教育王國
標題: 名直資私小會改變收生策略 [打印本頁]
作者: charger 時間: 18-12-15 12:07 標題: 名直資私小會改變收生策略
本帖最後由 charger 於 18-12-15 12:21 編輯
【趙榮德】名直資私小會改變收生策略
最近和教育界朋友談起一個怪現象，那便是某些直資私小之高層向他透露，一些取錄自催谷型的幼稚園成績每況愈下，我請他詳細解釋，以下為我們談話的簡錄：
趙為本人 朋為本人朋友
趙：你指成績每況愈下，是甚麼意思？
朋：我聽到兩三間直資私立小學校長說，他們收到的小一學生，頭嗰兩年成績還好，雖未名列前茅，但也中規中矩，保持水準，但一上到小三，便完全不同。
趙：怎樣不同？
朋：喺小一小二，這批學生有問有答，上堂可以全神貫注；但一上到小三，不知道是否課程深了，取錄自那幾間幼稚園的學生一來上堂覺得吃力，二來難以集中精神，就因為這樣，他們的成績便急轉直下，一瀉而注。
趙：你剛才說的那批學生是來自甚麼學校？
朋：那批學生是來自兩種類型的幼稚園的，一是「催谷型」的，一是「操練小一面試型」的。
趙：何謂「催谷型」和「操練小一面試型」？
朋：催谷型是以「教得快、教得深」為號召的，而「操練小一面試型」的是以專攻「小一面試」為號召的。
趙：一般幼稚園都於K3前給學生一些銜接小一的訓練，專攻小一面試是不是指這些訓練？
朋：不是，小一銜接訓練是K3那年，給學生一些課程、心理式的輔導；這批幼稚園是從K1開始便訓練小朋友考小一的面試，是長時間、有系統、有課程的訓練，經過系統式的訓練，大部分K3學生到直資私立小學考面試都可以優異成績被取錄，誰知這種系統式的「操練」得來的結果不能持久，過了三年便原形畢露了。因為操練是強記的，不是理解的，小朋友習慣了強記模式，到小三，課程要求理解，要求推理及常識，孩子便不懂得應付了！
趙：那些不用「催谷」或「專攻小一面試」的學生又如何？
朋：校長說大部分取錄自其他幼稚園的學生都無問題，因為其他的幼稚園都不是催谷型，而是「順其自然型」的，他們成績好，是因為他們喜歡學習。
趙：同意，來自催谷型的幼稚園，學生成績好，是被「老師」迫出來的；但來自以孩子為中心，「順其自然」的幼稚園，學生成績好，是自己學習返來的。被迫出來的，不是自願的，無人迫，便失去動機，成績便愈來愈低下；自己學習返來的，是自願的，既然自願，便愈學愈開心，成績便愈來愈進步了。
朋：就因為這樣，據聞該些名直資私小會改變收生策略，收多啲來自以孩子為中心學校的學生！
趙：是時候改變了
名直資私小會改變收生策略
作者: charger 時間: 18-12-15 12:27
現在專叻操小朋友小學面試的幼稚園，將來是否會冇咁受歡迎？
作者: 宇晴 時間: 18-12-15 12:42
charger 發表於 18-12-15 12:07 
【趙榮德】名直資私小會改變收生策略
最近和教育界朋友談起一個怪現象，那便是某些直資私小之高層向他透露 ...
認同，保持學習興趣係重要的
作者: Forgetmenot999 時間: 18-12-15 12:44
charger 發表於 18-12-15 12:07
【趙榮德】名直資私小會改變收生策略
最近和教育界朋友談起一個怪現象，那便是某些直資私小之高層向他透露 ...
本帖最後由 Forgetmenot999 於 18-12-15 12:44 編輯
我只諗起「食老本」同「LV」呢兩間
作者: lamhoilam 時間: 18-12-15 13:02 標題: 回覆樓主:
如果只係因為面試操練後，而入到同能力不相符的學校，可能未到小三已見drop
作者: charger 時間: 18-12-15 13:15
Forgetmenot999 發表於 18-12-15 12:44
本帖最後由 Forgetmenot999 於 18-12-15 12:44 編輯
我只諗起「食老本」同「LV」呢兩間
LV 明白係好多分校個間，“食老本”係邊間？
作者: Forgetmenot999 時間: 18-12-15 13:26
charger 發表於 18-12-15 13:15
LV 明白係好多分校個間，“食老本”係邊間？
最多該校家長話上到小學頭兩年可以繼續食老本那間呢！
作者: Yanamami 時間: 18-12-15 13:27
其实情况咪同升中一样？靠補习同家長谷出黎既band1生，－升中就已原形畢露……自然现象~
作者: charger 時間: 18-12-15 13:38
lamhoilam 發表於 18-12-15 13:02
如果只係因為面試操練後，而入到同能力不相符的學校，可能未到小三已見drop
...
