教育王國

標題: 請教伴讀認字方法 [打印本頁]

作者: BMouse 時間: 18-10-31 11:16 標題: 請教伴讀認字方法

小朋友K1, 一向對閱讀不大興趣，雖然每天伴讀，但讀一陣就會走開，只有弟弟坐定定繼續聽

剛升K1開始要認字，買了基礎漢字500完全無興趣，在圖書館借過我愛讀迫佢逐句跟我讀，讀了幾次就成本背左出黎，但佢係記圖畫，唔係記字

打算買套我自己會讀，應該由乜野顏色開始？我愛讀已經是句子佢都背到，紅色是詞語會唔會太悶？

另我應該繼續迫佢我讀一句佢讀一句嗎？迫佢又怕更加唔喜歡閱讀，唔迫又怕佢認唔到字

還有，佢聽得最專心是公主書，可以重覆睇好多次，但一般都多字少少，所以我之前一直都用白話同佢講。我要唔要連公主書都要求佢跟我讀？會唔會令佢無晒興趣？

作者: scgift 時間: 18-11-2 11:52 標題: 回覆樓主:

我自己就係講故事培養閱讀興趣行先，認字還認字，唔會喺閱讀時迫佢認字。小朋友有興趣才會學得好學得快，被迫的話會有興趣會高興嗎？

你平時伴讀會否只係直接讀書面語冇任何形容/解釋? 我囡都係睇《基礎漢字500》去認字，但佢係好似睇繪本咁好鍾意睇，會睇到卡卡聲咁笑。青田啲書我囡夠係讀1~2次識背，但佢好討厭睇青田書，覺得內容實在無聊沒趣，所以我唔會同佢睇青田書。

認字一定係積少成多，迫佢跟讀好多字既書，好難真係認到字，反而會打擊佢既閱讀興趣。

作者: Elenalan 時間: 18-11-3 14:05 標題: 回覆樓主:

基楚漢字500和青田書都係俾小朋友自己讀唔係伴讀。基楚漢字500唔啱我地用，阿女嫌太無聊，我成套放2手賣了。青田至少係全語文故事，雖然故事薄弱(因為要遷就用字)，但重複嘅字詞和句式令小朋友可以自己閱增加識字量和學到基本語法。

伴讀我只用繪本、漫畫、兒童雜誌呢d佢有興趣嘅書，一定係趣味行先，口語化咁講，佢有興趣內容自然會學認字。4歲起，我有時會同佢一人讀一句，再講內容。同時，佢會自己讀青田書仔，咁佢喺青田學到嘅字，睇繪本時都有用。

作者: BMouse 時間: 18-11-4 04:42 標題: 回覆樓主:

謝謝意見，咁我應該分開伴讀同認字

作者: 964000 時間: 18-11-4 08:00

本帖最後由 964000 於 18-11-6 13:07 編輯

BMouse 發表於 18-11-4 04:42
謝謝意見，咁我應該分開伴讀同認字

K1伴讀為主

作者: cherryyuu 時間: 18-11-6 12:46 標題: 回覆樓主:

以前有個親戚個仔又係學得好慢，5歲個陣好似話識既字得一般小朋友7成，小學成績亦麻麻，後尾中學唔知做咩突飛猛進，未畢業美國已經有大學準備收佢，佢父母自稱一早打定輸數用放養政策，我估佢地應該係培養左佢對科學既興趣，所以中學先會一下子爆上去

作者: MrBeast 時間: 18-11-11 15:39

除閱而安

作者: happiemm 時間: 18-11-16 12:27 標題: 回覆樓主:

伴讀係我讀，我用手指指著啲字，唔洗佢讀，日日同一本書，連續讀一個星期

作者: BMouse 時間: 18-11-16 13:55

happiemm 發表於 18-11-16 12:27
伴讀係我讀，我用手指指著啲字，唔洗佢讀，日日同一本書，連續讀一個星期
...

咁係咪應該書面讀一句，白話解釋完再下一句？

作者: happiemm 時間: 18-11-16 13:59 標題: 回覆樓主:

k1 應該好淺下，青田我自己會讀果啲都係幾隻字一版，如: 紅的花，黃的花，唔洗解釋，佢會明

作者: fibe0313 時間: 19-2-15 17:16

happiemm 發表於 18-11-16 12:27
伴讀係我讀，我用手指指著啲字，唔洗佢讀，日日同一本書，連續讀一個星期
...

