教育王國
標題: 阿女2019年1月插班讀pn，越喊越緊要，晚晚發夢話唔返學 [打印本頁]
作者: Onegai 時間: 19-1-11 13:30 標題: 阿女2019年1月插班讀pn，越喊越緊要，晚晚發夢話唔返學
阿女自返學後，每日都會同我講no school，情況仲每況愈下，早上一睜開眼，就話no school，扭到下晝送到學校要拜拜仍然喊⋯放學我見到佢仲係喊樣喺課室等接。因為佢係插班，所以冇適應期，我可以做嘅就係同佢睇校內派嘅書本同多d同佢講老師讚佢丶其他小朋友都鐘意佢，但仍然效果不彰。想問有冇媽媽有同樣經驗可以分享下？謝謝！
作者: sailormercury 時間: 19-1-11 13:43 標題: 回覆樓主：
本帖最後由 sailormercury 於 19-1-11 13:44 編輯
是否小朋友想 no school 因為唔捨得媽媽？試下你搵幾日一早就離開屋企（話今個星期有事要出街），等一些無咁熟的人（eg 工人、公公等）帶她上學，可能她會無咁唔捨得，咁就唔會喊咁多。慢慢就習慣。親身經驗。
作者: Onegai 時間: 19-1-11 14:44
本帖最後由 Onegai 於 19-1-11 15:01 編輯
回覆 sailormercury 的帖子
我暫時冇請姐姐，四大長老亦各有工作或唔喜歡湊小朋友，所以都比較難抽身，anyway thanks for your suggestion❤️
作者: yubaba 時間: 19-1-11 14:52 標題: 回覆樓主:
只是一個星期多D, 觀察多一排, 有D喊一兩個月添。我仔都係兩個幾三個月先無喊。可以問下老師佢上堂情況, 有D小朋友只是見到媽媽先喊。
作者: zukieem 時間: 19-1-11 14:53
Onegai 發表於 19-1-11 13:30 
阿女自返學後，每日都會同我講no school，情況仲每況愈下，早上一睜開眼，就話no school，扭到下晝送到學校 ...
作者: Pudding00 時間: 19-1-11 14:58 標題: 回覆樓主
我小朋友啱開始返PN都有呢個狀況 試過發開口夢 都係講 no school 我都同老師反映 老師就話冇事嘅 老師當時點解釋我已經唔記得佐 不過等小朋友適應佐之後就唔會再咁樣嘅啦 媽媽可以再觀察下 無須太擔心
作者: Onegai 時間: 19-1-11 15:01
多謝媽媽們呀。
作者: Onegai 時間: 19-1-11 15:08
最難受係同學校園長諮詢阿女咁嘅情況之後得到嘅回應，言談間係認為家長唔夠識培育出一個獨立嘅小朋友，同埋話雙職父母交託俾姐姐湊嘅小朋友比較容易適應新環境，我同阿女親子關係太close etc...
作者: 已刪除用戶 時間: 19-1-11 15:18
Onegai 發表於 19-1-11 15:08
最難受係同學校園長諮詢阿女咁嘅情況之後得到嘅回應，言談間係認為家長唔夠識培育出一個獨立嘅小朋友，同埋 ...
唔好懷疑自己同小朋友，親子關係close有咩錯，兩歲人仔又想佢有幾獨立。每一個小朋友都唔會，你插班即是細b，剛兩歲，要同媽媽分開喊好正常。多d同佢講放學媽咪就接你，可以問下老師上堂既流程，比如會唱goodbye song既就話唱完歌接佢，咁具體d佢就比較易接受。唔同小朋友唔同，我女好為食，我每日放學就問佢老師請佢食咩，同佢講你就好啦可以返學，老師又請你食野，返學前就叫佢估下老師今日唔知會請你食咩呢，媽咪因為大個，無咁大件校服，所以無得返學，你要幫媽咪食埋呀！咁佢就明我唔可以同佢返學。我小朋友大約一星期後就唔喊，兩星期後返學好開心，宜家放假會喊
作者: 超能爸爸 時間: 19-1-11 15:27
唔好懷疑自己同小朋友得嗰2歲人仔要自己上堂係會唔習慣
平時多少少練習下分離或者有幫助
同埋畀多啲信心佢 話媽媽一陣一定會嚟接返佢
好似上面啲家長講 畀多少少時間
一定沒問題的 加油
作者: Onegai 時間: 19-1-11 15:32
回覆 藍尾巴 的帖子
之前特意辭職湊女，就係想令阿女更加健康快樂地成長，聽到某d意見，令我質疑自己係咪做錯咗，多謝你句唔好懷疑自己同個女，的確兩歳仍然未夠大去面對分離。等我又試下呢d幽默說法，多謝你！
作者: Luikm 時間: 19-1-11 15:32
Onegai 發表於 19-1-11 13:30
阿女自返學後，每日都會同我講no school，情況仲每況愈下，早上一睜開眼，就話no school，扭到下晝送到學校 ...