如果面試操練是對兒童長遠發展有副作用，但top 直私又以面試成績收生，咁個D直私其實間接害咗小朋友。
當家長為自己操練了兩三年的小朋友入到top直私而沾沾自喜的同時，也為小朋友日後發展設下了無形的障礙。而日後自己兒女紛紛被其他無操練的小朋友超越時，可能仍不會察覺是今日的操練種下的因果。
作者: areyouangry 時間: 18-12-15 13:48 標題: 回覆樓主:
值得反思 
作者: VampireBaby 時間: 18-12-15 13:50
Forgetmenot999 發表於 18-12-15 13:26
最多該校家長話上到小學頭兩年可以繼續食老本那間呢！
即係邊間？比多啲tips呀！ 
作者: charger 時間: 18-12-15 14:05
宇晴 發表於 18-12-15 12:42
認同，保持學習興趣係重要的
要引導學生喜歡學習，講容易，為人父母的都知道是一件難度好高的挑戰。要學校家長配合，才會有成效。
作者: manmonster 時間: 18-12-15 14:28
點解會對這「專家」的「獨到見解」咁認真？
作者: sibylyau 時間: 18-12-15 15:02
我覺得被催谷出來既小朋友係去考證書個堆，考左一堆證書滿晒盾，入面當然包含背誦或者死記去催谷而非小朋友理解去融會貫通。
證書考既內容其實真係能應付小一小二
作者: Diversifyedu 時間: 18-12-15 15:29
呢類直私又有幾多間能提供時間同空間去提高學生學習興趣? 咪又係想要即食.
作者: SabrinaR 時間: 18-12-15 15:30
Forgetmenot999 發表於 18-12-15 12:44
本帖最後由 Forgetmenot999 於 18-12-15 12:44 編輯
我只諗起「食老本」同「LV」呢兩間
食老本係邊間？
作者: Dongs 時間: 18-12-15 15:44 標題: 回覆樓主
LV和食老本係指邊兩間？
作者: retriever 時間: 18-12-15 16:09
manmonster 發表於 18-12-15 14:28
點解會對這「專家」的「獨到見解」咁認真？
佢雖不獨到，但點出大家不願相信的謬誤。
作者: Charlotte_mom 時間: 18-12-15 16:37 標題: 回覆樓主
其實我唔太相信
利申我揀活動，相信自主學習
但揀得催谷型幼稚園嘅家長，好多都緊張又要求小朋友周身刀，資源又較多，唔得都補到得，點會由得小朋友到小三就一落千丈？而且有邊d學校，小一二死記，小三突然轉型需理解推理常識？
我覺得呢篇野捉家長心理多d
作者: pigmum2012 時間: 18-12-15 16:40 標題: 回覆樓主
睇呢篇野 認真就輸了
作者: charger 時間: 18-12-15 16:45
manmonster 發表於 18-12-15 14:28
點解會對這「專家」的「獨到見解」咁認真？
趙生是否“專家”並不重要，我從不信仰權威，也不會因人廢言，呢篇文講長期操練面試會影響將來學習成效不一定是“獨到見解”，但如果如文中所述在名直私中實際觀察到操練面試的大範圍負面影響，甚至真的改變未來收生條件，咁對小學家長制定教育計劃同對幼稚園家長選擇幼稚園都有值得參考之處。
作者: 小曳人 時間: 18-12-15 16:50
疑點:
催谷型KG 產物，識唔少初小課程，上堂仲會好專心？
到小三開始多好多新野學，就吃力？！
作者: manmonster 時間: 18-12-15 17:12
本帖最後由 manmonster 於 18-12-15 17:13 編輯
回覆 charger 的帖子
我只想指出一點，文中所述，是趙先生聽到教育界的一位朋友，轉述這朋友所認識的兩三間直私校長的說法。這麼轉折的基礎，真的信者得救。
其實，不用麻煩趙生發言，大部分家長也認為「谷」者無效，有效誘發學習興趣為上。至於收生準則，直私學校一向透明度甚低，學校取向有否更改，甚難證實。
作者: aztecs 時間: 18-12-15 18:11 標題: 回覆樓主:
呃飯食
作者: sailormercury 時間: 18-12-15 18:47 標題: 回覆樓主:
即係令我諗起一間幼稚園...
作者: ednamode11 時間: 18-12-15 20:15 標題: 回覆樓主
除了趙sir, 我也聽過神校和一線小學的高年級家長提過，催谷型的幼稚園或被父母從小催谷的幼稚園學生，他們初小時通常名列前茅，但高小開始洗牌，未能保持成績。
作者: minia 時間: 18-12-15 21:22
本帖最後由 minia 於 18-12-15 21:37 編輯
回覆 ednamode11 的帖子
我聽講過細時學術靠谷，好超班好出色果批， 去到高小到中學就會無力。
當然文中講既係"聽人講話xxxxxxx", 可信程度有幾大就未知
作者: VampireBaby 時間: 18-12-15 21:37
minia 發表於 18-12-15 21:22
回覆 ednamode11 的帖子
我聽講過細時學術靠谷，好超班好出色果批， 去到高小到中學就會無力。
Kx 同 Lx 出名愛收大b及超大，所以先谷得起？
作者: charger 時間: 18-12-15 22:01
Charlotte_mom 發表於 18-12-15 16:37
其實我唔太相信
利申我揀活動，相信自主學習
但揀得催谷型幼稚園嘅家長，好多都緊張又要求小朋友周身刀，資 ...
