教育王國

標題: 資優兒童在bb時有甚麼特質? [打印本頁]

作者: Iloveu520    時間: 19-1-6 14:59     標題: 資優兒童在bb時有甚麼特質?

大家回想返自己既資優小朋友係bb時期(2歲前)係咪已經覺得佢好與別不同?

作者: 小曳人    時間: 19-1-6 16:58

本帖最後由 小曳人 於 19-1-6 17:01 編輯

個腦唔停得,好難入睡 (一歲前好長時間係喊住入睡)
對氣味、味覺、觸覺敏感,絕對係"你的敏感我都懂"所形容嘅敏感兒!
空間感好好,認字超強,記性好,自通phonics (無錯,2歲前),對大自然感興趣,係小小探險家,能夠自己獨立玩蒙特梭利教具,專注力強對pattern有感覺,玩積木時會砌出唔同pattern
脾氣算大 (同非資優弟弟比較),好多投訴,特別係兩歲前語言未表達到之前



長大後,呢個麻煩人評估後,係highly gifted








作者: 晴晴浩浩    時間: 19-1-6 22:38

小曳人 發表於 19-1-6 16:58
個腦唔停得,好難入睡 (一歲前好長時間係喊住入睡)
對氣味、味覺、觸覺敏感,絕對係"你的敏感我都懂"所形容 ...

好奇一問,陀BB時有冇胎教?

作者: 小曳人    時間: 19-1-7 07:18

晴晴浩浩 發表於 19-1-6 22:38
好奇一問,陀BB時有冇胎教?
我有睇七田真,無跟足做,有食卵磷脂,唔飲牛奶
作者: Happy-car    時間: 19-1-8 18:26

一歲前已可自己玩玩具45分鐘至1小時,一歲半識認曬A-Z,識數1-100,兩歲自學將24小時制(國際時間)換轉成12小時制,可以自己讀出簡單英文書句子。
陀bb時冇胎敎,不過係全母乳至兩歲。
作者: Peace1234    時間: 19-1-10 09:41

回覆 小曳人 的帖子

我囡都有啲你講的特質, 在私人機構做過一個全面評估, 話佢專注力, 大肌肉, 社交同情緒都有問題, 其中社交同情緒(焦慮)係我最膽心的部份, 請問怎樣可以知道她是否資優呢, CP話6歲後先有test 做到.


個腦唔停得,好難入睡 (一歲前好長時間係喊住入睡) --->
我囡也是很難入睡的
對氣味、味覺、觸覺敏感,絕對係"你的敏感我都懂"所形容嘅敏感兒!--->
她也是對感覺很敏感的, 她分得出紅椒同黃椒唔同味, 對食物不感興趣, 喜歡的會很肉緊抱抱, 喜歡嗅手指公, 試過好大力攞住英文老師隻手 (外籍男老師)好肉緊咁嗅,r嚇親人..., 喜歡玩自行性器官(呢個我好膽心, 醫生已寫紙排緊醫院心理科), 打風見到啲樹倒下會喊, 又驚舅父去咗天堂反唔到屋企, 我同佢瞓佢要我望實佢, 情感總之就好敏感


空間感好好,認字超強,記性好,自通phonics (無錯,2歲前),對大自然感興趣,係小小探險家,能夠自己獨立玩蒙特梭利教具,專注力強對pattern有感覺,玩積木時會砌出唔同pattern
脾氣算大 (同非資優弟弟比較),好多投訴,特別係兩歲前語言未表達到之前---> 她很喜歡畫畫, 觀察力很強, 畫人時會畫埋口罩眼鏡等, 魚會有魚鱗, 2歲多可以在反方向畫人像方便坐對面的我看


另外她說話和理解能力也很好, 我大肚同佢講一次就以後不再扭抱, 凡事一定要同佢講清楚原因, 攞輯思維同反應也很好, 例如她會話: 太大聲會嘈到樓上樓下, 曲線叫我唔好罵她; 叫佢食飯唔好唔郁來郁去, 咁佢會話咁郁來郁去就可以唔使食飯啦, 如果佢唔鐘意既人問佢叫咩名, 佢會秒答爸爸的名字當係自己個名唔比人知 (呢啲都係2歲多時發生的)


