教育王國

標題: 分享青衣琴行學鋼琴的經歷 [打印本頁]

作者: audreiabbie 時間: 18-8-23 14:07 標題: 分享青衣琴行學鋼琴的經歷

我的小朋友在青怡花園B琴行學琴已有四年，小朋友只係為興趣學，沒有任何考試或比賽。四年來，除了暑假會同小朋友去旅行請一天假之外，極少會請假唔學琴。但四年內，我小朋友在同一琴行已經換咗六個老師，現在的一個都講俾我聽教埋今個月就唔教。準備換第七個老師喇！初初我小朋友仲細，要換老師就算唔鐘意都唔會話唔學，現在開始大個，上一堂老師講完會唔教返到屋企我小朋友同我講可唔可以搵個一直教佢既老師⋯我唔明點解琴行可以不停換新老師。這個都唔止，個個小朋友都有固定時間上課，琴行時不時就打電話問我可唔可以嚟緊個堂轉第二個時間，仲要係上堂前一晚先問我，我都盡量就喇，最過份係暑假時間琴行話因爲其他學生要回鄉成個月都唔學住，所以問我可唔可以轉時間方便老師連續上堂。我明白老師緊係想盡量group埋一齊上堂，咁點解琴行可以無限次俾學生請假？有心學習係唔會段段續續咁上堂，講起請假又係勞氣，我小朋友有一次請假，但琴行一直無同我約補堂，最後個補堂係五個月後我要親自問老師有沒有時間補堂，老師同琴行講返先補返。我個次再問琴行幾耐之前一定要補堂，琴行先同我講幾耐都得。我本身都差D唔記得咗請假個堂，如果D學生成日請假又無mark低有幾多堂補堂，拖拖下都唔記得囇喇。

作者: migohappy 時間: 18-8-23 21:36

audreiabbie 發表於 18-8-23 14:07
我的小朋友在青怡花園B琴行學琴已有四年，小朋友只係為興趣學，沒有任何考試或比賽。四年來，除了暑假會同 ...

琴行留唔住老師都無計，比著係我，到轉第三個老師時，我會索性搵私人教，仲要成日改時間，真係彩佢都傻

作者: ak1020 時間: 18-8-26 12:00 標題: 回覆樓主

通常因爲琴行待遇太刻薄, 所以老師成日走, 而新請嘅又大多經驗不足, 所以最好都係搵私人老師學

請假方面, 琴行都收咗你錢, 當然補唔補堂對佢來講唔重要啦，佢又點會主動提你

, 所以最好自己記低

作者: audreiabbie 時間: 18-8-27 17:39

migohappy 發表於 18-8-23 21:36
琴行留唔住老師都無計，比著係我，到轉第三個老師時，我會索性搵私人教，仲要成日改時間，真係彩佢都傻

...

我都覺得自己好蠢，我終於搵咗私人老師教琴，真係無眼睇

作者: audreiabbie 時間: 18-8-27 17:44

ak1020 發表於 18-8-26 12:00
通常因爲琴行待遇太刻薄, 所以老師成日走, 而新請嘅又大多經驗不足, 所以最好都係搵私人老師學

請假方面, ...

開頭係果間琴行學都係為咗方便，點知道會咁

我聽小朋友講佢同學仔係其他琴行學都無咁嘅情況，都唔知話自己唔好彩搵咗間咁嘅琴行定咩好⋯

真係好彩我有記低請假嘅堂，真係會無啦啦無咗堂都唔知啊！

作者: musiclei 時間: 18-8-30 21:59

提示: 作者被禁止或刪除內容自動屏蔽

作者: Melmon 時間: 18-9-2 10:05 標題: 回覆樓主

提示: 作者被禁止或刪除內容自動屏蔽

作者: audreiabbie 時間: 18-9-2 11:41

musiclei 發表於 18-8-30 21:59
我十分同情樓主既情況，我曾經收過一個好乖嘅學生，開始上堂時佢話俾我知佢差唔多每年都因為老師唔教而要轉 ...

你個學生真好彩能遇到你，我都希望我不再需要找新老師喇！

作者: audreiabbie 時間: 18-9-2 11:48

Melmon 發表於 18-9-2 10:05
租貴，俾唔起錢俾老師，無辦法

我信開琴行嘅除了想賺錢都係想學生學到嘢嘅，但既然成本超出預算就不要勉強嘛⋯⋯唔會開得琴行但咁無良心唔理學生感受呱⋯咁不如求其開間boutique算⋯

作者: kakaball 時間: 18-9-3 12:00

提示: 作者被禁止或刪除內容自動屏蔽

作者: ak1020 時間: 18-9-3 16:52

audreiabbie 發表於 18-9-2 11:48
我信開琴行嘅除了想賺錢都係想學生學到嘢嘅，但既然成本超出預算就不要勉強嘛⋯⋯唔會開得琴行但咁無良心 ...

其實我知你講邊間琴行，因我仔未搬前都係於此琴行學，所以略聞佢地點樣無良心地對老師，引致好多老師劈炮唔撈，包括我仔當時的老師

印象中老闆自己原本都係鋼琴教師，但竟然都咁無良心對待其他老師及學生，真可悲

作者: audreiabbie 時間: 18-9-4 00:09

kakaball 發表於 18-9-3 12:00
我朋友個仔學琴都係，已經換左8個老師

作者: audreiabbie 時間: 18-9-4 00:15

ak1020 發表於 18-9-3 16:52
其實我知你講邊間琴行，因我仔未搬前都係於此琴行學，所以略聞佢地點樣無良心地對老師，引致好多老師劈炮 ...

係啊！我都聽過老闆都係教琴，雖然唔知佢點對其他老師，但咁多老師頻頻走都唔方好做。周圍都係琴行，又唔見其他琴行嘅老師成日唔做⋯⋯咁你仔仔現在去左第二度學喇？

作者: ak1020 時間: 18-9-4 08:45

audreiabbie 發表於 18-9-4 00:15
係啊！我都聽過老闆都係教琴，雖然唔知佢點對其他老師，但咁多老師頻頻走都唔方好做。周圍都係琴行，又唔 ...

現跟私人老師學了

作者: audreiabbie 時間: 18-9-4 17:50

ak1020 發表於 18-9-4 08:45
現跟私人老師學了

我都搵了私人老師，希望大家小朋友都學得好喇！我都估唔到有開教育有關嘅老闆可以咁無良心

作者: yammy2013 時間: 18-11-2 23:12

提示: 作者被禁止或刪除內容自動屏蔽

歡迎光臨教育王國 (/)