教育王國

標題: 小四寫英文潦草 [打印本頁]

作者: py84ko 時間: 19-1-18 17:48 標題: 小四寫英文潦草

我小朋友一向小肌弱, 一直以來, 不論中文字寫得好肉酸, 所以校方亦给予寫中文字有調適用1.2cm格仔, 原本用0.8cm格仔, 英文字一向沒有調適, 因為寫正楷.現在問題嚟嘞！小四英文要寫潦草, 功課, 默書, 作文及考試都要寫潦草, 由初初睇唔到佢寫乜變到睇到甚至乎靚過正楷, 但就寫得超慢, 一頁功課簿 writing 可以寫好耐, 以往考試寫英文寫正楷都夠時間做, 剛剛上星期考完試, 話自己唔夠時間做, 當然成績唔好, 仲差過上次用正楷寫, 我有想過幫佢向學校申請調適, 要計入成績的如默書及考試, 就不寫潦草, 改為正楷, 現在我十五十六, 都唔知好唔好幫佢爭取, 因為英文唔可以寫半潦半正楷.....續

作者: py84ko 時間: 19-1-18 17:48 標題: 回覆樓主:

繼續......

一是全正楷, 一是全潦草, 如果批准用正楷之後, 冇得返轉頭寫回潦草直至小六畢業, 所以好煩！

作者: Yanamami 時間: 19-1-18 21:31

禁咪一直用正楷到畢業囉，有乜好煩？

作者: py84ko 時間: 19-1-18 22:33

Yanamami 發表於 19-1-18 21:31
禁咪一直用正楷到畢業囉，有乜好煩？

但我仔意願係想寫潦草多啲

作者: Yanamami 時間: 19-1-18 23:42

本帖最後由 Yanamami 於 19-1-18 23:42 編輯

py84ko 發表於 19-1-18 22:33
但我仔意願係想寫潦草多啲

要同佢分析利害关係呢~有时唔係鈡唔鈡意，而係应唔应該做｡

作者: 1998Ruby1998 時間: 19-1-19 02:13

同仔分析下，佢鍾意寫潦草，但考試果陣對佢不利，往後升中呈分就更難去揀心儀學校，影響自己前途。鍾意寫潦草可以自己私下練，私下寫，連到小肌肉控制得比較好，潦草亦純熟，到時候讀中學再寫潦草都未遲，唔需要爭一時喜好。

作者: gracelam 時間: 19-1-19 13:43

py84ko 發表於 19-1-18 17:48
繼續......

一是全正楷, 一是全潦草, 如果批准用正楷之後, 冇得返轉頭寫回潦草直至小六畢業, 所以好煩！

咁咪用正階囉! 好過呈分試做唔切份卷喎!!

作者: 洋蔥頭媽咪 時間: 19-1-19 14:51

本帖最後由洋蔥頭媽咪於 19-1-19 14:53 編輯

樓主小朋友其實寫潦草嘅時間尚短，初初會感覺困難慢慢就會適應，熟咗之後其實可以寫得好快，如果小朋友真係好喜歡寫潦草，可以同佢傾下可否多啲練習令自己寫快啲，設定一段時間以唔影響测/考為目標，如果唔得先同學校申請改用正楷。

小兒自小四起學校已經規定要用潦草寫英文，初初唔習慣到越寫越快，仔仔反而喜歡用，升上中學後發現身邊很多同學都用正楷，除了英文老師外有部分老師更唔太懂得看，所以功課會要求佢哋用返正楷寫，但我仔到現在英文功课都仍然用潦草，因為功课/作文都可以寫快啲，除了覺得靚之外，测、考、作文都有利，所以我仔話會一直寫潦草直至考DSE.

作者: py84ko 時間: 19-1-19 16:05

洋蔥頭媽咪發表於 19-1-19 14:51
樓主小朋友其實寫潦草嘅時間尚短，初初會感覺困難慢慢就會適應，熟咗之後其實可以寫得好快，如果小朋友真係 ...

謝謝你鼓勵, 其實佢寫潦草係靚過寫正楷, 由初初完全唔知佢寫乜到現在睇到寫乜, 但真係慢很, 今日都有同我小朋友傾寫潦草字問題, 佢話自己嘗試學寫快啲, 叫我比啲時間佢, 我就睇埋下學期3月尾的中期試, 如果都係慢到唔夠時間做卷, 就嘗試向學校申請調適

作者: 洋蔥頭媽咪 時間: 19-1-19 18:02

py84ko 發表於 19-1-19 16:05
謝謝你鼓勵, 其實佢寫潦草係靚過寫正楷, 由初初完全唔知佢寫乜到現在睇到寫乜, 但真係慢很, 今日都有同我 ...

加油

作者: Raleigh 時間: 19-1-21 15:15

洋蔥頭媽咪發表於 19-1-19 18:02
加油

現在英文潦草是否不太重要？我見我小朋友小學前幾年小四都要開始學習寫潦草，但現在已高小了，學校話不會教潦草。

我亦有睇過一D報導，英國本身有D學校都冇教潦草！

作者: 1998Ruby1998 時間: 19-1-21 16:33

回覆 Raleigh 的帖子

英文潦草寫字寫得快 d，亦訓練到小肌肉同幫到串字。

作者: 洋蔥頭媽咪 時間: 19-1-21 17:51

本帖最後由洋蔥頭媽咪於 19-1-21 17:55 編輯

Raleigh 發表於 19-1-21 15:15
現在英文潦草是否不太重要？我見我小朋友小學前幾年小四都要開始學習寫潦草，但現在已高小了，學校話不會 ...

有部分小學係規定高小要寫潦草，但有部分學校又唔會要求，所以好睇學校。
其實學寫潦草都有好處，如果識寫熟左真係可以寫得好快。我仔話佢作文有時要寫成千字，寫潦草快過寫正楷嘅同學好多。

ps. 我仔英文成績是级一

作者: 洋蔥頭媽咪 時間: 19-1-21 17:59

1998Ruby1998 發表於 19-1-21 16:33
回覆 Raleigh 的帖子

英文潦草寫字寫得快 d，亦訓練到小肌肉同幫到串字。

發覺的確好多學校不太重視潦草，除了教英文科嘅老師之外，有啲老師連睇都唔識睇。

作者: 1998Ruby1998 時間: 19-1-21 18:04

洋蔥頭媽咪發表於 19-1-21 17:59
發覺的確好多學校不太重視潦草，除了教英文科嘅老師之外，有啲老師連睇都唔識睇。
...

英美唔多學校教，但好多家長/祖父母都會自己教，仲會引以為傲，因為覺得要 connect to history，好多舊文章都係寫潦草，尤其美國重視獨立宣言。

作者: jaycee_mami 時間: 19-1-22 08:57 標題: 回覆樓主:

習慣咗寫潦草，潦草一定快過正階! 寫正階反而慢左!

作者: mcl203 時間: 19-1-22 12:38

Raleigh 發表於 19-1-21 15:15
現在英文潦草是否不太重要？我見我小朋友小學前幾年小四都要開始學習寫潦草，但現在已高小了，學校話不會 ...

我小朋友前傳統小學，P2開始用潦草～～～

歡迎光臨教育王國 (/)