操練未必係死記，應該係指按照直私面試要求長期有系統的倒模訓練。通常係提早學術訓練，而不是就兒童興趣能力設計課程，簡單講就係玩小咗。
呢度的問題係過早操練會否令小朋友失去主動學習的興趣和能力，扼殺了創造力和潛能。補習不是萬能的，越大越無興趣反抗力越強。點補都收效不大。
呢個只是理論假設，如果在名直私有普遍出現。就不單是理論了。
關鍵係操練面試幼稚園入名直私的學生是否普遍在高小成績開始下降。
作者: deco99 時間: 18-12-15 22:06
Charlotte_mom 發表於 18-12-15 16:37
其實我唔太相信
利申我揀活動，相信自主學習
但揀得催谷型幼稚園嘅家長，好多都緊張又要求小朋友周身刀，資 ...
我都覺得係
我都有諗過如果兩個小朋友面試表現差唔多，一個名幼一個非名幼，學校揀邊個？如果係我，我揀非名幼，因為好似非名幼小朋友本身醒嘅可能性大d。但我都明好多學校會揀名幼，因為可能覺得面試提供信息唔夠，名幼training好。所以點揀都有理由。
另外非名幼都唔代表小朋友未操過，好多家長自己操。學校都好難判斷成績好係小朋友醒定係操過，都無理由特登唔收學術好嘅小朋友
作者: deco99 時間: 18-12-15 22:08
ednamode11 發表於 18-12-15 20:15
除了趙sir, 我也聽過神校和一線小學的高年級家長提過，催谷型的幼稚園或被父母從小催谷的幼稚園學生，他們 ...
國外早有研究話小朋友過早識字寫字長期效果唔好，但都改變唔到香港幼教谷嘅現實
作者: sonjakc 時間: 18-12-15 22:38
回覆 deco99 的帖子
改鬼咩！d小一面試已經要小朋友識字認字，幼稚園唔教d家長又唔會揀。是惡性因果關係！
作者: charger 時間: 18-12-15 22:50
小曳人 發表於 18-12-15 16:50
疑點:
催谷型KG 產物，識唔少初小課程，上堂仲會好專心？
到小三開始多好多新野學，就吃力？！ ...
我的理解係操練呢套方法在小朋友細個時灌輸學術知識較有效（也有副作用），但當小朋友越來越大，知識越來越深，呢套方法就慢慢無效，副作用如失去主動學習能力就越來越明顯。引致成績下滑。
作者: charger 時間: 18-12-15 23:05
manmonster 發表於 18-12-15 17:12
回覆 charger 的帖子
我只想指出一點，文中所述，是趙先生聽到教育界的一位朋友，轉述這朋友所認識的兩三 ...
係呀，相信冇學校會公開呢類統計或收生條件。現實係大部分關心子女教育的家長都唔敢唔谷，唔谷入唔到名幼，入唔到名直私。唔谷會覺得對不起子女。
作者: honeybibibibi 時間: 18-12-15 23:11
VampireBaby 發表於 18-12-15 21:37
Kx 同 Lx 出名愛收大b及超大，所以先谷得起？
?V/？H
作者: 星星的後裔 時間: 18-12-15 23:12 標題: 回覆樓主
如果明白點解金融藝能界有禁多財演就明發生緊什麼。他們在升市睇升，跌市話跌，當然得人歡心。
其實催谷，死背教育推行幾千年，北望現時神州大部分不又係填鴨式。唔計中英文，數學科普我唔信國內城市小朋友比香港差。
無一個制度一定出好成績，同樣無一個制度一定令所有學生開心。
作者: charger 時間: 18-12-15 23:21
sonjakc 發表於 18-12-15 22:38
回覆 deco99 的帖子
改鬼咩！d小一面試已經要小朋友識字認字，幼稚園唔教d家長又唔會揀。是惡性因果關係！ ...
同意，在現有香港教育框架下，家長，學校都必須爭取最佳可見成效，長遠的影響就顧唔到啦。最好係教育局去做深入研究，因為教育局先有所有資料同無利益衝突。
作者: Diversifyedu 時間: 18-12-16 01:03
charger 發表於 18-12-15 23:21
同意，在現有香港教育框架下，家長，學校都必須爭取最佳可見成效，長遠的影響就顧唔到啦。最好係教育局去 ...
