，始终都係宗教背景或有關係聯系嘅學校多，例如 spcc, 聖保祿咁 top 嘅學校，就算 LH train 到你神童，都唔係靠實力就入，要講關係，背景，唔同其他新派直私學校。
作者: Tomatokat 時間: 19-4-26 16:20
多謝大家既分析，有高小Back up的確好好多，高幼程度唔太淺考出面學校都唔會太輸蝕，希望我既選擇無錯
作者: Tomatokat 時間: 19-4-26 17:13
回覆 PTL_L 的帖子
係呀，第一個小朋友，哥哥之後有個妹跟尾，其實我仔慢熱，我覺得考小都係輸蝕，都有想過如果唔轉留LH 會搬去11/12校網玩抽獎，咁妹妹有得跟唔洗再玩多次.....
作者: tigerbee 時間: 19-5-8 00:00
Tomatokat 發表於 19-4-10 15:20
回覆 PTL_L 的帖子
係呀！大仔讀緊pn,仲有個妹跟尾丫，我聽聞過考小的艱難，但又唔捨得現校的語景，快樂學 ...
請問K3才插高幼會否影響升高小機會？因為聽講有些龍校收生是會計算埋K1和K2成績，去決定是否給予小學offer，謝謝
作者: PTL_L 時間: 19-5-8 05:28
回覆 tigerbee 的帖子
唔會，小學部只會睇面試表現及成績。
作者: HauMiranda 時間: 19-5-8 07:57
tigerbee 發表於 19-5-8 00:00
請問K3才插高幼會否影響升高小機會？因為聽講有些龍校收生是會計算埋K1和K2成績，去決定是否給予小學offer ...
不會。我仔都是K3才插入，高小收了。總之是高幼生，無論是讀了多少年/月，必入第二輪面試。
作者: tigerbee 時間: 19-5-8 09:25
tigerbee 發表於 19-5-8 00:00
請問K3才插高幼會否影響升高小機會？因為聽講有些龍校收生是會計算埋K1和K2成績，去決定是否給予小學offer ...
本帖最後由 tigerbee 於 19-5-8 09:26 編輯
請問你所指的成績是K3成績嗎？
作者: nicholasnip 時間: 19-5-14 11:22
回覆 Tomatokat 的帖子
是否教得深就是好的學校, 我覺得好值得家長去思考.
其實在幼稚園階段, 我覺得培養小朋友的德育比學術更重要, 大家想想孩子大了之後, 你再同佢地講品德教育, 佢地會聽咩? 教會學校最大特色就是有品德教育的培養. 出面純私立背景的, 因本身沒有小學, 中學back up, 所以只有用教得幾深作招來.
作者: ^GGmami^ 時間: 19-6-2 08:21
CXW 發表於 19-4-3 13:24
我係LH 用家請問你小朋友有讀過LH 嗎？如何比較到高幼學到嘅野LH 冇呢？
另外，今年高幼考到高小餘下嘅街 ...
本帖最後由 ^GGmami^ 於 19-6-2 08:26 編輯
哈哈，回得好！ 讀LH嘅有幾多會target高小呢？
每間幼稚園嘅小朋友都有叻有唔叻，LH唔包你好叻，但呢幾年真係無見過0 offer嘅同學仔。好多最後階段都叩返心儀津校添
不過如果樓主係心儀高小，就當然係高幼啦！ 由細到大都同同一班同學仔讀書係好愉快嘅事。
作者: ^GGmami^ 時間: 19-6-2 08:25
lcyesther 發表於 19-4-3 23:41
22個係包括所有分校？加埋成470人中有22個？
聽聞LH的調查是家長提供資料而沒有作進一步核實的。 不知可信 ...
