教育王國

標題: 自閉+發展遲緩 [打印本頁]

作者: Cherry0401 時間: 18-7-30 22:54 標題: 自閉+發展遲緩

本帖最後由 Cherry0401 於 18-7-30 22:55 編輯

我細b依家2y10m，十日前cac評估左係自閉+發展遲緩，需要排E位+S位+高津，醫生話S位一般要排一至兩年，期間如有高津或E位可以做住訓練先。

我細b至今仍未戒片，但8月尾要返K1了(主流幼稚園)，而學校明確講明唔比著尿片褲返學，而且我細b情況比較差，我一直擔心學校未必包容到佢。

作者: Cherry0401 時間: 18-7-30 22:54 標題: 回覆樓主：

本帖最後由 Cherry0401 於 18-8-6 23:14 編輯

上星期我有打電話同副校長講左細b情況，而副校長都有問過我會否同細b轉校，不過既然我都註左冊，又交晒上學期費用，我自己就想比佢試下返住先，但一方面又好怕學校接受唔到佢。

我細b係9月b，就算今年唔讀住，下年先讀k1做大b都ok的，我依家個心十五十六，唔知應該點算好。

作者: zhuyimin 時間: 18-7-31 08:39

趁仲有一個月, 你可以試下報坊間的密集班, 睇下可唔可以幫到佢介片.

我個仔都係一樣, 9月返主流幼稚園, 但我諗住幼稚園都係當去玩, 主菜係去返密集班, 等派S 位.

作者: twinstar_baby 時間: 18-8-6 23:39 標題: 回覆樓主

我分享下我情況。
我仔喺2歲確診中至嚴重自閉症。排s位，學校都有到校。而我仔2歲已經返學，完全唔識講野，未戒到片，我收到仔仔有自閉症後，都報俾校長知，但校長好好人，佢冇因為我仔有自閉症而放棄佢或叫佢轉校，真心好感動。

作者: twinstar_baby 時間: 18-8-6 23:39 標題: 回覆樓主

到要升k1, 我仲有一個大女，但唔同仔同校，當初想幫仔轉去家姐學校讀書，果陣不斷諗，應唔應該同呢個校長指明個仔有自閉症，諗左好耐，決定講。校長知道之後，照叫我面試，但得出黎係唔收我仔，但阿女班同學嘅細佬妹收哂！果刻，我終於明乜野要包容，同有教無類！
校長仲賴好想安慰我話都要經過面試。
咁我果陣諗，唔緊要，阿仔讀緊果間可以直算讀k1, 仲要有到校，怕乜？好過個女學校乜支援都冇！
我仔依家4歲喇，仍然未講到野，仍然未戒到片，我自己都教左兩年，黎緊9月正式入讀s位。校長同老師好唔捨得我仔

我真係好感動。一間細學校包容性比所謂宗教學校仲大。

作者: twinstar_baby 時間: 18-8-6 23:39 標題: 回覆樓主

媽媽，我個人會覺得，揀一間有愛心有包容嘅學校更重要，你仔仔學校校長咁樣講，真係冇乜愛心可言，俾我真係會擔心個仔返學情況。
希望我分享幫到你

作者: zhuyimin 時間: 18-8-7 13:09

幼稚園已經係甘, 都唔知小學點算好了.
見步行步啦~

歡迎光臨教育王國 (/)