你睇吓教育局班官嘅仔女讀緊咩學校？好明顯佢哋已經用腳投票，點會理本地莘莘學子。
作者: 小曳人 時間: 18-12-16 08:27
本帖最後由 小曳人 於 18-12-16 08:27 編輯
charger 發表於 18-12-15 22:50
我的理解係操練呢套方法在小朋友細個時灌輸學術知識較有效（也有副作用），但當小朋友越來越大，知識越來 ...
無學習動機唔應該只怪學校喎...
我兒們都响坊間話谷嘅KG畢業 (唔係呢兩間)，但我响屋企嘅主要職責係保留好奇心，培養閱讀習慣，愛睇書、愛學習
作者: sunnygirl 時間: 18-12-16 09:12
honeybibibibi 發表於 18-12-15 23:11
?V/？H
我都估係呢兩間
作者: SnowlyL 時間: 18-12-16 10:18
charger 發表於 18-12-15 12:07
【趙榮德】名直資私小會改變收生策略
最近和教育界朋友談起一個怪現象，那便是某些直資私小之高層向他透露 ...
趙生及非用家有來過LV觀課嗎？是活動教學喎。課程稍深就覺得學生被迫，死記，只是外界睇法，其實大多數同學們全部都識靈活運用，引發學生興趣。另外以趙生的自然教學法，如果在家在學也用此方法，無外補無自谷，喺競爭咁激烈情況下，能夠考入直私，小朋友的資質的確十分好。到時又可睇吓自然學習的小朋友小三時是否突然對學習好有興趣。而本身底子好的，到小三就怕左學習？
作者: SnowlyL 時間: 18-12-16 10:27
SnowlyL 發表於 18-12-16 10:18
趙生及非用家有來過LV觀課嗎？是活動教學喎。課程稍深就覺得學生被迫，死記，只是外界睇法，其實大多數同 ...
我也認同催谷法不能長久，但我不認同LV係死谷。家長適當的培養還是需要的。
作者: lulumelody 時間: 18-12-16 11:16 標題: 回覆樓主:
其實好多直資收生喜歡收"乖"和聽話的學生，越早熟和淡定佢地越喜歡，反而活潑靈活佢地麻麻，所以佢地收的一定初小成績好，但遲開竅的學生一定唔收，而往往遲開竅的上到高小才是成績最好的一班，當然直资收生時係睇现在表現，佢地不會收一班佢地唔知會否開竅的人。
其實好多名校往往最叻的不是由小一讀上來，而係靠插班或中一收外來生。
作者: tamchima 時間: 18-12-16 12:20 標題: 回覆樓主:
有沒有統計數據支持?
這麼複雜的統計數據從何而來?
請不要將某某對話，當作事實，而作出結論。
作者: lasjashk 時間: 18-12-16 13:02
Charlotte_mom 發表於 18-12-15 16:37
其實我唔太相信
利申我揀活動，相信自主學習
但揀得催谷型幼稚園嘅家長，好多都緊張又要求小朋友周身刀，資 ...
完全認同
作者: sibylyau 時間: 18-12-16 13:10
本帖最後由 sibylyau 於 18-12-16 13:12 編輯
學生上到小三成績開始滑落居然歸咎於三年前所讀既幼稚園問題，呢d乜分析黎架。
成績上同落中間三年可以有好多因素，吾會單一因爲以前讀既幼稚園咁簡單。
利申：我不是LV 或 ？H 家長
作者: Bighamster 時間: 18-12-16 13:15
tamchima 發表於 18-12-16 12:20
有沒有統計數據支持?
這麼複雜的統計數據從何而來?
請不要將某某對話，當作事實，而作出結論。
更加無根據的是某啲人斷估邊兩間學校，人怕出名豬怕壯，坊間比這兩間深/谷大有人在。我夠聽說最出名那間直私男神校評價來緊想收多啲中文底strong既小朋友喇，你地信唔信？我係趙太！
同埋我認我係上述其中一間的用家，所以我更有理由反對對方的評價！我尊重任何人發言的權利，只是作為當事人認為並非事實！
作者: charger 時間: 18-12-16 16:50
小曳人 發表於 18-12-16 08:27
無學習動機唔應該只怪學校喎...
我兒們都响坊間話谷嘅KG畢業 (唔係呢兩間)，但我响屋企嘅主要職責係保留好 ...
講得好好，家長的作用係激發同保持子女學習興趣和動力，吹谷好易，引導自發學習先難。
作者: charger 時間: 18-12-16 17:16
sibylyau 發表於 18-12-16 13:10
學生上到小三成績開始滑落居然歸咎於三年前所讀既幼稚園問題，呢d乜分析黎架。
成績上同落中間三年可以有好 ...
