教育王國
標題: 今年讀緊中一既請入 [打印本頁]
作者: joanray 時間: 18-12-7 18:49 標題: 今年讀緊中一既請入
囝現中一，入到心儀既B1英中。小學成績要20-30名，數班強，中文弱。
小三至小六，為左個呈分，我同佢都辛苦到想死。我個埋筆記，幫佢溫習，佢就操advanced 題目。為既係爭盡每一分入B1。
已考完呈三，佢覺得已成定局。開始懶散。
到入左中學，情況更差。因為開始想唔幫佢太多，要佢自己習慣自動溫書，但返左三個月學，完全做唔到。
暫時成績中等，成日話中學唔會好似小學咁9x 分。但你都唔係明明識做既野都同我錯返黎。
結果，第一次考試我完全放手，希望佢跌獲甘，會學識自動自覺！
其實有冇呢個可能呢？
作者: YolandaTam 時間: 18-12-7 19:46 標題: 回覆樓主:
中三學生家長可否搭訕呀？
作者: joanray 時間: 18-12-7 19:46
YolandaTam 發表於 18-12-7 19:46 
中三學生家長可否搭訕呀？
Sure welcome
比比意見！
作者: YolandaTam 時間: 18-12-7 20:02 標題: 回覆樓主:
我諗中一同學放鬆咗係人之常情嚟：
1)高小辛苦咗幾年，咪好似我哋趕完年度大 project, 真係身心俱疲
2)如果讀書一向一帆風順，點會諗到驚濤駭浪就喺前面
3)中一上學期，除超谷校外，好多學校係蜜月期，同學見啲嘢熟口熟面，戒心自然下降
4)中學課外活動多姿多采，年輕人好玩，再識班朋友一齊，互相影響，打機，追星，全部令人放鬆，十分吸引
5)阿媽放手，如同放監，唔玩就係傻
作者: Yanamami 時間: 18-12-7 20:04
其实道理十二分简单，純養左六年既野生动物，放生番去野外既求生技能基本上係零｡拉紧左六年既橡皮圈已經鬆哂｡The damage is done. 但都需要由而家开始忍痛改变，唔可以期望六年下來既坏习慣－个考試就可以改到｡大概学习态度同技巧先係而家首要任務，而唔係成績｡对你仔黎講－下子全放手亦可以想像结果会係点｡
作者: YolandaTam 時間: 18-12-7 20:09 標題: 回覆樓主:
但我仍主張放手。
父母發功，非長遠計。成績由佢跌吧，小女自小五起自動波，中一都懶。
到中二，醒覺再咁落去個底差會揀唔到理科，成績回復中上。
所以唔駛担心，父母要做嘅係令小朋友知道讀書係佢嘅事，父母只係協助。多啲引導佢諗將來，佢一旦揾到自己理想，成個人會唔同晒的。
作者: joanray 時間: 18-12-7 20:11
YolandaTam 發表於 18-12-7 20:09
但我仍主張放手。
父母發功，非長遠計。成績由佢跌吧，小女自小五起自動波，中一都懶。
到中二，醒覺再咁落 ...
