教育王國

標題: 2018/19英藝n,有無將入讀/讀過既交流一下，謝 [打印本頁]

作者: Camilksky 時間: 18-12-20 19:55 標題: 2018/19英藝n,有無將入讀/讀過既交流一下，謝

本帖最後由 Camilksky 於 18-12-21 17:41 編輯

小女今年入n班，大家有無心得分享下？

作者: Camilksky 時間: 18-12-21 17:41

UP ^^

作者: sandra9102 時間: 18-12-21 18:56 標題: 回覆樓主

我小朋友讀過N班，返學開心，放學返來成日唱歌(emoji)

作者: 大波大 時間: 18-12-21 20:45 標題: 回覆樓主

我仔返過大埔英藝，幾好的，學識幾多野，由其係英文同數字，返得好開心，日日都喜歡返學

好易入到，細仔都吾洗waiting

作者: mschan66 時間: 18-12-26 02:03

n班預左學唔到咩野，學到當bonus，主要學自理能力，我小朋友讀果年就無幫手戒片啦！與家庭步伐不同，好難同步戒。
老師年年轉，睇下好不好彩，有其他班開學三四個月就轉了3次班主任。
普通話老師亦經常轉，調走去其他分校或離職的都有，有時無上普通話堂。
學校最強係返學時，門口企出來眾位外籍老師，連的士司機都咁講。
讀落就知道真相，傳聞無錯。
好商業化，從來不會講真實情況給家長知道，問學業就實話ok、幾好、唔錯… 回家自己問問就知係咪真係學識。

作者: Camilksky 時間: 18-12-26 19:29

mschan66 發表於 18-12-26 02:03
n班預左學唔到咩野，學到當bonus，主要學自理能力，我小朋友讀果年就無幫手戒片啦！與家庭步伐不同，好難同 ...

請問k班有無轉校？

作者: mschan66 時間: 18-12-26 22:13

無轉，用了2年時間去看清楚一切，加上有職員離職過料，搞清楚來龍去脈及証實一切疑慮。考直私，有些要交2年成績表，即k1 & k2，有些只需交1年k2。真係有學校問一位同學，為何k2要轉校…

作者: Camilksky 時間: 18-12-26 22:35

mschan66 發表於 18-12-26 22:13
無轉，用了2年時間去看清楚一切，加上有職員離職過料，搞清楚來龍去脈及証實一切疑慮。考直私，有些要交2年 ...

本帖最後由 Camilksky 於 18-12-26 22:36 編輯

多謝你寶貴回應！好難搵到人同我分享呢個學校！
請問除左行政，小朋友兩年學業方面有得著嗎？

兩年是K1&k2 ？轉校是重讀k2 還是k3?
最後成功考到心儀直資嗎？

作者: mschan66 時間: 18-12-26 23:21

回覆 Camilksky 的帖子

學到英語口語不錯，也靠小朋友天賦和興趣，因為有同學到k3係講不出完整英文句子的，但頗多同學也能對答。學業成績一般，我沒有谷中英文認字，所以考不到直資，考到幾間私校。有幾位同學都是直資waiting，1st round未聽見有直資offer。

沒有重讀呀，由N班一直讀上去。

作者: mschan66 時間: 18-12-26 23:23

相信York, SC, LH, KV都比它強。有舊老師說過York教的phonics是正宗phonics。

作者: yeetak4ever 時間: 18-12-30 23:37 標題: 回覆樓主

我覺得幾好，深但唔谷，小朋友學到幾多要睇個人資質，整體來說小朋友返學好開心。依家放緊聖誕假都話好掛住老師，幾時可以返學。中間轉過一次net老師，影響唔係太大。家長唔需要參與太多，我自己作為家長覺得比較輕鬆，但對一啲好想了解學校嘅家長來講可能唔係你杯茶。

作者: mschan66 時間: 19-1-1 03:05

開初都為了無需家長參與而鬆一口氣，啱晒我這種唔谷、當托兒所既家長(孩子越大，想法會變，加上嚴重比較文化，慢慢令人改變、追求)。學校的確唔谷，無谷過，教得深，無要求一定要識，要識既，多數由家長谷、家長教、補習。校內成績好既，Top 3，都係家長教，出面有補習等等。我小朋友果班，有2位同學，開學至今，每次默書，一個字都無默過，都無問題架！（最離譜既都未講)