可是佢社交差, 不跟同齡的小朋友玩, 每次都藉口話唔記得咗, 上落樓梯一定要扶住嘢 (唔知係因為佢焦慮所以做唔到, 定係因為體力上唔得(因為她很細小的, 常病, 一直不達生長線). 近期她多了一個幻想的朋友, 常與她在一起, 不論在公園, 在家, 搭地鐵定影家庭照也會給她留位置, 真的很膽心, 一些社工都覺得她是資優, 叫我排到CAC時可以驗埋, 但你知道CAC有得驗嗎? 或是應該等到6歲呢? 對不起, 內容很長

作者: 小曳人    時間: 19-1-10 13:30

回覆 Peace1234 的帖子

我唔清楚CAC嘅服務,但就咁睇,佢可能唔係太夠安全感 (要小心處理細b問題)
至於鍾意聞野,我覺得係佢探索嘅一種方法,佢用夠呢個方法就唔會再咁做,但亦聽過有d故事係成世日都好鍾意用嗅覺

其實,咁細個小朋友,有無限可能,唔需要著眼响一d term上面 (資優or not)
只要記住:每個小朋友都獨一無二,佢地唔一定要同大部份人思想一致,但最基本係要做到尊重呢d差異

對於家有敏感兒嘅家長,建議睇一睇呢本書:你的敏感我都懂
你就會知道要點接受佢地,包容佢地 (而唔係去改變佢地)

作者: Peace1234    時間: 19-1-10 15:08

回覆 小曳人 的帖子

謝謝你啊, 我會借本書去看看, 好好處理她的社交和焦慮問題~
作者: Activehealth    時間: 19-1-10 21:24

Peace1234 發表於 19-1-10 09:41
回覆 小曳人 的帖子

我囡都有啲你講的特質, 在私人機構做過一個全面評估, 話佢專注力, 大肌肉, 社交同情緒 ...

本帖最後由 Activehealth 於 19-1-10 21:53 編輯

我個仔highly gifted, 細個時都有個想像中的朋友仔陪佢(佢細時成日同我講,但大咗又無再提)。佢細個成日淨同果個朋友玩,唔鍾意理其他人,佢有由細做社交訓練,仲有心理學家跟進,全部私家。

阿仔細時成日睇英國BBC卡通片”Charlie & Lola” (YouTube 大把). Lola 都有個想像中朋友仔Soren Lorenson, 成日喺套卡通出現。唔知係咪佢睇得多,自己都幻想有個咁嘅朋友。

同英國男醫生朋友(在港執業)傾開,佢話佢自己由細到大都有個幻想嘅朋友仔,佢唔開心時依家仍然會同佢單獨傾偈。喺佢地英國文化,差唔多每個小孩都有個幻想嘅朋友仔,無人會覺得有問題。

唔怪得連英國BBC卡通片都有咁嘅題材啦!


作者: cherrybaby21    時間: 19-1-10 21:40

小曳人 發表於 19-1-6 16:58
個腦唔停得,好難入睡 (一歲前好長時間係喊住入睡)
對氣味、味覺、觸覺敏感,絕對係"你的敏感我都懂"所形容 ...

我女除左要瞓好多同瞓好耐,其他特質同你小朋友差不多,3歳可以讀到一封d字幾深既英文信,當然唔明白內容~

作者: Peace1234    時間: 19-1-11 10:36

Activehealth 發表於 19-1-10 21:24
本帖最後由 Activehealth 於 19-1-10 21:53 編輯

我個仔highly gifted, 細個時都有個想像中的朋友仔陪 ...

