教育王國

標題: 莊啟程書院擬招初中生 [打印本頁]

作者: elbar 時間: 18-8-13 11:13 標題: 莊啟程書院擬招初中生

保良局莊啟程預科書院擬最快兩年後招收中一新生。

曾經是高考「A工廠」的保良局莊啟程預科書院，自新高中學制推行後，改為開辦中四至中六高中課程，惟近年書院光環褪色，有指書院取錄的學生質素參差，未有如以往在公開試普遍取得優異成績。校方決心求變，擬最快兩年後開始招收中一新生，逐步發展成一所有廿四班、開辦中一至中六的學校。事件引起學生及家長關注，擔心校方師資及設施能否配合學校發展。

保良局莊啟程預科書院現時為全港唯一一間政府津貼高中，校方與保良局唐乃勤初中書院屬聯繫學校合作關係，會接收唐乃勤的中三畢業生升讀中四。據了解，唐乃勤的畢業生質素，始終與以往莊啟程預科書院的收生水平有一定的距離，有家長認為受唐乃勤「拖累」，令莊啟程預科書院的中學文憑試整體成績不如以往高考般標青，亦無出產文憑試狀元。

諮詢後申請冀兩年後落實

有見及此，莊啟程預科書院密謀變革，據知學校法團校董會早前開會，原則上同意書院在兩或三年後開始招收中一學生，自行由中一起培訓學生，確保質素，校方早前諮詢全體老師及家校會後，再舉辦家長諮詢會，收集家長意見，了解家長是否支持在二○二○或二○二一年九月起開始招收中一生。待收集各持份者意見後，校方會向教育局提出申請。

以往會考放榜後，保良局莊啟程預科書院都吸引大批學生報讀。

唐乃勤或脫龍家長表憂心

不少家長對書院轉型持開放態度，認為書院可控制收生質素是好事，但有家長指書院未開辦過初中課程，未知老師是否適應教學需要，部分家長則擔心不少唐乃勤學生以為可直升莊啟程而報讀，兩校一旦脫龍會令學生大失所望。保良局發言人表示，重視學生全人發展，屬下學校均會按校本情況，考慮學生及社會需要而制訂發展藍圖。對於莊啟程預科書院的轉型問題，保良局稱有關發展計劃均會先諮詢持份者，再由學校法團校董會審批。

作者: hkpapa852 時間: 18-8-13 12:02

elbar 發表於 18-8-13 11:13
保良局莊啟程預科書院擬最快兩年後招收中一新生。

嘩! 到底以吓呢段嘢, 係乜水既意見?

據了解，唐乃勤的畢業生質素，始終與以往莊啟程預科書院的收生水平有一定的距離，有家長認為受唐乃勤「拖累」，令莊啟程預科書院的中學文憑試整體成績不如以往高考般標青，亦無出產文憑試狀元。

似乎將D說話倒轉嚟講.....

唐乃勤每年收咗唔少B2A同B2B學生, 但莊多年嚟, 校務報告對DSE成績, 都只係話各科表現和全港平均相約.

到底係初中既唐唔掂, 定係高中既莊為學生帶來負增值呢?

不過記住, 分手要狠, 反正都係食之無味, 棄之可惜.

作者: 大件仔 時間: 18-8-13 13:08

現今教育制度下, 高中還有能力收到B1生? 有能力成為一間英文中學?有機會脫龍後只收到B2-B3生, 做一間中文中學。

作者: fatman69 時間: 18-8-13 16:35 標題: 回覆樓主:

若落實脫龍，唐乃勤banding肯定直插冇番身！

作者: hkpapa852 時間: 18-8-13 16:36

fatman69 發表於 18-8-13 16:35
若落實脫龍，唐乃勤banding肯定直插冇番身！

應該結果係: 攬炒

作者: fatman69 時間: 18-8-13 17:17

hkpapa852 發表於 18-8-13 16:36
應該結果係: 攬炒

莊中襯自己仲有小小品牌效應，脫龍係正確，但有冇想過當年莊中最風光之時係時勢及制度所做成，是學生有料定莊中教得好？真係吾知！而近年唐初亦不爭氣，交不到B1生上去，上下矛盾日增，脫龍係遲早的事。
相信脫龍後莊/唐會直接競爭，估計莊有品牌效應會收到好學生，但要好好把握，若做不到成績就打回原型。而唐初方面問題就大好多，收生人數/質素都會大跌，要及早為自己定位方為上策！

作者: 猴子爸 時間: 18-8-13 17:23

港华 vs 华小；唐初 vs 莊中。故事教训我们，不要单单依靠别人，要做好自己，否则到某天被人嫌弃，很难翻身。

作者: fatman69 時間: 18-8-13 20:06

猴子爸發表於 18-8-13 17:23
港华 vs 华小；唐初 vs 莊中。故事教训我们，不要单单依靠别人，要做好自己，否则到某天被人嫌弃，很难翻 ...

