教育王國
標題: 小朋友參加校外比賽，學校會給與培訓嗎？ [打印本頁]
作者: kittyBB2018 時間: 18-7-30 11:06 標題: 小朋友參加校外比賽，學校會給與培訓嗎？
小朋友在某些方面有些天分，所以常常會被學校委派去參加某些比賽。
但學校從來都沒有幫忙培訓過。但得來的榮譽卻常常算作學校的榮譽。
其他的學校都是這樣嗎？
作者: MissUmuch 時間: 18-7-30 12:27
kittyBB2018 發表於 18-7-30 11:06 
小朋友在某些方面有些天分，所以常常會被學校委派去參加某些比賽。
但學校從來都沒有幫忙培訓過。但得來的 ...
我小朋友過去一年代表學校參加7個比賽， 1個朗誦， 4個數學， 2個舞蹈比賽。 數學同舞蹈 都係入校隊， 定期訓練或加操， 朗誦比賽就比賽前2個月， 有老師安排練習同教技巧。
得獎係嗰人賽就獎牌獎盃歸自己， 如果團體賽， 獎盃榮譽就歸學校的， 但成績表會註明得獎項目， 記優點小功。
作者: b3410 時間: 18-7-30 12:29
我諗大部分學校都係咁
除非一些集體項目，學校可能要幫手train, 個人項目大部分靠自己。
榮譽好難話只歸於學校，大家不同層面，win win。
作者: 貪靚媽 時間: 18-7-30 17:28 標題: 回覆樓主
我諗學校只不過在網頁或校訊之類公佈並恭喜得獎學生，並不是冒認訓練，那不算將榮耀歸學校吧
作者: HaYi 時間: 18-7-30 19:25
我地學校如果是朗誦節的個人朗讀, 由學校提名的就免參加費及有老師在課後加操, 被提名的通常我估是上年得到前三的人. 同一個比賽亦可以自己自由經學校報, 學校老師會上堂時當課外讀物教全班少少, 有冇參加都可以學多一點. 其它訓練要靠自己. 如果是團體賽, 集誦是校隊會有老師教. 合唱同其它體育校隊都一樣有, 不過如果以私人名義去參加比賽, 學校老師唔會參與, 成績亦未必被學校登出. ( 初小時我大仔試過取得不少公開比賽的獎, 年尾回報學校, 學校都冇登出校網, 應該是經學校參加的個人比賽成績才有機會上校網. )
作者: retriever 時間: 18-7-30 19:57
kittyBB2018 發表於 18-7-30 11:06
小朋友在某些方面有些天分，所以常常會被學校委派去參加某些比賽。
但學校從來都沒有幫忙培訓過。但得來的 ...
被學校派應該少少培訓都有架。
我地自己參加就自己訓，代表學校，就學校訓。
作者: 小曳人 時間: 18-7-31 10:43
我覺得係常態，初小時被派出某數學比賽，因為高小先有數學校隊，所以初小時的確零support，就算幾年都攞冠軍，但speech day 連台都無份上...
但到高小有校隊之後，個別賽事會做一次past paper同埋解一下題咁多囉
作者: siden 時間: 18-7-31 12:59
kittyBB2018 發表於 18-7-30 11:06
小朋友在某些方面有些天分，所以常常會被學校委派去參加某些比賽。
但學校從來都沒有幫忙培訓過。但得來的 ...
大把學校係咁la
作者: greentea000 時間: 18-8-1 22:36 標題: 回覆樓主:
我地學校如果係＂代表學校參賽＂（只可以學校為單位既比賽）一定有培訓，例如＂香港數學創意解難比賽＂（教育局資優教育組及香港教育工作者聯會聯合舉辦），就暑假每星期兩日訓練，每次2小時。拎到獎會寫係校網同成績表。
作者: 已刪除用戶 時間: 18-8-2 10:39
想當年我囡同師兄姐幫學校打左兩屆學界賽總亞軍返黎, 無一個學生係學校培訓, 學校只係出左報名費.
作者: little_yolky 時間: 18-8-3 11:13
MissUmuch 發表於 18-7-30 12:27
我小朋友過去一年代表學校參加7個比賽， 1個朗誦， 4個數學， 2個舞蹈比賽。 數學同舞蹈 都係入校隊， 定 ...
好彩果日有家長影過張分紙, 唔係直頭以為阿大講大話。
作者: noverzero 時間: 18-8-3 11:24
我記得有家長話學校提供培訓, 但又話學校迫佢仔女參賽,
所以有就有, 冇就冇啦, 唔好強求.
作者: kittyBB2018 時間: 18-8-3 14:46
我見學校政績就有寫多少學生得獎（無寫名），得什麽獎，寫到好像是學校培養的一樣。但實情是學校只是報名，什么培訓也沒有。
作者: RunningPig 時間: 18-8-3 23:25 標題: 回覆樓主:
就算係咁樣個機會都係學校俾你，攞到獎大家開心，可必太計較
| 歡迎光臨 教育王國 (/) |
Powered by Discuz! X1.5 |