教育王國
標題: 教育制度如何扼殺香港未來（利世民） [打印本頁]
作者: elbar 時間: 18-12-12 11:50 標題: 教育制度如何扼殺香港未來（利世民）
I have never let my schooling interfere with my education.我想了好久也不知道該如何信達雅地繙譯大文豪馬克吐溫這句名言。畢竟在香港，schooling和education都被等同作教育。諷刺的是，雖然我們的共同經歷都清楚反映上學不等於學習，可是浸淫於「執輸行頭慘過敗家」的醬缸文化中，大家仍然將下一代寶貴的童年回憶消磨在填鴨教育之上。甚麼是填鴨教育？死記硬背只不過是表象。填鴨教育的底蘊就是要扼殺以常識判斷是非的能力。
近年見到不少家長抱怨說自己要重新學寫漢字；因為教師要學生嚴格遵從「欽定」的《香港小學學習字詞表》，字型筆劃必須分毫不差。其實我很質疑，教師自己平日寫字是否又照足這「字詞表」？此外，家長除了在網上抱怨，又會怎樣做？
「我當然知道唔使跟到十足十！不過既然有指引，唔通你唔跟？」這會否是教師的心底話？假如有家長與教師理論，我相信得到的答案是：「教育局嘅指引就係最終權威。」
不過我相信很少家長會去理論。畢竟大家所關心的不是子女真正學到甚麼，而是他們能否順利過關，一路升學然後找份薪高糧準的「筍工」。「老師教你點寫你就點寫，返學就係咁。不過第時大個你鍾意點寫都得。」這種說法我真的聽過。問題是，在只有幾歲大的小朋友心目中，如此教導又會建立一種怎樣的價值觀呢？
無論是家長抑或教師其實都很為難。做家長的誰不想自己的下一代比自己優勝？做教師雖說只是一份工作，但見到學生進步也是成就。但這種文化卻迫使家長和教師在下一代的意識中埋下虛偽的種子。或許有人會覺得，也只有虛偽的人才可在香港這種社會生存。難怪香港出現各種光怪陸離的現象，或許就是某些人所講的共業。
教育是甚麼？在這個社會，讀名校幼稚園是為了入讀名校小學；入讀名校小學是為了進名校中學；進名校中學是為了進大學神科。將教育淪為淘汰賽，而競賽的方式就是操練由官僚頒佈的內容。
學習必須經歷操練，問題是操練的內容是否有真正的養份。在缺乏是非判斷的社會，人經常犯的錯誤之一，就是誤將手段當作目的。操練是手段，教育最終目的是要讓兒童發展成完整獨立的個體。
許多年來大家都抱怨填鴨教育製造大量高分低能的學生，說到底就是許多兒童根本沒有真正成長。沒有成長就是沒有發現和建立自我，亦沒有載體去內化道德價值觀，故此表現得沒有責任感，不會照顧自己，也不會建立正面和健康的人際關係。對人生意義稍為有點反省的年輕人，香港的填鴨淘汰賽是煎熬。制度殺人，香港的未來就是這樣被教育制度所扼殺。
回到文首引用馬克吐溫的那句名言，Enough is enough，大家也應有所覺悟，將教育這個重任重新掌握在家長、教師和學生自己的手上。在此請容許我引用一句在討論教育制度時經常出現的話作結：Education is far too important to be left solely to the government or educational institutions.
利世民
作者: nkd 時間: 18-12-12 14:46
Education starts at home for all people and ends at school for some people.
作者: nkd 時間: 18-12-12 18:31
nkd 發表於 18-12-12 14:46 
Education starts at home for all people and ends at school for some people.
Start on the first day at home. Ends on the last day at school.
作者: Cheeselover 時間: 18-12-12 18:50 標題: 回覆樓主
扼殺未來是政府管治制度和思維！
作者: planetearth 時間: 18-12-12 19:48 標題: 回覆樓主:
"Education is not the filling of a pail, but the lighting of a fire." - William Butler
作者: shadeslayer 時間: 18-12-12 20:18
Cheeselover 發表於 18-12-12 18:50
扼殺未來是政府管治制度和思維！
一個地區的法律，大至反影社會民情。
一個地區的教育情況，大至反影社會民情。
Xxxxxx
芬蘭教育優良，人們不會說主要是政府功勞，和學校老師，社會文化無關。
香港教育亂象（如果是），責任也不應該只推向政府，學校老師家長社會，無責任嗎？
作者: Cheeselover 時間: 18-12-12 21:56
shadeslayer 發表於 18-12-12 20:18
一個地區的法律，大至反影社會民情。
一個地區的教育情況，大至反影社會民情。
請搞清楚，我的意思是香港的的未來被政府管治方針和思維影響大於教育制度，在這教育制度是原，而閣下所指是教育亂象是果，樓主主題的教育亂象也是因。
作者: shadeslayer 時間: 18-12-13 19:15
Cheeselover 發表於 18-12-12 21:56
請搞清楚，我的意思是香港的的未來被政府管治方針和思維影響大於教育制度，在這教育制度是原，而閣下所指 ...
謝謝講解清楚。
作者: asukav6 時間: 18-12-15 08:15 標題: 回覆樓主:
呢度大把家長正正做緊let's schooling interfere with education
作者: 993rs 時間: 18-12-17 11:57
I have never let my schooling interfere with my education...
