教育王國
標題: 一人一信致教育局局長, 嚴厲打擊用非自住地址申請大抽獎 [打印本頁]
作者: skpun0317 時間: 18-11-28 17:18 標題: 一人一信致教育局局長, 嚴厲打擊用非自住地址申請大抽獎
家長們為小一學位已經勞心勞力, 需要作戰到最後等大抽獎的, 還有半年才有結果, 確實是一個煎熬.
作為家長, 只可以跟遊戲規則繼續玩下去...不忍看見有任何人, 違反規則, 報非自住地址申請大抽獎, 令某些校網承受更大的競爭. 包括: 借用朋友, 親戚或祖父母的地址, 或者租用空置劏房(非自用)或信箱等作申請大抽獎之用. 以非正式統計, 近年情況日益嚴重, 確不可再助長這些違規行為, 對真正當校網居住的家長及小朋友非常不公平, 希望教育局認真審視情況及嚴厲打擊虛報地址問題. 例如: 1) 檢視有否個別大廈或單位, 有不尋常多的申請. 2) 加強家訪或以神秘人形式到訪 3) 加重罰則, 除派位無效外, 作虛假聲明家長需要罰款或監禁 4) 鼓勵舉報
希望大家一人一信給教育局, 嚴厲打擊用非自住地址申請統一派位.
教育局局長 楊潤雄 先生, JP [email protected]
香港灣仔皇后大道東213號胡忠大廈15 樓
謝謝大家.
作者: Onetwofree 時間: 18-11-28 17:55
Support! 贊成打擊違規行為! done!
作者: jessip2013 時間: 18-11-28 18:19 標題: 回覆樓主
咁反正都係申訴，叫埋局長解決不可同時註冊多間直私啦，如要有註冊証先可註冊
作者: kudon 時間: 18-11-28 18:34
jessip2013 發表於 18-11-28 18:19 
咁反正都係申訴，叫埋局長解決不可同時註冊多間直私啦，如要有註冊証先可註冊
...
呢樣嘢真係要搞搞，手執幾間私校offer，已經令到真心想讀直私嘅家長呆等，轉頭仲容許揸住私校offer去玩大抽獎，完全錯估了入讀小一的人數。其實手執一人一學位註冊証去註冊小學就最好～
作者: skpun0317 時間: 18-11-28 18:38
回覆 jessip2013 的帖子
政府始終較難規管各私校, 家長選擇註冊多間直私, 始終不是違規, 到最後亦只可選一間就讀. 唯有寄望政府將來有更深層次的討論.
但虛報地址, 是違法行為, 直接影響大抽獎結果, 教育局一定要正視!!!
作者: chunchundaddy 時間: 18-11-28 21:15 標題: 回覆樓主
年年都有嘅 post 
作者: Onetwofree 時間: 18-11-29 08:33
本帖最後由 Onetwofree 於 18-11-29 08:37 編輯
回覆 chunchundaddy 的帖子
作者: chunchundaddy 時間: 18-11-29 08:39
Onetwofree 發表於 18-11-29 08:33
回覆 chunchundaddy 的帖子
本帖最後由 chunchundaddy 於 18-11-29 08:53 編輯
唔好咁緊張，我絕對讚成嚴厲打擊
作者: applebot 時間: 18-11-29 09:10
年年都有人做尼啲嘢, 局長已經對尼啲事有抗藥性~ 佢哋會檢討架啦~ 家長嘈完咪又要接受賽果...總有少數人出矛招, 但大部份人都係跟規矩做嘢~ 有啲家長明知係犯法, 都搏一搏...捉到當唔好彩, 因為學校都政府根本唔會放太多資源去捉所有人...
作者: hohoho888 時間: 18-11-29 09:54
applebot 發表於 18-11-29 09:10
年年都有人做尼啲嘢, 局長已經對尼啲事有抗藥性~ 佢哋會檢討架啦~ 家長嘈完咪又要接受賽果...總有少數人出 ...
好似舊年咁參加統一派位人數官方話有32,000 幾, 真係好難叫政府查哂咁多戶
現行既方法都係靠舉報多, 其次我諗就係d 重災區既區好似kln tong, 中西區呢d
如果是借地址, 或租地址呢d, 我諗是你識佢先知, 比如係幼稚園d同學呀,
街坊傾計唔小心講左呀果d
就係因為叫做識識地佢, 你又未必會舉佢啦
作者: dreamdream081 時間: 18-11-29 10:03
本帖最後由 dreamdream081 於 18-11-29 10:21 編輯
applebot 發表於 18-11-29 09:10
年年都有人做尼啲嘢, 局長已經對尼啲事有抗藥性~ 佢哋會檢討架啦~ 家長嘈完咪又要接受賽果...總有少數人出 ...
希望局長還會跟進一下直資私小只能留一間位。
作者: tinon2005 時間: 18-11-29 10:19
不要對呢個政府有期望了.....
作者: dreamdream081 時間: 18-11-29 10:21
tinon2005 發表於 18-11-29 10:19
不要對呢個政府有期望了.....
作者: tinon2005 時間: 18-11-29 10:25
回覆 dreamdream081 的帖子
啲高官仔女個個都讀國際學校同外國留學, 懶得理你地死活 .....
佢地有幾多個同我地呢班家長咁玩呢個磨人的考小一遊戲丫....
作者: ar_mak 時間: 18-11-29 11:33
提示: 作者被禁止或刪除 內容自動屏蔽
作者: 洪威寶 時間: 18-11-29 14:23
kudon 發表於 18-11-28 18:34
呢樣嘢真係要搞搞，手執幾間私校offer，已經令到真心想讀直私嘅家長呆等，轉頭仲容許揸住私校offer ...