但係要佢自己都發覺，呢個係最難既問題
中二已知道好好呀！我都唔知要等到幾時！
作者: 妹妹頭 時間: 18-12-7 20:18
回覆 joanray 的帖子
我女都係岩岩中一，小學一直都在級十內，呈分唔算辛苦，入左心儀自行一B1中學，但我並冇一下子放晒手，相反我會旁觀，佢有唔明會問我，UT我有教佢溫習(因為Geog，Sci，History依3科佢從未接觸過)，其他佢自己可應付到，我就冇插手。黎緊考試，我會又放多少少手，佢應該學到點去溫習，希望下學期我可以全放手就好。
作者: YolandaTam 時間: 18-12-7 20:30
joanray 發表於 18-12-7 20:11
但係要佢自己都發覺，呢個係最難既問題
中二已知道好好呀！我都唔知要等到幾時！
咁好睇佢性格嘞，如果佢好要面，見自己退咗應該會知衰嘅。
作者: 持之以恆 時間: 18-12-7 20:32
我仔小五我已放手，因佢對學業有要求，所以會自主學習，今年中一，我更加完全冇插手，佢亦冇任何形式補習，成績大部分科目不錯，在大池中好適應。
所以要睇小朋友性格，不過上到中學，正常都要靠小朋友摸索，家長最多提點下學習態度。
作者: Haz-mama 時間: 18-12-7 21:31
我女上左中一， 學業上我已經放手， 基本上， 我無乜野可以幫到佢。升左中學， 我女學會自己寫筆記， 自己搵方法温書， 宜家只補數學， 無其他補習， 一星期有兩日留校課外活動， 剛UT完， 成績不過不失
作者: hihihi 時間: 18-12-7 22:17
我大女今年都係中一，學校不斷強調家長要放手俾佢哋學習對自己負責，但家長指引依然有需要。眼見呢個階段朋輩影響力好大(同一句說話我講佢唔聽， 但同學講就即刻跟住做
)。現在只是form 1, 與其執着成績，不如多花心機教佢正面態度，相信差極有個譜。但最緊要同佢哋有偈傾先有得搞。
作者: kirstyau 時間: 18-12-7 22:52 標題: 回覆樓主：
本帖最後由 kirstyau 於 18-12-7 22:53 編輯
到。我全放手，一來太多科，我都唔會識，最多佢唔識要補幫佢搵下邊間好/人地介紹上門好。
暫時成績有中至上。佢自己會唔開心，但我睇得好開，同阿女講先剛開始適應中，慢慢來。
作者: sfuhsg 時間: 18-12-7 23:15 標題: 回覆樓主：
本帖最後由 sfuhsg 於 18-12-7 23:16 編輯
小三四已開始半放手，我主張勉強無幸福，如果冇左我唔識讀書，就算入到神校都冇用。
今年中一全放手，會哦下佢要溫書，但唔會落手落腳同佢溫喇，成績中上，但佢都知自己懶，我只係叫佢為黎緊既exam定目標，唔想破壞大家關係。你咁樣，我睇字都覺得辛苦
作者: kkhon 時間: 18-12-7 23:30
joanray 發表於 18-12-7 18:49
囝現中一，入到心儀既B1英中。小學成績要20-30名，數班強，中文弱。
小三至小六，為左個呈分，我同佢都辛苦 ...
作者: TwinWong 時間: 18-12-8 00:35
joanray 發表於 18-12-7 18:49
囝現中一，入到心儀既B1英中。小學成績要20-30名，數班強，中文弱。
小三至小六，為左個呈分，我同佢都辛苦 ...
中學係要放手 無可能跟得贴
比期望大家 定下目標
可以先續一個UT 同exam
定好每科每次提升3-5分
佢见到自己續漸提升就有成功感
會好快回復過來
我細女小學數較強
中一上學期無補即唔合格
學期尾追到A 两學期拉分係C
我已好滿足 起碼係成功第一步
作者: rainwater 時間: 18-12-8 00:53
男仔係咪一般比較hea? 定係我個特別衰。我唔跟貼，UT咗我都唔知，家長日老師提先如夢初醒，我唔覺得佢有認真溫過囉！佢每逢週末都真係好似大人返完工放假一樣，好他調，我估成績唔慌好。最慘佢成績差都唔覺得upset, 只有我先會。
作者: 持之以恆 時間: 18-12-8 08:17
本帖最後由 持之以恆 於 18-12-8 08:49 編輯
rainwater 發表於 18-12-8 00:53
男仔係咪一般比較hea? 定係我個特別衰。我唔跟貼，UT咗我都唔知，家長日老師提先如夢初醒，我唔覺得佢有認 ...
男仔hea是有，但在我仔學校，勤力的同學也不少，可能不少在小學都是級頭的同學，勤力慣，我在群組見到有D同學做功課好認真的，我仔平日就求其，祗在測考時先會認真。我在家長群組見有D家長又問U T範圍，又問學校為何冇past paper....,真係各人做法不同。
作者: mcl203 時間: 18-12-8 13:23
joanray 發表於 18-12-7 18:49
囝現中一，入到心儀既B1英中。小學成績要20-30名，數班強，中文弱。
小三至小六，為左個呈分，我同佢都辛苦 ...
