教育王國

標題: 哥哥唔想細佬揀佢間中學, 你地點睇? [打印本頁]

作者: bongbongmum 時間: 18-11-26 18:22 標題: 哥哥唔想細佬揀佢間中學, 你地點睇?

哥哥今年中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月,由細到大都好close,好好感情的,小學理所當然同一間學校.哥哥都好照顧細佬.

但哥哥有咁諗法, 我地兩公婆諗可能因為哥哥本身性格好獨立,好有主見,上左中學好多野忙,想自由d,唔想再成日有個細佬要顧住.因為細佬本身好倚賴人,好多野都係爸爸/媽咪/仲有哥哥同佢安排,傍住佢.

好彩係細佬無介意哥哥咁諗,我同細佬講,”分開讀書都好,你可以學下獨立.我仲會揾間更加適合你既學校”. 細佬成績其實好過哥哥,可以有其他高一點banding學校選擇.

不過有其他細佬同學家長問起細佬係咪揀返哥哥間中學,我同人講唔會, 佢地都几大反應. 我只係輕輕帶過,話細佬有其他更加適合既選擇 (話哥哥唔鐘意好似唔多好…)

我老公好傳統,除非唔啱banding派唔到位,否則兩個仔同一間中學讀書好似理所當然 (方便照應, etc), 既然哥哥咁介意,我自己覺得由中學將佢地分開,各自發展都未必係壞事.

兩個仔學校d野,由細到大我都係我全權負責,所以佢地分開讀書, 將來都係由我去面對,處理兩邊大大小小的事.

作者: JustAParent 時間: 18-11-26 18:38

bongbongmum 發表於 18-11-26 18:22
哥哥今年中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月, ...

可以升banding或去名聲更好既中學，分開。否則，一齊。

我見唔到兩個細路分開唔同學校有乜大麻煩，除非佢哋唔同學制。但同時，我亦唔覺得阿哥可以幫細佬做咁重要既決定。阿哥意見，參考吓就算。

作者: bongbongmum 時間: 18-11-26 18:48

哥哥只係好老實咁表達佢嘅諗法，我地早d知佢咁諗都好，但當然唔會比佢決定到細佬未來。

啱啱細佬係可以揀高d banding中學，所以我先無咁煩。

作者: kirstyau 時間: 18-11-26 18:54 標題: 回覆樓主:

如果有更合適，唔會一齊，上到中學，家長可以參與唔多，最多係夾考試假期去旅行煩D。

作者: Yanamami 時間: 18-11-26 18:57

本帖最後由 Yanamami 於 18-11-26 18:58 編輯

好平常~我两个女幼稚園同小学都同－间，中学分开，大女津校，細女直資｡两个由BB我自己－手湊大，上到中学唔洗跟到足啦媽咪~放手俾佢地自己搞掂啦！大女講明千祈千祈咪俾阿妹去佢度，阿妹又係可以去高d級数中学｡佢地各自番学，各有各做，完全無衝突｡对你唯一影响可能係－个聖誕前考試，－个放完考，永遠唔可以去旅行(我好彩，全部考完放假)｡

作者: la5711 時間: 18-11-26 18:58

本帖最後由 la5711 於 18-11-26 19:04 編輯

我大囝都係唔鍾意弟弟入同一間中學，我就話：弟弟係獨立個體，不應該因為哥哥喜好去選擇。好彩細囝係心儀另一間中學，萬一入不到，才考慮叩阿哥那間。

不過呢，我兩個囝幼稚園和小學都唔同學校，佢哋性格好唔同，在自己學校讀得好開心，
係夾放假旅行麻煩啲，但也有好處，測考時間不同，可以專心幫一個去溫習

作者: b3410 時間: 18-11-26 19:06

如果平日細佬有些依賴哥哥，中學我反而prefer 分開佢哋，獨立D。中學唔似幼稚園，小學，其實唔使點照顧。弟兄兩個都有自己都發展空間，更加好。更何況細有機會考到更加適合佢的學校。
我自己細女已經一早講咗唔會讀家姐中學，唔想著佢舊校服。話我唔介意二手校服，不過家姐好邋遢，唔想揀佢果D。

作者: RoseRosa 時間: 18-11-26 19:38

la5711 發表於 18-11-26 18:58
我大囝都係唔鍾意弟弟入同一間中學，我就話：弟弟係獨立個體，不應該因為哥哥喜好去選擇。好彩細囝係心儀另 ...