除左係對學生講，亦係對教師、校方、家長。成編文章除左將責任推去教育局，除左政治抽水外，還有什麼？我舉d實例：
傳統學校既數學教育，唔少家長見識過，功課包含大量中文抄寫；臨考試前老師比大量數學功課，有家長忍唔住問點解，考師回應做功課即係溫習。
我當時好想問老師，你教緊中文定數學？有比空間小朋友思考數學既邏輯嗎？你同我差唔多年紀，即係當年香港填鴨教育既受害者，點解你今日將填鴨教育變本加厲加諸下一代身上？
呢種教數既方針並非來自教育局吧？我既睇法係成個香港，各行各業都要「跑數」，香港人亦習慣「即食」。「填鴨教育」係最唔需要用腦，而又令你「交到數」既方法。
老師向校方交業績、校方向家長交業績、下一批家長看業績選校。最理想既教育，可能要等到小朋友升中、升大學、甚至出來做事先見到成績。就算學校肯做，家長會唔會揀？
又講下香港既「critical thinking」：
有冇試過 question 老師改返來既功課？我試過 question 功課改正（話說小弟系外國讀左10數年書，習慣有疑問就提出），question 得幾次，老師就有一d在我立場針對我個小朋友既行動、一d做左都對小朋友冇改變既動作。問下都唔得？難道教育局又有咁既指引？
講下家長：
上面我講，最理想既教育，可能等到出來做事先見到成績，家長會唔會揀？選擇題：幾年前天虹未出名前，St Mary/La Salle vs 天虹，比你點揀（我真係識人揀天虹，我自問做唔到）？其實唔駛比得咁極端，傳統 vs CKY、international schools，之類冇分數、冇名次既風格，都足以令家長（包括我自己）周身唔聚財。
真係唔好賴教育局，以上種種存在左幾十年既深層次既問題，唔係單馮教育局一個指引可以改變的話，係的話一早就改變左。教育問題係香港呢一個社區，每一個 party 有份造成，硬要將責任推向政府，唔係政治抽水，便是掩耳盜鈴。
作者: shadeslayer 時間: 18-12-17 13:07
993rs 發表於 18-12-17 11:57
I have never let my schooling interfere with my education...
除左係對學生講，亦係對教師、校方、家 ...
其實無分數無名次，唔代表無評估，無學習。有乜問題呢？
只要看得開便會放心。
作者: Cheeselover 時間: 18-12-17 21:51
shadeslayer 發表於 18-12-17 13:07
其實無分數無名次，唔代表無評估，無學習。有乜問題呢？
只要看得開便會放心。
嘻嘻，是否佛系心態處理？我們都是這個系統的產品，我不敢說自己是良品，但我又不見得在外國受教育的朋友有什麼過人之處？因為大家都忘記得一乾二淨。
作者: shadeslayer 時間: 18-12-18 07:41
Cheeselover 發表於 18-12-17 21:51
嘻嘻，是否佛系心態處理？我們都是這個系統的產品，我不敢說自己是良品，但我又不見得在外國受教育的朋友 ...
本帖最後由 shadeslayer 於 18-12-18 07:45 編輯
西方成熟教育體系特點，不在於個人成就，是在於 interfere less the children’s education.
甚至乎 help children discover themselves.
In local system, individuals like you were successful despite the schooling. People weathered the schooling to be successful.
Of course this is a bit of stereotyping. Doesn’t apply to every individual.
作者: Cheeselover 時間: 18-12-18 18:09
993rs 發表於 18-12-17 11:57
I have never let my schooling interfere with my education...
除左係對學生講，亦係對教師、校方、家 ...
政府也是parties一部份，而且又是最大份最有影響力，教育局是政府部門，方向取態也是跟從政府，而最幤是這個政府效服務對象不完全為香港市民，責怪政府也算是抽水？
既然你也知道這個＂交數＂文化，何必怪責老師和校長，教育局有沒有監管學校運作？至於鼓勵學生發問，老師少有不回答小朋友問題，但多數抗拒家長問題(多數是質問和挑戰)，老師與家長之間糾紛孰是孰非，我不敢亂評，但家長心態很重要，每個地方有不同文化，有時候，開放點面對逆景，未常不是一種訓練。
我當然知道不是政府或教育局一句說話可以改變，但至少講些像樣一點說話，少說莽言。
作者: 993rs 時間: 18-12-18 18:47
Cheeselover 發表於 18-12-18 18:09
政府也是parties一部份，而且又是最大份最有影響力，教育局是政府部門，方向取態也是跟從政府，而最幤是這 ...
幼稚園唔揸筆寫字，教育局有冇指引？結果呢？
我案例中既數學教學，又係教育局出指引，要做咁多中文抄寫？
「何必怪責老師和校長」更係荒謬。可能你讀書時冇讀過「work ethics」，作為教育界專業，佢地有教育界的專業操守，要系「業績」與「教育意義」當中取得平衡。
我冇話教育局冇問題，但無視其他參與者既責任，你係逃避緊，and yes 你既作用除左抽水，係對香港教育制度無助
作者: shadeslayer 時間: 18-12-18 20:40
993rs 發表於 18-12-18 18:47
只能將責任推向教育局才叫像樣的說話？難怪香港教育如此填鴨
幼稚園唔揸筆寫字，教育局有冇指引？結果呢？
...
