教育王國
標題: 分享下最失望的面試 [打印本頁]
作者: cholewong29 時間: 18-11-10 11:49 標題: 分享下最失望的面試
今日去面試，老師問嘅每一條問題小朋友都應該識答，但小朋友特登玩，全部答老師唔識。
明明識都答唔識，唯有相信小朋友會自己揀學校，可能佢唔鐘意間學校啦
唉，出到黎失望到嘢都唔想講，又怕鬧佢影響佢下一個面試。
作者: yeeling0101 時間: 18-11-10 12:00
本帖最後由 yeeling0101 於 18-11-10 12:02 編輯
其實可以正面啲，我分享下少少。
我小朋友上星期都in2間區內大熱，第1間表現都係同你小朋友差不多，每樣都識，但每樣都叫媽咪做，而且要老師氹好耐先有反應。
我無話佢，2歲幾人仔interview已經好叻，佢in完我讚佢有俾反應，送左sticker俾佢，但提提佢下次要記得答老師問題同照老師指示做，
我地1小時後又另一場，果然佢表現好好多，仲同老師玩到攬住晒。
2歲人仔，你罵佢，你除左發洩左自己嘅失望唔開心之外，佢又唔開心，仲有咩得著？？
個1個鐘除左focus俾失望之中，係米可以自己review 下有咩可以改善？諗下小朋友唔合作可以點引導佢，諗下小朋友下場會唔會要多啲時間或者去公園warm up下好啲？我自己當每一場係學習，睇下有乜可以做得更好
作者: 木同mom 時間: 18-11-10 12:22 標題: 回覆樓主
囡囡上年in有一間除咗喊還是喊，不過最後都收到其他offer，應該佢係唔適合果間學校既氛圍。相信佢會係中意既學校有好表現，比多D信心大家
作者: 已刪除用戶 時間: 18-11-10 12:42 標題: 回覆樓主:
我in第一間區內大熱，但其實我自己一般，小朋友反應唔係唔知道就係無呀～仲要發脾氣。事後我無做咩，問佢點解咁答老師，佢直接話唔鍾意果度。我只同佢講，你唔鍾意可以之後話比媽咪知，但老師問你問題要好好地回答，要有禮貌，唔係媽咪會唔開心。媽咪希望你做一個有禮貌既小朋友，而且相信你可以做到。
之後既面試就出發前提佢要做有禮貌既小朋友，如果唔鍾意果度好好地同媽咪講，之後既面試表現都好好。
作者: babybobop 時間: 18-11-10 13:04
cholewong29 發表於 18-11-10 11:49 
今日去面試，老師問嘅每一條問題小朋友都應該識答，但小朋友特登玩，全部答老師唔識。
明明識都答唔識，唯 ...
本帖最後由 babybobop 於 18-11-10 13:04 編輯
點解會想鬧？佢得兩歲，你期望佢見到陌生人會對答如流、好sociable、咩都做得晒？即使佢平時喺屋企係好叻，但佢都會有情緒、唔係對個個都係咁。大人面試都會失準，何況係一個兩歲幾嘅小朋友？佢做唔好可能係佢根本唔鍾意呢間學校嘅模式、老師，等等。家長要支持同鼓勵而唔係責備小朋友。
作者: empressbo 時間: 18-11-10 15:29
yeeling0101 發表於 18-11-10 12:00
其實可以正面啲，我分享下少少。
我小朋友上星期都in2間區內大熱，第1間表現都係同你小朋友差不多，每樣都 ...