小朋友幼時養成的學習模式，例如主動或被動，會有長期的影響。幼稚園的階段，也不可忽視。
作者: asukav6 時間: 18-12-16 17:56 標題: 回覆樓主:
好正常，小一小二課程好淺，拎90幾100分都只係等閑，但一上小三差距突然大左好多，以往讀書不求甚解個Ｄ學生係應付唔到
作者: sibylyau 時間: 18-12-16 18:08
charger 發表於 18-12-16 17:16
小朋友幼時養成的學習模式，例如主動或被動，會有長期的影響。幼稚園的階段，也不可忽視。
...
性格主動或被動內裡包含本身天生本性，後天想用外在因素影響本身性格，幼稚園只係一部分既影響同時都需要家在既協助。
我當然同意㨂選學校好重要，但家長角色比學校更重要。
我相信無一間學校可以做到train 出來小朋友每一個都可以倒模一樣主動勤奮好學，原因都因為好睇家長如果培養管教同小朋友本身性格。
作者: cherrieshum 時間: 18-12-16 20:59
Diversifyedu 發表於 18-12-16 01:03
你睇吓教育局班官嘅仔女讀緊咩學校？好明顯佢哋已經用腳投票，點會理本地莘莘學子。
...
有錢人都數選國際學校
作者: 教育先生 時間: 18-12-16 23:47
老實講、小朋友係要人管的、你唔管佢、唔通佢會突然開通勁讀書咩、就算有呢種細路、我相信唔多、仲有一樣野、香港社會結構唔同歐美等地、我地唔可能用佢地套方法來教細路、除非好似高官咁直接送外國留學啦！
作者: viffy 時間: 18-12-17 01:42 標題: 回覆樓主:
利申: 其中一間用家
學校教嘅野唔係淺，但小朋友學得開心、學得輕鬆，有興趣又入腦，返屋企求你做相關實驗，同你討論相關課題，如果咁都唔叫引起學習興趣，激發小朋友自學，就唔知點先算做到了
每間學校咁多學生，即使一班三十個，一樣嘅老師，相同嘅教法，每個小朋友吸收到同可以發展到嘅都唔一樣，還靠先天能力及後天培養，唔係父母催谷同送學術班嗰隻，如果家庭無配合佢嘅學習興趣同培養閱讀習慣，讀咩學校都會浪費小朋友天生就有嘅好奇心
作者: hohoho888 時間: 18-12-17 09:30
Charlotte_mom 發表於 18-12-15 16:37
其實我唔太相信
利申我揀活動，相信自主學習
但揀得催谷型幼稚園嘅家長，好多都緊張又要求小朋友周身刀，資 ...
同埋想讀者睇到d 咩啦
作者: Charlotte_mom 時間: 18-12-17 11:17
hohoho888 發表於 18-12-17 09:30
或者咁講, 硬要說果班唔掂的總有既, 睇下想focus d 既
同埋想讀者睇到d 咩啦
作者: wg_ann 時間: 18-12-17 11:29
sibylyau 發表於 18-12-16 13:10
學生上到小三成績開始滑落居然歸咎於三年前所讀既幼稚園問題，呢d乜分析黎架。
成績上同落中間三年可以有好 ...
分分鐘到中學後成績開始下滑又關埋幼稚園事，原因可能係年幼時過份催谷，令學生長遠失去學習興趣及學習動力。
作者: tantanmama 時間: 18-12-17 12:25
一間小學教咗兩年都刺激唔到學生嘅學習興趣, 反過來怪間幼園過份催谷面試表現呃咗學校收班學生?
老實講, LV的家長唔會到小學就放手唔再理個小朋友由得佢地跟唔上的. 真係好難明"底子已谷好+父母悉心栽培=沒有學習興趣/能力"嘅邏輯喺邊度.
作者: mannewliv 時間: 18-12-17 13:06
Charlotte_mom 發表於 18-12-15 16:37
資源又較多，唔得都補到得
好多小朋友就係不斷補習，初小補到DSE，上埋大學就開始露餡，勉強畢到業出嚟社會做嘢一塌糊塗，簡單來講就係讀死書。身邊愈來愈多呢類畢業生。
作者: vpo0615 時間: 18-12-17 14:52
D小學校長真係咁有心機去記住邊個小朋友係邊間幼稚園畢業? 然後真係會統計吓呢D小朋友响小三時嘅成績表現???
作者: mannewliv 時間: 18-12-17 15:28
vpo0615 發表於 18-12-17 14:52
D小學校長真係咁有心機去記住邊個小朋友係邊間幼稚園畢業? 然後真係會統計吓呢D小朋友响小三時嘅成績表現?? ...
俾著係我，我會，不斷評估收返嚟嘅學生對唔對辦，都好正常，始終佢哋表現足以影響學校聲譽，如果發覺收生時不斷收短途馬，就要盡快改變收生準則。
作者: TAIOU4 時間: 18-12-17 15:29
尼位校長真係輸打赢要
由佢間直私畢業去到B1中或大學神科先讀唔掂
唔通要怪佢間直私咩?
不如怪埋學生家長同食開邊隻奶粉Y?
學校收完一班B1生
讀完變B2/3
不如又問下家長同學生會怪邊個丫?
