教育王國
標題: 港大調整計分機制 「搶尖」意味濃（程尚達） [打印本頁]
作者: elbar 時間: 18-11-5 14:34 標題: 港大調整計分機制 「搶尖」意味濃（程尚達）
多所大學下學年有新收生安排，大部分是放寬核心科目達「三三二二」的最低入學門檻，但香港大學日前新公布的聯招計分機制，卻是加重考獲第五級及「摘星」較多的考生分數。有中學校長友好同程尚達傾開，認為港大做法貫徹「擇優而取」，搶尖子意味甚濃。
今次港大調整以往文憑試考獲第一級至「5**」，換算為一至七分的機制，把第五級、「5*」及「5**」改為五點五分、七分和八點五分。假設考生考獲兩科第三級、兩科第五級及兩科「5**」，便獲三十四分；較考獲六科第五級的更易獲港大取錄。較意外的是，港大沒有放寬「三三二二三三」入學門檻，未跟隨中文大學、科技大學等院校調整。
程尚達聽聞，中學界對港大的做法反應兩極，有校長質疑港大學者在智庫提出，收生不應只看重文憑試成績，在其他大學淡化精英主義之際，校方推出「成績至上，不求均衡表現」的計分法，顯得自相矛盾；有人則重提前港大校長、港科院創院院長徐立之，早前稱「三三二二」入學門檻是「教育局攞住支槍指住大學校長」言論，如今港大又固守門檻不變，才是「攞住支槍指住自己」，令「教局威脅論」不攻自破。
有校長友好坦言，港大高層對其他院校放寬入學門檻的做法，確實不以為然，「事實上，核心科目失手而其他科目表現超卓的考生，據悉每屆文憑試僅幾十人，但被其他大學視為招徠。」實際上，即使中學畢業生人數近年下跌，港大亦不愁取錄成績標青的學生，「大學擇優而取，狀元、榜眼畢竟有限，其餘大部分成績達標的考生，大學得要抉擇，到底是希望取錄各科平均理想，抑或是個別科目標青但其餘表現一般的考生，以往制度的確有利前者。」
友好續稱，今次港大調整安排，無疑「看透」即使調整入學門檻，亦改變不到「擇優而取」的現實，而在考生出現同分情況下，更傾向取錄「摘星」考生，變相淡化了「全人發展」的硬性要求，「但同時也肯定，即使是專才，也不能偏廢共通能力的原則」。
無論如何，大學收生機制背後各有理念，難以一概而論，關鍵是大學能否解釋清楚，否則令外界留有「尖子走上象牙塔」的負面形象，到時恐怕有理說不清。
作者: JustAParent 時間: 18-11-5 16:41 標題: 回覆樓主:
原來發明個新計分法真係有好處，連中學校長同教育專欄作家都畀佢點到氹氹轉，唔知佢玩乜。
作者: chun媽 時間: 18-11-5 18:29
JustAParent 發表於 18-11-5 16:41 
原來發明個新計分法真係有好處，連中學校長同教育專欄作家都畀佢點到氹氹轉，唔知佢玩乜。
...
每間大學的計分方法唔同，家長、學生要花上唔少時間鑽研，唉!
作者: JustAParent 時間: 18-11-5 18:49
chun媽 發表於 18-11-5 18:29
每間大學的計分方法唔同，家長、學生要花上唔少時間鑽研，唉!
本帖最後由 JustAParent 於 18-11-5 18:52 編輯
我對港大改計分制有另一睇法，
一、我唔覺得此舉旨在搶尖子，而係盡地一煲同其他七大，尤其中大科大死過搶中上游學生。
二、以現時考試局公佈考生成績資料，難左估算同分競爭對手人數。
三、當冇法兼顧所有科，每個學生有不同取捨。依家話下年改，對未來二屆考生唔公平。人地中學轉直資都比幾年適應期小學，我唔明堂堂香港第一大學點解可以咁。
作者: ilyrd 時間: 18-11-5 20:09
而家要人唔要面，搶野阿.....
作者: kls12 時間: 18-11-5 20:21
ilyrd 發表於 18-11-5 20:09
而家要人唔要面，搶野阿.....
現在只是港大改了計分方法，成績最好的仍然是最好。成績有些很好及有些不好的，會比較成績平庸的有優勢。成績不好的，繼續不好。這樣，我不覺得會搶了其他校的學生。
作者: workingmom 時間: 18-11-5 21:01
kls12 發表於 18-11-5 20:21
現在只是港大改了計分方法，成績最好的仍然是最好。成績有些很好及有些不好的，會比較成績平庸的有優勢。 ...
