教育王國

標題: 學校如果知道係資優，會唔會有多啲機會? [打印本頁]

作者: hehababy 時間: 18-9-11 01:27 標題: 學校如果知道係資優，會唔會有多啲機會?

想問下各位過來人，你地同學校講左小朋友係資優之後，學校會唔會因此俾多啲唔同既機會佢? 例如校隊果啲

又或者你地學校會有啲咩支援或附助?

作者: 小曳人 時間: 18-9-11 09:29

我本身係因為學校課堂上有小問題，所以响學校做評估嘅，之後EP同班主任自行溝通，亦有課堂外特別安排，當年小一，加咗入talent pool，但資優培訓或相關活動，就要小3開始

轉校後，有交評估報告，但基於私隱問題，學校老師係唔可以睇到嘅，如果要個別老師知道，就要家長主動講。
基於本身有興趣項目成績算唔錯，亦經PTA屬會家長幫忙下，成為校隊成員，要數學校隊係小四先可以加入，亦通過全級數學比賽成績加入

結論：要睇個別學校安排，先了解咗安排先，因為交咗報告都唔會有人理，只作filing

一般情況，有事就有人理，無事就無人理
我仔有情緒問題，都係我地主動搞社工幫手

作者: JCR 時間: 18-9-11 11:11

資優並不等于績優,學校校隊也是要去比赛争取榮譽的,相信學校的考慮會是績優稳定型的學生，資不資優已是其次
個人倒認爲，學校若真的考慮到資優生的某些個性上的缺㸃而给機會去學習,會重要些,
小兒在學習上完全没問题,但是個性执着,不够圆滑,受㸃小刺激就一個人生悶氣甚至會哭,學校老師也發現這些的問题,给予包容是會有,但是學校的安排是讓他做小组長,學習领導小團體,讓他了解合作的重要而不是一個人埋頭苦幹。

學習和别人相處，認識自己的缺㸃而改善,知道人外有人,這些會比讓别人知道你是資優更重要,説真的,真正的資優是會發光,别人會感受到的,好過讓别人知道你是資優却平平庸庸

作者: hehababy 時間: 18-9-11 23:48 標題: 回覆樓主:

都係既，其實因為而家小三，諗緊好唔好問下老師學校對資優有冇支援或者附助，因為開始要為升中準備，睇下會唔會有咩訓練就諗起下佢

佢本身成績都幾好既

不過聽完你地意見，可能都係順其自然好啲

作者: LeeCC 時間: 18-9-12 07:32

我個無做過評估，但學校話佢有特質，俾佢參加校本資優計劃，和推薦出去大學和資優學苑

作者: sillydad 時間: 18-9-12 09:15

hehababy 發表於 18-9-11 01:27
想問下各位過來人，你地同學校講左小朋友係資優之後，學校會唔會因此俾多啲唔同既機會佢? 例如校隊果啲

又 ...

我仔的情況是沒有同學校講仔是資優, 因為我當時根本不懂什麼是資優。是學校發現, 再推薦去中大和資優學苑上課。班主任今年叫我仔試DP, 但我發覺和中大和資優學苑的可能撞時間, 研究中, 很頭暈。我相信很多過來人都不是"同學校講小朋友是資優"而是學校同家長講小朋友是資優。如果你講了你小朋友是資優會否多些機會成為校隊, 我不知道。但如果本身有能力在外比賽有拿獎, 自然學校會招你入隊。背負校隊之名和為自己拿獎, 壓力是不同的。你是中學會看重一個校隊成員但拿二三等獎, 還是一個非校隊成員拿一等獎/特等獎的學生呢？所以是否校隊不是關鍵, 反而能力才是關鍵。結論, 是否資優, 是否校隊都不重要, 有真實力才重要呀。

作者: hehababy 時間: 18-9-12 10:57 標題: 回覆樓主:

咁可能我仔喺學校冇乜資優既特質表現出黎

咁我都係等佢夠10歲自薦去資優學苑試下

作者: sillydad 時間: 18-9-14 08:42

hehababy 發表於 18-9-12 10:57
咁可能我仔喺學校冇乜資優既特質表現出黎
咁我都係等佢夠10歲自薦去資優學苑試下
...