本帖最後由 mcl203 於 18-12-8 13:24 編輯
我小朋友已係中中階段，B1英中好處係學習氣氛，初中階段可以放手少理，小朋友亦會因應時段調整，始終朋輩間去到適當時間大家都會調整態度，佢一定知道或感受到，除非D同學認真晒你仲企係原位既本身性格如此。又除非，你本身係靠用盡力谷出B1成績才可入英中，咁就要小心提下小朋友了～～～
作者: CCCK1234 時間: 18-12-8 15:05
joanray 發表於 18-12-7 18:49
囝現中一，入到心儀既B1英中。小學成績要20-30名，數班強，中文弱。
小三至小六，為左個呈分，我同佢都辛苦 ...
我同樓主情況差唔多，小學一直都會幫小朋友溫書，到左中一，一開始就放手，平時小測，默書，成績都麻麻，有時直到冇溫，到左第一次測試，成績只係剛合格，不過佢係有心溫書，只係好多科佢未接觸過，所以唔識點溫，加上好多科係英文，又唔識解，而家平時有時間，我都會陪下佢溫，唔會全部幫佢，希望佢慢慢適應
作者: kkhon 時間: 18-12-8 15:49
mcl203 發表於 18-12-8 13:23
本帖最後由 mcl203 於 18-12-8 13:24 編輯
我小朋友已係中中階段，B1英中好處係學習氣氛，初中階段可以 ...
作者: la5711 時間: 18-12-9 19:33
本帖最後由 la5711 於 18-12-9 19:37 編輯
中一無補習，佢自己溫完，會叫我考問下佢，that's all. 一來等佢輕鬆下，二來睇下佢真正實力。中二開始補數，中三開始補英。
另外中二開始留意大學選科和職場資訊，引導佢規劃升學前途，找到目標，就有努力的方向。
作者: 洋蔥頭媽咪 時間: 18-12-10 12:54
小學就必須要培養良好學習態度，家長慢慢放手，通常自律性强嘅學生升中一般問題不大。但若小學階段小朋友个定未试過自動波，家長由頭mon到尾，咁升中後當然不能一下子放晒手，否則好容易失控就炒。
樓主小朋友嘅情況是孩子自我管理能力弱，懶散要人督促，如果一下子放晒只會越來越差，建議收緊孩子自由度，逐少去放，協助孩子建立良好讀書態度同温習方法。
作者: RoseRosa 時間: 18-12-10 23:44
持之以恆 發表於 18-12-7 20:32
我仔小五我已放手，因佢對學業有要求，所以會自主學習，今年中一，我更加完全冇插手，佢亦冇任何形式補習， ...
同意，培養學習態度才是最重要，我對亞仔的學術已經是完全放手啦⋯⋯反而多左同佢分享一些「人生道理」
作者: gigiic 時間: 18-12-11 17:00
sfuhsg 發表於 18-12-7 23:15
小三四已開始半放手，我主張勉強無幸福，如果冇左我唔識讀書，就算入到神校都冇用。
今年中一全放手，會哦 ...
作者: 思澄爸爸 時間: 18-12-16 14:58
sfuhsg 發表於 18-12-7 23:15
小三四已開始半放手，我主張勉強無幸福，如果冇左我唔識讀書，就算入到神校都冇用。
今年中一全放手，會哦 ...
請問小朋友由小學至而家中學有冇補習中英數呢？
作者: sfuhsg 時間: 18-12-18 01:37
思澄爸爸 發表於 18-12-16 14:58
請問小朋友由小學至而家中學有冇補習中英數呢？
小六開始一星期一堂中文
作者: little_yolky 時間: 18-12-18 08:51
Yanamami 發表於 18-12-7 20:04
其实道理十二分简单，純養左六年既野生动物，放生番去野外既求生技能基本上係零｡拉紧左六年既橡皮圈已經鬆 ...