作者: baby_112 時間: 18-12-17 15:31
pigmum2012 發表於 18-12-15 16:40
睇呢篇野 認真就輸了
作者: hfnyd 時間: 18-12-17 15:37
xup當秘笈, 到時來個兩日一夜面試營慢慢了解??
作者: haihaimom 時間: 18-12-17 19:45
本帖最後由 haihaimom 於 18-12-17 19:46 編輯
回覆 vpo0615 的帖子
同意,小學老師邊有咁得閒整個大數據去分析啲幼稚園畢業生嘅表現?!啲學生係自己in幾次就收返嚟,不如研究下點解interview會收錯仲實際.
作者: 73662710 時間: 18-12-18 07:13
charger 發表於 18-12-15 12:07
【趙榮德】名直資私小會改變收生策略
最近和教育界朋友談起一個怪現象，那便是某些直資私小之高層向他透露 ...
今年最深tsl, 深到暈！
通常有家長睇實，小學唔會太差， 上到高中就要看天資多些！
對趙生講嘢，唔使太認真。
作者: CHP 時間: 18-12-18 08:12 標題: 回覆樓主
這間名直私小學想要什麼學生？她的小一、二有沒有做好？有沒有令學生喜歡學校、喜歡學習？
這個問題同樣可以給直私中學，所以大家紛紛脫龍....
作者: 熊寶寶樂園 時間: 18-12-18 08:28
mannewliv 發表於 18-12-17 15:28
俾著係我，我會，不斷評估收返嚟嘅學生對唔對辦，都好正常，始終佢哋表現足以影響學校聲譽，如果發覺收生 ...
同意，所有資料入晒電腦，要搵要sort好容易，問題係嚟自邊間幼稚園只係其中一項資料/因素，一般學校都唔應該以偏概全，坊間有好多資訊，家長應該建立自己嘅一套教育方法。
作者: haihaimom 時間: 18-12-18 11:29
本帖最後由 haihaimom 於 18-12-18 11:45 編輯
haihaimom 發表於 18-12-17 19:45
回覆 vpo0615 的帖子
同意,小學老師邊有咁得閒整個大數據去分析啲幼稚園畢業生嘅表現?!啲學生係自己in幾次 ...
要做分析,唔係話喺電腦度撳幾個學生嘅資料出嚟睇一睇又話係分析咗。要分析就用幾年嘅收生資料,再加上幾年小學嘅成績,統合之後先可以做。我唔相信坊間有呢啲軟件,我亦唔認為小學嘅IT哥哥會得閒做。
打個比喻:
A班數學老師教得好啲,所以分數高啲,咁啱比較多X幼稚園畢業生。B班數學老師教得差啲,所以分數低啲,咁啱比較多Y幼稚園畢業生。咁係咪X幼稚園好過Y幼稚園呢?
作者: konew720 時間: 18-12-18 11:41
pigmum2012 發表於 18-12-15 16:40
睇呢篇野 認真就輸了
不能認同更多。
作者: Wildlly 時間: 18-12-18 12:08 標題: 回覆樓主：
本帖最後由 Wildlly 於 18-12-18 12:08 編輯
如果唔要谷校出既咁自己學校谷唔谷先?
呈分試很誠實,誰也躲不過
作者: sailormercury 時間: 18-12-18 12:13 標題: 回覆樓主:
似係作者加鹽加醋後寫來譁眾取寵多啲....
作者: 猴子爸 時間: 18-12-18 12:17
Wildlly 發表於 18-12-18 12:08
如果唔要谷校出既咁自己學校谷唔谷先?
呈分試很誠實,誰也躲不過
作者: Charlotte_mom 時間: 18-12-18 12:30
猴子爸 發表於 18-12-18 12:17
他的意思是，当小学想谷这批学生时谷不起，因为脑袋在小时被谷得过渡，谷坏左。 ...
你講得好中
作者: Grape_Chan 時間: 18-12-18 15:27
猴子爸 發表於 18-12-18 12:17
他的意思是，当小学想谷这批学生时谷不起，因为脑袋在小时被谷得过渡，谷坏左。 ...
但上到小學想谷就唔會谷壞0家咩？哈哈~ 一陣又會話: 「某些直資私名中學之高層向他透露，一些取錄自催谷型的小學生成績每況愈下....」到時又話小學時谷過度, 谷壞0左~
其實當多個分享睇下好了, 人人情況唔同，人人睇完篇野都有唔同見解同感受，做自己相信個套, 而又適合自己小朋友就可以了
作者: monodad 時間: 18-12-18 15:47
其他point唔講，但用幼稚園學生成績做stat一定會
作者: hkpapa852 時間: 18-12-18 16:45
Grape_Chan 發表於 18-12-18 15:27
我都覺得佢係想帶出呢個意思
但上到小學想谷就唔會谷壞0家咩？哈哈~ 一陣又會話: 「某些直資私名中學之高 ...