本帖最後由 fatman69 於 18-8-13 20:07 編輯

華仁情況不同，至少係獨立中/小，點升跌兩間都可生存。
但莊唐不同，其實2而為1間學校，而家係高中不滿初中教學要另起初中，迫唐中自組高中，呢次「篡唐」隨時令唐初返吾到身，建議唐初改名叫埋莊初，由莊中直接管理好過！

作者: lopoto 時間: 18-8-13 21:59

好奇一問，恒商當年都好似係得中六七讀，
轉制後點解恒商又可以升格做私立大學，但莊啟程就只係做高中書院(係莊啟程自己揀定要教統局批?)

而莊啟程仲係得中六七讀的時候，唐乃勤都係初中書院(得中一至中三)? 咁中三D學生會去邊，又未同莊啟程聯繫。

作者: 猴子爸 時間: 18-8-13 22:07

fatman69 發表於 18-8-13 20:06
本帖最後由 fatman69 於 18-8-13 20:07 編輯

華仁情況不同，至少係獨立中/小，點升跌兩間都可生存。

係嘅，唐初肯定慘d, 但其實當初一早知唐初係band2/3而已，用三年時間升level到band1, 再同莊中接軌，若做唔到，sorry, 係咁先。之後呢，唐初自己搞埋高中？亦只會係band3格局

作者: fatman69 時間: 18-8-13 22:19

lopoto 發表於 18-8-13 21:59
好奇一問，恒商當年都好似係得中六七讀，
轉制後點解恒商又可以升格做私立大學，但莊啟程就只係做高中書院( ...

唐初前身好似係實用中學，有冇JM過來人可以講吓！

作者: nillnill 時間: 18-8-14 01:05

lopoto 發表於 18-8-13 21:59
好奇一問，恒商當年都好似係得中六七讀，
轉制後點解恒商又可以升格做私立大學，但莊啟程就只係做高中書院( ...

恆商好似由頭都尾都係私立，背後水喉係恆生，無得比。

作者: worldcat 時間: 18-8-14 09:54

lopoto 發表於 18-8-13 21:59
好奇一問，恒商當年都好似係得中六七讀，
轉制後點解恒商又可以升格做私立大學，但莊啟程就只係做高中書院( ...

一來恒商係私立，二來恒商係好早已經有商業文憑課程，預科只係其中部分課程。比較後期時，已經主力做專上課程。轉左334無左預科，淨返專上課程亦改名做恒管。

唐初開始(前身)係實用中學，中三後可以升工業學院/職業先修，或者出嚟工作。

作者: 猴子爸 時間: 18-8-14 10:41

本帖最後由猴子爸於 18-8-14 10:51 編輯

worldcat 發表於 18-8-14 09:54
一來恒商係私立，二來恒商係好早已經有商業文憑課程，預科只係其中部分課程。比較後期時，已經主力做專上課 ...

只是恒商改为纯私立大学/专上学院，也不见得很成功。劲学生哪有去恒商而不读3大or理大城大？
至于唐初，我记得开始时势头蛮好的，校风也控制得颇严，学术也有要求，不知为什么近几年每况愈下，莊中做这决定也是有理由的。但众所周知，当年莊中尽收会考分数很高，但又进不了神校预科班的那批学生，所以A-Level成绩好，有一个重要原因是生源好。现在自己收F1，油尖区的band1学生会把莊中排第几？

作者: worldcat 時間: 18-8-14 13:57

猴子爸發表於 18-8-14 10:41
只是恒商改为纯私立大学/专上学院，也不见得很成功。劲学生哪有去恒商而不读3大or理大城大？
至于唐初，我 ...

樓上問點解恒商可以轉營專上，莊院就無轉。同恒商好唔好無關係。

作者: 猴子爸 時間: 18-8-14 14:02

worldcat 發表於 18-8-14 13:57
樓上問點解恒商可以轉營專上，莊院就無轉。同恒商好唔好無關係。

我只是想讲，转了都未必好

不必那么认真

作者: 王家爸爸 時間: 18-8-15 08:47

lopoto 發表於 18-8-13 21:59
好奇一問，恒商當年都好似係得中六七讀，
轉制後點解恒商又可以升格做私立大學，但莊啟程就只係做高中書院( ...

其實情況好唔同，恒商當年係「A」工廠，比B1A仲「A」。而莊就係「E」工廠，攞C、攞D都可能要還神。

作者: 猴子爸 時間: 18-8-15 09:13

王家爸爸發表於 18-8-15 08:47
其實情況好唔同，恒商當年係「A」工廠，比B1A仲「A」。而莊就係「E」工廠，攞C、攞D都可能要還神。 ...

