教育王國
標題: 你地有教理財概念嗎？ [打印本頁]
作者: 星星的後裔 時間: 18-10-28 09:04 標題: 你地有教理財概念嗎？
你們如何教小朋友理財概念，我指儲錢，應洗則洗。
昨日出街，見我買野（其實是比佢的），佢又要扭計，夾硬都要搵一件玩具去買。最後佢都無買，亦睇得出是有唔開心，但無喊。
定係6歲人仔，唔洗教，我要求太高呢？
作者: wongtw 時間: 18-10-28 13:45
本帖最後由 wongtw 於 18-10-28 13:46 編輯
一年級開始想教但無機會，錢財有入無出，太過守財，現在三年級還在等機會，可能要等到中學。
作者: 持之以恆 時間: 18-10-28 14:05
可以教，但天生佔更大因素，
我小朋友從不扭買野，我地有時提出買俾佢，佢都話唔要，是守財型，未必好事，我教佢有時要消費下。
當然間中有提下佢如何投資理財。
作者: Elenalan 時間: 18-10-28 14:27 標題: 回覆樓主:
阿女今年小一，開始俾零用錢佢，但d零用錢係用積點(貼紙)換領，而要得到積點就要有好表現(自理、學業、禮貌、態度、家務，etc.)。所以，佢嘅零用錢冇定額，但平均每星期$30~50不等。由於d零用錢係獎勵性，唔係無條件咁拎，所以佢會珍惜，唔捨得用哂，慢慢佢會建立自己嘅消費模式和儲蓄習慣。d錢俾左佢，我唔會干預佢點用，只會提下佢想買貴d嘅嘢就要儲下錢先。我唔知我嘅方法啱唔啱，我覺得6歲，暫時想俾佢對金錢有d基本概念，而且冇不勞而穫。想買心頭好我一般不會阻止，但要佢用自己錢，唔夠就儲下先囉，其實大人都係咁。
作者: asweetmom 時間: 18-10-28 15:53 標題: 回覆樓主:
父母是哪種金錢觀，就會教出哪種金錢觀的孩子。你先思考一下自己是如何理財的 
作者: 1998Ruby1998 時間: 18-10-28 17:36 標題: 回覆樓主:
要求唔高，自細就應該灌輸 “應洗則洗”，凡事三思而行，分清楚係 “需要” 定 “想要”。
我果套係不斷灌輸 “屋企好窮、冇錢”，搞到每次同阿爸阿媽出街食飯都會叫最平果個餐，要幫父母慳錢。每次想扭玩具，阿爸阿媽都係話冇錢，買唔起，企硬唔會妥協。
作者: Olympian 時間: 18-10-28 20:50
星星的後裔 發表於 18-10-28 09:04 
你們如何教小朋友理財概念，我指儲錢，應洗則洗。
昨日出街，見我買野（其實是比佢的），佢又要扭計，夾硬 ...
老公會每星期比零用錢的兩個小朋友。零用錢是給她們買想要的東西，但每個月只可以買一次。初時他們都是捨得用錢，要買玩具但又要大人付錢，慢慢就學會用自己的零用錢買。由於一個月只可買一次玩具，會大為緊張，若果無樣玩具中意，買不到玩具會喊，但慢慢佢地又明白，其實可以等到有野中意才買的。另外佢地又發覺，若要買貴些的東西，就要儲多幾個月才夠錢買。他們又不會一次用盡所有錢，會用一部分，留一部份。細果個著數d,，K2開始已經有零用錢了。
作者: 小曳人 時間: 18-10-29 11:21
本帖最後由 小曳人 於 18-10-29 11:24 編輯
我地屋企係無shopping 呢種"活動"，頂多出街食飯，路過去書局行一轉，打一陣書釘，所以孩子無乜點見過爸媽shopping，就算買都係日用必需品，兩個從來唔會扭買野
至於理財，有買故事書，但又無乜點講，小3開始學校俾帶錢，就有零用錢，佢地會用自己錢買鍾意嘅書
另一方面，屋企乜都有，(益智)玩具從來不缺，多到無時間玩...
作者: retriever 時間: 18-11-4 13:45
1998Ruby1998 發表於 18-10-28 17:36
要求唔高，自細就應該灌輸 “應洗則洗”，凡事三思而行，分清楚係 “需要” 定 “想要”。
我果套係不斷灌 ...
你覺得灌輸“屋企窮，無錢”， WORK 唔WORK？ 又是否認同？
作者: retriever 時間: 18-11-4 13:56
星星的後裔 發表於 18-10-28 09:04
你們如何教小朋友理財概念，我指儲錢，應洗則洗。
昨日出街，見我買野（其實是比佢的），佢又要扭計，夾硬 ...
駛錢觀，由父母做起。
印象深刻一次，係在反斗城見幾位靚媽推著購物車話（細路在附近）：“大家睇下有咩買？”，留意，係“睇下有咩”。呢種WINDOW SHOPPING 式，好難教到應駛得駛。
我一般細路買野，一要大時大節，二要儲貼紙。
當然，理財係更復雜概念，包括如何給付零用錢，儲蓄及什麼條件下可使用零用錢（因為錢唔用，唔會體現價值）
作者: Yanamami 時間: 18-11-4 14:11
本帖最後由 Yanamami 於 18-11-4 14:12 編輯
幼稚園就教了……想要vs需要
作者: MrBeast 時間: 18-11-4 16:43
星星的後裔 發表於 18-10-28 09:04
你們如何教小朋友理財概念，我指儲錢，應洗則洗。
昨日出街，見我買野（其實是比佢的），佢又要扭計，夾硬 ...
作者: Olympian 時間: 18-11-5 10:43
retriever 發表於 18-11-4 13:56
駛錢觀，由父母做起。
印象深刻一次，係在反斗城見幾位靚媽推著購物車話（細路在附近）：“大家睇下有咩 ...
