教育王國

標題: 譚鐵牛講創科：想有狀元揀理工科 [打印本頁]

作者: elbar 時間: 18-8-15 10:09 標題: 譚鐵牛講創科：想有狀元揀理工科

本帖最後由 elbar 於 18-8-15 10:14 編輯

中聯辦副主任譚鐵牛（左）去公開大學主講《創科發展：全球新態勢、國家新形勢與香港新機遇》，離開時唔回應傳媒有關陳浩天嘅提問，行另一邊樓梯走人。右為校長黃玉山。

【明報專訊】中聯辦副主任譚鐵牛噚日去公開大學演講，分享中國現時嘅創科發展，及香港可以點抓緊機遇同內地合作。近年香港大力發展創科，不過學生就畀人話好實際，多數揀商科及讀醫科，譚鐵牛話文憑試（DSE）放榜時，佢最緊張係狀元想讀咩科，話「希望有人選理工科」，幫手一齊發展吓科技。Emily睇番今年狀元選科，就見到無人揀理工科。

講到噚日個講座，譚鐵牛話中國創科發展得好快，喺國際上都有競爭力，不過仲係有啲限制，例如𠵱家可以做帶領嘅人才唔多，原創能力亦都未夠強，同埋高科技嘅出產未算多，而發展某啲科技時所需嘅核心技術，現時仍受制於人。佢又話國家發展大灣區，香港原本嘅創科根基好，又係高度國際化城市，可以喺大灣區發揮重要角色。

歡迎光臨教育王國 (/)