教育王國

標題: 有點後悔揀左北角衛理小學 [打印本頁]

作者: Hellokitty730 時間: 19-1-27 10:53 標題: 有點後悔揀左北角衛理小學

本帖最後由 Hellokitty730 於 19-1-27 20:44 編輯

本人也會講下自己對該校一啲意見和感覺，給未入此校的家長作參考。

其實幾年前, 我個小朋友入呢間小學只係因為好簡單嘅兩個原因。第一係覺得佢係happy school。第二個原因就係佢派中學排得好好。但係幾年後嘅今日, 覺得已經唔係以上嗰啲原因呀, 所以後悔揀咗依間學校。

開初個小朋友喺初小時, 真係好淺, 考試亦都唔深。所以我嘅小朋友可以愉快學習,大多數嘅學生考試讀書成績亦都有好嘅分數, 好多嗰九十幾分, 對小朋友嚟講係件好事, 因為佢哋有成功感, 但係自從轉咗校長之後我覺得學嘅嘢深咗, 好多已經唔係之前嘅愉快學習或者happy school。這樣同出面普通嘅小學已經冇乜分別, 一樣係咁谷(當然出面有好多學校谷過佢), 已經唔係以前嘅happy school。依家學校已經冇咗之前嘅好處。

第二個原因, 喺我小朋友入呢間小學之前, 我已經上學校網睇佢派中學排成點, 嗰時好清楚見到北理啲小六學生幾多人派到邊間中學, 佢會顯示幾多人入咗band1, band2和band3。我會將佢入落電腦分析做小統計, 當時大概每年有六成以上嘅學生可以入到網上資料報稱band one中學, 而且我好欣賞學校高透明度網上派位資料, 咁證明依家學校成績好, 派位好, 先夠膽顯示畀公眾知道佢哋嘅派位資料, 即係唔怕貨比貨。所以我唔理我另一半反對就給我小朋友揀咗呢間小學同埋入咗。而每年我都有將佢學校網上派位嘅資料做小統計和分析, 但近呢兩年再上學校官網, 我只係見到某部分北理啲小六學生去到較為好啲嘅中學資料, 而其他學生去咗較為冇咁好嘅中學就冇再顯示出嚟。咁即係代表什麼, 我又唔知道。只係覺得學校已經冇咁高透明度, 和學校想派位派得好的一面顯示出嚟。我每年分析學校派位嘅統計就冇咗band2和band3嘅數據, 但如果比較返近兩年即係2016至17和2017 至18 派band one中學嘅數據比較之前幾年數據, 的確少咗派band one人數。係咩原因少咗我就唔知喇, 只覺得學校網上派位冇咁高透明度, 可能現在就係怕畀人貨比貨了。

我小朋友讀咗幾年, 其實我覺得呢間學校喺間幾傳統的學校, 乜嘢係幾傳統, 即係冇乜進步。而且學校對學生冇乜投放資源, 舉例學生出去報校際朗誦比賽或者音樂等比賽, 學校係冇畀資源或者教導, 即係冇老師會教小朋友朗誦等技巧, 要家長自己去教或者訓練個小朋友去比賽。但好奇怪當個學生攞到獎, 學校就會放上網攞到獎。對比我朋友仔女嘅其他小學, 佢哋學校會有老師教佢哋朗誦等技巧, 你試諗下個小朋友畀專業嘅老師教朗誦技巧定係由非專業嘅家長教去比賽, 誰人會得獎多啲呢?

還有以前學校嘅優點就係之前嘅半日制, 返半日制小朋友冇咁辛苦, 佢哋有多啲時間做自己嘢。但今個學年已經冇咗半日制, 要返全日制, 所以這個優點也沒有了。

講開今年度半日制轉全日制又好激氣, 事關之前向學校講返學時間。第一, 校方原先冇乜諮詢過家長意見(可能問過下家教會啦), 其實有好多家長想晏啲返學, 因為有一半學生之前返下晝班, 佢哋轉咁早返學好難適應, 但學校一意孤行, 就算我知道有啲家長同校長講, 又有啲家長寫信畀學校, 校方只係話同附近的學校共識咗一個時間返學。其實隔離嗰間起緊的華仁小學都未正式返學, 可以今個學年晏啲返學都可以, 而家返學時間係早上7點50分。由呢一件事, 可以睇到學校冇咩聆聽或者接受家長意見,冇乜人性化, 使我很失望。

講下今年小六自行派位學校安排, 我聽咗好多中學嘅開放日講座, 有啲中學講到明, 要第一日即係1月3號交表去中學, 以顯示誠意。但好奇怪, 學校話一月十幾號先有個講座同家長講下你嘅小朋友揀邊間中學, 學校話唔使咁急。你諗下人哋中學話要第一日交表先加多啲分, 學校點解唔可以一早安排家長早啲, 即是12月中或者12月尾安排呢個講座呢? 幾時自行派位一早已經知啦, 如果我心儀嗰間中學話要第一日交表我又點算呢? 學校有冇諗過我哋焦急家長嘅感受呢?

最後講下1月26號學校有個叫做環保創科嘉年華, 佢寫到明對象係本校學生, 幼稚園學生和家長。呢日有去啲義工家長,老師同埋北角衛理學生好落力, 做得好好, 值得一讚。但係我見到我身旁有個外來幼稚園學生和家長, 入到嚟以為嘉年華啲氣球, 棉花糖等, 係唔使錢, 我就同佢講係要買代用券, 佢哋即刻好愕然, 原來氣球要50蚊, 雞翼20蚊, 睇學生表演要30蚊, 連去圖書館都要20蚊先有得參觀。我從未試過去學校開放日, 連去圖書館和睇表演都係要收錢, 對於我嚟講捐錢比學校係冇問題。但係對於一些幼稚園學生和家長, 佢哋唔知道入嚟嘉年華, 好多嘢都要收費, 我覺得有問題。最少你喺宣傳單張或者網上宣傳講明係籌款活動, 比外面啲人知道你係籌款。講多句, 學校已經喺未搬過嚟之前已經籌了幾年錢, 今年又要籌款, 究竟要籌幾多年? 呢日嘉年華我聽到隔離家長講 (唔知係本校家長定外來幼稚園家長) 呢間學校係咪真係咁窮呀? 我都唔識答。

作者: lcyesther 時間: 19-1-27 11:20

Hellokitty730 發表於 19-1-27 10:53
其實幾年前, 我個小朋友入呢間小學只係因為好簡單嘅兩個原因。第一係覺得佢係happy school。第二個原因就 ...

