教育王國

標題: 想請教~ 我做姑媽的，可否插手BB幼稚園學校的事務？ [打印本頁]

作者: 晴晴浩浩 時間: 18-8-24 17:31 標題: 想請教~ 我做姑媽的，可否插手BB幼稚園學校的事務？

如題

謝謝！

作者: 晴晴浩浩 時間: 18-8-24 17:46 標題: 回覆樓主

家裏都有豐富的資源及人手，目標是幫小朋友入讀心儀小學，身為姑媽的我，有大學學歷，唔知能否插手小朋學校事務呢？

作者: 小鼠 時間: 18-8-24 21:10 標題: 回覆樓主

一般學校只要求家長參與活動，請問你想點插手呢？能否考到心儀小學，我覺得同家長有冇大學學歷無直接或者必然關係。

作者: 晴晴浩浩 時間: 18-8-24 21:47

小鼠發表於 18-8-24 21:10
一般學校只要求家長參與活動，請問你想點插手呢？能否考到心儀小學，我覺得同家長有冇大學學歷無直接或者必 ...

謝謝你，因為我是姑媽身分，我會全職與做主力的弟婦即小朋友媽咪合作，在德育及學術方面教導小朋友，而湊小朋友就由兩個工人姐姐及嫲嫲幫手，每天除了小朋友上學的三小時之外，每天我都會有大約5個小時和他們一起玩耍及學習，其實我好想和老師溝通了解他們上學的情況及進度，睇睇我可以如何配合學校⋯⋯但唔知咁做會唔會令學校添了一些行政上不便⋯⋯

作者: momo_cheung 時間: 18-8-24 21:50

本帖最後由 momo_cheung 於 20-4-16 22:17 編輯

....

作者: 晴晴浩浩 時間: 18-8-24 22:19

momo_cheung 發表於 18-8-24 21:50
我想是每間學校的安排和處理也不同。對於幼兒園，好重視家校合作，如果你日常本身管接管送，老師主任也認 ...

謝謝你！

作者: AAV 時間: 18-8-25 18:18

晴晴浩浩發表於 18-8-24 21:47
謝謝你，因為我是姑媽身分，我會全職與做主力的弟婦即小朋友媽咪合作，在德育及學術方面教導小朋友，而湊 ...

我覺得你同你弟婦夾下會好d. 如果你弟婦好歡迎你監護人，好歡迎你一齊教仔，咁佢就會同你合作無間啦。但如果佢唔歡迎唔同意，咁你去理就講唔過去。學校都唔會同你交代。

作者: lazygirlaaa 時間: 18-8-26 01:10

晴晴浩浩發表於 18-8-24 21:47
謝謝你，因為我是姑媽身分，我會全職與做主力的弟婦即小朋友媽咪合作，在德育及學術方面教導小朋友，而湊 ...

一切應尊重小朋友媽媽意願，如你已同弟婦夾好，相信處理小朋友私人既事無問題，但學校幾本上只會同父母交代小朋友既事，我相信除左家庭有問題導致父母不能親自處理，學校先會特別處理，始終學校咁學生，個個學生都有親人想知道進度，學校咪好麻煩？不過，如你弟婦向學校表明一切請先聯絡姑媽，佢唔會得閒，咁相信學校一定會搵你先。以我所知，學校一切都會以父母為先。

作者: 菩提子 時間: 18-10-2 13:47

本帖最後由菩提子於 18-10-2 13:48 編輯

做為姑媽,最好做返姑媽的本份, 家中每人也有自己應有的角色..教育小朋友,主要是父母的職責; 若小朋友的父母(真心唔介意你插手)你可以適量地俾點建議,但不能強行要別人跟你一套;

小朋友的教育,最好都是父母去主導,多人唔同意見,小朋友也難以適應..作為姑媽的,可以在小朋友放學後適量輔導功課, 但最好唔好插手學校與家長之間的事, 這不單影響力你弟/弟婦給學校的印象(無能力自理自己小朋友..誤會家庭環境複雜)..也影響到小朋友在校形象...

換個角色,你姑奶插手你的家事/教育子女的事, 你又感覺如何?
這你弟/弟婦的家事..各安本份就最好..

作者: popofat 時間: 18-10-3 00:35 標題: 回覆樓主

其實咁樣會唔會令到學校的老師同其他同學家長誤會你D 姪係家庭有問題先要姑媽出面,個阿媽冇話事權？咁樣可能令到你D 姪俾同學笑或排擠，有陰影。分分鐘害咗佢地

作者: 龍哥KL 時間: 18-10-3 14:39

晴晴浩浩發表於 18-8-24 17:46
家裏都有豐富的資源及人手，目標是幫小朋友入讀心儀小學，身為姑媽的我，有大學學歷，唔知能否插手小朋學校 ...

好奇一問，係乜嘢驅使你想插手姪仔學校事務呢？

作者: asukav6 時間: 18-10-3 15:21 標題: 回覆樓主:

有冇問過弟婦先？呢Ｄ最好唔好插手，唔好以為有大學學歷就好威好叻，而家通街Ｄ人都係大學畢業，唔想自己係婆媳版出現，麻煩做返姑媽本份，唔好插手咁多！

作者: boojiji 時間: 18-10-4 18:07

雖然每一個家庭有佢地既故事, 但照牌面睇, 有兩個工人加嫲嫲 (即係3個全職) 湊小朋友都唔夠, 仲要加個全職姑媽.....total 4個人日日包圍住小朋友, 聽到都覺得好大壓力

作者: livelihood 時間: 18-10-4 23:06

晴晴浩浩發表於 18-8-24 21:47
謝謝你，因為我是姑媽身分，我會全職與做主力的弟婦即小朋友媽咪合作，在德育及學術方面教導小朋友，而湊 ...

我都覺得你應該守番你作為姑媽既位置
我作為一個媽媽，都最討厭有人好似取代左自己位置咁

作者: smilesmilefan 時間: 18-10-7 16:43 標題: 回覆樓主

好似有點奇怪，姑媽去理學校的事，除非有特別原因，否則點會有媽媽唔想直接聯絡老師，要由姑媽去做，我諗你同弟婦談談好點

作者: Vividada4472 時間: 18-10-8 11:39

都唔明點解姑媽要插手

作者: taiyeung 時間: 18-10-9 00:04 標題: 回覆樓主

樓主你唔係有對孖b咩？仲有咁多時間去「插手」姪仔姪女既事？定係對孖b係你個姪？

作者: markey 時間: 18-10-13 18:26

提示: 作者被禁止或刪除內容自動屏蔽

作者: day_bo 時間: 18-10-16 13:25

晴晴浩浩發表於 18-8-24 17:31
如題

謝謝！

除非弟婦主動叫你幫忙或比意見，否則不要插手別人的家事或育兒事情。老實說，我很討厭D姑姐對細佬D家事給予大小評語（尢其單身，完全冇生育、揍仔經驗），何況插手更加接受唔到，如堅持我會開口反對，唔理佢嬲唔嬲。

作者: crystal媽咪 時間: 18-10-21 12:54

晴晴浩浩發表於 18-8-24 17:31
如題

謝謝！

如果父母填咗你係監護人或者主要接送照顧者，可以插手

歡迎光臨教育王國 (/)