教育王國

標題: AFS Host Family [打印本頁]

作者: cgefamily 時間: 19-2-18 21:11 標題: AFS Host Family

我中伏了！我做了接待家庭，後悔不已...
有其他家長同我一樣嗎？

作者: Yanamami 時間: 19-2-18 23:23

点解後悔？

作者: anitawong21 時間: 19-2-19 00:03

cgefamily 發表於 19-2-18 21:11
我中伏了！我做了接待家庭，後悔不已...
有其他家長同我一樣嗎？

發生咩事？

作者: silvia_ng 時間: 19-2-20 14:11 標題: 回覆樓主:

why? 你接待邊度黎既學生呀？

作者: 王家爸爸 時間: 19-2-20 15:57

cgefamily 發表於 19-2-18 21:11
我中伏了！我做了接待家庭，後悔不已...
有其他家長同我一樣嗎？

等小朋友識多啲唔同國家既人都係好事

作者: natnatbaby 時間: 19-2-21 19:50 標題: 回覆樓主:

我Facebook 看到朋友接待左五六年，幾個女仔，關糸好好，叫她們daddy mami

作者: ramuza 時間: 19-2-21 19:55

cgefamily 發表於 19-2-18 21:11
我中伏了！我做了接待家庭，後悔不已...
有其他家長同我一樣嗎？

what is this

作者: JadeW 時間: 19-2-22 17:31

cgefamily 發表於 19-2-18 21:11
我中伏了！我做了接待家庭，後悔不已...
有其他家長同我一樣嗎？

點解話中伏？有乜事

作者: Yanamami 時間: 19-2-22 17:55

好怕無哂下文既帖……

作者: huba 時間: 19-2-22 18:53 標題: 回覆樓主：

本帖最後由 huba 於 19-2-22 18:53 編輯

可能是被樓主接待的學生後悔不已。

作者: Jane1983 時間: 19-2-23 14:15

接待一個陌生人係屋企住，仲要係中學生的唔大唔細年齡。即使可以有足夠地方招呼佢，各種安排都唔係易。

作者: Yanamami 時間: 19-2-23 15:22

Jane1983 發表於 19-2-23 14:15
接待一個陌生人係屋企住，仲要係中學生的唔大唔細年齡。即使可以有足夠地方招呼佢，各種安排都唔係易。 ...

我女自己中学都有同姊妹学校有exchange的……佢上年暑假去左Melbourne, 今年Easter我就要接待番果边既学生｡

作者: Jane1983 時間: 19-2-23 16:08

回覆 Yanamami 的帖子

這個經歷如何？細路實鍾意，但大人會唔會覺得好唔方便？

作者: Yanamami 時間: 19-2-23 17:22

Jane1983 發表於 19-2-23 16:08
回覆 Yanamami 的帖子

這個經歷如何？細路實鍾意，但大人會唔會覺得好唔方便？ ...

唔方便都係＋日至两周，可以接受既，又唔住成个月｡

作者: Jane1983 時間: 19-2-23 17:57

Yanamami 發表於 19-2-23 17:22
唔方便都係＋日至两周，可以接受既，又唔住成个月｡

原來咁短時間，都ok。仲以為一兩年果種。

作者: Yanamami 時間: 19-2-23 18:00

Jane1983 發表於 19-2-23 17:57
原來咁短時間，都ok。仲以為一兩年果種。

大学exchange係半年……我估楼主果d要成年？

作者: HaYi 時間: 19-2-23 19:27

小學時阿仔去日本一星期遊學都住係姐妹校 host 度幾天, host 非常好招呼, 之後佢地都成為好朋友, 上網talk. 而家中學要去exchange 優先是自己都要招乎番人. 不過自己家太細出入時間不定, 好難攪, 所以都冇申請做host. 做host 始終要好多野配合.