要happy但又要有學術成績真係好難

作者: sailormercury 時間: 19-1-27 11:31 標題: 回覆樓主:

本帖最後由 sailormercury 於 19-3-17 17:02 編輯

delete

作者: mcl203 時間: 19-1-27 11:57 標題: 回覆樓主

衛理似乎一向無60%升B1中學喎～～～

至於津校支援學生去參加朗誦節，當年某津校校長曾提過，佢鼓勵全部學生參加朗誦，但學校只可以提供約4次訓練。又事實，出去參加朗誦又期望去爭名次既，大部分係全經私人老師培訓，甚或長期培訓～～～

作者: baby7 時間: 19-1-27 12:43 標題: 回覆樓主

朗誦嗰part 我覺得正常
雖然我小孩從未參加過
但身邊幾位來自唔同學校的小孩講，都話學校唔會提供任何extra的特訓，多數係偶爾會在小息or午膳抽少許時間幫你練下
所以都有d家長會自己出去搵老師架

作者: Charlotte_mom 時間: 19-1-27 12:47 標題: 回覆樓主：

本帖最後由 Charlotte_mom 於 19-1-27 12:48 編輯

我覺得家長唸得太理想了
返學時間咨詢，都係得個知字，到實行時又有好多practical考慮。例如校巴，校巴而家好難爭，人地一句「返8:30未必安排到服務因要做其他幼稚園」，已經輕易ko家長「想訓晏少少」呢類無關痛癢嘅願望了

朗誦培訓，好多學校都係係咁2，老師本身教學工作都好忙，報比賽係自願，點解會覺得將個培訓責任擺喺老師身上？我知有d學校做法，係會推薦個別有得獎前科嘅學生去參賽、老師間中培訓下，但如果要全部人都老師培訓，太吃力了（利申我女玩朗誦多年都係食自己，學校有間中提供過培訓，但幫助一定不足以攞獎）

作者: Charlotte_mom 時間: 19-1-27 12:47 標題: 回覆樓主

升中果度的確可以向學校反映下

遊藝會要錢，好多學校都有咁做，又唔可以一刀切話岩唔岩。睇學校想要咩啦，如果想多d人黎睇學校，但連入圖書館都要收錢，咪少左人去，目的亦達唔到；但另一方面，籌錢嘅目的又的確達到嘅

作者: Elenalan 時間: 19-1-27 13:48 標題: 回覆樓主:

除了升中透明度，其他問題一般津小都係咁，資源有限。
我相信一分耕耘一分收穫，要成績好一定有付出，冇可能唔谷又有好成績。不過谷又分好多種，一味多功課測考密果種谷vs功課不多但程度深，仲有循序漸進暗谷定一黎就谷迫你早d接受和麻木....仲有就係學校唔谷教淺考深，追唔上預左家長自谷...就算唔外補，家長都可能自己俾練習; 就算唔做額外練習，都培養小朋友大量閱讀。我冇見過可以乜都唔做或只做最基本嘅可以派到好成績。

作者: Lingfung813 時間: 19-1-27 14:40

本帖最後由 Lingfung813 於 19-1-29 01:00 編輯

Hellokitty730 發表於 19-1-27 10:53
其實幾年前, 我個小朋友入呢間小學只係因為好簡單嘅兩個原因。第一係覺得佢係happy school。第二個原因就 ...

同路人，我也覺得循道衛理機構管理學校呢方面一般。
雖然不可一面倒說全部有關小學也出現問題，但以我所認識和認知的也不少

作者: rinarina 時間: 19-1-27 15:40

Hellokitty730 發表於 19-1-27 10:53
其實幾年前, 我個小朋友入呢間小學只係因為好簡單嘅兩個原因。第一係覺得佢係happy school。第二個原因就 ...

咁我小孩子間私小仲差過你啦，我們要交學費，學校揀小孩子出外參加英文朗誦連訓練都冇，我是自費外出練習的

作者: bobbob 時間: 19-1-27 16:29

Hellokitty730 發表於 19-1-27 10:53
其實幾年前, 我個小朋友入呢間小學只係因為好簡單嘅兩個原因。第一係覺得佢係happy school。第二個原因就 ...

我都識人讀貴校，話升中派位無support兼誤導，對學校好不滿

作者: se6b03 時間: 19-1-27 16:52

還以為學校今年搬左新校舍會讀得開心tim，原來仲差過以前。不過內裡有一點想講既係樓主話學校轉左新校長之後，情況就開始變差。好多天主教香港教區、聖公會及官校都好興每隔幾年就來一次校長輪替輪換，唔知係咪想防止個別學校既校長出現山頭主義，割據一方既情形。我覺得每換一次校長都會有一次危機。無論前任校長做得幾好都好，遇到繼任校長係一個心胸狹窄既人都幾麻煩下。可能唔想自己既功績被前任蓋過，又想做一d成績出黎，性格好大喜功，剛愎自用。本來一間管理唔錯既學校都會因為一次換校長而影響深遠，可惜既係我地作為家長係學校辦學團體換校長一事上從來無發言權。

作者: legolas625 時間: 19-1-27 19:31

回覆 bobbob 的帖子

如何誤導? 好想知

作者: mama_papa 時間: 19-1-27 22:12

本帖最後由 mama_papa 於 19-1-27 22:19 編輯

我覺得中學要妳第一日交表是想lock了你張表

，學校連妳是自一定自二都唔知，唔通自二第一日交表就有誠意過自一最尾那日交表？

作者: Forgetmenot999 時間: 19-1-27 22:54

mcl203 發表於 19-1-27 11:57
衛理似乎一向無60%升B1中學喎～～～

至於津校支援學生去參加朗誦節，當年某津校校長曾提過，佢鼓勵全部學 ...

