教育王國

標題: 温書好方法 [打印本頁]

作者: Jas-MaMa 時間: 18-11-9 21:31 標題: 温書好方法

我小朋友温默書，温足成個星期，佢點都記唔住啲生字，錯嘅生字總係錯完又錯!點同佢拆開個字串或中文象形又好，故事形式都好，都記唔到？請問大家有咩温書方法指教下我

作者: pooh仔 時間: 18-11-9 22:06

Jas-MaMa 發表於 18-11-9 21:31
我小朋友温默書，温足成個星期，佢點都記唔住啲生字，錯嘅生字總係錯完又錯!點同佢拆開個字串或中文象形又 ...

本帖最後由 pooh仔於 18-11-10 21:06 編輯

我女初小時記中文字都喺弱，拆字都教過。
唯有用最傳統方法「抄」，佢哋默書範圍喺全課温（8課考默～好甘），老師再組織過幾小段默，所以我將要默課文內容深與淺詞圈晒出嚟，用番學校格仔簿起字頭比佢，但我用紅、綠色拆字比佢認寫，等佢留意啲字如何拆寫，起晒都唔少嘢㗎，將全部字詞寫一次，分數日寫滿一行直到考默為止（隔2-3天寫一次），兼順便温埋中文考卷不供詞部分。
上述方法對我女湊效，最後考默成績表顯示A,但唔知有否扣錯字分，學校冇公佈分數！

註：我大仔初小都一樣弱，但我教佢拆字記，佢冇問題，所以哥哥不雖用這方法，淨考前寫啲佢認為容易錯字就已可！

作者: pooh仔 時間: 18-11-9 22:15 標題: 回覆樓主

英文點都喺用拼音方法。

佢哋已好多嘢記/温，仲用故事形式記字，會覺得好煩。

作者: Elenalan 時間: 18-11-9 23:52 標題: 回覆樓主:

我見我女 (P1)溫中默係咁溫: 首先背左課文 (佢話喺學校得閒就背)，然後喺屋企成篇抄1~2次，之後成課背默。如發現錯字，就拆字背口訣，例如耳王十四一心(聽)，口/口立十月(臂)...當歌仔唱。

我執屋時見佢周圍攝紙仔，原來係d預默錯左嘅字，佢話等自己尋寶，就會記得。

以上係佢自己發明嘅溫默書方法，我認為方法係佢自己諗俾佢自己，一定會更入腦。暫時默書分數都ok。

作者: Jas-MaMa 時間: 18-11-10 00:22

pooh仔發表於 18-11-9 22:15
英文點都喺用拼音方法。

佢哋已好多嘢記/温，仲用故事形式記字，會覺得好煩。

最衰就係叫佢背又背幾日都背唔識，叫佢抄寫字多又喊，真係懶到出汁!

作者: pooh仔 時間: 18-11-10 00:25

Jas-MaMa 發表於 18-11-10 00:22
最衰就係叫佢背又背幾日都背唔識，叫佢抄寫字多又喊，真係懶到出汁!

本身課書喺背默？

作者: Jas-MaMa 時間: 18-11-10 00:34 標題: 回覆樓主:

讀默，以前一直都係我一路讀佢一路默，但好多人話背左課書，咁佢可以自己默，又唔怕聽老師讀得嚟又要顧寫，漏字機會少啲!但要佢背書，背幾日都唔識!，

作者: jli008 時間: 18-11-10 10:32

提示: 作者被禁止或刪除內容自動屏蔽

作者: pooh仔 時間: 18-11-10 10:33

Jas-MaMa 發表於 18-11-10 00:34
讀默，以前一直都係我一路讀佢一路默，但好多人話背左課書，咁佢可以自己默，又唔怕聽老師讀得嚟又要顧寫， ...

本帖最後由 pooh仔於 18-11-10 10:40 編輯

這方法我有聽過， 1，2年級還可以， 3年級以上課文成兩大版冇可能用這方法，得我都覺嘥時間。
我仔女（不同校）老師會將默嘅內容從同一課文左抽右抽為一段仔（兩課書共4段），如你用背誦方法，與老師默內容不符，咪徒勞！
及聽老師讀默我會當作聆訓練之一因要留心一字一句才可默寫出來。
你小朋友唔記得字點寫，喺要去學拆字，不是去背書，識背全課書=\=識寫！
我以前讀小學時與鄰舍玩部首遊戲如「木」字，就大家互寫有關這部首字出來鬥多.

作者: jli008 時間: 18-11-10 10:36

提示: 作者被禁止或刪除內容自動屏蔽

作者: pooh仔 時間: 18-11-10 10:37

jli008 發表於 18-11-10 10:32
拆字記是好,也要給孩子理解這個字的用意,一點通了孩子就很容易知道這字會什樣運用自如.
辦法 = 兩個辛加 ...

我當初教仔女如何分這幾隻字我亦同佢哋講解其意義我讀書時都喺咁學(好入腦) 而家咪教自己小朋友記

作者: pooh仔 時間: 18-11-10 10:39

jli008 發表於 18-11-10 10:36
若是普通話,還有時候聽老師發音都會覺得聽錯音而默錯~~~

咁普教中我就不曉喇我都聽朋友講普通話課默唔知點同仔女默因自己都不太靈光。

我倆小孩都是廣教中！

作者: jli008 時間: 18-11-10 10:43

提示: 作者被禁止或刪除內容自動屏蔽

作者: Jas-MaMa 時間: 18-11-13 13:20 標題: 回覆樓主:

其實我都放棄要佢背，背書仲要多花幾時間!

作者: mimi1102 時間: 18-11-13 14:15

Elenalan 發表於 18-11-9 23:52
我見我女 (P1)溫中默係咁溫: 首先背左課文 (佢話喺學校得閒就背)，然後喺屋企成篇抄1~2次，之後成課背默。 ...

我地都係自創口訣, 幾好用.

你女好乖.

作者: sumsum2010 時間: 18-11-14 15:32

回覆 Elenalan 的帖子

我女都係咁! 不過都要抄寫下先熟

歡迎光臨教育王國 (/)