教育王國

標題: 大埔區支持自閉症的幼稚園 [打印本頁]

作者: smallfish28 時間: 18-8-26 03:25 標題: 大埔區支持自閉症的幼稚園

我小朋友剛確診輕度自閉症，9月會讀k1, 但怕學校反應唔知會點，想早早知定有沒有其他支持自閉症小朋友的幼稚園？

作者: fandd 時間: 18-8-26 12:49

回覆 smallfish28 的帖子

小朋友能否「坐定定，聽指示」？如果唔得，就唔好比佢返主流K1，因既好難學到嘢，又影響其他小朋友；建議樓主應盡快揾坊間的兒童發展中心尋求協助。

作者: BOBOANAN 時間: 18-8-26 23:38 標題: 回覆樓主

小朋友讀半晝定全日？如果半晝的話最理想返埋密集，進步會好大，我見你d post你小朋友都係輕微,好快跟返上主流，當然又要洗一筆錢，如果負擔到梗係喺黃金治療期前幫小朋友，另外你排咗政府咩位？

作者: 彈珠人220 時間: 18-8-27 15:46

smallfish28 發表於 18-8-26 03:25
我小朋友剛確診輕度自閉症，9月會讀k1, 但怕學校反應唔知會點，想早早知定有沒有其他支持自閉症小朋友的幼 ...

你好，我睇番你之前嘅post，發現我個仔同你仔仔都好相似，我仔仔2歲半去咗協康會做評估 (同時排緊CAC)，教育心理學家話佢有自閉徵狀，但又唔算係自閉症，最後寫佢係輕微發展遲緩，而家排緊E位。未做評估前，我有搵上門言語治療師，評估後，我去咗一間中心上特殊幼兒訓練加言語治療，但特殊幼兒導師話佢唔似係自閉，語言發展亦都配合佢年齡，不過社交能力的確比較弱。仔仔嚟緊會喺大埔番N班了，我建議你可以睇下邊啲有到校服務，感覺覺得佢地會比較關注有需要嘅小朋友~

作者: ET19 時間: 18-8-28 08:53

smallfish28 發表於 18-8-26 03:25
我小朋友剛確診輕度自閉症，9月會讀k1, 但怕學校反應唔知會點，想早早知定有沒有其他支持自閉症小朋友的幼 ...

請問妳而家排緊咩服務?E定I?
如果間學校有到校而妳又想用的就要比學校知。
我仔仔大妳果個一年，上年K1，因為排緊S位，上年10月又有得免入息審查上高額特殊學習津貼，所以就算同一個月到校話收我都無要。

作者: smallfish28 時間: 18-8-28 15:32

我都唔知我排緊咩位，我唔知係唔係社署個人廢，佢話係一條隊咁排，排到再揀，係唔係真架？定佢玩我？

作者: lobb2015 時間: 18-8-28 17:16

smallfish28 發表於 18-8-28 15:32
我都唔知我排緊咩位，我唔知係唔係社署個人廢，佢話係一條隊咁排，排到再揀，係唔係真架？定佢玩我？ ...

你填表填咗啲咩？

作者: nclhtp 時間: 18-9-2 08:09

回覆 smallfish28 的帖子

李榮基，有政府到校服務老師都有愛心，識處理同理解自閉症小朋友
我仔k2時被老師發現的，好多謝佢
現讀k3

歡迎光臨教育王國 (/)