教育王國

標題: B3去B1學校 [打印本頁]

作者: PINKI1025 時間: 19-1-20 12:17 標題: B3去B1學校

一個B3學生因運動，有機會去B1學校，大家會點決擇？

作者: Yanamami 時間: 19-1-20 12:24

本帖最後由 Yanamami 於 19-1-20 12:29 編輯

不去白不去，反正都係band3生，無所謂｡有不同朋輩影响下都幾好｡能以运动入band1校即非常出色，如一心以向运动方面發展，而唔係靠讀書，無妨吖。有自己强項係校內自有立足之地，唔怕俾人比下去｡

最怕係靠运动入，又想讀書方面跟得上，又怕入到去成績唔夠好揀唔到科果d就唔好~不过make sure学校唔会过橋抽板，攞完獎後到高中怕你影響DSE成績而請你走先得｡

作者: bbeasy25 時間: 19-1-20 12:46

Yanamami 發表於 19-1-20 12:24
不去白不去，反正都係band3生，無所謂｡有不同朋輩影响下都幾好｡能以运动入band1校即非常出色，如一心以向 ...

正確，自己目標清晰就好。學校保証可以讀完中學去考DSE，就沒有其他顧慮

作者: tpmon 時間: 19-1-20 14:01

PINKI1025 發表於 19-1-20 12:17
一個B3學生因運動，有機會去B1學校，大家會點決擇？

本帖最後由 tpmon 於 19-1-20 14:05 編輯

互惠互利。

B1神校靠你的孩子代表學校運動攞獎。

你也可同人講，你的孩子讀B1神校。

當然你不要期望孩子入了B1神校可學好書本上的知識，和入到大學。

但最少B1神校校風好，不會像部分B3校多飛仔飛女易學壞。

作者: crazyhippo 時間: 19-1-20 14:24

本帖最後由 crazyhippo 於 19-1-20 14:24 編輯

例一 : 藝員曾X善個仔咪喇X(校內成績及DSE成績點就無公開過, 個人覺得吾會好得去邊, 因成日出國比賽, 港隊(游水), 後港大比左個位佢, 不過都係讀同運動有關的科.

例二 : 方X申, 港隊(游水), 後港大比左個位佢, 讀吾掂, 險些比港大踢出校, 後免強畢業. 在演藝圈浮浮沉沉, 最終自己創業做游泳教練

作者: mcl203 時間: 19-1-20 14:30

tpmon 發表於 19-1-20 14:01
本帖最後由 tpmon 於 19-1-20 14:05 編輯

互惠互利。

點解唔好期望可以讀到好書和入到大學？～～～

作者: yovin 時間: 19-1-20 14:48

PINKI1025 發表於 19-1-20 12:17
一個B3學生因運動，有機會去B1學校，大家會點決擇？

本帖最後由 yovin 於 19-1-20 14:52 編輯

只有某些band1中學，才可提供適當嘅場地、措施、教練、營養餐單…… 多方配合给運動員受訓。
運動員入呢啲勁學校係為咗讀運動， band1運動員就要入讀band one嘅學校去發展所長啦！但日後條路及職業就要跟運動有關。

B3生如果為咗運動入去 band one學校，千祈唔好⇒只係想一心一意focus on成績, 而放棄運動。

澳洲前游泳巨星「大腳板」科比在學時考試大都不合格，都仍然是天才。

不過有D學校未必俾機會運動員升上中六考dse，如果中五成績唔達標就要冧班，再成績唔好就會踢出校，到時纠教練或者之前運動員再介紹學校去升埋中六，完成中學課程。

作者: tpmon 時間: 19-1-20 14:55

mcl203 發表於 19-1-20 14:30
點解唔好期望可以讀到好書和入到大學？～～～

本帖最後由 tpmon 於 19-1-20 14:56 編輯

B1神校的老師未必教書，要靠家長和學生天聰和出外補習。

B3生入去讀會變B1 程度，若不自己下苦功努力補底，是否想得太多期望離地?

