教育王國
標題: 學樂器--小孩子特質 [打印本頁]
作者: rinarina 時間: 19-1-28 10:54 標題: 學樂器--小孩子特質
大家可以分享下，是如何替小朋友選擇樂器呢?或如何從小培養他們?另外， 能成功一路堅持學樂器的小朋友，會有什麼特質? (因眼見不少小朋友，去到小四便說不想再學就停了。)
作者: ritalwt 時間: 19-1-28 11:35
回覆 rinarina 的帖子
我大女今年小二, 學鋼琴2年, 考左2級, 現學緊4級程度。另外今年開學開始喺學校學長笛, 上左大概10堂左右, 暫時學識2首歌。我見佢都會自動自覺去練習, 雖然間唔中都會求其練, 但都應付到進度同老師嘅要求, 咁我已經心滿意足喇, 最重要係佢自己肯去練習。至於原因, 應該係佢表演欲都算強, 鍾意表演, 而我同老師都會配合幫佢報名參加唔同嘅比賽, 等佢有目標去練習, 佢都攞過D獎 (雖然有D係豬肉, 但對佢嚟講都係一個鼓勵)。而學校音樂堂每堂都會問佢地邊個想表演, 唔一定樂器, 唱歌都得, 開學到而家為止鋼琴佢已經表演左好幾次, 上星期佢終於踏出第一步自發同老師講想表演長笛, 我覺得係一個好好嘅開始, 希望佢會keep住啦! 
作者: Charlotte_mom 時間: 19-1-28 11:46 標題: 回覆樓主
我女學琴十幾年
佢懶架！但會有興趣拎個琴黎玩，彈自己鐘意嘅歌，要比賽考試都做到要求
Hea住學
仔學長笛，小學只跟學校大班，中學至跟1:1，肯keep住學我當佢有興趣
作者: 0030 時間: 19-1-28 11:51
我女小三，剛過四級，來緊會考五級樂理，我不停同她講，如果無心機學/無興趣/懶得練習就宜家放棄，不要浪費了時間和金錢，但如果有興趣想繼續學，就要堅持考到至少8級為止～
作者: caca316 時間: 19-1-28 12:29
ritalwt 發表於 19-1-28 11:35 
回覆 rinarina 的帖子
我大女今年小二, 學鋼琴2年, 考左2級, 現學緊4級程度。另外今年開學開始喺學校學長 ...
作者: ritalwt 時間: 19-1-28 12:31
caca316 發表於 19-1-28 12:29
你小朋友覺得長笛 和Piano 哪種較難掌握?
咁我又冇問過佢喎，今晚問吓佢先 
作者: rinarina 時間: 19-1-28 12:36
ritalwt 發表於 19-1-28 12:31
咁我又冇問過佢喎，今晚問吓佢先
作者: ritalwt 時間: 19-1-28 13:06
rinarina 發表於 19-1-28 12:36
我個小朋友係唱歌無咩興趣的, 所以想了解下其實對學樂器有無影響或者關連, 市面上太多種樂器, 不知給他先試 ...
佢自己有冇講過想玩邊種? 坊間而家好似都有啲音樂啟蒙班俾小朋友接觸唔同嘅樂器，小朋友可以參加睇吓喜歡邊種，再幫佢搵吓相關課程
作者: LeeCC 時間: 19-1-28 13:50
本帖最後由 LeeCC 於 19-1-28 13:52 編輯
其實最緊要係小朋友自己中意，樂器係佢自己所選的
父母可做的只是俾學費，提醒他們堅持練習，不斷鼓勵和做觀眾
小朋友唔想的果種樂器，擺係佢眼前，屋企日日有人玩，屋企有人教，都唔會用心學。相反，佢想學的樂器，阿媽唔俾錢學，自己睇YouTube都學得識
作者: ritalwt 時間: 19-1-28 14:10
回覆 LeeCC 的帖子
Agree. 同埋佢地有滿足感同目標 (盡量係短期目標, 咁佢地覺得容易達到就會有動力D), 就會自動自覺練習~~~
作者: LeeCC 時間: 19-1-28 14:28
ritalwt 發表於 19-1-28 14:10
回覆 LeeCC 的帖子
Agree. 同埋佢地有滿足感同目標 (盡量係短期目標, 咁佢地覺得容易達到就會有動力D), 就 ...