錢唔用，唔會體現價值講得好好。其實我都有好多疑惑。我唔係好認同老公比咁多錢佢地買野。(每週20蚊，加部份利是錢。)因我細個無錢的，老公又無咩比錢我洗。不過老公話要小朋友學洗錢喎。
另外，我又覺得小朋友需要的用品是應大人買的。小朋友買想要的野，才會著緊d錢，咁先會體會錢的價值。
其實好多小朋友都唔要錢。因為佢地咩都有。或者，大人比好多錢佢，但係原來唔用得嘅，只能放入銀行。令小朋友對錢無感覺。
另外，成績好或行為好，或是儲印換貼紙，唔知大家點睇？我覺讀書和好行為好，口頭稱讚就夠。零用錢應純為了讓小朋友開心下。
作者: Elenalan 時間: 18-11-5 11:13
Olympian 發表於 18-11-5 10:43
錢唔用，唔會體現價值講得好好。其實我都有好多疑惑。我唔係好認同老公比咁多錢佢地買野。(每週20蚊，加部 ...
我細個窮，我唔想阿女用窮人眼界去睇錢。我同意生活所需基本物質應由父母去供應，而零用錢應俾小朋友自由決定點用，咁佢先會明白金錢對佢嘅意義。
我覺得唔應該無條件俾零用錢(假設孩子已得到基本物質所需)。大人工作賺錢嘅動力就係有$去買心頭好，我覺得以零用錢作為好行為/學業嘅獎賞亦係俾incentives佢去努力和儲錢買想要嘅嘢。我細個都會為左賺稿費去投畫稿和文稿，參加比賽嬴書卷、努力考試拎獎學金，其實呢d都係錢嘅獎勵，但令人有好大動力向上。
我覺得做人有物慾係正常不過。冇慾望人生就冇動力。
作者: MrBeast 時間: 18-11-5 12:32
Elenalan 發表於 18-11-5 11:13
我細個窮，我唔想阿女用窮人眼界去睇錢。我同意生活所需基本物質應由父母去供應，而零用錢應俾小朋友自由 ...
作者: Elenalan 時間: 18-11-5 12:48
MrBeast 發表於 18-11-5 12:32
之前有個相似討論網友有不同意見：究竟做家務比0用＄適唔適當。只要唔係比＄先做，我覺得是ok的 ...
最初鼓勵佢做家務我都會獎勵(因為幼稚園階段時，想鼓勵佢係有責任心、認真咁做，唔係玩玩下當體驗)。但現小學，佢已經會自動自覺分擔家務，所以會唔使刻意獎勵。反而現在多以學業成績、自律温習呢d來評核俾獎勵。
作者: MrBeast 時間: 18-11-5 12:59
本帖最後由 MrBeast 於 18-11-5 13:01 編輯
Elenalan 發表於 18-11-5 12:48
最初鼓勵佢做家務我都會獎勵(因為幼稚園階段時，想鼓勵佢係有責任心、認真咁做，唔係玩玩下當體驗)。但現 ...
我個e加都會主動幫手做些家務，辛苦的話我會買些好野食獎勵下，身邊有大花筒就一起討論下，我亦講明我責任是起居飲食，anything else r privilege. so far so good.
作者: retriever 時間: 18-11-5 17:17
MrBeast 發表於 18-11-5 12:32
之前有個相似討論網友有不同意見：究竟做家務比0用＄適唔適當。只要唔係比＄先做，我覺得是ok的 ...
我覺得一樣。
講個隨手拿來，好似唔啦更既例子。
早幾年有位大陸來的女士犯左官非。佢算係醒目，只係等法官判左佢無罪，佢就送禮俾法官，多謝佢英明。結果法官送交ICAC，女士最後判罪。
唔係化？ 我無事前送禮求判無罪喎。答案係，事後送禮，都俾左人“合理期望”。。。
作者: TwinWong 時間: 18-11-5 17:17
星星的後裔 發表於 18-10-28 09:04
你們如何教小朋友理財概念，我指儲錢，應洗則洗。
昨日出街，見我買野（其實是比佢的），佢又要扭計，夾硬 ...
禮物唔一定要买, 成績好都唔一定有獎勵
有必要(日常用品), 不必要(玩具/零食), 突然奇來的驚喜要自足
小學無零用錢(帶飯/配水), 中學还是帶飯/帶水,
就算比零用錢, 我比100, 都要佢先儲40
作者: MrBeast 時間: 18-11-5 17:35
retriever 發表於 18-11-5 17:17
我覺得一樣。
講個隨手拿來，好似唔啦更既例子。
咁點解我又話唔可以有＄先做家務呢？因為家務,本身是每個成員的責任，0用只是一個獎勵，but its still better than 乜都唔洗做都有0用
作者: Elenalan 時間: 18-11-5 17:46
MrBeast 發表於 18-11-5 17:35
又或者咁。在公司做完野但未夠中放工，一個員工就問老闆仲有乜野做、幫手執頭執尾整理下d野，年尾公司業績 ...
agree! 仲有理財唔止係守財(e.g. 限定佢買乜，用幾多%，要needs 唔要want, 清心寡慾...) 咁佢點參與理財? 我覺得財要識守亦要識賺，使$係賺錢動力! 只係靠儲$唔夠，就要開源，亦要用$時有取捨，咁先係"理"。
作者: MrBeast 時間: 18-11-5 18:01
Elenalan 發表於 18-11-5 17:46
agree! 仲有理財唔止係守財(e.g. 限定佢買乜，用幾多%，要needs 唔要want, 清心寡慾...) 咁佢點參與理財? ...
作者: retriever 時間: 18-11-5 19:42
MrBeast 發表於 18-11-5 18:01
同意呀，點使都重要，我盡量都比機會小朋友選擇，特登話唔夠＄買兩樣，要二選一，當然細個未必做到，有時要 ...