作者: mother904 時間: 19-1-20 14:57

跳高女神楊文蔚都係靠運動由Band 3去DGS, 最終入左大學。讀書成績反正留係Band 3都好大機會不會突飛猛進，去Band 1有發揮平台的話，試得過。
不過，有些學校會過橋抽板，一旦冇利用價值就留難學生，甚至唔俾考DSE，呢一點要留意，查清楚學校一貫風格先決定。

作者: mcl203 時間: 19-1-20 15:04

tpmon 發表於 19-1-20 14:55
本帖最後由 tpmon 於 19-1-20 14:56 編輯

B1神校的老師未必教書，要靠家長和學生天聰和出外補習。

何以見得中學老師會唔教書呢？現實中，眼見不少體育生只要自己肯積極跟上，機會仍然存在既，當然包括補底，仍見只專注體育既失敗例子。讀書始終靠自己，機會來臨自己決定如何處理了，付出比其他人可能要更多一點，單純體育B3生不可能6年後入大學，似乎判斷早左一D～～～

作者: tpmon 時間: 19-1-20 15:05

mcl203 發表於 19-1-20 15:04
何以見得中學老師會唔教書呢？現實中，眼見不少體育生只要自己肯積極跟上，機會仍然存在既，當然包括補底 ...

本帖最後由 tpmon 於 19-1-20 15:06 編輯

當然凡是靠自己下苦功，會變可能。

作者: yovin 時間: 19-1-20 15:10

mother904 發表於 19-1-20 14:57
跳高女神楊文蔚都係靠運動由Band 3去DGS, 最終入左大學。讀書成績反正留係Band 3都好大機會不會突飛猛進， ...

因為她出名又tag到運動員入大學條線先可以係DGS留底。

唔出名玩隊制 or 冷門運動，DGS也是踢走運動員的。義工已經過唔少人去找B3學校完成功中六。

作者: bbforever 時間: 19-1-20 18:10

PINKI1025 發表於 19-1-20 12:17
一個B3學生因運動，有機會去B1學校，大家會點決擇？

只要可繼續在高水平既比賽玩到佢鍾意玩既運動，點解唔去？

作者: 1998Ruby1998 時間: 19-1-20 18:47

Band 1 校提供到嘅平台同機會，唔係咁多 Band 3 校可以提供到，更何況 Band 1 校體育叻嘅人都會好多，佢地讀書都唔會太差，有良好競爭夥伴同讀書風氣。

不過預左入去就讀得辛苦，未必咁容易跟得上，亦要預左有機會讀兩三年後因為承受唔到學校壓力，需要去 Band 2 校。既然係讀書方面唔會咁如意，就唔好為讀書放棄運動，你同學校都係各取所需。我有同學都係 Band 2 尾成績咁讀上去，但佢有一技之長，而且係非常出色，二三年級已經攞國際比賽冠軍，但就係因為放好多時間去練習，讀書時間少左，最後自願轉去 Band 2 讀。幾年後亦係有個體育好叻嘅學生，轉去 Band 3 校讀。學校冇迫佢地走，頂多不斷留班，你賴死唔走都得嘅...但 Band 1 校生存唔容易，齋讀書嘅學生都可以讀到死下死下，更何況係成績根基唔夠好嘅學生？而且亦唔係個個家長同學生忍受到校方畀嘅壓力。

作者: kelvinli0311 時間: 19-1-20 18:58

以前識得一個打羽毛球好叻，DBS邀請佢入讀，幾年間幫學校攞吾少獎，但最後竟唔同佢報會考(應該係唔想佢拉低學校公開試成績)。

作者: virgokaren 時間: 19-1-20 19:07

kelvinli0311 發表於 19-1-20 18:58
以前識得一個打羽毛球好叻，DBS邀請佢入讀，幾年間幫學校攞吾少獎，但最後竟唔同佢報會考(應該係唔想佢拉低 ...

咁好悲哀喎！
我寧可找間中中地又注重運動，資源好的學校，雙邊投注了！

作者: mcl203 時間: 19-1-20 20:17

yovin 發表於 19-1-20 15:10
因為她出名又tag到運動員入大學條線先可以係DGS留底。

唔出名玩隊制 or 冷門運動，DGS也是踢走運動員的 ...

楊文蔚未必係走運動員専綫入大學喎，佢修讀港大市場學㗎～～～

作者: mother904 時間: 19-1-20 20:23

yovin 發表於 19-1-20 15:10
因為她出名又tag到運動員入大學條線先可以係DGS留底。

唔出名玩隊制 or 冷門運動，DGS也是踢走運動員的 ...