咁又好難，除非所有直私同日公怖得主。
作者: skpun0317 時間: 18-11-29 14:57
反映左, 起碼引起局方關注, 打擊一個得一個.
我自己就親手寫左信去比楊局長, 希望他正視.
作者: simpson.chan 時間: 18-11-29 22:31 標題: 回覆樓主
贊成樓主！ 而家執法太鬆，靠舉報為主，一年捉少少人就想以儆効尤，邊會有用？
作者: 百畝林 時間: 18-11-29 22:42
舊年，我地陪小朋友玩晒成個小一申請程序。
首先，K2下學期先到真道、音小嗰啲面試。之後再因應個人選擇，再到直私面試。同時又填自行同參加大抽獎。最後因大抽獎唔中頭獎，仲要玩埋扣門。
呢個遊戲真係令大人細路都攰。
講返寫信。如果唔係有證據咁舉報，有關當局又真係好難查證小朋友係咪住喺申報地址。
明白人人都想中頭獎。知有人虛報又中奬，當然眼紅。
但事實上，就算呢個虛報者被DQ，又唔代表會輪到你⋯（當然，機會率係有所提升）
始終都係「運」！（當然，虛報者要承受應有的制裁）
作者: Crystal03wong 時間: 18-11-30 00:00 標題: 回覆樓主
係唔係34綱最嚴重
作者: Arabellahk 時間: 18-11-30 00:25
skpun0317 發表於 18-11-28 18:38
回覆 jessip2013 的帖子
政府始終較難規管各私校, 家長選擇註冊多間直私, 始終不是違規, 到最後亦只可選一 ...
作者: 小鳯 時間: 18-11-30 08:01
提示: 作者被禁止或刪除 內容自動屏蔽
作者: 星星的後裔 時間: 18-11-30 08:15 標題: 回覆樓主
虛報恆常住址是可能被判虛假文書罪，唔排除有人搏唔告。另將有人報假住址歸咎私小註冊，真係躺著也中槍。我覺得較好的方法是教署認真及高調執法，擺d case 上 court. 令C9們唔敢搏。
作者: 星星的後裔 時間: 18-11-30 08:54
skpun0317 發表於 18-11-28 18:38
回覆 jessip2013 的帖子
政府始終較難規管各私校, 家長選擇註冊多間直私, 始終不是違規, 到最後亦只可選一 ...
私校唔係必須品，所以唔可以亦唔應該每人只可手執一間私校。
私校收生制度本身就包含有競賽成份，那些家長又揀要參加競賽，但又不接受失敗結果。是否輸打贏要？
頭盔：一路手執一校，換過馬但無hold 位。
作者: Blueso 時間: 18-11-30 09:05
咁不如投訴埋計分計不公平....兄弟姊妹就讀必收呢個我明，點解咩宗教分又計埋一份，有好多根本為拎五分已去信....公平咩～～～～呻完
作者: homesim 時間: 18-11-30 09:07
Blueso 發表於 18-11-30 09:05
咁不如投訴埋計分計不公平....兄弟姊妹就讀必收呢個我明，點解咩宗教分又計埋一份，有好多根本為拎五分已去 ...
咪係，冇野係公平，不如全部抽獎啦
作者: Penipony 時間: 18-11-30 09:15
homesim 發表於 18-11-30 09:07
咪係，冇野係公平，不如全部抽獎啦
作者: hohoho888 時間: 18-11-30 09:19
如何講私校應該是管下D 私校唔好再有未有牌就收生果D先啦. 或者係誇大學習成效昆D人去讀果D
作者: jessip2013 時間: 18-11-30 11:35
hohoho888 發表於 18-11-30 09:19
如何講私校應該是管下D 私校唔好再有未有牌就收生果D先啦. 或者係誇大學習成效昆D人去讀果D ...
其實要管一人一校註冊，私校唔跟政府果套咪唔好續牌，上報註冊學生資料俾EBD唔會係過份要求吧？
作者: hohoho888 時間: 18-11-30 12:27
jessip2013 發表於 18-11-30 11:35
其實要管一人一校註冊，私校唔跟政府果套咪唔好續牌，上報註冊學生資料俾EBD唔會係過份要求吧？
...
作者: skpun0317 時間: 18-11-30 13:09
明白大家對現行教育制度的不滿，但現今制度未能規管私校收生，所以任何人也沒有違規！
呢個主題係希望得到大家支持，大抽獎有遊戲規則，不應該縱容虛報地址，希望教育局嚴肅處理，打擊違規的人士！謝謝！
作者: Onetwofree 時間: 18-12-1 23:41
贊成👍🏻
作者: Vanadium 時間: 18-12-2 01:17
本帖最後由 Vanadium 於 18-12-2 01:18 編輯
請家長諗下舉報有何用?
你只係舉報你知，你知得已好大機會係你朋友或你識既，唔通為左抽小學大家做晒二五仔? 最重要你舉報既，只係九牛一毛，對公平性亳無幫助。
應寫信強烈要求教育局不要因循，呢個分區派位制度根本已不合時宜，香港現交通比昔日已方便得多，而校巴網亦好發達，半小時港島都可去到西貢，加上家長教育水平已提高左好多，係21世紀實應全港任選學校，遠近應由家長自己判斷適合與否。
若再有家長執著分區派位，可能係既得利益，就更唔應該再講人地個地址係咪真確。
作者: Vanadium 時間: 18-12-2 01:31
分區派位根本問題多多，過條馬路咁近，就無端端係另一區，隨時最近間學校反而唔報得。另外，窮就話虛報，有錢既又可以搬屋或直頭買個單位黎報學校，那又如何? 好難話人犯法。
呢個分區派位已幾十年歷史....舊啦，係時候改變，教育制度不可以總係一成不變。
作者: 星星的後裔 時間: 18-12-2 01:58
Vanadium 發表於 18-12-2 01:31
分區派位根本問題多多，過條馬路咁近，就無端端係另一區，隨時最近間學校反而唔報得。另外，窮就話虛報，有 ...