近日, 阿女去面試, 都要見家長。老師問到話佢哋學校好谷, 唔係個個小朋友都受得住。我就答佢, 阿女由細到大都係自動自覺, 自律咁去學習。佢初小時成績唔係咁好, 我犠牲咗個初小成績, 忍住唔出手, 唔補習, 為咗俾佢自己摸索個適合自己既學習模式, 日積月累至有今日既成果。我從來唔會懷疑佢, 佢去到任何學校都可以適應到。
回程途中,
C6話：媽咪, 乜原來你有諗得咁長遠架?!
阿女話：媽咪, 我仲以為你唔錫我, 所以唔理我咋！
真係養兒100歲, 長憂九十九, 仲要個C6都咁衰, 要憂多個！
作者: Yanamami 時間: 18-12-18 09:33
本帖最後由 Yanamami 於 18-12-18 09:33 編輯
little_yolky 發表於 18-12-18 08:51
又有感而發。
近日, 阿女去面試, 都要見家長。老師問到話佢哋學校好谷, 唔係個個小朋友都受得住。我就答佢 ...
係㗎，好長遠㗎~為左我个怕羞女升中面試自如，我K3就俾佢开始玩朗誦節，小二开始广英普－路到小六，我同女講，目的只為你企上台接受禁多对眼睛注視，到唔怕既階段。好多野唔可以臨急抱佛腳的｡
作者: little_yolky 時間: 18-12-18 09:41
Yanamami 發表於 18-12-18 09:33
係㗎，好長遠㗎~為左我个怕羞女升中面試自如，我K3就俾佢开始玩朗誦節，小二开始广英普－路到小六，我同女 ...
我覺得, 可能係自信不足既表現。
作者: IloveJJ 時間: 18-12-18 11:31
提示: 作者被禁止或刪除 內容自動屏蔽
作者: IloveJJ 時間: 18-12-18 11:32
提示: 作者被禁止或刪除 內容自動屏蔽
作者: little_yolky 時間: 18-12-18 11:52
IloveJJ 發表於 18-12-18 11:31
乜你無講過俾佢哋聽咩？
我一直有講。
作者: little_yolky 時間: 18-12-18 11:53
IloveJJ 發表於 18-12-18 11:32
你唔問下佢?
作者: IloveJJ 時間: 18-12-18 12:31
提示: 作者被禁止或刪除 內容自動屏蔽
作者: little_yolky 時間: 18-12-18 12:34
IloveJJ 發表於 18-12-18 12:31
咁所以都正常囉！你自己都緊張
作者: asweetmom 時間: 18-12-21 08:08
little_yolky 發表於 18-12-18 09:41
係啦, 何解阿大都成日响台度, 點解面試時仲係蚊滋咁細聲? 我覺得, 可能係自信不足既表現。 ...
在台上表演是忘我境界，也不需要答問，和面試完全不一樣呢！
作者: Hoining 時間: 18-12-22 16:00
提示: 作者被禁止或刪除 內容自動屏蔽
作者: skkeung 時間: 18-12-22 16:44
joanray 發表於 18-12-7 18:49
囝現中一，入到心儀既B1英中。小學成績要20-30名，數班強，中文弱。
小三至小六，為左個呈分，我同佢都辛苦 ...
種花一樣!太多水會死!但是誰加水?
作者: 29XX86 時間: 18-12-23 20:32
joanray 發表於 18-12-7 18:49
囝現中一，入到心儀既B1英中。小學成績要20-30名，數班強，中文弱。
小三至小六，為左個呈分，我同佢都辛苦 ...
無, 我係個來人, 我囡小學級頭10內, 一向好成績, 小學主力幫佢揾數, 中學唔想再幫佢, 等佢試下自己揾, 結果梗係不似預期, 佢小學成績好慣, 但中學跌左咁多, 佢真係完全唔在乎, 小學4年班其實試過有一 個中文PAPER得77分, 果次佢都無所謂架, 有人話到佢跌得金佢就會驚, 但今次都完全睇唔到囉.
所以, 黎緊EXAM我唸我唔會全放手了, 其他科或許可以, 但數學我唸我要COOL返佢了, 因數學不停跌會好影響個 基楚.
| 歡迎光臨 教育王國 (/) |
Powered by Discuz! X1.5 |