所以咪話要查清楚先決定囉。唔止呢間，有直資女校，如果學生唔係替學校出賽，話之你係港隊一樣留難，所以靠運動上band 1可以有一個好的發揮平台，而且好聽過讀band 3，某程度上係冇得輸，但要清楚學校方針，否則兩頭唔到岸就麻煩。

作者: elbar 時間: 19-1-20 20:42

PINKI1025 發表於 19-1-20 12:17
一個B3學生因運動，有機會去B1學校，大家會點決擇？

值得一讀

作者: yovin 時間: 19-1-20 21:10

mcl203 發表於 19-1-20 20:17
楊文蔚未必係走運動員専綫入大學喎，佢修讀港大市場學㗎～～～

本帖最後由 yovin 於 19-1-20 21:11 編輯

佢成績reach過左33222，運動員就有酌情分加㗎啦。有啲係靠學校校長保薦計劃。坦白我就未見過佢張dse成績表啦，唔能夠親口保證……but上次單因account同密碼曝光而關閉嘅JUPAS資料網爆曬出嚟啦！

作者: yovin 時間: 19-1-20 21:14

mother904 發表於 19-1-20 20:23
所以咪話要查清楚先決定囉。唔止呢間，有直資女校，如果學生唔係替學校出賽，話之你係港隊一樣留難，所以靠 ...

係，你啱…… 幫手補充一下啫！

廢事D人睇完帖以為DGS吾踢運動員走。

作者: 5tgb 時間: 19-1-20 21:23

如果體藝成績出色，教育局有一張學校名單比學生選，當中包括9成一線中學，學生選好後，教育局會協助配對，問學校比到乜配套，你情我願才入學的。
我唔知樓主的個案有否經教育局協調，如經，可能已有專人老師協助跟功課了。

作者: virgokaren 時間: 19-1-20 23:42

5tgb 發表於 19-1-20 21:23
如果體藝成績出色，教育局有一張學校名單比學生選，當中包括9成一線中學，學生選好後，教育局會協助配對， ...

點至可以去教育局協調？

作者: 王家爸爸 時間: 19-1-20 23:44

tpmon 發表於 19-1-20 14:55
本帖最後由 tpmon 於 19-1-20 14:56 編輯

B1神校的老師未必教書，要靠家長和學生天聰和出外補習。

呢啲係坊間唔解。

作者: 王家爸爸 時間: 19-1-20 23:49

kelvinli0311 發表於 19-1-20 18:58
以前識得一個打羽毛球好叻，DBS邀請佢入讀，幾年間幫學校攞吾少獎，但最後竟唔同佢報會考(應該係唔想佢拉低 ...

DBS既運動員支援已經係最好，應該唔會唔同佢報會考。老實講，DBS一向都唔係太講學校既公開試成績，所以應該唔存在拉低既問題。

作者: Yanamami 時間: 19-1-20 23:53

王家爸爸發表於 19-1-20 23:49
DBS既運動員支援已經係最好，應該唔會唔同佢報會考。老實講，DBS一向都唔係太講學校既公開試成績，所以應該 ...

所以先成日俾人唱唔係band1校

作者: mama_papa 時間: 19-1-20 23:58

yovin 發表於 19-1-20 21:14
係，你啱…… 幫手補充一下啫！

廢事D人睇完帖以為DGS吾踢運動員走。

我其實都唔係太喜歡DGS比我的感覺，但都要講事實，有個朋有個女早幾年以運動員身份入去，讀街坊小學、成績最多B2尾尾，學業上DGS是有支援的，有補底給運動員，但無奈水平相差太遠，最後留班，若果做唔到運動成績，DSE冇33222，就算校長要幫她入大學都無能為力。

作者: mama_papa 時間: 19-1-21 00:10

mcl203 發表於 19-1-20 14:30
點解唔好期望可以讀到好書和入到大學？～～～

大有人在，以DGS為例，唔少由小學上除了讀書好之外，都有幾把刀傍身。但樓主講本身是B3成績，以運動員身份去B1校。本身學業底子已經較差，又要長時間練習，想信會比較難。

作者: IYY 時間: 19-1-21 00:18

Yanamami 發表於 19-1-20 23:53
所以先成日俾人唱唔係band1校

點會呀??
DBS 一直是 band 1 神校, 而且 IB 成績亦直逼另一神級男女校 !!!