有弟妹來讀的家長反映，本來名列前茅的畢業生，升小第一年成功食老本，試想想有何影響…

K3小朋友完全識講學校內所發生的事情，我小朋友說: "老師教我們，只會講一次，唔會問我們明唔明﹑識唔識，老師講完一次，我們就抄白板上的答案到功課簿的橫線上，就做完了"。這是現今的上課情況，仿如二﹑三十年前的小學填鴨式教法。

近2年，每年老師走了七至八成，一開學就面目全非，新請的是新畢業，舊的又老油條，每月例牌請病假。更有班主任一開學就講，教埋今年唔做！

每年班主任都揀人建議留班，不反抗的就乖乖留班，反抗的可以照升。

而且老師偏袒學生的情況好嚴重，你的小朋友好叻既，就會受到老師愛戴，經常被挑選答問題(全班只有三四位)，其他的積極舉手，但不得老師喜愛的，只能坐冷板凳。試想想，你希望你的小朋友在這種學習環境和氣氛之下生存嗎? 也真的有全班最叻的媽媽為此而沾沾自喜，因為壓倒性跑出。(因為我小朋友不是全班TOP 3，做父母的會明白)

作者: mschan66 時間: 19-1-1 03:25

n班只是好基礎，上年開始，K1/NC多了用校本課程，比我小朋友以前只用longman elect係深左好多，上課有聽書的都能看圖讀出，再深層次就要靠自己了，那才是見真章，這是班主任不會告訴家長的事實，到年尾誰有獎盃，實力高下立見。有獎盃的家長大多低調處理、不張揚，到時自行打聽。

作者: mschan66 時間: 19-1-2 03:40

有關偏袒情況，再舉一例。上年開始，連續2年，英藝主辦的英藝聯校英文朗誦比賽，只有英藝學生參與，每班只有幾位被班主任揀選參加，由教自己班的外籍老師培訓參加自家內部比賽，有參加的小朋友，每位都有獎（分冠亞季軍）。

根本校內好多人都不知道有這個比賽，無打算比無份參加的人知道，而受寵的top 3，一班只有3位，換言之，無份的人佔大多數，這是小眾活動，成件事收得密密實實。insiders vs outsiders? 反映出什麼？大部分小朋友，不被重視是事實，喺學校心目中，主角得幾位，其他只是閒角而已。一直以來覺得很黑暗，此例足以說明之。

作者: yeetak4ever 時間: 19-1-3 11:44 標題: 回覆樓主

原來有舉辦朗誦比賽，所有級別都有得參加嗎？成績Top3同呢類聯校比賽，對搵學校其實有冇幫助

作者: mschan66 時間: 19-1-3 14:51

Top 3 喺大抽獎派位結果唔好時，找學校幫忙，校長會打電話去區內津小幫手叩門。

至於朗誦比賽，只是校內小眾活動，不是公開具認受性的比賽，唔覺有用。知道K2 & K3有份參加 (因同自己有關)，無問到K1有無啊.

作者: mschan66 時間: 19-1-3 14:54

在讀家長可以唔理學校係點，唔關自己事，真的嗎？難道唔關自己小朋友事？小朋友係用家，每天身處其中，耳濡目染，難道真的可以獨善其身？

學校管理層採用的管理方式看似無關，但所引申出的校本文化，如何指引老師回應家長提問，教學指引，有事發生時如何處理，都與各位在讀小朋友有關。

有投訴時，校方只想息事寧人，處理手法是安撫和耍走家長，問題並沒有解決。

為免得罪家長，涉事的對方家長可能根本未獲校方通知，除了事情會重複發生外，對方小朋友亦錯過了改正的機會和時機，豈不是害了小孩子？

往後再分享實際例證。

作者: Camilksky 時間: 19-1-4 09:07

mschan66 發表於 19-1-3 14:54
在讀家長可以唔理學校係點，唔關自己事，真的嗎？難道唔關自己小朋友事？小朋友係用家，每天身處其中，耳濡 ...