呢處有教育界人仕話，老師只是一份工。
沒有一點使命感，為「交數」做出一些對孩子長遠有害的事，這些老師請放過孩子。
作者: Vanadium 時間: 18-12-19 00:18
本帖最後由 Vanadium 於 18-12-19 00:35 編輯
shadeslayer 發表於 18-12-18 20:40
呢處有教育界人仕話，老師只是一份工。
沒有一點使命感，為「交數」做出一些對孩子長遠有害的事，這些老 ...
當年有個人，一路只堅持一個口號: "我要做好呢份工"，結果做到香港特首。
無論你點講，直至現在，我都係極反感用"抱負"、"理想"、"使命"去評論教師，你唔係好反對共產主義? 你反對....但同時你又用共產主義既口號，強加入任何人身上?
任何人，若然你交托之工作都用心完成，其實都已好好了，點解硬要人地講"抱負、理想、使命"等呢啲咁虛浮既野? 事實現實環境，我就見越多口號既教師或學校，其實做得越不對辦。
就算要講口號，莫講教師，任何工種，對人對事都好，若都有"理想、抱負及使命"，永遠只會忠於自己，不刷鞋、不做門面野、不虛浮，更重要.....全完唔計較金錢、身份、地位，只為貢獻社會，一違背良心就寧願辭工，世界....多好美好啊。
但敢問: 你自己敢唔敢講你係呢啲人? 就當你咁完美.....世界又有幾多人係咁完美?
正對於社會各階層、各工種既人一樣，我地會講應有"理想、抱負及使命"，但若然講完，就期望每一個香港人，都就做到，都係咁理想既人，呢種諗法會唔會唔係地球人諗法?
正正因為人唔係完美，我地先講"管理"同"制度"，若然管理與制度絕無問題，先將問題指向下層會唔會合理一啲? 但若然管理及制度出錯，將人睇得太理想化，反鬧人唔理想，其實就正正反映一個人唔識得管理。
任何情況，成績唔好，就只話學生質素差，教師卻從不檢討教學，就係教師唔啱。同樣道理，教育運作出問題，就只話教師出問題，管理及制度從不檢討，同樣係不負責任!
作者: Vanadium 時間: 18-12-19 01:06
本帖最後由 Vanadium 於 18-12-19 01:08 編輯
我幾十年總結，香港教育問題一定係出於制訂政策及課程果班人，遠遠遠遠多於前線教育工作者。
整個強迫教育既課程設計，考核模式，只係為能力高既學術精英，完全唔係講發展個人潛能。如無論你數學能力好唔好，都要學全世界最深既數學，學術能力高既人潛力盡發揮，但背後跟唔到既卻死唔少。
如又有人講教育卻高舉"日後工作要點點點"，然後話英文好重要好重要好重要，咁因無咩家庭支援英文跟唔到果班.....成日就因英文唔好講到佢地好似殘廢咁，係低等學生，明明可能有其他才華自信心都被打到沉晒。
狹窄既思維，社會結構唔夠多完化，有發揮性既工種唔多，資源唔夠，制訂政策既人智慧與能力弱，當然先係對教育影響最大。
作者: shadeslayer 時間: 18-12-19 02:02
Vanadium 發表於 18-12-19 00:18
當年有個人，一路只堅持一個口號: "我要做好呢份工"，結果做到香港特首。
無論你點講，直至現在，我都係 ...
本帖最後由 shadeslayer 於 18-12-19 07:56 編輯
正正因為人唔係完美，我地先講"管理"同"制度"，
Xxxxxx
人唔係完美，點解你覺得由人做成的管理同制度會係完美的。
孩子是社會的未來棟樑，壞老師對學生和未來社會的打擊唔使講。
做一個商人，沒有社會抱負，相信少一些人有意見。
做一個銀行家，沒有社會抱負，惟利是圖，相信少一些人有意見。
做一個老師，呃餐飯食，冇責任心，就唔好吾人子弟啦。
作者: Cheeselover 時間: 18-12-19 07:23
993rs 發表於 18-12-18 18:47
只能將責任推向教育局才叫像樣的說話？難怪香港教育如此填鴨
幼稚園唔揸筆寫字，教育局有冇指引？結果呢？
...
你要找代罪羔羊，我們人人有份，不過我指政府和教育局比其它罪人的責任大，因為人不完美，各行業總有些＂老鼠屎＂，所以需要有規則或指引，但空有規而不執，那是誰責？你認為球賽沒有球證行嗎？沒有金管局指引，銀行能夠自我約束嗎？
學了＂work ethics”就守道？倒不及幼承庭訓，由家庭教育開始。
其它參與者也有責任，只是輕重之別；而＂抽水＂意思是不勞而穫撈＂好處＂，在這，我只按標題道出＂誰的責任最大＂，是按題回應，何來＂抽水＂，敢問那些不按題而發言的又如何？廣義來說，我們每位都在＂抽水＂（借題掙得小小空間論盡教育)。
作者: shadeslayer 時間: 18-12-19 08:46
Cheeselover 發表於 18-12-19 07:23
你要找代罪羔羊，我們人人有份，不過我指政府和教育局比其它罪人的責任大，因為人不完美，各行業總有些＂ ...