我哋都係咁，哥哥仲話如果細佬入佢間中學，佢會扮唔識佢

作者: zitaeric 時間: 18-11-26 20:29 標題: 回覆樓主:

越大個就越吾想－齊，以前我都吾鍾意同個妹著同一款衫，亦都吾鐘意同－间学校，吾想起学比話嗰個你家姐嗰個你細妹，跟出跟入總之就煩

作者: Yanamami 時間: 18-11-26 20:45

zitaeric 發表於 18-11-26 20:29
越大個就越吾想－齊，以前我都吾鍾意同個妹著同一款衫，亦都吾鐘意同－间学校，吾想起学比話嗰個你家姐嗰個 ...

我細女都醒目，去買衫会話家姐有差不多款唔買，費事俾人話跟尾狗~

作者: bongbongmum 時間: 18-11-26 21:20

RoseRosa 發表於 18-11-26 19:38
我哋都係咁，哥哥仲話如果細佬入佢間中學，佢會扮唔識佢

如果第日細佬唔覺意派左入哥哥間中學，佢地都可能扮唔識

作者: gracelam 時間: 18-11-26 22:28

bongbongmum 發表於 18-11-26 18:22
哥哥今年中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月, ...

本帖最後由 gracelam 於 18-11-26 22:29 編輯

我仔開頭都話入家姐間中學, 不過家姐話唔好, 佢話唔想一齊返學, 好尷尬喎

佢話入左都會扮唔識

作者: 23肥媽媽 時間: 18-11-26 23:16 標題: 回覆樓主

我個中一仔都話唔可以同阿妹同一間學校

作者: 洋蔥頭媽咪 時間: 18-11-27 00:04

本帖最後由洋蔥頭媽咪於 18-11-27 00:05 編輯

唔同能力唔同喜好，揀合適自己嘅中學就可以，兄弟唔一定要同校，避免比較。上到中學家長可参與嘅好有限，佢地各自發展對大家身心更健康。

作者: TLHE 時間: 18-11-27 08:25

bongbongmum 發表於 18-11-26 18:22
哥哥今年、一中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月, ...

樓主，既然弟弟有更合適又更高banding的中学選擇，何须勉強將2兄弟放在同一間中学呢？这个選擇，無関兄弟感情問題，而是2兄弟同校，其實免不了会讓同辈八掛，而且能力差異，也更易令旁人互相比較，这正是令青春期少年人尴尬的事情。若著眼点只是互相照顧的話，何必呢？

作者: RoseRosa 時間: 18-11-27 08:34

bongbongmum 發表於 18-11-26 21:20
如果第日細佬唔覺意派左入哥哥間中學，佢地都可能扮唔識

佢哋係咁講啫

我亦都知道他們不可能讀同一間中學。

作者: artroboy 時間: 18-11-27 08:56

bongbongmum 發表於 18-11-26 18:22
哥哥今年中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月, ...

我覺得可以既話應該分開，哥哥應該有屬於自己的中學生活質素，弟弟亦應享有離開哥哥影子的獨立機會。

作者: 王家爸爸 時間: 18-11-27 09:03

b3410 發表於 18-11-26 19:06
如果平日細佬有些依賴哥哥，中學我反而prefer 分開佢哋，獨立D。中學唔似幼稚園，小學，其實唔使點照顧。 ...

無論小學時細佬有些依賴哥哥，中學都唔會，男仔去到中一、二，就開始鍾意挑戰權威，直到中五、六。

作者: 王家爸爸 時間: 18-11-27 09:05

RoseRosa 發表於 18-11-26 19:38
我哋都係咁，哥哥仲話如果細佬入佢間中學，佢會扮唔識佢

初中係，高中就慢慢唔會。

作者: ilyrd 時間: 18-11-27 09:21

好簡單,獨立個體,當如果冇亞哥,你會點樣安排細佬.所以要告知两兄弟,大家獨立個體,细佬亦有權讀亞哥學校,不要讓两兄弟因今次事件影响感情.讀,不等於不理會哥感受,不讀,地不等於千就亞哥.順便给两兄弟上一課.正

作者: RoseRosa 時間: 18-11-27 09:52

王家爸爸發表於 18-11-27 09:05
初中係，高中就慢慢唔會。

王家爸爸，請問你兩個小男孩也試過扮唔識嗎？兩個入讀同一中學嗎？

我覺得哥哥可能會想扮唔識，弟弟就不會，一定哥哥長哥哥短，周圍同人講，搞到哥哥好尷尬。我屋企個弟弟就係咁，仲係好好好「小學雞」

作者: 王家爸爸 時間: 18-11-27 10:04

RoseRosa 發表於 18-11-27 09:52
王家爸爸，請問你兩個小男孩也試過扮唔識嗎？兩個入讀同一中學嗎？我覺得哥哥可能會想扮唔識，弟 ...