我無俾佢學第2樣樂器，我話要第一樣樂器有八級，我才會俾學費學第2樣
結果佢自己睇YouTube學另外2種易學d 的樂器
作者: LeeCC 時間: 19-1-28 14:35
本帖最後由 LeeCC 於 19-1-28 14:36 編輯
0030 發表於 19-1-28 11:51
我女小三，剛過四級，來緊會考五級樂理，我不停同她講，如果無心機學/無興趣/懶得練習就宜家放棄，不要浪費 ...
我系小朋友決定考五級樂理前，我已經講左考左五級樂理，就要至少一樣樂器到八級，第一樣樂器有八級，才可以學第二樣樂器
佢為了要中學時可以學到心愛的樂器，所以現在努力向七級八級進發
作者: 0030 時間: 19-1-28 16:22
回覆 LeeCC 的帖子
點解一開始沒有給她學習她想學的樂器？而是要等中學先？
作者: LeeCC 時間: 19-1-28 17:18
0030 發表於 19-1-28 16:22
回覆 LeeCC 的帖子
點解一開始沒有給她學習她想學的樂器？而是要等中學先？
第一樣都係佢心愛的樂器，但佢多心，還有第二第三第四樣想學
上中學先學係因為佢系五年級才提出要學，時間分配不到 ，加上身材體型小，所以我建議讓第一樣樂器有基本底子，中學 才學第二樣
作者: 0030 時間: 19-1-28 17:36
回覆 LeeCC 的帖子
喔，我女就K3小學期學鋼琴，小一想試下學小提琴，就比她試下，學了一年話無興趣就不學了，小三學校選出來學長笛，她自己又有興趣，宜家都比她試下玩下～
作者: mntabo 時間: 19-1-28 17:50 標題: 回覆樓主
我大仔學敲擊，因為佢拍子感強，佢升k2 已開始俾，佢自己一路都話唔轉，考左3級，學緊4級，但有時要叫先去練
細女自己提出要學琴，等佢差少少5歲俾佢學，自己會主動練琴
作者: wymyvonne 時間: 19-1-29 09:31
caca316 發表於 19-1-28 12:29
你小朋友覺得長笛 和Piano 哪種較難掌握?
其實有鋼琴底，學其他樂器都會快好多。
作者: wymyvonne 時間: 19-1-29 09:42
caca316 發表於 19-1-28 12:29
你小朋友覺得長笛 和Piano 哪種較難掌握?
而且，音樂的拍子節奏等係共通的，所以如果他們有琴底，再學其他樂器，肯定會快上手。當然，所有樂踞都你易好難精，要學的好，都係要努力練習。
利申﹕自小學鋼琴和長笛
作者: easymo 時間: 19-1-29 10:17
本帖最後由 easymo 於 19-1-29 10:23 編輯
我2,3 歲左右會帶佢聽音樂會, 認識下唔同樂器, 我亦有用電子琴同佢唱歌仔同時超慢咁教佢do ri me fa so 超簡單認音, 亦會玩玩下咁彈下
後來佢自己3歲要求學小提琴, 我多次強調小提琴好難, 要好堅持唔可以放棄, 然後近4歲開始學, 依家學咗5年幾了, 準備考ATCL。
小提琴初級時進度好快, 但去到中級就遇到好長好長的樽頸位, 因為基本功無學好做好, 技巧上去到中級已上就好難做得好, 所以想放棄, 只係因為佢的承諾而支撐住。其實學咗咁多年我都有不停鼓勵佢同提醒佢係佢自己的選擇和承諾, 而且期間換琴佢自己都對琴聲有要求, 自然要換貴琴, 佢一換貴琴我就要佢承諾起碼要學到去ATCL先買。 其實佢過咗個樽頸位之後, 自己的滿足感和成功感已經足以支撐到佢去繼續練琴, 佢已明白唔練琴有幾多影響, 自己已自動自覺練, 佢自己都唔肯放棄小提琴
鋼琴係我要求佢學, K3開始斷斷續續學咗兩年左右我就由得佢放棄, 勉強無幸福
然後小三開始佢要求學單簧管, 學咗年幾都ok, 無乜練都應付到, 應該會學到8級
作者: b3410 時間: 19-1-29 12:42
如果冇咩偏好，學鋼琴先。打個底，將來對第二種樂器有興趣的話，都可以快點上手。
作者: Charlotte_mom 時間: 19-1-29 13:33 標題: 回覆樓主
有琴底易學其他樂器，true
但我都分享下失敗例子
我女學琴十幾年，曾兩次學小提琴，，都係鋼琴老師介紹嘅老師，一個指揮級老人家，住我家附近。我女學左一年無興趣，覺得好唔鐘意不停重複做同一樣野，因鋼琴識睇譜，彈落果粒音一定岩；但小提琴提歪少少、弓法錯少少個音都唔同所以要不停練到完美，我女唔鐘意
十年後，又另一老師，今次係演藝級年輕男，較講得笑，但我女一樣勉強捱左一年考到3級以後完全唔肯掂，原因都係差唔多
所以勉強無幸福，試過兩次咩都夠皮，應該無第三次了
亦想解釋，識鋼琴唔等於其他樂器輕易上手。始終每一種要擺落去練嘅功夫都唔一樣
作者: LittleCS 時間: 19-1-30 12:22
rinarina 發表於 19-1-28 10:54
大家可以分享下，是如何替小朋友選擇樂器呢?或如何從小培養他們?另外， 能成功一路堅持學樂器的小朋友，會 ...
