教育王國

標題: 升大學季節（左丁山） [打印本頁]

作者: elbar 時間: 18-7-26 13:47 標題: 升大學季節（左丁山）

大學收生季節已到，左丁山平時識少少扮代表，朋友以為左丁山係「升學導師」，今個「入學季節」竟然收到一連串詢問。一位紐約朋友來電訊問：「中國大陸一位好朋友之子得大學取錄為博士生，可否代查詢研究生宿舍有無宿位？」於是向中大一位相熟教授問一問，他說：「最好盡快來港申請入住，不要遲過八月上旬。」於是據此回答，誰知紐約朋友傳來一份大學取錄函件，那間大學卻是University of Hong Kong，為之失笑，朋友亦隨即向左丁山說鎖你鎖你。

又有泰國朋友女兒在曼谷美國國際學校畢業，憑SAT，AP成績獲中大兩個學系取錄，其中一個是商管，為了現實原因，當然是選擇了商管，朋友問：「知道中大有書院制，請問女兒應選取那一間書院？務必要有宿舍可住。」在香港讀書，住宿真是一個大問題，不能掉以輕心。中大的九間書院之中，新書院宿位較多，學生數目亦較少，成為吸引新生的最主要原因，善衡書院已成為最熱門選擇，晨興亦然，敬文書院只收三百學生，每年75位新生，有三百個宿位，學生可住足四年；外國學生入新亞必可四年三宿，本地生四年一宿，故此新亞已加緊籌建新宿舍一座，於2023年前落成，而崇基聯合亦有興建新宿舍的計劃。朋友聞訊，回答說：「遠水難救近火，叫女兒選擇敬文、善衡、晨興算了，碰碰彩數！」

香港朋友來電問：「女兒DSE成績出乎意料的好，本來報了商學院，現在有資格選擇商學與法學雙學位，你認為如何？」既得隴，又望蜀，亦人之常情也，雙學位要攻讀五年，是否值得，見仁見智。左丁山經常以為，如讀專業課程（如會計、法律），應該畢業後考取CPA或律師專業資格，否則不如不讀，讀會計而不是會計師，讀法律而不是律師，在中環商界打拼，總會給有牌會計師律師騎在頭上，純粹讀商科從商，反而沒有這樣的壓力；讀雙學位比較辛苦，一旦應付不來，可能兩頭唔到岸。七月十五日馬季最後一天，在馬場遇到肥仔K一位昔年暑期班女同學，她在外國讀商學，回港後加入「碧科」考得CPA會計師資格，又到中大讀JD，然後考取律師資格，現於一間律師行做IPO律師，工作時間很長，她說：「一次早上六時放工回到家中，爸爸坐在客廳等我！」香港的女孩子既聰明又拼搏，如這位IPO律師便是人辦，朋友的女兒如選擇在中大攻讀商學法學雙學位，左丁山實在不應潑冷水！

左丁山

作者: shadeslayer 時間: 18-7-26 18:07

elbar 發表於 18-7-26 13:47
大學收生季節已到，左丁山平時識少少扮代表，朋友以為左丁山係「升學導師」，今個「入學季節」竟然收到 ...

讀工程，唔拿注冊工程師又好多，有乜唔同？

作者: ANChan59 時間: 18-7-27 22:34

shadeslayer 發表於 18-7-26 18:07
讀工程，唔拿注冊工程師又好多，有乜唔同？

工程師資格看 Discipline 的需要及當地法例及文化。

Civil 及 structural 最多人注册成為工程師，亦最多枯枝，看看近年的基建項目醜聞！

作者: ANChan59 時間: 18-7-27 22:40 標題: 回覆樓主

會計及法律都有人滿之患，例如左丁山好大機會一個專業資格都冇，才會覺得吃香。

不要話人哋，我都鼓勵自己孩子考專業資格，不為發達或前途似「咁」，只是一件爛棉衲。還有，當他打算離開香港搵食，有資格多些少機會！

作者: cow 時間: 18-7-27 23:35

本帖最後由 cow 於 18-7-27 23:49 編輯

shadeslayer 發表於 18-7-26 18:07
讀工程，唔拿注冊工程師又好多，有乜唔同？

政府同某啲大工司，某啲grade要係HKIE member (專業工程師 ) chartered engineer(特許工程師) 或registered engineer(註冊工程師). 後者係獲前兩者之一資格一年後，比錢註冊就得。
政府好似只接受hkie.

