教育王國

標題: 考試温習 [打印本頁]

作者: winnyyan 時間: 19-3-4 19:30 標題: 考試温習

大家如何幫小朋友溫習！中英是否一般都溫習學校提供的考試範圍就足夠嗎？例如作業補充工作紙之類！。謝謝

作者: IloveJJ 時間: 19-3-4 20:35

提示: 作者被禁止或刪除內容自動屏蔽

作者: 1998Ruby1998 時間: 19-3-4 21:44

間間學校唔同，有啲只需要溫工作紙，有啲係只要老師有講過，都要溫。睇返上學期份卷，同範圍對照下。仲要留意有冇寫埋「已有知識」。

作者: Ababe 時間: 19-3-4 22:06

我按學校工作紙自己出卷比小朋友做，小朋友考試前大概知道自己會見到咩野題型，就容易啲。

作者: little_yolky 時間: 19-3-5 11:28

Ababe 發表於 19-3-4 22:06
我按學校工作紙自己出卷比小朋友做，小朋友考試前大概知道自己會見到咩野題型，就容易啲。 ...

咁你小朋友一定考得好好

作者: jli008 時間: 19-3-5 14:56

提示: 作者被禁止或刪除內容自動屏蔽

作者: Ababe 時間: 19-3-5 17:44

回覆 little_yolky 的帖子

都ok啦。對tip題有興趣都可pm我

作者: ch-cheung 時間: 19-3-8 12:32 標題: 回覆樓主

提示: 作者被禁止或刪除內容自動屏蔽

作者: sweetapplebb 時間: 19-3-13 19:24

終於考完派埋卷啦。。今次全部得8字頭無9。就算有d溫左都可以錯，我唔識幫佢溫習了。
外判老師難搵個夾既，有責任心既都唔容易搵。

作者: Yanamami 時間: 19-3-13 20:22

sweetapplebb 發表於 19-3-13 19:24
終於考完派埋卷啦。。今次全部得8字頭無9。就算有d溫左都可以錯，我唔識幫佢溫習了。
外判老師難搵個夾既， ...

禁你要分析下佢係唔小心錯定係未真正明，又或者出題轉个弯佢就唔識答｡

作者: shevachevy 時間: 19-3-14 10:39

sweetapplebb 發表於 19-3-13 19:24
終於考完派埋卷啦。。今次全部得8字頭無9。就算有d溫左都可以錯，我唔識幫佢溫習了。
外判老師難搵個夾既， ...

外判仲未必有你自己教咁好, 有幾個補習會真係跟得貼, 知道學校程度要求? 世上只有媽媽好呢~

作者: Cheeselover 時間: 19-3-15 07:28

1998Ruby1998 發表於 19-3-4 21:44
間間學校唔同，有啲只需要溫工作紙，有啲係只要老師有講過，都要溫。睇返上學期份卷，同範圍對照下。仲要留 ...

沒有補習，所以要自己請假上陣，小朋友點自覺，學校講明中英文除了默書外，不考課文，咁惟有溫工作紙，睇評估。學校知道女仔數學差，考試前兩個星期課堂出了一份評估，我們如獲至寶，我諗考試都會咁上下，死鋤！
問考乜？唔記得，識唔識？OK啦，咁既答案真係我驚過佢。最後成績OK啦，錯乜就唔知，無派卷，不過可以問老師。
我擔心P3, 好似很多題目無供詞，小朋友識寫幾多個字，真係諗下係咪每日一字！

作者: 1998Ruby1998 時間: 19-3-15 08:44

回覆 Cheeselover 的帖子

你算好好，唔少一年級已經不供詞。我同小朋友溫過不供詞。我上網睇詞語 example 庫，睇下詞語同咩字眼經常出現，又研究下平日評估、測驗，老師出題係咪吻合。做多幾次，就會識，呢個就需要家長自己辛苦少少。再唔係，另一招蠢少少就係一開頭寫低所有詞語（不論你係死背定故事記憶法），寫低之後再揀。通常不供詞都係第一部份。如果詞語唔係多嘅，寫低曬出黎再揀，會快好多，如果係多詞語就冇辦法。好多小朋友個腦「抽」野慢，要同時思考同回想詞語，係好高難度。

作者: lcyesther 時間: 19-3-15 11:14

1998Ruby1998 發表於 19-3-15 08:44
回覆 Cheeselover 的帖子

你算好好，唔少一年級已經不供詞。我同小朋友溫過不供詞。我上網睇詞語 example ...

請教如何找到詞語example 庫？

作者: CMPL 時間: 19-3-15 14:04

回覆 lcyesther 的帖子

睇返學校出卷模式, 大約會估到怎樣出. 除數學外, 我覺得好難外判補習老師溫習, 除非本身中, 英文底子很好, 文化, Grammar已溶入他們生活當中, 如果唔係都係'世上只有媽媽好'!

我小朋友小二中文, 英文填充已不供詞, 不過出的都是書本詞語. 首要默熟詞語, 儘量不會讀個詞語出來叫他默, 只說個意思叫他自己想想運用那詞語, 因為懂得寫不等於懂得運用. 例如: 溫習詞語'後悔莫及', 不會叫他默'後悔莫及', 只會說: 小明做錯了事令媽媽很傷心, 他真是如何呀? 英文也是如此...

另外平日多做點閱讀理解, 因為閱讀理解也佔不少分, 好難考試前一時三刻才惡補了.

作者: bubupeipei 時間: 19-3-20 14:22

Yanamami 發表於 19-3-13 20:22
禁你要分析下佢係唔小心錯定係未真正明，又或者出題轉个弯佢就唔識答｡

我小朋友就正正是唔識轉彎嗰隻，請問大家有咩好方法可以改善呢？謝謝各位

作者: Yanamami 時間: 19-3-20 14:27

bubupeipei 發表於 19-3-20 14:22
我小朋友就正正是唔識轉彎嗰隻，請問大家有咩好方法可以改善呢？謝謝各位
...

我自己会出題问佢，唔会依書直问｡佢过得我果关，自然过到学校果关｡至於点出題，你要自己去瞭解佢学校出題型式同陷阱位，参詳完再依样葫蘆出題去俾佢做，做得多就自然得｡

作者: bubupeipei 時間: 19-3-20 15:13

Yanamami 發表於 19-3-20 14:27
我自己会出題问佢，唔会依書直问｡佢过得我果关，自然过到学校果关｡至於点出題，你要自己去瞭解佢学校出題 ...

Thks for your opinion

歡迎光臨教育王國 (/)