教育王國

標題: 選修中史，中國文學，ICT,入大學可以報讀什麼？ [打印本頁]

作者: 崔妍 時間: 18-12-17 16:09 標題: 選修中史，中國文學，ICT,入大學可以報讀什麼？

啊仔成績唔好，名次太落後，最後只選到呢3科選修科，選科嗰時佢自己揸主意，冇同家長商量，講真，佢嘅成績咁落後，都未必可以選到自己想讀嘅科目，呢幾科搭配好似好尷尬咁，將來大學應該報讀什麼？

作者: YolandaTam 時間: 18-12-17 17:43 標題: 回覆樓主:

努力讀好中史同中國文學，必要時 drop ICT.
只要成績好，文學院同社會科學院(除心理學同經濟，地理)皆可。

作者: 王家爸爸 時間: 18-12-17 18:18

崔妍發表於 18-12-17 16:09
啊仔成績唔好，名次太落後，最後只選到呢3科選修科，選科嗰時佢自己揸主意，冇同家長商量，講真，佢嘅成績 ...

恕我直言，如果真係成績唔好，名次太落後，最後只選到呢啲科，就唔好諗入大學可以報讀嘜科，反而諗下點解符合大學既最低要求，同埋點解係選修科度攞好成績。
首先睇下，小朋友既中文強唔強，對電腦有無興趣。如果中文強既，讀中史、中國文學又無壞既。ICT情況好唔同，你睇返份樣本：
http://www.hkeaa.edu.hk/DocLibrary/HKDSE/Subject_Information/ict/ict-SamplePaper-Paper1-2D-c.pdf
基本上係電腦科既大集匯，嘜都有啲，又唔太深入，都幾皮毛，所以如果小朋友鍾意電腦，讀得掂既機會都高，其實又無壞既。

作者: 洋蔥頭媽咪 時間: 18-12-17 18:37

本帖最後由洋蔥頭媽咪於 18-12-17 18:45 編輯

如果因為成绩差得番呢三科揀，樓主要睇下仔仔中文强唔强？中文麻麻讀文學會超辛苦，中史同ICT就要睇下有冇興趣？若選修科组合没有理科將來入大學可選學系會比較少。須然好多人唔太睇好選修ICT，但ICT在某些學系是有加權(印象中部份工程唔知有冇记错)，就算唔係加權都可以當理科，有呢科就可以揀某部分嘅學系，所以可以的话可保留ICT.

作者: 崔妍 時間: 18-12-18 14:05

王家爸爸發表於 18-12-17 18:18
恕我直言，如果真係成績唔好，名次太落後，最後只選到呢啲科，就唔好諗入大學可以報讀嘜科，反而諗下點解符 ...

主修科中英通都喺啱合格，數學60/100，選修科中史，中國文學都喺啱合格，喺BAND1英中就讀，佢自己讀到啱夠合格就收工，仲未知要努力。ICT唔合格，初初選ICT喺因為佢中意打機，一開始成績都可以，越讀越覺得複雜，冇興趣。而家我要求佢既然選咗，點都要比心機讀好佢，請咗私補。

作者: 王家爸爸 時間: 18-12-18 22:25

崔妍發表於 18-12-18 14:05
主修科中英通都喺啱合格，數學60/100，選修科中史，中國文學都喺啱合格，喺BAND1英中就讀，佢自己讀到啱夠 ...

語言科目可以通過努力改良，數底唔好情況好唔同。數理邏輯好既，努力係事半功倍；數理邏輯唔好既，努力會係事倍功半，所以其實以你小朋友既情況，物理、化學、ICT等都唔太適合，硬要讀會好艱苦。
反而選修中史、中國文學都，只要足夠努力，多多少少會有進步，通過未來三年既努力，每年進步啲啲，最終唔會太差。當然前題係要努力。

作者: 崔妍 時間: 18-12-20 12:04

王家爸爸發表於 18-12-18 22:25
語言科目可以通過努力改良，數底唔好情況好唔同。數理邏輯好既，努力係事半功倍；數理邏輯唔好既，努力會係 ...

多謝王家爸爸的分析跟建議，小兒原本數學底還是可以的，小學一直都保持A(90分以上)的水準，反而是英文基礎不是太扎實，上了英中之後影響了發揮，還有學校的數學程度確實也深很多，慢慢他偏向文科。現時ICT的確都不是太適合他，最近測驗跟考試的分數都特別低，嘗試補習，看看效果，實在不理想，應該會考慮DROP這科。

作者: 王家爸爸 時間: 18-12-20 13:32

崔妍發表於 18-12-20 12:04
多謝王家爸爸的分析跟建議，小兒原本數學底還是可以的，小學一直都保持A(90分以上)的水準，反而是英文基礎 ...

小學數學其實只要係背，記得啲步驟，中學數學需要動腦筋諗，所以好唔同。
其實集中精力係兩科學得最好既，總好過三科都唔湯唔水。

作者: faithgao 時間: 19-3-18 10:57

崔妍發表於 18-12-17 16:09
啊仔成績唔好，名次太落後，最後只選到呢3科選修科，選科嗰時佢自己揸主意，冇同家長商量，講真，佢嘅成績 ...

呢三科響DSE真係冇乜人揀，剩係睇每年報考人數已經知。但有個好處就係修嘅人好多已經放棄，相對對手會較弱。如果對電腦有天份，ICT根本唔駛點溫都坐5望*，出唔可選中文、歷史等所有大學裡面非理科學系都可以

作者: nillnill 時間: 19-3-20 13:05

事已至此，確實應該集中專攻中史﹑文學兩科。
文學涉及古文詩詞篇章，狂背先。
同中史一樣，都要反覆溫習記入腦
這兩科，除非有心在大學讀歷史﹑文學，一般對手應該不強的。

作者: TwinWong 時間: 19-3-20 15:42

faithgao 發表於 19-3-18 10:57
呢三科響DSE真係冇乜人揀，剩係睇每年報考人數已經知。但有個好處就係修嘅人好多已經放棄，相對對手會較弱 ...

樓主說了ICT 确认不太適合他囝囝了

作者: losoco 時間: 19-3-20 17:16

就咁睇樓主兒子的情況，其實最需要改善的是學習態度同英文。

想入大學，英文要3，而數學只需2
不知道他的中學是用英文還是中文考通識，如果用英文，也會受影響
因此必須下決心搞好佢

中文反而不太擔心
因在兩年多內有大部時間刨中國文學同中史，理應對中文能力有正面影響

ICT就忘記它算了

入大學?我覺得學一門手藝可能會較適合

歡迎光臨教育王國 (/)