如果有做智力評估, 可以再比學校跟進, 相信學校懂得處理的。

作者: 王家爸爸 時間: 18-9-14 18:07

hehababy 發表於 18-9-11 01:27
想問下各位過來人，你地同學校講左小朋友係資優之後，學校會唔會因此俾多啲唔同既機會佢? 例如校隊果啲

又 ...

如果小朋友既資優可以表現係成績度，例如語言（中英文）、數學特別出色，每個重要比賽都有獎，當然最好俾老師知道。

作者: sillydad 時間: 18-9-14 20:06

hehababy 發表於 18-9-12 10:57
咁可能我仔喺學校冇乜資優既特質表現出黎
咁我都係等佢夠10歲自薦去資優學苑試下
...

如果在學校無特質表現出來, 但你們平時又見到有, 你們就要和學校溝通, 講比學校知道。其實我覺得有些資優生是喜歡自己鑽研事物, 集體上課他們並不喜歡, 所以你都要了解小朋友是哪一類資優生。

作者: hehababy 時間: 18-9-21 23:34

王家爸爸發表於 18-9-14 18:07
如果小朋友既資優可以表現係成績度，例如語言（中英文）、數學特別出色，每個重要比賽都有獎，當然最好俾老 ...

佢又唔係成日攞獎，我冇同佢參加出面比賽，因佢係work processing同埋文字方面高分，所以喺學校可能比較難表現到，老師應該只會覺得佢比較聰明

作者: hehababy 時間: 18-9-21 23:38

sillydad 發表於 18-9-14 20:06
如果在學校無特質表現出來, 但你們平時又見到有, 你們就要和學校溝通, 講比學校知道。其實我覺得有些資優生 ...

其實我都係因為發覺佢記憶力好好，同埋對科學好有興趣，唔係佢年紀認知範圍既都會好記得，咁呢啲係唔會喺學校俾老師見到既，佢同同齡小朋友一樣都係鍾意玩同打機又多口果啲

作者: sillydad 時間: 18-9-22 00:32

hehababy 發表於 18-9-21 23:38
其實我都係因為發覺佢記憶力好好，同埋對科學好有興趣，唔係佢年紀認知範圍既都會好記得，咁呢啲係唔會喺 ...

先了解一下資優三環論, 看看幫唔幫到你。

作者: hehababy 時間: 18-9-23 10:53

sillydad 發表於 18-9-22 00:32
先了解一下資優三環論, 看看幫唔幫到你。

唔好意思，咩係資優三環論?

作者: sillydad 時間: 18-9-23 12:19

hehababy 發表於 18-9-23 10:53
唔好意思，咩係資優三環論?

是指有創意, 高度熱忱和中上智能。在資優學苑, 中大的講座和教育局網頁聽到或看到的。全球沒有統一標準何謂資優。而香港大好多數應該是採用了資優三環論去了解資優。希望有經驗的家長補充一下,我驚我講錯。

作者: 王家爸爸 時間: 18-9-24 09:10

本帖最後由王家爸爸於 18-9-24 09:12 編輯

hehababy 發表於 18-9-21 23:34
佢又唔係成日攞獎，我冇同佢參加出面比賽，因佢係work processing同埋文字方面高分，所以喺學校可能比較難 ...

其實香港咁多寫作比賽，參加一、二個比較有代表性既，攞個冠軍，就可能證明小朋友得。試下呢個：https://www.hkywa.com/ 或者 http://app4.rthk.hk/special/topstory2018/ ，入到圍已經唔錯。

作者: hehababy 時間: 18-9-26 23:02

王家爸爸發表於 18-9-24 09:10
其實香港咁多寫作比賽，參加一、二個比較有代表性既，攞個冠軍，就可能證明小朋友得。試下呢個：https://w ...

