教育王國

標題: interview坐位與結果 [打印本頁]

作者: 蝦米豬 時間: 18-10-15 23:46 標題: interview坐位與結果

回想我小朋友考私幼時，每round十幾人，小朋友排排坐面向老師，老師在中間面向小朋友。只是，老師主要看前面，坐在一邊的小朋友先有反應，老師都像沒有看見。

小學1st in 人很多，但2nd in 每round相對人少，咁坐位會否影響結果？即坐中間比坐旁邊有優勢？

作者: TAIOU4 時間: 18-10-16 01:27

終於有人問尼類戰術性問題...
要增加成功率o既招數有好多
Group In係好唔公平好膚淺的
你的樣子如何, 你的日子也必如何
最重要係做好老師第一眼o既印象
一個老師一日起碼in百幾人
你唔執靚D醒D邊個會理你

作者: sailormercury 時間: 18-10-16 08:57 標題: 回覆樓主:

一定有影響。

而且同組有沒有異類小朋友（推人、寸人、大叫、踢人）更重要。排隊時是否前後遇上這些小朋友亦會影響小朋友心情。

我在某私小門外排隊等面試就後面排了一對沒有修養的母子，周圍鬧人排隊排得唔好，嚇死。

所以，都係睇運氣。

作者: Penipony 時間: 18-10-16 09:13

TAIOU4 發表於 18-10-16 01:27
終於有人問尼類戰術性問題...
要增加成功率o既招數有好多
Group In係好唔公平好膚淺的

我親友個女係矇豬眼... 但係考幼稚園時有好好offer啊！基本上百發百中

作者: vincielau 時間: 18-10-16 09:13

sailormercury 發表於 18-10-16 08:57
一定有影響。

而且同組有沒有異類小朋友（推人、寸人、大叫、踢人）更重要。排隊時是否前後遇上這些小朋友 ...

我都覺運氣是不可缺的。
例如老師們有幾條問題輪流用，撞正老師嘅（問題A）識，（問題B）唔識，問正亞女用了（A），咁未有機會取錄。
又例如小組坐位，咁啱老師瞓捩頸望多咗邊位，邊位D小朋友係未又大機會D呢。
我感到成功與否都關天時地利人和。

作者: sunnymama2 時間: 18-10-16 09:25

vincielau 發表於 18-10-16 09:13
我都覺運氣是不可缺的。
例如老師們有幾條問題輪流用，撞正老師嘅（問題A）識，（問題B）唔識，問正亞女 ...

所以考小學，運氣不可少

作者: creambun 時間: 18-10-16 09:30

sailormercury 發表於 18-10-16 08:57
一定有影響。

而且同組有沒有異類小朋友（推人、寸人、大叫、踢人）更重要。排隊時是否前後遇上這些小朋友 ...

其實遇到同班同學都好危險。自己入咗去排隊時雞啄唔斷咁傾計又玩下咁。尢其男仔好易咁分晒心。

作者: MillieLin 時間: 18-10-16 09:59 標題: 回覆樓主:

有時看眼緣
曾經仔和其他4位小朋友一起面試時,仔說面試者只點他及另一位小朋友答,其他3位都有舉手,但没有機會回答問題。(整場面試)

作者: babieblue 時間: 18-10-16 10:12 標題: 回覆樓主

有D學校group in 係1x人一組由3-4個老師負責in 大半至一小時，期間有群體合作task ，亦有個別問問題。有啲甚至in兩個小時,期間會轉房轉老師去評估小朋友。

運氣、緣份固然重要，因為冇可能每個小朋友每1分每1秒的表現也被留意到及記錄在案。但我相信有經驗的老師其實已經可以睇到好多野eg 小朋友的性格、態度、行為、自理及學術能力等等。

有學校final in 時，會同家長分享返小朋友之前的面試表現，小至一些細節學校也能留意到。