在教育界，指引無乜人理的。
作者: Cheeselover 時間: 18-12-19 08:56
shadeslayer 發表於 18-12-19 02:02
本帖最後由 shadeslayer 於 18-12-19 07:56 編輯
正正因為人唔係完美，我地先講"管理"同"制度"，
小心呵，Vanadium沒有説制度是完美，制度也有缺陷，所以需要調整，通過制定，執行和檢討來優化該制度。
總有壞老師爛老師，我們不能永遠期望有良師，自己也要學會自強，家長責任比老師更重要，更有＂使命感＂，你敢說爛老師比爛家長多？我們看到不少爛家長，那麼是否總結每位家長都沒有責任心，遺害子孫？
作者: 993rs 時間: 18-12-19 10:17
Cheeselover 發表於 18-12-19 07:23
你要找代罪羔羊，我們人人有份，不過我指政府和教育局比其它罪人的責任大，因為人不完美，各行業總有些＂ ...
唔係我要找代罪羔羊，係利世民在代罪羔羊。
指引係指引，執行既主動權係學校；規則係規則，違規有處分，你見到有學校違規可以舉報。
家庭教育關學校比幾多功課咩事？關學校將需訓練理解力既數學變成抄寫咩事？關教育局出既指引咩事？
教育局出規定又話冇自由、唔出又話唔做野；用考核模式監察學校運作又話增加學校 workload 唔顧全人發展、唔監察又話有規而不執。真係講晒
以下又點解釋呢？（copy個標題就可 search 到報導）
「教育局課程指引建議 K1不執筆寫字 小一不默測」
有指引了，仍是填鴨。
我從來都話教育問題係涉及成個香港各層既問題，不過，有部份人喜歡將個責任推向打不還手既政府，鬧完，唔會還口，你是錯不了的。
教育界真係責任咁細？唔好講到「理想」咁高上，唔期望最好，但唔好誤人子弟
作者: shadeslayer 時間: 18-12-19 11:10
Cheeselover 發表於 18-12-19 08:56
小心呵，Vanadium沒有説制度是完美，制度也有缺陷，所以需要調整，通過制定，執行和檢討來優化該制度。
總 ...
本帖最後由 shadeslayer 於 18-12-19 13:14 編輯
本帖最後由 shadeslayer 於 18-12-19 13:13 編輯
好好笑，我講老師問題，你就扯去家長問題。
即有人偷竊被警察拉，就講隔離有謀殺案。
Xxxxxx
世上總有賊人，但社會不應該因此不追求少一點賊人。
世上總有壞老師，但社會不應該因此不追求少一點壞老師。
世上總有壞父母，但社會不應該因此不追求少一點壞父母。
作者: Vanadium 時間: 18-12-19 18:43
本帖最後由 Vanadium 於 18-12-19 18:46 編輯
shadeslayer 發表於 18-12-19 02:02
本帖最後由 shadeslayer 於 18-12-19 07:56 編輯
做一個商人，沒有社會抱負，相信少一些人有意見。
做一個銀行家，沒有社會抱負，惟利是圖，相信少一些人有意見。
都唔知你咁既諗法點得出黎，要真教育真係先要由你呢啲諗法開始。
我對商人同銀行家既社會責任及抱負、道德操守，相反同樣具有極高期望及要求，只可惜往往都係換黎極失望。
一個人成長於一個社會，唔係一間學校，所謂"social norms"，唔係"school norms"。社會風氣、價值觀、大眾行為，對一個小朋友影響先最大。君不見中國下下道德教育只停留係學校，但整個社會沒有道德既後果?
真正教育係從社會及家庭做起，若個社會個個惟利是圖，呃呃騙騙、炒炒賣賣鎌大錢，反更被尊崇為社會賢達，成功人士，笑貧不笑娼，學校可以教到有理想、勤奮實幹既年青人? 真係當學生係機器，學校教咩就盲目咁信咩，佢地有腦諗、有眼睇，一眼看穿你學校所講既野係呃人唔現實。
作者: shadeslayer 時間: 18-12-19 19:59
Vanadium 發表於 18-12-19 18:43
都唔知你咁既諗法點得出黎，要真教育真係先要由你呢啲諗法開始。
我對商人同銀行家既社會責任及抱負、道 ...
同出一徹，一講壞老師的害處，你就推說其他人的害處，社會的害處。
怎不老老實實談如何改善老師教學？現在有乜問題，如何解決？
一講老師就擴大至社會，唔使講唔使做喇。
作者: Vanadium 時間: 18-12-19 20:32
本帖最後由 Vanadium 於 18-12-19 22:50 編輯
shadeslayer 發表於 18-12-19 19:59
同出一徹，一講壞老師的害處，你就推說其他人的害處，社會的害處。
怎不老老實實談如何改善老師教學？現 ...