我自己有學琴，小學3年級至到中四。
有個好老師係關鍵，老師一移民,搵唔到好老師，加上當年要準備會考，咁就停咗。
一個好老師能令你進步，主動練琴，突破困難。
我手唔大，好多位置都有啲難handle. 老師會有指引去點練習。
做咗人阿媽，我無刻意叫阿仔學樂器，因為我知佢零興趣，毫無動機。
作者: fany 時間: 19-1-30 14:19 標題: 回覆樓主
女幼稚園開始去通利音樂班，知道她喜愛音樂，k3開始學琴，幾年來進度普通。二年級開始學長笛，喜愛但老師唔得，轉了好幾個老師，入了樂團後對音樂興趣越來越濃厚。被音樂圍繞，連鋼琴也進步了。
非常同意老師很重要，本來快要放棄，轉了老師後進步得很快，主動練習不怕苦。
作者: pekovian 時間: 19-1-30 23:12 標題: 回覆樓主
我都有學樂器既煩惱，我女K3學左小提琴年半，但唔係好鍾意，所以進度好慢，上堂唔專心，我打算小一轉學另一種樂器，但又唔知學咩好。
有咩樂器適合6歲開始學，容易攜帶，消費唔會太貴（包括樂器價錢、學費），又可以參加樂團？我本身無學過樂器，唔係太識，希望大家可以分享。
另外，聽人講細細個學管樂容易哨牙，係咪真呢？
作者: 健健BB 時間: 19-1-31 09:56
caca316 發表於 19-1-28 12:29
你小朋友覺得長笛 和Piano 哪種較難掌握?
應該piano , 因為用雙手雙眼handle 雙譜
作者: easymo 時間: 19-1-31 10:06
鋼琴係樂器之王, 小提琴係樂器之后, 好多人話最難係呢兩種樂器了
我仔攪唔掂雙手handle雙譜, 所以學唔掂鋼琴而放棄
反而學單簧管唔練都跟到進度
作者: pamelaywy 時間: 19-1-31 10:30
本帖最後由 pamelaywy 於 19-1-31 10:36 編輯
呢個topic 我最想分享，因為我已經經歷左三次
大仔已經十四歲，一樣樂器準備考LT, 另一種準備FT, 係APA double major
我覺得佢係天生嘅，唔知點解細細個就好豐富音樂知識
我倆公婆音樂盲，只係四歲比佢上通利音樂班，之後兩樣樂器都係Tom Lee
但上音樂班時有比較，明顯見到佢學得好快，一彈就彈到，隔離位手指位都未搵到
後來發現佢聽過一首歌，可以自己彈番 melody，再自行配chord，當時得4-5歲
請教過人，覺得佢應該有天份，轉左個有級數的老師
當時嚟講好貴，零級都收緊數百元一個鐘
但後來覺得物超所值
選樂器方面，鋼琴是因為上音樂班，加上細，選擇唔多，先學鋼琴
另一種是跟學校，佢自己選
我個人經驗，要小朋友堅持落去，有幾樣重要的事
1. 至少要唔討厭，最好係熱愛，我見過有啲真係，彈得咁辛苦唔知為乜
2. 有料到同無料到嘅老師係有分別的，有能力應找個更好的，貴未必一定好，但貴都仲有人學（除少量騙子），係有原因。因為仔當年細，我有好長時間陪佢學琴，由通利、琴行仔老師，到APA 畢業生、美國音樂學院碩士、HKPhil.樂手，到教授級老師，我都睇過點教。只可以講句，是有分別的。我會打個比喻，名師學生唔一定會贏比賽，但有啲老師嘅學生，其實點練都唔會贏，呢個係音樂層次嘅問題，點都唔會改變。
3.是滿足感。練琴是漫長、沉悶同孤獨的過程，那怕是最愛音樂的人。所以小時要俾滿足感同同儕佢，參加比賽不為升學定虛榮，係一份努力嘅滿足，樂團、演出亦是，群體音樂活動是社交，也是動力。仔而家十幾歲，每天都樂團樂團，學校嘅街外嘅，那團火只加無減
我仲有二仔同三女，下回繼續
作者: fany 時間: 19-1-31 11:02
pamelaywy 發表於 19-1-31 10:30
呢個topic 我最想分享，因為我已經經歷左三次
大仔已經十四歲，一樣樂器準備考LT, 另一種準備FT, 係APA do ...