我知道某兩間朗誦經常攞冠軍嘅學校，老師花很多時間同佢地練習。

作者: mama_papa 時間: 19-1-27 23:06

Forgetmenot999 發表於 19-1-27 22:54
我知道某兩間朗誦經常攞冠軍嘅學校，老師花很多時間同佢地練習。

不知衛理情況，有些學校用精英制，一出就要冠軍，就算亞軍都當輸，唔夠班就唔比出賽，有D甚至連報名都唔幫忙，這些學校普遍會用資源去幫揀出來的學生。

有些學校志在比學生參與，願舉手都可以報，這些學校唔好期望會分到姿足夠資源落每個學生處。

作者: mcl203 時間: 19-1-27 23:57

mama_papa 發表於 19-1-27 23:06
不知衛理情況，有些學校用精英制，一出就要冠軍，就算亞軍都當輸，唔夠班就唔比出賽，有D甚至連報名都唔幫 ...

對，兩樣野～～～

作者: mama_papa 時間: 19-1-28 00:24

回覆 mcl203 的帖子

其實視乎覺得子女是"為校增光->幫學校比賽"定"幫子女增值->學校比機會去比賽"。

我那個只要有機會比他，要我地借錢都ok

作者: mcl203 時間: 19-1-28 00:27

mama_papa 發表於 19-1-28 00:24
回覆 mcl203 的帖子

其實視乎覺得子女是"為校增光->幫學校比賽"定"幫子女增值->學校比機會去比賽"。:happy ...

我地當年小學係只要想去就可以去，對培訓小朋友係好既～～～

作者: mama_papa 時間: 19-1-28 00:55

mcl203 發表於 19-1-28 00:27
我地當年小學係只要想去就可以去，對培訓小朋友係好既～～～

是啊，朗誦最好，唔理能力，只計地區，阿仔當年有機會同唔少名直私國際學校比拼，起碼可以同人講有同D勁人同場校量意過。

作者: tommyxsarah 時間: 19-1-28 08:57 標題: 回覆樓主

我女同您都係同一校網既happy school

揀既原因都係happy school 同派位不錯吧～慶幸到宜家都keep 到

未知升中果年點

但衛理不是一直有50% 升band 1 率嗎？？？

作者: hkpapa852 時間: 19-1-28 10:28

本帖最後由 hkpapa852 於 19-1-28 10:28 編輯

lcyesther 發表於 19-1-27 11:20
要happy但又要有學術成績真係好難

學校happy, 小朋友又有不錯既學術成績, 你估有多少真係和學校有關既原因呢?

作者: lcyesther 時間: 19-1-28 10:34

hkpapa852 發表於 19-1-28 10:28
學校happy, 小朋友又有不錯既學術成績, 你估有多少真係和學校有關既原因呢?

...

Happy school的優勢應該是keep 住學習興趣，學習深刻，主動探索，學得更多。加上大量閲讀，學術水平可以好高。
難道港同、救恩的成績係因為家長在背後谷？

作者: hohoho888 時間: 19-1-28 10:49

Hellokitty730 發表於 19-1-27 10:53
其實幾年前, 我個小朋友入呢間小學只係因為好簡單嘅兩個原因。第一係覺得佢係happy school。第二個原因就 ...

呢篇野是尋日上午出既, 唔知有會家長在入表前因而轉軚

舊年呢個時候呢, 我都仲係一心一意一一一北衛嫁
但之後爬左文, 又google　又官網後我就轉軚了
如果睇番舊post 會見好多家長對北衛既comment 都係positive
但呢近期已見到好似樓主你呢種內容既post
我明白一個銀有兩面
但北衛comment 一向是happy得來又派得好
咁係咪咁完美？大家都想知真實
就如你所講升中派位資料不全，不過剛剛果年就算不全都可以推算出派b1只有3x%
大插水! 是咩原因, 我諗睇番近期d既post 會知道一點

我好怕一d學校一面倒話正, 反而令人懷疑係咪真實囉

作者: hkpapa852 時間: 19-1-28 10:50

lcyesther 發表於 19-1-28 10:34
Happy school的優勢應該是keep 住學習興趣，學習深刻，主動探索，學得更多。加上大量閲讀，學術水平可以好 ...

不少所謂happy school, 其實只係校內教學較輕鬆, 不過現實係佢地對考核有要求

舉個可能性:

如果學校英文科小一上學期只教Longman Elect 1A, 但考核時郤要求學生能達Long Express 1B既水平, 你估之間既差異, 係咪學生有興趣去閱讀/學習就可以應付到呢?