你講得好好！尋日同我個仔（ 細b ）去咗in民生，其實本身都冇諗住話會得，因為係細B，但係唔知點解interview嗰陣時佢做唔到啲平的做到嘅嘢（例如執玩具），我果下真係好失望，同埋in完之後好唔開心，之前其他我都冇咁嘅反應，同時又好內疚覺得唔應該咁樣責怪佢，咁當然我冇真係開口怪責，反而仲讚佢做得好啦
作者: yeeling0101 時間: 18-11-10 15:59
本帖最後由 yeeling0101 於 18-11-10 16:02 編輯
回覆 empressbo 的帖子
Yes, 有時失準都無計，好現實咁諗，寄望下一場有咩可以做得更好好過啦。我估依加都無人報得1間咁小呱。in1場，學1次野，都唔錯丫。好似今日我in第3間區內大熱，知佢要長時間warm up就帶佢去公園玩一輪先去in.成朝keep住好hyper 咁講野玩囉。等佢快啲warm up。入到去，唔答老師，就我用第二種方法問，老師叫佢指自己眼耳口鼻，佢唔做，咁我就叫小朋友指我啲眼耳口鼻，佢即刻指到，我讚下佢，然後好似玩咁問佢，咁你個隻眼係邊丫？佢又即刻指到丫。唔知會唔會扣分，但起碼老師知佢識先丫。呢啲係因為上星期衰左，我自己呢個星期都無浸係失望情緒內，反而好積極有諗下點執生點引導小朋友答。仲有，間間都強調家校合作，in埋家長，引導得好，執生執得靚係加分位都唔奇丫
作者: celiakuen 時間: 18-11-10 16:01
本帖最後由 celiakuen 於 18-11-10 16:03 編輯
暫時最失望係interview老師講故事係播錄音 =_=
利申：普通村校
我無對我仔失望，2歲幾最緊要玩（interview ）得開心！反而我會對學校有唔同印象，因為你揀人時，人地都揀緊你，而家做唔到唔等於將來做唔到，最重要係點培育小朋友
作者: Redbean88 時間: 18-11-10 16:07
回覆 celiakuen 的帖子
坑口?
作者: celiakuen 時間: 18-11-10 16:55
回覆 Redbean88 的帖子
Oh yes!
作者: karllambb 時間: 18-11-10 18:14 標題: 回覆樓主
根德園，好俾心機寫問卷，點知去到個老師無乜表情，阿女表現也麻麻，in完有種拜拜啦根德園
作者: 貓皮 時間: 18-11-10 22:29 標題: 回覆樓主:
其實我點都唔会失望，一個二歲幾人仔，去到新環境，有人問佢野，跟住又唔比喊，又要做好多任務，一如果問我最失望口既就係而家小朋友面對緊一個扭曲嘅教育制度，幼稚園只係開始，小學仲可怕
作者: empressbo 時間: 18-11-10 22:58 標題: 回覆樓主
而家發現，幫仔仔揀學校最大壓力係自己(emoji)
作者: jwingbb 時間: 18-11-10 23:08 標題: 回覆樓主
無人知道學校收生準則係乜，但我相信老師/學校係憑小朋友既性格或本質去決定適唔適合入讀。因為知識係有得教，小朋友而家唔識，但返學後一定識。反而性格係天生冇得教、冇得強求。所以呢刻小朋友未做到晒或做得差，唔代表唔收既，老師有慧眼有經驗嘛。
樓主，相信適合你小朋友既老師/學校會自然被吸引啦！
作者: 小儀皇后 時間: 18-11-10 23:46
貓皮 發表於 18-11-10 22:29
其實我點都唔会失望，一個二歲幾人仔，去到新環境，有人問佢野，跟住又唔比喊，又要做好多任務，一如果問我 ...
認同。
其實in幼稚園有得比家長揀,從中篩選最後讀邊間,已經好好,至少揀左果間係去過學校睇過咩環境。
小學係大抽獎唔知中邊間,叩門又難。
作者: rubywylam 時間: 18-11-11 09:24
empressbo 發表於 18-11-10 15:29
你講得好好！尋日同我個仔（ 細b ）去咗in民生，其實本身都冇諗住話會得，因為係細B，但係唔知點解intervi ...
本帖最後由 rubywylam 於 18-11-11 09:24 編輯
我昨日in民生，我都好失望，因為阿女谷便便去唔到，唔肯坐又唔肯答老師問題。明明識答但唔開口。
如你所說，預左係唔得（因為細b)，但仍心存期睇，望有一絲機會被揀到。最後阿女表現咁我都禁不住表現出失落。但我知道一切都整定。
事後我老公都話我唔岩，點解民生一定係最好？我地要相信阿女、支持阿女。
作者: jaagor 時間: 18-11-11 09:58
rubywylam 發表於 18-11-11 09:24
本帖最後由 rubywylam 於 18-11-11 09:24 編輯
我昨日in民生，我都好失望，因為阿女谷便便去唔到，唔肯 ...
