教育王國
標題: 不是以小朋友為本的學校很可怕 [打印本頁]
作者: eg_mere 時間: 18-10-21 06:43 標題: 不是以小朋友為本的學校很可怕
去了一間私校開放日, 他們展覽了PN 至k3的教科書, 程度相當深, k3已經寫筆劃多的字, 要重組句子和作句。
老師話每日有大約三份功課, 30分鐘可完成。程度深是要與預備小一, 而且課程要求是因家長反應, 時常聆聽家長意見。
家長又不是教學専家, k3就要學習深如小一程度的課程, 完全忽視適齢教學, 没有以小朋友為本的基礎思維。我聼老師解釋佷久, 也只是圍繞"家長同我地反映要咁", "啲同學學習冇問題"。
小朋友一手被這班教育者破壞童年。
作者: joystarjoy 時間: 18-10-21 07:46
邊間？
作者: WinnieCatCat 時間: 18-10-21 08:07
eg_mere 發表於 18-10-21 06:43 
去了一間私校開放日, 他們展覽了PN 至k3的教科書, 程度相當深, k3已經寫筆劃多的字, 要重組句子和作句。
老 ...
認同你，可悲的是很多家長真係有此要求，會嫌課程淺未能涵接小一
作者: Kai92 時間: 18-10-21 08:13
eg_mere 發表於 18-10-21 06:43
去了一間私校開放日, 他們展覽了PN 至k3的教科書, 程度相當深, k3已經寫筆劃多的字, 要重組句子和作句。
老 ...
邊間？
作者: pancake5354 時間: 18-10-21 08:21
提示: 作者被禁止或刪除 內容自動屏蔽
作者: 枝枝爸 時間: 18-10-21 08:35 標題: 回覆樓主:
幼稚園愈來愈谷，小朋友愈來愈叻，小一面試就愈來愈深，無奈。
作者: 枝枝爸 時間: 18-10-21 08:38
eg_mere 發表於 18-10-21 06:43
去了一間私校開放日, 他們展覽了PN 至k3的教科書, 程度相當深, k3已經寫筆劃多的字, 要重組句子和作句。
老 ...
好同意無理由學校要聽家長加深課程，自己無辨學理念和定位嫁咩？
作者: nixphoenix 時間: 18-10-21 10:34 標題: 回覆樓主
極認同
另外小學程度唔知點解中學化咗好多都係一個原因
作者: jaagor 時間: 18-10-21 10:53
回覆 eg_mere 的帖子
本帖最後由 jaagor 於 18-10-21 13:59 編輯
好想知邊間，報名都慳返
作者: lennon 時間: 18-10-21 11:47
LH?
作者: cholewong29 時間: 18-10-21 12:07 標題: 回覆樓主
好認同
想知邊間
作者: maggie196 時間: 18-10-21 12:42 標題: 回覆樓主
我估KV
作者: fadgare 時間: 18-10-21 12:53 標題: 回覆樓主：
本帖最後由 fadgare 於 18-10-21 13:12 編輯
重組句子好多間直私都有考
作者: crystal媽咪 時間: 18-10-21 12:56
eg_mere 發表於 18-10-21 06:43
去了一間私校開放日, 他們展覽了PN 至k3的教科書, 程度相當深, k3已經寫筆劃多的字, 要重組句子和作句。
老 ...
同意，好多都好恐怖。
k2 k3要重組句子，k3要默書，不過化名(趣味記憶遊戲) 
作者: KatieSo11 時間: 18-10-21 13:28
maggie196 發表於 18-10-21 12:42
我估KV
好像LH昨天開放日
KV無？
作者: Kangaroojoey 時間: 18-10-21 13:35 標題: 回覆樓主:
我大仔係龍仔，當年都係咁諗，最後讀左間happy school，冇進補，冇興趣班。我地係雙職父母，平日得放工時間同星期六日自己湊。我好懶，我只有晚上/假日同佢講下故事，同佢去公園玩，冇叫佢做d額外補充/寫字.而家上左小一，分別最大係寫多左好多字，同埋要自己去分析題目。可能係我仔蠢 ，而且個底差，測驗默書都要用好多時間溫書，但最終結果係唔合格，甚至係0分。所以而家到妹妹搵幼稚園，我就唔會再選happy school. 我好後悔阿仔讀左happy school, 因為我冇時間額外教佢野，而家小一見真章，阿仔自信心都差左好多。
作者: rchan1 時間: 18-10-21 13:43 標題: 回覆樓主
家長有自己的選擇，如果當初選happy school的幼稚園，小學最好考慮國際學校/去外國讀書，貫徹始終的happy。
如果喺香港讀書，唔好講什麼名校，一般的傳統小學一樣係咁深，咁多默書考試測驗，除非係天資聰穎，否則上到小一會特別辛苦，自信心亦會差。。。唔好睇少話上到小一小二先慢慢追，小朋友自卑心靈可能都會受影響。
作者: Kangaroojoey 時間: 18-10-21 14:06
rchan1 發表於 18-10-21 13:43
家長有自己的選擇，如果當初選happy school的幼稚園，小學最好考慮國際學校/去外國讀書，貫徹始終的happy。 ...
同意，以前唔識，仲覺得d家長讀間好深既幼稚園係怪獸家長，而家就覺得佢地係明智，我地讀左3年happy school, 而家小一要還番晒出黎。。。
作者: lollylolly 時間: 18-10-21 14:26
maggie196 發表於 18-10-21 12:42
我估KV
我相信唔係，因為kv 冇開放日。同埋kv深得黎好注重德育
相反樓主講果間真係主力操小朋友考直私，德育方面就.....冇咁重視
利申：用家唔好鬧我呀，我覺得咋
作者: maggie196 時間: 18-10-21 14:29
lollylolly 發表於 18-10-21 14:26
我相信唔係，因為kv 冇開放日。同埋kv深得黎好注重德育
相反樓主講果間真係主力操小朋友考直私，德育方面 ...