当年莊中入U率好劲ga，一定不是“E”工廠

作者: elbar 時間: 18-8-15 09:27

本帖最後由 elbar 於 18-8-15 09:30 編輯

猴子爸發表於 18-8-15 09:13
当年莊中入U率好劲ga，一定不是“E”工廠

算啦；吹水佬講嘢，不用太認真

作者: 猴子爸 時間: 18-8-15 09:28

elbar 發表於 18-8-15 09:27
算啦；吹水... 講嘢

作者: 猴子爸 時間: 18-8-15 09:51

elbar 發表於 18-8-15 09:27
算啦；吹水佬講嘢，不用太認真

"王家爸爸“不是EK的中坚份子吗？讲野擲地有声ga, 应该。。。

作者: elbar 時間: 18-8-15 09:59

猴子爸發表於 18-8-15 09:51
"王家爸爸“不是EK的中坚份子吗？讲野擲地有声ga, 应该。。。

正所謂唔識就當神咁拜，識就笑/嚇死

作者: 王家爸爸 時間: 18-8-15 14:58

猴子爸發表於 18-8-15 09:13
当年莊中入U率好劲ga，一定不是“E”工廠

同恒商比較又真係差好遠下。

作者: 王家爸爸 時間: 18-8-15 15:01

elbar 發表於 18-8-15 09:59
正所謂唔識就當神咁拜，識就笑/嚇死

總好過「elbar」啲吹屎佬。

作者: fatman69 時間: 18-8-15 15:24 標題: 回覆樓主:

恒商/莊預係兩種吾同嘅野，客路不同，點比較！
理性討論番莊/唐脫龍問題仲好啦！

作者: 猴子爸 時間: 18-8-15 15:32

王家爸爸發表於 18-8-15 14:58
同恒商比較又真係差好遠下。

QC年年出状元，当然是“A”工廠曾记好似未试过出状元，但不等于是“E”工廠卦

作者: 王家爸爸 時間: 18-8-15 15:39

fatman69 發表於 18-8-15 15:24
恒商/莊預係兩種吾同嘅野，客路不同，點比較！
理性討論番莊/唐脫龍問題仲好啦！
...

理性啲睇，莊預成績差，其實得兩種可能，一係莊預自己教得差，一係唐升上去既學生差。如果話唐差，所以莊差，其實外人係唔夠資料評論既。

作者: 王家爸爸 時間: 18-8-15 15:46

fatman69 發表於 18-8-15 15:24
恒商/莊預係兩種吾同嘅野，客路不同，點比較！
理性討論番莊/唐脫龍問題仲好啦！
...

換轉另一個角度睇，唐其實唔少人報，唔算係太冷門既學校，所以應該唔係收到最差既學生。但係莊預既成績差，基本上無可能係只有一間有問題，應該係莊/唐都有責任，脫龍唔可能根本地解決到問題，反而真係有機會攬炒。

作者: elbar 時間: 18-8-15 15:54

本帖最後由 elbar 於 18-8-15 15:56 編輯

猴子爸發表於 18-8-15 15:32
QC年年出状元，当然是“A”工廠曾记好似未试过出状元，但不等于是“E”工廠卦
...

你真識貨，莊預都出過高考狀元

全港15名狀元　恒商佔8人

作者: 猴子爸 時間: 18-8-15 15:56

王家爸爸發表於 18-8-15 15:46
換轉另一個角度睇，唐其實唔少人報，唔算係太冷門既學校，所以應該唔係收到最差既學生。但係莊預既成績差， ...

同意你的讲法。唐有99%没落的机会。莊有90%没落的机会，分别是如果莊有能力把new F1 intake 很有可能是band2头那批学生做上去，变成DSE band1中的料子，就可以成功。这个大工程，大把band2学校在努力，但好像看不到有哪一间很成功过。沙田崇真算不算是一个成功例子？

作者: hkpapa852 時間: 18-8-15 16:14

猴子爸發表於 18-8-15 15:56
同意你的讲法。唐有99%没落的机会。莊有90%没落的机会，分别是如果莊有能力把new F1 intake 很有可能是ba ...

坦白講, 如果莊開初中, 而你個小朋友係B1學生, 會唔會叫佢揀?

我就一定唔會.

作者: elbar 時間: 18-8-15 16:18

hkpapa852 發表於 18-8-15 16:14
坦白講, 如果莊開初中, 而你個小朋友係B1學生, 會唔會叫佢揀?

我就一定唔會.

要睇教育局會否俾莊一開中一就全英文班

作者: 猴子爸 時間: 18-8-15 16:20

hkpapa852 發表於 18-8-15 16:14
坦白講, 如果莊開初中, 而你個小朋友係B1學生, 會唔會叫佢揀?

我就一定唔會.