我都聽過望住對面馬路學校，但是另一區報唔到的故事。香港樓宇太逼到到都係樓，除非只分"香港",&"九龍及新界"2區，如果唔係都未必能避免。
作者: Vanadium 時間: 18-12-2 13:02
星星的後裔 發表於 18-12-2 01:58
我都聽過望住對面馬路學校，但是另一區報唔到的故事。香港樓宇太逼到到都係樓，除非只分"香港",&"九龍及新 ...
果啲名校網如41，地產全部以41網招來，根本不合事宜，深水埗去Maryknoll使幾耐? 點解唔報得? 入學後調查下Maryknoll，又有幾多真係讀到小六係留係41網住?
呢啲舊制度不斷保障既得利益，估唔到呢度仲有人出post話要寫信去投訴有人唔跟呢個制度。
作者: 星星的後裔 時間: 18-12-2 13:24
Vanadium 發表於 18-12-2 13:02
避免既方法就好似你咁講，超大區派位，或甚至唔分區派位任選。
果啲名校網如41，地產全部以41網招來，根本 ...
不論用什麼方法都有人覺得不公平，因為不同人對公平的定義都不同。
聽朋友講新加坡做法，可以參考。新加坡刻意不公佈小學升中的總體結果，令家長唔知學校banding，令你以為間間差唔多的假象，自然家長就近上學既意下慾會強左。當然政府都要幫手拉近校與校之間的差距。
作者: ar_mak 時間: 18-12-2 13:55
提示: 作者被禁止或刪除 內容自動屏蔽
作者: momocccmomo 時間: 18-12-2 14:08 標題: 回覆樓主
無知一問，俾人捉到會有咩後果？
作者: simpson.chan 時間: 18-12-2 16:21
ar_mak 發表於 18-12-2 13:55
樓主,而家你所見到既局面其實就係一個縮影,你係好想就你所講既野去進行討論,但現實就係永遠都唔能夠有效地 ...
而家樓主唔係整個完美制度，而係好落地咁提出令現行制度更有效既方法，如個post第二第三點。
「 2) 加強家訪或以神秘人形式到訪 3) 加重罰則, 除派位無效外, 作虛假聲明家長需要罰款或監禁 」
因每年只靠象徵式抽揸，而捉到又只不過派位無效，trade off下好多人咪搏一舗，橫掂尤其自己家校網又無咩心儀個種。
而事實填表申請政府資源，虛報本身應該好有問題，但因小一派位是一定政府會提供既教育資源，無可能定性為「呃」，所以一般只取消派位了事。
作者: simpson.chan 時間: 18-12-2 16:21
simpson.chan 發表於 18-12-2 16:21
而家樓主唔係整個完美制度，而係好落地咁提出令現行制度更有效既方法，如個post第二第三點。
「 2) 加強家 ...
有時好難怪年青人越來越激進既手段去解決問題，因為政府少做少錯，唔做唔錯，唔搞大件事都唔去改善。 有問題就一句「政府會跟以往既定有效程序去做」， 僭台詞就係「關我咩事」。 可能有人帶個issue俾林鄭，先可能有解決。
作者: 星星的後裔 時間: 18-12-2 17:08
simpson.chan 發表於 18-12-2 16:21
有時好難怪年青人越來越激進既手段去解決問題，因為政府少做少錯，唔做唔錯，唔搞大件事都唔去改善。 有問 ...
可能要到林鄭有孫，至引起佢留意相關政策。
作者: ar_mak 時間: 18-12-2 20:46
提示: 作者被禁止或刪除 內容自動屏蔽
作者: ar_mak 時間: 18-12-2 20:53
提示: 作者被禁止或刪除 內容自動屏蔽
作者: skpun0317 時間: 18-12-2 21:04
回覆 ar_mak 的帖子
如果係老老實實去搬屋，根本就冇違規，你絕對有權選擇當區校網！
虛報地址你覺得係小事，但唔代表縱容人違法是合理的。大家作為家長，教導小朋友都是做合理及合規矩的事！希望大家以身作則。
作者: ar_mak 時間: 18-12-2 21:32
提示: 作者被禁止或刪除 內容自動屏蔽
作者: ar_mak 時間: 18-12-2 21:47
提示: 作者被禁止或刪除 內容自動屏蔽
作者: Onetwofree 時間: 18-12-2 21:50
回覆 simpson.chan 的帖子
Well Said.
作者: Onetwofree 時間: 18-12-2 22:01
回覆 ar_mak 的帖子
違例泊車，如果阻到你，你一樣會報警！唔好扭曲主題啦！可能你小朋友未必係今屆，或者已經有很好的Offer，如果你有少少同理心，應該都唔會想虛報地址嘅人，可以入到首志願。
作者: Vanadium 時間: 18-12-2 22:14
支持分區派位都講"同理心"，唔係掛? 同理心....唔會係保障自己派到好學校機會既利益?