本帖最後由 workingmom 於 18-11-5 21:01 編輯
改dse計分方法的目的只有一：
增加 收取從dse途徑入學的學生, 因為大學發現 一直以來大量收取non-jupas學生來填數的方法 衍生不少問題 ，已經行不通了。
作者: ilyrd 時間: 18-11-5 21:07
我認為出年japus入u率一定升。班準大學生預备好策略吧.....
作者: workingmom 時間: 18-11-5 21:12
ilyrd 發表於 18-11-5 21:07
我認為出年japus入u率一定升。班準大學生預备好策略吧.....
同意，
但是如果計分方法 在明年再沒有改變的話， non jupas的收生數字 在後年便會回升。
作者: ilyrd 時間: 18-11-5 21:15
workingmom 發表於 18-11-5 21:12
同意，
但是如果計分方法 在明年再沒有改變的話， non jupas的收生數字 在後年便會回升。
...
作者: workingmom 時間: 18-11-5 21:19
ilyrd 發表於 18-11-5 21:15
何解？明年往後計分方法都應是一樣。
由於各學係都要保住dse 收生的分數下限, 盡量不可低於往年 及儘量不可低於其他院校, 所以往往要用non JUPAS 填數,但加上 jupas考生日漸減少, 引致non-jupas的收生日益增多, 引起家長及 傳媒的回響。 加上不少從non-jupas收回來的學生 都只是濫竽充數, 學習能力和成績不夠班, 也造成不少問題。
所以大學便 想到要將 舊的計分方法 推倒重來, 用新的計分方法以便和從前的收生 分數 切割 斷絕。
作者: Charlotte_mom 時間: 18-11-5 21:25
chun媽 發表於 18-11-5 18:29
每間大學的計分方法唔同，家長、學生要花上唔少時間鑽研，唉!
唔係每一間，係每一間每一科
簡直係金睛火眼
作者: workingmom 時間: 18-11-6 07:18
Charlotte_mom 發表於 18-11-5 21:25
唔係每一間，係每一間每一科
簡直係金睛火眼
因為每一學系都不希望 自己的收生成績 和其他學系作出比較, 其中之一解決方法就是將收生計分制度 模糊混亂化。
作者: hkpapa852 時間: 18-11-6 07:51
JUPAS考生未來三年應該一年比一年少，所以各間大學都要諗辦法去淡化不知所謂既3322限制，以免收唔到叻學生，或收錯主科成績平均但之能力一般既學生。
作者: jessimm 時間: 18-11-6 09:17
終於肯回歸A-level年代鬥A多, 這樣才確實反應到5** 比起5*/5的難度. DSE最初只是教育局/考評局刻意淡化level-5之後的計分
作者: ilyrd 時間: 18-11-6 09:39
一個中英數通+chem+bio攞 335**3 + 5** + 5**. 本来4+2 30分, 現在變34.5分.無端端多4.5分 影响報校報科策略真的不少. 出年真係大混亂.
作者: AAWORKDAD 時間: 18-11-6 10:02
掂解調整計分制只加不減?是否取得1,2或3要扣分?
今次改計分制非常高明。可以繼續做香港的大學一哥，收生分數不趺反升。只有香港家長和學生留意改計分，其他地區冇人知，外界已為收的學生愈黎愈勁，對Marketing 好有幫助。
還有，再不用和中大或科大比較邊間是擇優而錄，因為改計分制后已經不是Apple 和 Apple 的比較。
作者: jessimm 時間: 18-11-6 10:08
遲來的春天.
作者: LingChiBaBa 時間: 18-11-6 10:21
ilyrd 發表於 18-11-6 09:39
一個中英數通+chem+bio攞 335**3 + 5** + 5**. 本来4+2 30分, 現在變34.5分.無端端多4.5分 影响報校報科策 ...
HKU一向都係咁作風。佢嘅heavy weighting 範圍係 x1.2 至x2.0，唔同其他大學講明倍大幾多。
作者: ilyrd 時間: 18-11-6 10:29
jessimm 發表於 18-11-6 10:08
遲來的春天.