對，當資源有限時，無論錢銀或時間，才有MANAGEMENT 可言。
所以，適時讓細路感到資源有限，係好事。
作者: retriever 時間: 18-11-5 19:46
Elenalan 發表於 18-11-5 17:46
agree! 仲有理財唔止係守財(e.g. 限定佢買乜，用幾多%，要needs 唔要want, 清心寡慾...) 咁佢點參與理財? ...
HMMM。。。
咁樣講講，能守能攻當然好，亦係吸引人之處。
不過當一把年紀，試請教下D 理財顧問，佢哋會可能跟係講一個最簡單既道理：駛幾多錢，一般係自己較為控制到既，但搵幾多就唔多係掌握在自己手中。
作者: Elenalan 時間: 18-11-5 19:54
retriever 發表於 18-11-5 19:46
HMMM。。。
咁樣講講，能守能攻當然好，亦係吸引人之處。
"一把年紀"，又係另一樣嘢喎。我覺得理財和對金錢嘅觀念，係隨住成長經歷、人生規劃去修整。呢度只談點樣俾孩子有理財觀念嘅入門，要有財有消費自由先有得「理」，而唔係俾父母去「理」。
作者: retriever 時間: 18-11-5 19:56
Olympian 發表於 18-11-5 10:43
錢唔用，唔會體現價值講得好好。其實我都有好多疑惑。我唔係好認同老公比咁多錢佢地買野。(每週20蚊，加部 ...
理財觀應好受成長影響，有人窮，覺得係限制，唔想下一代受同樣限制；有人對少年窮甘之如飴，覺得係鍛煉。
就算基本野，如果唔珍惜，再買我都要細路承擔部份或全部費用。
至於零用錢係咪自由意志，自由分配，我係有保留既，因為我睇唔到小小年紀既認知，可以無限制行為，而金錢使佢哋既限制（門檻）更加降低。
作者: retriever 時間: 18-11-5 20:01
Elenalan 發表於 18-11-5 19:54
"一把年紀"，又係另一樣嘢喎。我覺得理財和對金錢嘅觀念，係隨住成長經歷、人生規劃去修整。呢度只談點樣 ...
我諗度談論細路理財，有兩個位好值得討論：
使零用錢既自由，究竟有冇限制，還是完全自由意志？
除左守（儲錢或慳錢），要唔要教佢哋攻（投資，錢搵錢之類）
作者: Elenalan 時間: 18-11-5 20:07
retriever 發表於 18-11-5 20:01
我諗度談論細路理財，有兩個位好值得討論：
使零用錢既自由，究竟有冇限制，還是完全自由意志？
我覺得俾佢嘅錢數目已經係有限制，所以俾左佢嘅錢我唔會限佢點用，想佢試下自己判斷，有需要先提點下。
至於投資，因為我女年紀尚小，我諗高小先考慮。
作者: Elenalan 時間: 18-11-5 20:59
retriever 發表於 18-11-5 19:56
理財觀應好受成長影響，有人窮，覺得係限制，唔想下一代受同樣限制；有人對少年窮甘之如飴，覺得係鍛煉。
...
窮嘅限制唔係錢，係目光，只係守財，視錢如命，更難明白金錢價值和理財嘅智慧。
我唔限佢買野(但俾佢嘅錢本身有限，數目不多)，係想佢有智慧去用有限嘅錢。我女試過買重複嘅書(我已提左佢但冇阻止)，結果回家佢見到已有呢本書，佢好後悔，覺得浪費左d零用錢好肉赤。我就係想佢體會呢種肉赤，咁佢之後就好留意自己有冇買多餘重複嘅野。
而買多左果本書，我教佢上網放2手(我咁啱有野賣)，然後佢知道物品保存得好係可以保存價值。
我覺得從經驗中學習，好過說教哦佢。
作者: retriever 時間: 18-11-6 07:27
Elenalan 發表於 18-11-5 20:07
我覺得俾佢嘅錢數目已經係有限制，所以俾左佢嘅錢我唔會限佢點用，想佢試下自己判斷，有需要先提點下。
...
本帖最後由 retriever 於 18-11-6 07:42 編輯
用額度限制，都係一個辦法。
有時我會諗，係咪而家細路仲細，如果係個女可能更聽話，未能想像將來大左會失控。
譬如，錢唔多，買包煙又如何？ 又譬如，買個GAME CONSOLE 返屋企又如何？
如果細路對某樣野有OWNERSHIP，又好難講得通仲要附加使用條件。。。
至於投資，我知道有人會幫細路開投資買賣股票，細路操盤。
作者: retriever 時間: 18-11-6 07:36
Elenalan 發表於 18-11-5 20:59
窮嘅限制唔係錢，係目光，只係守財，視錢如命，更難明白金錢價值和理財嘅智慧。
我唔限佢買野(但俾佢嘅錢 ...
本帖最後由 retriever 於 18-11-6 07:37 編輯
同意窮係會限制眼界。
但觀乎城中出身卑微既名人，佢哋又不失眼界，段估係佢哋讀既傳統名校，俾到開闊既圈子與世界觀等等。
窮限制眼界，豐衣足食理論上眼界開了，但而家年青人普遍被疚病，係不懂珍惜。
開闊眼界跟不懂珍惜，如何取得平衡？
作者: Elenalan 時間: 18-11-6 08:01
retriever 發表於 18-11-6 07:27
本帖最後由 retriever 於 18-11-6 07:42 編輯
用額度限制，都係一個辦法。
佢有冇用錢嘅自主權vs佢會買咩野係2回事。冇錢想買煙買game一樣可以偷，要學壞嘅不分貧富(反而冇錢而去選擇不法途徑嘅多的是)。
我相信父母最影響孩子嘅價觀，你重視嘅野你先會付上你認為有價值嘅野(包括時間和金錢)。就算孩子冇用錢嘅主權/唔夠錢用，佢如果係重視買煙買game, 佢一樣係日日心思思想得到呢d野。所以，父母係要身教言教(身教最重要)來教導孩子佢應該重視d乜野，而唔係限制佢點用錢。孩子尚小，我主張喺我控制範圍內俾佢自主，咁先學會自律、為自己行為負責。我從本不限制佢用電子產品、不陪做功課溫書，都係想佢自律。我定界線，只係界內佢有自由亦有自己責任。
作者: retriever 時間: 18-11-6 08:15
Elenalan 發表於 18-11-6 08:01
佢有冇用錢嘅自主權vs佢會買咩野係2回事。冇錢想買煙買game一樣可以偷，要學壞嘅不分貧富(反而冇錢而去選 ...
