教育王國

標題: 插定唔插? 順小朋友意願? [打印本頁]

作者: hilarychu 時間: 19-3-7 13:50 標題: 插定唔插? 順小朋友意願?

小朋友而家讀緊都算地區一線學校,行路超近,剛考2次試都表現算唔錯,而家,因為龍年關係,心郁郁想幫小朋友插下龍/半龍校! 叫做呈分都無咁大壓力 (大人同細路),不過龍/半龍校會遠左,而且入得龍/半龍校都很多精英,唔易突圍! 又奈何小朋友係係學校超開心,好有自信, 一萬個不願意說出口,我應該用盡力游說說服佢,定順佢意願打消插龍/半龍校的念頭?大家俾d意見我!謝謝大家!

作者: manmonster 時間: 19-3-7 13:54

回覆 hilarychu 的帖子

根據你上述所講，我不會轉。講到小朋友自己成萬個唔願意，考插班都未必會好合作。

作者: Arabellahk 時間: 19-3-7 14:07

本帖最後由 Arabellahk 於 19-3-7 15:02 編輯

如果能考上龍校，將來目標也是此校中學部，最好插班，因為小朋友小一成績好，並不能保證小二到小六成績也非常好，將來若無體藝特長，也許只有級一或名列前茅的學生才能考上。

作者: Mrs.Luckycat 時間: 19-3-7 14:13

先帶佢考咗插班試，或者佢見到其他學校會喜歡。

作者: assado 時間: 19-3-7 14:33 標題: 回覆樓主：

本帖最後由 assado 於 19-3-7 14:34 編輯

一線校, 又讀得開心, 成績又好, 我就唔會轉校啦!

作者: PTL_L 時間: 19-3-7 15:01

我會睇下間學校值唔值得我轉過去，考慮既只有地區、辦學模式，例如直屬或龍校。

插班是集天時、地利、人和，首先成績要非常突出，最少考全級頭十，考筆試時能打低所以對手。就算過到筆試，又到人為階段，面試既校長、主任鍾唔鍾意你朋友等......

3年前，我決定幫小女由一間地間一線，受萬千寵愛，老師、同學極鍾意佢既學校轉到一間有直屬中學既小學，程度更適合小女學習需要，而佢亦可以輕鬆面對，亦不用擔心升中又要玩多次，我覺得呢個決定冇做錯。

作者: PTL_L 時間: 19-3-7 15:03

另外，插班唔係容易的事，有offer先考慮走唔走啦，當年，我都用左兩個幾月時間幫小女調節心情。

作者: LeeCC 時間: 19-3-7 15:37

我認識一個小朋友，考級頭3，一年級下學期父母去考插班，佢自己十萬個不願意，個小朋友有型到，面試時同校長講，我唔想轉校，你唔好收我

作者: pekovian 時間: 19-3-7 16:07 標題: 回覆樓主

插班更好既龍校絕對唔容易，驚自己會後悔就放手一試，唔好顧慮咁多

作者: 1998Ruby1998 時間: 19-3-7 16:09

我識個小朋友，讀一線私，考得好好，但其實以佢資質，間學校有啲淺，佢成日都唔洗點溫書就可以去考試，亦學埋同學上堂無聊篤擦子膠。本身佢轉校意欲都唔太大，咁都正常。但之後帶佢去 3 間，有 2 間佢都鍾意，因為夠大、好靚、好新，有一間仲係英文出名好（但唔係龍校）。出左 offer 有 2 間收，一間直屬，一間冇龍。問佢轉唔轉，佢話要轉去冇龍，因為英文好同學校好靚，冇龍就自己讀書讀好啲。

小朋友有時候未見過「世面」，會怕同唔願意轉，大人亦如此。可以同佢講，父母想你盡力去考，順便參觀下人地學校，但最後轉唔轉係你嘅決定。咁樣應該 OK。

作者: Diversifyedu 時間: 19-3-7 17:29

回覆 hilarychu 的帖子

照你舊帖個間地區一線學校升中派位同校網都好, 如果順順利利有冇機會升上你心儀或同級中學?如果有而小朋友十萬個唔願意, 可以試下說服佢去考插班個唔勉強.

作者: lovebb2 時間: 19-3-7 20:26

本帖最後由 lovebb2 於 19-3-8 06:55 編輯

作者: elbar 時間: 19-3-7 21:48

女生？想試女拔？

作者: fefemom 時間: 19-3-7 22:45

如果嗰間中學是心儀的，可以摸個角度，同佢講早五年識中學同學，雖然要重新適應，但小二還容易融入，如果性格活潑、外向，相信好快會識到朋友。呈分試連 VA, music 5 分10分都有影響，學業好之餘，又要看課外活動、獎項……壓力不少啊！如果新校比舊校新或大，考插班試時看到對比，小朋友好易被硬件吸引，會改觀的。

作者: synthesis 時間: 19-3-7 23:53

我女上年插班時亦都係千萬個不願意，有時諗返起又會喊，頭嗰三個月的確係好難過，之後揾到朋友就完全無野啦。無人會願意離開comfort zone, 但一旦適應咗就無問題咖啦！

作者: dlee_ca 時間: 19-3-8 01:38

本帖最後由 dlee_ca 於 19-3-8 01:39 編輯

Did you have acceptance offer?

