教育王國

標題: 上完9堂ABA 開左第1次會 [打印本頁]

作者: PearPearzheng@ 時間: 18-9-23 00:11 標題: 上完9堂ABA 開左第1次會

本帖最後由 PearPearzheng@ 於 18-9-23 00:18 編輯

小兒2歲多D, 之前母嬰健康院兒科醫生懷疑自閉症傾向,有發展及語言遲緩,正在輪候CAC 做正式評估, 所以我地在9月初己安排小兒做ABA 訓練...

訓練前:識講10個字, 有良好眼神接觸, 冇乜刺激性行為(撞牆,傷害自己的行為), 只係有不滿時會尖叫, (但不是歇斯底里, 只係叫1-2下..),
沒有什麼偏執行為,如果你唔比佢做, 佢最多尖下, 之後會行左去…都算幾快放棄.. 但玩玩具興趣好窄, 好多玩具都唔識玩, 或者唔鐘意學玩… 你同佢玩, 佢一係好快過來搶左你,用佢的方法玩, 一係唔理你...

上完9堂ABA 課程, 感覺唔係太實在, 囝囝係多左BB 話, 多左E/YEAH/AR的音…

如佢有要求, 以前唔講野, 但而家我地叫佢講野, 佢肯發聲, 雖然係求其講個字..…認知方面, 治療師剛剛開始教第2個顏色…仍然未識手指指, 未識點頭, 老師話教佢第二堂點頭, 己經會主動點頭要求某D 野, 但在家中佢又冇咁做…可能我太心急, 但其實大約要幾耐先會學識? 其實咁樣的進展算唔算慢? 我點知點樣先叫進度理想?

關於家居訓練, 老師只係叫我地要堅持要佢講野/發音先滿足囝囝要求, 除此之外, 就冇提要點訓練佢…有D 覺得流流地咁..

因為JOIN依間的時候好心急,諗住有位就讀..(當然唔係北角那間...)但之後才發現主任及治療師好像都好候生,唔知夠唔夠經驗..

唔想囝囝白白浪費幾個月時間...

作者: su-bb 時間: 18-9-24 08:26

PearPearzheng@ 發表於 18-9-23 00:11
小兒2歲多D, 之前母嬰健康院兒科醫生懷疑自閉症傾向,有發展及語言遲緩,正在輪候CAC 做正式評估, 所以我地在 ...

如果已經試咗八堂，會唔會考慮用其他訓練方法？

作者: kidsam2018 時間: 18-9-26 15:56

提示: 作者被禁止或刪除內容自動屏蔽

作者: lobb2015 時間: 18-9-26 19:25 標題: 回覆樓主:

趁阿仔細，比較得閒，建議你試多幾樣，試多幾間。你鍾意ABA，咪去多一間試吓囉。同埋，常見的幼兒導師堂，言語治療師堂，職業治療師堂，都去試吓啦。因為我見你去緊ABA，可能你經濟上可以試多幾樣嘢，所以有咁嘅建議。

作者: PearPearzheng@ 時間: 18-9-26 22:25

回覆 lobb2015 的帖子

就係唔知試乜好。。。係米我要比d時間再觀察下呢。。

作者: mamaa01 時間: 18-9-27 08:50

提示: 作者被禁止或刪除內容自動屏蔽

作者: lobb2015 時間: 18-9-27 18:50

PearPearzheng@ 發表於 18-9-26 22:25
回覆 lobb2015 的帖子

就係唔知試乜好。。。係米我要比d時間再觀察下呢。。

本帖最後由 lobb2015 於 18-9-27 18:54 編輯

比時間觀察都係真嘅，但我諗如果你一個月(?)上九堂，兩個月十八堂，應該有啲明顯進步掛。你番嗰度有得觀課嗎？

我自己的經驗是，阿仔跟唔夾的導師，半年都學唔到嘢，換一個又再半年都係學唔到嘢，真係好浪費青春。當你遇到對的人，應該幾堂就感覺到㗎。

作者: PearPearzheng@ 時間: 18-9-27 21:09

回覆 lobb2015 的帖子

咁佢之前只識講10個字, 叫佢講乜都唔肯講。。叫佢做乜都唔肯做。。但而家叫佢講乜, 佢都會試下講。。雖然講唔正, 但起碼有意欲去發聲。。依個星期開始識回應要唔要餅。要唔要水。。而家識點頭回應。。同埋服從性高左。。以前叫做d野未必做。。而家多數會做。。
好似又唔係冇進步。。
但11堂只學識1個顏色。。有d慢。。莫非要1個月學1隻色。。。

作者: Yukiruirui888 時間: 18-10-1 14:53

PearPearzheng@ 發表於 18-9-27 21:09
回覆 lobb2015 的帖子

咁佢之前只識講10個字, 叫佢講乜都唔肯講。。叫佢做乜都唔肯做。。但而家叫佢講乜, ...