我昔日仍在學校參與管理時，我對我既同事講，若學生表現唔好，絕對唔接受解釋係學生差，做教師，專業責任就係諗方法係教學上令到差學生都有心機學，係學生能力範圍交最好既成績。
但教師只係主要負責班房及教學發生既事，無理由跳出班房既教育政策，都要教師負責。
若用我昔日既態度，我會對教育管理及政策決策者講，教師若未有做到原定要求，唔可以話教師差，做管理及政策制訂，就係要做到一個能管理、教師能配合及支持既政策，就算用一位普通、只係想做好呢份工既教師，教育都可以發揮政策預期效果。
係你自己成日借題發揮，下下將政策導致不良結果既責任推向教師，甚至記得你仲話政策違背良心就應辭工，咁定啲有違良知既政策、淨識出"指引"既人，使唔使、又或幾時要辭職?
呢個討論區明明10居其9係講教育大政策，但你就10居其9就調轉講教師，若講課室管理、學生輔導、教學方法、功課，唔介意你講下教師點壞，但無論學制、課程內容、全港性考核等，完全同教師無關，都可以被你引述到教師有責任，你唔覺得你既邏輯超乎常理?
作者: shadeslayer 時間: 18-12-19 20:57
Vanadium 發表於 18-12-19 20:32
我昔日仍在學校參與管理時，我對我既同事講，若學生表現唔好，絕對唔接受解釋係學生差，做教師，專業責任就 ...
本帖最後由 shadeslayer 於 18-12-19 20:59 編輯
呢個討論區明明10居其9係講教育大政策，但你就10居其9就調轉講教師
Xxxxxx
哦，你認為教育不包括教師？
看清楚，我從不認為教育問題只有教師有責任，但學校校長老師等是前線教育工作者，影響力一定不少。
作者: Cheeselover 時間: 18-12-19 23:49
993rs 發表於 18-12-19 10:17
你好唔清析....
唔係我要找代罪羔羊，係利世民在代罪羔羊。
呵呵，你沒有找代罪羔羊，你暗示每位參與者都是罪人。此外，我指出家教重要，但沒有扯到與功課質量和教育局指引上。
有了指引，但不執行，個個陰奉陽違，誰可以糾正歪風？
＂教育界真係責任咁細？唔好講到「理想」咁高上，唔期望最好，但唔好誤人子弟＂
shadeslayer，是你講抱負，使命感和誤人子弟，你怎理解？我説政府和家庭教育責任大，但被扣帽子説教育界責任細，我中文水皮，不太理解上述説話，嘻嘻。
作者: shadeslayer 時間: 18-12-20 01:04
Cheeselover 發表於 18-12-19 23:49
呵呵，你沒有找代罪羔羊，你暗示每位參與者都是罪人。此外，我指出家教重要，但沒有扯到與功課質量和教育 ...
本帖最後由 shadeslayer 於 18-12-20 07:40 編輯
如果你有留意，我用字通常係老師要有「教育良心」，責任心。
一般市民開口埋口叫「奸商」，「吸血鬼」，但老師就談專重，家長放寶貝子女在學校，放在老師手，就係講個信字。要求有「教育良心」，責任心，唔係過份者。
基本教育良心也無，就是誤人子弟。甚麼是教育良心？自己諗。
作者: 993rs 時間: 18-12-20 16:58
Cheeselover 發表於 18-12-19 23:49
呵呵，你沒有找代罪羔羊，你暗示每位參與者都是罪人。此外，我指出家教重要，但沒有扯到與功課質量和教育 ...
「指引」就係指引，係給教育界既自由度，「陰奉陽違」責任係校方，政府冇得強迫學校執行，糾咩正？呢個已經超越中文水皮既問題。教育局收緊變成規例，又會話有妨礙教學自由既風險。
其實講咁多政策、家教，遊咁大個花園，打從一開始就在推御責任。回歸利世利篇文章主題，為何要仍要用填鴨方式教育？大量既功課、高比例既抄寫，是教育局的政策？呢個係班房內既事吧？
作者: Vanadium 時間: 18-12-20 18:07
993rs 發表於 18-12-20 16:58
回歸利世利篇文章主題，為何要仍要用填鴨方式教育？大量既功課、高比例既抄寫，是教育局的政策？
教育局當然唔係理你比咩功課，但佢係負責制訂課程，課程係咩，功課好大機會就係咩。
最近我閱讀某一科既課程改革文件，真係嚇死，諗住原課程內容多，新課程會刪減內容去加強理解及思考式學習，點知，最終係比之前課程增加更多更深既內容....而呢啲內容，唔少係硬知識 (即可死背既野)。
同樣時間，教育局要學生識既野又多又深，純資料份量重但腦筋訓練少，咁教師除使用單向講授、要求背誦、抄寫、考試操練、飛書既方法，可以點樣做到教育局要求既野?
如果你唔係教育界唔明，咁我用個譬喻，要你10個鐘內教晒唐詩3百首包講出詩詞意境及背後內容，最後要學生背寫得出加唔會寫錯字，唔知你可以點唔用抄寫及填鴨式去教?
香港課程主要係供可能top 20-30%學術型既人去讀，其他能力稍弱，就如我講10個鐘學唐詩300首一樣，如果做成填鴨，當然係教育局既政策導致。
作者: shadeslayer 時間: 18-12-20 19:24
Vanadium 發表於 18-12-20 18:07
當然係教育局政策啦，唔係真係覺得唔係嘛?
教育局當然唔係理你比咩功課，但佢係負責制訂課程，課程係咩， ...
當然係教育局政策啦，唔係真係覺得唔係嘛?