我就極度贊成人用"自己方法"去打破呢個分區派位荒謬制度。再講返41網，低密度老年區，但卻又年年咁多小朋友要讀小學，多到唔夠派，真係極好奇邊班老人家生極都仲有小朋友。
做地產同我講，年年暑假至1、2月就係41網租買熱門季節，比得起錢、親朋戚友吉屋大把，仲有人報假地址咁無聊?
要反既係反對呢種有錢埋堆既玩意，當全港自由派位，先對有錢無錢既人都公平!
用假地址? 都唔知有無幾多個%，真係浪費時間。
作者: Vanadium 時間: 18-12-2 22:19
本帖最後由 Vanadium 於 18-12-2 22:20 編輯
今日新聞仲話教育局新學校購置物資清單中，有"錄音帶播放機"，被投訴及恥笑.....立即諗起呢個分區派位真係如"錄音帶播放機"，過時產物，但教育局仍懶得去處理，然後仲撥錢指明學校要買幾部，近乎發神經。
作者: superlowb 時間: 18-12-2 22:25 標題: 回覆樓主
仲有雙非呢？不知所謂，落黎抽名校，搶福利
作者: simpson.chan 時間: 18-12-3 02:22
ar_mak 發表於 18-12-2 20:46
你地個講法只不過係增加左法律成本,但要"搏"既人,係只會更加聰明更加小心去做. 而如果真係攪到要拉要鎖要坐 ...
香港既法律係 innocent until proven, 唔會因加強執法而「寧枉毋縱」，請你放心; 姑息才會令社會風氣敗壞。
賭波例子實扯太遠，應該不用comment了。
咁老實搬屋就ok, 明買明賣，點解又要悔氣？ 唔一定要鬥錢多，資助房屋都可以申請名校網。
作者: simpson.chan 時間: 18-12-3 02:32
ar_mak 發表於 18-12-2 20:53
請注意,從來,政府做野都係轉身慢,手腳軟,但呢個唔係年青人能夠沖擊法治既理由. 你係唔能夠去大家樂買飯,因 ...
本帖最後由 simpson.chan 於 18-12-3 03:18 編輯
理解唔等於認同，呢d位都分唔清楚好難去到有質素既討論。
意識形態從來唔易理解，你唔理解或理解唔到，唔係罪過。
阿姐出野慢，人地收個少少人工，你「爆人」做咩？ 而家講緊尸位素餐既教育局高官呀，come on James!
越來越覺得你似想搞亂呢個post, 成日9唔搭8講第二度，而家仲講安老添？唔係吓..
作者: simpson.chan 時間: 18-12-3 02:35
星星的後裔 發表於 18-12-2 17:08
可能要到林鄭有孫，至引起佢留意相關政策。
從來無咩勝算爭取到，不過係一手爛牌中嘗試，要討論就試下盡做。
作者: simpson.chan 時間: 18-12-3 02:40
skpun0317 發表於 18-12-2 21:04
回覆 ar_mak 的帖子
如果係老老實實去搬屋，根本就冇違規，你絕對有權選擇當區校網！
exactly! 咁簡單嘅道理好難唔明，除非選擇唔去明。
作者: simpson.chan 時間: 18-12-3 02:53
ar_mak 發表於 18-12-2 21:32
搬屋例子係指出價格歧視,有錢就可以合法,窮就要犯法. 而有違法既事情發生,係咪一定要舉報,不舉報就等如助長 ...
請問增加違法既後果，會益左邊d人呢？ 願聞其詳。
樓主提出既已經係比較低成本去撥亂返正，一句到尾，虛假文書要坐監有無人會搏？ 有，但少好多。
作者: simpson.chan 時間: 18-12-3 03:05
Vanadium 發表於 18-12-2 22:14
支持分區派位都講"同理心"，唔係掛? 同理心....唔會係保障自己派到好學校機會既利益?
我就極度贊成人用"自 ...
大抽獎入面「常住地址」既概念係經常居住，$8000蚊一個月既租盤你租左去報學校，明顯一家大細都未必夠住。 而家講「假地址」唔係十年前租個地址就去抽咁兒戲，再者借用親戚地址去報學校而唔係自住，就係「假地址」。
作者: simpson.chan 時間: 18-12-3 03:12
Vanadium 發表於 18-12-2 22:14
支持分區派位都講"同理心"，唔係掛? 同理心....唔會係保障自己派到好學校機會既利益?
我就極度贊成人用"自 ...
「全港不分區去抽奬」當然係「公平」，機會率均等嘛。 但上水居民派去柴灣點搞？ 小朋友坐2個鐘車返學？
所以點解係分區派位，因為考慮小朋友返學時間呀..
作者: skpun0317 時間: 18-12-3 09:03
多謝所有眼睛雪亮的家長，清楚看透問題所在。
申報非恒常主要居所便屬違規，問任何人借地址、租左或買左單位但非自住、一星期去外公外婆住一兩天，也不是恒常居所，同屬違規。
根據教育局網站，教育局會抽 查家長所提供的資料的真確性，可能會要求家長提供其他 相關的住址證明文件(如屋契、釐印租約等)或作出宣誓， 教育局亦可能會進行家訪。倘虛報申請兒童任何資料，一 經調查屬實，有關申請將會作廢，而申請兒童獲派的學位 將被褫奪。此外，家長請留意，根據現行的刑事條例，製 造虛假文書的行為屬刑事罪行，一經定罪，可處監禁 14 年。
作者: Penipony 時間: 18-12-3 10:32
skpun0317 發表於 18-12-3 09:03
多謝所有眼睛雪亮的家長，清楚看透問題所在。
申報非恒常主要居所便屬違規，問任何人借地址、租左或買左單 ...
