教育王國

標題: 劉鳴煒教青年面試「keep it simple」 [打印本頁]

作者: elbar 時間: 18-9-1 13:37 標題: 劉鳴煒教青年面試「keep it simple」

劉鳴煒（中）出席第三屆「香港青年服務領袖獎」，評選今屆出色嘅青年領袖，佢話要喺短短兩分鐘自我介紹中突圍而出，最緊要係簡潔咁話畀人知自己嘅特質。

【明報專訊】青年事務委員會副主席、華人置業主席劉鳴煒噚日出席第三屆「香港青年服務領袖獎」獎勵計劃評選日，做評審揀選優秀嘅制服團體青年領袖。佢教路，得兩分鐘介紹自己嘅話，最有利嘅策略係「keep it simple」，簡潔講出自己嘅特質、故事，𠵱家有人會借助工具或者科技幫手，但要打動人嘅關鍵唔係點表達，而係表達啲咩。

曾提出年輕人「睇少啲戲、去少啲日本」儲錢買樓論嘅劉鳴煒，周三接受港台節目訪問時透露，自己10歲生日父母送咗10萬蚊現金畀佢，佢之後半年一蚊都無使過，只係日日或隔日喺屋企數銀紙，之後就同阿媽開聯名戶口將錢放入銀行。呢段回憶成為熱話，噚日Emily想再了解下呢份生日禮物，但鳴煒就話只會答同個獎勵計劃有關嘅問題。

另一評審民政事務局政治助理黎穎瑜分享，有人批評現今年輕人「一代不如一代」，但佢就唔認同，話自己接觸好多年輕人都有自信、謙虛、願意聆聽同對社會有熱誠。佢笑言，面試時有問年輕人一啲高難度嘅問題，其中一條係點推廣香港，最深印象係有青年領袖話透過「sell香港人有拼勁」來推銷香港。佢又話，唔少年輕人願意返內地睇睇，好多普通話都好流利，呼籲青年擴闊視野、面向世界。

作者: JustAParent 時間: 18-9-1 22:13

elbar 發表於 18-9-1 13:37
劉鳴煒（中）出席第三屆「香港青年服務領袖獎」，評選今屆出色嘅青年領袖，佢話要喺短短兩分鐘自我介紹中 ...

佢教人見工？和尚教人梳頭

作者: kakaball 時間: 18-9-3 11:48

提示: 作者被禁止或刪除內容自動屏蔽

作者: Cheeselover 時間: 18-9-5 05:48 標題: 回覆樓主

相信他從來沒有見過工，亦可能無需要出面聘人的人來教人見工，是否有點可笑？猶如一個不曾下水當游泳教練或一名沒有上過戰場的教官教人如何打仗一樣。

作者: ABC-DAD 時間: 18-9-5 06:57

佢唔係教人見工，係個獎勵計畫嘅面試得兩分鐘，佢以評審嘅角度去畀意見。
無睇內文咩？

作者: judy 時間: 18-9-5 09:23

青年事務委員會副主席、華人置業主席劉鳴煒噚日出席第三屆「香港青年服務領袖獎」獎勵計劃評選日，做評審揀選優秀嘅制服團體青年領袖。佢教路，得兩分鐘介紹自己嘅話，最有利嘅策略係「keep it simple」，簡潔講出自己嘅特質、故事，𠵱家有人會借助工具或者科技幫手，但要打動人嘅關鍵唔係點表達，而係表達啲咩。

真一人之患。

作者: 星西部 時間: 18-9-5 12:48

提示: 作者被禁止或刪除內容自動屏蔽

作者: 星西部 時間: 18-9-5 12:53

提示: 作者被禁止或刪除內容自動屏蔽

作者: ilyrd 時間: 18-9-5 12:55

十歲至識由1數到100.重要學半年,寶小姐應該唔係帶佢去銀行,應該帶佢睇醫生.所以而家咪成日亂講野.

作者: ABC-DAD 時間: 18-9-5 13:17

好有水平

作者: AngieBeh 時間: 18-9-11 14:12

回覆 elbar 的帖子

聽佢講
肯定失業
瞓街

作者: ilyrd 時間: 18-9-11 14:43

都唔係嘅,做反面教材都有小小用.

作者: flyingcat 時間: 18-9-11 21:09

elbar 發表於 18-9-1 13:37
劉鳴煒（中）出席第三屆「香港青年服務領袖獎」，評選今屆出色嘅青年領袖，佢話要喺短短兩分鐘自我介紹中 ...

何不食肉糜？

講完

作者: 73662710 時間: 18-9-11 23:22

冇大留，zha dao.

歡迎光臨教育王國 (/)