Xxxxxx
你梗係覺得係喇。因為你認為老師只係依書直說的讀稿員，死跟 marking scheme 改卷的電腦。用錄音機同電腦咪可以，使乜校長老師專業訓練？
作者: Vanadium 時間: 18-12-20 19:37
本帖最後由 Vanadium 於 18-12-20 19:45 編輯
shadeslayer 發表於 18-12-20 19:24
當然係教育局政策啦，唔係真係覺得唔係嘛?
Xxxxxx
講真，香港教育局所訂既課程，嚴格真係大都唔使上堂，學你所講，錄音照搞讀、播電視/電腦睇片一樣得。
補習社1對幾百視像教學，可以做到上市，仲要賣晒廣告話全部狀元都補習，就知啲課程內容同考核係幾咁機械、幾咁填鴨。
你唔好講到好似真係唔知咁吧? 你係香港大、受香港教育? 定你以前考公開試考得好差唔知道? 死跟marking scheme，係考評局(即政府考核代表)既要求，真係一個小字眼都要跟佢寫，你寫到意思但無佢字眼可能唔比分架!
作者: shadeslayer 時間: 18-12-20 21:14
Vanadium 發表於 18-12-20 19:37
講真，香港教育局所訂既課程，嚴格真係大都唔使上堂，學你所講，錄音照搞讀、播電視/電腦睇片一樣得。
補 ...
本帖最後由 shadeslayer 於 18-12-20 21:17 編輯
You mixed up Curriculum and Delivery of the curriculum.
Curriculum is a standard, how teachers and schools teach students to that standard is delivery.
Curriculum doesn’t make the delivery boring.
作者: shadeslayer 時間: 18-12-20 21:21
Vanadium 發表於 18-12-20 19:37
講真，香港教育局所訂既課程，嚴格真係大都唔使上堂，學你所講，錄音照搞讀、播電視/電腦睇片一樣得。
補 ...
中六考DSE要死跟，咁小一至中五校內試，測驗呢？
作者: shadeslayer 時間: 18-12-20 21:32
Vanadium 發表於 18-12-20 19:37
講真，香港教育局所訂既課程，嚴格真係大都唔使上堂，學你所講，錄音照搞讀、播電視/電腦睇片一樣得。
補 ...
既然係咁，使乜要教育大學，教育文憑？比一萬元求其揾校工教就可以了。
作者: Vanadium 時間: 18-12-20 21:54
本帖最後由 Vanadium 於 18-12-20 21:55 編輯
看來真係唔係香港長大。
1) 教師不嬲都唔使讀過教育都做得，而讀教育既內容....同實際工作既要求，根本無幾多地方吻合。教育學院教要啟發學生自由探索，但出來工作就要跟教育局所訂既沉悶、又多又催迫之課程。
2) 校內試你玩到天花龍鳳又如何? 小學小三有BCA、小六有TSA、pre S1，中學有TSA、DSE，全部由考評局設定既standard tests，有要老師好跟去評改既marking schemes，而學校、學生做得好唔好.....社會就睇呢啲tests。
3) Mix up curriculum and curriculum delivery????????????
都話若要10小時教300首詩，仲可以有咩curriculum delivery可言? 讀一次都隨時要10小時，莫講教，更莫講創意或啟發性去教。
堅離地......係咪講呢啲?
作者: Vanadium 時間: 18-12-20 22:36
本帖最後由 Vanadium 於 18-12-20 23:39 編輯
唔好淨批評香港填鴨式教育，幫佢講返幾句好話，大家唔好忘記.....
1) 香港課程內容的確比非填鴨地區深同廣，香港學生"知識"好多，考全球性既試香港成績都頭幾位，香港學生讀書能力普遍高過同級別既外國學生;
2) 香港學生其實係外國人眼中係極乖好捱得苦，上課秩序.....即使band 3學校可能都好過外國好多band 1學校;
3) 接2，香港填鴨教育最成功係做左一班好跟規則、比野佢就去做既人，所以香港罪案率係全世界最低，相比果啲非填鴨國家，大都會都係槍林彈雨，搶劫放火強姦暴亂真係咩都多香港幾百倍。
4) 香港教育好高效率，洗少少GDP就有咁既效果，唔填鴨做得到?
作者: shadeslayer 時間: 18-12-20 23:55
Vanadium 發表於 18-12-20 21:54
看來真係唔係香港長大。
1) 教師不嬲都唔使讀過教育都做得，而讀教育既內容....同實際工作既要求，根本無 ...
本帖最後由 shadeslayer 於 18-12-21 01:44 編輯
You cannot hide your confusion with other distractions.
依你所講，讀教育真係冇乜用。一部錄影機，一部電腦也可以取代的工作，有乜前途。
離地？ 好似10小時教300首詩？
教育局課程要求？ Any reference ?
作者: 993rs 時間: 18-12-21 10:07
Vanadium 發表於 18-12-20 18:07
當然係教育局政策啦，唔係真係覺得唔係嘛?
教育局當然唔係理你比咩功課，但佢係負責制訂課程，課程係咩， ...