你指LH？
作者: aprilapril123 時間: 18-10-21 16:04
maggie196 發表於 18-10-21 12:42
我估KV
作者: pancake5354 時間: 18-10-21 16:59
提示: 作者被禁止或刪除 內容自動屏蔽
作者: Dordormummum 時間: 18-10-21 17:44
Kangaroojoey 發表於 18-10-21 14:06
同意，以前唔識，仲覺得d家長讀間好深既幼稚園係怪獸家長，而家就覺得佢地係明智，我地讀左3年happy schoo ...
我都勁勁同意！而家大囡讀happy school, interview almost all failed!!!!! 如果有得再選、我唔會俾佢讀happy school!! 唔係家長要迫死小朋友、係個社會迫死我地父母！
作者: nixphoenix 時間: 18-10-21 18:23
lollylolly 發表於 18-10-21 14:26
我相信唔係，因為kv 冇開放日。同埋kv深得黎好注重德育
相反樓主講果間真係主力操小朋友考直私，德育方面 ...
我同意
作者: nixphoenix 時間: 18-10-21 18:23
Dordormummum 發表於 18-10-21 17:44
我都勁勁同意！而家大囡讀happy school, interview almost all failed!!!!! 如果有得再選、我唔會俾佢讀ha ...
同意呢個社會迫死家長
作者: Kangaroojoey 時間: 18-10-21 20:27
Dordormummum 發表於 18-10-21 17:44
我都勁勁同意！而家大囡讀happy school, interview almost all failed!!!!! 如果有得再選、我唔會俾佢讀ha ...
我舊年都係咁，我諗你k3要同佢睇多d書，或者幫小朋友報考starter ，有個目標迫自己同小朋友溫下書，如果派得唔好要叩門，好多都要考筆試和讀字。。。唔好諗住等小二先插班，因為好多學校只會見全級頭20名內，而名校係只見全級3名內， 真係好難囉。。。
作者: fadgare 時間: 18-10-21 21:00 標題: 回覆樓主:
其實早啲預備循序漸進都唔係話真係咁辛苦， 最緊要家長自己跟多啲
作者: eg_mere 時間: 18-10-21 21:47 標題: 回覆樓主:
大家有冇諗過咁様被谷的小朋友, 20年後出黎會變成點? 而家都有好多工作係由AI取代, 將來工作要更多人才去創新改變社會。呢班被剝削天生學習進度, 跟不上又被缺乏自信, 埋没本身材華的小朋友, 長大後變得更難適應社會。
我有一個同事, 是港媽湊大, 一至日都學興趣班, 什麼也學過。現在大了, 學習琴棋書畫没有令她淘冶性情, 現在也没有練習。個人缺乏同理心, 怨天怨地, 仍記着港媽日迫夜迫。
你地係想社會多一些對有正面思考的人, 還是更多自我中心, 因童年不快樂負面思維的人?
作者: jaagor 時間: 18-10-21 22:07
eg_mere 發表於 18-10-21 21:47
大家有冇諗過咁様被谷的小朋友, 20年後出黎會變成點? 而家都有好多工作係由AI取代, 將來工作要更多人才去創 ...
講得好，完全同意
作者: Nemo_baby 時間: 18-10-21 23:22 標題: 回覆樓主:
相信樓主仲係喺初步認識同幼稚園嘅階段，如果樓主再發掘多d，就會發現大部分私幼都係咁，佢去open day 嗰間 k2 先寫字已經遲，有d私幼K1下學期已經要寫字。
咸魚青菜，各有所愛。其實樓主如果嚮往happy school ，咁咪主力考happy school, 各有各好處。過樓主應該唔知，佢講嗰間出名係 d 小朋友 soft skill 好好，正正傳統學校教唔到的。(利申: 小兒唔係該校學生，但我係 buy 佢教學摸式，我有幾個小學教師朋友對呢間幼稚園畢業生都讚口不絕，唔係學術特別叻，而係表達能力、critical thinking、主動性等等都 outstanding)
作者: leeleemrs 時間: 18-10-22 00:34
eg_mere 發表於 18-10-21 21:47
大家有冇諗過咁様被谷的小朋友, 20年後出黎會變成點? 而家都有好多工作係由AI取代, 將來工作要更多人才去創 ...
你呢番說話, 我絕對認為要同教育局局長講
可悲既係, 香港教育仍然離不開製造田鴨, 點改課程都仲係考試為目標.小一學生幾多默書小測,返全日, 放學做N 樣功課, 做完食完飯已經要訓覺.創意培養? 老實說, 訓覺都無時間.有朋友本身好支持閱讀, 佢女女升左小一,政府話大力推動閱讀, 佢話難聽過粗口...小朋友可以有玩既時間已經還得神落.
作者: leeleemrs 時間: 18-10-22 00:34
leeleemrs 發表於 18-10-22 00:34
你呢番說話, 我絕對認為要同教育局局長講
可悲既係, 香港教育仍然離不開製造田鴨, 點改課程都仲係考試為 ...
續-
所以, 正如上邊有家長講, happy school 與否, 咸魚青菜,各有所愛....可以先甜後苦,也可以先苦後甜...香港教育制度係極有問題, 但我無錢比個女讀國際學校,又無錢送個女去外國讀書, 香港教育制度又係咁玩...咁我又可以點呢?