作者: mansdom 時間: 18-11-6 10:54
workingmom 發表於 18-11-5 21:19
由於各學係都要保住dse 收生的分數下限, 盡量不可低於往年 及儘量不可低於其他院校, 所以往往要用non JUPA ...
何以見得
“從non-jupas收回來的學生 都只是濫竽充數, 學習能力和成績不夠班”
另若我係大學負責果個, 明知 non-jupas果ｄ唔掂, 學習能力和成績不都夠班, 點解重要收, 而唔係寧願去收多ｄDSE考生, 即使佢地響一次DSE試考得冇咁好 (因為長遠睇, 佢地學習能力和成績都夠班, 若你所講成立)
無意貶低DSE考生或抬高 Non-jupas考生, 但以今次HKU調整計分來睇, 一個DSE原本考得 30分, 但因為有5**,故受惠今次調整,
佢有34分, 但佢原本就係30分, 只不過今日HKU將佢分數化大, 個考生能力根本無變, HKU可將來再將 5** x10都得架, it is meaningless.
另一non-jupas考生, 佢考得30, 佢就係30, 咁佢係咪就會輸俾呢個化大左30分數既DSE考生呢?
好多人認為 GCE A-level或 IB易考過DSE, 想問若該家長真的深信不疑這講法, 為何不自己出點考試費, 給自己孩子一個機會試一試, 話唔定以可以靠該成績入到了心儀大學科目.
出於保護主義又好, 本土意識又好, 我都讚成留多ｄ學位俾香港DSE考生, 奈何DSE考生都要爭氣, 曾幾何時, 某大學醫學院響九龍一中學舉行了一個收生講座, 堂時我所見出席者, 多於八, 九成都是Jupas學生及家長, 餘下是Non-jupas的, 但所見的真是令我搖頭, jupas學生好像參加嘉年華, 咬住零食, 傾計, 拍著拖來…,心想這就是我們想要的未來醫生. 另一邊廂, non-jupas學生不停追問, 好像餓了久, 單以績極性 DSE而被比下去.
純討論
作者: ANChan59 時間: 18-11-6 12:25
ilyrd 發表於 18-11-6 10:29
唔知EK呢度是否有"有關人士"註場.吹下鬧下HKU醫唔收36分.岀年就收.所以唔理EK有冇影响,大家路見不平,上来吹 ...
答案係有嘅！
問題是偏聽，搏掌聲的會做，所以會因掌聲年年改變立場，網友不要跟車太貼。
作者: LingChiBaBa 時間: 18-11-6 12:43
ANChan59 發表於 18-11-6 12:25
答案係有嘅！
問題是偏聽，搏掌聲的會做，所以會因掌聲年年改變立場，網友不要跟車太貼。
同埋佢有後着嘅，可以用MMI result控制返人數。
作者: ANChan59 時間: 18-11-6 13:01
LingChiBaBa 發表於 18-11-6 12:43
如果今年MBChB LQ唔係35而係36，我諗MBBS未必出36分。
同埋佢有後着嘅，可以用MMI result控制返人數。
...
香港是自由社會，後著又好，陰陰濕濕又好，語言數字偽術又好，一定有人鐘意，有人卑視！
作者: Anniemun 時間: 18-11-6 13:56
那是否只是收生分數推高，來來去去入神科還是那班同學吧？
作者: jessimm 時間: 18-11-6 15:02
ilyrd 發表於 18-11-6 10:29
唔知EK呢度是否有"有關人士"註場.吹下鬧下HKU醫唔收36分.岀年就收.所以唔理EK有冇影响,大家路見不平,上来吹 ...
作者: JustAParent 時間: 18-11-6 16:34
ilyrd 發表於 18-11-6 10:29
唔知EK呢度是否有"有關人士"註場.吹下鬧下HKU醫唔收36分.岀年就收.所以唔理EK有冇影响,大家路見不平,上来吹 ...
唔關事，只不過係大家一早睇穿HKU既語言偽術，唔成理由既理由。收生分數下調係簡單數學問題，唔到佢企硬。
作者: chun媽 時間: 18-11-6 19:11
ANChan59 發表於 18-11-6 12:25
答案係有嘅！
問題是偏聽，搏掌聲的會做，所以會因掌聲年年改變立場，網友不要跟車太貼。
估唔到EK或多或少都有吸引力 
,有賴多D有質素的網民俾唔同的意見
| 歡迎光臨 教育王國 (/) |
Powered by Discuz! X1.5 |