作者: Vanadium 時間: 18-12-3 12:26
本帖最後由 Vanadium 於 18-12-3 12:31 編輯
竟然有人迷信咩常住地址。
咩係常住講得清? 呀爸呀媽分開住，再唔係讀幼稚園跟呀爸，第日讀小學會跟返呀媽，大把位....法庭根本無得理。
只要租個房，話之只係一個床位，一星期訓返一晚，再唔係返個大人住住先，你都幾難話佢唔係住係果度。
有排拗。
祝寫信既好運，不過肯定只係浪費時間去出賣自己識既人。
明明只有打破分區派位呢個無聊野，先可以完全消除虛報地址問題，卻提議舉報他人去保障自身利益，本末倒置，成個post，應改題為"一人一信去局長以確保個人既得利益不被侵蝕"，唔好講到咁正氣係為社會維護法紀。
作者: ar_mak 時間: 18-12-3 13:43
提示: 作者被禁止或刪除 內容自動屏蔽
作者: ar_mak 時間: 18-12-3 13:48
提示: 作者被禁止或刪除 內容自動屏蔽
作者: ar_mak 時間: 18-12-3 13:59
提示: 作者被禁止或刪除 內容自動屏蔽
作者: ar_mak 時間: 18-12-3 14:07
提示: 作者被禁止或刪除 內容自動屏蔽
作者: ar_mak 時間: 18-12-3 14:20
提示: 作者被禁止或刪除 內容自動屏蔽
作者: Onetwofree 時間: 18-12-3 14:33
樓主，你呢個post可能已經觸動了某些人的神經，有些人以為虛報地址只是芝麻綠豆事，無需多此一舉，不停打壓，可能實際上影響緊佢。我相信支持的人，會明白的。
作者: simpson.chan 時間: 18-12-3 16:58
ar_mak 發表於 18-12-3 14:07
一件野愈係簡單就愈冇商業價值,愈係攪到複雜,就愈有市場價值(好勒,我夠勒).
你一句到尾,我都一句到尾,而家 ...
就係講有民事 / 刑事責任好多人根本trade off完唔會搏。 而法律程序一向innocent until proven, 未定罪當然可繼續入學，但如果定左就要放棄，再由教局自行安排任何仲有位既學區； 如果咁，家長會考慮搏懞可能帶黎孩子既童年陰影，其實好多真正關心小朋友既家長係唔會搏。
呢個campaign唔駛任何人睇死，唔夠juicy無媒體報導，無noisy政府/政客唔理，點會成功？ 重點之一係arouse awareness, 亦對搏懞抽獎者溫馨提示以愧其心。 睇完個post仲有面去搏懞，都唔可以理直氣壯話自己為孩子做好左榜樣。
作者: simpson.chan 時間: 18-12-3 17:00
simpson.chan 發表於 18-12-3 16:58
就係講有民事 / 刑事責任好多人根本trade off完唔會搏。 而法律程序一向innocent until proven, 未定罪當 ...
本帖最後由 simpson.chan 於 18-12-3 17:07 編輯
方法總比問題多，個方向正確就諗點解決；不停拋問題就唔會有任何進步，不停漫無目的咁提出問題大家都會，但嘗試提出解決方法既建設者唔多。
社會任何政策都係「摸石頭過河」去修正。 但問題而家香港既官僚越來越唔敢/唔肯去修正。 呢件事明顯黑白分別都懶得跟進，哀我香港！
作者: simpson.chan 時間: 18-12-3 17:05
ar_mak 發表於 18-12-3 14:20
點解呢單野咁煩呢,係因為大家係一座危樓入面,去討論緊邊舊係僭建物,邊舊係合法又邊舊唔合法(特別一提,雙非 ...
the choice is yours now! 如果咁要坐14年監，而你選擇咁做，咁小朋友無人照顧都無辦法，每個人尤其成年人應該為自己行為負責。 不過請放心，保良局等charity會幫到佢，佢可以安心去反省。
作者: ar_mak 時間: 18-12-3 17:37
提示: 作者被禁止或刪除 內容自動屏蔽
作者: ar_mak 時間: 18-12-3 17:43
提示: 作者被禁止或刪除 內容自動屏蔽
作者: ar_mak 時間: 18-12-3 17:49
提示: 作者被禁止或刪除 內容自動屏蔽
作者: simpson.chan 時間: 18-12-3 18:05
ar_mak 發表於 18-12-3 17:37
坐14年監到底係咩慨念呢?
首先我真係唔識法律,只能夠用土炮方式去理解呢樣野. 第一個感覺真係覺得你嚇鬼, ...
師兄，係你自己講14年咋喎....
作者: simpson.chan 時間: 18-12-3 18:07
ar_mak 發表於 18-12-3 17:43
咁你點解唔好好諗下,做咩要不斷將失敗複製?
一年有幾多人考小學?自行殺左一大部份,直私又咬左個餅一啖,最 ...
開始唔明你講乜，對唔到題。
作者: simpson.chan 時間: 18-12-3 18:08
ar_mak 發表於 18-12-3 17:49
我有d感覺到,做家長係有一份聖人既氣質.
唔止做家長，其實做人都有要求架
作者: simpson.chan 時間: 18-12-3 18:23
Vanadium 發表於 18-12-3 12:26
竟然有人迷信咩常住地址。
咩係常住講得清? 呀爸呀媽分開住，再唔係讀幼稚園跟呀爸，第日讀小學會跟返呀媽 ...