我見初中個個男仔都係咁，弟弟開始時當哥哥係偶像，有啲做哥哥既會覺得好尷尬。大啲就相反，鍾意挑戰哥哥。再大啲又正常返。男仔既成長就係咁，自己當年都係一樣。

作者: goodmama2003 時間: 18-11-27 10:05

提示: 作者被禁止或刪除內容自動屏蔽

作者: josewing 時間: 18-11-27 10:06

回覆 bongbongmum 的帖子

兩個仔不同學校，如果媽媽仲要跟頭跟尾，開頭好難跟喎，始終兩間學校文化不同，家長日又要分開見

作者: Yanamami 時間: 18-11-27 10:08

王家爸爸發表於 18-11-27 10:04
我見初中個個男仔都係咁，弟弟開始時當哥哥係偶像，有啲做哥哥既會覺得好尷尬。大啲就相反，鍾意挑戰哥哥。 ...

其实年青人果个階段就只有朋輩，兄弟情唔係同真兄弟講既~

作者: angiecarl 時間: 18-11-27 10:16

其實都中學啦, 分開都OK 呀

作者: 王家爸爸 時間: 18-11-27 10:20

Yanamami 發表於 18-11-27 10:08
其实年青人果个階段就只有朋輩，兄弟情唔係同真兄弟講既~

喺中學階段，朋輩真係比真正既兄弟更兄弟。

作者: HaYi 時間: 18-11-27 10:24 標題: 回覆樓主:

我兩個係唔同時期同一間幼稚園 , 亦都試過同一間小學一年 , 好處係可以分享記憶 , 第時如果細佬唔係入哥哥嘅中學我覺得唔係問題, 始終中學大個咗獨立性需要更高

作者: Yanamami 時間: 18-11-27 10:32

josewing 發表於 18-11-27 10:06
回覆 bongbongmum 的帖子

兩個仔不同學校，如果媽媽仲要跟頭跟尾，開頭好難跟喎，始終兩間學校文化不同 ...

你估仲係小学咩？边有禁多野跟？边度会俾你跟？

作者: bongbongmum 時間: 18-11-27 12:17

TLHE 發表於 18-11-27 08:25
樓主，既然弟弟有更合適又更高banding的中学選擇，何须勉強將2兄弟放在同一間中学呢？这个選擇，無関兄弟感 ...

你誤會了,我係傾向為細佬揀另一間更加合適學校,只係佢地爸爸覺得兩兄弟理所當然要繼續讀同一間學校,其他人又覺得我咁做唔係慣常做法, 因為好多家長自己/人地d仔女都係讀同一間中學,所以我先想上嚟問下大點睇.

作者: 洋蔥頭媽咪 時間: 18-11-27 12:29

josewing 發表於 18-11-27 10:06
回覆 bongbongmum 的帖子

兩個仔不同學校，如果媽媽仲要跟頭跟尾，開頭好難跟喎，始終兩間學校文化不同 ...

中學啦仲要跟？要比啲空間佢哋學習、成長。

作者: bongbongmum 時間: 18-11-27 13:04

洋蔥頭媽咪發表於 18-11-27 12:29
中學啦仲要跟？要比啲空間佢哋學習、成長。

哥哥上左中一後,我其實都無咩野跟, 應該係佢唔駛/唔比我跟了. 有咩野都係佢主動同我講我先要理, 問得太多也唔可以呢, 明白青春期少年都係咁了...

最多簽下通告, 去下家長會呢d真係要家長做既野我先需要跟.

作者: asweetmom 時間: 18-11-27 15:38 標題: 回覆樓主:

哥哥介意和弟弟同中學的真正理由是甚麼？

作者: ilyrd 時間: 18-11-27 15:42

bongbongmum 發表於 18-11-27 12:17
你誤會了,我係傾向為細佬揀另一間更加合適學校,只係佢地爸爸覺得兩兄弟理所當然要繼續讀同一間學校,其他人 ...

呢的係自私嘅諗法.

作者: asweetmom 時間: 18-11-27 15:45

ilyrd 發表於 18-11-27 09:21
好簡單,獨立個體,當如果冇亞哥,你會點樣安排細佬.所以要告知两兄弟,大家獨立個體,细佬亦有權讀亞哥學校,不 ...

說得好

作者: bongbongmum 時間: 18-11-27 17:55

ilyrd 發表於 18-11-27 09:21
好簡單,獨立個體,當如果冇亞哥,你會點樣安排細佬.所以要告知两兄弟,大家獨立個體,细佬亦有權讀亞哥學校,不 ...

因為亞哥讀緊果間係佢自己揀,係佢鐘意的,都係几好既學校,我咪支持佢揀,而家讀左几個月都佢都讀得几開心,證明間學校都好啱佢.佢性格外向,好動,有主見.好獨立

但細佬性格啱啱相反,好內向,聽教聽話,(可以睇成無主見,倚賴人),其實就算banding柤同,都有其他選擇.再加上可以揀高一banding的, 細佬選擇其實比較多.