我應該都係你講個間私幼既家長, 老實說程度係深既,但學校將所謂既谷包裝成好玩既野, 老師其實教得好有創意,小朋友開心.響呢個制度下,我接受的.
學校有open day 比你睇,其實幾好丫, 岩既就報, 唔岩既唔緊要.
作者: Kangaroojoey 時間: 18-10-22 01:32
eg_mere 發表於 18-10-21 21:47
大家有冇諗過咁様被谷的小朋友, 20年後出黎會變成點? 而家都有好多工作係由AI取代, 將來工作要更多人才去創 ...
所以冇最好的學校，只有最適合既學校。。。
作者: rubywylam 時間: 18-10-22 03:16 標題: 回覆樓主
我地夠想小朋友沒有讀書壓力，但奈何香港教育制度既問題，令我們迫不得已。
講真，幼稚園唔迫佢讀深d，你小學咪追到你傻，到時你又喊，佢又喊。早早打好根基，上到小學，大家適應得無咁痛苦。
更何況私校深得黎係有方法教你小朋友，佢又上得開心，我覺得無咩壞處，只係比貴d學費。
如果小朋友讀私校幼稚園讀得唔開心，我當然覺得唔需要勉強；否則，我覺得沒太大問題。
作者: alsonl 時間: 18-10-22 07:35 標題: 回覆樓主:
英藝
作者: karllambb 時間: 18-10-22 08:03
eg_mere 發表於 18-10-21 21:47
大家有冇諗過咁様被谷的小朋友, 20年後出黎會變成點? 而家都有好多工作係由AI取代, 將來工作要更多人才去創 ...
本帖最後由 karllambb 於 18-10-22 08:08 編輯
鬼唔知咩，讀私校唔外補唔走火入魔我覺得中庸選擇
總好過k2，3 happy school, 但一至五補足中英數
而且我都成日負面情緒，但我細個窮，無上過興班補習班，阿媽連我間中學係band 幾都唔識，更不會迫我。所以...負面情緒同細個學乜好似無乜關係。
作者: eg_mere 時間: 18-10-22 08:52 標題: 回覆樓主:
以我於職場所見, 我好相信一個人只要找可自己喜歡做的事, 保持熱誠便能成功, 為社會貢獻。現在教育只是催谷學生做不適齡的學習, 只會令更多學生失去學習興趣, 缺乏創意, 失去應有的童年玩樂時間。失比得的多。
作者: karllambb 時間: 18-10-22 09:03
eg_mere 發表於 18-10-22 08:52
以我於職場所見, 我好相信一個人只要找可自己喜歡做的事, 保持熱誠便能成功, 為社會貢獻。現在教育只是催谷 ...
本帖最後由 karllambb 於 18-10-22 09:06 編輯
我小朋友兩歲時都係咁諗....希望你之後唔會同我一樣被環境影響到變...
記住，而家係全日制，同我地當年好唔同
又請記住，求其讀二線係好大可能仲谷過一線
作者: MegaKnight 時間: 18-10-22 09:23 標題: 回覆樓主:
AI 同你讀書要打好基礎，完全是兩回事。
作者: acqueen 時間: 18-10-22 09:37 標題: 回覆樓主:
如樓主講L字頭嘅私幼我都幾認同,收大部份大b超大b,再喺2nd in入面揀d勁進取嘅家長,再喺k2開始搞面試班,講座,等家長感受到個壓力再外補,咁真係令到小朋友會考到好小學嘅。
但你唔去讀真係大把人去,我都係上黎呢道睇到好多人大讚,其實報pn真係不外乎lh, vic,st cat同km,最後一間我無去到,頭三間除lh外其他都有負面評價,但我去完三間學校共6次interview之後就發現網上嘅野唔洗盡信,自己去下感受下係最好。
我上年去L校嘅2nd in,真心見完後送我都唔讀,作為一個家長見到一個校長咁白鴿眼嘅咀面真係好驚訝！我都唔係幾明點解不斷話佢好好,學校將個氣氛洗腦去到你谷左都唔覺你諗下幾可怕。
作者: 枝枝爸 時間: 18-10-22 10:14
acqueen 發表於 18-10-22 09:37
如樓主講L字頭嘅私幼我都幾認同,收大部份大b超大b,再喺2nd in入面揀d勁進取嘅家長,再喺k2開始搞面試班,講座 ...
由面試已經洗腦，當年面試見校長，問小學target 啲咩，我唔係好識，就答區內二線直資，就俾佢話要報多幾間，有大志啲，有無諗住去遠啲讀？
呢間都唔係以童為本，係以考小一名校
為本
作者: acqueen 時間: 18-10-22 10:24
枝枝爸 發表於 18-10-22 10:14
由面試已經洗腦，當年面試見校長，問小學target 啲咩，我唔係好識，就答區內二線直資，就俾佢話要報多幾間 ...
我都有類似經歷,又係問你想考乜,我個囡2歲都未有呀,我點會一黎就同佢定乜路,傳統名校,新派直私,國際學校呢3類已經target不同類型小朋友,我只係答我希望k2等佢性格出d再決定考邊類佢已經無我咁好氣嘅樣。
校長,你不如直接比你心目中個list我啦!終於有人同我同感受,我真係無見呢間學校有負面評價,萬萬估唔到去2nd in嘅白鴿眼程度可以勁過ek好多人話只收有錢人嘅vic,我都相當驚訝!
作者: karllambb 時間: 18-10-22 10:29
acqueen 發表於 18-10-22 10:24
我都有類似經歷,又係問你想考乜,我個囡2歲都未有呀,我點會一黎就同佢定乜路,傳統名校,新派直私,國際學校呢 ...