本帖最後由 simpson.chan 於 18-12-3 18:33 編輯
deleted
作者: simpson.chan 時間: 18-12-3 18:31
Vanadium 發表於 18-12-3 12:26
竟然有人迷信咩常住地址。
咩係常住講得清? 呀爸呀媽分開住，再唔係讀幼稚園跟呀爸，第日讀小學會跟返呀媽 ...
本帖最後由 simpson.chan 於 18-12-3 18:35 編輯
首先一星期瞓一晚唔係教育局定義既常住地址。, 你既疑慮教局已經有答案，呢度可見你完全唔清楚，難怪就咁一句「竟然有人迷信常住地址」到結論。有呢方面疑問應向教局查詢，而查詢後又不清晰就係教局要釐清既地方。
無制度係完美，就算全港不分區大抽獎都係，上水派去柴灣，受苦係小朋友。 而家講緊現有政策既執漏。 覺得事不關己好正常，覺得有問題既當然係個d區既居民，唔係個d區既又真係可以恥笑謾罵，無咩所謂。 但眼紅既請玩搬屋，41校網1萬頭月租已經可以有細1至2房（舊樓），再唔係去抽公/居屋，之前啓德入伙都係34校網。
又眼紅又永遠覺得自己係受害者，其實無人幫到你。
作者: Vanadium 時間: 18-12-3 20:08
simpson.chan 發表於 18-12-3 18:31
本帖最後由 simpson.chan 於 18-12-3 18:35 編輯
首先一星期瞓一晚唔係教育局定義既常住地址。, 你既疑 ...
你諗得太簡單，香港大把家庭結構複雜，小朋友無常住地址，周街都係。
你check下案例，教育局每年捉到既小小個案，係衰咩先被佢地取消資格先，幾10年有無一單....係父或母住係單位，只係小朋友唔係，都會被教育局話要取消?
我甚至懷疑，只要係小朋友有親人關係住係單位，教育局都好難話小朋友唔會住係到。
據知，小學派位主要目的係就近入學，若你証明到你將會搬去某一區，都可以抽該區小學，如我買左個單住，出年8月入伙，我就可以抽該區小學，縱然我從無住過該區。
就近入學原則係好多位走，你以為一定要常住先可以抽，咁可能真係啦。
作者: simpson.chan 時間: 18-12-3 20:28
Vanadium 發表於 18-12-3 20:08
若然你咁定義常住，教育局就年年捉幾百幾10人走啦。
你諗得太簡單，香港大把家庭結構複雜，小朋友無常住地 ...
本帖最後由 simpson.chan 於 18-12-3 20:32 編輯
本帖最後由 simpson.chan 於 18-12-3 20:29 編輯
大廈部電梯有cctv，唔通小朋友日日行樓梯上去？一堆如果咁咁咁，咪就係講緊教育局執法不力囉。 如果一直住緊個區，邊有你咁多問題。 好似你咁多如果個d，或者so-call”好多方法去走”個d咪就係諗盡方法想偷雞個d囉，咁都要招呼埋幫佢地諗？
唔係我以為「常住」先可以抽，係教育局定架，唔跟規矩仲大條道理，服左你。
算吧啦你，都唔係想認真討論，浄係一堆excuse，明眼人知你想點架啦。
作者: Vanadium 時間: 18-12-3 20:30
本帖最後由 Vanadium 於 18-12-3 20:31 編輯
https://bkb.mpweekly.com/cu0006/%E8%A6%AA%E5%AD%90/20180621-77008
回顧下往去歷史，每年都只有最多不到20宗投訴，通常只有不到10宗，而成立既....教育局更加無實際講，暫時資料每年都只係幾宗。但搵地址去報小學既，相信會係好多。
相信要投訴成立，係有一定難度。
希望呢度發起人會成功，我等看下年教育局公佈接獲投訴數字，並成功取消資格個案數目。
作者: Vanadium 時間: 18-12-3 20:44
simpson.chan 發表於 18-12-3 20:28
算吧啦你，都唔係想認真討論，浄係一堆excuse，明眼人知你想點架啦。
同你講真實虛報個案本來就極少，係人都識做戲做全套，要抽你個區，搬個人去住幾個月有幾難? 1月住到頂多6月就得了，抽完就可以搬走啦。就算唔想花錢，用親人地址，成個小朋友連大人住埋去又得，立即名正言順。你講既虛報，差不多只係講緊有個地址但人永遠不在......呢啲係極少數目，你真係放心都得，唔會點影響你仔女入學機會。
我支持教育局加強抽查執法，但反對發動"二五行動"，為呢個不公不義既制度出賣朋友及識既人。
若要一人一信，應一人一信要求教育局取消分區派位，重新整理派位制度，唔好用幾10年前產物，處理21世紀事情，就如"錄音帶播放機"一樣!
作者: simpson.chan 時間: 18-12-3 20:48
Vanadium 發表於 18-12-3 20:30
https://bkb.mpweekly.com/cu0006/%E8%A6%AA%E5%AD%90/20180621-77008
回顧下往去歷史，每年都只有最多不 ...
講左咁耐咪講緊教育局執法不力囉。
等睇咩呀，你露曬底啦唔駛扮
作者: Vanadium 時間: 18-12-3 20:57
本帖最後由 Vanadium 於 18-12-3 20:59 編輯
simpson.chan 發表於 18-12-3 20:48
講左咁耐咪講緊教育局執法不力囉。
等睇咩呀，你露曬底啦唔駛扮
怪不得香港畸形制度都永遠可以生存，太多既得利益，為保護自己，不惜擁護扭曲制度。
"錄音帶播放機"將會因錄音帶及播放機公司之利益，而長存係教育局新校購置名單。
你放心，我不用抽小學的，你唔好搞錯。
作者: simpson.chan 時間: 18-12-3 20:59
Vanadium 發表於 18-12-3 20:44
明眼人睇到咩我唔知，但我就睇到你怕自己果區被虛報入侵，降低被抽中心儀小學機會。
同你講真實虛報個案本 ...