我個囡就係咁,但我囡有焦慮,個CP叫我唔好否定佢個幻想朋友仔,但社工就叫我一定要否定佢,等佢返嚟現實,當囡一提起佢個朋友仔(例如話佢朋友仔想爬高攞張相,咁我哋就要同囡講返無呢個人,其實係佢自己想攞張相啫),我都唔識點做好,呢個係我而家每日都面對緊嘅問題,怕做錯會更加影響佢情緒。。

作者: 小曳人    時間: 19-1-11 12:32

回覆 Peace1234 的帖子

得罪講句:社工其實對兒童心理學嘅認識好有限
睇過編文章,話佢地嘅training 原本唔係做呢d野嘅....
輔導本身都而另外讀

作者: Activehealth    時間: 19-1-11 13:27

Peace1234 發表於 19-1-11 10:36
我個囡就係咁,但我囡有焦慮,個CP叫我唔好否定佢個幻想朋友仔,但社工就叫我一定要否定佢,等佢返嚟現實 ...

如果係我個女,我唔會否定佢個朋友仔,除非佢直情思覺失調,完全分唔到現實同幻想。反而有興趣知佢同朋友仔傾乜,因為咁係最反影佢內心世界。

好似我個仔咁,我揾CP跟進,又同時俾空間自由發展。佢依家喜歡同唔同年齡真實朋友交往,有事我兩母子亦可攞出嚟慢慢傾。如果一開始我就否定佢,有乜問題佢只係自己收收埋埋就大吉利是啦!

可以直接告訴社工CP睇法,有問題叫佢自己搵CP傾。

作者: Peace1234    時間: 19-1-11 13:31

小曳人 發表於 19-1-11 12:32
回覆 Peace1234 的帖子

得罪講句:社工其實對兒童心理學嘅認識好有限

佢係負責同我囡排到校服務和做遊戲治療的社工,因為我囡有焦慮,所以試吓遊戲治療幫唔幫到佢(未開始),我都對佢否定幻想朋友呢個講法有保留,所以只做佢講嘅一半,不否定幻想朋友,但又唔主動提起,佢提幻想朋友我就轉移話題,其實咁樣做都唔知啱唔啱。。。我都好迷網

作者: Peace1234    時間: 19-1-11 14:41

Activehealth 發表於 19-1-11 13:27
如果係我個女,我唔會否定佢個朋友仔,除非佢直情思覺失調,完全分唔到現實同幻想。反而有興趣知佢同朋友 ...

我有同社工講過C P睇法,但佢唔認同。我都係透過同囡傾計先知個幻想朋友係点黎嘅(同佢成日病有关) ,所以我都好心痛

作者: fadgare    時間: 19-1-11 22:36

Peace1234 發表於 19-1-11 10:36
我個囡就係咁,但我囡有焦慮,個CP叫我唔好否定佢個幻想朋友仔,但社工就叫我一定要否定佢,等佢返嚟現實 ...

令我諗起以前玩隻遊戲叫模擬市民, 裏面的小朋友都有機率擁有幻想朋友

https://en.wikipedia.org/wiki/Imaginary_friend

作者: fadgare    時間: 19-1-11 22:39

fadgare 發表於 19-1-11 22:36
令我諗起以前玩隻遊戲叫模擬市民, 裏面的小朋友都有機率擁有幻想朋友

https://en.wikipedia.org/wiki/Ima ...

https://www.supernanny.co.uk/AMP/Advice/-/Health-and-Development/-/4-to-13-years/The-magic-of-imaginary-friends.aspx

外國小孩似乎其實也常見

作者: 小曳人    時間: 19-1-12 16:13

Peace1234 發表於 19-1-11 13:31
佢係負責同我囡排到校服務和做遊戲治療的社工,因為我囡有焦慮,所以試吓遊戲治療幫唔幫到佢(未開始),我 ...
我個人覺得play therapy對孩子有短期作用
可以試

作者: Peace1234    時間: 19-1-14 08:23

fadgare 發表於 19-1-11 22:39
https://www.supernanny.co.uk/AMP/Advice/-/Health-and-Development/-/4-to-13-years/The-magic-of-imagi ...