唔心儀報黎當操練囉，比幾十蚊有mock interview，抵喎！
作者: Forgetmenot999 時間: 19-6-2 11:07
^GGmami^ 發表於 19-6-2 08:21
本帖最後由 ^GGmami^ 於 19-6-2 08:26 編輯
哈哈，回得好！ 讀LH嘅有幾多會target高小呢？
本帖最後由 Forgetmenot999 於 19-6-2 11:08 編輯
吓！我估唔係好多可以咁容易target得到高小吓話！佢地位唔係好多喎，你當SC同KV流既？我朋友仔KV都係高小waiting，不過佢唔考慮啦！因昨日抽到神津，開心到振
作者: ^GGmami^ 時間: 19-6-2 11:22
Forgetmenot999 發表於 19-6-2 11:07
本帖最後由 Forgetmenot999 於 19-6-2 11:08 編輯
吓！我估唔係好多可以咁容易target得到高小吓話！佢 ...
哦，朋友仔！ 咁請問貴子弟又讀乜幼稚園？升咗乜神校呢？ 分享下呀
作者: Forgetmenot999 時間: 19-6-2 11:53
^GGmami^ 發表於 19-6-2 11:22
哦，朋友仔！ 咁請問貴子弟又讀乜幼稚園？升咗乜神校呢？ 分享下呀
...
我個係女，順利直上銅鑼灣某女校
作者: lcyesther 時間: 19-6-2 17:25
^GGmami^ 發表於 19-6-2 08:21
本帖最後由 ^GGmami^ 於 19-6-2 08:26 編輯
哈哈，回得好！ 讀LH嘅有幾多會target高小呢？
相信好多家長也心儀db,dgs,spcc,不心儀高小。但心儀代表入到？
0 offer看你考多少校，有些學校較易有offer。有朋友讀迎海LH,有玫瑰崗，音小，聖若望offer。但仍十分緊張等抽獎結果。
LH係課程一流，但升小太多因素，唔係叻（到勁突出水平）就一定有offer.
Btw, 我小朋友讀高小，班中top的多來自高幼（不幸地bottom 的也有來自高幼。）那只因為高幼係大戶，比例上什麼人也有。班中有幾個來自LH的，考大約中間。可反映讀LH,高幼還是什麼幼稚園非重點，家長背後發功，或天資影響較大。
作者: ^GGmami^ 時間: 19-6-2 18:03
lcyesther 發表於 19-6-2 17:25
相信好多家長也心儀db,dgs,spcc,不心儀高小。但心儀代表入到？
0 offer看你考多少校，有些學校較易有off ...
我可能講得唔清楚，我無話高幼/小唔好，LH亦非乜神校，我揀LH係因為喺屋企樓下同細校照顧好d，我諗大部份LH家長都唔會覺得LH係乜神校，LH family多係humble嘅人，亦因爲自知有不足，所以學校不嬲都鼓勵我地報多幾間去in，一來當操練，二來唔知到時會唔會撞時間，所以大家都報起碼十間八間。你講得啱，offer唔係一定最心儀，但人地做咁多年教育，可能比我地更清楚小朋友嘅潛能，我亦係通過小一面試呢個過程，睇到我大女另一面。
而且袋住個offer去抽獎，大人都壓力小d，又或者我當年袋住直資offer去叩門，心態都輕鬆好多啦！
LH家長普遍鍾意新派直資，隔離班有個揀cky都唔要spcc，亦有人揀wkf都唔要德望，高小屬傳統派，LH過往幾年無港島分校，港島大把好學校，有乜必要去到咁遠讀LH? 所以target高小而入LH係不智之選。如果我生到仔，我都會揀高幼唔揀LH！可惜我係生女，所以高小不是我杯茶。我係傳統派，所以當年個女叩到女校，我即時放咗直私offer。
作者: ^GGmami^ 時間: 19-6-2 18:17
Forgetmenot999 發表於 19-6-2 11:53
我個係女，順利直上銅鑼灣某女校
哦，乜咁啱，我個女都係讀港島區女校。同一班同學仔一齊上中學係好愉快嘅事，你同我個女都好幸運
| 歡迎光臨 教育王國 (/) |
Powered by Discuz! X1.5 |