教育王國

標題: 一個不愉快的醫療經歷 [打印本頁]

作者: 軍曹媽咪 時間: 18-10-4 09:20 標題: 一個不愉快的醫療經歷

我小朋友今年九歲，去浸大做針灸，做咗幾年，呢位醫師久不久上報紙介紹針炙如何醫自閉症，咁其實一個醫師，好應該知有自閉症嘅細路，落針會怕會叫，佢近兩個月，已唔只黑面，語氣唔耐煩，甚至出口講：阿XXX，再係咁唔可以同你針。我都忍，昨天真係好嬲，我小朋友只係叫，我工人姐姐都有幫手㩒住佢，位醫師又講同樣説話，我真係忍夠，下星期起晤再去搵佢，只知佢報紙訪問過佢後，係多咗好多小朋友去搵佢針，佢一副唔休做，一星期兩次的冶療，落針位都可以唔同，乜d穴位會走嘅咩

作者: belok 時間: 18-10-5 09:20

軍曹媽咪發表於 18-10-4 09:20
我小朋友今年九歲，去浸大做針灸，做咗幾年，呢位醫師久不久上報紙介紹針炙如何醫自閉症，咁其實一個醫師， ...

媽媽唔好激親自己，搵過第二個有愛心啲嘅醫師。好多地方都有得針，最緊要唔好嚇親小朋友!加油

作者: idak 時間: 18-10-6 14:16 標題: 回覆樓主:

A仔的媽咪成日都要受ED氣。我係會出聲的，我會話如果細路係Ok，就唔洗揾你，你唔針大把醫生啦！我印象屯門仁愛堂有個醫生好好的，因我幼稚園時有個同學仔唔會叫人，但睇咗幾個月，識得叫全校老師，近期覆診見到佢重有對答添。不過我真係唔記得個醫生叫乜名。

作者: 軍曹媽咪 時間: 18-10-7 12:40

idak 發表於 18-10-6 14:16
A仔的媽咪成日都要受ED氣。我係會出聲的，我會話如果細路係Ok，就唔洗揾你，你唔針大把醫生啦！我印象屯門 ...

我都係咁諗，佢只不過有傳媒訪問佢，而佢所請個位所謂針灸後入讀主流小學既小朋友，其實果位小朋友不算有太大問題，咁咪誤導好多絶望中的家長去求醫

作者: idak 時間: 18-10-7 12:47

軍曹媽咪發表於 18-10-7 12:40
我都係咁諗，佢只不過有傳媒訪問佢，而佢所請個位所謂針灸後入讀主流小學既小朋友，其實果位小朋友不算有 ...

我女針灸較果無乜，囡囡重話唔想再去。我女幼稚園同學初初真係十問九唔應，到畢業時，問佢嘢都會答，係答得慢d，但都已經好好。

作者: qq619 時間: 18-10-25 23:11

idak 發表於 18-10-6 14:16
A仔的媽咪成日都要受ED氣。我係會出聲的，我會話如果細路係Ok，就唔洗揾你，你唔針大把醫生啦！我印象屯門 ...

係邊度睇？
就咁去仁愛堂搵就得？
都係針灸？

謝謝(emoji)

作者: lulumelody 時間: 18-10-26 12:05

軍曹媽咪發表於 18-10-7 12:40
我都係咁諗，佢只不過有傳媒訪問佢，而佢所請個位所謂針灸後入讀主流小學既小朋友，其實果位小朋友不算有 ...

其實坊間好多治療話成功例子，根本小朋友本身問題不大，小朋友大了智慧增加，本身問題亦用佢自己方法去解決，所以根本不關該治療事。其實之前有報導，好细個話有自閉症，有若三成根本到四五歲已經沒有自閉症，同所謂三T及治療無關。有效的治療除非他成功率有五成以上。

作者: JX2BB 時間: 18-10-26 15:04

你可以試下廣華邱醫師，我仔之前起個度針，初時針，講野係叻左，同埋脾氣好左，不過針左大約40次之後，無咩大進步，我地就停左

作者: adrio 時間: 18-10-26 15:14

提示: 作者被禁止或刪除內容自動屏蔽

作者: fion_umama 時間: 19-2-27 14:28

提示: 作者被禁止或刪除內容自動屏蔽

作者: nwing_yan 時間: 19-2-28 14:38

我之前用過一個醫師, 好有醫德, 可PM 我

歡迎光臨教育王國 (/)