除左行政好亂之外，你覺得老師有愛心嗎？
會出下力令家長放心嗎？

厚此薄彼現象好多學校都會出現，只係唔會做得太明顯！做家長當然希望老師會一視同仁，但表現出眾的小朋友一定會被留意及受寵！我暫時只聽到有幾間Happy school 做到既，私校真係唔知邊間！

作者: 新人物 時間: 19-1-4 09:52 標題: 回覆樓主

有幸係沙田讀過一年N班，怕左呢間學校⋯⋯

行政亂，校長又不知所謂！

作者: piglover 時間: 19-1-4 10:38

Camilksky 發表於 19-1-4 09:07
除左行政好亂之外，你覺得老師有愛心嗎？
會出下力令家長放心嗎？

我小朋友讀嘅私幼，小班教學，老師好有愛心。老師，校長，無教過我小朋友嘅老師，學校姨姨，可以認到所有學生，叫得出他地個名。感覺好好。

作者: mschan66 時間: 19-1-4 12:30

回覆 Camilksky 的帖子

n班的那一年算是有點愛心和耐心，其後未遇過。出口術，用說話令家長放心，只講好說話，報喜不報憂。老師們都說話小心，遊吓花園，或說唔清楚喎。這幾年都有老師因為講錯說話而被炒呢。

厚此薄彼，在幼稚園階段已咁出面，接受到就好了。到K2已經開始識講睇CCTV...

作者: piglover 時間: 19-1-4 12:38

mschan66 發表於 19-1-4 12:30
回覆 Camilksky 的帖子

n班的那一年算是有點愛心和耐心，其後未遇過。出口術，用說話令家長放心，只講好說 ...

你其實有無轉校??

Sorry，我一向都唔覺得英藝係好嘅幼稚園，有得選擇，我會讀其他。

英藝嘅學費，有更多私幼可以選擇。

作者: mschan66 時間: 19-1-4 15:18

回覆 piglover 的帖子

其實我由另一私幼轉入來的，會再轉走，轉完就可以再講多d。
謝謝你，同感。

因為考小一要交成績表，K1無走，就要K3考到就可以走。
考小一，學校一定要交k2成績表，有些什至要交埋k1。
所以有k1轉入來的同學也是為此而焗住讀。

作者: piglover 時間: 19-1-4 15:23

mschan66 發表於 19-1-4 15:18
回覆 piglover 的帖子

其實我由另一私幼轉入來的，會再轉走，轉完就可以再講多d。

唔知你住邊區，Joyful，奥基都係唔錯嘅學校，真係無必要讀英藝。 (emoji)(emoji)(emoji)

作者: 新人物 時間: 19-1-4 15:36 標題: 回覆樓主

我直頭同朋友講，除非無書讀，否則唔駛考慮呢間。

作者: piglover 時間: 19-1-4 16:18

新人物發表於 19-1-4 15:36
我直頭同朋友講，除非無書讀，否則唔駛考慮呢間。

英藝真係好多負面新聞。

其實，大把私幼選擇，無必要讀呢間。

作者: 新人物 時間: 19-1-4 16:32

piglover 發表於 19-1-4 16:18
英藝真係好多負面新聞。

其實，大把私幼選擇，無必要讀呢間。

當年我嬲到爆炸⋯⋯

作者: piglover 時間: 19-1-4 16:34

新人物發表於 19-1-4 16:32
當年我嬲到爆炸⋯⋯

咩事?? 願聞其詳。

作者: mschan66 時間: 19-1-4 16:58

回覆新人物的帖子

same here 洗耳恭聽

作者: 新人物 時間: 19-1-5 01:00 標題: 回覆樓主

N升K1時，學校話舊生優先取錄，只係叫家長星期六返黎交留位費，點知當日去到，學校話am已經full左，得返pm，原來當日係新舊生同一時間交留位費，點知其中一個舊生家長話，佢朋友今年先報名，今朝交留位費都係am offer，當我地向學校質問時，校長話會開多班am解決呢個問題，仲否認有新生獲派am offer，但有經常接送小朋友的家長透露，其實課室已經用盡，無可能會再開多一班，呢個時候校長叫主任應酬我地，竟然自己入返學校⋯⋯

作者: mschan66 時間: 19-1-5 18:29

回覆新人物的帖子

完全認同，見微知著!