請繼續分享！
好想知道你的心得！
你大仔真的好叻好投入，看得出他非常享受音樂！（我女應該和他同一個樂團）相信你們付出也不少！
作者: LeeCC 時間: 19-1-31 11:05
本帖最後由 LeeCC 於 19-1-31 11:06 編輯
pamelaywy 發表於 19-1-31 10:30
呢個topic 我最想分享，因為我已經經歷左三次
大仔已經十四歲，一樣樂器準備考LT, 另一種準備FT, 係APA do ...
好似我個仔甘，佢都係4歲幾聽到咩歌都可以彈返出來，再配chord，當時我以為個個學左幾個月琴的小朋友都係甘，好正常的，直至一個有八級鋼琴的朋友聽到，佢話，唔係架，至少佢自己八級都做唔到聽完首歌彈返出來啦，叫我換老師，唔好再系琴行跟剛剛考到八級的新仔老師學，轉了一位音樂系畢業主修鋼琴演奏的老師學 ，一年間突飛猛進
作者: jli008 時間: 19-2-1 08:44
提示: 作者被禁止或刪除 內容自動屏蔽
作者: jli008 時間: 19-2-1 08:52
提示: 作者被禁止或刪除 內容自動屏蔽
作者: LeeCC 時間: 19-2-1 11:10
本帖最後由 LeeCC 於 19-2-1 11:10 編輯
pamelaywy 發表於 19-1-31 10:30
呢個topic 我最想分享，因為我已經經歷左三次
大仔已經十四歲，一樣樂器準備考LT, 另一種準備FT, 係APA do ...
其實我一直好奇點解甘多小朋友可以同時應付2種樂器，而且都得優異成績。
小朋友一日的時間有限，放學回來做功課，玩下玩具，看書，練琴，連休息留白放空或去公園的時間都幾乎要放棄。想請教能應付自如的小朋友是否犧牲了哪些活動呢?每天時間怎樣分配呢?
我明白每個小朋友資質，專注力不同 ，所以我不期望可以有優異成績
作者: feifei_baby 時間: 19-2-1 11:13
pamelaywy 發表於 19-1-31 10:30
呢個topic 我最想分享，因為我已經經歷左三次
大仔已經十四歲，一樣樂器準備考LT, 另一種準備FT, 係APA do ...
彈得咁辛苦唔知為乜
好同意，阿女學咗兩年琴，唔叫唔練，上堂愈來愈冇心機，拉牛上樹咁，我最近都cut咗佢，廢事倒錢落海，叫佢學其他樂器都唔肯，冇音樂細胞、連興趣都冇..... 反而鍾意運動，教練點嚴點惡點操都繼續熱愛，所以興趣好重要，只係擔心一樣樂器都唔識對升中有冇影響.....
作者: pamelaywy 時間: 19-2-1 12:04
本帖最後由 pamelaywy 於 19-2-1 12:14 編輯
LeeCC 發表於 19-2-1 11:10
其實我一直好奇點解甘多小朋友可以同時應付2種樂器，而且都得優異成績。
小朋友一日的時間有限，放學回來 ...