你講既理論絕對正確，包括價值觀掌控行為。
不過，話說回頭，諗返我哋細個既成長，而家既價值觀，係不斷重復既行為累積而成，無太多既說教，簡言之係在限制底下既習慣。
我係認同自由意志，但我懷疑在細路年紀仲細，認知有限既時候無限制自由（購物） 意義如何，會學到什麼價值觀？
作者: MrBeast 時間: 18-11-6 08:24
本帖最後由 MrBeast 於 18-11-6 08:24 編輯
retriever 發表於 18-11-6 07:36
本帖最後由 retriever 於 18-11-6 07:37 編輯
同意窮係會限制眼界。
我e加仲係珍惜階段，慢慢才去開眼介。我覺得if the other way round，好易變成不懂珍惜
作者: MrBeast 時間: 18-11-6 08:30
本帖最後由 MrBeast 於 18-11-6 08:33 編輯
retriever 發表於 18-11-6 08:15
你講既理論絕對正確，包括價值觀掌控行為。
小朋友不時會觀察父母，很多價值觀會從父母言行中得到。又或者一些家規，其實有一定的影響，當然去到中學，朋背影響較大。
正所謂三歲定八十，從小empower 佢地make decision, 大個唔會選擇困難正，開始時可以係multiple choice
作者: Elenalan 時間: 18-11-6 08:34
retriever 發表於 18-11-6 08:15
你講既理論絕對正確，包括價值觀掌控行為。
如果價值觀只係「限制底下嘅習慣」而唔係真心明白認同，當有一日受環境或朋輩影響刺激，習慣可以被影響及改變。我主張定界線和界內俾佢自主，有自主權先領悟到自律唔係被律。
作者: Elenalan 時間: 18-11-6 08:36 標題: 回覆樓主:
可能我嘅教育觀念受家母影響。我舉個例，我母親從不限制我用零用錢，但沒有俾額外錢去滿足我物慾或上與學業無關嘅興趣班，總之d零用夠我返學搭車外出午膳(貴d)或留校訂飯(平d但難食)，然後所餘無幾。我當年熱愛跆拳道，但母親覺得唔係必需(加上覺女仔唔應該拳腳功夫亦睇死3分鐘熱度)，所以唔肯俾$我學。但我媽一向願意跟我談判，只要我說服到佢就得。佢話如果我自費+有表演機會+學業成績達標就俾我去學。但我自費會用掉每月1/3零用錢，根本不夠返學基本開支。咁我媽提議我帶飯，但每餐計我$10, 儲起嘅飯$用來交跆拳道費。我明白我媽想我知道自己要為自己行為負責，想要就要付出。
作者: Elenalan 時間: 18-11-6 08:39
MrBeast 發表於 18-11-6 08:30
小朋友不時會觀察父母，很多價值觀會從父母言行中得到。又或者一些家規，其實有一定的影響，當然去到中學 ...
我就係覺得decision making係最重要，幾多成年人都唔知自己想點。不能make decision就只會受人影響走枉路或歪路，事後也不會為結果負責。
作者: MrBeast 時間: 18-11-6 08:45
本帖最後由 MrBeast 於 18-11-6 09:10 編輯
Elenalan 發表於 18-11-6 08:36
可能我嘅教育觀念受家母影響。我舉個例，我母親從不限制我用零用錢，但沒有俾額外錢去滿足我物慾或上與學業 ...
以前小朋友細個，通常肯問我多數批，e加高小我會要求三個好的理由，但例是死人是生，有時見小朋友struggle 適當的話會幫佢諗個理由
作者: Elenalan 時間: 18-11-6 08:48
MrBeast 發表於 18-11-6 08:45
以為小朋友細個，通常肯問我多數批，e加高小我會要求三個好的理由，但例是死人是生，有時見小朋友struggle ...
由我女識講野開始我已經open同佢談判，只要佢說服到我，fully justified, 我都會俾佢做(with conditions)。所以佢慣左做任何事都有原因亦有implications 。
作者: MrBeast 時間: 18-11-6 08:48
唔理bill cosby 近期新聞，介紹大家the cosby show，有很多子女成長的情節，又搞笑
作者: Elenalan 時間: 18-11-6 10:08
retriever 發表於 18-11-6 07:36
本帖最後由 retriever 於 18-11-6 07:37 編輯
同意窮係會限制眼界。
關於「珍惜」，我覺得人只會對有付出代價嘅野先會珍惜，如果每個月無條件定額俾零用錢(雖然限定數目)，小朋友買「錯」嘢浪費了亦未必覺得肉赤，因為到下個月父母又一定無條件有定額零用。
其實小學生日常用品基本開支父母已經有供應。所以我主張零用錢係有條件咁俾，係獎勵性，冇定額(但有上限)，要努力先有。咁當佢用自己「賺」番黎嘅錢先特別珍惜，消費時亦更謹慎。
作者: Vin828 時間: 18-11-6 13:39
一學完加減數就開始慢慢教，至少比佢知唔同既野有貴有平，要買貴野，就要慢慢「加」（累積）零用錢，如果下下都「減」（使左去），就可能一直買唔到自己想要既野
作者: retriever 時間: 18-11-8 07:45
MrBeast 發表於 18-11-6 08:24
我e加仲係珍惜階段，慢慢才去開眼介。我覺得if the other way round，好易變成不懂珍惜 ...