Happy School, 除非可完全於棄派位表現, 否則, 極其量只能Happy 到小三或小四, 否則一到呈分仲係咁, 通常唔會有好結果

作者: bobbob 時間: 19-1-28 10:50

legolas625 發表於 19-1-27 19:31
回覆 bobbob 的帖子

如何誤導? 好想知

都係個家長感受，未必完全係事實。。。總之就話學校唔肯講學生banding同名次，家長以為啲grade唔差搏到盡填表，老師又不置可否，最終派得唔理想，扣門時無support，結果食白果

作者: bobbob 時間: 19-1-28 10:52

hkpapa852 發表於 19-1-28 10:50
不少所謂happy school, 其實只係校內教學較輕鬆, 不過現實係佢地對考核有要求

舉個可能性:

題外話，longman elect同express有好大分別？邊本深啲？

作者: nerolibaby 時間: 19-1-28 14:30

bobbob 發表於 19-1-28 10:52
題外話，longman elect同express有好大分別？邊本深啲？

我都有興趣知

作者: Elenalan 時間: 19-1-28 15:01

bobbob 發表於 19-1-28 10:52
題外話，longman elect同express有好大分別？邊本深啲？

express用字深，elect淺白但著重公式化的grammar，切合中文小學廣教英

作者: lcyesther 時間: 19-1-28 15:07

Elenalan 發表於 19-1-28 15:01
express用字深，elect淺白但著重公式化的grammar，切合中文小學廣教英

如果比較埋oxford living English? 三者比較如何？

作者: mama_papa 時間: 19-1-28 16:09

hkpapa852 發表於 19-1-28 10:28
學校happy, 小朋友又有不錯既學術成績, 你估有多少真係和學校有關既原因呢?

...

我試下估點解北衛點解學校happy，而早幾年B1派位唔錯，但這2年回歸3x%。
1.) 學校happy 唔等於家長會放手，好多家長只想仔女初小冇咁大壓力，到高小要面對呈分選校，好多家長就算學校唔加操自已都會加料。

2.) 高B1派位率，當樓主子女是高小，當搜尋升中資料時應正直升中人數呈向下趨勢，東區校網普遍被認為B1位過剩，如果乙部排位好，B2學生尤其是女仔上移機會相當大。但近2年升中人數回升，B2要博到B1機會會細佐，咁學校升中率回跌是正常。

部份家長—可能見學校"往續"有5x%入B1學校，就以為全部都是B1生，跟著選校就進取，博到"就成王"；博唔到就"敗寇"。

其實如果東區小學，又冇直屬中學，又唔谷，3x-4x%升B1我覺得OK。

作者: sunflower2000 時間: 19-1-28 16:11

衛理好還是循道好？

作者: Diversifyedu 時間: 19-1-28 16:14

lcyesther 發表於 19-1-28 10:34
Happy school的優勢應該是keep 住學習興趣，學習深刻，主動探索，學得更多。加上大量閲讀，學術水平可以好 ...

你對Happy school嘅理解係無錯嘅，但唔好忽視官津同直私學生嘅差異度，始終直私係揀人入同官津抽入嘅情況唔一樣，官津要照顧嘅差異較大，所以課程設計嘅包容度都要大好多，例如直私初小英文課已經全英上堂，二三線官津未必得。

作者: Elenalan 時間: 19-1-28 16:21

lcyesther 發表於 19-1-28 15:07
如果比較埋oxford living English? 三者比較如何？

living oxford english唔知, 我有Oxford Family & Friends覺得夠全面。仲有My Pals are Here我覺得vocabularies多和深d但係教grammar好有條理(新加坡教科書特色!)。
其實港式英文教育和測考評估好強調grammar (似新加坡), 所以程度深o既學校用新加坡書, 一般津小用Longman Elect就會最適合HK主流學校。

我覺得以教學黎講Longman Elect雖然淺白, 但係講解清楚適合程度低學生打好基楚。學grammar本書唔需要深, 最緊要d例子容易明白。而要學好英語運用唔可以只靠grammar書, 最好係一本淺白grammar書, 加readers和worksheets (writing)去教。純個人意見, 我唔係專業老師。

作者: hohoho888 時間: 19-1-28 16:39

mama_papa 發表於 19-1-28 16:09
我試下估點解北衛點解學校happy，而早幾年B1派位唔錯，但這2年回歸3x%。
1.) 學校happy 唔等於家長會放手 ...

言下之意即係北衛如果正常來說是入b1 是3成左右才真?

其實之前爬文都有家長問學校自己小朋友是屬band 幾, 學校唔講, 咁會否又係一個因素另家長錯判自己形勢而選錯學校, 第一志願fail 就唔知派到去左邊果種?

作者: mama_papa 時間: 19-1-28 17:06

本帖最後由 mama_papa 於 19-1-28 17:07 編輯

回覆 hohoho888 的帖子

"入B1 3x%" 是借用#24的回覆。

現實是一間小學、如果唔谷，這幾年升中人數回升，如果有3x%升B1率，是否已經可以收貨？

至於學校講唔講學生Banding，或者講高/講低，每間學校都有自已盤算，但在升中選校中、學校最大利益唔等於學生最大利益。學生/家長唔可以百份百相信學校。

作者: Diversifyedu 時間: 19-1-28 17:24

mama_papa 發表於 19-1-28 17:06
回覆 hohoho888 的帖子

"入B1 3x%" 是借用#24的回覆。

可能概括咁睇
一線：講高啲，搏入咗名校可以貼金
二三線：講低啲，務求首三名命中率高啲

作者: mcl203 時間: 19-1-28 17:27

mama_papa 發表於 19-1-28 17:06
回覆 hohoho888 的帖子

"入B1 3x%" 是借用#24的回覆。

我小朋友有位同學來自衞理級一，中一放學即去大量補習，學校唔谷家長一樣可以勁谷～～～

作者: hohoho888 時間: 19-1-28 17:29

mama_papa 發表於 19-1-28 17:06
回覆 hohoho888 的帖子

"入B1 3x%" 是借用#24的回覆。

當然考全級頭十既都可以知道自己應該是b1
但如果是中上或中游份子就難知道了
個人認為如果有人問學校是有責任比家長知
但我記得之前睇過文是學校唔肯講

作者: mcl203 時間: 19-1-28 17:34

Diversifyedu 發表於 19-1-28 16:14
你對Happy school嘅理解係無錯嘅，但唔好忽視官津同直私學生嘅差異度，始終直私係揀人入同官津抽入嘅情況 ...