本帖最後由 jaagor 於 18-11-11 09:59 編輯
唔洗灰心，我上年考PN都曾經有一間好心儀嘅某名幼，試過做咗好多嘢包括上佢PG、考齊K1同PN同埋寫咗N咁多封求位信都唔收兼音信全無。
當時好失望，最後讀咗屋企附近一間唔錯嘅PN，結果阿女鍾意返學又短短幾個月進步好大，再戰K1面試而家收到更心儀、更符合我理念、教學模式更適合阿女嘅龍校offer。就算間名幼而家俾返K1 offer我，我都唔會要。
塞翁失馬，焉知非福，相信自己孩子，相信自己理念。
作者: Eggwong88 時間: 18-11-11 16:51
其實真係無人知收生標準，我面試果日，一入到課室，個老師望都冇望就將份表反轉放入個筲箕入面，跟住同2個小朋友面試，我個囡係細b我亦唔期望佢可以對答如流，果然佢真係乜都唔答老師。。哈， 最後我都打定輸數。
作者: yeeling0101 時間: 18-11-11 17:44
jaagor 發表於 18-11-11 09:58
本帖最後由 jaagor 於 18-11-11 09:59 編輯
唔洗灰心，我上年考PN都曾經有一間好心儀嘅某名幼，試過做 ...
信任孩子，佢地會自己揀最適合自己條路
作者: empressbo 時間: 18-11-11 18:39
rubywylam 發表於 18-11-11 09:24
本帖最後由 rubywylam 於 18-11-11 09:24 編輯
我昨日in民生，我都好失望，因為阿女谷便便去唔到，唔肯 ...
完全明白你心態！我老公都係咁講，話唔好因為面試而唔開心，睇嚟日後讀書嘅路作為媽媽都要好好咁學識調整心態！
作者: xoshan1025 時間: 18-11-11 23:06
celiakuen 發表於 18-11-10 16:55
回覆 Redbean88 的帖子
Oh yes!
可以比少少提示邊間嗎？
作者: bossini888 時間: 18-11-12 08:55 標題: 回覆樓主
唔駛失望，教育局D規則都好荒謬，因為呢排面試小朋友，年齡係1歲11個月至两歳11個月，小朋友相差一個月都唔同，有咩好考，冇D準則。每間幼稚園收60-70人，間間都200幾人報，村里面有5間幼稚園，又咪果班家長報，佢地一定收生不足。最重要係我個女對佰生人怕醜，答題時冇反應，2歳一個月女仔，順其自然 啦
作者: yying829 時間: 18-11-12 16:22 標題: 回覆樓主
一個大人係陌生既環境好好表現唔係件容易既事，少不免會緊張或其他因素而失準，何況係2歲既小朋友呢？鬧佢唔單只幫唔到件事，而且會令佢抗拒面試，更加發揮唔到表現
作者: fakeplastictree 時間: 18-11-12 17:37
本帖最後由 fakeplastictree 於 18-11-12 17:39 編輯
我分享一個十分意外的經歷，都好令我失望。
我個仔好怕醜，11月尾出生的細B，所以我本沒有甚麼期望。
去一間大窩口的熱門學券幼稚園面試，純粹試下，讓他感受一下。
入課室，家長陪細路坐，玩玩具等老師來問問題。
我枱得我們和另一個女孩和她的媽媽。
老師問他們先。
問我們的時間，那媽媽和個女玩得好大聲，阿媽有玩到舉起手的動作，
我仔一聽到咁大聲，就望實佢地，沒有理會老師，我都忍不住叫我仔專心d,
我仔聽到他們幾聲大聲玩樂，都被吸引過去，連老師都笑笑口說他們玩得好開心喔
我唔敢講他們刻意那樣玩，可能他們都不知道會影響別人。
但我好失望。期望學校應該安排好d。
利申，他們面試時，我們很細聲的玩，甚至由我仔自己玩。
作者: zbt 時間: 18-11-12 19:30
fakeplastictree 發表於 18-11-12 17:37
我分享一個十分意外的經歷，都好令我失望。