謝謝你~  佢除咗社交和情緒問題外,其他能力都很好,如係你,會比佢讀happy school但学啲淺啲嘅嘢嗎? 我同事話佢屬於SEN学童,叫我幫佢揾d happy school, 多啲資源同关心,又少d功課~

作者: Peace1234    時間: 19-1-14 08:49

小曳人 發表於 19-1-12 16:13
我個人覺得play therapy對孩子有短期作用
可以試

我而家等緊社工安排做遊戲治療,話如果唔理想就轉沙盤治療。我囡除咗對和同齡小朋友玩不感興趣外就是焦慮問題,好多嘢都要事先同佢溝通好否則佢會不安,但佢学習完全無問題,理解同語文芸术能力都很好,我怕佢讀happy school會悶,如果係你會點揀呢?謝謝~

作者: fadgare    時間: 19-1-14 09:06

Peace1234 發表於 19-1-14 08:23
謝謝你~  佢除咗社交和情緒問題外,其他能力都很好,如係你,會比佢讀happy school但学啲淺啲嘅嘢嗎? 我同 ...

其實我不認同, 如果佢本身有能力應該畀佢讀 學術要求高的學校, 咁佢咪反而培養到自信, 成績好都自然有朋友, 不是嗎? 我不知道你小朋友情況如何, 我小朋友說話能力一般, 社交ok但他不是特別合群, 但佢學術好好所以我都諗住畀佢讀學術強的學校, 當然最後都要睇下你有咩選擇.

作者: fadgare    時間: 19-1-14 09:08

fadgare 發表於 19-1-14 09:06
其實我不認同, 如果佢本身有能力應該畀佢讀 學術要求高的學校, 咁佢咪反而培養到自信, 成績好都自然有朋友 ...

其實都有啲學校學術強之餘又對資優小朋友比較包容和多support的, 例如: sfa

作者: fadgare    時間: 19-1-14 09:09

Peace1234 發表於 19-1-10 09:41
回覆 小曳人 的帖子

我囡都有啲你講的特質, 在私人機構做過一個全面評估, 話佢專注力, 大肌肉, 社交同情緒 ...

學前智能測試6歲前都有得做的, 例如中大, 不過多數話六歲後做比較準確因為小朋友可以比較長時間專心

作者: 小曳人    時間: 19-1-14 09:35

Peace1234 發表於 19-1-14 08:49
我而家等緊社工安排做遊戲治療,話如果唔理想就轉沙盤治療。我囡除咗對和同齡小朋友玩不感興趣外就是焦慮 ...
我都覺得讀happy school 會悶,但去到一個點,其實讀傳統小學都悶,一樣係無野學
初小,我會建議多d體驗性嘅學習,e.g. 去完太空館就搵天文書睇
吸收課程外知識,去餵愛學習嘅腦袋


作者: Peace1234    時間: 19-1-14 13:52

fadgare 發表於 19-1-14 09:06
其實我不認同, 如果佢本身有能力應該畀佢讀 學術要求高的學校, 咁佢咪反而培養到自信, 成績好都自然有朋友 ...

明白,謝謝你的建議~

作者: Peace1234    時間: 19-1-14 13:53

fadgare 發表於 19-1-14 09:08
其實都有啲學校學術強之餘又對資優小朋友比較包容和多support的, 例如: sfa
...

我都有諗過讀直資,但負擔好重

作者: Peace1234    時間: 19-1-14 13:54

fadgare 發表於 19-1-14 09:09
學前智能測試6歲前都有得做的, 例如中大, 不過多數話六歲後做比較準確因為小朋友可以比較長時間專心
...

謝謝你,請問你知道大約幾$嗎?

作者: Peace1234    時間: 19-1-14 13:55

小曳人 發表於 19-1-14 09:35
我都覺得讀happy school 會悶,但去到一個點,其實讀傳統小學都悶,一樣係無野學
初小,我會建議多d體驗性 ...

謝謝你的建議,會努力~

作者: fadgare    時間: 19-1-14 14:47

Peace1234 發表於 19-1-14 13:54
謝謝你,請問你知道大約幾$嗎?