作者: 貝珠 時間: 18-12-18 17:12 標題: 回覆樓主
冇料可以寫，咪搵個角度寫。估唔到大家咁認真，正中下懷，下次東扯西扯，抽下水又一篇了。多謝咁多位幫佢keep 住人氣高企。
作者: haihaimom 時間: 18-12-18 17:13
猴子爸 發表於 18-12-18 12:17
他的意思是，当小学想谷这批学生时谷不起，因为脑袋在小时被谷得过渡，谷坏左。 ...
小學就頼幼稚園，中學就賴小學，總之成績唔好就唔關自己學校事
作者: hkpapa852 時間: 18-12-18 17:24
貝珠 發表於 18-12-18 17:12
冇料可以寫，咪搵個角度寫。估唔到大家咁認真，正中下懷，下次東扯西扯，抽下水又一篇了。多謝咁多位幫佢ke ...
作者: 猴子爸 時間: 18-12-18 17:29
haihaimom 發表於 18-12-18 17:13
小學就頼幼稚園，中學就賴小學，總之成績唔好就唔關自己學校事
谷坏左，是因为幼稚园的错；升中好，全是因为自己教得好。
毕业生在中学成绩差，是因为中学没有好好栽培；他们成绩好，是因为小学时基础打得好。
作者: Moonlight819 時間: 18-12-18 22:18
deco99 發表於 18-12-15 22:08
國外早有研究話小朋友過早識字寫字長期效果唔好，但都改變唔到香港幼教谷嘅現實
...
絶對是！
作者: charger 時間: 18-12-19 10:01
Grape_Chan 發表於 18-12-18 15:27
我都覺得佢係想帶出呢個意思
但上到小學想谷就唔會谷壞0家咩？哈哈~ 一陣又會話: 「某些直資私名中學之高 ...
睇來大家對趙先生冇乜信心 ！
雖然了解文章作者背景立場對理解詮釋其發佈之信息大有幫助，但一睇到是某人的言論，就完全否定也容易做出錯誤的判斷。
小朋友的整體教育方向，是自3歲開始就根據家長既定的目標系統訓練催谷，或是給與小朋友自由度發展，暫時不介意成績功課，大人小朋友都輕鬆開心。係兩個好唔同的方向。結果也會有天淵之別。
作者: charger 時間: 18-12-19 10:03
charger 發表於 18-12-19 10:01
睇來大家對趙先生冇乜信心 ！
雖然了解文章作者背景立場對理解詮釋其發佈之信息大有幫助，但 ...
睇到新聞學生（小學－大學）因學業壓力自殺，自己心都會驚一驚，會否今日的家長學童的辛勞會帶來明日的悲劇。唔加強訓練，入唔到好直私小學，冇世襲命，冇錢入國際學校，又唔甘心入普通官津校泯然于眾人，會內疚覺得自己未盡父母責任。
在小一的時候，回顧檢討一下為子女選擇的道路。各位的意見都是非常有價值的，給與我新的啟發。多謝！
作者: 猴子爸 時間: 18-12-19 10:14
charger 發表於 18-12-19 10:01
睇來大家對趙先生冇乜信心 ！
雖然了解文章作者背景立場對理解詮釋其發佈之信息大有幫助，但 ...
但我又見到很多在幼稚園輕輕鬆鬆的，上到傳統學校跟不上，也是死路一條。
在幼稚園被谷的，上到傳統學校，小3開始，又有些被嫌棄腦袋被過早開發谷壞了。
天下之事，從來都在乎平衡。
過度輕鬆，過度開發，過猶不及。
作者: 哈哈寶寶 時間: 18-12-19 11:02
charger 發表於 18-12-19 10:03
睇到新聞學生（小學－大學）因學業壓力自殺，自己心都會驚一驚，會否今日的家長學童的辛勞會帶來明日的悲 ...
反而，我自己覺得，一件事的成因可以有好多。
社會變，父母工時長、鄰里關係不再、電子化生活等等，過份“個人化”、“自我中心”等等，形成一個個脆弱的心靈。
上列父母子女生活鏈，誰不慘？
樓主覺得只是少年、靑會踏上自毁的不歸路嗎？
樓主，請試打開報纸看，40歲有、50歲有、老人更甚。
可能，抗蝕力培養、人身心靈的分享、朋輩扶持和陪伴等等，更勝於說甚麼“Happy"和“谷”！
作者: Soundervolt 時間: 18-12-28 09:39
charger 發表於 18-12-19 10:03
睇到新聞學生（小學－大學）因學業壓力自殺，自己心都會驚一驚，會否今日的家長學童的辛勞會帶來明日的悲 ...