其實我見讀呢間ge小朋友都勁外補....好顛
作者: rubywylam 時間: 18-10-22 10:38
本帖最後由 rubywylam 於 18-10-22 10:39 編輯
英藝IN完我都唔鍾意
佢比AM OFFER我，我都唔讀
我明白各家長講咩
有D學校好商業化，未必真心係教育層面幫學生
所以都好睇INTERVIEW時我的感覺去決定
我也不會盲從附和
始終親身感受重要過一切
作者: acqueen 時間: 18-10-22 10:47
karllambb 發表於 18-10-22 10:29
呢間我老公當年同大仔去面試,佢都係好唔鐘意
其實我見讀呢間ge小朋友都勁外補....好顛
...
係呀,我都聽人講其實都係要勁外補先有好offer。不過st cat都好多人話要進補,現今世代無乜唔進補都有好offer,有背景除外啦。
你有冇問你先生點解咁唔鍾意?
作者: rubywylam 時間: 18-10-22 11:07 標題: 回覆樓主
不過我讀私校就係唔想小朋友再補習
作者: karllambb 時間: 18-10-22 11:44
acqueen 發表於 18-10-22 10:47
係呀,我都聽人講其實都係要勁外補先有好offer。不過st cat都好多人話要進補,現今世代無乜唔進補都有好offe ...
作者: wg_ann 時間: 18-10-22 11:53
acqueen 發表於 18-10-22 10:24
我都有類似經歷,又係問你想考乜,我個囡2歲都未有呀,我點會一黎就同佢定乜路,傳統名校,新派直私,國際學校呢 ...
想當年我去完LH open day都覺得太深，幼稚園教precipitation, condensation, 呢d想當年我中學先學既野。
但我都有報亦有int, 校長interview都有問想target咩小學呢個問題，我真係唔識答，心想幼稚園未番就要諗定小學? 好X線。
但最終有offer亦accept左，主要因為名氣同親朋戚友既好評，當初只係抱住試讀心態，如果讀左一年唔啱就轉，反正K都打算再考過。
但小朋友so far番學真係好開心，亦好鍾意番學，仲鍾意過以前番既happy school, 暫時N班學既野都算淺（顏色，形狀，1-5），但聽聞K2開始會教得深。
作者: acqueen 時間: 18-10-22 12:13
wg_ann 發表於 18-10-22 11:53
想當年我去完LH open day都覺得太深，幼稚園教precipitation, condensation, 呢d想當年我中學先學既野。
...
其實佢課程應該唔差嘅,但一間學校嘅校長咀臉可以如此,真心唔覺得德育可以教得有幾好,或者咁講,可以“教”,但身教嗰方面我有保留啦。
當然我女兒唔係呢間學校學生我唔可以評價d乜野,但我只想講要開心好多學校都可以做到,但品德對我黎講係比較重要,可能你小朋友好彩,但我見到校長咁樣,佢應該對升小一嘅placement都幾緊張下,仲要緊張到出晒面,我小朋友喺咁嘅氣氛下返學我自己覺得唔係咁好啫,當然人人選擇都唔同。
申利,我曾經好想入LH的,因佢價錢平,評價高,以上只係我個人經歷,不代表全部
作者: CXW 時間: 18-10-22 12:15
LH 嘅開放日係唔會放敎科書出黎，我估樓主係講第二間。
作者: lily1995 時間: 18-10-22 12:49
CXW 發表於 18-10-22 12:15
LH 嘅開放日係唔會放敎科書出黎，我估樓主係講第二間。
佢會, 我剛去過, 亦都親手拿起D教科書睇過~
作者: monodad 時間: 18-10-22 14:00
呢個post俾我感覺係睇完眾多回應係會會心微笑一下，世界係變咗，希望家長們學會現實同理想之間存在嘅巨大差距。但當然，假如要一心維持快樂童年或開心教育亦未嘗不可，但請切記要(emoji)設始終，唔好happy完個幼稚園之後覺得唔對路就喺小學嘅時候谷死D仔女，否則好難同小朋友解釋點解以前同而家返學會唔同晒。幼稚園happy完，小學亦要happy，無論成績如何都要happy落去，達唔到香港學校升學要求就要諗下國際學校或到外地升學，咁樣先可以避免小朋友會變得負面，畢竟條條大路通羅馬，出人頭地亦未必需要努力讀書，出嚟做嘢講際遇同關係多於一切。最後我覺得揀幼稚園最重要係揀一間著重德育理念教育，小朋友自少能培養明事理，辨是非先至係最重要。
作者: eg_mere 時間: 18-10-22 14:02
wg_ann 發表於 18-10-22 11:53
想當年我去完LH open day都覺得太深，幼稚園教precipitation, condensation, 呢d想當年我中學先學既野。
...
内容深到不是教育專家都認為不可接受!
作者: eg_mere 時間: 18-10-22 14:05
lily1995 發表於 18-10-22 12:49
佢會, 我剛去過, 亦都親手拿起D教科書睇過~
本帖最後由 eg_mere 於 18-10-22 14:05 編輯
佢放得出黎都係想突顯課程深, 完全呈現不是以小朋友為本的教學思想。好可惜, 很多家長也推崇這一套, 苦了小明友。
作者: 枝枝爸 時間: 18-10-22 14:15 標題: 回覆樓主:
希望唔好咁多幼稚園係咁，如果唔係，啲小學以為啲學生咁叻，會變到小一一開學就用小二既書。
而家已經好多學校啲課程教快半年
作者: fadgare 時間: 18-10-22 15:38
枝枝爸 發表於 18-10-22 10:14
由面試已經洗腦，當年面試見校長，問小學target 啲咩，我唔係好識，就答區內二線直資，就俾佢話要報多幾間 ...