又唔可以以遍概全，現實上，大部分傳統津校成績仍然係好既，絶無比直私比下去～～～

作者: mcl203 時間: 19-1-28 17:55

hohoho888 發表於 19-1-28 16:39
言下之意即係北衛如果正常來說是入b1 是3成左右才真?

其實之前爬文都有家長問學校自己小朋友是屬band 幾, ...

其實睇番北衞網頁，升中派位資訊已經算OK噃，本區有晒校名人頭數，仲已有幾間本區B2中學人數，他區唔講人頭數應大約估係1-2人，入B1英中唔難估～～～

作者: mama_papa 時間: 19-1-28 18:42

hohoho888 發表於 19-1-28 17:29
當然考全級頭十既都可以知道自己應該是b1
但如果是中上或中游份子就難知道了
個人認為如果有人問學校是有 ...

其實唔願講同隨便講都冇分別，好多時都是以派B1位當B1率咁講，那些年我地升中時學校"好認真"話往績有1/3派B1位，所以頭1/3是B1。
其實唔通你期望學校會同你講"本校往績派得好唔係我地學生叻，只是填表策略好，加上學生時來運到。"就算真是咁講，亦有不少家長唔信邪，信自已時運高會博到。

作者: anniellm 時間: 19-1-28 19:20

提示: 作者被禁止或刪除內容自動屏蔽

作者: Hellokitty730 時間: 19-1-28 19:52

本帖最後由 Hellokitty730 於 19-1-28 20:08 編輯

hohoho888 發表於 19-1-28 10:49
呢篇野是尋日上午出既, 唔知有會家長在入表前因而轉軚

舊年呢個時候呢, 我都仲係一心一意一一一 ...

多謝各家長發表之意見, 使我博益良多。我好少寫咁多字去發表意見 (雖然以上意見和感受, 只係佔我肚裏面的一少部分）, 其目的就係想學校改善和能變得更好。
我之前嗰篇肺腑之言寫咗一陣，我另一半就叫我慳番啲口水，寫乜鬼嘢呀。我心諗如果個個北衛家長都慳番啲口水，學校就唔知自己有咩地方, 做得唔好要改善（當然之前我都有用正常渠道講過少少意見畀家教會家長聽, 不過唔知有冇反映上去啦）。
我都好怕一d學校一面倒或麻木地話正, 有做得唔好就要反映出嚟加以改善，每間學校都不是完美, 實有地方可以改善。希望依家學校校方會聆聽接受意見, 不要一意孤行, 這樣才會進步和不會令人失望。

近依兩年成日見北衛, 上報紙, 做宣傳, 做專訪。講自己學校有什麼愉快學習, happy school, 星期五有什麼黃金時段。我心諗, 你不如用多啲時間搞好學校先啦。定立同實行學校自己教學目標, 例如將來嘅小學生究竟需要什麼元素多啲 , 用人方面（即係小學生）出發定D政策, 簡單啲講即係人性化啲, 唔係以學校行政為考慮重點。

講開派位, 依間學校係唔會講你聽考第幾, 本來原意係好嘅, 等大家都唔知道自己考第幾名, 包括學生與學生之間, 或者家長與學生之間都唔知考第幾, 使學生冇咁大壓力在名次上, 我係贊成。但係當你升到小五小六時, 連家長學生自己都唔知道喺班裏面排第幾, 究竟點安排自己子女去選擇乜野band嘅中學呢? 靠估? 靠推算？靠學校講？(之前有人話不要靠晒學校）, 真係唔知呀！我相信呢方面學校要改善下, 在以上兩者間平衡而作出安排呀。

想問下出面啲小學不公怖名次普遍嗎？

作者: mama_papa 時間: 19-1-28 20:08

Hellokitty730 發表於 19-1-28 19:52
多謝各家長發表之意見, 使我博益良多。我好少寫咁多字去發表意見 (雖然以上意見和感受, 只係佔我肚裏面的 ...

有D唔寫落成續表，但家長問會講，有D首幾多名先寫落成績表，其它唔寫。
請問衛理是唔寫定完全唔講，如果是完全唔講咁多年D家長點選校，完全冇人出聲？

作者: 828 時間: 19-1-28 20:21 標題: 回覆樓主：

本帖最後由 828 於 19-1-28 20:22 編輯

我朋友小朋友讀呢間，佢一睇完樓主個post就好有共鳴，叫我幫佢出post. 呢間學校不嬲都唔係真happy. 舊校長時都一個學期兩次中評，一次總評，即係兩測一考一個學期，另外一個學期仲有三次進評（即小測），每個學期有六次中英文默書。

新校長表面係改左減左兩次中評做一次，但隨即加多左無限次進評同默書。我俾個時間表大家睇睇就明。

28/9英默
2/10中默
5/10英評
9/10中評
12/10英評
15/10數評
16/10中默
18/10英默
19/10常評

之前校長有報導講到學校轉全日制，下午係無測考，講咩下午黃金時間俾學生探索，佢冇講到下面果句：下午冇考測，但上午狂考測。

作者: mcl203 時間: 19-1-28 20:53

Hellokitty730 發表於 19-1-28 19:52
多謝各家長發表之意見, 使我博益良多。我好少寫咁多字去發表意見 (雖然以上意見和感受, 只係佔我肚裏面的 ...

若果完全唔公佈估計banding，名次，升中選校係確實會有問題～～～

作者: picamama 時間: 19-1-28 21:40 標題: 回覆樓主：

本帖最後由 picamama 於 19-5-4 23:04 編輯

.....

