教育王國

標題: 小學沙田好？屯門好？ [打印本頁]

作者: Kinkylaw 時間: 19-3-3 19:18 標題: 小學沙田好？屯門好？

小朋友下年k3
而家同奶奶住緊屯門區
仔仔都係屯門讀幼稚園（70校網）
仔仔而家主力奶奶湊
下年會搬入沙田住

諗緊小學去屯門讀好定沙田讀好
住屯門就奶奶湊
星期五先湊番佢回家
住沙田就要自已湊番
放學（4點）都未諗點湊我要番工

感覺沙田校網正點多出名學校
自已屋苑附近有大型商場
地點方便
但又驚沙田比較難讀
課程較深多功課

屯門可同幼稚園的朋友仔一齊讀書
但感覺好多好多大陸人

作者: legolas625 時間: 19-3-3 19:39

報沙田，K3要去沙田住

作者: legolas625 時間: 19-3-3 19:55

個人感覺，屯門学生質素普遍……
不論校網，小朋友上小學，家長有責任跟功課，唔可以靠長老

作者: Kinkylaw 時間: 19-3-3 21:05

回覆 legolas625 的帖子

意思係k3就要入沙田讀？
如只講地址証明我而家都有

作者: loklok1023 時間: 19-3-3 21:08

Kinkylaw 發表於 19-3-3 21:05
回覆 legolas625 的帖子

意思係k3就要入沙田讀？

我情況同你差不多，但最後吾轉，待升p1先轉區，因為我會諗小孩的適應和習慣生活方面多。

作者: Kinkylaw 時間: 19-3-3 21:10

回覆 legolas625 的帖子

其實我自已湊都得但要轉工

沙田同屯門讀書係咪真係好大分別
🤭自已讀書都唔太叻
驚教唔到個仔

作者: legolas625 時間: 19-3-3 21:16

如大抽奖㨂抽沙田学位，教育局要抽查地址，睇下小朋係咪係度住，要常住地址，即大多數時間係度住。如果自行㨂沙田，就不限地址。考直私，也不限地址。

作者: hahaha1231 時間: 19-3-3 22:49 標題: 回覆樓主:

沙田，一來校網好d
二來，平日功課點跟
點可能1至5 係嫲嫲度， 6 先返屋企

作者: lulumelody 時間: 19-3-3 23:21

hahaha1231 發表於 19-3-3 22:49
沙田，一來校網好d
二來，平日功課點跟
點可能1至5 係嫲嫲度， 6 先返屋企

除非嫲嫲好識教，否則不能一至五依靠嫲嫲。

作者: Sailor-Moon 時間: 19-3-4 00:00 標題: 回覆樓主

教導小朋友成長係父母的責任，不建議交托給長老。父母工作幾忙，都應保證每天有陪伴子女的時間。選沙田

作者: wynnlitheboo 時間: 19-3-4 01:42

本帖最後由 wynnlitheboo 於 19-3-4 01:47 編輯

我女小一前都係阿媽阿爸湊，幼稚園直至小學都喺果區，阿女星期一至四都住佢地果度，但我日日都有上去睇功課加讀書，好夜先返家，等車加車程45分鐘先回到家，第日又要好早起身湊佢返學再返工，堅辛苦，但要咁湊為有犧牲下。不過我剛生左個細，都係要搵佢地湊，所以搬左去佢地附近，先搞得掂。如果你份工可以遷就返放學時間，沙田當然係最好。

作者: gracelam 時間: 19-3-4 08:57

Kinkylaw 發表於 19-3-3 19:18
小朋友下年k3
而家同奶奶住緊屯門區
仔仔都係屯門讀幼稚園（70校網）

無論嫲嫲住咩校網, 甚至港島名校網, 星期一至五都冇人跟功課跟默書, 無父母參與其中, 一係小朋友超級自律, 一係天生愛讀書, 一係嫲嫲係退休老師, 如三者不是, 不如跟返沙田網。或者放手完全唔理, 是但升邊間中學都冇所謂, 讓小朋友做個happy happy kid.

作者: 小曳人 時間: 19-3-4 14:43

本帖最後由小曳人於 19-3-4 14:44 編輯

其實，仲可以考慮放學去補習社功課班，又或者放學留學校做功課 (有少數學校有此服務)
以我所知，田心村有補習社會去巴士社接校車
當然，仲要考慮返學放學唔同點上落，可能無位
不過，整體上，孩子當然要跟爸媽住啦，唔好話沙田"可能"會深d，唔通你想叫嫲嫲跟功課默書測驗考試？！
自己孩子自己教好d

作者: vpo0615 時間: 19-3-5 12:32

我諗就算嫲嫲係教育界人士, 可以睇小朋友功課溫習, 小朋友始終都係要父母多陪伴先至有健康心靈.

作者: legolas625 時間: 19-3-5 13:23

其實呢個問題，係睇父母願为子女做幾多，付出幾多

作者: Felix223 時間: 19-3-5 13:30 標題: 回覆樓主

校網梗係一定沙田好，小一功課學業真係不能假手于人。除非你係佛係家長，咁去邊個網都冇乜所謂。

作者: kakaking 時間: 19-3-5 22:44 標題: 回覆樓主:

我仔在屯門屋村幼稚園和沙田屋村幼稚園都有讀過，感覺新移民數目，兩所學校都差不多。部份沙田同屯門津小我都參觀過，一般沙田小學感覺較細較舊較傳統。點都好，小一跟功課一定喺父母責任，走唔甩。

作者: 1162694sd 時間: 19-3-5 22:54 標題: 回覆樓主:

屯門有幾間小學一d都吾淺，超級谷，佢地搏入梁球居，董玉姊等等嘅中學，一d都吾差過沙田嘅學校，不過，樓主真係要有人跟功課跟測考，否則一定讀吾掂，除非小朋友很自覺同好聰明。

歡迎光臨教育王國 (/)