作者: mcl203 時間: 19-1-21 00:47

mama_papa 發表於 19-1-21 00:10
大有人在，以DGS為例，唔少由小學上除了讀書好之外，都有幾把刀傍身。但樓主講本身是B3成績，以運動員身份 ...

一早都講左，機會就在自己手上，如何掌握就靠自己如何處理，但當然，努力亦都未必一定有成果。若係B1中學努力下未能有成果，莫非身在B3中學就相對昜有成果，升大學易D？

有時去看某失敗例子，要清楚學生背後既行為態度，某些少少事唔返學，測考唔温書，莫非DSE無3322又全係學校責任？

始終都係回歸學生和家長自己如何評估風險，B3生身在B1中學路一定難行，去或放棄要自己決定和有心理準備～～～

作者: mama_papa 時間: 19-1-21 03:45

mother904 發表於 19-1-20 20:23
所以咪話要查清楚先決定囉。唔止呢間，有直資女校，如果學生唔係替學校出賽，話之你係港隊一樣留難，所以靠 ...

如果學生以B3運動員身份入B1直資女校，又係港隊又唔代表學校出賽，如果唔係跟了港隊出外集訓或比賽，咁真係講唔通。

作者: mama_papa 時間: 19-1-21 03:53

mcl203 發表於 19-1-21 00:47
一早都講左，機會就在自己手上，如何掌握就靠自己如何處理，但當然，努力亦都未必一定有成果。若係B1中學 ...

同意，其實如果願努力，想信在B1中學的成績會比B3好，最少學校資源和同學水平都高好多，可能名次會排尾，但實際成績會好好多。以運動員為例，日日同D3練習會提升成績多D少定同D1會多D。

作者: mother904 時間: 19-1-21 06:56

mama_papa 發表於 19-1-21 03:45
如果學生以B3運動員身份入B1直資女校，又係港隊又唔代表學校出賽，如果唔係跟了港隊出外集訓或比賽，咁真係 ...

我唔清楚當事人用咩身份入學，但佢小學時不是band 3生，之後轉左去神校，相信唔會成績太差。不評論誰是誰非，我想講的是，其他學校一樣有國際賽運動員，唔係玩代表學校的校際，學校一樣很支持，所以話就算以運動員身份入學，都要知清楚學校要求同風格，無謂入學後先發覺原來不是自己的賽道。

作者: Lingcheung 時間: 19-1-21 09:27 標題: 回覆樓主

不計成績，因為運動而入到b1校，運動一定非常出色。勁！與其在ek 問，跟自己的教練商量，了解一下師兄師姐的經驗，可能更好。

精英運動員的生活是辛苦的，不停練習，又要應付讀書，意志力、毅力、壓力非外人道。文武雙全的人不是冇，不過難求啲。理解清楚b1校的要求，跟小朋友商量後，共識後才作決定。我知道有人放棄女校的學位而去另一間的直資，是因為直資的支援佢覺得好一點，可以容許學生drop科，自己可以專注訓練。

作者: Lingcheung 時間: 19-1-21 09:29 標題: 回覆樓主

小朋友運動超班，坦白講，他行的路跟一般「書生」好不同，武生四處征戰，點同。作為父母，特別在香港，要放棄b1學位，要有好強的信念

作者: 2jkidsfather 時間: 19-1-21 09:42

PINKI1025 發表於 19-1-20 12:17
一個B3學生因運動，有機會去B1學校，大家會點決擇？

當然去！
大公司請你，會不會覺得自己不夠班，吾入？
入左先算。

作者: mcl203 時間: 19-1-21 09:50

mother904 發表於 19-1-21 06:56
我唔清楚當事人用咩身份入學，但佢小學時不是band 3生，之後轉左去神校，相信唔會成績太差。不評論誰是誰非 ...

佢決心好大㗎，入女拔係由原校升F5，去女拔讀F3~~~

作者: 王家爸爸 時間: 19-1-21 10:31

Yanamami 發表於 19-1-20 23:53
所以先成日俾人唱唔係band1校

DBS一定係B1，要拗都係拗佢哋係B1A，定係B1B。

作者: 5tgb 時間: 19-1-21 15:17

virgokaren 發表於 19-1-20 23:42
點至可以去教育局協調？

有相關的體藝總會推薦就可以，通常中三上才安排

歡迎光臨教育王國 (/)