其實係因為⋯⋯我個仔唔太練琴的 ==》講都無人信
我仔係sight read 型，新歌（唔係講緊BB級）第一次已經彈到七成
鋼琴佢一個星期都練唔到兩三次，每次肯定唔會長過一個鐘，所以我地一直hea 學
但佢又繼續彈到，老師又繼續叫佢考，於是乎hea hea 考都上到LT
佢只會比賽考試前練多少少（真係少少）
我同人講，我地仔考完AT先買琴，之前一直無琴，一直靠落琴行練半個鐘，講都無人信
佢做野超爽手，加上我對讀書無要求
佢唔駛點花時間合格升班我由佢
佢大把空閒時間，可以係小五一年煲晒全校圖書館嘅衛斯理，一日到黑上YouTube 聽classical
我完全唔覺得佢會因練琴而錯失咩
佢最忙只係團，學校中西樂合唱團，加埋自己街外團同APA 團
佢樂在其中，我只會叫佢cut
佢唔肯，咁我會話你搞得掂我唔理佢
作者: LeeCC 時間: 19-2-1 12:17
本帖最後由 LeeCC 於 19-2-1 12:21 編輯
pamelaywy 發表於 19-2-1 12:04
其實係因為⋯⋯我個仔唔太練琴的 ==》講都無人信
我仔係sight read 型，新歌（唔係講緊BB級）第一次已經彈 ...
其實我小朋友每日練習老師俾的功課都唔多過20分鐘，跟住就系彈佢自己中意的歌和作曲，不過一樣好的是佢每日堅持開下個琴彈下
佢唔系sight read 型，佢靠聽可以彈曬首歌
不過佢還有其他興趣和運動，也花了不少時間。現實系香港讀書，上到五年級，好難只係求合格升班啦，除非有中學的學校啦，所以點都要擺d 心機系學業上。
我認識一個小朋友懂2種樂器，也入樂團。未學第二樣樂器前，5歲人仔每日彈3個鐘鋼琴，六級比賽得honours。俾我就實在接受不到，小朋友的生活應該要平衡
作者: LeeCC 時間: 19-2-1 12:22
pamelaywy 發表於 19-2-1 12:04
其實係因為⋯⋯我個仔唔太練琴的 ==》講都無人信
我仔係sight read 型，新歌（唔係講緊BB級）第一次已經彈 ...
作者: pamelaywy 時間: 19-2-1 12:31
本帖最後由 pamelaywy 於 19-2-1 12:45 編輯
回覆 LeeCC 的帖子
係七個：學校中樂、弦樂、管弦樂、兩團choir 、外面團一團、APA 一團
作者: LeeCC 時間: 19-2-1 12:44
pamelaywy 發表於 19-2-1 12:31
回覆 LeeCC 的帖子
係七個學校中樂、弦樂、管弦樂、兩團choir 、外面團一團、APA 一團
作者: fany 時間: 19-2-3 10:13
LeeCC 發表於 19-2-1 12:17
其實我小朋友每日練習老師俾的功課都唔多過20分鐘，跟住就系彈佢自己中意的歌和作曲，不過一樣好的是佢每 ...
時間分配的確非常重要！不是天份極好的話，認真學一樣樂器也要花很多時間。有時我也覺得小朋友太忙太辛苦。成績我沒有要求，只要肯練只參與（音樂及運動），小學階段我會由得佢。
作者: LeeCC 時間: 19-2-3 11:22
fany 發表於 19-2-3 10:13
時間分配的確非常重要！不是天份極好的話，認真學一樣樂器也要花很多時間。有時我也覺得小朋友太忙太辛苦 ...
小朋友日漸長大，我只會提醒佢既然自己曾經訂下目標，就要向住目標進發，不要中途輕易放棄
作者: pekovian 時間: 19-2-3 12:10
feifei_baby 發表於 19-2-1 11:13
彈得咁辛苦唔知為乜
好同意，阿女學咗兩年琴，唔叫唔練，上堂愈來愈冇心機，拉牛上樹咁，我最近都cut咗佢 ...