咁其實個個家長都係會想考到好嘅小一學校嘅，只能說是互惠互利。唔啱咪揀過第二間。
作者: rchan1 時間: 18-10-22 15:45
eg_mere 發表於 18-10-22 14:05
本帖最後由 eg_mere 於 18-10-22 14:05 編輯
佢放得出黎都係想突顯課程深, 完全呈現不是以小朋友為本的 ...
反而我覺得呢間係「以香港小朋友為本的學校」，在現實與理想取得平衡。
香港教育呢條路，除左學術知識之外，最重要的是soft skills如presentation,critical thinking, problem solving等, 呢間學校呢方面係做得好好。
學術程度算比較深，但學校課程設計好用心，利用好多玩樂的活動教學模式令小朋友從心愛上學習。
可能外界一見到學術深就覺得會忽略德育，其實L校好注重德育，訓練小朋友有獨立自理的能力；學校定期派德育書和家長合作，小朋友開學無幾耐自理能力和禮貌都進步好多。
樓主不如親身訪問下在讀的小朋友鍾唔鍾意返學、返學開唔開心，你就會明白點解呢間學校咁多人鍾意。
我認為「谷」的定義係讀得唔開心。如果小朋友返學返得開心，又吸收到各方面的知識，學校又有能力幫佢地考到好的小學，唔係幾好嗎？
作者: fadgare 時間: 18-10-22 15:52
rchan1 發表於 18-10-22 15:45
反而我覺得呢間係「以香港小朋友為本的學校」，在現實與理想取得平衡。香港教育呢條路，除左學術知識之外， ...
我都覺得谷得來開心咪得， 雖然我唔係讀呢間，但就咁睇我唔覺得有咩大問題。 而且完全唔顧及考小一嘅情況去揀happy school係唔理智， 除非諗住讀國際學校。 或者喺學校happy自己出去外補。
作者: fadgare 時間: 18-10-22 15:54
monodad 發表於 18-10-22 14:00
呢個post俾我感覺係睇完眾多回應係會會心微笑一下，世界係變咗，希望家長們學會現實同理想之間存在嘅巨大差 ...
其實德育主要係靠家長， 學校可以幫助培養基本禮貌， 一些品德上的習慣，以及如何同同學相處
作者: 高0媽媽 時間: 18-10-22 17:11 標題: 回覆樓主
其實坊間有好多happy School 標榜以兒童為本。仲要係優質免費教育。但奈何好多家長對呢類學校冇乜興趣，參光都要揀D熱門私校，然後就批評香港教育專家不以兒童為本，剝奪童真。但最終呢批家長又有幾多將自己仔女送去真正Happy School 呢？如果不以兒童為本的熱門學校收了貴子女的話，家長們會否毫不猶豫的放棄而走去報讀真正以童為本的Happy School ，返學2個月都係學個1字。天天做手工，勞作⋯⋯。
我眼見好多家長批評某某名幼短視。收生要求識ABC ，轉頭就去狂谷自己個仔女學ABC 。最後還是報名幼。
以上純粹個人睇法，以事論事。
作者: pancake5354 時間: 18-10-22 17:20
提示: 作者被禁止或刪除 內容自動屏蔽
作者: karllambb 時間: 18-10-22 17:22
本帖最後由 karllambb 於 18-10-22 17:29 編輯
高0媽媽 發表於 18-10-22 17:11
其實坊間有好多happy School 標榜以兒童為本。仲要係優質免費教育。但奈何好多家長對呢類學校冇乜興趣，參 ...
so true, frankly i m similar to those parents you mentioned... i previously blamed those parents pushed their children to learn ahead ... well.. my child is K2 now and i m sorta doing it now... i hate to do so, while at the same time, i AM so afraid no primary school offer or draw a tier 2 (often using stupid way to "die push" students), tier 3 (many SENS) school next year.... !! Btw, even happy private or direct subsidized school like HKUGA, you still need to have a not that basic knowledge!!!
The HK education is simply training the parents to be a "monster" as you have no choice!!
作者: monodad 時間: 18-10-22 17:25
fadgare 發表於 18-10-22 15:54
其實德育主要係靠家長， 學校可以幫助培養基本禮貌， 一些品德上的習慣，以及如何同同學相處
...
我相信一些有宗教背景嘅幼稚園培養德育方便會比其他私幼更著重，特別係天主教辦學嘅幼稚園。小朋友係monkey see monkey do，別輕視朋輩及師長嘅影響力，好多時候老師講一句好過妳講一百句，同學教壞妳個仔易過妳糾正佢一千倍。
作者: MrsPerthLiu 時間: 18-10-22 17:31 標題: 回覆樓主
其實我諗幼稚園嘅時候，確實係諗左小學嘅方向先。
我諗我應該負擔唔到由幼稚園開始讀國際學校到中學畢業，所以唔諗國際學校。
直私小學都有機會負擔到，即係最有可能讀津校啦。好勒，而家時勢，唔好話名校，就算屋邨小學，功課默書測驗一樣多，因此我亦撇除了happy school 幼稚園，俾你happy 左3年，之後點算呢？咁不如幼稚園就讀返學術啲嘅，早啲適應囉。
其實樓主講嘅好多人都明白，但係現實又係另一回事喎。再者，我認為小朋友上堂時應付自如又讀得開心，呢啲唔叫谷，讀書讀到拉牛上樹咁就叫谷。
作者: monodad 時間: 18-10-22 17:37
仲有一件事係大家都忽略咗嘅，其實有好多龍幼嘅課程都相對happy，而且呢D龍幼一般升小比例都達80%以上，如果要讀happy school，何不考慮讀龍幼？但事實上某D課程比較淺嘅龍幼家長何嘗不是一樣將小朋友嘅校外時間去外補？到底咁做所為何事？答案係即使小學課程幾淺都好，但要去進補嘅壓力並非來自學校，而係來自妳小朋友嘅競爭對手，即係同學也，如家長不屬於要小孩去爭遂於要名列前茅的話，又何需強迫自己和小孩去所謂被香港的教育制度「谷」？
作者: wg_ann 時間: 18-10-22 17:57
rchan1 發表於 18-10-22 15:45
反而我覺得呢間係「以香港小朋友為本的學校」，在現實與理想取得平衡。香港教育呢條路，除左學術知識之外， ...