作者: keechoi 時間: 19-3-8 01:46

in左先，有offer先唸

作者: shevachevy 時間: 19-3-8 11:36

本帖最後由 shevachevy 於 19-3-8 11:40 編輯

小朋友識到朋友當然會有不捨, 但同佢分析下利弊佢都會明白的。
除左講道理, 我當初都有利誘阿女獎勵計劃:
1. 肯去筆試即收一份禮物;
2. 如筆試後收CALL再一份;
3. 肯去面試加練習又一份;
4. 面試好有THIRD IN又有一份
5. (最後學校收的話每個月500蚊玩具/零用基金 -- 呢個我擺o係心無同佢講, 慳左學費比小朋友買書買玩具都好呀! )

重賞之下必有勇夫呀樓主!! 最後我買左好多咩星光樂園, 光之美少女卡...

作者: se6b03 時間: 19-3-8 13:01

好奇一問，通常考小二插班的係咪要睇小一學期成績表？但有d學校小一上學期只有評估，無測考，咁如果要考果間學校話要成績表，咁比人乜野學校睇呢？

作者: sangria 時間: 19-3-8 13:07 標題: 回覆樓主:

俾我都唔轉。或者將來小朋友都可以考到好學校，而家好地地我唔會轉

作者: aaqq_mom 時間: 19-3-8 13:47

值唔值得插，就要看看是插那間，如果神校，有offer唔係易事，因為考得插班都係勁人，而且學位亦有限!

作者: mandy_ng207 時間: 19-3-8 13:51

你個女真幸福，咁多禮物收～
回想當年小五插班由一間當年二線津小插入名津，都吃了不少苦。英文追到傻，又無晒朋友，成績創下新低...我媽都有d擔心。幸好呈分試前順利追回，順利升上直屬中學。而呢間中學改變左我一生，如果沒有轉校肯定沒有今日的我...所以我都感謝阿媽的。
當年我媽無問我想唔想，只係幫我寄信、叫我去筆試（當年沒有面試），有offer亦唔准同同學講，直至last day of school。如果係我自己個仔，我會叫佢考左先，有offer再商量去唔去...

作者: hkpapa852 時間: 19-3-8 14:31

插定唔插, 都要睇吓自己係咪有能力插.

要插比地區一線好既龍校, 基本上唔係校內級5/級10內, 可能連插班面試/筆試既機會都無.

作者: hilarychu 時間: 19-3-8 14:49

回覆 hkpapa852 的帖子

有級10內,所以先會唸插定唔插好!

作者: hkpapa852 時間: 19-3-8 14:56

可以試吓申請, 人地有反應先諗

作者: cclemon2009 時間: 19-3-8 15:07

我同樣的有這個問題諗緊，想請教，假如真的好彩被學校收了插班，而個小朋友到最後都仍然吾想轉，咁點算？
見完吾要offer，會不會影響中學自行面試機會？
作為家長，想自己小朋友將來條路易行d，但又好似迫佢做吾願意的事

作者: hilarychu 時間: 19-3-8 15:12

本帖最後由 hilarychu 於 19-3-8 15:15 編輯

回覆 cclemon2009 的帖子

same feeling, 讀得好讀得開心咁當然好!
但相反, 讀得唔開心,到時小朋怨你,個心都唔好受!
如果小朋友同原本學校無咩喜好都好D,但我女係超級鐘意而家間學校,時時寫"我好鐘意學校因為老師真的好好",時時表明心跡!!!!!
我見到先咁煩惱!

作者: cclemon2009 時間: 19-3-8 15:16

就是這煩惱，又吾知將來新校有冇新朋友，又吾知將來讀得好吾好，又吾知新校是否適合佢，好驚自己作為父母做錯決定！最擔心倞影響到佢情緒

作者: hilarychu 時間: 19-3-8 15:21

回覆 cclemon2009 的帖子

你講中point...影響佢情緒好緊要!
唔開心無心機讀,無自信,做咩都唔好!
....到頭來就算勉強可升直屬中學又如何?
童年咁就無左!
不過這只是負的一面....

作者: vvbyy 時間: 19-3-8 15:30

過來人,龍校插龍校,插班前有擔心過,插班適應完全冇問題,興幸轉了校

作者: hilarychu 時間: 19-3-8 15:36

回覆 vvbyy 的帖子

都是級10再轉校嗎? 小朋友開頭都不願意?
有否特異功能才成功?

作者: chloe_b 時間: 19-3-9 10:14

無錯，我小朋友當年都係，叫佢試下考插班，佢無乜反應(又唔係反感既，只係佢已有固定朋友)，然後我話試下先囉，有offer先再諗，點知佢去考插班時都鍾意o左其他學校，仲話如果有offer都好welcome入讀喎！好好彩考左2間，依家有offer果間係小朋友同我最心儀既，依家小朋友o係學校識到新朋友，返學都好開心！

作者: chloe_b 時間: 19-3-9 10:19

只可以講9成都會先考筆試，所以就算無成績表睇都無所謂，不過只限all in學校！有d學校唔係all in，就真係機會勁細

歡迎光臨教育王國 (/)