我係老餅。長輩講既其中一句入心：“由儉入奢易，由奢入儉難”，亦係客觀事實。不過呢種心境，一定好多女性批評“成世無發達”，事實亦係咁，哈哈！
細路幼稚園同學較熟既家長仍時有關繁，FB長短假期間不斷被洗板，眼見有家長帶細路女一年去日本四次，三個喼去，七個喼返。心諗：將來搵咩男友老公招呼佢？
作者: retriever 時間: 18-11-8 07:47
Elenalan 發表於 18-11-6 10:08
關於「珍惜」，我覺得人只會對有付出代價嘅野先會珍惜，如果每個月無條件定額俾零用錢(雖然限定數目)，小 ...
小學零用錢上限你訂幾多？
作者: Elenalan 時間: 18-11-8 08:05
retriever 發表於 18-11-8 07:47
小學零用錢上限你訂幾多？
$50/week, 但佢甚少拎到呢個數，多數$20~30。因為要拎零用錢要用積點換，10個積點先換到$5。每日我會同佢review下有咩做得好，俾積點做鼓勵。最多一次可以拎10個積點(e.g. 測默滿分)。
作者: MrBeast 時間: 18-11-8 08:08
retriever 發表於 18-11-8 07:45
我係老餅。長輩講既其中一句入心：“由儉入奢易，由奢入儉難”，亦係客觀事實。不過呢種心境，一定好多女 ...
中學時期有位有＄同學，未到大學已揸benz，最後家道中落e加同人打工，見過呢d故事"冇發達"咪冇囉
作者: MrBeast 時間: 18-11-8 08:11
Elenalan 發表於 18-11-8 08:05
$50/week, 但佢甚少拎到呢個數，多數$20~30。因為要拎零用錢要用積點換，10個積點先換到$5。每日我會同佢r ...
作者: Elenalan 時間: 18-11-8 08:27
MrBeast 發表於 18-11-8 08:11
我較佛糸，會慶祝考完試，但從不張成績和獎勵掛ou
我地已經plan好考完試果日去邊度玩和慶祝，同成績冇掛鈎。獎勵係incentive，等於大人返工都想拎B仔。拎到大份B仔除了B仔本身嘅價值係吸引嘅，仲有果份成功感和自我肯定。
作者: Elenalan 時間: 18-11-8 08:29
MrBeast 發表於 18-11-8 08:08
去三四次旅行個d是真中産
中學時期有位有＄同學，未到大學已揸benz，最後家道中落e加同人打工，見 ...
我見唔少公屋戶嘅家長一年都去3,4次旅行，我估應該唔係個個都「真中產」掛。
作者: MrBeast 時間: 18-11-8 08:46
Elenalan 發表於 18-11-8 08:29
我見唔少公屋戶嘅家長一年都去3,4次旅行，我估應該唔係個個都「真中產」掛。
...
作者: retriever 時間: 18-11-8 12:25
Elenalan 發表於 18-11-8 08:29
我見唔少公屋戶嘅家長一年都去3,4次旅行，我估應該唔係個個都「真中產」掛。
...
我反而關注，D 細路咁養大，大過左佢哋自己負擔，以呢個為基本水平，如何生活？
作者: retriever 時間: 18-11-8 12:26
Elenalan 發表於 18-11-8 08:27
我地已經plan好考完試果日去邊度玩和慶祝，同成績冇掛鈎。獎勵係incentive，等於大人返工都想拎B仔。拎到 ...
我哋考完試，食一餐勁（好），唔會等成績。
作者: Elenalan 時間: 18-11-8 12:43
retriever 發表於 18-11-8 12:25
我反而關注，D 細路咁養大，大過左佢哋自己負擔，以呢個為基本水平，如何生活？
...
有2面睇法。有人覺得咁樣富養孩子，咁長大後孩子對生活質素有要求，就有向上動力。
亦有人話，咁充足供應，孩子畢業都唔願搵工，因為賺埋都唔夠屋企供應咁充足。於是繼續"進修"揾書讀，都唔想咁快投入職場。
作者: retriever 時間: 18-11-10 22:41
Elenalan 發表於 18-11-8 12:43
有2面睇法。有人覺得咁樣富養孩子，咁長大後孩子對生活質素有要求，就有向上動力。
亦有人話，咁充足供應 ...
我個人極反對富養孩子，覺得絕大部份情況下，都係害左個細路。
不過又同意品味生活情趣跟成長經歷有關。
李超人咁有錢，仲係手帶幾舊水精工錶，咀咬豉油王炒面。
作者: Elenalan 時間: 18-11-10 23:14
retriever 發表於 18-11-10 22:41
我個人極反對富養孩子，覺得絕大部份情況下，都係害左個細路。
不過又同意品味生活情趣跟成長經歷有關。
本帖最後由 Elenalan 於 18-11-10 23:22 編輯
我覺得奢侈品、名牌、一年幾次為shopping去嘅旅行...呢d富養就不必了。但遊學、交流、興趣班、比賽、甚至出國留學，呢d如我有能力佢又說服到我嘅都會支持。
反而我覺得而家d細路太容易去樂園玩，好多家庭都買哂年票，個個月去迪迪尼、海馬公園真係好多餘。我本人最憎海馬公園營商手法，根本將captivity以保育為名去賺錢。唔知其他人去睇海豚表演係咩心情，我女幼稚園時跟學校第一次去，見到海豚表演d場次，已經話覺得d動物好忙好慘，唔明點解咁多遊客會睇到笑。童言無忌，佢地感受最直接。我寧願帶阿女去行山觀鳥賞樹睇山脊線。
作者: Elenalan 時間: 18-11-10 23:20
retriever 發表於 18-11-10 22:41
我個人極反對富養孩子，覺得絕大部份情況下，都係害左個細路。
不過又同意品味生活情趣跟成長經歷有關。
再說，假日去大草地去沙灘玩，呢d已經足夠孩子樂而忘返，又唔花錢。不過好多香港孩子嘅週末都排滿哂補習班和各樣要考試比賽嘅興趣班，邊有咁多空間去享受免費嘅草地和陽光海灘。
作者: retriever 時間: 18-11-10 23:35
Elenalan 發表於 18-11-10 23:14
本帖最後由 Elenalan 於 18-11-10 23:22 編輯
我覺得奢侈品、名牌、一年幾次為shopping去嘅旅行...呢d ...