請教一下，咁如果數學或者常/通識呢啲，有冇邊啲有代表性啲既比賽呀? 因我仔作文唔係好得，反而呢2樣ok啲

作者: sillydad 時間: 18-9-27 06:12

hehababy 發表於 18-9-26 23:02
請教一下，咁如果數學或者常/通識呢啲，有冇邊啲有代表性啲既比賽呀? 因我仔作文唔係好得，反而呢2樣ok啲 ...

如果佢作文唔好,就先處理作文最實際。唔處理到高年級就很難搞了。

作者: 王家爸爸 時間: 18-9-27 08:27

hehababy 發表於 18-9-26 23:02
請教一下，咁如果數學或者常/通識呢啲，有冇邊啲有代表性啲既比賽呀? 因我仔作文唔係好得，反而呢2樣ok啲 ...

通識其實就係考作文，可以試下 Hong Kong Standard Writing Competition，寫 LS 既六個主題，入圍已經會被刊登喺 Standard Standard 度。

作者: 王家爸爸 時間: 18-9-27 08:34

hehababy 發表於 18-9-26 23:02
請教一下，咁如果數學或者常/通識呢啲，有冇邊啲有代表性啲既比賽呀? 因我仔作文唔係好得，反而呢2樣ok啲 ...

數學勁既可以試下呢個：
https://www.hkage.org.hk/en/competitions/detail/4287
每年二月搵老師提名參加。

作者: hehababy 時間: 18-9-27 08:54

sillydad 發表於 18-9-27 06:12
如果佢作文唔好,就先處理作文最實際。唔處理到高年級就很難搞了。

都有呀，不過佢都仲係小三，學校又唔係教快果啲，所以等佢慢慢黎，而家都係教下佢點諗多方面既野去寫

作者: hehababy 時間: 18-9-27 08:55

王家爸爸發表於 18-9-27 08:34
數學勁既可以試下呢個：
https://www.hkage.org.hk/en/competitions/detail/4287
每年二月搵老師提名參加。 ...

thanks! 但呢個好似係for中學，我再留意下先，唔該晒

作者: sillydad 時間: 18-9-27 13:11

王家爸爸發表於 18-9-27 08:34
數學勁既可以試下呢個：
https://www.hkage.org.hk/en/competitions/detail/4287
每年二月搵老師提名參加。 ...

這個是否給中學生的?樓主的小朋友好像是小學生。

作者: 持之以恆 時間: 18-9-27 13:32

sillydad 發表於 18-9-27 13:11
這個是否給中學生的?樓主的小朋友好像是小學生。

好似話資優生其中一項特點是自主超前學習，所以小學生分分鐘有中學生水平。

作者: 持之以恆 時間: 18-9-27 13:37

資優未必多啲機會，(而家多咗好多資優生)
績優可能多啲機會

作者: setom 時間: 18-9-27 14:50

持之以恆發表於 18-9-27 13:32
好似話資優生其中一項特點是自主超前學習，所以小學生分分鐘有中學生水平。 ...

那比賽只受中學學校報名的, 所以就算幼稚園生有大學水平都冇得參加.

作者: 持之以恆 時間: 18-9-27 14:58

setom 發表於 18-9-27 14:50
那比賽只受中學學校報名的, 所以就算幼稚園生有大學水平都冇得參加.

是嗎，我以為資優教苑會更靈活處理超前資優生個案。

作者: Anniemun 時間: 18-9-27 17:56

其實學苑會主動邀請同學上較高程度的course 架，我仔試過不只一次。

作者: jumbo_mandy 時間: 18-9-27 23:00

回覆 setom 的帖子

也不一定的，看得獎名單最後一名沒有打上學校名的銀獎得主，比賽時正正仍是一位小學四年級生，這位徐小朋友一直在公開的數學/奧數比賽，成績斐然！

作者: sillydad 時間: 18-9-27 23:26

持之以恆發表於 18-9-27 14:58
是嗎，我以為資優教苑會更靈活處理超前資優生個案。

資優學苑是受政府資助, 和官津校一樣, 很受限制。和大學辨的資優課程不同, 大學辦的有彈性和可貫徹自己的教育理念。

歡迎光臨教育王國 (/)