作者: sumchanma 時間: 19-1-28 22:40

mcl203 發表於 19-1-28 20:53
若果完全唔公佈估計banding，名次，升中選校係確實會有問題～～～

聽師兄姐講考完呈三會講banding,同埋老師會俾意家長點㨂，但是否所有班主任做法定個別班主任做法就唔太知道。

作者: Diversifyedu 時間: 19-1-28 23:09

picamama 發表於 19-1-28 21:40
在沒有得選學生之下，又要happy 又派得好似乎難以持久？

或者向逆思惟諗吓，有得揀嘅直私，學生入學學術水平平均，學習模式經挑選，學校資源比較多，家長配合度高嘅情況下，部份直私Happy school都未算派得好好，何況限製較多嘅官津Happy school？

作者: maomaosai 時間: 19-1-29 00:52 標題: 回覆樓主：

本帖最後由 maomaosai 於 19-3-17 23:11 編輯

Deldel

作者: maomaosai 時間: 19-1-29 01:04 標題: 回覆樓主：

本帖最後由 maomaosai 於 19-3-17 23:11 編輯

Del del

作者: Lingfung813 時間: 19-1-29 01:05

本帖最後由 Lingfung813 於 19-1-29 01:11 編輯

同路人(我小朋友是其他分校的九循舊生)，我也覺得"循道衛理機構"管理學校呢方面一般。
雖然不可一面倒說全部有關小學也出現問題，但以我所認識和認知的也不少.
表面推廣愛心教育，正向教育和生命教育，但學校內裏學習環境，老師工友態度只會鬧和罰，全無質素可言。經常找小朋友去選拔出賽，增加獲獎機會而提升知名度。

作者: hkpapa852 時間: 19-1-29 08:06

anniellm 發表於 19-1-28 19:20
請教hkpapa852，oxford ready呢套書程度如何？
比較少聽人用呢套？

對一般官津小學生嚟講，呢套偏深

作者: se6b03 時間: 19-1-29 09:01

係咪即係只係掛名教會名義辦學，但入面既校長老師校工根本就唔係虔誠信主既教徒？一d都無聖經入面所講既寬恕別人，幫助別人既態度。學校完全無愛心。一間有愛心既基督教學校應該接納同包容不同學習能力既學生。因為全部都係天父所創造既。

作者: hohoho888 時間: 19-1-29 09:31

Hellokitty730 發表於 19-1-28 19:52
多謝各家長發表之意見, 使我博益良多。我好少寫咁多字去發表意見 (雖然以上意見和感受, 只係佔我肚裏面的 ...

嗯嗯, 就好似我之前所講北衛是神秘的, 我知入面有一部份家長唔多願講
可能覺得既是在讀做乜要"唱衰" 自己學校
但我想知是學校整體, 唔係只係正面或負面既一面,
北衛一直既名聲都係happy 又派得唔錯
大家都知派得好又happy 呢個mission 是近乎impossible
點解佢做到? (都有人說學校唔谷家長谷)
如果佢真係做到果個mission, 咁咪是完美小學囉,
呢個世界真有完美? 所以家長會想知真相
而北衛既真相是唔容易知道,
所以我好surprise 都好多謝你出呢個post,
之前在北衛專頁有個家長只講左少少北衛既負面既就比人圍攻
我覺得討論呢間學校要好有勇氣

作者: hohoho888 時間: 19-1-29 09:32

maomaosai 發表於 19-1-29 01:04
自認小兒品行、成績都不算差，在學時，亞仔不時抱怨老師用說話揶揄他、或覺得老師不公。當時我只有盡量安慰 ...

睇到都想喊..

作者: hohoho888 時間: 19-1-29 09:36

se6b03 發表於 19-1-29 09:01
係咪即係只係掛名教會名義辦學，但入面既校長老師校工根本就唔係虔誠信主既教徒？一d都無聖經入面所講既寬 ...

唉.. 教會..
講真得罪講教會呢是好多理論寬恕?愛人?
係呀, 但先要你是自己人先啦
我沒有宗教的, 但聽親教會野都係教會中既人事, 是非最多,
圍威喂

講教育丫, 好多沒說出口但都是只收教友
又想多d人信但又只收教友?
問佢實話唔夠位, 所以要教友先決, 所以算啦, 求"神"不如求己

作者: hohoho888 時間: 19-1-29 09:45

828 發表於 19-1-28 20:21
我朋友小朋友讀呢間，佢一睇完樓主個post就好有共鳴，叫我幫佢出post. 呢間學校不嬲都唔係真happy. 舊校長 ...

我之前爬過文, 都相信北衛既happy school 之名應該是過去式

作者: se6b03 時間: 19-1-29 10:03

不過講開講，一個北角短短一條街都有三間循道衛理會辦既小學，算唔算多？其它區好似都無咁密集？

作者: Jessy 時間: 19-1-29 10:06

se6b03 發表於 19-1-29 09:01
係咪即係只係掛名教會名義辦學，但入面既校長老師校工根本就唔係虔誠信主既教徒？一d都無聖經入面所講既寬 ...

講就容易, 好多教會學校都做唔到啦

作者: sumchanma 時間: 19-1-29 10:30 標題: 回覆樓主

我係用家，認同樓主部份所講，學校好多嘢變緊，特別係學校不停見報，宣傳自己點愉快，過往一直唔係咁，新校長上場就好識得運用媒體，增加曝光率，我自己唔太鐘意，一次半次就夠啦，太多我會覺得本末倒置，埋些心機聽下家長意見仲好
另外，不斷籌款又係另一個令我覺得煩厭的問題，一年一次都好夠，一年幾次就令人感到為難，俾又唔多想，唔俾又怕小朋友返學時感受唔好。剛剛的嘉年華唔使多講，我心諗，好彩我朋友唔得閒來，否則唔知點解釋入圖書館都要俾錢！