我都會帶細佬去亞哥學校參觀, 亦已經去左几間banding高小小既學校參觀.12月中之後就會同佢商量下自行揀邊兩間.

作者: asweetmom 時間: 18-11-27 18:26 標題: 回覆樓主:

如果是外人跑來說你兒子不能選擇某校因為他兒子不想和你兒子同校，你會理會他嗎？

作者: 王家爸爸 時間: 18-11-27 18:32

goodmama2003 發表於 18-11-27 10:05
我當年又係咁, 家姐唔想我同佢同一間中學.

我以為男仔先會咁小學雞。

作者: TLHE 時間: 18-11-27 18:42

bongbongmum 發表於 18-11-27 12:17
你誤會了,我係傾向為細佬揀另一間更加合適學校,只係佢地爸爸覺得兩兄弟理所當然要繼續讀同一間學校,其他人 ...

明白，其實是否同校，视乎合適与否而已！我孩子2兄弟自小感情也好好，幼稚園及小学同校，中学就分開讀，也是因為弟弟成绩可以選更高banding, 而且哥哥中学的教学模式，不大適合弟弟。
分開学校後，他們反而更多话题，各自诉说自己的学校生活！
家長跟進方面，老实说，已升中一，除了放假，考試，家長日等日期不同外，其實也没有什麼複雜事项要跟進的哦！所以，是否同校根本就不重要哦

作者: Yanamami 時間: 18-11-27 19:34

bongbongmum 發表於 18-11-27 12:17
你誤會了,我係傾向為細佬揀另一間更加合適學校,只係佢地爸爸覺得兩兄弟理所當然要繼續讀同一間學校,其他人 ...

禁係呢度都有好多分开讀既例子，不妨用黎安撫下爸爸

作者: 洋蔥頭媽咪 時間: 18-11-27 19:52

bongbongmum 發表於 18-11-27 13:04
哥哥上左中一後,我其實都無咩野跟, 應該係佢唔駛/唔比我跟了. 有咩野都係佢主動同我講我先要理, 問得太多 ...

去到中學你想跟都未必跟倒。我兩個仔中學都唔同學校，最紧要啱佢地讀得開心，大個仔自己的事自己負責，佢哋測驗/默書默啲乜我都唔太请楚lu

作者: josewing 時間: 18-11-28 10:07

回覆洋蔥頭媽咪的帖子

要呀，成日好多嘢放學同我商量，唔識做嘅功課都會問我。唔知係咪因為剛剛中一未適應呢？

作者: 洋蔥頭媽咪 時間: 18-11-28 12:53

josewing 發表於 18-11-28 10:07
回覆洋蔥頭媽咪的帖子

要呀，成日好多嘢放學同我商量，唔識做嘅功課都會問我。唔知係咪因為剛剛中一未 ...

或者你小朋友初升中要適應。
通常佢哋會同學間互問，同學間多數會有gp. 我仔可能成绩好所以都有同學功课唔識會問佢。佢地大大下就會有自己嘅圈子，唔會每事再同家長講架啦！

作者: b3410 時間: 18-11-28 12:56

洋蔥頭媽咪發表於 18-11-27 19:52
去到中學你想跟都未必跟倒。我兩個仔中學都唔同學校，最紧要啱佢地讀得開心，大個仔自己的事自己負責，佢哋 ...

我反而希望佢哋不同學校。因為不同學校都有自己擅長的科目，可以互相借鑑一下，取長補短。

作者: asdflive 時間: 18-11-28 15:13

小學就話方便接送姐，中學除左可以執二手校服同書之外，我諗唔到有乜好處，唔通第時兩兄弟揀埋同一間公司做咩！

作者: babych 時間: 18-11-28 15:33

b3410 發表於 18-11-28 12:56
我反而希望佢哋不同學校。因為不同學校都有自己擅長的科目，可以互相借鑑一下，取長補短。 ...

我俩個係孖仔,升中时佢哋兩個都表明唔想同一間中學，最後佢哋都係一人一間，平時佢嘅感情好好,而家日日都會講學校啲嘢。

作者: josewing 時間: 18-11-29 14:37

回覆洋蔥頭媽咪的帖子

我都期待著他獨立自主的一天, 我都見佢有班群組group, 都係同學吹水多, 學術交流就真係唔覺有。

作者: little_yolky 時間: 18-11-30 11:09

bongbongmum 發表於 18-11-27 12:17
你誤會了,我係傾向為細佬揀另一間更加合適學校,只係佢地爸爸覺得兩兄弟理所當然要繼續讀同一間學校,其他人 ...

慣常做法係按各人程度揀選合適既學校。

但我知有D家長, 為咗方便夾旅行時間, 而選擇兩個同一學校的。

歡迎光臨教育王國 (/)