作者: Jane1983 時間: 19-2-23 21:07

Yanamami 發表於 19-2-23 18:00
大学exchange係半年……我估楼主果d要成年？

樓主已經消失了

作者: b3410 時間: 19-2-23 22:34

HaYi 發表於 19-2-23 19:27
小學時阿仔去日本一星期遊學都住係姐妹校 host 度幾天, host 非常好招呼, 之後佢地都成為好朋友, 上網talk ...

上個月剛剛做咗一星期學校exchange host , 之前阿女也去人哋屋企住過，互相都很滿意。
不過如果時間比較長，還是不太方便。

作者: silvia_ng 時間: 19-2-25 17:21

Jane1983 發表於 19-2-23 17:57
原來咁短時間，都ok。仲以為一兩年果種。

呢個睇落似一年，我仔學校都有招募家庭幫手。上年個exchange student同我仔仲做左成年同班同學。但樓主已潛水，唔知有咩慘事發生係佢身上。

作者: Jane1983 時間: 19-2-25 18:44

silvia_ng 發表於 19-2-25 17:21
呢個睇落似一年，我仔學校都有招募家庭幫手。上年個exchange student同我仔仲做左成年同班同學。但樓主已 ...

如果自己小朋友去咗exchange，咁道義上做番host都係合理安排。

不過香港人家庭好多都係咆哮山莊，招呼外人唔易，一係谷死自己唔發作，一係嚇親人。

作者: cgefamily 時間: 19-2-28 19:50

係來自日本的女生，作10個月的交流，但佢係零交流，問一句，答案係： yes/no/I don't know/(冇反應）結果我們只不過是提供2餐1宿的地方

作者: cgefamily 時間: 19-2-28 20:03

初來時我們熱切寄望可以熱鬧啲，可以學吓日文，但佢一句都唔會主動教，我們初初教佢講廣東話，佢又唔係有與趣。

同佢出行去博物館，濕地公園，坐船去地質公園，遊大澳，聽音樂會....樣樣同佢講解兩句佢都冇反應，只係點吓頭。

作者: cgefamily 時間: 19-2-28 20:10

以為日本人好有禮貌，但基本上佢係唔會主動打招呼，我先主動講good morning, 佢就回句hi.同枱食飯好唔自在。
成日都諗係唔係有什麼地方招呼唔到？

好似只係想同年紀的女仔交往，所以平時都唔睬我個仔。

作者: Yanamami 時間: 19-2-28 20:19

cgefamily 發表於 19-2-28 20:03
初來時我們熱切寄望可以熱鬧啲，可以學吓日文，但佢一句都唔會主動教，我們初初教佢講廣東話，佢又唔係有與 ...

係咪佢英文唔得呀？我以前讀中中，出国住人地度都係－模一样表现……其实佢心入边可能俾蟻咬禁㗎~

作者: cgefamily 時間: 19-2-28 20:40

本帖最後由 cgefamily 於 19-2-28 20:41 編輯

我有旁敲側擊問過，佢好大反應："I can speak complete sentence!"以後我都唔敢再問。
以佢個人來說英文程度比好多日本人好得多，聽睇冇問題，但仍不足以跟人交流。

作者: Yanamami 時間: 19-2-28 21:30

cgefamily 發表於 19-2-28 20:40
我有旁敲側擊問過，佢好大反應："I can speak complete sentence!"以後我都唔敢再問。
以佢個人來說英文程 ...

唔常用都係会膽怯唔放胆講｡我以前留学时曾經－整曰唔講多过十句野｡

作者: cgefamily 時間: 19-3-1 19:22

佢十日都冇一句！我在初期問過佢，早排再問，佢都話冇問題。
我最終話佢好似唔想同我哋講話，只是一部answering machine,佢就爆喊，話喺學校講到，唔知點解喺我“屋企”就講唔到。
我怕左佢

，後來就話只要佢覺得舒服，可以繼續保持沉默。
但當然這不是AFS 交流的精神。

作者: HaYi 時間: 19-3-1 21:13

我以為一般是招待同性的小朋友, 我個仔小學去日本時是入住同性同齡的, 所以冇咩膈膜,
不同性加上不太溝通到在異地十個月, 又真係幾難為大家.
不過是佢地選人交流之前冇briefing ? 我見阿仔小學攪, 要選入, 例如選讀日文的較優先選入. 都會有幾堂briefing do's don'ts 俾去的人 ,

作者: 持之以恆 時間: 19-3-1 21:57

cgefamily 發表於 19-3-1 19:22
佢十日都冇一句！我在初期問過佢，早排再問，佢都話冇問題。
我最終話佢好似唔想同我哋講話，只是一部answe ...