我記得面試時校長問我點睇愉快學習同追求學術兩者，我真心覺得兩者其實無抵觸，有愉快既學習環境先會學得快學得好，如果唔係，唔通唔愉快既學習環境先更有助學習? 所以我唔覺得學得快/深入就一定等於無童年/可悲，如果真係讀得咁慘，應該好多人會轉校/劣評。
作者: Kangaroojoey 時間: 18-10-22 18:27 標題: 回覆樓主:
只要唔在乎成績的話，覺得讀band3學校都冇問題時，任何一間學校都係happy school。。。。我見到高年級有d放棄學業既學生係好happy 架，佢地想學咩就學咩，功課交唔交都係自主決定 
問題係樓主小朋友向香港讀書時，係咪可以堅持理想到最後。。。
作者: eg_mere 時間: 18-10-22 18:54 標題: 回覆樓主:
家長望子成龍十分合理, 學校為迎合家長加深課程不理以童為本的基礎教育概念是要不得。
是否谷, 常理看課程就知道, K3需要理解抽象的概念condensation嗎? 他們要有這些資識但不是幼稚園。
家長其實有選擇, 但小明友没有。
作者: leeleemrs 時間: 18-10-22 19:22
eg_mere 發表於 18-10-22 18:54
家長望子成龍十分合理, 學校為迎合家長加深課程不理以童為本的基礎教育概念是要不得。
是否谷, 常理看課程 ...
又或者咁諗, 呢間有開放日,某d 幼稚園無
其實可能佢地都有學,只不過未必人人知道
同意另一位家長講, 係香港教育制度迫家長變怪獸...大家都好想6歲先學寫字,開開心心享受童年...但現實不容許, 唯有搵個自己接受到既方向同學校.
有人話KV 好傳統, 小朋友讀完適應小一無問題...默書測驗一樣有...自己小朋友無讀過,唔敢講係點...但KV 都係極受家長歡迎既幼稚園, 原因呢?
作者: acqueen 時間: 18-10-22 19:31
eg_mere 發表於 18-10-22 18:54
家長望子成龍十分合理, 學校為迎合家長加深課程不理以童為本的基礎教育概念是要不得。
是否谷, 常理看課程 ...
樓主我都幾欣賞你,我睇左ek好耐,真係無乜人講lh唔好,所以我都一直以為佢性價比好高,我in完後都無分享,因太多fans唔想觸動到大家神經。
其實谷唔係問題,我小朋友都係讀私幼,目的都係想佢有好d語境,我小朋友返學都好happy,返左2個月學我已經見佢好有禮貌同有規矩左好多,而且三語都有嘗試同我講。
佢學校有唔少人放棄offer原因之一小一placement唔夠好,但我自己覺得唔差,所以好同唔好好個人,而且happy得黎係咪真係要去到band3咁極端?谷得黎又係咪要k3學中學嘅字?真係好值得深思。
老師一個神情學生都會學到,我自己真係唔敢睇少,都係嗰句,自己親身感受係最直接,無一間學校係完美,選擇岩自己小朋友就得
作者: monodad 時間: 18-10-22 19:55
老實講，從來唔覺得私幼邊間好過邊間，但覺得人類係一種會進化嘅生物，以前妳細路仔唔識嘅嘢唔代表而嘅嘅小朋友唔能夠理解或者去探索，我以前小學先開始識字同睇書，唔通而家父母會容許小朋友咁？咁仲駛伴讀？我覺得可以俾自己小朋友接觸一下父母認為所謂「不合適小朋友」深度嘅課程先決定係咪要佢地學D比較妳以前年代進化咗嘅知識係咪真係咁不人道先囉⋯⋯
作者: fadgare 時間: 18-10-22 20:18
monodad 發表於 18-10-22 17:25
我相信一些有宗教背景嘅幼稚園培養德育方便會比其他私幼更著重，特別係天主教辦學嘅幼稚園。小朋友係monke ...
我覺得係睇你好唔好彩撞到咩老師，冇話邊間幼稚園一定好
作者: MrsPerthLiu 時間: 18-10-22 20:36
monodad 發表於 18-10-22 19:55
老實講，從來唔覺得私幼邊間好過邊間，但覺得人類係一種會進化嘅生物，以前妳細路仔唔識嘅嘢唔代表而嘅嘅小 ...
啱呀，我細個讀幼稚園學嘅嘢都深過我媽學嘅野啦，我嗰間仲要係鄉村入面嘅幼稚園。
好似我有朋友啲細路好鍾意恐龍，成日搵啲書睇，睇到記得晒啲恐龍名（英文）同恐龍嘅分別，咁佢又真係學到，唔通要限制佢睇返得幾粒字嘅peppa pig咩？定係要等佢大學讀考古先俾佢睇恐龍書籍？
作者: feifei_baby 時間: 18-10-22 20:57
monodad 發表於 18-10-22 17:37
仲有一件事係大家都忽略咗嘅，其實有好多龍幼嘅課程都相對happy，而且呢D龍幼一般升小比例都達80%以上，如 ...