好明顯關心呢件事既人就係被影響既人啦，好難明，點解講到踢爆咁？
得架啦，其他人睇你講野既邏輯，明你想做咩架啦，唔駛扮支持啦
作者: simpson.chan 時間: 18-12-3 21:08
Vanadium 發表於 18-12-3 20:57
怪不得香港畸形制度都永遠可以生存，太多既得利益，為保護自己，不惜擁護扭曲制度。
"錄音帶播放機"將會 ...
有無practical又更好政策？ 有可以討論，無就應該睇點改善。
無就話畸型，又咁落力抹黑煮米，真係得你一個知你自己既subtle agenda。
萍水相逢，你講咩都得，心照啦
作者: cpc608 時間: 18-12-3 22:04
skpun0317 發表於 18-11-28 17:18
家長們為小一學位已經勞心勞力, 需要作戰到最後等大抽獎的, 還有半年才有結果, 確實是一個煎熬.
作為家長, ...
EDB 出信叫學校儘量畫一註冊費都係白癡舉動，如果你話畫一百分比我可以明白，但而家$1000學費同一萬蚊學費的學校都收幾百蚊deposit，搞到家長間間都留⋯⋯ 我地真係等到開學都唔會有位⋯⋯
作者: Vanadium 時間: 18-12-3 23:01
本帖最後由 Vanadium 於 18-12-3 23:44 編輯
simpson.chan 發表於 18-12-3 21:08
有無practical又更好政策？ 有可以討論，無就應該睇點改善。
我係一年前就已係「教育講場」提出討論，建議全港小學不分區派位，但官津小學可以如直資及私校咁interview揀一定數目學生。
原因: 各小學可按自己辧學理念搵返同信念既學生，家長亦可搵同信念學校，如有家長唔想咁多功課，就報小功課學校。抽獎派位......根本係亂黎，做成錯配，教學難做，家長又投訴。
抽獎表面公平，卻製造混亂，亦令不適合學生入左不適合小學，有礙學生成長及建立自信，做成家校衝突。同時，製造不公平，有錢人可以買屋/租屋揀校區，窮人就唔得。如果係全港不分區派位，學校interview揀學生，呢個投訴post都唔會出現。
若係小學派位係如我所講，認真運作既學校、認真教育子女既家長，一定會拍爛手掌，咩人會反對? 既得利益、喜歡不勞而獲、自知做得唔好、鐘意博大霧攞著數既，就鐘意抽獎吧 (呢個係包括果啲不思進取、亳無理想既學校)。
學校揀學生，家長揀學校，無論係幼稚園及中學都已係咁(中學有30%自己揀學生、派位亦分bandings)，大學更加唔使講，成個教育制度，係得小學停係幾十年前落後思維。
一人一信支持一個古舊、混亂、落後制度? 再講.....對香港教育有心既人，都應該一人一信推翻呢個制度吧。
作者: Vanadium 時間: 18-12-3 23:38
本帖最後由 Vanadium 於 18-12-3 23:46 編輯
其實啲名小點解紛紛轉晒直資或私校，就係呢個抽獎派位，我搞學術，你派個盲字都唔識過入黎，點教?
相反一啲happy school，擺明講創意唔講學術，講手作仔唔講文字功課，你就抽個學術型學生入去，迫佢一齊玩手作仔，仲唔係玩死人?
一間學校明明做得好hea，你就死都派啲學生入去，咁唔玩死學生?
早前立法會討論小學生功課問題，真係得談笑，有人話多有人話少，講TSA，有人話唔怕考有人話好憎考.....抽獎派位咪做成呢啲問題既根源? 比小學/家長自己揀，唔好亂抽，鐘意TSA一堆，鐘意玩既一堆，無人揀既學校就自動執笠，咪無咁多投訴囉，各有所長各自發揮，互相尊重，社會和諧。
作者: simpson.chan 時間: 18-12-4 02:13
Vanadium 發表於 18-12-3 23:01
我係一年前就已係「教育講場」提出討論，建議全港小學不分區派位，但官津小學可以如直資及私校咁interview ...
本帖最後由 simpson.chan 於 18-12-4 02:14 編輯
而家同一個位回你第四次，不分區派位，上水派去柴灣，TKO派入屯門可以點處理？
用d正確既教育理念去提倡個唔practical既方法？
住係個區抽返個區被你叫「既得利益者」「不勞而獲」？ 抽jar, 你以為派梗？ 好大機會派位個d叫世襲！ 你眼紅人地，你可以月租一萬頭住係41校網1至2房舊樓，你少少都唔付出個d先叫不勞而獲。
邊個政策唔係行左好耐而慢慢修正？ 你唔鍾意，覺得有唔公平既地方就推翻曬，唔緊要，俾個practical, make sense既方案大家聽下，咪講黎講去都係唔practical既主張。 悔氣講你不如講全香港男校改為la salle / maryknoll / st joe第一第二學校咁數落去，可能仲practical呀！
作者: simpson.chan 時間: 18-12-4 02:24
Vanadium 發表於 18-12-3 23:38
其實啲名小點解紛紛轉晒直資或私校，就係呢個抽獎派位，我搞學術，你派個盲字都唔識過入黎，點教?
相反一 ...