我跟你一樣，反對細路去果D樂園（雖然我鍾意海馬多過迪迪尼），譬如果D樹屋，SUPERPARK，但原因不一樣。我覺得細路太慣果D PREPACKAGE 既娛樂，變得未去過一個地方，就隨便去用嫌三嫌四，唔會試自己去發掘下。我細路呢樣就俾我鬧，迫佢去D 舊本來一開始佢話有咩好玩既舊區，但去過之後，問佢就話好玩，明白好玩既致趣要自己EXPLORE。
作者: Elenalan 時間: 18-11-10 23:49
retriever 發表於 18-11-10 23:35
我跟你一樣，反對細路去果D樂園（雖然我鍾意海馬多過迪迪尼），譬如果D樹屋，SUPERPARK，但原因不一樣。我 ...
非常認同好玩嘅野要自己explore, 呢一代細路根本唔識玩，連玩都要人餵養。我地細個乜都可以玩一餐，例如爽生粉+人字拖=溜冰，廢紙可整彈珠機、足球game; 我教阿女地上自轉20個圈再跳上梳化，就可以扮飛車飄移 
我怕好多呢d土炮玩意失傳，所以我識嘅玩過嘅都傳授俾佢，家中過半數玩具、各種棋card games都係佢有份自製改良! 因此，佢從不扭買玩具，只會問我或座頭保安收集廢紙物資去整嘢玩!
作者: Elenalan 時間: 18-11-11 00:00 標題: 回覆樓主:
再講，好多而家嘅細路都唔識捉棋，其實舊式文具店好多棋都好好玩: 象棋、盲棋、陸戰棋、鬥獸棋、五子棋、波子棋....各種桌遊咭games...天氣唔好時我地就最enjoy留在家中開局玩桌遊，又係零消費!
作者: asweetmom 時間: 18-11-11 00:32
Elenalan 發表於 18-11-6 10:08
關於「珍惜」，我覺得人只會對有付出代價嘅野先會珍惜，如果每個月無條件定額俾零用錢(雖然限定數目)，小 ...
同事中用你這種做法教出來的孩子往往只存錢不消費，自然也不浪費。
作者: asweetmom 時間: 18-11-11 00:34
Elenalan 發表於 18-11-8 08:05
$50/week, 但佢甚少拎到呢個數，多數$20~30。因為要拎零用錢要用積點換，10個積點先換到$5。每日我會同佢r ...
和學業相關的為何不另設獎學金？
作者: asweetmom 時間: 18-11-11 00:41
retriever 發表於 18-11-8 07:45
我係老餅。長輩講既其中一句入心：“由儉入奢易，由奢入儉難”，亦係客觀事實。不過呢種心境，一定好多女 ...
不用擔心，婚戀市場百花齊放，各有各的本領。
作者: Elenalan 時間: 18-11-11 01:23
asweetmom 發表於 18-11-11 00:34
和學業相關的為何不另設獎學金？
佢唔使交學費，獎學金對佢冇意義。
作者: retriever 時間: 18-11-11 07:30
asweetmom 發表於 18-11-11 00:41
不用擔心，婚戀市場百花齊放，各有各的本領。
本帖最後由 retriever 於 18-11-11 08:15 編輯
婚戀市場？
如果好似婚姻介紹所咁，以結婚為終點線可能係睇“各有各本領”。
但長遠生活，從小慣養孩子並不是好事。
作者: retriever 時間: 18-11-11 08:27
Elenalan 發表於 18-11-10 23:49
非常認同好玩嘅野要自己explore, 呢一代細路根本唔識玩，連玩都要人餵養。我地細個乜都可以玩一餐，例如爽 ...
本帖最後由 retriever 於 18-11-11 08:33 編輯
你真有心。
其實唔止娛樂，學任何野而家多係PRE PACKAGED，唔會好似細個嗰陣，係要跟D 街坊哥哥FRIEND或偷師學，打兵兵波，摺紙飛機（有同學識摺組合機），紙加橡筋摺紙槍，有想像，有工藝，有社交，有協作。。。而家D 家長太求結果及效率。
對，我想搵返細個D 各類大陸製棋，但其他細佬可能嫌棄。就如你請人食山楂餅，佢哋嫌無公仔無包裝無閃閃令。
作者: MelonQueen 時間: 18-11-12 09:18
Elenalan 發表於 18-11-10 23:49
非常認同好玩嘅野要自己explore, 呢一代細路根本唔識玩，連玩都要人餵養。我地細個乜都可以玩一餐，例如爽 ...
