教育王國

標題: 沙田91校網新希望，全新培育明日領袖新校！！ [打印本頁]

作者: chiu_bea 時間: 19-1-14 15:25 標題: 沙田91校網新希望，全新培育明日領袖新校！！

學額「爭崩頭」的沙田91校網今學年有新校，東華三院水泉澳小學於大圍美林邨臨時校舍率先開辦小一課程，銳意成為「明日領袖學校」。在東華三院額外撥款的支持下，校方除在臨時校舍的基礎設施上添加配置，以配合「特色課程」外，又增聘教職員，為學生提供優良的學習環境，培育明日領袖。

東華三院水泉澳小學校長梁敦瑜指，校方主張「學習都有得玩」的教學理念，其中在課程規劃上突破傳統，靈活運用下午授課時間推行多元化的「特色體驗課」，讓學生放低書本，把早上學習所得的知識，在午後的課堂加以整合並融會貫通，達到跨學科學習目標。

梁校長又指，特色課程每日都不同，其中星期二有「專家入課」，邀請不同專家到校教授技能，幫助學生發展潛能，「例如有外籍老師教授英語話劇，又有巴西籍嘅足球教練，一邊教學生踢波一邊用英語溝通，可以提升學生英語會話能力。」 https://hk.on.cc/hk/bkn/cnt/news ... 0114_00822_001.html

作者: hkpapa852 時間: 19-1-14 15:33

chiu_bea 發表於 19-1-14 15:25
學額「爭崩頭」的沙田91校網今學年有新校，東華三院水泉澳小學於大圍美林邨臨時校舍率先開辦小一課程，銳意 ...

世界最大既問題, 係太多人想做領袖...... 侵侵, 習大大, 金仔.... 個個都想話事

作者: cherry_ng_ 時間: 19-1-14 16:46

chiu_bea 發表於 19-1-14 15:25
學額「爭崩頭」的沙田91校網今學年有新校，東華三院水泉澳小學於大圍美林邨臨時校舍率先開辦小一課程，銳意 ...

請問有用家分享嗎？謝謝

作者: hkpapa852 時間: 19-1-14 17:29

本帖最後由 hkpapa852 於 19-1-14 17:29 編輯

cherry_ng_ 發表於 19-1-14 16:46
請問有用家分享嗎？謝謝

呢間學校目前唯一肯定既好處, 就係上年入學同今年入學既學生, 畢業時都一定會有1/3係本區B1學生

呢個比例, 一定比寶校高

作者: cherry_ng_ 時間: 19-1-14 17:42

hkpapa852 發表於 19-1-14 17:29
呢間學校目前唯一肯定既好處, 就係上年入學同今年入學既學生, 畢業時都一定會有1/3係本區B1學生

呢個比例 ...

謝謝！但佢今年已有小四五插班，會吾會影響升中B1%?

作者: hkpapa852 時間: 19-1-14 17:52

cherry_ng_ 發表於 19-1-14 17:42
謝謝！但佢今年已有小四五插班，會吾會影響升中B1%?

咦，即係佢唔似其它學校咁，由小一開始收，咁要小心了。
新校只有頭一/兩屆畢業生係保證有1/3 B1學生。

作者: se6b03 時間: 19-1-14 18:01

hkpapa852 發表於 19-1-14 17:52
咦，即係佢唔似其它學校咁，由小一開始收，咁要小心了。
新校只有頭一/兩屆畢業生係保證有1/3 B1學生。
...

但係佢小四小五都各只有一班，假設將來用pre-s1去決定小一師弟嘅banding，但無理由只由一班學生嘅成績去決定其餘5班學生嘅去向㗎，好似比例上唔多啱。

作者: hkpapa852 時間: 19-1-14 18:05

se6b03 發表於 19-1-14 18:01
但係佢小四小五都各只有一班，假設將來用pre-s1去決定小一師弟嘅banding，但無理由只由一班學生嘅成績去決 ...

EDB會將分數常模化再按比例調整

作者: 快樂媽媽S 時間: 19-1-14 18:11

hkpapa852 發表於 19-1-14 18:05
EDB會將分數常模化再按比例調整

但我地又唔知呢班小四小五生質素如何？有不確定性，水小好定四寶中的慈航好些呢？好似慈航而家升band 1率都有接近3成

作者: se6b03 時間: 19-1-14 18:11

講開又講，東華三院學校好多都會冠人名，呢間應該都唔例外，唔知將來會叫乜名呢？

不論係鍾意沽名釣譽，又自我感覺良好，又或者真心做善事既人，都可以趁此機會爭取學校命名權。

作者: chiu_bea 時間: 19-1-14 21:13

se6b03 發表於 19-1-14 18:11
講開又講，東華三院學校好多都會冠人名，呢間應該都唔例外，唔知將來會叫乜名呢？不論係鍾意沽名釣譽，又自 ...

東華的辦學是否較好，因為大機構。。

作者: hkpapa852 時間: 19-1-15 09:06

chiu_bea 發表於 19-1-14 21:13
東華的辦學是否較好，因為大機構。。

從來沒有事情可一概而論, 大既辦學團體, 如政府, 聖公會, 保良局, 東華三院, 都係有出產名校和寶校

作者: wccfgoldcard 時間: 19-1-15 11:58

新校 + 東華三院 + 水泉澳, 寶校 feel

作者: hohoho888 時間: 19-1-15 12:06

巴西籍嘅足球教練
<-- 唔知點解見到呢句我諗起盧比度叔叔..