佢要在你家住十個月？你屋企變咗酒店！

作者: Yanamami 時間: 19-3-2 00:02

持之以恆發表於 19-3-1 21:57
佢要在你家住十個月？你屋企變咗酒店！

Exchange呀~係禁啦~大驚小怪的~

作者: Yanamami 時間: 19-3-2 00:07

cgefamily 發表於 19-3-1 19:22
佢十日都冇一句！我在初期問過佢，早排再問，佢都話冇問題。
我最終話佢好似唔想同我哋講話，只是一部answe ...

禁佢本身都好大压力……惡性循環，你唔like佢(虽然唔係禁)，佢feel到就越怕溝通，所以係学校講到屋企講唔到｡係咪由你女去问佢引導佢，好过你问呢？

作者: 持之以恆 時間: 19-3-2 07:17

Yanamami 發表於 19-3-2 00:02
Exchange呀~係禁啦~大驚小怪的~

我是大驚小怪呀，因我見好多人Exchange是住學校，包括我家姐個女去美國都係住學校，而且一個完全無交流嘅陌生人住係自己屋企十個月，屋企不是成了酒店？

作者: 小時了了 時間: 19-3-2 07:55

本帖最後由小時了了於 19-3-2 15:11 編輯

持之以恆發表於 19-3-2 07:17
我是大驚小怪呀，因我見好多人Exchange是住學校，包括我家姐個女去美國都係住學校，而且一個完全無交流嘅陌生人住係自己屋企十個月，屋企不是成了酒店？

樓主討論帖標題已寫明 AFS, 認識 AFS 組織嘅 EK網友一睇 AFS 就會知一年 (10個月) 住係寄宿家庭度

不過，你唔認識唔緊要，當識新知識，依家認識下無壞

AFS接待計劃 https://www.afs.hk/zh-hant/host-an-afser/

AFS Hong Kong Host Family Program | AFS 香港接待家庭計劃 video: https://www.youtube.com/watch?v=0Es606YMcCU

.

作者: Yanamami 時間: 19-3-2 07:56

持之以恆發表於 19-3-2 07:17
我是大驚小怪呀，因我見好多人Exchange是住學校，包括我家姐個女去美國都係住學校，而且一個完全無交流嘅陌 ...

Exchange不嬲有住学校宿舍，有住host family两种｡HK有幾多学校有宿舍呢？

作者: 持之以恆 時間: 19-3-2 08:19

本帖最後由持之以恆於 19-3-2 09:10 編輯

小時了了發表於 19-3-2 07:55
樓主討論帖標題已寫明 AFS, 認識 AFS 組織嘅 EK網友一睇 AFS 就會知一年 (10個月) 住係寄宿家庭度

不過， ...

多謝指教

，咁要預咗咩情況都可能發生，我家姐個女住我屋企一個月，都成日係房關住門，叫佢早晨都無回應，其他陌生人我更接受唔到住自己屋企。

作者: 小時了了 時間: 19-3-2 08:26

本帖最後由小時了了於 19-3-2 10:17 編輯

cgefamily 發表於 19-3-1 19:22
佢十日都冇一句！我在初期問過佢，早排再問，佢都話冇問題。
我最終話佢好似唔想同我哋講話，只是一部answering machine,佢就爆喊，話喺學校講到，唔知點解喺我“屋企”就講唔到。
我怕左佢，後來就話只要佢覺得舒服，可以繼續保持沉默。
但當然這不是AFS 交流的精神