好少少嘅龍幼其實好難考，就算好彩入到，誰保證不會成為果10-20%？萬一上唔到小學，讀津校都唔易，大女谷嘅學券幼上普通津小，資質平平想考好少少都好吃力.... 到好彩上到龍小，大部分龍小都唔係happy，唔打好個底，happy 3年上到小一一嘢打沉.... 細女讀龍幼，心態上係輕鬆啲，因為唔係讀龍小就係家姐間津小，冇咁徬徨，但自己都會做少少功夫，未必係谷但唔會完全鬆懈，至少會在認字上落下功夫...
作者: eg_mere 時間: 18-10-22 21:01
MrsPerthLiu 發表於 18-10-22 20:36
啱呀，我細個讀幼稚園學嘅嘢都深過我媽學嘅野啦，我嗰間仲要係鄉村入面嘅幼稚園。
好似我有朋友啲細路好 ...
小朋友有興趣自然想理解更多, 鐘意恐龍而認識不同恐龍的英文正正是因為他們有興趣自發學習, 以童為本。
現在是學校把深課程無理加給小朋友, 滿足家長要求, 違反教育理念。家長學校合作認同, 把歪風常理化。
作者: MrsPerthLiu 時間: 18-10-22 21:15
eg_mere 發表於 18-10-22 21:01
小朋友有興趣自然想理解更多, 鐘意恐龍而認識不同恐龍的英文正正是因為他們有興趣自發學習, 以童為本。
現 ...
咁如果學校將嗰啲所謂「深」嘅課程整到好有趣，令小朋友想去睇想去學，咁算唔算係令小朋友有興趣？
作者: fadgare 時間: 18-10-22 21:20
eg_mere 發表於 18-10-22 21:01
小朋友有興趣自然想理解更多, 鐘意恐龍而認識不同恐龍的英文正正是因為他們有興趣自發學習, 以童為本。
現 ...
想請教你將來諗住報考邊間小學？
作者: wg_ann 時間: 18-10-22 22:33
fadgare 發表於 18-10-22 20:18
我覺得係睇你好唔好彩撞到咩老師，冇話邊間幼稚園一定好
無錯，每間學校都有好同無咁好（唔敢講差）既老師，每升一級又會面對新既老師。
有人話名幼老師白鴿眼（因為唔憂收生），我都試過面試時有咁既遭遇，但我有朋友讀龍幼亦話老師好串（因為唔憂家長投訴），所以真係好睇個人遭遇，我亦覺得無一間學校係十全十美。
作者: fadgare 時間: 18-10-22 22:48
wg_ann 發表於 18-10-22 22:33
無錯，每間學校都有好同無咁好（唔敢講差）既老師，每升一級又會面對新既老師。
有人話名幼老師白鴿眼（因 ...
唔好話學校白鴿眼，而家連面試班興趣班都揀人嚟收.... 所以我覺得我個仔間學校好好，有教無類 
作者: eg_mere 時間: 18-10-22 23:09
MrsPerthLiu 發表於 18-10-22 21:15
咁如果學校將嗰啲所謂「深」嘅課程整到好有趣，令小朋友想去睇想去學，咁算唔算係令小朋友有興趣？
...
你形容的比較像[糖衣陷阱]。
學校是群體學習的, 不是一對ㄧ。老師教導不適齢的課程, 有小朋友跟不上是十分正常的事。就算教學多有趣, 學生跟不上也是課程問題, 但小朋友就感到挫敗, 是自己有問題。小孩喜歡恐龍, 家長可循循善誘. 全班也要學習不適齢的恐龍專業詞彙是不需要的。每個小孩也是獨特的。教育工作者是要啟發小朋友, 讓他們盡展自我才能。
作者: MrsPerthLiu 時間: 18-10-22 23:12
eg_mere 發表於 18-10-22 23:09
你形容的比較像[糖衣陷阱]。
學校是群體學習的, 不是一對ㄧ。老師教導不適齢的課程, 有小朋友跟不上是十分 ...
我明白你意思。
不過你講嘅情況，happy school 都有可能發生吧⋯⋯
作者: eg_mere 時間: 18-10-22 23:19
fadgare 發表於 18-10-22 21:20
想請教你將來諗住報考邊間小學？
現在不知道, 要看小朋友的興趣和能力。入到好有名的學校, 但孩子失去學習動機, 常感到挫敗, 得不常失。 次一等的學校但孩子能發揮所長, 自主學習也是好事。
有很多研究也證明了正向教育, 多肯定小孩, 有助增加成功感, 令學生提高學習動機。
作者: eg_mere 時間: 18-10-22 23:21
fadgare 發表於 18-10-22 22:48
唔好話學校白鴿眼，而家連面試班興趣班都揀人嚟收.... 所以我覺得我個仔間學校好好，有教無類
...
係囉, 有教無類就係最基本應有教學態度。
作者: fadgare 時間: 18-10-22 23:26
eg_mere 發表於 18-10-22 23:21
係囉, 有教無類就係最基本應有教學態度。
但容易嘅幼稚園好多人都不稀罕入，同埋我嗰間都會谷，但係小朋友又好開心。 其實你慢慢教，佢會吸收到，唔需要太擔心， 循序漸進，必要時比少少壓力都唔係壞事。 平衡玩同學習，相得益彰。
作者: eg_mere 時間: 18-10-22 23:27 標題: 回覆樓主:
大家可看看viu tv陳美齢的美齢便當, 有15個家庭, 圍繞香港教育問題。陳美齢都好客觀咁畀意見, 值得參考。
作者: milkteabb 時間: 18-10-22 23:27 標題: 回覆樓主
認同樓主既無奈。個人觀察大部分免費幼稚園都係happy (因無budget谷語境），但上到津小就好谷（因大部分津校要力求生存，一般都谷同操練），咁兩極先辛苦了家長同小朋友...
