教育王國

標題: 點解學校要逼我哋做評估? [打印本頁]

作者: CJ1stbb 時間: 18-11-10 12:19 標題: 點解學校要逼我哋做評估?

牙仔今年七歲，剛上小學
學校話佢係情緒上有好大問題
但係我以前牙仔係讀幼稚園有嘅都冇收過投訴
又話去社交唔得，但係依家11月話佢社交有進步，但係都勸我地去做評估俾份報告佢

咁我哋去咗協康會上社交堂
啲社工都冇話佢有問題，話佢好合作好投入

但係學校社工一口校定佢有高功能自閉症
情緒上有問題影響其他同學學習
最近有叫我地要去做評估

我唔係抗拒評估，但係我唔知學校有份報告之後會點對啊仔呢？

我其實唔係好擔心學校咁樣label 咗我個仔, 原本可能好小事，但你呢部左之後做咩都有問題？

我從來冇聽過人話我個仔似自閉，我唔係話嗰啲一定啱，

好擔心好徬徨，有冇人交左報告俾學校之後係會點㗎啦？

P.s 間小學係好多人考嘅，感覺好似逼我地走，多過關心我個仔

作者: fandd 時間: 18-11-11 12:59

回覆 CJ1stbb 的帖子

樓主應向班主任了解：小朋友喺「情緒上」有嘜問題？點樣「影響其他同學學習」？

樂觀D睇：有咗評估報告，學校至可以為小朋友申請津貼，外購相關支援服務俾小朋友。

作者: 寶寶去那兒 時間: 18-11-13 11:46

協康會有無報告可唔可以證明仔仔根本無問題？學校其實有無講話仔仔做左乜野令到佢地覺得有問題。

作者: Vividada4472 時間: 18-11-21 17:01

你搵協康會姑娘問下做份報告, 如果評左無問題就可以PROVE俾學校睇

作者: apple000 時間: 18-11-21 21:27

本帖最後由 apple000 於 18-11-21 21:35 編輯

你話學校社工叫你帶小朋友做評估？有無講明去邊度做？有無比轉介信之類？
現在不要介懷和爭論學校點解逼你個小朋友做評估，你做了無壞的，他們也是為你個小朋友好！若有事早去排期做訓練，不是更好嗎？自閉症相關訓練要排期一年或數年㗎

作者: adrio 時間: 18-11-26 09:55

提示: 作者被禁止或刪除內容自動屏蔽

作者: LLY1103 時間: 18-12-21 17:47

回覆 CJ1stbb 的帖子

如果學校建議你做評估，你最好安排去做評估。學校老師經驗比家長豐富，去評估下不會有壞處。

作者: lobb2015 時間: 18-12-24 14:39 標題: 回覆樓主:

評估好呀。評完你先至知道小朋友有冇問題，有咩問題，如何處理。

作者: irenelwl 時間: 18-12-25 23:00

回覆 CJ1stbb 的帖子

我識好幾個智力正常的小朋友都係上小先評到有自閉症。高功能學習能力高，評左係學校可以比資源佢。我小朋友有交報告比學校，無特別問題，我重每年同新班主任講仔咩問題叫佢地多加留意。

作者: wcm991101 時間: 18-12-29 15:54

CJ1stbb 發表於 18-11-10 12:19
牙仔今年七歲，剛上小學
學校話佢係情緒上有好大問題
但係我以前牙仔係讀幼稚園有嘅都冇收過投訴

樓主如有得罪唔好介意

你口講唔介意個仔去評估，但身體就拒絕去幫個仔去行哩步，評估左結果唔係咪可以證明自己仔冇問題，唔駛特別去援助，你根本就係怕個結果係有問題，接受唔到自己個仔有自閉症（如確診），口講怕學校會標籤你仔，其實你自己已經有標籤個仔既念頭，越早發現，越早幫到小朋友，自閉症係冇藥吃，行為治療越遲越難幫佢，希望你可以放開自己個心，行出第一步，去做評估，有結果唔理係確診定正常，你都唔駛心掛掛估估下

作者: PandaVV 時間: 19-1-21 19:44

CJ1stbb 發表於 18-11-10 12:19
牙仔今年七歲，剛上小學
學校話佢係情緒上有好大問題
但係我以前牙仔係讀幼稚園有嘅都冇收過投訴

樓主，

如果係學校社工的提議，我覺得你可以考慮一下。初小可以有多d時間/訓練比小朋友，改善/進步也快d。

我細囝由小一入學已經比兩位班主任一齊投訴，不專心，說話多，跟同學上堂說話，容易哭。

我由跟學校老師/社工反應，想囝參加学校小組訓練，但社工話要先給有政府特殊需要的学生優先，結果去年沒機會。

今年二年級，上星期家長曰，見了班主任和社工。因班主任反應囝有社交/情緒/專注力問題，我再跟社工反應，今年才可參加訓練小組。

作者: CJ1stbb 時間: 19-2-2 22:05 標題: 回覆樓主

多謝大家關心，評估做咗，佢唔係

歡迎光臨教育王國 (/)