轉直資比較大既原因係更多資源同埋課程彈性上考慮。
點解有d名校大家咁想入？ 因為真係無挑選既學生入去，之後出黎成績都可以好。
越講越遠，你唔會因爲講d正確既教育理念，而令你既建議make sense 架，唉！
作者: simpson.chan 時間: 18-12-4 02:36 標題: 回覆樓主
睇下，講下講下有心人就可以成功sidetrack成件事。
再講落去可能會講中國內地有幾多人無書讀，虛報常住地址好小事。你呢d既得利益者（?？？跟規矩去做而未有利益叫既得利益者？？？）最後一定有書讀就大家將就下。
大功告成，辛苦曬
作者: lcyesther 時間: 18-12-4 08:28
simpson.chan 發表於 18-12-4 02:13
本帖最後由 simpson.chan 於 18-12-4 02:14 編輯
而家同一個位回你第四次，不分區派位，上水派去柴灣， ...
怕派去跨區，乙一填本區不受歡迎學校，如果乙一填熱門，自己衡量跨區風險。
不過問題反而係，日日返學動物大遷移咁，香港的交通負荷得到？
作者: hohoho888 時間: 18-12-4 10:59
好奇一問
如果有人用不是恆常地址, 但又派得差
佢去叩門, 咁叩門既學校知道佢唔係恆常地址, 學校會唔會舉報?
定係學校其實唔會理??
作者: Vanadium 時間: 18-12-4 11:09
本帖最後由 Vanadium 於 18-12-4 11:14 編輯
其實依家幼稚園、直資或私小、中學自行收生、大學收生，都已係不分區，亦未見大遷徒問題。
家長自行衡量係咪真係屯門返柴灣，而事實學校收生時亦會幫你衡量，如柴灣學校都未必會收屯門學生，除非interview或報名時你講明收會搬屋。
我剛有個朋友，住港鳥南，九龍有間小學收佢，佢又想讀，就決定搬去九龍。呢個係正正常常既家庭做法。果啲唔正常會比小朋友細細個由元朗返柴灣既，係極少數，佢地自己對仔女負責，況且或者人地有直升機。
辦法總比困難多，分(細)區派位只有小學係咁，要就到咁近既入學原則早早已不被社會接納，抽獎見呢到無數家長只係無奈接受，年年都有人出post投訴唔公平，而亂咁抽獎亦如我所說會令學校與學生錯配，學生同學校同時受害，只係教育局做事一成不變，令人痛心。
再強調，我地既教育局係官僚到仍有"錄音帶播放機"係學校購置清單，因循、千年不變，就係我地教育局運作。
作者: Vanadium 時間: 18-12-4 11:28
本帖最後由 Vanadium 於 18-12-4 11:28 編輯
hohoho888 發表於 18-12-4 10:59
好奇一問
如果有人用不是恆常地址, 但又派得差
佢去叩門, 咁叩門既學校知道佢唔係恆常地址, 學校會唔會舉報 ...
叩門位係無分區，學校鐘意收就得。
據趙榮德講，從來未有虛報被送上法庭，至於原因，可能就請教下法律界人士。
教育局文件講地址係要恆常及唯一，個人覺得恆常已難講實，唯一更加得談笑。我識唔少人，小朋友星期一至五放係祖父母家，星期六日先由父母接返屋企，都唔知恆常及唯一既家算係邊。
作者: simpson.chan 時間: 18-12-4 11:31
Vanadium 發表於 18-12-4 11:09
其實依家幼稚園、直資或私小、中學自行收生、大學收生，都已係不分區，亦未見大遷徒問題。
家長自行衡量係 ...
你而家講不分區派位，咩係派位，就係assign俾你，你無得揀。
而家大把遠程讀直私既例子，最後放棄。 如果全港咁做，交通點負荷到，夾硬既頭站上校車上堂前2個鐘，7:40上堂，5:40上車，應該唔塞既。
反而全港變有得去考，咁應該無得有人怨。 仲有你住屯門自己考港同，閣下自理。 考唔到又無得怨。
不過唔係，到時又話favor「有錢人」，有錢外補上興趣班，又話制度係「不公義」。
但「全部學校可以去考」應該點都比「全港派位抽奬」更可取。
但
作者: hohoho888 時間: 18-12-4 11:43
本帖最後由 hohoho888 於 18-12-4 11:43 編輯
Vanadium 發表於 18-12-4 11:28
叩門位係無分區，學校鐘意收就得。
據趙榮德講，從來未有虛報被送上法庭，至於原因，可能就請教下法律界 ...
即係其實叩門學校唔會理住址虛報呀呢D?
因為我見有D 學校會要你交志願表, 佢都會睇到所選網未必是佢報既住宅網
不過可能學校每年都收幾百份, 已好多野睇, 真係唔會睇得咁detail 或理咁多野...
之前聽聞就算發現都係沒收學位, 沒有進一步行動.
作者: simpson.chan 時間: 18-12-4 11:51
Vanadium 發表於 18-12-4 11:28
叩門位係無分區，學校鐘意收就得。
據趙榮德講，從來未有虛報被送上法庭，至於原因，可能就請教下法律界 ...
如果係申請表加宣誓部分就有得告，否則我係呢個post之前講過，免費教育係政府必需提供既，就算因為「誤解常住地址定義，而「報錯區」」，咁係唔存在「呃政府資源」。 所以講左咁耐就係要加呢d濫用者既法律成本嘛。
個例子肯定係常住地址，如果小朋友係阿爺阿嫲瞓埋。
可笑既係唔了解又以為自己知。
| 歡迎光臨 教育王國 (/) |
Powered by Discuz! X1.5 |