其實呢個帖，我之前熱切等待樓主分享當中嘅難處，因為我真係打算今年暑期為阿女報名出年為期一年交流生（如果阿女肯去的話）。我嘗試以交流生及交流生父母角色去代入樓主描述嘅感受, 好讓阿女如果出年可能真係去交流時所面對嘅文化衝擊。

唔好意思，你話 "佢好似唔想同我哋講話，只是一部answering machine"'，''可以繼續保持沉默", 就咁表面睇呢句都真係幾 "hurt"。樓主接待嘅日本交流女生，以我片面認識嘅日本文化男尊女卑，而日本人只講日文，學其他國家語言唔係咁open，根深蒂固嘅日本文化，俾多啲時間、心機、耐性同交流生慢慢溝通。
接納及包容好重要，知易難行。樓主及日本女交流生加油!

好想分享呢條片, 俾樓主了解下交流生面對嘅困境 >>>Finland: https://www.youtu一.be=.com/watch?v=QzbTVeNj45A

我見AFS 網上講 https://www.afs.hk/zh-hant/host-an-afser/#afs-nav-%e7%94%9a%e9%ba%bc%e6%98%afafs%e6%8e%a5%e5%be%85%e5%ae%b6%e5%ba%ad: AFS 義工及員工所支援，接待家庭為學生於新學校及社區領航，幫助他們認識朋友，學習語言，以及享受在香港的一年。分享文化及傳統，有助於增長關係，建立一段終生的友誼。>>> 樓主不如同AFS 義工及員工傾下可以點樣解決困境

作者: Yanamami 時間: 19-3-2 09:50

持之以恆發表於 19-3-2 08:19
多謝指教，咁要預咗咩情況都可能發生，我家姐個女住我屋企一個月，都成日係房關住門，叫佢早晨都 ...

你家姐个女係親人都尚且禁，禁其实楼主都要有心理準備唔同文化既人黎到，大家語言同习慣晤同会有隔閡。虽然楼主最初熱情俾佢既一冷淡冲淡，但都去体諒下佢，其實都有压力㗎｡

作者: 持之以恆 時間: 19-3-2 11:19

Yanamami 發表於 19-3-2 09:50
你家姐个女係親人都尚且禁，禁其实楼主都要有心理準備唔同文化既人黎到，大家語言同习慣晤同会有隔閡。虽然 ...

我家姐個女另去過加拿大，美國遊學，都是住當地人家中2至3星期，以佢性格，想像到同樓主接待的小朋友一樣，不同的是當地人是收費的，當提供酒店一樣。而樓主要接待十個月，真係唔易。

作者: cgefamily 時間: 19-3-2 12:34

我估只係我們根據AFS介紹而得的寄望，和現實有很大出入。我跟另一個來自歐洲某個國家的AFS交流生一起外出，有很大的不同表現，有禮，健談，成熟（當然，佢都可能有些麻煩嘢我們不同住係唔會知）。所以我們都只接受抽到支唔係幾好嘅籌。
我家有女有仔，但女是寄宿生，只在週末回家，多數同哥哥玩，佢話“個交流生唔出聲，我自己英文又唔叻，都唔知同佢講乜好”

所以其實當我明白我們是不需要再主動做一些什麼令佢有興趣的活動或話題，她可能只需要一個地方食住，我就反而覺得舒服啲。雖然，我們都有點失望，但就當是無償接待一個小朋友啦！
講到尾佢隻身漂洋過海離鄉別井都唔易。

作者: cgefamily 時間: 19-3-2 12:47

本帖最後由 cgefamily 於 19-3-2 12:49 編輯

我其實是在最後階段才收這個女生，AFS話好難搵host，加上我有計劃想個仔一樣出外交流一年所以才答應。
AFS 都唔會有方法改變一個小朋友的個性，到底佢又唔係比我哋麻煩，所以AFS都幫唔到。當然，當初AFS（香港/日本）都應該在初步就要細心考慮一個申請人（性格/英語能力)是否適合這個計劃。

好明顯我個Case係雙方都冇得益。
（所以我話中伏)

多謝各位分享回應。

作者: 小時了了 時間: 19-3-2 14:53

本帖最後由小時了了於 19-3-4 17:24 編輯

cgefamily 發表於 19-3-2 12:47
我其實是在最後階段才收這個女生，AFS話好難搵host，加上我有計劃想個仔一樣出外交流一年所以才答應。
AFS ...