假如要學生識得廣，係教育局；咁要學生熟練，就係學校。一科幾樣性質相同既功課、係咁抄，除左為谷成績，我諗唔到同咩政策有關。數學用9成時間抄「小明媽媽今日到街市最終用了xxxx 買了xxxx」，課本係咁、同時加上學校自訂既工作紙都係咁。
我所知唔係所有學校係咁（我亦唔係予頭指向所有學校）。咁即係大政策下，只要學校有心一樣有空間發揮；但如果學校抱著填鴨既思維、系政策下，學生會更慘
作者: 993rs 時間: 18-12-21 10:43
Vanadium 發表於 18-12-20 22:36
唔好淨批評香港填鴨式教育，幫佢講返幾句好話，大家唔好忘記.....
1) 香港課程內容的確比非填鴨地區深同廣 ...
1) 大學前正確，香港人出到外面，平均「學術」可以講贏外國成條街。但一上到大學，外國學生就追返，靠既係「學習態度、興趣」。
2) 外國老師嫌香港人欠互動。若說 band 3 學生好過外國 band 1，實情係因為香港教得快，人地未識香港學生已經識，但一教新野香港 band 3 就會露餡
3) 我唔 comment 啦，根本冇 stats 去 prove。不過你比我感覺係：我情願你唔好 challenge 學校。
4) 係，洗少少錢就見到「業績」，尤其政府我相信十居其九都同意。呢個真係政府一個超級失敗！純以學術水平做終點，咁冇問題的。但今時今日，大家都追求創新、科研成就作目標，講緊真係大政策，我亦同意你所講，呢個非常大程度係政策問題，我甚至認為教育局錯得好緊要
作者: Vanadium 時間: 18-12-21 18:18
本帖最後由 Vanadium 於 18-12-21 18:38 編輯
993rs 發表於 18-12-21 10:07
其實我 explicitly 講左個問題，最少我所講既係唔關政策事
一科幾樣性質相同既功課、係咁抄，除左為谷成績，我諗唔到同咩政策有關。
純抄寫功課肯定不能谷成績。
我估抄寫既原因可能係......
1) 老師懶: 抄寫既功課係天下間最易改既功課，學生做10個鐘，老師改唔使10秒鐘，交數最好 (即學校查薄時話有功課比)。
2) 老師工作量多無時間改功課: 改一份有意義功課要花好多時間，如1份30分鐘作文，好用心、認真咁改全班可能要用3個鐘。但老師因學校及家長要求，要交功課數，唔可能日日作文改死，咁惟有用抄寫功課頂下數。
3) 學生能力未能配合高層次功課: 對學生黎講，同樣天下最易做既功課就係抄寫 (假設學生勤力但無咩腦筋)，就算個老師有心搞一啲好啟發性功課，如做下project搵下資料，但學生未必能完成到 (特別無家庭支援、能力又弱果班)，結果功課追又死，唔追又死，學生勁欠交，老師難交代，有時甚至係家長投訴話老師比啲功課係佢子女唔識做，部份盲目家長甚至都喜歡抄寫，至少自己仔女交到，仔女交整功課佢地已覺得好好。
4) 抄寫係有教育目的: 多抄寫事實可訓練學生寫字速度，抄書抄得多既學生，唔怕寫字又寫字快，日後高年班學習，要抄上課筆記或考試寫字，都會極有利。試想一個人從小從不用抄寫，然後大個後要成日寫字，及寫好多版，後果會點?
另外，抄寫某程度亦幫助認字及寫字。若大家有留意，經常只讀不寫，往後就真係只會讀不會寫，依家電腦打字，好多時大人都唔記得啲字點寫。
若係語文科，抄寫或可增進字句甚至段落既記憶。
5) 老師不懂教育，竟不知抄寫對教學內容係無意義。若然計條數都要抄埋文字題，抄寫果part肯定同計數無關，咁老師知唔知呢? 竟然唔知......唔會掛。不過......唔100%確定呢個世界有無咁白痴老師 (請恕我用呢個字眼...但若唔知都做到老師真係白痴。)
總的若發現學校勁多抄寫功課，建議家長可以同學校或老師溝通下，若唔識可攞住我呢5點，或你再諗到多一啲，問佢點解計條數都要抄題目，可能佢真係有教育原因，又或......可能佢地真係咁離譜無諗過，做開就做，不過若你咁一問，相信佢地至少應會反思下。
作者: Vanadium 時間: 18-12-21 18:58
本帖最後由 Vanadium 於 18-12-21 19:02 編輯
其實感覺好多對教育既批評，都係從一個點、特別係自己經驗既點去睇，但教育係對所有人.........天才與天才既相反都會接受教育，而不同對象，教育可以完全另一回事。
利世民篇文章似乎係回應近日網絡討論有關小學寫字，老師成日嚴謹咁執係大人世界無關痛癢之小節，如小小一點寫得正唔正，扼殺小朋友。
但當我睇到網上既野，及我仔老師改佢既功課，我就真係覺得無咩野，完全同扼殺小朋友談不上關係，只要父母給與適切輔導，話比小朋友聽點解老師有咁要求就得。
對我黎講，寫字唔係淨寫字，中文字本質係圖像，學中文字近似學觀察圖像，而好既觀察，係要留意細節，當copy個圖像出黎，經常忽略細節，點線經常唔準確，其實長大後.....一定對某啲科目既學習出問題。
所以，以我會支持老師對我小朋友寫字要執得細緻，唔係字既問題，係觀察力及學習做事態度嚴謹既問題 (其實好多長大後成績差既學生，都係"差不多先生"，交出黎既野永遠只係似但唔準) 。
當然，若份功課係作文，老師就唔應該太著重字既細節，應著重文章既內容。正正大人世界大都講內容，所以大人世界未必對字執得咁高要求，但小朋友世界唔同大人，如果下下用大人標準去判斷小朋友應點做，個人覺得係不恰當。
作者: shadeslayer 時間: 18-12-21 21:43
Vanadium 發表於 18-12-20 22:36
唔好淨批評香港填鴨式教育，幫佢講返幾句好話，大家唔好忘記.....