作者: ABC-DAD 時間: 18-11-12 09:51
理財概念，會唔會加少少生產力概念上去呢？
作者: ANChan59 時間: 18-11-12 13:55
ABC-DAD 發表於 18-11-12 09:51
理財概念，會唔會加少少生產力概念上去呢？
我不太清楚你指的生產力是什麼，可否解釋一下你的意思。
作者: ANChan59 時間: 18-11-12 14:11 標題: 回覆樓主
我教兒子理財是參考一本台灣的書「策略理財」，重點是
1。儲蓄
2。投資
3。風險管理
另一本是「窮爸爸，富爸爸」，不是用全本書，只挑選了一部份，例如你的財務收入 > 開銷, 就是你有財務自由, 可以考慮退休了。單靠工作收入，退休年齡延長了不少！跟我MBA教授所言，畢業開始考慮退休！
結果是他會儲蓄，或是我們替他將滿月的禮金，歷年利是銭，我有個Excel 跟佢交代，當然計埋利息。到金融風暴及海嘯的時間，他開始要求我幫他買股票，到21歲，我全部轉給他自己管理。
他會在小學開始做一些買賣，到中學開始網上買賣。大學才認真考慮自己的其他收入，我不詳細講了，是他的私密！
作者: IloveJJ 時間: 18-11-12 14:21
提示: 作者被禁止或刪除 內容自動屏蔽
作者: IloveJJ 時間: 18-11-12 14:24
提示: 作者被禁止或刪除 內容自動屏蔽
作者: ANChan59 時間: 18-11-12 14:25
ANChan59 發表於 18-11-12 14:11
我教兒子理財是參考一本台灣的書「策略理財」，重點是
1。儲蓄
2。投資
另外，我及CEO會教育他一些看法，例如貴買平用，cost per wear 的觀念，所以他購買慾不強，但是有高的要求。
另一個例子，當好多人學品嘗紅酒，但他會去硏究清酒及 single malt whisky。我奇怪問他點解？
他的答案是，當你要試極品江酒，價格好貴，自己出唔起，但清酒跟紅酒有個很大的不同，因為淸酒保鮮期好短，十二個月，最佳試用期是三個月內，不能久藏作升值，是以合理價錢高享受。
你會問極品或特別的 Whisky 都好貴，原來網上有一盤生意，就是有人買單桶回來，然後分成 tasting bottle，再轉買給用家。可以一百幾十元買到一些幾千元一瓶的 Whisky 來品嚐！
作者: retriever 時間: 18-11-12 19:00
ANChan59 發表於 18-11-12 14:11
我教兒子理財是參考一本台灣的書「策略理財」，重點是
1。儲蓄
2。投資
想問下陳SIR， 幾歲讓呀仔買股票？
收入>支出 = 財務自由係永恆既。
不過爭論焦點係，以前果代係強調減支出。而家新一代係話支出唔駛慳，反而係增加收入既原動力。
作者: Olympian 時間: 18-11-12 19:13
ANChan59 發表於 18-11-12 14:25
另外，我及CEO會教育他一些看法，例如貴買平用，cost per wear 的觀念，所以他購買慾不強，但是有高的要求 ...
玩到咁大 。我睇完你個post有啟發，同佢地玩住定期存款收利息遊戲先。而家諗緊細節。
作者: ANChan59 時間: 18-11-12 19:20
retriever 發表於 18-11-12 19:00
想問下陳SIR， 幾歲讓呀仔買股票？
收入>支出 = 財務自由係永恆既。
好似是6、7歲！
增加收入來源，是不想被份工綁死，而且份正職跟香港黃金歲月差天共地，我們成日都同班小朋友講要肯捱，要努力，但結果跟阿 Sam所講，邊有半斤八兩咁理想，事實是滚水碌豬腸！
作者: ANChan59 時間: 18-11-12 19:26
ANChan59 發表於 18-11-12 19:20
好似是6、7歲！
增加收入來源，是不想被份工綁死，而且份正職跟香港黃金歲月差天共地，我們成日都同班小 ...
我指的是「非工作收入 」
＞ 開銷，投資或者生意收入，工作收入不可靠！
作者: retriever 時間: 18-11-12 19:33
ANChan59 發表於 18-11-12 19:26
我指的是「非工作收入 」
＞ 開銷，投資或者生意收入，工作收入不可靠！
...
嘩，非工作收入>支出。
普羅百姓唔易做到。
作者: ANChan59 時間: 18-11-12 19:38
Olympian 發表於 18-11-12 19:13
玩到咁大 。我睇完你個post有啟發，同佢地玩住定期存款收利息遊戲先。而家諗緊細節。
...
你可以同他們研究一下，當大市跌，入一手2800，或者大笨象，或者中電，起碼利率高過定期。順便講埋資產配置，多少現金，定期，股票等等，這才是理財。
作者: Olympian 時間: 18-11-12 19:50
ANChan59 發表於 18-11-12 19:38
你可以同他們研究一下，當大市跌，入一手2800，或者大笨象，或者中電，起碼利率高過定期。順便講埋資產配 ...
我都唔識喎 
。仔數學又唔好。佢明左咩叫利息先啦！
作者: ABC-DAD 時間: 18-11-12 22:33
畀一百蚊佢，一個星期唔好用，之後畀啊媽。
完成後，你畀110佢。佢又係畀一百阿媽
你在畀120，佢又係畀一百阿媽。
下個星期你畀2百佢，keep 2星期，畀番你，你畀240佢，再keep 2週，畀阿媽，跟住你畀250蚊佢，之後你叫佢畀返200你。好遊戲完，你地聽下個小朋友學到咩？
作者: ANChan59 時間: 18-11-13 01:17
retriever 發表於 18-11-12 19:33
嘩，非工作收入>支出。
普羅百姓唔易做到。
要時間累積，所以是一個良性循環，儲蓄，投資，增加資產！
作者: ANChan59 時間: 18-11-13 01:38
retriever 發表於 18-11-5 17:17
我覺得一樣。
講個隨手拿來，好似唔啦更既例子。
可能是衰延後利益輸送！
作者: ANChan59 時間: 18-11-13 01:46
retriever 發表於 18-11-6 07:36
本帖最後由 retriever 於 18-11-6 07:37 編輯
同意窮係會限制眼界。
眼界有好多種，去歐美遊學是，去非洲照顧愛滋孤兒，起學校及宿舍也是，你估結果是一樣還是不同。
我覺得開眼界要有計劃，按步就班，要拉闊兩個極端，他會懂得游走兩者之間取得平衡，可能才是最好！
作者: ANChan59 時間: 18-11-13 01:51
Elenalan 發表於 18-11-8 08:29
我見唔少公屋戶嘅家長一年都去3,4次旅行，我估應該唔係個個都「真中產」掛。
...