樓主，真心講你好好人,真心讚賞你

以我上次聽AFS交流生講座資料所知，AFS 嘅 host family 接待家庭係"義工"(住宿無收錢)不特止，反而要付出好多時間、心機、耐性、錢等，同"39唔識7''無任何血緣或親戚關係嘅外國陌生青少年係屋企住10個月，少啲"使命感"及"愛心"真係好難去完成呢個mission impossible!

樓主分享嗰位日本女交流生比較膽小怕羞唔主動，又真係好難怪你嘅熱情俾佢冷淡沉默撲滅。依家3月初，AFS 交流只剩~4個月，都希望樓主及日本女交流生係剩餘日子有點點兒得著。

作者: LeeCC 時間: 19-3-2 15:02

我記得鄰居幾年前家裡住了一個歐洲來的男仔，佢吹管樂，host family的爸爸知佢中意系戶外練習，每星期日一早帶他上附近的山上任佢吹一兩個鐘，我地行山見到佢，個哥哥好健談，同我地講佢鄉下d 野

作者: Yanamami 時間: 19-3-2 17:16

小時了了發表於 19-3-2 14:53
樓主，真心講你好好人,真心讚賞你
以我上次聽AFS交流生講座資料所知，AFS 嘅 host family 接待家庭 ...

我估最惨係楼主女係宿生，weekend先番屋企，个日本女仔要对住大人同哥哥……如果有阿女可以依附下，可能会好少少｡

作者: HaYi 時間: 19-3-4 13:56

應該個女仔性格比較靜, 真心覺得如果去做長期居host 的交換生比去留學(時間較長, 居宿舍..)更難. 多謝樓主分享. 俾我地以後有機會去做交流生的多一點心理準備.

作者: b3410 時間: 19-3-4 16:24

cgefamily 發表於 19-3-2 12:47
我其實是在最後階段才收這個女生，AFS話好難搵host，加上我有計劃想個仔一樣出外交流一年所以才答應。
AFS ...

俾一個陌生年輕人住10個月真要好大勇氣，愛心！大家唔夾又的確好難捱。AFS同事是否知道？有冇解決方案提出？日本女仔如果學校生活開心，還好D，如果學校都係唔出聲，交流真係無意義。

作者: 小時了了 時間: 19-3-4 17:12

本帖最後由小時了了於 19-3-4 17:13 編輯

HaYi 發表於 19-3-4 13:56
應該個女仔性格比較靜, 真心覺得如果去做長期居host 的交換生比去留學(時間較長, 居宿舍..)更難. 多謝樓主分享. 俾我地以後有機會去做交流生的多一點心理準備

俾我地以後有機會去做交流生的多一點心理準備 >>> 十分認同!
其實呢，如果阿女願意出年去AFS交流，日本係我心水 1st 或 2nd choice

見 AFS Japan 呢條片https://www.youtube.com/watch?v=N9_qdV8UctU&t=333s 法國女生係日本做交流，無論寄宿家庭及法國女生都付出好大努力去磨合

作者: 王家爸爸 時間: 19-3-5 10:32

cgefamily 發表於 19-2-28 20:40
我有旁敲側擊問過，佢好大反應："I can speak complete sentence!"以後我都唔敢再問。
以佢個人來說英文程 ...