作者: 哈哈爸爸 時間: 19-1-15 12:39

hohoho888 發表於 19-1-15 12:06
巴西籍嘅足球教練

聽人講，真係鬼佬/仔教PE......

作者: hohoho888 時間: 19-1-15 12:58

哈哈爸爸發表於 19-1-15 12:39
聽人講，真係鬼佬/仔教PE......

籃球有無美籍教練?

足球唔奇, 而家出面好多足球學校有鬼, 去埋學校多條水路

作者: chiu_bea 時間: 19-1-16 18:22

呢間今年得番98個位，有67個位比自行食左，新校嚟講都算不錯

作者: Diversifyedu 時間: 19-1-16 21:23

chiu_bea 發表於 19-1-16 18:22
呢間今年得番98個位，有67個位比自行食左，新校嚟講都算不錯

應該係水泉澳居民啲弟妹用咗自行位，同好唔好無乜關係。

作者: Toby_yellow 時間: 19-1-16 22:04

個教學理念聽落好吸引，但唔知實際會係點

作者: applelove 時間: 19-1-16 22:42

se6b03 發表於 19-1-14 18:01
但係佢小四小五都各只有一班，假設將來用pre-s1去決定小一師弟嘅banding，但無理由只由一班學生嘅成績去決 ...

簡介會校長真係咁講，佢話有危亦有機，如果可以train到呢20人一半達到band one grade, 已經有50% band one率。但係真係吾知呢班插班生的質素如何？前奏聽到係話係政府強制學校一定要開班收呢兩班學生，如果吾係佢地會冇書讀... 我推測應該是剛來港的新移民子女？

作者: se6b03 時間: 19-1-17 10:07

applelove 發表於 19-1-16 22:42
簡介會校長真係咁講，佢話有危亦有機，如果可以train到呢20人一半達到band one grade, 已經有50% band one ...

Pre-S1係隔年雙數年取樣，即係呢班小五到明年小六升中一時會考第一次Pre-S1。最直接受惠可能會係之後果屆即現時果班小四，但到呢班小四升到小六後就剛好係單數年份，不用取樣。除非呢幾年學校會繼續收小二小三插班生。而插班生數目一直增加，咁樣個取樣比例先會較為合理。否則現時呢班小五既Pre-S1成續好難留返比隔咁多屆之後既小一師弟使用。

作者: SmallTinBaby 時間: 19-1-17 10:08

回覆 Diversifyedu 的帖子

水泉澳差不多係全香港最大型的新移民屋村。
想知屋民質素，一定要實地視察，SUGGEST唔好放假去,因為佢地會反曬大陸。
咁大家就睇唔到真實一面了。

水泉澳小學，差不多都係比個條村啲小朋友讀的了，你們想一想，個條村有成18-19座樓。

培育領袖的VISION太遠了，入學小朋友只得6歲，做家長嘅，還是實實際際地想要小朋友做一個
品格良好，對事物懷着愛與感恩之心面對將來。

他日有機會都能把「善」帶出，這也是一種領光芒。

作者: se6b03 時間: 19-1-17 10:20

SmallTinBaby 發表於 19-1-17 10:08
回覆 Diversifyedu 的帖子

水泉澳差不多係全香港最大型的新移民屋村。

水泉澳同安達臣發展區既情況好類似，又係密集式公屋群，又係先入伙後才有學校，但安達果邊好d，2019年9月已開始有新學校。

作者: Diversifyedu 時間: 19-1-17 10:30

回覆 SmallTinBaby 的帖子

同意, 所以最大優點應該係夠近, 同教學水平/教育方向關係不大.

作者: SmallTinBaby 時間: 19-1-17 10:46

現在是要找一間合適的小學而不是理想的小學，所以我認同要近，因為香港教育係有STANDARD，小學與小學之間差異不大，不同的是小朋友嘅培養。

我們可以做嘅係培養小朋友喜歡的事而去發展他們的將來。
說到底,不是每個小朋友都適合讀書，但不讀書不代表將來不出色，不能做領袖。

最緊要心存善念。

各位媽媽，共勉之。
大家同坐這條船，希望大家都能找到合適小朋友的小學。
為來年2019-2020的小一生加油。

作者: mobpenpen 時間: 19-1-23 07:16

回覆 se6b03 的帖子

請問如果水小之後無其他年級既插班/開班。咁教育局會以咩準則評分由小一一直讀到小六升中既學生有幾多可入咩banding既學校？

另外，如果宜家既小五生考pre-S1成績唔好。咁佢宜家小四個班升中就會派得差？
但佢地得十幾廿十人，而又係新校，會唔會有唔同既準則派學位？

作者: chiu_bea 時間: 19-4-15 20:57

今年都有唔少人報~

作者: areyouangry 時間: 19-4-15 22:51

最憎啲話培養領袖嘅小學，一聽到就覺得反感⋯⋯個個做領袖指點江山，邊個做嘢？！

作者: vpo0615 時間: 19-4-16 14:04

areyouangry 發表於 19-4-15 22:51
最憎啲話培養領袖嘅小學，一聽到就覺得反感⋯⋯個個做領袖指點江山，邊個做嘢？！
...

咁你又唔使咁angry嘅.....

作者: chiu_bea 時間: 19-6-12 18:03

今年放乙3做保險線都好似派唔到。

歡迎光臨教育王國 (/)