乜直資就冇普通什至麻麻嘅學校？國際學校又一定係好嘢？
作者: teambuilder 時間: 19-1-7 18:41 標題: 回覆樓主
唔理呢個趙生係乜水，但聽落佢講嘅野錯唔晒。d人成日話求學不是求分數，難道面試果日唔以最佳狀態示人嗎？唔好話面試，就算運動都係操番黎，比賽前唔去操，唔通比賽完左先操？我個女平日好怕醜而且被動，慢熱得黎從來唔應人。我比佢上面試班，威逼利誘下要佢有禮貌，結果的確係好多學校收，其中有d都算名校，但事實上佢性格冇改變，考到了立即打回原形。不過學校都幾包容，d老師都好錫佢，知道佢只係怕醜唔係冇禮貌。
作者: flyda 時間: 19-1-8 11:04
幼稚園谷完一輪到三年班現形？咁會唔會佢 hea 完休息完一兩年到五年班呈分試被人迫一迫温習又開番竅？跟著中學成績突飛猛進？如果係咁就真係要多謝谷過下佢嘅幼稚園另佢三年班遇到低潮。
幼稚園冇谷到三年班開始有興趣？到中二三時會唔會又由於持續勤力咗五六年而失去動力？如果係咁又真係唔好彩間幼稚園冇谷佢搞到佢人生嘅低潮出現響中學。
小三冇興趣，一世冇興趣？小四有動力，一世有動力？小五谷得叻，中學會繼續？
屋企太有錢又失去上流動力？屋企太窮又失去學習機會？老師對眼太大嚇親學生？富養害咗個仔窮養害咗個女？冇咁多功課學生就會思考？睇嚟做父母真係要考牌。
作者: wongtw 時間: 19-1-9 18:10
朋：喺小一小二，這批學生有問有答，上堂可以全神貫注；但一上到小三，不知道是否課程深了，取錄自那幾間幼稚園的學生一來上堂覺得吃力，二來難以集中精神，就因為這樣，他們的成績便急轉直下，一瀉而注。
趙：你剛才說的那批學生是來自甚麼學校？
朋：那批學生是來自兩種類型的幼稚園的，一是「催谷型」的，一是「操練小一面試型」的。
這樣的結果難度極高，能夠在K3谷出小一,二成續的學生，咁應該都是叻人，進步空間更大，另一批成績一般的學生可以在小三脫胎換骨，想必也要資質不差，突然間能夠大逆轉。「催谷型」由上堂可以全神貫注有問有答，突然成績急轉直下。唔係呀嘛??如果講少部份我就會信。
作者: 李大人 時間: 19-1-9 18:31
提示: 作者被禁止或刪除 內容自動屏蔽
作者: fadgare 時間: 19-1-9 19:30 標題: 回覆樓主：
本帖最後由 fadgare 於 19-1-9 19:32 編輯
大部分學校一二年級也比較淺吧, 上了三年級開始深了有些人追不上也是常事, 可能不慣一下子多了功課, 可能不慣課程一下子深了, 和收什麼學生沒有太大關係吧
作者: Sheep06 時間: 19-1-10 07:52
回覆 fadgare 的帖子
我都覺得和收什麼學生完全沒有關係， 而家長一直怎樣培養這些學生才是關係所在， 如 小朋友 一直有良好閱讀習慣，和他們一向沒有專注力問題， 課程一定會跟得上，不會因為升了小三而突然成績下降。 如家長一向只是訓練 小朋友 針對 應付 考試， 並沒有課外閱讀等習慣， 問題可能很嚴重
作者: hahaha1231 時間: 19-1-10 15:22 標題: 回覆樓主:
小三見小朋友真章
作者: Wonderlady 時間: 19-1-10 17:29
hahaha1231 發表於 19-1-10 15:22
小三見小朋友真章
好合理，小四已經分到邊D係band 1, 數學，好多男仔會小五突然標上嚟。唯獨中，英文，較難突破
作者: ahsiu 時間: 19-1-10 17:50 標題: 回覆樓主:
咁D直私小學仲洗鬼考咁難揀學生？!
作者: Lalaji 時間: 19-1-12 14:39
Charlotte_mom 發表於 18-12-15 16:37
其實我唔太相信
利申我揀活動，相信自主學習
但揀得催谷型幼稚園嘅家長，好多都緊張又要求小朋友周身刀，資 ...
同意，呢篇嘢係捉心理。讀happy school的家長一定好啱聽。
公道啲講， 讀崔谷型幼稚園嘅唔代表對學習一定冇興趣，讀happy school嘅亦唔見得佢學習會特別有興趣。人人case不同，豈可一概而論。
作者: 哈哈爸爸 時間: 19-1-12 15:03
李大人 發表於 19-1-9 18:31
其實咁細個，又㸃會睇到學生叻唔叻，直資學校高估咗班入讀小朋友實力，到小三就發覺原來無乜大分別，只係當 ...
同意，其實六歲人仔有幾大分別？直私幾千人揀一百幾十，唔代表嗰一百幾十特別叻，因素有很多。沒offer也可以是有潛質的小孩！
| 歡迎光臨 教育王國 (/) |
Powered by Discuz! X1.5 |