小學想搵happy但要入直私一d都唔易...又要比學費...
作者: fadgare 時間: 18-10-22 23:28
eg_mere 發表於 18-10-22 23:19
現在不知道, 要看小朋友的興趣和能力。入到好有名的學校, 但孩子失去學習動機, 常感到挫敗, 得不常失。 次 ...
其實而家本地間間都考學術，就算唔係最top嗰堆 可能反而仲考/谷得深。有啲標榜happy school 面試題目一點也不容易。
作者: pancake5354 時間: 18-10-23 01:28
提示: 作者被禁止或刪除 內容自動屏蔽
作者: karllambb 時間: 18-10-23 08:26
MrsPerthLiu 發表於 18-10-22 23:12
我明白你意思。
不過你講嘅情況，happy school 都有可能發生吧⋯⋯
我覺得連happy school都唔會有呢類有教無類
無架，係香港唔會有呢類老師
作者: Dadagaga 時間: 18-10-23 08:26
monodad 發表於 18-10-22 17:37
仲有一件事係大家都忽略咗嘅，其實有好多龍幼嘅課程都相對happy，而且呢D龍幼一般升小比例都達80%以上，如 ...
Well said 
作者: wg_ann 時間: 18-10-23 08:44
karllambb 發表於 18-10-23 08:26
我覺得連happy school都唔會有呢類有教無類
無架，係香港唔會有呢類老師
樓主小朋友應該未入學，所以樓主係從好理想既層面去睇，學校要有教無類，幼師要啟發學生，盡展潛能。
現實係點，其實考過幼稚園就會知。
作者: eg_mere 時間: 18-10-23 08:50
wg_ann 發表於 18-10-23 08:44
樓主小朋友應該未入學，所以樓主係從好理想既層面去睇，學校要有教無類，幼師要啟發學生，盡展潛能。
現實 ...
本帖最後由 eg_mere 於 18-10-23 08:50 編輯
好幸運我在香港讀書時遇到的都是有教無類的良師益友, 不只是教導書本知識, 更分享待人接物, 明辨是非的道理。
香港絶對有這些教育工作者, 是家長的選擇與否。
作者: wg_ann 時間: 18-10-23 09:10
eg_mere 發表於 18-10-23 08:50
本帖最後由 eg_mere 於 18-10-23 08:50 編輯
好幸運我在香港讀書時遇到的都是有教無類的良師益友, 不只 ...
樓主可否分享下自己讀邊間幼稚園? 一間咁好既幼稚園，我相信好多家長都會有興趣。
作者: eg_mere 時間: 18-10-23 09:25
wg_ann 發表於 18-10-23 09:10
樓主可否分享下自己讀邊間幼稚園? 一間咁好既幼稚園，我相信好多家長都會有興趣。
...
幼稚園至中學也只是屋企樓下的, 大學也是香港讀。工作也接觸不同階層的人, 不同國籍的, 觀察到香港教育和家長特有之處。
作者: Penipony 時間: 18-10-23 09:39
wg_ann 發表於 18-10-23 08:44
樓主小朋友應該未入學，所以樓主係從好理想既層面去睇，學校要有教無類，幼師要啟發學生，盡展潛能。
現實 ...
當學校係搞生意（咁其實某程度上又真係一盤生意）其實係香港社會係咁，樣樣睇業績，幼稚園業績咪升小數據，小學業績係升中，中學業績係升大學。教深又影響小朋友development，教淺又happy得濟銜接唔到小一。百貨百客，百花齊放，家長鍾意乜嘢，盡量配對番。
作者: melolo317 時間: 18-10-23 10:36
fadgare 發表於 18-10-22 23:26
但容易嘅幼稚園好多人都不稀罕入，同埋我嗰間都會谷，但係小朋友又好開心。 其實你慢慢教，佢會吸收到，唔 ...
極有同感！易入嘅學校好多家長唔希罕
我嗰間都係易入，谷谷地但小朋友讀咗咁耐一直都好happy，喜歡返學，而家回想好彩自己當時清楚自己想比d咩小朋友，冇受其他人評價影響決定，我真心覺得自己執到寶
作者: sususum 時間: 18-10-23 13:01
回覆 Dordormummum 的帖子
不過讀一間學要求學術的都唔代表小一有OFFER 架..我大女可能係細B 見佢都讀得幾辛苦下吸收唔晒小一都未有一間有OFFER 唔好話OFFER 連2ND IN 幾會都冇,返而我宜家諗緊細女好唔好讀HAPPY SCHOOL 加外補
作者: wongtw 時間: 18-10-23 13:11
非常好學校開門見山，要摸清楚學校教學方向是要花大量時間，谷與happy各有所求，現在明確表達，大家不用浪費時間。久不久見到有家長呻學校太谷或大淺，既然感覺錯配，幼稚園讀那學校問題不太，不如直接轉校無謂浪費時間，因為學校好難會改變政策。
作者: cody0622 時間: 18-10-23 14:45
回覆 Kangaroojoey 的帖子
我好多朋友都係咁，大既讀完happy school上到小學出曬事，細既就一開始行第二條路⋯⋯
作者: cody0622 時間: 18-10-23 14:47
回覆 sususum 的帖子
請問外補係指「興趣班」定上門教師丫？
| 歡迎光臨 教育王國 (/) |
Powered by Discuz! X1.5 |