如果是B2, 就值得博wo

作者: hkpapa852 時間: 18-8-15 16:22

猴子爸發表於 18-8-15 16:20
如果是B2, 就值得博wo

油尖旺的確缺乏一D有質素既B2中學

作者: 猴子爸 時間: 18-8-15 16:23

elbar 發表於 18-8-15 16:18
要睇教育局會否俾莊一開中一就全英文班

教育局怎样决定呢？应该根据唐的数据？因为在教育局的眼中，唐和莊是一体化来看待？新的津校，是否可以一开始就是英文中学？

作者: fatman69 時間: 18-8-15 16:42

王家爸爸發表於 18-8-15 15:46
換轉另一個角度睇，唐其實唔少人報，唔算係太冷門既學校，所以應該唔係收到最差既學生。但係莊預既成績差， ...

本帖最後由 fatman69 於 18-8-15 16:43 編輯

唔脫龍莊預係吾心息嘅！
假設脫龍後，原本有10個人想報唐初，都會有9個直接報莊預好過。
所以脫龍只會對莊有利，對唐不利！
兩兄弟分身家，大佬係著數D嘅！

作者: fatman69 時間: 18-8-15 16:58

猴子爸發表於 18-8-15 16:23
教育局怎样决定呢？应该根据唐的数据？因为在教育局的眼中，唐和莊是一体化来看待？新的津校，是否可以一开 ...

唐現在是全英的，莊可能襯唐仲未跌band，嗱嗱林脫龍開全英中一，收一批比唐更加好的中一仔，食住個勢年年增值咁就變B1校！

作者: 猴子爸 時間: 18-8-15 17:01

fatman69 發表於 18-8-15 16:58
唐現在是全英的，莊可能襯唐仲未跌band，嗱嗱林脫龍開全英中一，收一批比唐更加好的中一仔，食住個勢年年 ...

唐是全英中？即是band1学校？

作者: elbar 時間: 18-8-15 17:07

本帖最後由 elbar 於 18-8-15 17:08 編輯

猴子爸發表於 18-8-15 17:01
唐是全英中？即是band1学校？

資料顯示有分中英文班

2018/2019 學年擬開設科目	: [td]中一至中三
以中文為教學語言：	: [td]中國語文、通識教育、中國歷史、普通話、圖書館課、成長課、全方位學習課、其他學習經歷課
以英文為教學語言：	: [td]英國語文、數學、科學（中一及中二）、組合科學（中三包括物理、化學、生物）
按班別/組別訂定教學語言/校本課程：	: [td]中國語文（普通話）（中一）電腦、地理、歷史（中一及中二）、商業會計（中三）、經濟（中三）、家政（中一及中二）、設計與科技（中一及中二）、音樂、視覺藝術、體育

* 有英語延展教學活動。

作者: fatman69 時間: 18-8-15 17:12

elbar 發表於 18-8-15 17:07
資料顯示有分中英文班

識家長，六班中一都係用英文書，至於學生有冇英中能力就吾知了！

作者: elbar 時間: 18-8-15 17:17

本帖最後由 elbar 於 18-8-15 17:17 編輯

fatman69 發表於 18-8-15 17:12
識家長，六班中一都係用英文書，至於學生有冇英中能力就吾知了！

咁都要睇所收學生質素

作者: 猴子爸 時間: 18-8-15 17:17

fatman69 發表於 18-8-15 16:42
本帖最後由 fatman69 於 18-8-15 16:43 編輯

唔脫龍莊預係吾心息嘅！

如果莊只想做間band2學校就有利，若只是攞番報唐嗰d學生，而莊想重振昔日輝煌的話，應該冇乜着數

作者: 猴子爸 時間: 18-8-15 17:19

fatman69 發表於 18-8-15 17:12
識家長，六班中一都係用英文書，至於學生有冇英中能力就吾知了！

明显没有啦，否则怎会想脱龙？

作者: elbar 時間: 18-8-15 17:20

猴子爸發表於 18-8-15 17:17
如果莊只想做間band2學校就有利，若只是攞番報唐嗰d學生，而莊想重振昔日輝煌的話，應該冇乜着數
...

估計莊最終目標係收 band 1 生

作者: fatman69 時間: 18-8-15 17:31

elbar 發表於 18-8-15 17:17
咁都要睇所收學生質素

講招牌一定係莊好過唐，莊自己招中一，一定比唐好。

作者: fatman69 時間: 18-8-15 17:33

猴子爸發表於 18-8-15 17:19
明显没有啦，否则怎会想脱龙？

唐近年多負面野，冰封三尺，收生質素日差係事實！

作者: fatman69 時間: 18-8-17 18:11 標題: 回覆樓主:

有冇莊/唐家長講吓個人睇法？

歡迎光臨教育王國 (/)