我女都係好動運動型，有你同樣既擔心，想quit樂器，但又怕一陣呈分試音樂拎條C就死得
作者: Melody_BB 時間: 19-2-22 18:09
絕對同意興趣好重要。
以我小朋友為例，4，5歲學鋼琴，1對1上門教，佢唔鐘意，好快冇再學。小一，學大提琴，佢又唔鐘意唔學，想學小提琴。於是再請老師上門教，佢就好有興趣。學咗三年考完五級，依家學了四年多，準備考8級。爸爸媽媽都係音樂盲，幫不上忙，我地反而希望佢慢慢浸。平日練習完全不需人督促，亦冇得督促，因為我地返到屋企佢已經練完琴，考級都係自己搞。反而幾日唔練琴佢會唔自在，旅行完返屋企第一時間拉下個琴⋯想學第二樣樂器，但實在抽唔到時間，樂團校隊練習表演比賽好忙。
有興趣同冇興趣可以差好遠。可以試下不同的樂器，搵到有興趣的。
作者: JC_mami 時間: 19-2-22 20:09
本帖最後由 JC_mami 於 19-2-22 20:10 編輯
rinarina 發表於 19-1-28 10:54
大家可以分享下，是如何替小朋友選擇樂器呢?或如何從小培養他們?另外， 能成功一路堅持學樂器的小朋友，會 ...
阿仔文靜型，小三，有四級鋼琴，五級樂理和五級saxophone,今年暑假準備考八級sax.
最初學唔算非常熱愛，但因為掌握得快，彵自己有滿足感，
所以越學越好，另外有參加學校樂團，現在很投入音樂。
作者: Lu324 時間: 19-2-23 01:00
pamelaywy 發表於 19-1-31 10:30
呢個topic 我最想分享，因為我已經經歷左三次
大仔已經十四歲，一樣樂器準備考LT, 另一種準備FT, 係APA do ...
等緊二仔三女
作者: edutm 時間: 19-2-23 02:55 標題: 回覆樓主
我女學校一定要學樂器，學校教。佢當初因為朋友揀小提琴所以佢又揀，已經再三問佢是否確定。學左未夠半年已無心機，仲反囗話當初唔想揀小提琴，但學校唔比轉，我唯有話"愛你所選"。現在學了年多，又逼又勸先練下，叫做都聽得到佢拉緊一首曲。條路唔知點行落去，佢已經無興趣我又再係課餘時間比錢出去再學。
作者: easymo 時間: 19-2-23 09:27
edutm 發表於 19-2-23 02:55
我女學校一定要學樂器，學校教。佢當初因為朋友揀小提琴所以佢又揀，已經再三問佢是否確定。學左未夠半年已 ...
作者: ch-cheung 時間: 19-2-23 09:54 標題: 回覆樓主
提示: 作者被禁止或刪除 內容自動屏蔽
作者: Cheddar85ang 時間: 19-2-27 22:33 標題: 回覆樓主：
本帖最後由 Cheddar85ang 於 19-2-27 22:39 編輯
本帖最後由 Cheddar85ang 於 19-2-27 22:38 編輯
我家較大的小朋友大約K3時帶過去工聯會學鋼琴，唔知係學生太多、導師教得不好還是小朋友的資質普通+領悟稍遜，返到屋企乜都彈唔返出來，於是就停咗。
過咗一年後，我家阿細K3喺琴行學了9個月，回家練琴時，阿大又表示有興趣，但佢自己又怕學極唔識，我鼓勵阿大去試吓，點知開咗竅，彈幾個月就追到阿細的進度。
兩個小朋友都喜歡彈琴。講真，最緊要喜歡，佢有興趣就俾佢試。
作者: Cheddar85ang 時間: 19-2-27 22:39
Cheddar85ang 發表於 19-2-27 22:33
本帖最後由 Cheddar85ang 於 19-2-27 22:38 編輯
我家較大的小朋友大約K3時帶過去工聯會學鋼琴，唔知係學 ...
最近阿大在學第二種樂器，學過琴識樂理、睇譜易上手好多，加上佢有興趣又好勝心強，吹唔準個音不罷休，所以暫時學得不錯。
我又點會估到被認為無天分的阿大今日會對音樂咁有興趣呢！
作者: 四隻貓 時間: 19-2-28 13:53
pamelaywy 發表於 19-1-31 10:30
呢個topic 我最想分享，因為我已經經歷左三次
大仔已經十四歲，一樣樂器準備考LT, 另一種準備FT, 係APA do ...
同意老師非常重要, 跟錯老師更加係浪費時間金錢.