作者: sumchanma 時間: 19-1-29 10:31 標題: 回覆樓主

字數限制，分兩次出：

至於老師和辦學理念，暫時我都好滿意，唔好的老師一定有，我仔都遇過，但好的老師更多，對小朋友有愛心又關懷，我小朋友都好鐘意老師們。
愉快學習我覺得暫時仲算係，但同前校長年代比，當然已谷好多！如果問我，我較喜歡以前一考兩測，現在太多小測，雖然小朋友尙可應付，但就犧牲了自由玩時間，話晒以前半日制多自由時間。我認同北衛愉快學習又派位好或多或少同半日制有關，小朋友就算唔補習，家長都有時間自己教。

作者: se6b03 時間: 19-1-29 10:40

其實咁講，學校今次本身就係想攪嘉年華籌款，並非傳統既學校開放日，所以去參觀圖書館要比錢。嘉年華poster入面其實有講得好清楚，活動目的正正就係為了籌款用以優化校舍設施。來緊應該還會有再攪開放日比幼稚園及區內家長參觀，估計到時入場參觀應該唔洗比錢。

作者: bluebluesky 時間: 19-1-29 11:14

回覆 se6b03 的帖子

poster 寫的對象有幼稚園學生及家長, 我去到學校撞到朋友, 她就是外間幼稚園的家長
poster亦有寫為學校籌款--精品義賣攤檔, 就算小食義賣都沒問題, 因是外間及學校已往很慣常的做法，只是很多家長感到肉酸及突兀的竟是學生才藝秀要收$ 30, 入圖書館要收 $20.

其他直資私校籌款的次數及金額可能比我們還要多, 但此是津校，似乎過了火

作者: 828 時間: 19-1-29 11:45

bluebluesky 發表於 19-1-29 11:14
回覆 se6b03 的帖子

poster 寫的對象有幼稚園學生及家長, 我去到學校撞到朋友, 她就是外間幼稚園的家長

入圖書館要俾20蚊真係好核突..

我朋友同我講完個評估時間表，我都嚇一跳，咁評法，邊有時間教書呀。老師係咁改完又出，出完又改，邊日時間備課同放時間心思係小朋友身上呀。

我朋友話試過有一個學期開學第一日，就話星期五評估，書都未開始教就話評。每次評估內容唔係深，但咁樣搞成日都好大壓力又好煩厭。

作者: flowertree 時間: 19-1-30 23:19

Lingfung813 發表於 19-1-27 14:40
同路人，我也覺得循道衛理機構管理學校呢方面一般。
雖然不可一面倒說全部有關小學也出現問題，但以我所認 ...

完全同意

作者: legolas625 時間: 19-1-30 23:53

北角衞理未搬前，我去過開放日，印象差到無朋友。
講座現場吵，听唔到校長講乜都算啦。到攤位時間，睇得出攤位好求其，負責學生又無主動介紹，表現懶散，唔醒目，你以為老師应該指揮下，但係無，副校同其他老師，pta之類的人大声講大声笑，礼堂外另有2名女教師坐係度，倾閒計倾左至少半小時，倾到開放日完結，開放日戲都唔下俾人睇，成間學校俾人無组織、颓廢的感覺。

作者: legolas625 時間: 19-1-31 00:12

回覆 se6b03 的帖子

可能我见識少，去左咁多官津、直私学校open day, 未见過入lib要收$，同埋佢去年都搬左，而家仲捐乜鬼? 真係咁等$驶? 原來ㄧ個$字，緊要過俾校外人士認識学校，但佢係基督教学校wor.......

作者: flowertree 時間: 19-1-31 07:38

legolas625 發表於 19-1-31 00:12
回覆 se6b03 的帖子

可能我见識少，去左咁多官津、直私学校open day, 未见過入lib要收$，同埋佢去年都搬左 ...

個辦學團體冇資源，又吝嗇⋯ 係咁㗎啦

作者: vlming88 時間: 19-1-31 13:13

flowertree 發表於 19-1-31 07:38
個辦學團體冇資源，又吝嗇⋯ 係咁㗎啦

學校團體有冇錢對資助學校發展非常重要. 冇計,免費讀係咁....

作者: se6b03 時間: 19-1-31 13:42

香港既教會學校黎講，最有錢最多資源應該係天主教香港教區及聖公會。

作者: hohoho888 時間: 19-1-31 16:32

教會成日要人捐錢又成日話無錢
官津suppose 是免費教育, 即係點呢
當然啦, 實有人話你可以唔捐, 但同學仔個個捐你唔捐又唔知點

作者: nerolibaby 時間: 19-1-31 17:50

bluebluesky 發表於 19-1-29 11:14
回覆 se6b03 的帖子

poster 寫的對象有幼稚園學生及家長, 我去到學校撞到朋友, 她就是外間幼稚園的家長

冇講明收費到時先知，真係唔得喎

作者: vlming88 時間: 19-1-31 19:14

se6b03 發表於 19-1-31 13:42
香港既教會學校黎講，最有錢最多資源應該係天主教香港教區及聖公會。

華仁小學為例，同樣隔離起新校舍 ,聽講好似辦學團體主動出錢去擴建圖書館,禮堂同埋特別教室. 唔知真定假....

作者: Lingfung813 時間: 19-2-1 00:54

flowertree 發表於 19-1-31 07:38
個辦學團體冇資源，又吝嗇⋯ 係咁㗎啦

你意思是循道衛理機構無資源？Yes, 我也認同

作者: hohoho888 時間: 19-2-1 09:42

vlming88 發表於 19-1-31 19:14
華仁小學為例，同樣隔離起新校舍 ,聽講好似辦學團體主動出錢去擴建圖書館,禮堂同埋特別教室. 唔知真定假 ...

華小又好難直接比較既, 辨學團體我信佢地有米
同埋華仁咁多叻叻舊生, 母校一聲話集資應該唔太難

作者: 雲牛 時間: 19-2-1 12:42

回覆 Lingfung813 的帖子

唔係嘩，循道衛理會都有不少收入，灣仔最近重建完的衛斯理大樓好靚

作者: flowertree 時間: 19-2-1 21:53

雲牛發表於 19-2-1 12:42
回覆 Lingfung813 的帖子

唔係嘩，循道衛理會都有不少收入，灣仔最近重建完的衛斯理大樓好靚 ...