不用擔心！我女女是7月尾BB，返學時也是2歲多DD，佢都喊左2個月，比D時間佢，當佢同老師建立了安全感，熟悉了學校環境及上學模式就會自然ok!
作者: Onegai 時間: 19-1-11 15:40
多謝大家呀
作者: 已刪除用戶 時間: 19-1-11 15:50
Onegai 發表於 19-1-11 15:40
多謝大家呀
放寛心，小朋友成長不是一步到位，當你見到佢又死唔入學校，返學喊到放學，變成入去喊一陣收聲，放學笑住出黎，慢慢返學都唔喊，可能就輪到你喊啦 
作者: Onegai 時間: 19-1-11 16:06
本帖最後由 Onegai 於 19-1-11 16:07 編輯
回覆 藍尾巴 的帖子
哈哈，的確到時又到媽媽失落
作者: celialeungcelia 時間: 19-1-11 17:14
不用擔心. 1月開始返. 都只係11 日.
我仔仔. 9 月開學到而家. 喊足4 個月. 冇野既. 冇野既.
作者: nixphoenix 時間: 19-1-11 17:33 標題: 回覆樓主
小朋友2.5歲後嘅separation anxiety 先會減輕啲
小朋友兩歲返學喊好正常
就係因為喊先代表小朋友同媽媽嘅attachment built up得好
作者: mjfan 時間: 19-1-11 18:02
試下同佢睇關於番學既繪本，同佢解釋番學係咩一回事，做下心埋準備
作者: Onegai 時間: 19-1-11 22:58
其實可以做嘅預備工夫都做咗，但佢仍然係好抗拒返學，今日放學攰到瞓咗，瞓醒又再話唔去返學，由六點講到宜家。
作者: Onegai 時間: 19-1-11 23:01
回覆 celialeungcelia 的帖子
我聽過有人話喊足一年⋯⋯所以都好擔心。不過你小朋友放學前後有冇喊？
作者: 已刪除用戶 時間: 19-1-11 23:08
Onegai 發表於 19-1-11 22:58
其實可以做嘅預備工夫都做咗，但佢仍然係好抗拒返學，今日放學攰到瞓咗，瞓醒又再話唔去返學，由六點講到宜 ...
試下問下佢做咩唔想返學，你返學係咪有老師同你唱歌，玩？咁點解你喊呀？係咪掛住媽咪呀？媽咪都好掛住你嫁，所以你返學玩緊既時候，媽咪就去買餸煮好味味等你放學囉。
我女果時都會話唔要返學，見到校服就開始喊，話唔要返學，同佢傾計佢講到因為掛住媽咪（即係返學好開心，只係掛住媽咪）同佢講你好愛佢都好掛住佢，可減低不安。又可以講下佢見你唔到時你會做咩，都可以減少佢既疑問。
因為佢好鍾意睇 謝謝你來當我的寶貝 入面有一頁講心跳，我教佢掛住媽咪時可以摸心口，摸到心跳即媽咪都好掛住你。佢咁細，好多野唔識表達，最直接就係喊，要比佢知除左喊原來仲有其他方法
作者: wcm991101 時間: 19-1-12 13:58
Onegai 發表於 19-1-11 13:30
阿女自返學後，每日都會同我講no school，情況仲每況愈下，早上一睜開眼，就話no school，扭到下晝送到學校 ...
本帖最後由 wcm991101 於 19-1-12 14:00 編輯
你一放佢入去就唔好望佢，一定要夠忍心，因為佢知哭可以令你心軟，就會用哭既方式回應你，2歲半左右先會減輕分離焦慮，如果有人湊，建議k1先返學，如果冇人湊就真係一定要狠心
我大女2歲就返學8月b,有適應期都哭足3個月先唔哭，到你小朋友哭足3個月扣埋新年假都就k1,如果諗住原校升讀既，我會留繼續狠心，如果唔原校升讀我覺得可以等到k先返學或者做超大b，因為到時你如轉校又要重新再適應，岩岩適應完又轉校又係搵來攪
作者: arigackt 時間: 19-1-12 18:23 標題: 回覆樓主
我女啱開學時都係勁喊， 一見到校服就開始喊。 狂喊左一個星期。 後來一次返學前同佢講：唔駛驚架，媽媽係出面等你， 你係學校玩完就一齊返屋企。 我女聽到呢句後不斷唸住媽媽喺出面等你⋯好似解開左佢心結咁， 返學冇再喊了。
作者: celialeungcelia 時間: 19-1-14 15:29
回覆 Onegai 的帖子
冇架. 日日放學. 好開心架. 笑住出黎.
所以. . 只係小朋友唔想同媽咪分離.