作者: 1162694sd 時間: 19-4-15 14:09 標題: 回覆樓主:
想問，我囡都hea練琴，但係睇佢有時又真係能夠手眼運用，學左d新歌番黎即彈都有7,8成，其實都知老師好緊要，而家係細嘅琴行仔跟左個老師學左年幾，但點先識比較搵到個有料好老師，真心請教！
作者: mansum92 時間: 19-4-16 18:52
LeeCC 發表於 19-2-1 12:17
其實我小朋友每日練習老師俾的功課都唔多過20分鐘，跟住就系彈佢自己中意的歌和作曲，不過一樣好的是佢每 ...
有些學器係要細個開始學會好些，大左比較難掌握。我仔都學兩種樂器，sightreading +聽型，聽完一睇譜就彈到出黎，所以練好少都可以過骨，現時兩種樂器都準備AT.
作者: LeeCC 時間: 19-4-16 19:40
mansum92 發表於 19-4-16 18:52
有些學器係要細個開始學會好些，大左比較難掌握。我仔都學兩種樂器，sightreading +聽型，聽完一睇譜就彈 ...
系呀，佢本身學緊鋼琴，想再學埋長號，小號，管風琴，吉他，古箏，好多心。
佢想學的樂器都應該稍大才開始學問題都不大
作者: profitwong 時間: 19-5-5 23:09
rinarina 發表於 19-1-28 10:54
大家可以分享下，是如何替小朋友選擇樂器呢?或如何從小培養他們?另外， 能成功一路堅持學樂器的小朋友，會 ...
學琴初初話好攰唔想學，又話辛苦又話攰，出去比賽後，老師話變晒，而家會主動彈琴，好有興趣，唔學唔得喎....
作者: LeeCC 時間: 19-5-6 07:05
profitwong 發表於 19-5-5 23:09
學琴初初話好攰唔想學，又話辛苦又話攰，出去比賽後，老師話變晒，而家會主動彈琴，好有興趣，唔學唔得喎. ...
所以有時俾小朋友比賽下表演下，出去見識，態度會有所改變的
作者: RockMusicLover 時間: 19-5-21 04:12
pamelaywy 發表於 19-1-31 10:30
呢個topic 我最想分享，因為我已經經歷左三次
大仔已經十四歲，一樣樂器準備考LT, 另一種準備FT, 係APA do ...
本帖最後由 RockMusicLover 於 19-5-21 22:45 編輯
謝謝分享，我仔也剛完成兩年Yamaha Jmc, 正考慮應轉學鋼琴還是繼續上。因為佢都好抗拒1 on 1 class
作者: hippoo 時間: 19-12-11 00:29
Uppppp
作者: b3410 時間: 19-12-11 08:45
LeeCC 發表於 19-4-16 19:40
系呀，佢本身學緊鋼琴，想再學埋長號，小號，管風琴，吉他，古箏，好多心。
佢想學的樂器都應該稍大才開 ...
我果個都開始學第三樣樂器，話要至少要吹撥彈敲每樣學一種。
作者: boojiji 時間: 19-12-11 16:45
本帖最後由 boojiji 於 19-12-11 16:46 編輯
但點先會知咩小朋友岩咩樂器.... 即係咩小朋友會岩拉violin, 咩小朋友反而岩吹flute呢? 我明如果比佢試就最容易, 但樣樣樂器都買完再試, 邊買得咁多樣呢?
作者: kyleebc 時間: 19-12-13 18:03
初初喺要堅持和陪住佢練的。隨著長大有能力，到了五級入了樂隊開始產生興趣。
作者: sisi2015 時間: 19-12-15 12:59
主要係小朋友本身要有小小興趣老師可以針對小朋友性格去提高佢地興趣，改善弱點等都好緊要
作者: sunnymama2 時間: 19-12-17 09:28
Charlotte_mom 發表於 19-1-29 13:33
有琴底易學其他樂器，true
但我都分享下失敗例子
我女學琴十幾年，曾兩次學小提琴，，都係鋼琴老師介紹嘅老 ...
講得冇錯，每樣樂器都有唔同的困難處。
我仔學弦樂，拉弓手勢，力度和指法位置唔啱都變左音 
作者: jli008 時間: 19-12-17 10:33
提示: 作者被禁止或刪除 內容自動屏蔽
作者: MrBeast 時間: 19-12-17 11:54
jli008 發表於 19-12-17 10:33
學音樂孩子係陶冶性情,令腦筋及手腳靈活運用的一種,不用刻意為有什麼目的而去學習. 有否琴底去學其他是否 ...