見識到行政混亂，還有根本唔當係家長係一回事，耍走你先，

除非大班家長群起反映，否則，

佢地會認為犠牲你一個係無問題架! 恭喜你咁早睇到又及時離開。

作者: 新人物 時間: 19-1-5 22:17

mschan66 發表於 19-1-5 18:29
回覆新人物的帖子

完全認同，見微知著!

另外有d繼續升上K1既家長反映，學期中走左個Net，之後黎果個無2個月又走，最後學校竟然無同家長交代，只係同隔離班share一個老師就算。

作者: bluehoi 時間: 19-1-6 14:00

真心唔掂，有D同學仔都退左學，gp內有媽媽講小朋友返學係睇youtube,老師玩電話，開學到依家，從來冇同家長冇溝通過，想了解小朋友初入學適應與否都只係家長主動問，永遠好行咁答：x今日冇喊！
完！
學校所有節日活動，如製作中秋燈龍，永遠都唔知誰得奬，冇相，冇通告，甚至連件燈龍都無拎番屋企，消失左

作者: mschan66 時間: 19-1-8 18:24

回覆新人物的帖子

呢間學校不嬲都係咁，調動唔會通知。
成日走法律x（唔識打），老師對學生的人數係全校計，有時一個老師睇十五至二十個學生。

作者: 新人物 時間: 19-1-8 22:36

mschan66 發表於 19-1-8 18:24
回覆新人物的帖子

呢間學校不嬲都係咁，調動唔會通知。

反正第一年敎我小朋友果幾個老師，第二年都走左，其他分校我唔清楚係點，沙田呢間，永世難忘⋯⋯

作者: 都敏俊C 時間: 19-1-9 09:23

mschan66 發表於 18-12-26 02:03
n班預左學唔到咩野，學到當bonus，主要學自理能力，我小朋友讀果年就無幫手戒片啦！與家庭步伐不同，好難同 ...

最勁係... 唔幫係戒片，亦唔幫你換片，放學塊片漲到爆

作者: 都敏俊C 時間: 19-1-9 09:23

新人物發表於 19-1-4 16:32
當年我嬲到爆炸⋯⋯

Same here

作者: mschan66 時間: 19-1-9 19:37

回覆 bluehoi 的帖子

係好 "行" 架，凡事要問，唔問唔會主動講，問左亦未必講晒真話你知，最弊有時係整親都唔通知家長...

作者: 都敏俊C 時間: 19-1-9 22:28

Camilksky 發表於 19-1-4 09:07
除左行政好亂之外，你覺得老師有愛心嗎？
會出下力令家長放心嗎？

我個小朋友當年讀 n 讀咗3 個月，班主任都叫唔出佢個名，你覺得有冇愛心？

作者: 都敏俊C 時間: 19-1-9 22:31

mschan66 發表於 19-1-5 18:29
回覆新人物的帖子

完全認同，見微知著!

唔知你讀邊間

我小朋友當年讀九龍塘，真係覺得返學仲差過留係屋企，我寫信投訴叫學校賠錢退學費，學校係即刻冇異議即退，勁順灘

作者: leenicola 時間: 19-1-21 17:58

回覆都敏俊C 的帖子

我想問點樣差過留係屋企?我女都讀緊大埔英藝,我都覺得佢地好亂,都諗緊退唔退學好,學費又貴

作者: piglover 時間: 19-1-21 18:03

leenicola 發表於 19-1-21 17:58
回覆都敏俊C 的帖子

我想問點樣差過留係屋企?我女都讀緊大埔英藝,我都覺得佢地好亂,都諗緊退唔退學好,學 ...

大埔，點解唔讀安基司，呢間好好多。

作者: jennyp 時間: 19-1-21 19:51 標題: 回覆樓主

我囡讀沙田分校N，真心覺得老師好、課程好，也許我自己本身都好忙，無咩留意到學校咩混亂，小朋友番學好開心，亦學到好多嘢，考到民生K也考慮緊來年走不走，在我心目中，學校除了口碑差，我看不到缺點，可能因為本身遇到非常有心的班主任！

歡迎光臨教育王國 (/)