作者: cow 時間: 18-7-27 23:37

本帖最後由 cow 於 18-7-27 23:37 編輯

ANChan59 發表於 18-7-27 22:34
工程師資格看 Discipline 的需要及當地法例及文化。

Civil 及 structural 最多人注册成為工程師，亦最多 ...

佔hkie member一半以上。

作者: shadeslayer 時間: 18-7-28 08:23

ANChan59 發表於 18-7-27 22:40
會計及法律都有人滿之患，例如左丁山好大機會一個專業資格都冇，才會覺得吃香。

不要話人哋，我都鼓勵自己 ...

我感覺，工程人員以前有牌和無牌，做私人商業公司，就算非專業性高如結構，待遇分别也很大。而家待遇分别細了，唔知係咪同有牌工程師隨大學學位多了。

法律唔同，有PCLL 守門口。

作者: shadeslayer 時間: 18-7-28 08:27

cow 發表於 18-7-27 23:35
政府同某啲大工司，某啲grade要係HKIE member (專業工程師 ) chartered engineer(特許工程師) 或register ...

而家真係只有政府和好少部份公司，會因為你無工程牌唔比你升某某位。除了某些如陳Sir說的 structural 等等。

但律師不同，間間律師行都只能用有牌律師。

作者: cow 時間: 18-7-28 09:22

本帖最後由 cow 於 18-7-28 09:22 編輯

shadeslayer 發表於 18-7-28 08:27
而家真係只有政府和好少部份公司，會因為你無工程牌唔比你升某某位。除了某些如陳Sir說的 structural 等等 ...

全對！civil/structural engineer無牌唔得，electrical/mechanical/building 都有啲用，electronic/computer就真係入政府港鐵中電等先有用。無辦法，當年對civil無興趣。

作者: shadeslayer 時間: 18-7-28 13:40

cow 發表於 18-7-28 09:22
全對！civil/structural engineer無牌唔得，electrical/mechanical/building 都有啲用，electronic/comput ...

唔過隔離講下 Liberal Arts and Programming?

作者: ANChan59 時間: 18-7-28 21:51

cow 發表於 18-7-27 23:35
政府同某啲大工司，某啲grade要係HKIE member (專業工程師 ) chartered engineer(特許工程師) 或register ...

Registered Professional Engineer (RPE) 係可以容許非 HKlE Member 申請，但可能按不同discipline 要求要考試。

我好早已經有RPE資格，但一直冇幫人簽名，因為不少是為地盆設備安全背書，我信唔過佢地的所謂安全，自己冇時間落 site，唔想就咁簽名，無謂俾人累咗去坐監！

RPE是1990按法律成立，源於北角地盤籠lift 墜下意外而立法。

作者: ANChan59 時間: 18-7-28 22:03

shadeslayer 發表於 18-7-28 08:23
我感覺，工程人員以前有牌和無牌，做私人商業公司，就算非專業性高如結構，待遇分别也很大。而家待遇分别 ...

正常有牌同冇牌有一段距離，但有特殊例子，我當年剛剛有英國工程師學會牌，某政府部門請我，但我要減薪幅度達四成，個副處長好想請我，因為我一些特殊行業經驗，但個EO話 match 唔到，他們唔計我在MNC的幾年管理經驗，唔計MBA，只計有牌後的年資及MSc，AD都唔好意思！

如果是政府專業職系，工程顧問公司，大部分都是有牌！

不少讀完律師或者PCLL 都未必會執業。

作者: shadeslayer 時間: 18-7-29 01:52

ANChan59 發表於 18-7-28 22:03
正常有牌同冇牌有一段距離，但有特殊例子，我當年剛剛有英國工程師學會牌，某政府部門請我，但我要減薪幅 ...

本帖最後由 shadeslayer 於 18-7-29 01:53 編輯

一早講政府和少數老牌大公司，做事咁死板，有牌係有分别。其他。。。。

工程承辦商工程師一定唔使。工程顧問公司，以前大公司考到牌即刻跳 grade，而家Arup也無呢支歌仔。

工程顧問而家搶得好底價，好多層也未必有牌。有牌也未必有料。

其實和大學生學歴通脹一樣，一早個牌也是通脤。近十年廿年一般工程牌好易拿。

歡迎光臨教育王國 (/)