作者: MrBeast 時間: 19-12-17 11:55
pamelaywy 發表於 19-1-31 10:30
呢個topic 我最想分享，因為我已經經歷左三次
大仔已經十四歲，一樣樂器準備考LT, 另一種準備FT, 係APA do ...
作者: jli008 時間: 19-12-17 12:25
提示: 作者被禁止或刪除 內容自動屏蔽
作者: MrBeast 時間: 19-12-17 13:15
本帖最後由 MrBeast 於 19-12-17 14:52 編輯
jli008 發表於 19-12-17 12:25
我覺得孩子對某樣事物的興趣,在於會否自然主動去做某樣東西. 我估計孩子對音樂吸收得快那些,應該從在媽媽肚 ...
父母讚賞和肯定、成功感的確是萬靈丹，不過我唔會over/empty praise.
至於你提出的培養方法，父母想孩子在無意中get some 音樂 exposure，我覺得也ok.
和pamelaywy 苗術，有很多地方背道而馳（不是說那一個好d/正確d），eg, 父母是音樂盲，between the lines, 應該兒子不會很主動去練，當然佢可能係音樂資優萬中無一
作者: babieblue 時間: 19-12-19 15:44
pamelaywy 發表於 19-1-31 10:30
呢個topic 我最想分享，因為我已經經歷左三次
大仔已經十四歲，一樣樂器準備考LT, 另一種準備FT, 係APA do ...
期待前輩繼續分享！
另外請教大家，如果孩子係視覺學習型：睇譜、拍子ok, 但永遠對音色、音準不敏感。應該點樣輔助佢學樂器？或者挑選乜嘢樂器會比較適合？謝謝
作者: LeeCC 時間: 19-12-19 17:12
babieblue 發表於 19-12-19 15:44
期待前輩繼續分享！
另外請教大家，如果孩子係視覺學習型：睇譜、拍子ok, 但永遠對音色、音準不敏感。應 ...
多聽，睇住譜聽
作者: angel128 時間: 19-12-26 11:48
回覆 LeeCC 的帖子
您好，發覺我囡囡也是這樣，聽完歡喜既歌自己彈返出來，我也以為正常，現在正搵好老師，請問可否介紹給我嗎？
作者: nkd 時間: 20-2-6 17:54
MrBeast 發表於 19-12-17 11:54
咁如何知道有沒有興趣？可以培養嗎？
成功感。有一定技巧和成績就叫做些少成就
。
即是先經過漫長、苦悶的練功時期，然後有表演機會、比賽機會，有進步就係鼓勵。
參加樂團，好有幫助。
作者: Pigmama1012 時間: 20-2-29 23:05 標題: 回覆樓主：
本帖最後由 Pigmama1012 於 20-2-29 23:06 編輯
可以畀小孩上you tube 看下不同樂器演奏，或去不同樂器班上trial class.不過學樂器其實不是小孩子有咩特質，而是老師教得好不好。正如學中英數常，如果老師教得有趣味，小孩又喜歡個老師，學習那就事本功倍。所以找個好樂器老師十分重要。
作者: 湘 時間: 20-3-1 08:18
rinarina 發表於 19-1-28 10:54
大家可以分享下，是如何替小朋友選擇樂器呢?或如何從小培養他們?另外， 能成功一路堅持學樂器的小朋友，會 ...
本帖最後由 湘 於 20-3-1 08:19 編輯
本帖最後由 湘 於 20-3-1 08:18 編輯
可以問下小朋友 ，佢哋都有主見。 最初我想畀阿女學鋼琴 ，因為佢表姐學緊 ，不過佢冇興趣 ，佢話要學結他。 學左幾堂小結他， 但佢嗰陣時太細， 撳不到啲弦線，冇再學。 上到小學 ，起学校學吹單簧管， 佢又好鍾意喎， 都有自己練習，又畀佢誤打誤撞入咗管樂團 。屋企細，擺唔到一座琴， 另外小提琴係要按住小朋友成長要換size，但係單簧管丶長笛基本上係買咗就唔使換 ，錢都要考慮
作者: Jecabayle 時間: 20-4-9 22:18
angel128 發表於 19-12-26 11:48
回覆 LeeCC 的帖子
您好，發覺我囡囡也是這樣，聽完歡喜既歌自己彈返出來，我也以為正常，現在正搵好老師 ...
最後搵唔到搵到好老師教你囡囡？
| 歡迎光臨 教育王國 (/) |
Powered by Discuz! X1.5 |