想問下小朋友會覺得悶嗎？因我現在伴讀都是說故事形式。因為孩子只有2歲，未需要認字住。我是想先培養愛看書習慣，等她有興趣再學認字。

作者: happiemm 時間: 19-2-15 18:04 標題: 回覆樓主:

我由bb半歲開始伴讀, 一開始就係認字，佢又好ok, 由最初字咭，到每頁幾隻字，去到每頁幾句，慢慢加上去。對於bb來讀，字咭同玩具係無分別

作者: mamabb2016 時間: 19-3-8 09:08 標題: 回覆樓主:

我囡依家兩歲半，我用認字卡教佢單字，但我會一對對咁教佢，例如大小、上下、左右等，東南西北就擺方位十字咁教，每round7-8個咁學，幾日佢就識哂，跟住我再第二round咁再加7-8個比佢，每次先溫習再教新的，教新的每次都係讀兩三次，佢一悶走開我就唔再講，日日放工返去佢都會叫我教佢中文字，暫時咁樣學佢都學左十幾廿個，依家第三round。其他中英文圖書照伴讀，中文字分開教。

作者: Loveucpy 時間: 19-3-16 21:30

BMouse 發表於 18-10-31 11:16
小朋友K1, 一向對閱讀不大興趣，雖然每天伴讀，但讀一陣就會走開，只有弟弟坐定定繼續聽

剛升K1開始要認字 ...

我覺得個個小朋友情況應該都唔同，我自己就小朋友k1就開始教佢認字。咁佢起初認字興趣都唔大，我會用遊戲形式同佢玩認字先，要佢對文字有左興趣先。我個方法就係係地下鋪左5個字卡啦！咁教個小朋友讀一次。就俾5架唔同色車仔小朋友，eg：同佢講黃色車車要去風果度，咁佢架車就要去搵風字。重複呢5個字第二日都咁教。到佢認到就可以轉。一般黎講一日認到5個都無問題。咁教左一排如果你覺得佢慢慢對字有興趣，就可以轉用只係圖卡形式去教。我教圖卡從來都唔仲意圖同字對看，因為有d小朋友會係變左認圖就唔係認字。

作者: Loveucpy 時間: 19-3-16 21:31

BMouse 發表於 18-10-31 11:16
小朋友K1, 一向對閱讀不大興趣，雖然每天伴讀，但讀一陣就會走開，只有弟弟坐定定繼續聽

剛升K1開始要認字 ...

如果認圖卡，可以從最簡單單字開始認，口，刀，田，天，牛，羊咁開始。之後到兩個詞語，我仔係k2先正式開始睇青田圖書，但佢係記憶力好好，認字比較叻，所以青田佢k2只係幾個月時間就認到會自己讀曬紅，橙，黃，綠色book。我方法係同佢最先睇紅色，同一本睇兩日，直至佢會讀曬d字同認到曬先轉另一本。我小朋友家下k3，但日子有功，認到好多中英文字。佢英文都係睇書去累積認字，英文睇oxford。效果都好好

作者: Ayakokwan 時間: 19-3-27 00:57 標題: 回覆樓主

基礎漢字500我覺得有啲悶重複性太多
我仔k1睇睇下就吾肯睇

作者: 宮二 時間: 19-4-14 07:27

Ayakokwan 發表於 19-3-27 00:57
基礎漢字500我覺得有啲悶重複性太多
我仔k1睇睇下就吾肯睇

從來無買漢字500
諗起都悶
只會打擊學習興趣

我自己會讀重重複複其實也很悶

閱讀是王道，趣味先行，看得多認字自然會多。伴讀有趣味性的繪本，k1可㨂日本翻譯中文的，如小雞系列，就小朋友興趣來㨂題材，逐步㨂字數較多的書籍。

作者: chujojo 時間: 19-4-24 07:12

宮二發表於 19-4-14 07:27
從來無買漢字500
諗起都悶
只會打擊學習興趣

我女每日睇2至3小時書(佢自己要求) ，現兩歲7個月。繪本有睇，基礎漢字，青田書都有。

基礎學番黎既字，都很扎實。感覺好過青田。現在讀緊橙色level 3 ，基礎所學既字重覆使用，句子結構愈來愈長。我個人很喜歡。

睇繪本，可以觀察圖畫，認識內容，擴闊想像，又可增加詞彙。如佢在基礎學左個毛字，會聯想到係大毛熊一書既毛。融會貫通，兩者相輔相成，感覺最有效。

歡迎光臨教育王國 (/)