另外希望妳都了解一下自己小朋友的能力，唔係話妳上左幾堂就會進步很多，有時候要睇小朋友吸收能力
我小朋友3歲的時候上左幾個月的5天密集班，我都覺得進步唔多，但他係有進步的，所以都要睇雙方的配合

作者: fion_umama 時間: 19-2-27 13:54

提示: 作者被禁止或刪除內容自動屏蔽

作者: cheechi 時間: 19-3-5 11:32

fion_umama 發表於 19-2-27 13:54
回覆 PearPearzheng@ 的帖子

好睇你一星期係幾多個鐘。。。訓練少當然唔會好快好效果。如果係做得好（如一 ...

你講得好啱，好既治療師可遇不可求！我地帶小朋友上過Center ,試過幾過上門ABA，好彩最後搵到一個有夾同令小朋友進步好多既老師。

作者: fion_umama 時間: 19-3-6 16:27

提示: 作者被禁止或刪除內容自動屏蔽

作者: TNS102 時間: 19-3-6 17:36

你可以自己教下佢操作玩具技巧, 可以買啲書有的認知活動參考下.另外, 上ST train佢話話前技巧
以我觀察, 每一治療都有互相影响, 所以同步進行訓練, 先得到成果.

其實我有個疑問, 因為我未比仔上過ABA (實在太貴), 但又想研究下, ABA究竟係咪較適合無認知遲緩的A仔呢? 有無人知?

作者: fion_umama 時間: 19-3-6 18:42

提示: 作者被禁止或刪除內容自動屏蔽

作者: sally310 時間: 19-3-6 19:00

提示: 作者被禁止或刪除內容自動屏蔽

作者: TNS102 時間: 19-3-7 12:02

回覆 fion_umama 的帖子

治療師實話咩程度都可以做, 但成效可能會唔同. 即係CAC醫生都會建議先搵特殊教育幼師TRAIN左個仔安坐, 先再上其他治療, 否則嘥左, 除非你大把錢。
我就諗係咪TRAIN阿仔有返咁上下認知, 再上ABA個成效大啲呢??

作者: fion_umama 時間: 19-3-8 08:26

提示: 作者被禁止或刪除內容自動屏蔽

作者: PearPearzheng@ 時間: 19-3-8 16:04

回覆 cheechi 的帖子

我地都好好采, 搵到間夾到小朋友的訓練中心做ABA, 小朋友都進步得好快..

我地都有出去耀能做語言治療, 有時有D 野唔明, 問翻ABA 老師, 佢仲拍埋片教我點做...

希望小朋友快D 可以係上K1前PICK UP 翻....

作者: Ball0611 時間: 19-3-11 10:24

TNS102 發表於 19-3-7 12:02
回覆 fion_umama 的帖子

治療師實話咩程度都可以做, 但成效可能會唔同. 即係CAC醫生都會建議先搵特殊教育 ...

ABA都有train 埋認知架

作者: lollylolly 時間: 19-3-11 22:56

TNS102 發表於 19-3-6 17:36
你可以自己教下佢操作玩具技巧, 可以買啲書有的認知活動參考下.另外, 上ST train佢話話前技巧
以我觀察, 每 ...

本帖最後由 lollylolly 於 19-5-8 23:26 編輯

deleted

作者: helenwky01 時間: 19-3-31 19:11

提示: 作者被禁止或刪除內容自動屏蔽

作者: PearPearzheng@ 時間: 19-4-1 12:10

回覆 helenwky01 的帖子

係, 之前ABA老師見我地餵飯餵得咁辛苦(, 因住太遠, 要係學校上完堂先食飯再回家,所以比老師見到), 我仔有時第一啖就吐。。又拍你隻手, 搞到成地飯。。每次都係挑戰你EQ....我地學左一個月點食飯。。已經好好多。。當然有時仲係唔肯食。。但吐同打人次數減少左9成。。可能而家一餐會吐1~2次。。而家會推你隻手。。但都係少左。。。
佢會教你點鼓勵佢食。。。ABA其實係用+ve reinforcement來鼓勵正面行為

作者: SandraLo 時間: 19-4-1 19:44

TNS102 發表於 19-3-7 12:02
回覆 fion_umama 的帖子

治療師實話咩程度都可以做, 但成效可能會唔同. 即係CAC醫生都會建議先搵特殊教育我就諗係咪TRAIN阿仔有返咁上下認知, 再上ABA個成效大啲呢??
...

似乎係啱啱相反

作者: TNS102 時間: 19-4-4 11:19

回覆 SandraLo 的帖子

好的, 多謝太家意見, 咁我都研究下ABA先, 睇下自己學唔學到啲技巧.
以前阿仔細, 佢無欲無求咁, 覺得完全唔啱佢, 依家大個啲, 有要求好多, 經常在有奬勵的情況下投入訓練, 現在應該依個方法可能啱佢.

歡迎光臨教育王國 (/)