日本人既性格，首先，同我哋唔同，佢哋啲女仔既英文一般比男仔差。第二，佢哋比較細膽，怕自己講錯，怕得罪人，又怕事。你既旁敲側擊去問佢，佢好大反應亦都好日本人，原因係佢覺得被冒犯咗。其實正面啲睇，你最少學咗其他民族既性格特點。

作者: ahjoechan 時間: 19-3-6 18:36 標題: 回覆樓主

(emoji)

作者: cgefamily 時間: 19-3-7 18:56

小時了了發表於 19-3-2 14:53
樓主，真心講你好好人,真心讚賞你
以我上次聽AFS交流生講座資料所知，AFS 嘅 host family 接待家庭 ...

客氣了，我只是都想有多個人熱鬧吓，認識多個外國朋友，但最初想接個男生，可以同個仔交流吓，所以我唔係好偉大，甚至有點私心。

作者: cgefamily 時間: 19-3-7 19:07

本帖最後由 cgefamily 於 19-3-7 19:20 編輯

小時了了發表於 19-3-4 17:12
俾我地以後有機會去做交流生的多一點心理準備 >>> 十分認同!
其實呢，如果阿女願意出年去AFS交流，日本係 ...

我這個相信是很個別的個案，而我很認同這個計劃的理念，但配對一個合適國家及接待家庭才是最大的成功關鍵。日本其實跟香港的生活環境和飲食模式很接近，容易適應，
但未必會有特別體驗。
我認識了2個分別去了挪威和亞根廷的AFS交流生，反而覺得是很難得的人生挑選戰。

作者: 小時了了 時間: 19-3-7 19:14

本帖最後由小時了了於 19-3-7 19:14 編輯

cgefamily 發表於 19-3-7 19:07
我這個相信是很個別的個案，而我很認同這個計劃的理念，但配對一個合適國家及接待家庭才是最大的成功關鍵。 ...

我就係見到你嘅分享，我先至將日本由第4志願提升至第1、2志願(因為小女有學日文)

。原本第一志願:瑞典; 第二丹麥; 第三芬蘭。

作者: cgefamily 時間: 19-3-7 19:15

b3410 發表於 19-3-4 16:24
俾一個陌生年輕人住10個月真要好大勇氣，愛心！大家唔夾又的確好難捱。AFS同事是否知道？有冇解決方案提出 ...

AFS 只着處理有嚴重問題的個案，例如常常無故缺課夜歸，跟host family嗌交。而佢哋應為相方相處有文化差異係好正常，佢唔講嘢，就多啲同佢傾...

作者: cgefamily 時間: 19-3-7 19:33

小時了了發表於 19-3-7 19:14
我就係見到你嘅分享，我先至將日本由第4志願提升至第1、2志願(因為小女有學日文)。原本第一 ...

其實要視乎你和你女兒對交流的期望，而語言並不一定是最大問題，只要性格開朗主動，都可以跟接待家庭溝通和相處。我的日本女生只學了3年的英語，已是當地學校的高才生，日本AFS亦相信她可以應付到，但其實跟我們的英話（特別是會話）還差很遠。最重要係佢唔係好想跟host family 建立關係多過言語障礙。

作者: HaYi 時間: 19-3-7 21:34

cgefamily 發表於 19-3-7 19:07
我這個相信是很個別的個案，而我很認同這個計劃的理念，但配對一個合適國家及接待家庭才是最大的成功關鍵 ...

朋友在阿根庭玩左個幾月, 個度人人都比較熱情平和, 我覺得如果小朋友去到應該都易入.

作者: HaYi 時間: 19-3-7 21:40

cgefamily 發表於 19-3-7 19:33
其實要視乎你和你女兒對交流的期望，而語言並不一定是最大問題，只要性格開朗主動，都可以跟接待家庭溝通和 ...

以前我同個日本客做生意, 佢是少數識D英文的老人家, 才可以做出口, 上次去日本在街問路, 個日本年青人好樂意幫手, 不過佢說佢不懂英文, 只在學中文(PTH) ! 結果真係用PTH 加我們一些破日文OK 左. 所以日本人仍是不太熱衷英文. 反而我覺得佢地肯去學中文都難得, 就如以前(20年前) 去法國, 法國人死口不說英文, 而家都唔會了.

歡迎光臨教育王國 (/)