1) 香港課程內容的確比非填鴨地區深同廣 ...
你要証明你不是信口開河，你要提供証據，最低罪案的，多是填鴨，最高罪案的，多是非填鴨。
我求其 Google 有：
https://stories.avvo.com/news/the-6-least-violent-nations-in-the-world.html
1. New Zealand
2. Iceland
3. Japan
4. Austria
5. Norway
6. Ireland
作者: Vanadium 時間: 18-12-21 22:23
本帖最後由 Vanadium 於 18-12-21 22:39 編輯
shadeslayer 發表於 18-12-21 21:43
你要証明你不是信口開河，你要提供証據，最低罪案的，多是填鴨，最高罪案的，多是非填鴨。
我求其 Googl ...
我諗緊你呢個引用，算唔算"差不多"既例子? 將香港同歐洲一個國家比，真係睇落係差不多正確但實在又未必。
因事實就唔應該咁比。香港係一個有近800萬人口既大都會/城市，要比會唔會同返相似人口或密度既城市比好啲呢?
我真係唔係睇住數據黎大你，我亦都大緊我自己。如香港同紐西蘭最大城市，邊個罪案率高啲?
我淨知倫敦、紐約、巴黎等城市，罪案率比香港高得多，特別年青人。
當然，我亦唔可以講呢個一定純同教育有關，可能當地犯罪主要都係移民人口，亦有文化因素。但亞洲區大城市大都行填鴨教育，而治安又真係相比歐美大城市好，至於係咪有關聯，當然我不否應可能係信口開河，但感覺無理由咁啱。
作者: shadeslayer 時間: 18-12-22 07:06
Vanadium 發表於 18-12-21 22:23
我諗緊你呢個引用，算唔算"差不多"既例子? 將香港同歐洲一個國家比，真係睇落係差不多正確但實在又未必。
...
我諗緊你呢個引用，算唔算"差不多"既例子? 將香港同歐洲一個國家比，真係睇落係差不多正確但實在又未必。
Xxxxxx
傻啦，我引呢個例子唔係要證明香港同佢地比較喺邊，係要證明歐洲自由國家，不用填鴨教育，仍然係世界上安全嘅國家。反駁你填鴨有助「國家安全」的論調。
作者: Vanadium 時間: 18-12-22 10:30
shadeslayer 發表於 18-12-22 07:06
我諗緊你呢個引用，算唔算"差不多"既例子? 將香港同歐洲一個國家比，真係睇落係差不多正確但實在又未必。
...
比較下同香港一樣的大城市，歐洲都可以，我都想知。
香港年青人犯罪率算好低，如果話同教育無關真係好難講得過去，填鴨又好唔填鴨又好，至少係紀律及守規上，學校應算係做到野，特別班band 3學校老師，唔少對年青仍滿有關懷與抱負，就係你講果啲。
作者: shadeslayer 時間: 18-12-22 14:53
Vanadium 發表於 18-12-22 10:30
你所謂安全"國家"，如冰島，咁大地方得35萬人口，唔使教育都罪案率低吧。
比較下同香港一樣的大城市，歐洲 ...
同教育有關，和同填鴨教育有關，相差很遠。你之前是說和填鴨教育有關，你up完之後什麼都冇解釋。
明㗎啦。
作者: Vanadium 時間: 18-12-22 16:04
shadeslayer 發表於 18-12-22 14:53
同教育有關，和同填鴨教育有關，相差很遠。你之前是說和填鴨教育有關，你up完之後什麼都冇解釋。
明㗎啦 ...
人文科既野，莫講吹下水，就算好學術咁討論引晒數據，都一定有counter opinions， 至少我就從無想說服任何人，特別係你。
我都有講我點解咁諗，可能大家對填鴨既定義唔同，我好廣義，包括無咩鼓勵思考、只服從權威下灌輸知識，學生不能想太多只得接受，都係填鴨。
我只係講個人意見，唔接受大概可以忽略當無睇過。
作者: shadeslayer 時間: 18-12-22 16:56
Vanadium 發表於 18-12-22 16:04
差好遠? 你明?
人文科既野，莫講吹下水，就算好學術咁討論引晒數據，都一定有counter opinions， 至少我就 ...
你可能分不開甚麼是一種陳述，甚麼是一種意見。
作者: skkeung 時間: 18-12-26 17:50
elbar 發表於 18-12-12 11:50
I have never let my schooling interfere with my education.我想了好久也不知道該如何信達雅地繙譯大 ...
香港的教育應叫"De-education"!無人喜歡讀書！
| 歡迎光臨 教育王國 (/) |
Powered by Discuz! X1.5 |