我有問我仔仔. 不如我地轉. 只有姐姐帶會唔會好d(唔洗同我講bye bye呀)
我仔自己話.唔好. 我想媽咪帶. 我唔會喊. (跟住lee 個星期真係冇喊呀)
我同佢傾, 叫佢諗個計仔比我. 又好似work wo. you can try
作者: analiza 時間: 19-1-22 15:05
Onegai 發表於 19-1-11 15:32
回覆 藍尾巴 的帖子
之前特意辭職湊女，就係想令阿女更加健康快樂地成長，聽到某d意見，令我質疑自己係咪 ...
唔好懐疑自己，你辭工陪佢成長係最好的決定。小朋友喜歡自己自然會咁既反應，但我地都要相信小朋友適應力好強，佢會好多投入學校生活
作者: ceciduck 時間: 19-1-22 15:48
我囡係細B 11月先開始返學,喊咗個多月先冇喊,頭一個月我都好質疑自己o既決定好想退學,奈何我要返工又有屋企問題所以冇得唔返PN,有諗過轉學校但又要再花時間適應我怕情況會更惡劣,唯一可以做o既係買咗好多返學繪本同佢睇,你可以參考下,有"魔法親親","掌心的秘密","媽媽上班的時候會想我嗎",全部都係講小朋友返學時唔捨得媽媽的,到依家我出門口都會比個魔法親親阿囡的
另外學校方面都有傾過,老師話佢哋啱啱得兩歲其實真係細,喊好正常,最重要係要信老師同埋留意返媽媽自己個態度,要比小朋友知道係媽媽要佢返學,因為如果媽媽自己唔夠堅定小朋友會感受到,我聽完後試咗調節自己唔好覺得佢好慘先,出門口前嚴肅d同佢媽媽要佢返學,咁之後又好似真係好D
不過老實說如果我唔駛返工,我唔會比佢讀PN,其實PN真係冇乜特別野學
我個囡依家雖然冇喊但日日都話唔想返學,我諗佢未太識同小朋友玩所以都唔會話好enjoy返學
況且你小朋友呢一刻如果有K1 offer應該已經唔須要靠PN留位,如果未有offer又可以考慮做超大,教育署都建議小朋友2歲8個月先入學,難得你可以享受同小朋友一齊o既時光咁不如盡情享受咗先la......
作者: yeeling0101 時間: 19-1-22 17:58
本帖最後由 yeeling0101 於 19-1-22 18:09 編輯
其實小朋友初初返學喊好正常，唔洗太緊張。樓上媽媽都提左好多好好方法，我就唔重覆啦。
我有少少補充係家長態度都好重要。我女初初2歲半返pn，我每日會問佢今日開唔開心？今日玩左咩等等，我會避免問佢今日有無喊？避免將一啲負面詞語同返學聯埋。想知有無喊個啲我會直接問老師。
好彩地我女由返學第一日到依加返左1個學期都無喊，呢期停課都話要返學。
同埋，其實園長說話唔洗諗到咁負面，佢只係見到小朋友有問題，提出見解。佢講嘅小朋友獨立性，又真係好多家長怱略左。反而我覺得當一個提醒review 一下有無地方可以做好啲。會唔會一湊一加新手，又真係忽略左啲野？？正面啲，唔係你做得唔好，係睇下點樣做得更好，更fit小朋友需要至於讀唔讀pn, 我覺得有需要。小朋友係細b, 如果有pn係手，一定俾佢讀有得直升k1. 如有其他熱門心水，再考or repeat k1. 有啲幾千人報名嘅大熱，都唔係一定收超大b. 有n收，跟唔上，老師自然會叫你走，跟得上又點解唔讀。
作者: shuikwan 時間: 19-1-23 12:46 標題: 回覆樓主
我地細B12月男仔.... 都係啱啱一月先開學.... 第一日上堂一到門口5分鐘後先至喊，開頭仲以為佢咁叻仔咁獨立，點知嗰日有兩個鐘都係我陪佢上堂！到第二日我哋送到佢去學校門口就即走！喺個窗度偷望佢，見佢攬住其中一個老師好實! 老師比好大信心我地叫我地一定要放手唔好望返轉頭! 點知到第二個星期開始佢返到學校都喊唔過5分鐘就停啦！今個星期淨係喊咗1分鐘咋! 但係朝頭早起身果下都會有少少喊，唔肯着校服，自己除返對襪! 始終冇適應週我相信係差啲啲，不過我哋要比信心細B佢哋其實都可以渡過，爭在時間問題！
作者: ceciduck 時間: 19-1-24 17:27
咁啱見到呢個媽媽分享,建議咗好多好正面o既方法,借分享:)
http://www.stcatherines.edu.hk/wp-content/uploads/2018/09/Article04_%E5%A6%82%E4%BD%95%E6%AD%A3%E9%9D%A2%E8%99%95%E7%90%86%E5%B0%8F%E6%9C%8B%E5%8F%8B%E5%88%86%E9%9B%A2%E7%84%A6%E6%85%AE%E6%AC%A0%E5%AE%B6%E9%95%B7%E5%90%8D.pdf
| 歡迎光臨 教育王國 (/) |
Powered by Discuz! X1.5 |