5600

作者: fadgare    時間: 19-1-14 14:48

Peace1234 發表於 19-1-14 13:53
我都有諗過讀直資,但負擔好重

陳守仁平些, 他們喜歡收學術好的小孩

作者: Peace1234    時間: 19-1-14 16:38

fadgare 發表於 19-1-14 14:48
陳守仁平些, 他們喜歡收學術好的小孩

謝謝你啊~

作者: queeniewingchow    時間: 19-1-18 13:47     標題: 回覆樓主:

小兒都係就讀陳守仁嘅學生,學校係比津校教得活d嘅,個個小朋友都返得好開心,老師包容度高嘅,但係小兒除左小一上學期之外,年年都叫悶,返學為同同學仔玩,因為上堂教嘅野不能滿足到佢(雖然英文比一般津校教得活同深),但放學就多左時間睇自己有興趣嘅書籍,因為學校唔多功課,少抄寫,所以唔好以為入左就一定能夠滿足到小朋友,解決晒學習上嘅問題,不過一定讀得好開心嘅(emoji)

作者: dldldldldl    時間: 19-1-19 01:19

小曳人 發表於 19-1-6 16:58
個腦唔停得,好難入睡 (一歲前好長時間係喊住入睡)
對氣味、味覺、觸覺敏感,絕對係"你的敏感我都懂"所形容 ...

本帖最後由 dldldldldl 於 19-1-19 01:30 編輯

本帖最後由 dldldldldl 於 19-1-19 01:27 編輯

我個仔有d似係咁,不過佢得三歲。今朝我發現佢砌lego(佢鐘意玩細粒個d lego)佢砌d野係對稱/係有pattern兩至三種唔同色循環砌。同埋佢最鐘意睇平面圖/路線圖/逃生圖,五官非常敏感,尤其味覺,記性好好,佢就算好攰都唔想訓,好早已經識講野同用完整句字講野,但自理能力極差,脾氣愈大愈差,極有主見(每樣事),一日到黑都要同佢辨論或諗辦法說服佢。有時唔鐘意,佢會忍唔住打人,我都唔知駛唔駛尋救專業指導,應付佢真係好攰無論精神同禮力上。


作者: BCDJP    時間: 19-2-8 21:39

Peace1234 發表於 19-1-14 08:49
我而家等緊社工安排做遊戲治療,話如果唔理想就轉沙盤治療。我囡除咗對和同齡小朋友玩不感興趣外就是焦慮 ...

小兒同樣資優加焦慮, 都吾知什麼類型學校好

作者: Ocean419    時間: 19-3-17 23:13     標題: 回覆樓主

7歲囡未做過資優test 所以不知是否資優,但BB年代1.5歳已好肯定能認讀超過100個英文生字,3歲時朋友給了k幼稚園字咭一套有50個詞語和簡單重組句子一晚學曬,隔2天仲全部記得冇誤。k2時學校教10以內加數自己識得掉轉諗減數,切生日蛋糕4份話每人食1/4佢就話即係同2/8一樣。自bb年代便十方安靜及不活躍,情緒容易緊張見到陌生人會哭,就算而家都會緊張不説話想避開眼神接觸。仲有記憶力驚人,仲記得某年的幾月幾日約了一班PN 同學仔聚舊,k1同學仔生日party 的details。讀左一年小學,上學期有少少被欺零情況,隨住年齡漸長感覺佢社交能力逐漸提升亦多左為自己發言,so far so good

作者: 小菜豆    時間: 19-5-14 09:39

回覆 Peace1234 的帖子

我仔都係有社交問題,
有焦慮, 等緊轉介CAC評估
佢而家N班讀美式HAPPY SCHOOL,
上課模式以玩遊戲及學習社交為主,
老師話佢唔專注及DAY DREAM,
佢應該覺得無聊所以唔專心,所以HAPPY SCHOOL未必迎合妳女兒學習興趣。
不過HAPPY SCHOOL的老師確實比較有愛心及包容,
他們都很愛護小兒。






歡迎光臨 教育王國 (/) Powered by Discuz! X1.5