我個仔好怕醜，11月尾出生的細B，所以我本沒有甚麼期望。
我女面試时，同桌個男仔不时伸手攞我女面試玩具，仲搶答，好討厭 。
作者: agnesit 時間: 18-11-16 18:52
回覆 fakeplastictree 的帖子
我女12月中細b， 我地同table對家長都差不多係咁，結果當我女被in時成日不專心地望過去，真係好影響人，本身我女in一對一個d都算ok，但呢間真係搞到咩都唔肯做，唉。我都同意學校安排得太差，雖然知道佢有千幾人in，但一間有心既學校應該會慢慢in，而唔係安排到咁，老師趕住收工咁in，完全唔係傳說中話會引導小朋友，比我感覺耐性不夠。
作者: agnesit 時間: 18-11-16 18:55
回覆 zbt 的帖子
如果佢咁安排係想試小朋友專唔專心，其實大可以一齊聽老師講故事書，而唔係咁lor，咁樣同table兩對小朋友，環境又嘈，好差。
作者: fadgare 時間: 18-11-16 20:18
其實有邊間收咪讀住先，唔好太介意啲名校收唔收。咁細個人仔睇到啲乜，好多都係揀主動有反應。但係佢哋細個冇反應亦唔代表將來冇進步。我仔以前in K 0反應，嘢都唔講多句，而家咪又係好多嘢講。個個小朋友性格不同，慢慢來，身體健康已是無價。
作者: Amymichelle 時間: 18-11-16 20:40
貓皮 發表於 18-11-10 22:29
其實我點都唔会失望，一個二歲幾人仔，去到新環境，有人問佢野，跟住又唔比喊，又要做好多任務，一如果問我 ...
Sad but true 
作者: wonglouise 時間: 18-11-21 15:41
fadgare 發表於 18-11-16 20:18
其實有邊間收咪讀住先，唔好太介意啲名校收唔收。咁細個人仔睇到啲乜，好多都係揀主動有反應。但係佢哋細個 ...
岩呀咁細個，性格都未定型，後天都可以影響小朋友
作者: Amy_Baby_ 時間: 18-12-3 22:06 標題: 回覆樓主
其實最重要係小朋友同間學校有無緣份，佢得2歲幾，要完全聽指令好難，有時我會覺得依家既年代好似變左商業化，其實想搵間近屋企又返得開心既幼稚園姐，好似要過5關斬六將咁，心諗，咁細個就要參加呢d遊戲規則，莫講話要快樂童年，唔嚇驚都算偷笑(emoji)(emoji)♀️(emoji)(emoji)♀️
作者: 羊咩仔女 時間: 18-12-4 14:06
我也希望分享少少, 面試由11月頭至11月尾,
我囡囡在家很活潑, 經常發問, 但一到面試, 對住唔識既老師就唔出聲, 唔答, 甚至唔肯玩老師給的玩具
心想心儀的熱門學校必定落選, 那時, 也有一點點失落, 和心裡有點替阿囡抱不平
因為, 她只是比較慢熱啊!
後來, 一次面試, 到區內一間較不熱門的學校,
那天, 她竟然狀態甚好, 有問有答, 還肯拖著老師行, 很開心的樣子
現在想起來, 或者真的是緣份,
可能就是這間學校和老師給她舒服, 開心的感覺
結果, 囡囡真的被這間幼稚園取錄, 而其他的都不被取錄, 或只是備取生.
原來我們為她選學校的同時, 她也選了合適她的學校
希望來年, 她真的喜歡這間幼稚園, 讀得開心愉快
作者: Ca44 時間: 18-12-4 14:24
回覆 羊咩仔女 的帖子
我好同意,我覺得好多時只係我地做父母嘅一箱情願以為幫佢揀到最好嘅,但其實小朋友嘅表現先反映到佢鍾唔鍾意間學校,佢鍾意自然表現好
作者: Kim23456 時間: 18-12-4 15:23
我個細女岩岩相反，幾次面試都係冇時停，有時唔係好聽老師指令，最後冇消息……不過都無計既，最緊要最後有學校收，小朋友又鍾意就得
| 歡迎光臨 教育王國 (/) |
Powered by Discuz! X1.5 |