你錯了，不少公屋戶的 disposable incomes 高過中產階級，就是慳租金及供樓開支，還有入息稅，你計計大家有幾多剩！
作者: retriever 時間: 18-11-13 06:12
ABC-DAD 發表於 18-11-12 22:33
畀一百蚊佢，一個星期唔好用，之後畀啊媽。
完成後，你畀110佢。佢又係畀一百阿媽
你在畀120，佢又係畀一百 ...
一個星期10%，我都認你做呀媽了！
作者: ABC-DAD 時間: 18-11-13 06:39
retriever 發表於 18-11-13 06:12
一個星期10%，我都認你做呀媽了！
即刻推阿媽落火車？
作者: ABC-DAD 時間: 18-11-13 06:45
如果係做生意嘅手續費？
如果改變模式，可否變成banker?
可唔可以調整一下，教小朋友做賬？
如何理財？如何消費？我好有限公司嘅啫。
不過10元八塊就認阿媽嘅都少見，應該係好有大志嘅人。
作者: retriever 時間: 18-11-13 07:48
ABC-DAD 發表於 18-11-13 06:39
如果當係工資你點睇？
即刻推阿媽落火車？
金錢觀幾個人，跟成長有關。
親人關係，有金錢交易，我係會唔舒服。即如青年少年中心儲分換領玩具而唔係用假錢。
教投資方面，我贊成先教儲蓄，讓細路知道唔亂用可積小成多。
較進取既投資，一來自己都未掌握，二來我怕從小教佢，會“輸錢皆因贏錢起”既影響。
作者: retriever 時間: 18-11-13 07:52
ANChan59 發表於 18-11-13 01:51
你錯了，不少公屋戶的 disposable incomes 高過中產階級，就是慳租金及供樓開支，還有入息稅，你計計大家 ...
今時今日，住公屋分分鍾係幾千萬富翁。
我屋苑有幾個呀姐保安，住公屋，大陸有兩三層樓收租。分分鐘有錢過不少屋苑業戶。
作者: retriever 時間: 18-11-13 08:00
ANChan59 發表於 18-11-13 01:46
眼界有好多種，去歐美遊學是，去非洲照顧愛滋孤兒，起學校及宿舍也是，你估結果是一樣還是不同。
我覺得 ...
好贊成你果句：“開闊兩個極端”
但開邊個端先，有冇考慮。
即朝四暮三， 朝三暮四之間既考慮？！
作者: retriever 時間: 18-11-13 08:05
ABC-DAD 發表於 18-11-13 06:45
如果係做生意嘅手續費？
如果改變模式，可否變成banker?
本帖最後由 retriever 於 18-11-13 08:05 編輯
今時今日，就係咁先有得發圍。
君不見光頭陳，“嘩！ 靚呀，靚呀，靚呀，真係好靚！” ，就撈左幾十億銀！
如果一星期俾100%，認做呀爺都得，哈哈！
作者: ABC-DAD 時間: 18-11-13 08:18
retriever 發表於 18-11-13 07:48
金錢觀幾個人，跟成長有關。
親人關係，有金錢交易，我係會唔舒服。即如青年少年中心儲分換領玩具而唔係 ...
金錢交易？
工作就係為收入。
錢係中性嘅工具。 儲蓄同利息都係錢嚟。
點睇，為左週息十厘認阿媽係你自己第一時間講。
親人年年拜年畀利是啦，你定義有問題。
無工作同收入，邊有錢 儲蓄？
PS.唔分清楚收入，利息，時間，學咩 儲蓄 理財？
係我個遊戲裏面，無產生過利息，下一步先會玩利息同開支。再引入收支平衡。
陳sir 出聲我先講下皮毛，唔使用真錢，用個excel spreadsheet 就學到好多嘢。
作者: retriever 時間: 18-11-13 08:21
ABC-DAD 發表於 18-11-13 08:18
唔知你點睇到利息。
金錢交易？
工作就係為收入。
你話當工資嘛？
工資不算交易嗎？
作者: ABC-DAD 時間: 18-11-13 08:27
retriever 發表於 18-11-13 08:21
你話當工資嘛？
工資不算交易嗎？
問左陳sir 幾時買股票，又話：
《較進取既投資，一來自己都未掌握，二來我怕從小教佢，會“輸錢皆因贏錢起”既影響。》
你飲杯水，食個早餐，諗清楚下認阿媽定認阿爺。del 左佢啦
你咁衝動，唔好畀仔女見到。
作者: retriever 時間: 18-11-13 08:31
ABC-DAD 發表於 18-11-13 08:27
你有排學。
問左陳sir 幾時買股票，又話：
哈哈。
我無意跟你辯論喎。
多謝你既關注，先走！
作者: ABC-DAD 時間: 18-11-13 08:50
我班門弄斧啫，估唔到引到真知卓見，賺到笑。
作者: ABC-DAD 時間: 18-11-13 08:57
哩啲就係利息嘞。
作者: ABC-DAD 時間: 18-11-13 09:12
retriever 發表於 18-11-13 08:31
哈哈。
我無意跟你辯論喎。
咪咁易認親認戚就得啦。
作者: ABC-DAD 時間: 18-11-13 09:27
本帖最後由 ABC-DAD 於 18-11-13 15:46 編輯
具體啲講，日常家務都可以累積分數，換取工資，重可以指導佢處事態度，教佢自己用spread sheet 記錄，具體應用家長自行發揮下，設計遊戲，遇/寓生活於教育都幾有挑戰性。
| 歡迎光臨 教育王國 (/) |
Powered by Discuz! X1.5 |