但係佢啲學校就

作者: bugmum 時間: 19-2-2 10:20 標題: 回覆樓主:

北衛校長睇黎一d唔識marketing

人地攪open day 為左吸d靚客，北衛為左吸金

笑死街坊咩…

作者: mama_papa 時間: 19-2-2 17:35

雲牛發表於 19-2-1 12:42
回覆 Lingfung813 的帖子

唔係嘩，循道衛理會都有不少收入，灣仔最近重建完的衛斯理大樓好靚 ...

教會好多時分開好多盤數，教會有錢（物業)同其它單位無關。

作者: Diversifyedu 時間: 19-2-2 20:16

bugmum 發表於 19-2-2 10:20
北衛校長睇黎一d唔識marketing
人地攪open day 為左吸d靚客，北衛為左吸金 ...

校長要識marketing算唔算教育界嘅悲哀？

作者: bugmum 時間: 19-2-2 21:54 標題: 回覆樓主:

中學老師要揸車跨區送電腦拉客先係悲哀。。(emoji)小學攪下open day, 等幼稚園家長了解下學校，報讀前了解清楚，係有實際需要。對學校對家長，呢種認識係十分必要。以免做錯matching, 大家抱憾。
open day 攪成咁，做壞口碑，有質素既學生都唔黎讀，長久係咪做得落去?
我都係上年考小一，幾個同學媽咪去完北衛open day 都話好亂好差。我冇去，Happy school唔啱我

作者: bugmum 時間: 19-2-2 22:23 標題: 回覆樓主:

重點係。。對潛在客戶你都咁唔在乎，毫不修飾，入左黎讀，米已成炊，你更加唔會理我感受。好正常

作者: keith_ccc 時間: 19-2-3 14:10

bugmum 發表於 19-2-2 10:20
北衛校長睇黎一d唔識marketing
人地攪open day 為左吸d靚客，北衛為左吸金 ...

佢開放日係免費，佢收費係籌款日。

作者: keith_ccc 時間: 19-2-3 14:14

tommyxsarah 發表於 19-1-28 08:57
我女同您都係同一校網既happy school

揀既原因都係happy school 同派位不錯吧～慶幸到宜家都keep 到

請問你囡是否丹循？如果係，近年換校長有影響嗎？

作者: tommyxsarah 時間: 19-2-3 17:01

keith_ccc 發表於 19-2-3 14:14
請問你囡是否丹循？如果係，近年換校長有影響嗎？

係呀 ..無影響....
校長本身將循來的。理念相近。

阿女同我都仲係好happy ...
功課通常係學校做左好多...

不過happy 唔等於淺..
um..簡單黎講重質不重量...

作者: MMVV 時間: 19-2-3 19:07

maomaosai 發表於 19-1-29 01:04
自認小兒品行、成績都不算差，在學時，亞仔不時抱怨老師用說話揶揄他、或覺得老師不公。當時我只有盡量安慰 ...

可否說現時妳小朋友去了那間中學给我參考。

作者: CKCKmom 時間: 19-2-5 01:02 標題: 回覆樓主

看到這個post對學校的批評，有點心痛呢！
可能我小孩這幾年在衞理實在有很大進步，所以自己很感恩，很多謝老師們循循善誘的教導。

容許我說說我的感受吧！

我有另一孩子在其他學校（有中學的)嘅比較，我覺得呢間學校雖然評估頻密，但範圍少（eg 中默範圍係一段+詞語），而且功課不算多，只是間中一兩日多咗啲啦！
而我地可能平日少課外活動，佢每日都有一、兩個鐘頭玩的。在香港已算不錯吧！

我都鍾意半日制多過全日制，但冇辨法啦！起碼下午唔使上主科，有啲多元智能課程比佢哋玩，學到一啲課本以外的知識，我覺得幾好！

我自己較少參與家長義工活動，但聽說學校為了小朋友有好啲嘅環境，要upgrade好多嘢，因為政府只係provide basic, 所以要fund raising. 例如小朋友嘅枱凳，好實淨，而入課室真係冇裝修味的。其實係冇資源嘅情況下好難做到。如上次籌款日令到一些心儀家長卻步，我覺得有點可惜了！

其實每個家庭對小朋友的要求都唔同，對我來說衛理係well balanced的. 有人話升中成績唔夠好，現實啲講，沒有吹谷又點會有超好派位？如果望下出面其他有d名氣嘅學校的試卷，再望吓衞理嗰啲，就會睇到衞理冇tricky野的，教乜考乜。

很少上網寫咁多野，只希望在負評中為我appreciate 的學校寫低一啲感受。亦為好似我當年，成日喺度search學校comment的幼稚園家長一些參考。

在校家長如果有不滿，不妨試試搵校長講兩句啦！佢差不多每朝都係門口的。

新年了，希望各位能選擇適合自己的學校！

作者: GabrielIssac 時間: 19-7-24 14:37

我小朋友今年北衛小六升中一，我想講睇完以上留言，可能家長沒有參加學校活動，津校搬學校真係要好多錢買設備，學校也只能靠籌款去買設備。另外，有家長話北衛得3X% BAND 1，今年計埋扣門入一線英中的%，我所知就一定唔止呢個數啦，都未計band 1非英中。我個仔在北衛讀得好開心，老師超細心，協助家長選校超有耐性，我跟老師來來回回張form都3-4次，不敢說全部老師，但好多老師在升中時出左好多力幫家長。

作者: waichun8283 時間: 19-7-24 16:47

去到這一刻，竟然後悔有沒有想過轉校

歡迎光臨教育王國 (/)