教育王國
標題: 如何培養3+歲小朋友對英文的興趣? [打印本頁]
作者: jwyng 時間: 18-11-15 08:59 標題: 如何培養3+歲小朋友對英文的興趣?
無論看書或讀書，都沒有興趣，更不用講認字，請問如何提升他們對英文的興趣?
作者: scgift 時間: 18-11-21 09:07 標題: 回覆樓主:
只係培養對英文既興趣，當然係聽英文兒歌吧。但睇落樓主似想培養小朋友睇英文書既興趣。個人覺得睇中/英文書都好，最先必是要提起小朋友對閱讀既興趣。小朋友喜歡上閱讀後，提供適當既讀物+伴讀，小朋友慢慢就會自己攞書睇。
我自己小朋友最初"閱讀"與"認字"係分開的。認字還認字，唔會與伴讀/講故事同時做。到儲到咁上下字庫後，平常伴讀中自自然然慢慢認到多啲字。
如果想重點培養小朋友睇英文書既"興趣"，可以試下廖彩杏書單。
作者: jwyng 時間: 18-11-21 09:22
scgift 發表於 18-11-21 09:07 
只係培養對英文既興趣，當然係聽英文兒歌吧。但睇落樓主似想培養小朋友睇英文書既興趣。個人覺得睇中/英文 ...
謝謝你
我連平日冇啦啦講句英文，甚至講一個英文字"apple"，小朋友都即刻叫我停，要講中文。
有冇方法改善呢種情況?
作者: scgift 時間: 18-11-21 11:44
jwyng 發表於 18-11-21 09:22
謝謝你
我連平日冇啦啦講句英文，甚至講一個英文字"apple"，小朋友都即刻叫我停，要講中文。
有冇方法改善 ...
何解要無拿拿講英文?小朋友聽唔慣/唔明，叫你講返中文好正常。先引起佢對英文既興趣(起碼唔抗拒先)，多聽英文兒歌睇下英文卡通片(語速慢的/簡單的)。
作者: jwyng 時間: 18-11-21 12:06
scgift 發表於 18-11-21 11:44
何解要無拿拿講英文?小朋友聽唔慣/唔明，叫你講返中文好正常。先引起佢對英文既興趣(起碼唔抗拒先)，多聽 ...
好
作者: 豆太太 時間: 19-7-28 16:44
你應該比佢聽歌，強烈建議吾好睇卡通片，對甘細個小朋友眼睛係好傷。
細細個要帶眼鏡就後悔莫及
作者: ednamode11 時間: 19-8-24 23:29 標題: 回覆樓主：
本帖最後由 ednamode11 於 19-8-24 23:36 編輯
本帖最後由 ednamode11 於 19-8-24 23:35 編輯
本帖最後由 ednamode11 於 19-8-24 23:34 編輯
伴讀英文繪本，可帶他去圖書館、誠品和book buddy和fun to read outlet 等書局，本本書都揭下，就算每頁只有幾個字也ok，他喜歡的就買或借回家。也可以一星期畀他看十五分鐘英文卡通片，刺激他對英文的興趣。我家現有兩個小學生，小的幼稚園年代喜愛「看」英文書，但是當年他是「文盲」。大的幼稚園年代只喜歡「聽」書，很少自己看。所以我堅持每天放工後晚上伴讀，上網找best children books list, 又帶他們去書局買又去圖書館借，每晩讀到口水都乾埋。到兩個上了小學，同學們閲讀氣氛濃厚，學校圖書館也有不同類型的書，他們漸漸喜歡自行閲讀喜歡的書籍。我想講糸，只要有恒心，鐵柱磨成針。我相信每人都會找到自己喜愛的書，不要心急。當身邊的幼稚園同學在看chapter books, 自己千萬不要畀小孩壓力，反而繼續伴讀。有天他一定找到自己喜歡的書，喜歡英文。
作者: ada100525 時間: 20-1-2 13:47
scgift 發表於 18-11-21 11:44
何解要無拿拿講英文?小朋友聽唔慣/唔明，叫你講返中文好正常。先引起佢對英文既興趣(起碼唔抗拒先)，多聽 ...
另外，可否分享下你點用廖彩杏書單？先聽一遍，再睇書？還是邊聽邊睇書？ 其實我的目的只係想佢聽多啲，先磨耳朵。
謝謝！
作者: minimami 時間: 20-1-3 10:58
本帖最後由 minimami 於 20-5-7 12:03 編輯
Deleted
作者: ada100525 時間: 20-1-6 13:26
回覆 minimami 的帖子
謝謝回覆！
我最近開始給比佢看Peppa pig, 但佢話唔想睇，只想聽歌睇sxmple sxper song， 因為佢鍾意跟住音樂跳舞，所以我都係遲少少先再問下佢
畢竟歌曲並唔係完整句子，只係唔知點由聽歌轉去聽得明英文對話。
作者: 九龍塘陳太 時間: 20-5-21 22:46
~唔開中文電視台!
~無限英文卡通片放題
~伴讀英文書
~搵個姐姐補習老師同佢玩及學習(ED情況最好搵個ABC比佢)
~學PHONICS
~參加任何課外活動, 都搵用英文教學的
總之要CUT晒用中文接收既野, 但要快, 越細越快成功
P.S.
我兩公婆英文都唔叻!
我之前好誇張, 屋企冇中文兒童圖書的! 不過現在發現中文唔掂, 現在要大量入返貨
但兩個女都好成功咁學到英文!
加油!
| 歡迎光臨 教育王國 (/) |
Powered by Discuz! X1.5 |